ಮಡಿಲಗಣಕ ಅಥವಾ ಲ್ಯಾಪ್‌ಟಾಪ್

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
IBM ಥಿಂಕ್‌ಪ್ಯಾಡ್ R51 ಲ್ಯಾಪ್‌ಟಾಪ್

ಲ್ಯಾಪ್‌ಟಾಪ್ ಎಂಬುದು ಖಾಸಗಿ ಕಂಪ್ಯೂಟರ್, ಅದನ್ನು ವಿನ್ಯಾಸಗೊಳಿಸಿರುವುದು ಸಂಚಾರಿ ಬಳಕೆಗೆ ಮತ್ತು ಅದು ಸಣ್ಣ ಹಾಗೂ ಹಗುರ ಇದ್ದು ಬಳಸುವವರು ತಮ್ಮ ಮಡಿಲ ಮೇಲಿಟ್ಟುಕೊಂಡು ಉಪಯೋಗಿಸಬಹುದಾಗಿದೆ.[೧] ಡೆಸ್ಕ್ ಟಾಪ್ ಕಂಪ್ಯೂಟರ್ ನೊಳಗಡೆ ಏನೇನು ಸಂಯೋಜನೆಗೊಂಡಿವೆಯೋ ಅವುಗಳಲ್ಲಿ ಬಹುತೇಖ ಲ್ಯಾಪ್‌ಟಾಪ್ ನಲ್ಲೂ ಇದೆ. ಮುಖ್ಯವಾಗಿ ಪ್ರದರ್ಶಕ, ಕೀಲಿ ಮಣೆ, ಗುರಿ ಸಾಧಕ, (ಟ್ರ್ಯಾಕ್‌ಪ್ಯಾಡ್ ಎಂದೂ ಕರೆಯಲ್ಪಡುವ ಟಚ್‌ಪ್ಯಾಡ್, ಮತ್ತು/ಅಥವಾ ಪಾಯ್ನ್‌ಟಿಂಗ್ ಸ್ಟಿಕ್), ಧ್ವನಿಪೆಟ್ಟಿಗೆಗಳು,ಮತ್ತು ಸಣ್ಣ ಹಾಗು ಹಗೂರವಾದ ಬ್ಯಾಟರಿ ಇರುತ್ತದೆ. ಪುನರಾವೇಶಿಸಬಲ್ಲ ಬ್ಯಾಟರಿ (ಅಳವಡಿಸಿದ್ದರೆ) ಅದನ್ನು AC ಅಡಾಪ್ಟರ್ ನಿಂದ ಆವೇಶಿಸಿರಲಾಗುತ್ತದೆ ಮತ್ತು ಲ್ಯಾಪ್‌ಟಾಪ್ ಅನ್ನು ಎರಡು ರಿಂದ ಮೂರು ಗಂಟೆವರೆಗೆ ಆರಂಭದ ಅವಧಿಯಲ್ಲಿ ಬಳಸಲಾಗುವಂತೆ ಆವೇಶಿಸಿರಲಾಗುತ್ತದೆ,ಇದು ಕಂಪ್ಯೂಟರ್ ಅನ್ನು ಎಷ್ಟು ಪ್ರಮಾಣಕ್ಕೆ ಸಂಯೋಜಿಸಿದ್ದಾರೆ ಎಂಬುದರ ಮೇಲೆ ಅವಲಂಬಿಸಿರುತ್ತದೆ.

ಲ್ಯಾಪ್‌ಟಾಪ್‌ಗಳನ್ನು ದೊಡ್ಡ ನೋಟ್‌ಬುಕ್ ಕಾಣಿಸುವಂತೆ ರೂಪಿಸಲಾಗಿದೆ, ಅದರ ದಪ್ಪ 0.7–1.5 inches (18–38 mm) ರಿಂದ ಇರುತ್ತದೆ ಮತ್ತು ಅಳತೆ 10x8 ಇಂಚುಗಳಿಂದ (27x22cm, 13" ಪ್ರದರ್ಶಕ) 15x11 ಇಂಚುಗಳವರೆಗೂ (39x28cm, 17" ಪ್ರದರ್ಶಕ) ಮತ್ತು ಅದಕ್ಕೂ ಹೆಚ್ಚಿನ ಅಳತೆಯಲ್ಲೂ ಸಿಗುತ್ತದೆ. ಆಧುನಿಕ ಲ್ಯಾಪ್‌ಟಾಪ್‌ಗಳು 3 to 12 pounds (1.4 to 5.4 kg) ತೂಕವುಳ್ಳದಾದರೆ;ಹಳೆಯವು ಭಾರವೇ ಇರುತ್ತಿದ್ದವು. ಅನೇಕ ಲ್ಯಾಪ್‌ಟಾಪ್‌ಗಳನ್ನು, ಅವುಗಳ ಪರದೆ ಮತ್ತು ಕೀಲಿಮಣೆಯ ರಕ್ಷಣೆಗಾಗಿ ಮಗುಚುವಿಕೆ ಆಕಾರದ ಅಂಶವನ್ನು ಅಳವಡಿಸಿ ವಿನ್ಯಾಸಗೊಳಿಸಿರುತ್ತಾರೆ. ಆಧುನಿಕ ಟ್ಯಾಬ್ಲೆಟ್ ಲ್ಯಾಪ್‌ಟಾಪ್‌ಗಳು ಕೀಲಿಮಣೆಯ ನೆಲೆ ಮತ್ತು ಪ್ರದರ್ಶಕಗಳ ನಡುವೆ ತಿರುಪುಕೀಲನ್ನು ಅಳವಡಿಸಲಾಗಿದೆ ಹೇಗೆಂದರೆ ಪ್ರದರ್ಶಕವನ್ನು ಮಗುಚಿದಾಗ ಅದು ಕೀಲಿಮಣೆಯ ನೆಲೆ ಮೇಲೆ ಮಗುಚಿ ಊರಬೇಕೆನ್ನುವ ಹಾಗೆ.

ಮೂಲಭೂತವಾಗಿ ಲ್ಯಾಪ್‌ಟಾಪ್‌ಗಳನ್ನು "ಪರಿಣಿತ ವಲಯಗಳಲ್ಲಿ" ವಿಶೇಷವಾಗಿ "ಮಿಲಿಟರಿ, ಆಂತರಿಕ ವರಮಾನ ಸೇವೆ, ಕರಣಿಕಗಳಲ್ಲಿ ಮತ್ತು ಮಾರಾಟ ಪ್ರತಿನಿಧಿಗಳು ಬಳಸುವೆಡೆಗಳಲ್ಲಿ" ಮಾತ್ರ ಉಪಯೋಗಿಸಲಾಗುತ್ತದೆ ಮತ್ತು ಮಾರುಕಟ್ಟೆಯಲ್ಲಿ ಇದೊಂದು "ಸಣ್ಣ ಗೂಡಿನ ವ್ಯಾಪಾರದಷ್ಟು" ಮಾತ್ರ ಆಗಬಹುದೆಂದು ಭಾವಿಸಲಾಗಿತ್ತು. ಆದರೆ ಇವತ್ತು ವ್ಯಾಪಾರ ವಹಿವಾಟುಗಳಲ್ಲಿ ಡೆಸ್ಕ್‌ಟಾಪ್‌ಗಳಿಗಿಂತ ಲ್ಯಾಪ್‌ಟಾಪ್‌ಗಳ ಸಂಖ್ಯೆಯೇ ಅಧಿಕವಾಗಿ ಬಳಸಲ್ಪಡುತ್ತಿದೆ ಮತ್ತು ವಿದ್ಯಾರ್ಥಿಗಳಿಗೆ ಹಾಗೂ ಸಾಮಾನ್ಯರಿಗೆ ಲ್ಯಾಪ್‌ಟಾಪ್ ಬಳಕೆ ಒಂದು ಅನಿವಾರ್ಯವಾಗಿಬಿಟ್ಟಿದೆ.

USನಲ್ಲಿ 2008ರಲ್ಲಿ ಡೆಸ್ಕ್‌ಟಾಪ್‌ಗಳಿಗಿಂತ ಲ್ಯಾಪ್‌ಟಾಪ್‌ಗಳು ಅಧಿಕವಾಗಿ ಮಾರಾಟವಾಗಿದೆ ಮತ್ತು ಇದು ಹೀಗೇ ಮುಂದುವರೆದರೆ 2009[ಸೂಕ್ತ ಉಲ್ಲೇಖನ ಬೇಕು]ರ ತರುವಾಯ ವಿಶ್ವ ಮಾರುಕಟ್ಟೆಯಲ್ಲೂ ಇದೇ ಮೈಲಿಗಲ್ಲು ಮುಟ್ಟಲಾಗುತ್ತದೆ ಎಂದು ಭವಿಷ್ಯ[who?] ಕಾಣಲಾಗಿದೆ.

ಇತಿಹಾಸ[ಬದಲಾಯಿಸಿ]

ಎಪ್ಸಾನ್ HX-20

1970ರ ಆರಂಭದಲ್ಲಿ ಖಾಸಗಿ ಕಂಪ್ಯೂಟರ್ ಶಕ್ಯವಾದ ಹಾಗೆಯೇ ಒಯ್ಯಬಲ್ಲ, ಎತ್ತಿಕೊಂಡು ಓಡಾಡಬಲ್ಲ ಖಾಸಗಿ ಕಂಪ್ಯೂಟರಿನ ಆಲೋಚನೆ ಉದ್ಭವವಾಯಿತು. "ಖಾಸಗಿಯಾದ, ಒಯ್ಯಬಲ್ಲ ಮಾಹಿತಿಯ ಕುಶಲ ನಿರ್ವಾಹಕ" ವನ್ನು 1968[೨] ರಲ್ಲಿ ಜೆರಾಕ್ಸ್ PARCನಲ್ಲಿ ಅಲ್ಲಾನ್ ಕೇಯ್ ಊಹಿಸಿದ್ದು ಮತ್ತು ಆತ ಅದನ್ನು 1972ರಲ್ಲಿ "ಡೈನಾಬುಕ್"[೩] ಎನ್ನುವ ಲೇಖನದಲ್ಲಿ ವಿವರಿಸಿದ್ದ.

1973ರಲ್ಲಿ IBM SCAMP ಯೋಜನೆ (ಸ್ಪೆಷಲ್ ಕಂಪ್ಯೂಟರ್ APL ಮೆಶೀನ್ ಪೋರ್ಟಬಲ್),ಅನ್ನು ಪ್ರದರ್ಶನ ಮಾಡಲಾಯಿತು. ಇದರ ಮೂಲರೂಪವು PALM ((Put All Logic In Microcode) ಪ್ರೊಸೆಸರ್ ಅಡಿಪಾಯದ ಮೇಲೆ ರೂಪಿಸಲಾಗಿದೆ.

IBM 5100 ಎನ್ನುವ ವಾಣಿಜ್ಯ ಉಪಯೋಗದ ಒಯ್ಯಬಲ್ಲ ಕಂಪ್ಯೂಟರನ್ನು ಸೆಪ್ಟೆಂಬರ್ 1975ರಲ್ಲಿ ಕಾಣಿಸಲಾಯಿತು ಮತ್ತು SCAMP ಮೂಲರೂಪದ ಅಡಿಪಾಯವನ್ನು ಹೊಂದಿದೆ.[೪]

8-ಬಿಟ್ CPU ಯಂತ್ರಗಳು ವ್ಯಾಪಕವಾಗಿ ಅಂಗೀಕೃತವಾದಾಗ ಒಯ್ಯಬಲ್ಲ ಕಂಪ್ಯೂಟರ್‌ಗಳ ಸಂಖ್ಯೆ ಅಧಿಕವಾಯಿತು. ಓಸ್ಬೋರ್ನ್ 1, 1981ರಲ್ಲಿ ಬಿಡುಗಡೆಯಾಯಿತು, ಇದರಲ್ಲಿ ಜಿಲ್ಲಾಗ್ Z80ವನ್ನು ಉಪಯೋಗಿಸಲಾಯಿತು ಮತ್ತು ಅದರ ತೂಕ 23.5 pounds (10.7 kilograms).

ಇದಕ್ಕೆ ಬ್ಯಾಟರಿ ಇರಲಿಲ್ಲ, ಮತ್ತು ಇದರಲ್ಲಿ  5" CRT ಪರದೆ ಮತ್ತು ಇಬ್ಬಗೆಯ 5¼" ಏಕ ಸಾಂದ್ರತೆಯ ಫ್ಲಾಪೀ ಡ್ರೈವ್‌ಗಳು ಇವೆ. ಇದೇ ವರ್ಷದಲ್ಲಿ ಮೊದಲ ಲ್ಯಾಪ್‌ಟಾಪ್ ಗಾತ್ರದ ಒಯ್ಯಬಲ್ಲ ಕಂಪ್ಯೂಟರ್ ಎಪ್ಸಾನ್ HX-20 ಅನ್ನು ಘೋಶಿಸಲಾಯಿತು.[೫] ಎಪ್ಸಾನ್‌ಗೆ LCD ಪರದೆ, ಪುನರಾವೇಶಗೊಳಿಸಬಲ್ಲ ಬ್ಯಾಟರಿ ಮತ್ತು 1.6 kg (3.5 lb) ಚಾಸಿಸ್‌ನಲ್ಲಿ ಕ್ಯಾಲ್ಕುಲೇಟರ್ ಗಾತ್ರದ ಪ್ರಿಂಟರ್ ಇರುತ್ತದೆ. ಟ್ಯಾಂಡಿ/ರೇಡಿಯೋಶ್ಯಾಕ್ ಮತ್ತು HP ಎರಡೂ ಕಂಪನಿಗಳು ವಿವಿಧ ವಿನ್ಯಾಸದ ಒಯ್ಯಬಲ್ಲ ಕಂಪ್ಯೂಟರ್‌ಗಳನ್ನು ಈ ಅವಧಿಯಲ್ಲಿ ಉತ್ಪಾದಿಸಿತು.[೬][೭]

ಮಗುಚುವಿಕೆ ಆಕಾರದ ಅಂಶವುಳ್ಳ ಮೊದಲ ಲ್ಯಾಪ್‌ಟಾಪ್ 1982ರಲ್ಲಿ ಪ್ರತ್ಯಕ್ಷವಾಯಿತು. 8150 US$ GRiD ಕಾಂಪಾಸ್ 1100 ಅನ್ನು ನಾಸಾದಲ್ಲಿ, ಮಿಲಿಟರಿಯಲ್ಲಿ ಮತ್ತು ಇನ್ನಿತರ ಕಡೆಗಳಲ್ಲಿ ಬಳಸಲಾಯಿತು. ಗೆವಿಲಾನ್ SC ಎನ್ನುವ ಮೊದಲ ನೋ‌ಟ್‌ಬುಕ್, 1983ರಲ್ಲಿ ಲ್ಯಾಪ್‌ಟಾಪ್ ಹೆಸರಲ್ಲಿ ಬಿಡುಗಡೆಯಾಯಿತು.[೮] 1983ರ ತರುವಾಯ ಲ್ಯಾಪ್‌ಟಾಪ್ ತಾಂತ್ರಿಕತೆಯಲ್ಲಿ ಹೊಸ ಆವಿಷ್ಕಾರಗಳಾದವು ಅವುಗಳಲ್ಲಿ {0ಟಚ್‌ಪ್ಯಾಡ್{/0} (ಗೆವಿಲಾನ್ SC, 1983), ಪಾಂಯ್ನ್‌ಟಿಂಗ್ ಸ್ಟಿಕ್ (IBM ಥಿಂಕ್‌ಪ್ಯಾಡ್ 700, 1992) ಮತ್ತು ಕೈ ಬರಹ ಗುರುತಿಸುವ (ಲಿನಸ್ ವ್ರೈಟ್- ಟಾಪ್,[೯] 1987).

ಕಡಿಮೆ ಶಕ್ತಿಯನ್ನು ಬಳಸುವ ಕೆಲವು CPUಗಳನ್ನು ವಿನ್ಯಾಸಗೊಳಿಸಲಾಯಿತು ಅವುಗಳಲ್ಲಿ (ಇಂಟೆಲ್ i386SL, 1990), ಮತ್ತು ಇದಕ್ಕೆ ಪೂರಕ ಬೆಂಬಲವಾಗಿ ಶಕ್ತಿಯನ್ನು ಉಸ್ತುವಾರಿ ಮಾಡುವ (ಇಂಟೆಲ್ ಸ್ಪೀಡ್‌ಸ್ಟೆಪ್ ಮತ್ತು AMD ಪವರ್‌ನೌ!) 
ಕೆಲವು ವಿನ್ಯಾಸಗಳಲ್ಲಿ ಇದೆ. ಪ್ರದರ್ಶಕವು 1988ರಲ್ಲಿ VGA ರೆಸಲ್ಯೂಷನ್ ಮಟ್ಟವನ್ನು ತಲುಪಿತು (ಕಾಂಪಾಖ್ SLT/286) ಮತ್ತು 256-ಬಣ್ಣಗಳ ಪರದೆಯು 1993ರಷ್ಟು ಹೊತ್ತಿಗೆ (ಪವರ್‌ಬುಕ್ 165c), ಬಹು ವೇಗವಾಗಿ ಅಭಿವೃದ್ಧಿ ಹೊಂದಿ ದಶ ಲಕ್ಷ ಬಣ್ಣಗಳನ್ನು ಮತ್ತು ಹೆಚ್ಚು ರೆಸಲ್ಯೂಷನ್‌ಗಳನ್ನು ಹೊಂದಲಾಯಿತು.
ಹೆಚ್ಚಿನ ಸಾಮರ್ಥ್ಯದ ಹಾರ್ಡ್ ಡ್ರೈವ್‌ಗಳು ಮತ್ತು ಆಪ್ಟಿಕಲ್ ಸ್ಟೋರೇಜ್ (CD-ROM ಇದರ ಹಿಂದೆಯೇ CD-R ಮತ್ತು CD-RW ಅಂತಿಮವಾಗಿ DVD-ROM ಮತ್ತು ಬರೆಯಬಲ್ಲ ವಿವಿಧ ಆವಿಷ್ಕಾರಗಳು ಡೆಸ್ಕ್‌ಟಾಪ್‌ಗಳ ತರುವಾಯ ಅತೀ ಶೀಘ್ರವಾಗಿ ಲ್ಯಾಪ್‌ಟಾಪ್‌ಗಳಲ್ಲಿ ಲಭ್ಯವಾಯಿತು.

ವರ್ಗೀಕರಣ[ಬದಲಾಯಿಸಿ]

ವಿವಿಧ ವರ್ಗದ ಸಣ್ಣದಾಗಿರುವ, ಒಯ್ಯಬಲ್ಲ ಕಂಪ್ಯೂಟರ್‌ಗಳನ್ನು "ಲ್ಯಾಪ್‌ಟಾಪ್" ಅಥವಾ "ನೋಟ್‌ಬುಕ್" ಎಂದು ಸಾಮಾನ್ಯ ಅರ್ಥದಲ್ಲಿ ಉಲ್ಲೇಖಿಸಬಹುದು.[೧೦][೧೧]

ಉದ್ದೇಶ ಮತ್ತು ಅಂದಾಜು ಪರದೆಯ ಗಾತ್ರದಿಂದ:

  • ಡೆಸ್ಕ್‌ಟಾಪ್ ಬದಲಿಸುವಿಕೆಯಿಂದ-ನಿರ್ವಾಹಣೆಯನ್ನು ಪ್ರಾಧಾನ್ಯಗೊಳಿಸುತ್ತದೆ, 15" ಮತ್ತು ಇನ್ನೂ ದೊಡ್ದ ಪರದೆ;
  • ಮಾನದಂಡದ ಲ್ಯಾಪ್‌ಟಾಪ್ – ಒಯ್ಯಬಲ್ಲ ಮತ್ತು ಇತರ ವಿಶೇಷಣಗಳನ್ನು ಸಮದೂಗಿಸುತ್ತದೆ,13-15" ಪರದೆ:
  • ಉಪ ನೋಟ್‌ಬುಕ್-ಒಯ್ಯಬಲ್ಲ ಸಲಕರಣೆಯು ಇಲ್ಲಿ ಪ್ರಾಧಾನ್ಯವಾಗಿದೆ, ಕಡಿಮೆ ವಿಶೇಷಣಗಳಿವೆ, 12" ಅಥವಾ ಅದಕ್ಕೂ ಸಣ್ಣದಾದ ಪರದೆ.

ಗುಣ ವಿಶೇಷಣಗಳಿಂದ:

  • ದೃಢವಾದ- ಕಠಿಣವಾದ ಪರಿಸ್ಥಿತಿಯಲ್ಲಿ (ಬಲಿಷ್ಠ ಕಂಪನಗಳಲ್ಲಿ, ತೀವ್ರತರವಾದ ತಾಪಮಾನಗಳಲ್ಲಿ, ತೇವಾಂಶ ಮತ್ತು ಧೂಳಿನ ಪರಿಸರಗಳಲ್ಲಿ) ಕಾರ್ಯ ನಿರ್ವಹಿಸಲು ರೂಪಿಸಲಾಗಿದೆ.

ಡೆಸ್ಕ್‌ಟಾಪ್ ಬದಲಾವಣೆ[ಬದಲಾಯಿಸಿ]

ಡೆಲ್ XPS M140 ಲ್ಯಾಪ್‌ಟಾಪ್.

ಡೆಸ್ಕ್‌ಟಾಪ್‍ಗೆ ಬದಲೀ ಕಂಪ್ಯೂಟರ್ ಲ್ಯಾಪ್‌ಟಾಪ್,ಡೆಸ್ಕ್‌ಟಾಪ್‌ನ ಅನೇಕ ಸಾಮರ್ಥ್ಯಗಳನ್ನು ಅದೇ ಮಟ್ಟದ ನಿರ್ವಹಣೆಯ ಜೊತೆಗೆ ಒದಗಿಸುತ್ತದೆ. ಡೆಸ್ಕ್‌ಟಾಪ್‌ನ ಬದಲೀ ಕಂಪ್ಯೂಟರ್ ಮಾನದಂಡದ ಲ್ಯಾಪ್‌ಟಾಪ್‌ಗಳಿಗಿಂತ ಸಾಮಾನ್ಯವಾಗಿ ದೊಡ್ದ ಗಾತ್ರ ಮತ್ತು ಹೆಚ್ಚು ಭಾರವುಳ್ಳದಾಗಿರುತ್ತದೆ. ಇವು ಶಕ್ತಿಯುತವಾದ ಆವಯವಗಳನ್ನು ಮತ್ತು 15" ಅಥವಾ ಅದಕ್ಕೂ ದೊಡ್ದ ಪ್ರದರ್ಶಕವನ್ನು ಹೊಂದಿರುತ್ತದೆ.[೧೧] ಅದರ ದೊಡ್ಡ ಗಾತ್ರದಿಂದಾಗಿ ಅವುಗಳನ್ನು ಬೇರೆ ಲ್ಯಾಪ್‌ಟಾಪ್‌ಗಳನ್ನು ಸುಲಭವಾಗಿ ಒಯ್ಯುವಂತೆ ಒಯ್ಯುವುದಕ್ಕಾಗುವುದಿಲ್ಲ ಮತ್ತು ಬರೀ ಅದರ ಬ್ಯಾಟರಿಗಳ ಮೇಲೆಯೇ ಹೆಚ್ಚು ಹೊತ್ತು ಕಾರ್ಯನಿರ್ವಹಿಸುವುದಕ್ಕೂ ಆಗುವುದಿಲ್ಲ; ಬದಲಾಗಿ, ಅವುಗಳನ್ನು ಡೆಸ್ಕ್‌ಟಾಪ್‌ಗೆ ಪರ್ಯಾಯವಾಗಿ ಎತ್ತಿಕೊಂಡು ಸ್ಥಳಾಂತರಿಸಬಹುದಷ್ಟೇ.[೧೧]

ಈ ವರ್ಗದ ಕೆಲವು ಲ್ಯಾಪ್‌ಟಾಪ್‌ಗಳಿಗೆ ಡೆಸ್ಕ್‌ಟಾಪ್‌ನ ಕೆಲವು ಆವಯವಗಳನ್ನು ಸೀಮಿತವಾಗಿ ಅಳವಡಿಸಿದ್ದಲ್ಲಿ ಅವು ಕೇವಲ ಬ್ಯಾಟರಿಯ ಬೆಲೆಗೆ ಲಭ್ಯವಾಗಿ ಒಳ್ಳೆ ನಿರ್ವಹಣೆಯನ್ನು ಕೊಡುತ್ತದೆ; ಇಂಥ ಕೆಲವು ಮಾದರಿಗಳಲ್ಲಿ ಬ್ಯಾಟರಿಗಳೇ ಇರುವುದಿಲ್ಲ ಮತ್ತು ಲ್ಯಾಪ್‌ಟಾಪ್‌ಗಳನ್ನು ವಿದ್ಯುತ್ ಬಳಸಿಯೇ ಉಪಯೋಗಿಸಬೇಕು.ಇವುಗಳನ್ನು ಕೆಲವು ಸಾರಿ ಡೆಸ್ಕ್‌ನೋಟ್ಸ್ ಎಂದು ಕರೆಯುವುದೂ ಉಂಟು, ಪೋರ್ಟ್‌ಮಾಂಟೀಯೋ "ಡೆಸ್ಕ್‌ಟಾಪ್" ಮತ್ತು "ನೋಟ್‌ಬುಕ್"ನ ಬೆರೆಕೆ ಪದ, ಅದಾಗ್ಯೂ ಈ ಪದವನ್ನು ಸಾಮಾನ್ಯವಾಗಿ ಡೆಸ್ಕ್‌ಟಾಪ್ ಬದಲೀ ಕಂಪ್ಯೂಟರ್‌ಗಳಿಗೂ ಬಳಸುವುದಿದೆ.[೧೨]

2000ರ ಆದಿಯಲ್ಲಿ ಡೆಸ್ಕ್‌ಟಾಪ್‌ಗಳು ಹೆಚ್ಚು ಶಕ್ತಿಯುತವಾಗಿರುತ್ತದೆ, ಸುಲಭವಾಗಿ ಉತ್ತಮಗೊಳಿಸಬಹುದಾಗಿದೆ ಮತ್ತು ಲ್ಯಾಪ್‌ಟಾಪ್‌ಗಳಿಗಿಂತ ಕಡಿಮೆ ದರದಲ್ಲಿ ಲಭ್ಯವಾಗುತ್ತದೆ. ಆದರೆ ಕೆಲವು ವರ್ಷಗಳಿಂದೀಚೆಗೆ ಪ್ರಯೋಜನಗಳು ಗಮನಾರ್ಹವಾಗಿ ಬದಲಾಗಿದೆ ಅಥವಾ ಕಡಿಮೆಗೊಂಡಿದೆ ಕಾರಣ ಲ್ಯಾಪ್‌ಟಾಪ್‌ಗಳ ಕಾರ್ಯ ನಿರ್ವಹಣೆ ಗುರುತರವಾಗಿ ಬೆಳೆದಿದೆ.[೧೩] 2008ರ ಮಧ್ಯದಿಂದ ಲ್ಯಾಪ್‌ಟಾಪ್‌ಗಳು ಡೆಸ್ಕ್‌ಟಾಪ್‌ಗಳ ಮಾರಾಟದಲ್ಲಿ ಡೆಸ್ಕ್‌ಟಾಪ್‌ಗಳನ್ನು ಮೊದಲ ಬಾರಿಗೆ ಮೂಲೆಗುಂಪು ಮಾಡಿತು. 2008ರಲ್ಲಿ U.S.,ನಲ್ಲಿ PC ಶಿಪಮೆಂಟ್ ಶೇಖಡ 10ರಷ್ಟು ನಾಲ್ಕನೆ ತ್ರೈಮಾಸಿಕದಲ್ಲಿ ಕಡಿಮೆಗೊಂಡಿತು. PC ಅಂಕಿ ಅಂಶಗಳ ಅಧ್ಯಯನ ಶುರುವಾದಾಗಿನಿಂದ ಏಷಿಯಾದಲ್ಲಿ PC ಶಿಪಮೆಂಟ್ ಬೆಳವಣಿಗೆ 1.8 ಶೇಖಡ ಅದೇ ತ್ರೈಮಾಸಿಕದಲ್ಲಿ ಹಿಂದಿನ ವರ್ಷಕ್ಕಿಂತ ಏರಿಕೆ ಕಂಡಿತು.[೧೪]

"ಮೀಡಿಯಾ ಸೆಂಟರ್ ಲ್ಯಾಪ್‌ಟಾಪ್‌ಗಳು " ಮತ್ತು "ಗೇಮಿಂಗ್ ಲ್ಯಾಪ್‌ಟಾಪ್‌ಗಳು " ಎಂಬ ಹೆಸರುಗಳು ಯಾವ ನೋಟ್‌ಬುಕ್‌ಗಳ ವರ್ಗಕ್ಕೆ ಸೇರಿದವೆಂದು ವಿವರಿಸುವುದಕ್ಕೆ ಬಳಸಲಾಗುತ್ತದೆ.[೧೦]

ಉಪನೋಟ್‌ಬುಕ್[ಬದಲಾಯಿಸಿ]

ಸೋನಿ VAIO C1 ಸಬ್‌ನೋಟ್‌ಬುಕ್.

ಅಲ್ಟ್ರಾಪೋರ್ಟಬಲ್ ಎಂದು ಕೆಲವು ಮಾರಾಟಗಾರರು ಕರೆಯುವ ಉಪನೋ‌ಟ್‌ಬುಕ್‌ ಲ್ಯಾಪ್‌ಟಾಪ್ ಆಗಿದ್ದು ಇದನ್ನು ಒಯ್ಯಬಲ್ಲ ಕಾರಣಗಳಿಗೇ ವಿನ್ಯಾಸಗೊಳಿಸಿ ಮಾರಾಟಮಾಡುತ್ತಿರುವುದಾಗಿದೆ (ಚಿಕ್ಕ ಅಳತೆಯ, ಕಡಿಮೆ ತೂಕದ ಮತ್ತು ಅಧಿಕ ಬ್ಯಾಟರಿ ಜೀವಾಳವನ್ನ) ಪಡೆದಿರುವ ಇದು ಮಾನದಂಡದ ನೋಟ್‌ಬುಕ್ ನಿರ್ವಹಣೆಯನ್ನೇ ಉಳಿಸಿಕೊಂಡಿರುತ್ತದೆ.[೧೫]

ಮಾನದಂಡದ ಲ್ಯಾಪ್‌ಟಾಪ್‌ಗಳಿಗಿಂತ ಉಪ ನೋಟ್‌ಬುಕ್‌ಗಳು ಸಾಮಾನ್ಯವಾಗಿ ಚಿಕ್ಕ ಗಾತ್ರದವು ಮತ್ತು ಹಗುರವಾದವು, ಅದರ ತೂಕ 0.8 ರಿಂದ 2 kg (2 ರಿಂದ 5 ಪೌಂಡ್ಸ್);[೧೦] ದೊಡ್ಡ ಅಥವಾ ಹೆಚ್ಚುವರಿ ಬ್ಯಾಟರಿ ಅಳವಡಿಸಿದ್ದಲ್ಲಿ 10 ಗಂಟೆಗೂ[೧೬] ಮೀರಿ ಬಳಸಬಹುದು.

ಗಾತ್ರ ಮತ್ತು ಅಳತೆಯನ್ನು ಕಡಿಮೆಗೊಳಿಸುವುದನ್ನು ಸಾಧಿಸಬೇಕಾದರೆ ಅಲ್ಟ್ರಾಪೋರ್ಟಬಲ್‌ಗಳು 13"ಗಳ ಹೆಚ್ಚಿನ ರೆಸಲ್ಯೂಷನ್ಸ್ ಇರುವ ಚಿಕ್ಕ ಪರದೆಗಳಿರಬೇಕು (6.4"ನಷ್ಟು ಕಡಿಮೆ), ಕಡಿಮೆ ಪೋರ್ಟ್ಸ್ ಗಳಿರಬೇಕು, ಕಡಿಮೆ ಗಾತ್ರದ ಮತ್ತು ಉತ್ತಮ ಪವರ್ ದಕ್ಷತೆಯುಳ್ಳ ದುಬಾರಿ ಸಲಕರಣೆಗಳನ್ನು ಅಳವಡಿಸಬೇಕು ಮತ್ತು ಆಧುನಿಕ ರೀತಿಯಲ್ಲಿ ಆಧುನಿಕ ಪದಾರ್ಥಗಳನ್ನು ಬಳಸಬೇಕು. ಕೆಲವು ಉಪ‌ನೋಟ್‌ಬುಕ್‌ಗಳು ಒಯ್ಯಬಲ್ಲ ಸಾಧ್ಯತೆಗಳನ್ನು ಅಭಿವೃದ್ಧಿ ಮಾಡಿಕೊಳ್ಳುವುದಕ್ಕೋಸ್ಕರ ಆಪ್ಟಿಕಲ್/ತೆಗೆಯಲ್ಪಡಬಹುದಾದ ಮೀಡಿಯಾ ಡ್ರೈವ್ ಅನ್ನು ಉಪೇಕ್ಷಿಸುತ್ತದೆ;ಈ ವಿಚಾರದಲ್ಲಿ ಅವು ಡಾಕಿಂಗ್ ಸ್ಟೇಷನ್ ಎಂಬುದರೊಂದಿಗೆ ಜೋಡಣೆಗೊಳ್ಳುತ್ತದೆ ಆಗ ಅದರಲ್ಲಿ ಡ್ರೈವ್ ಮತ್ತು ಹೆಚ್ಚು ಪೋರ್ಟ್‌ಗಳನ್ನು ಹೊಂದಿರುತ್ತದೆ ಅಥವಾ ಹೆಚ್ಚುವರಿ ಬ್ಯಾಟರಿ ಇರುತ್ತದೆ.

ಪರಿಣಿತ ವಿಶೇಷ ಸಾಫ್ಟ್ ವೇರ್ ಗಳಾದ ವಿಂಡೋಸ್ CE, ಪಾಮ್ OS ಅಥವಾ ಇಂಟರ್‌ನೆಟ್ ಟ್ಯಾಬ್ಲೆಟ್ OSಗೆ ಬದಲಾಗಿ ಸಾಮಾನ್ಯ-ನಿರ್ದಿಷ್ಟ ಕಾರಣಗಳಿಗೆ ಕಾರ್ಯಮಾಡಲು ಇರುವ ವಿಂಡೋಸ್, ಲಿನಕ್ಸ್ ಅಥವಾ ಮ್ಯಾಕ್ OS Xನಂಥ ಅನ್ವಯಿಕ ವ್ಯವಸ್ಥೆಗಳೊಂದಿಗೆ ಕಾರ್ಯವೆಸಗುವ ಲ್ಯಾಪ್‌ಟಾಪ್‌ಗಳಿಗೇ "ಸಬ್‌ನೋಟ್‌ಬುಕ್" ಎಂಬ ಶಬ್ದವು ಮೀಸಲಾಗಿದೆ.

ನೆಟ್‌ಬುಕ್[ಬದಲಾಯಿಸಿ]

ಆಸಸ್ Eee PC ನೆಟ್‌ಬುಕ್.

ನೆಟ್‌ಬುಕ್ ಗಳು ಹಗೂರವಾದ, ಸುಲಭ ಬೆಲೆಯ, ಉತ್ತಮ ಶಕ್ತಿ ಸಾಮರ್ಥ್ಯವನ್ನು ಹೊಂದಿರುವ ಲ್ಯಾಪ್‌ಟಾಪ್‌ಗಳು, ವಿಶೇಷವಾಗಿ ವೈರ್ ರಹಿತ ಸಂವಹನಗಳಿಗೆ ಮತ್ತು ಇಂಟರ್‌ನೆಟ್ ಪ್ರವೇಶಕ್ಕೆ ಸೂಕ್ತವಾಗಿರುತ್ತದೆ.[೧೭][೧೮] ಆದುದ್ದರಿಂದಲ್ಲೇ ನೆಟ್‌ಬುಕ್ (ಈ ಉಪಕರಣ ವೆಬ್ ಅಡಿಪಾಯದ ಮೇಲೆ ಉತ್ತಮವಾಗಿ ಕಾರ್ಯ ನಿರ್ವಹಿಸುವುದರಿಂದ)[೧೯] ಈ ಹೆಸರಿನಿಂದ ಕರೆಯಲ್ಪಡುತ್ತದೆ, ನೋಟ್‌ಬುಕ್ ಗಾತ್ರದ ಸಂಬಂದ್ಧವಾಗಿರುತ್ತದೆ.[೨೦]

ನೆಟ್‌ಬುಕ್‌ಗಳಲ್ಲಿ ವೆಬ್ ಬ್ರೌಸಿಂಗ್ ಮತ್ತು ಇ-ಮೇಲಿಂಗ್ಗೆ ಪ್ರಾಥಮಿಕ ಗಮನವನ್ನು ಕೊಟ್ಟಿರುವುದರಿಂದ ವೆಬ್ ಅಡಿಪಾಯದ ಅನ್ವಯಗಳನ್ನು ಅಥವಾ ಅಪ್ಲಿಕೇಷನ್‌ಗಳನ್ನು "[೧೯] ದೂರದಿಂದ ಪ್ರವೇಶ ಸಾಧ್ಯಮಾಡಿಕೊಳ್ಳುವುದಕ್ಕೆ ಅವು ಇಂಟರ್‌ನೆಟ್ ಮೇಲೆ ಸಂಪೂರ್ಣವಾಗಿ ಅವಲಂಬಿಸಿರುತ್ತವೆ ಮತ್ತು ಕಡಿಮೆ ಶಕ್ತಿಯ ಕ್ಲೈಂಟ್ ಕಂಪ್ಯೂಟರ್ಗಿಂತ ಸರ್ವರ್ ಅನ್ನು ಅವಲಂಬಿಸುವ ಕ್ಲೌಡ್ ಕಂಪ್ಯೂಟಿಂಗ್ ಬಳಕೆದಾರರನ್ನು ಹೆಚ್ಚು ಗುರಿಮಾಡಲಾಗಿರುತ್ತದೆ.[೨೧]

5 ಇಂಚು[೨೨] ಗಳಿಂದ 12ರವರೆಗೂ[೨೩] ಈ ಉಪಕರಣಗಳ ಅಳತೆಯಿರುತ್ತದೆ, ಅನೇಕವು 7 ರಿಂದ 11 ಇಂಚುಗಳಿರುತ್ತವೆ ಮತ್ತು ತೂಕ 0.9 - 1.4 kg (2-3 ಪೌಂಡ್ಸ್ ಗಳಿರುತ್ತವೆ).[೧೯]

ನೆಟ್‌ಬುಕ್‌ಗಳಲ್ಲಿ ಸಾಧಾರಣವಾಗಿ ಲಿನಕ್ಸ್ ಮತ್ತು ವಿಂಡೋಸ್ XPನಂಥ ಕಡಿಮೆ ತೂಕದ,ಅನ್ವಯ ವ್ಯವಸ್ಥೆಗಳು (ಅಂದರೆ ಆಪರೇಟಿಂಗ್ ಸಿಸ್ಟಂ)ಗಳನ್ನು ಬಳಸಲಾಗಿರುತ್ತದೆ.

ಸುಲಭವಾಗಿ ಒಯ್ಯಬಲ್ಲವಾದುದ್ದರಿಂದ ನೆಟ್‌ಬುಕ್‌ಗಳಿಗೆ ಕೆಲವು ಅನಾನುಕೂಲತೆಗಳೂ ಇವೆ. ನೆಟ್‌ಬುಕ್‌ಗಳು ಬಹು ತೆಳ್ಳಗಿರುವುದರಿಂದ ಮೊದಲು ಮಾರುಕಟ್ಟೆಗೆ ಬಿಡುಗಡೆಯಾದವುಗಳಲ್ಲಿ ಪ್ರಾಥಮಿಕ ಆಂತರಿಕ ಮಾಹಿತಿ ಶೇಖರಣೆಗೆ ಸಾಲಿಡ್-ಸ್ಟೇಟ್ ಡ್ರೈವ್ಗಳನ್ನು ಬಳಸಲಾಗಿತಿತ್ತು ಆದರೆ ಹೆಚ್ಚು ಪ್ರೊಗ್ರಾಮ್‌ಗಳನ್ನು ನೆಲೆಗೊಳಿಸಬೇಕಾದರೆ ಹಾರ್ಡ್ ಡಿಸ್ಕ್ ಅಗತ್ಯವಿರುತ್ತದೆ. ಆಗಿನಿಂದ ಡಿಸ್ಕ್ ಡ್ರೈವ್ ಟೆಕ್ನಾಲಜಿ ಮತ್ತು ಫಾರ್ಮ್ ಫ್ಯಾಕ್ಟರ್ಸ್‌ಗಳನ್ನು ನೆಟ್‌ಬುಕ್‌ಗಳಿಗೆ ಹೊಂದಿಸಲಾಗಿದೆ.

ನೋಟ್‌ಬುಕ್ ಮತ್ತು ಸಬ್‌ನೋಟ್‌ಬುಕ್ ಗಳಂತೆಯೇ ನೆಟ್‌ಬುಕ್‌ಗಳಿಗೂ ಅವುಗಳ ಅಳತೆ ಮತ್ತು ಗಾತ್ರಕ್ಕೆ ತಕ್ಕಂಥೆ ಮೂಲಭೂತ ಅಗತ್ಯ ಸಲಕರಣೆಗಳಾದ ಕಡಿಮೆ ಕ್ಯಪಾಸಿಟಿಯ ಹಾರ್ಡ್ ಡ್ರೈವ್, ವೇಗವಿಲ್ಲದ CPU, ಮತ್ತು ಕಡಿಮೆ ಪ್ರಾವೀಣ್ಯದ RAM ಕ್ಯಪಾಸಿಟಿ ಇರುತ್ತದೆ.[೨೪]

ಇತ್ತೀಚೆಗೆ, ಗೂಗಲ್ನವರು ಸ್ವಂತ ಅನ್ವಯ ವ್ಯವಸ್ಥೆ ಅಂದರೆ ಆಪರೇಟಿಂಗ್ ಸಿಸ್ಟಂ ಕ್ರೋಮ್ ಅನ್ನು ಅಭಿವೃದ್ಧಿ ಪಡಿಸುವುದಾಗಿ ಘೋಷಿಸಿದ್ದರು.

ತೂಕ, ಡೈಯಾಗನಲ್ ಫಾರ್ಮ್ ಫ್ಯಾಕ್ಟರ್ ಮತ್ತು ಬೆಲೆ < 1 kg,< 9", < U.S. $400, ಕ್ರಮವಾಗಿ, ಸಂಯೋಜನೆಯಾಗುವವರೆಗೂ 2008ರ ಆಜು-ಬಾಜಿನವರೆಗೂ ದೊಡ್ಡ ಯಶಸ್ಸೇನೂ ನೆಟ್‌ಬುಕ್‌ಗಳಿಗೆ ವಾಣಿಜ್ಯವಾಗಿ ಒದಗಿ ಬರಲಿಲ್ಲ.

ದೃಢವಾದ ಲ್ಯಾಪ್‌ಟಾಪ್[ಬದಲಾಯಿಸಿ]

ಪ್ಯಾನಾಸಾನಿಕ್ ಟಫ್‌ಬುಕ್.

ದೃಢವಾದ-ಗಟ್ಟಿಮುಟ್ಟಾದ ಲ್ಯಾಪ್‌ಟಾಪ್‌ ಅನ್ನು ಕಠಿಣವಾದ ಪರಿಸ್ಥಿತಿಯಲ್ಲಿ ಅಂದರೆ ಬಲಿಷ್ಠ ಕಂಪನಗಳಲ್ಲಿ, ತೀವ್ರತರವಾದ ತಾಪಮಾನಗಳಲ್ಲಿ, ತೇವಾಂಶ ಮತ್ತು ಧೂಳಿನ ಪರಿಸರಗಳಲ್ಲಿ ಕಾರ್ಯ ನಿರ್ವಹಿಸಲು ವಿನ್ಯಾಸಗೊಳಿಸಲಾಗಿದೆ. ದೃಢವಾದ-ಗಟ್ಟಿಮುಟ್ಟಾದ ಲ್ಯಾಪ್‌ಟಾಪ್‌ಗಳನ್ನು ಸಾಮಾನ್ಯವಾಗಿ ಗ್ರಾಹಕ ಮಾದರಿಯ ಲ್ಯಾಪ್‌ಟಾಪ್‌ಗಳಿಗಿಂತ ಒರಟೊರಟಿನಿಂದ ವಿನ್ಯಾಸಗೊಳಿಸಲಾಗಿರುತ್ತದೆ. ದೃಢವಾದ-ಗಟ್ಟಿಮುಟ್ಟಾದ ನೋಟ್‌ಬುಕ್‌ಗಳು ಹೆಚ್ಚು ತೂಕವುಳ್ಳದ್ದು, ದೊಡ್ಡ ಗಾತ್ರದ್ದು ಮತ್ತು ಮಾಮೂಲು ಲ್ಯಾಪ್‌ಟಾಪ್‌ಗಳಿಗಿಂತ[೨೫] ಹೆಚ್ಚು ದುಬಾರಿಯವು ಅದಕ್ಕಾಗಿ ಅಪರೂಪವಾಗಿ ಗ್ರಾಹಕರ ಕೈಯಲ್ಲಿ ಇದು ಕಾಣುತ್ತದೆ.

ದೃಢವಾದ-ಗಟ್ಟಿಮುಟ್ಟಾದ ಲ್ಯಾಪ್‌ಟಾಪ್‌ಗಳ ವಿನ್ಯಾಸದಲ್ಲಿರುವ ವೈಶಿಷ್ಟ್ಯಗಳೆಂದರೆ- ಕೀಲಿಮಣೆಯ ಕೀಗಳ ಅಡಿಯಲ್ಲಿ ರಬ್ಬರ್ ಶೀಟ್‌ಗಳು, ಸೀಲ್ಡ್ ಪೋರ್ಟ್ ಮತ್ತು ಕನೆಕ್ಟರ್ ಕವರ್‌ಗಳು, ಪ್ಯಾಸೀವ್ ಕೂಲಿಂಗ್, ಹಗಲಿನ ಹೊತ್ತು ಓದಲು ಸಾಧ್ಯವಾಗಬಲ್ಲ ಸೂಪರ್ ಬ್ರೈಟ್ ಪ್ರದರ್ಶಕಗಳು, ಮ್ಯಾಗ್ನೀಷಿಯಂ ಅಲ್ಲಾಯ್ಸ್‌[೨೬] ನಿಂದ ಮಾಡಲ್ಪಟ್ಟ ವಾಣಿಜ್ಯ ಲ್ಯಾಪ್‌ಟಾಪ್‌ಗಳಲ್ಲಿ ಕಂಡು ಬರುವ ಪ್ಲಾಸ್ಟಿಕ್‌ಗಳಿಗಿಂತ ಗಟ್ಟಿಯಾದ ಕೇಸ್ ಮತ್ತು ಫ್ರೇಮ್‌ಗಳು, ಮತ್ತು ಸತತ ಕಂಪನಗಳನ್ನು ತಡೆಯಬಲ್ಲ ಹಾರ್ಡ್ ಡಿಸ್ಕ್ ಡ್ರೈವ್‌ಗಳು ಅಥವಾ ಸಾಲಿಡ್-ಸ್ಟೇಟ್ ಸ್ಟೋರೇಜ್ ಡ್ರೈವ್ ಉಪಕರಣಗಳು. ದೃಢವಾದ-ಗಟ್ಟಿಮುಟ್ಟಾದ ಲ್ಯಾಪ್‌ಟಾಪ್‌ಗಳನ್ನು ಸಾರ್ವಜನಿಕ ಸೇವೆಗೆ ಮೀಸಲಿರುವ (ಪೊಲೀಸ್, ಅಗ್ನಿ ಶಾಮಕ ದಳ ಮತ್ತು ವೈದ್ಯಕೀಯ ತುರ್ತು ಸೇವೆಗಳಿಗೆ), ಮಿಲಿಟರಿ, ಉಪಯುಕ್ತಗಳು, ಫೀಳ್ಡ್ ಸರ್ವೀಸ್ ಟೆಕ್ನೀಷಿಯನ್ಸ್, ಕಟ್ಟಡ ನಿರ್ಮಾಣ, ಗಣಿ ಮತ್ತು ತೈಲ ಕೊರೆಯುವ ಸಿಬ್ಬಂದಿ ಇವರುಗಳ ಬಳಕೆಗೆ ಬರುತ್ತದೆ. ದೃಢವಾದ-ಗಟ್ಟಿಮುಟ್ಟಾದ ಲ್ಯಾಪ್‌ಟಾಪ್‌ಗಳನ್ನು ಸಾಮಾನ್ಯವಾಗಿ ವೈಯಕ್ತಿಕ ಬಳಕೆದಾರರಿಗಿಂತ ಸಂಘ-ಸಂಸ್ಥೆಗಳಿಗೆ ಮಾರಲಾಗುತ್ತದೆ ಮತ್ತು ಅಪರೂಪವಾಗಿ ಬಿಡಿ ಮಾರಾಟಗಾರರ ಮುಖೇನ ಮಾರಲಾಗುತ್ತದೆ.

ಅವಯವಗಳು[ಬದಲಾಯಿಸಿ]

ಕಿರಿದಾಗಿಸುವಿಕೆ:ಡೆಸ್ಕ್ ಟಾಪ್ ಕಂಪ್ಯೂಟರ್ ಮದರ್ ಬೋರ್ಡ್ (ATX ಫಾರ್ಮ್ ಫ್ಯಾಕ್ಟರ್) ಜೊತೆ 13" ಲ್ಯಾಪ್‌ಟಾಪ್‌ನ ಮದರ್ ಬೋರ್ಡ್ (2008 ಯುನಿಬಾಡಿ ಮ್ಯಾಕ್‌ಬುಕ್)ನ ಹೋಲಿಕೆ
ಸೋನಿ ವಾಯಿಯೋ ಲ್ಯಾಪ್‌ಟಾಪ್‌ನ ಒಳ ನೋಟ

ಲ್ಯಾಪ್‌ಟಾಪ್‌ನ ಮೂಲ ಅವಯವಗಳು ಡೆಸ್ಕ್‌ಟಾಪ್‌ನ ಅವಯವಗಳಂತೆಯೇ ಇರುತ್ತದೆ ಆದರೆ ಕಿರಿದಾಗಿಸಲಾಗಿರುತ್ತದೆ, ಮೊಬೈಲ್ ಬಳಕೆಗೂ ಹೊಂದಿಸಲಾಗಿರುತ್ತದೆ ಮತ್ತು ಕಡಿಮೆ ಶಕ್ತಿ ವ್ಯಯವಾಗುವಂತೆ ಮಾಡಲಾಗಿರುತ್ತದೆ . ಹೆಚ್ಚುವರಿ ಅಗತ್ಯಗಳಿರುವ ಕಾರಣ ಲ್ಯಾಪ್‌ಟಾಪ್‌ನ ಅವಯವಗಳು ಸಾಧಾರಣವಾಗಿ ಡೆಸ್ಕ್‌ಟಾಪ್‌ನ ಭಾಗಗಳಿಗಿಂತ, ದರ ಒಂದೇ ಆದರೂ ಕೂಡ, ಕೆಳಸ್ತರದ ಕಾರ್ಯ ದಕ್ಷತೆ ಹೊಂದಿರುತ್ತದೆ.

ಇನ್ನೂ ಮುಂದೆ, ಲ್ಯಾಪ್‌ಟಾಪ್‌ಗಳ ವಿನ್ಯಾಸವು ಶಕ್ತಿ, ಗಾತ್ರ ಅವಲಂಬಿಸಿರುತ್ತದೆ ಮತ್ತ ಲ್ಯಾಪ್‌ಟಾಪ್‌ಗಳ ಕೂಲಿಂಗ್ ಗರಿಷ್ಠ ಮಟ್ಟದ ದಕ್ಷತೆಯನ್ನು ಕುಂಠಿತಗೊಳಿಸುತ್ತದೆ ಡೆಸ್ಕ್ ಟಾಪ್‌ಗಳ ಅವಯವಗಳಿಗೆ ಹೋಲಿಸಿದಾಗ.[೨೭]

ಖಾಸಗಿ ಡೆಸ್ಕ್ ಟಾಪ್‌ ಕಂಪ್ಯೂಟರ್‌ನ ಭಾಗಗಳ ವೈಶಿಷ್ಟ್ಯಗಳನ್ನು ಲ್ಯಾಪ್‌ಟಾಪ್‌ನ ಅವಯವಗಳಿಗೆ ಹೋಲಿಸಿದಾಗ ಕಂಡು ಬರುವ ವ್ಯತ್ಯಾಸಗಳ ಸಂಕ್ಷಿಪ್ತ ಪಟ್ಟಿಯು ಹೀಗಿರುತ್ತದೆ:

  • ಮದರ್‌ಬೋರ್ಡ್ – ಲ್ಯಾಪ್‌ಟಾಪ್ ಮದರ್‌ಬೋರ್ಡ್‌ಗಳು ನಿರ್ದಿಷ್ಟ ಮಾದರಿಗಳಿಗೆ ವಿನ್ಯಾಸಗೊಳಿಸಲಾಗಿರುತ್ತದೆ ಮತ್ತು ಡೆಸ್ಕ್ ಟಾಪ್‌‌ನ ಫಾರ್ಮ್ ಫ್ಯಾಕ್ಟರ್ ಗೆ ಅನುಗುಣವಾಗಿ ಇರುವುದಿಲ್ಲ. ಡೆಸ್ಕ್ ಟಾಪ್ ಬೋರ್ಡ್‌ನಂತೆ ಸಾಮಾನ್ಯವಾಗಿ ವಿಸ್ತೀರ್ಣ ಕಾರ್ಡ್ ಗಳು (3 ರಿಂದ 7 ಇರುವುದು ವಾಡಿಕೆ), ಲ್ಯಾಪ್‌ಟಾಪ್ ಗಳಿಗಿರುವುದಿಲ್ಲ, ಸಣ್ಣ ಏಕೀಕರಿಸಿದ ಲ್ಯಾಪ್‌ಟಾಪ್ ಬೋರ್ಡ್‌ಗಳಲ್ಲಿ ವಿಸ್ತರಿಸಬಹುದಾದ ಸ್ಲಾಟ್‌ಗಳು ಇರುವುದೇ ಇಲ್ಲ ಎಲ್ಲಾ ಕಾರ್ಯಾಚರಣೆಗಳು ಮದರ್‌ಬೋರ್ಡ್‌ನೊಳಗೇ ಸಜ್ಜುಗೊಳಿಸಲಾಗಿರುತ್ತದೆ; ವಿಸ್ತೀರ್ಣ ಸಾಧ್ಯವಾಗಿಸಬಹುದಾದ ಒಂದೇ ಒಂದು ದಾರಿಯೆಂದರೆ ಅದು ಬಾಹ್ಯ ವ್ಯವಸ್ಥೆ USBಯಿಂದ ಮಾತ್ರ. ಎಕ್ಸ್‌ಪ್ರೆಸ್‌ಕಾರ್ಡ್ ನಂಥ ಸ್ವಾಮ್ಯ ಬೋರ್ಡ್‌ಗಳಿಗೆ ಒಂದು ಅಥವಾ ಎರಡು ಸ್ಲಾಟ್‌ಗಳಿರಬಹುದು. ಬೇರೆ ಅನೇಕ ಕಾರ್ಯಾಚರಣೆಗಳು (ಶೇಖರಣೆಯ ನಿಯಂತ್ರಕಗಳು, ನೆಟ್‌ವರ್ಕಿಂಗ್, ಸೌಂಡ್ ಕಾರ್ಡ್ ಮತ್ತು ಬಾಹ್ಯ ಪೋರ್ಟ್‌ಗಳು) ಮದರ್‌ಬೋರ್ಡ್‌ನಲ್ಲಿ ಸಜ್ಜುಗೊಳಿಸಲಾಗಿರುತ್ತದೆ.[೨೮]
ಕೆಲವು ಲ್ಯಾಪ್‌ಟಾಪ್‌ಗಳಿಗೆ ತೆಗೆಯಲ್ಪಡುವ CPUಗಳಿರುತ್ತವೆ ಆದಾಗ್ಯೂ ನಿರ್ದಿಷ್ಟ ಮಾದರಿಗಳಲ್ಲಿ ಮಾತ್ರ ಮದರ್ ಬೋರ್ಡ್ ಈ ಅಂಶವನ್ನು ಬೆಂಬಲಿಸುತ್ತದೆ.[೩೦] ಬೇರೆ ಇತರ ಲ್ಯಾಪ್‌ಟಾಪ್‌ಗಳಲ್ಲಿ CPU ಅನ್ನು ಬೆಸುಗೆಗೊಳಿಸಲಾಗಿರುತ್ತದೆ ಮತ್ತು ಅದು ಸ್ಥಳಾಂತರಿಸಲಾಗದಂತ್ತಿರುತ್ತದೆ.
SODIMM ಮೆಮೋರಿ ಮೊಡ್ಯೂಲ್.
  • ಮೆಮೋರಿ(ಸ್ಮರಣ)(RAM)SO-DIMM ಲ್ಯಾಪ್‌ಟಾಪ್‌ಗಳಲ್ಲಿ ಸ್ಮರಣ ಶಕ್ತಿಯ ಪ್ರಮಾಣ ಡೆಸ್ಕ್ ಟಾಪ್‌ಗಿಂತ ಅರ್ಧದಷ್ಟು ಮಾತ್ರವಿರುತ್ತದೆ DIMMs.[೨೮] ಉನ್ನತಮಟ್ಟಕ್ಕೇರಿಸುವ ಕಾರ್ಯಕ್ಕೆ ಅನುಕೂಲವಾಗಲೆಂದು ಲ್ಯಾಪ್‌ಟಾಪ್‌ನ ತಳಹದಿಯಲ್ಲಿ ಇವನ್ನು ಪ್ರವೇಶಿಸಬಹುದಾಗಿದೆ, ಅಥವಾ ಬಳಕೆದಾರ ಮುಟ್ಟದ ಸ್ಥಳಗಳಾದ ಕೀಲಿಮಣೆ ಮತ್ತು ಮದರ್‌ಬೋರ್ಡ್‌ಗಳ ನಡುವೆ ಇಟ್ಟಿರಲಾಗುತ್ತದೆ. ಪ್ರಸ್ತುತ ಅನೇಕ ಮಧ್ಯಮಗತಿಯ ಲ್ಯಾಪ್‌ಟಾಪ್‌ಗಳಿಗೆ DDR2 3-4 GBಯ RAM, ಉನ್ನತ ಮಟ್ಟದ ನೋಟ್‌ಬುಕ್‌ಗಳಿಗೆ DDR3 8 GBಯ ಸ್ಮರಣ ಶಕ್ತಿ RAM ಕೈಗಾರಿಕೆಯಿಂದಲ್ಲೇ ಸಿದ್ಧ ಮಾಡಿರಲಾಗುತ್ತದೆ. ಆದರೂ ಸಾಮಾನ್ಯವಾಗಿ ನೆಟ್‌ಬುಕ್‌ಗಳ ಉತ್ಪಾದನಾ ವೆಚ್ಚ ಕಡಿಮೆಗೊಳೊಸುವುದಕ್ಕಾಗಿ 1 GBಯ RAMಗಳಿಗೆ ಮಾತ್ರ ಅದನ್ನು ಸಜ್ಜುಗೊಳಿಸಲಾಗಿರುತ್ತದೆ.
  • ಎಕ್ಸ್‌ಪ್ರೆಸ್ ಕಾರ್ಡುಗಳು – A PC ಕಾರ್ಡ್ (ಹಿಂದೆ ಕರೆಯಲ್ಪಡುತ್ತಿದದ್ದು PCMCIA) ಅಥವಾ ಎಕ್ಸ್‌ಪ್ರೆಸ್‌ಕಾರ್ಡ್ ವಿಸ್ತೀರ್ಣ ಕಾರ್ಡುಗಳನ್ನು ಅಳವಡಿಸಲು ಯಾ ತೆಗೆಯಲು ಲ್ಯಾಪ್‌ಟಾಪ್‌ಗಳ ಮೇಲೆ ಅಂಕಣದ ವ್ಯವಸ್ಥೆಯಿರುತ್ತದೆ ಮತ್ತು ಇದನ್ನು ಲ್ಯಾಪ್‌ಟಾಪ್ ಕಾರ್ಯೋನ್ಮುಖವಾಗಿದ್ದಾಗಲ್ಲೂ ಮಾಡಬಹುದಾಗಿದೆ. ಕೆಲವು ಉಪವ್ಯವಸ್ಥೆಗಳು (ಎಥರ್‌ನೆಟ್, Wi-Fi, ಅಥವಾ ಸೆಲ್ಲ್ಯುಲಾರ್ ಮೋಡೆಮ್) ಮುಂತಾದವುಗಳು ಮರಳಿ ಅಳವಡಿಸಹುದಾದ ಆಂತರಿಕ ವಿಸ್ತೀರ್ಣ ಕಾರ್ಡುಗಳಾಗಿ ಸಜ್ಜುಗೊಳಿಸಬಹುದು, ಸಾಧಾರಣವಾಗಿ ಇದಕ್ಕೆಂದೇ ಲ್ಯಾಪ್‌ಟಾಪ್‌ನ ತಳಹದಿಯಲ್ಲಿ ಅವಕಾಶ ಕಲ್ಪಿಸಲಾಗಿರುತ್ತದೆ. ಇಂಥ ಎರಡು ಗುಣ ಮಟ್ಟದ ಕಾರ್ಡುಗಳೆಂದರೆ ಮಿನಿPCI ಮತ್ತು ಇದರ ಉತ್ತರಾಧಿಕಾರಿ PCI ಎಕ್ಸ್‌ಪ್ರೆಸ್ ಮಿನಿ.[೩೧]
  • ಪವರ್ ಸಪ್ಲೈ –ಲ್ಯಾಪ್‌ಟಾಪ್‌ಗಳೆಲ್ಲಾ ಒಂದೇ ರೀತಿಯಲ್ಲಿ ಆಂತರಿಕ ಪುನರಾವೇಶಿಸಬಲ್ಲ ಬ್ಯಾಟರಿಯಿಂದ ಪವರ್ ಒದಗಿಸಲಾಗುತ್ತದೆ ಮತ್ತು ಇದನ್ನು ಹೊರಗಿನ ಪವರ್ ಸಪ್ಲೈನಿಂದ ಆವೇಶಿಸಲಾಗುತ್ತದೆ. ಪವರ್ ಸಪ್ಲೈ,ಏಕ ಕಾಲದಲ್ಲಿ ಬ್ಯಾಟರಿಯನ್ನೂ ಆವೇಶಿಸುತ್ತ ಲ್ಯಾಪ್‌ಟಾಪ್‌ಗೂ ಕೂಡ ಸಪ್ಲೈ ಮಾಡಬಹುದಾಗಿದೆ; ಬ್ಯಾಟರಿ ಪೂರ್ತಿ ಆವೇಶಿಸಿದಾದ ಮೇಲೆ ಲ್ಯಾಪ್‌ಟಾಪ್ AC ಪವರ್ ಮೇಲೆ ಕಾರ್ಯನಿರ್ವಹಿಸುತ್ತದೆ. ಆವೇಶಿಸುವ ಉಪಕರಣ ಚಾರ್ಜರ್ ನೋಟ್‌ಬುಕ್‌ನ ಒಟ್ಟು ತೂಕಕ್ಕೆ 400 ಗ್ರಾಮ್ಸ್ (1 lb)ನಷ್ಟು ತೂಕವನ್ನು ಸೇರಿಸುತ್ತದೆ.
  • ಬ್ಯಾಟರಿ – ವಿದ್ಯುತ್ ಲ್ಯಾಪ್‌ಟಾಪ್‌ಗಳಲ್ಲಿ ಲಿಥಿಯಂ ಐಯಾನ್ ಬ್ಯಾಟರಿಗಳನ್ನು, ಈಗ ಇನ್ನೂ ಇತ್ತೀಚಿನ ಹೊಸ ಮಾದರಿಯ ಲಿಥಿಯಂ ಪಾಲಿಮರ್ ತಂತ್ರಜ್ಞಾನದ ಬ್ಯಾಟರಿಗಳನ್ನು ಉಪಯೋಗಿಸಲಾಗುತ್ತದೆ. ಇವೆರಡೂ ತಂತ್ರಜ್ಞಾನವು ಹಳೆಯ ನಿಕ್ಕಲ್ ಮೆಟಲ್-ಹೈಡ್ರೈಡ್ ಬ್ಯಾಟರಿಗಳನ್ನು ಪುನರ್ ಸ್ಥಾಪಿಸಿತು. ಮಾನದಂಡದ ಹಗೂರ ಬಳಕೆಯ ಲ್ಯಾಪ್‌ಟಾಪ್‌ಗಳಲ್ಲಿ ಮಾದರಿ ಬ್ಯಾಟರಿ ಅವಧಿಯು ಎರಡರಿಂದ ಐದು ಗಂಟೆಗಳಿರುತ್ತದೆ ಆದರೆ ಇಲ್ಲಿ ಗಾಢವಾದ ಪವರ್ ಬಳಕೆಯ ಕಾರ್ಯಗಳಿದ್ದರೆ ಒಂದು ಗಂಟೆ ಕಡಿತಗೊಳ್ಳಬಹುದು. ಕಾಲಕ್ರಮೇಣ ಬ್ಯಾಟರಿಯ ಕಾರ್ಯನಿರ್ವಹಣೆಯ ದಕ್ಷತೆಯೂ ಕಡಿಮೆಗೊಳ್ಳಬಹುದು, ಬದಲಾವಣೆಯೂ ಮಾಡಬೇಕಾಗಬಹುದು, ಇವೆಲ್ಲವೂ ಆವೇಶಿಸುವ ಮತ್ತು ನಿರಾವೇಶಿಸುವ ರೀತಿ ಮೇಲೆ ಅವಲಂಬಿತವಾಗಿರುತ್ತದೆ. ಈ ದೊಡ್ಡ ಕ್ಯಪಾಸಿಟಿಯ ಮುಖ್ಯ ಬ್ಯಾಟರಿಯನ್ನು ಚಿಕ್ಕದೊಂದಿಗೆ ಗೊಂದಲ ಮಾಡಿಕೊಳ್ಳಬಾರದು, ಎಲ್ಲಾ ಕಂಪ್ಯೂಟರ್‌ಗಳು ಪವರ್ ಆಫ್‌ನಲ್ಲಿದ್ದಾಗ ರೀಯಲ್-ಟೈಂ ಕ್ಲಾಕ್ ನಡೆಸುವುದಕ್ಕೆ ಮತ್ತು CMOS ಸ್ಮರಣೆಯಲ್ಲಿ BIOS ಕಾನ್ಫಿಗ್ಯುರೇಶನ್ ಅನ್ನು ಶೇಖರಣೆ ಮಾಡುವುದಕ್ಕೆ ಚಿಕ್ಕ ಬ್ಯಾಟರಿಗಳನ್ನು ಬಳಸುತ್ತವೆ. ಹಳೆಯ ಬ್ಯಾಟರಿಗಳಂತೆ ಲಿಥಿಯಂ-ಐಯಾನ್ ಬ್ಯಾಟರಿಗಳಿಗೆ ಮೆಮೊರಿ ಎಫೆಕ್ಟ್ ಇರುವುದಿಲ್ಲ. ಬ್ಯಾಟರಿಯನ್ನು ಪೂರ್ಣವಾಗಿ ಬಳಸದೆ ಅದನ್ನು ಪುನರಾವೇಶಿಸಿದರೆ ಮೆಮೋರಿ ಎಫೆಕ್ಟ್ ಉಂಟಾಗುತ್ತದೆ. ಸರಾಸರಿ ಪವರ್ ವ್ಯಯವಾಗುವ ಮಟ್ಟವನ್ನು ಅಂದಾಜಿಸಿ, ಪೂರ್ಣ 24 ಗಂಟೆಗಳ ಸತತ ಕಾರ್ಯಾಚರಣೆ ಸಾಧ್ಯವಾಗುವ ಹಾಗೆ ಲ್ಯಾಪ್‌ಟಾಪ್ ಮತ್ತು ಬ್ಯಾಟರಿ ಜೋಡಿಯಲ್ಲಿ ಹೊಸ ಆವಿಷ್ಕಾರಗಳಾಗಿವೆ. ಇದಕ್ಕೊಂದು ಉದಾಹರಣೆಯೆಂದರೆ, HP ಎಲೈಟ್‌ಬುಕ್ 6930pಯನ್ನು ಅಲ್ಟ್ರಾ-ಕ್ಯಪಾಸಿಟಿ ಬ್ಯಾಟರಿಯೊಡನೆ ಉಪಯೋಗಿಸುವುದು.
  • ವೀಡಿಯೋ ಡಿಸ್‌ಪ್ಲೇ ಕಂಟ್ರೋಲರ್ – ಗುಣ ಮಟ್ಟದ ಲ್ಯಾಪ್‌ಟಾಪ್‌ಗಳಲ್ಲಿ ವೀಡಿಯೋ ಕಂಟ್ರೋಲರ್ ಅನ್ನು ಸಾಧಾರಣವಾಗಿ ಚಿಪ್‌ಸೆಟ್ನೊಳಗೆ ಏಕೀಕರಿಲಾಗುತ್ತದೆ. ಈ ಪ್ರವೃತ್ತಿ ಲ್ಯಾಪ್‌‌ಟಾಪ್‌ಗಳನ್ನು ಆಟಕ್ಕೆ ಮತ್ತು ರಂಜನೆಗೆ

ಬಳಸುವುದನ್ನು ಮಿತಗೊಳಿಸುತ್ತದೆ,ಯಾಕೆಂದರೆ ಎರಡೂ ಕ್ಷೇತ್ರಗಳಿಗೆ ಅಗತ್ಯ ಹಾರ್ಡ್‌ವೇರ್ ಬೇಡಿಕೆ ಸತತವಾಗಿ ಬೆಳೆಯುತ್ತಲ್ಲೇ ಇರುತ್ತದೆ.[೩೨] ಶ್ರೇಷ್ಠ ಮಟ್ಟದ ಲ್ಯಾಪ್‌ಟಾಪ್‌ಗಳಿಗೆ ಮತ್ತು ಬದಲೀ ಡೆಸ್ಕ್ ಟಾಪ್‌ಗಳಿಗೆ ಮೀಸಲಿಟ್ಟ ವರ್ಣಚಿತ್ರದ ಪ್ರೊಸೆಸರ್ಸ್ (ಗ್ರಾಫಿಕ್ಸ್ ಪ್ರೊಸೆಸರ್ಸ್) ಇರುವ ಮದರ್ ಬೋರ್ಡ್ ಅಥವಾ ಆಂತರಿಕ ವಿಸ್ತೀರ್ಣ ಕಾರ್ಡ್‌ಗಳು ತಯಾರಿಕಾ ಹಂತದಿಂದಲ್ಲೇ ಜೊತೆಗೆ ಬಂದಿರುತ್ತದೆ. ಈ ಸಂಚಾರಿ ವರ್ಣಚಿತ್ರದ ಪ್ರೊಸೆಸರ್ಸ್ (ಮೊಬೈಲ್ ಗ್ರಾಫಿಕ್ಸ್ ಪ್ರೊಸೆಸರ್ಸ್)ಡೆಸ್ಕ್ ಟಾಪ್‌ನ ವರ್ಣಚಿತ್ರದ ವೇಗವರ್ಧಕ ಬೋರ್ಡ್‌ಗಳ ಮುಖ್ಯವಾಹಿನಿಗೆ ಹೋಲಿಸಬಹುದಾಗಿದೆ.[೩೩]

ಇತ್ತೀಚಿನ ಹೊಸ ಲ್ಯಾಪ್ ಟಾಪ್‌ಗಳಲ್ಲಿ ಕಡಿಮೆ ಪವರ್ ವ್ಯಯವಾಗುವ ಮತ್ತು ವ್ಯಾಪಕ ಕೋನಗಳಿಂದ ದೃಷ್ಟಿಸಬಹುದಾದ LED ತಳಹದಿಯ ಪರದೆಗಳೊಂದಿಗೆ ಬರುತ್ತದೆ.
ಮ್ಯಾಕ್‌ಬುಕ್ ಪ್ರೊ[೩೪] ಅನ್ನು 19" ವ್ಯಾಪಕ ಪರದೆ ಡೆಸ್ಕ್ ಟಾಪ್ ಮಾನಿಟರ್‌ಗಳ ಮೇಲೆ ಕಾಣಬಹುದು.
3.5" ಮತ್ತು 2.5" ಹಾರ್ಡ್ ಡಿಸ್ಕ್ ಡ್ರೈವ್ಸ್ ಹೋಲಿಕೆ
  • ತೆಗೆಯಬಲ್ಲ ಮಾಧ್ಯಮದಡ್ರೈವ್ಸ್ – DVD/CD ಓದಬಲ್ಲ/ಬರೆಯಬಲ್ಲ ಡ್ರೈವ್ ಮಾದರಿ ಮಾನದಂಡವುಳ್ಳದ್ದು . ನೋಟ್‌ಬುಕ್‌ಗಳಲ್ಲಿ CD ಡ್ರೈವ್ಸ್ ಅಪರೂಪವಾಗುತ್ತಿವೆ, ಬ್ಲೂ-ರೇ ಹೆಚ್ಚು ಸಾಮಾನ್ಯವಾಗುತ್ತಿದೆ.[೩೫]
ಅನೇಕ ಅಲ್ಟ್ರಾ ಪೋರ್ಟಬಲ್ಸ್ ಮತ್ತು ನೆಟ್‌ಬುಕ್‌ಗಳು, ತೆಗೆಯಬಲ್ಲ ಮಾಧ್ಯಮದ ಡ್ರೈವ್ ಅನ್ನು, ಡಾಕಿಂಗ್ ಸ್ಟೇಷನ್‌‌ಗೆ ತಳ್ಳುತ್ತದೆ ಅಥವಾ ಒಟ್ಟಿಗೇ ತೆಗೆದು ಬಿಡುತ್ತದೆ.
  • ಆಂತರಿಕ ಶೇಖರಣೆ –ಲ್ಯಾಪ್ ಟಾಪ್‌ನ ಹಾರ್ಡ್ ಡಿಸ್ಕ್ ಗಳು ಭೌತಿಕವಾಗಿ ಚಿಕ್ಕವು—2.5 inches (64 millimetres) ಅಥವಾ 1.8 inches (46 millimetres) —ಡೆಸ್ಕ್ ಟಾಪ್‌ನ 3.5 inches (89 millimetres) ಡ್ರೈವ್ಸ್‌ಗೆ ಹೋಲಿಸಿದಾಗ.
ಕೆಲವು ಹೊಸ ಲ್ಯಾಪ್ ಟಾಪ್‌ಗಳಲ್ಲಿ (ಸಾಮಾನ್ಯವಾಗಿ ಅಲ್ಟ್ರ‍ಾ ಪೋರ್ಟಬಲ್‌ಗಳಲ್ಲಿ) ದುಬಾರಿ ಬೆಲೆಯ, ಅತೀ ವೇಗದ, ಹಗೂರವಾದ ಮತ್ತು ಪವರ್-ದಕ್ಷತೆಯ ಫ್ಲಾಶ್ ಮೆಮೊರಿ-ತಳಹದಿಯ SSDಗಳನ್ನು ಅಳವಡಿಸಿರುತ್ತಾರೆ. ಪ್ರಸ್ತುತ, 250 ರಿಂದ 500 GB ಅಳತೆಯ (64 ರಿಂದ 256 GB SSDಗಳು) ಲ್ಯಾಪ್ ಟಾಪ್ ಹಾರ್ಡ್ ಡಿಸ್ಕ್‌ಗಳಲ್ಲಿ ಸಾಮಾನ್ಯವಾಗಿರುತ್ತದೆ.
  • ಒಳ ಸೇರಿಸುವುದುಪಾಂಯ್ನ್ಟಿಂಗ್ ಸ್ಟಿಕ್, ಟಚ್‌ಪ್ಯಾಡ್ ಅಥವಾ ಪರದೆಯ ಮೇಲೆ ಕರ್ಸರ್ ಅನ್ನು ನಿಯಂತ್ರಿಸಿಲು ಎರಡೂ ಬಳಸಲಾಗುತ್ತದೆ ಮತ್ತು ಟೈಪಿಂಗ್ ಕಾರ್ಯಗಳಿಗೆ ಏಕೀಕರಿಸಿದ ಕೀಲಿಮಣೆಯನ್ನು ಉಪಯೋಗಿಸಲಾಗುತ್ತದೆ. ಬಾಹ್ಯ ಕೀಲಿಮಣೆ ಮತ್ತು/ಅಥವಾ ಮೌಸ್ ಅನ್ನು USB ಅಥವಾ PS/2 ಅನ್ನು (ಅಳವಡಿಸಿದ್ದರೆ) ಬಳಸಿ ಸಂಪರ್ಕ ಕಲ್ಪಿಸಬಹುದು.
  • ಪೋರ್ಟ್‌ಗಳು –ಅನೇಕ USB ಪೋರ್ಟ್‌ಗಳು, ಬಾಹ್ಯ ಪರೀಕ್ಷಕ ಪೋರ್ಟ್ (VGA ಅಥವಾ DVI), ಆಡಿಯೋ ಇನ್/ಔಟ್, ಮತ್ತು ಎಥರ್‌ನೆಟ್ ನೆಟ್‍‌ವರ್ಕ್ ಪೋರ್ಟ್‌ಗಳು ಅನೇಕ ಲ್ಯಾಪ್ ಟಾಪ್‌ಗಳಲ್ಲಿ ಕಂಡು ಬರುತ್ತದೆ. PS/2 ಕೀಲಿಮಣೆ/ಮೌಸ್ ಪೋರ್ಟ್, ಸರಣಿ ಪೋರ್ಟ್ ಅಥವಾ ಪ್ಯಾರಲಲ್ ಪೋರ್ಟ್ಗಳು ಅಪರೂಪವಾದವು.
S-ವೀಡಿಯೋ ಅಥವಾ ಕಾಂಪೋಸಿಟ್ ವೀಡಿಯೋ ಪೋರ್ಟ್‌ಗಳು ಗ್ರಾಹಕ-ಕೇಂದ್ರೀಕೃತ ನೋಟ್‌ ಬುಕ್‌ಗಳಲ್ಲಿ ಸಾಮಾನ್ಯವು. ಉನ್ನತ ಮಟ್ಟದ ನೋಟ್‌ಬುಕ್‌ಗಳಲ್ಲಿ HDMI ಕಂಡು ಬರುತ್ತದೆ.

ಡಾಕಿಂಗ್ ಸ್ಟೇಷನ್ಸ್ ಅಥವಾ ಡಾಕಿಂಗ್ ತಾಣ[ಬದಲಾಯಿಸಿ]

ಡಾಕಿಂಗ್ ತಾಣ ತುಲನಾತ್ಮಕವಾಗಿ ದೊಡ್ದ ಗಾತ್ರದ ಲ್ಯಾಪ್ ಟಾಪ್‌ನ ಉಪಕರಣ,ಅದರಲ್ಲಿ ಒಂದಕ್ಕಿಂತ ಹೆಚ್ಚು ಪೋರ್ಟ್‌ಗಳು, ವಿಸ್ತೀರ್ಣ ಸ್ಲಾಟ್‌ಗಳು, ಮತ್ತು ಡ್ರೈವ್‌ಗಳನ್ನು ಹಾಕುವುದಕ್ಕೆ ಅಥವಾ ತೆಗೆಯುವುದಕ್ಕೆ ಇರುವ ಅಂಕಣದ ಸ್ಥಳ. ಲ್ಯಾಪ್‌ಟಾಪ್ ಡಾಕಿಂಗ್ ತಾಣವನ್ನು ಏಕೈಕ ದೊಡ್ಡ ಸಂಪರ್ಕದ ಮೂಲಕ ಸುಲಭವಾಗಿ ಸಂಪರ್ಕಿಸುತ್ತದೆ ಅಥವಾ ಸಂಪರ್ಕ ಕಡಿತಗೊಳಿಸುತ್ತದೆ. ಪೋರ್ಟ್ ರೆಪ್ಲಿಕೇಟರ್ ಒಂದು ಸರಳೀಕೃತ ಡಾಕಿಂಗ್ ಸ್ಟೇಷನ್ ಅದು ಲ್ಯಾಪ್‌ಟಾಪ್‌ನ ಒಳ/ಹೊರ ಪೋರ್ಟ್‌ಗಳನ್ನು ಸೇರಿಸುತ್ತದೆ. ಡಾಕಿಂಗ್ ತಾಣಗಳು ಮತ್ತು ಪೋರ್ಟ್ ರೆಪ್ಲಿಕೇಟರ್ಸ್ ಅನ್ನು ಸ್ಥಿರವಾದ ಕಾರ್ಯ ಸ್ಥಳದಲ್ಲಿ (ಡೆಸ್ಕ್ ಮೇಲೆ) ಬಳಸುವ ಮುಖಾಂತರ ತಕ್ಷಣದ ಸಂಪರ್ಕವನ್ನು ಬಹು ವಿಧದ ಒಳ/ಹೊರ ಉಕರಣಗಳಿಗೆ ಮಾಡಬಹುದು ಮತ್ತು ಲ್ಯಾಪ್‌ಟಾಪ್‌ನ ಸಾಮರ್ಥ್ಯವನ್ನು ವಿಸ್ತರಿಸಬಹುದು.

1990ರ ಆರಂಭದಿಂದೀಚೆ ಡಾಕಿಂಗ್ ತಾಣಗಳು ಲ್ಯಾಪ್‌ಟಾಪ್‌ನ ಸಾಮಾನ್ಯ ಉಪಕರಣವಾಗಿ ಬಿಟಿತು. ಸಾಮಾನ್ಯವಾಗಿ ಇದು ಬಳಕೆ ಆಗಿದ್ದು ಹೆಚ್ಚಾಗಿ ಕಾರ್ಪೊರೇಟ್ ಪರಿಸರದಲ್ಲಿ, ಅಲ್ಲಿ ಕಂಪನಿಯ ಅಗತ್ಯ ಮಾನದಂಡವನ್ನು ಒಂದು ಸಾಮಾನ್ಯ ಜಾಲದ ಕಾರ್ಡ್ ಮೇಲೆ ರೂಪಿಸಿ ಅದನ್ನು ಡಾಕಿಂಗ್ ತಾಣದಲ್ಲಿ ಇರಿಸಲಾಗಿರುತ್ತದೆ.

ಈ ತಾಣಗಳು ದೊಡ್ಡವು ಮತ್ತು ತೀರಾ ದುಬಾರಿ ಬೆಲೆಯದು. ಲ್ಯಾಪ್‌ಟಾಪ್‌ನ ಒಳಗಡೆ ಉನ್ನತ ಸಂಯೋಜನೆಗಳಿರುವುದರಿಂದ ಹೆಚ್ಚುವರಿ ಶೇಖರಣೆ ಮತ್ತು ವಿಸ್ತರಣಾ ಸ್ಲಾಟ್‌ಗಳ ಅಗತ್ಯತೆ ಅಷ್ಟೊಂದು ಕಾಣದಾಯಿತು, ಪೋರ್ಟ್ ರೆಪ್ಲಿಕೇಟರ್ಸ್ ಜನಪ್ರಿಯವಾಯಿತು,ಇವು ದುಬಾರಿಯೂ ಆದವಲ್ಲ, ಇವನ್ನು ನೋಟ್‌ಬುಕ್‌ನ ಹಿಂದೆ ಸಂಪರ್ಕ ಸಾಧನಗಳ (ಕನೆಕ್ಟರ್ಸ್) ಜೊತೆ ಇಡಲಾಗುತ್ತದೆ ಅಥವಾ ಮಾನದಂಡದ ಪೋರ್ಟ್‌ಗಳಾದ USB ಅಥವಾ ಫೈರ್‌ವೈರ್ ಮುಖೇನ ಸಂಪರ್ಕ ಏರ್ಪಡಿಸಲಾಗುತ್ತದೆ.

ಮಾನದಂಡ[ಬದಲಾಯಿಸಿ]

ಕೆಲವು ಲ್ಯಾಪ್‌ಟಾಪ್ ಉಪಕರಣ (ಆಪ್ಟಿಕಲ್ ಡ್ರೈವ್ಸ್, ಹಾರ್ಡ್ ಡ್ರೈವ್ಸ್, ಮೆಮೋರಿ ಮತ್ತು ಆಂತರಿಕ ವಿಸ್ತೀರ್ಣ ಕಾರ್ಡುಗಳು) ಗಳನ್ನು ತುಲನಾತ್ಮಕವಾಗಿ ಗುಣಮಟ್ಟಗೊಳಿಸಲಾಗಿದೆ, ಮತ್ತು ಅನೇಕ ಲ್ಯಾಪ್‌ಟಾಪ್‌ಗಳಲ್ಲಿ ಅವುಗಳನ್ನು ಉನ್ನತಕ್ಕೇರಿಸಬಹುದು ಅಥವಾ ಬದಲಾಯಿಸಬಹುದು ಆದರೆ ಅದೇ ಶೈಲಿಯದಾಗಿರಬೇಕಷ್ಟೆ.[೩೧] ಲ್ಯಾಪ್‌ಟಾಪ್‌ಗಳು ತಯಾರಕರ ಮತ್ತು ಅವುಗಳ ಮಾದರಿಯನ್ನು ಅವಲಂಬಿಸಿದಂತೆ ಅನೇಕ ಮಾನದಂಡದಲ್ಲಿ ಲಭ್ಯವಾಗುತ್ತದೆ,ಪುನರ್ ರಚಿಸಲಾಗದ ಏಕಸ್ವಾಮ್ಯದ ವಿನ್ಯಾಸವುಳ್ಳ ಲ್ಯಾಪ್‌ಟಾಪ್‌ಗಳಲ್ಲಿ ಸುಲಭವಾಗಿ ಗ್ರಾಹಕ ಆದೇಶಾನುಸಾರದಂತೆ ಮಾಡಬಹುದು ಮತ್ತು ಬಿಡಿಭಾಗಗಳನ್ನು ಉನ್ನತಕ್ಕೇರಿಸಬಹುದು.

ಒಟ್ಟಾರೆಯಾಗಿ, ಮೇಲ್ಕಾಣಿಸಿದ ನಾಲ್ಕು ವರ್ಗಗಳನ್ನು ಬಿಟ್ಟರೆ ಇನ್ಯಾವುದನ್ನೂ ಬದಲಾಯಿಸುವುದಕ್ಕೆ ಆಗುವುದಿಲ್ಲ, ಅಪರೂಪಕ್ಕೆ ಮಾನದಂಡವನ್ನು ಅನುಸರಿಸುತ್ತದೆ. ನಿರ್ದಿಷ್ಟವಾಗಿ,ಮದರ್ ಬೋರ್ಡ್‌ಗಳು,ಪೋರ್ಟ್ಸ್‌ಗಳ ನೆಲೆ, ಮತ್ತು ವಿನ್ಯಾಸ ಹಾಗೂ ಆಂತರಿಕ ಉಪಕರಣಗಳು ಸಾಧಾರಣವಾಗಿ ಗೊತ್ತಾದ ಮಾದರಿಯಾಗಿ ರೂಪಗೊಳ್ಳುತ್ತವೆ. ಈ ಬಿಡಿಭಾಗಗಳನ್ನು ಬೇರೆ ತಯಾರಕರ ಬಿಡಿಭಾಗಗಳೊಂದಿಗೆ ಅದಲು-ಬದಲು ಮಾಡಿಕೊಳ್ಳುವುದಕ್ಕಾಗಲಿ ಅಥವಾ ಉನ್ನತಕ್ಕೇರಿಸುವುದಕ್ಕಾಗಲಿ ಮಾಡುವುದಕ್ಕಾಗುವುದಿಲ್ಲ. ಇದು ಒಡೆದು ಹೋದಾಗ ಮತ್ತು ಕೆಟ್ಟುಹೋದಾಗ ನಿಖರವಾದ ಭಾಗವನ್ನು ಬದಲಾಯಿಸಬೇಕಾಗುತ್ತದೆ. ಪ್ರಸ್ತುತ ವಲಯದಲ್ಲಿ ಜ್ಞಾನವಿಲ್ಲದವರಿಂದಲ್ಲೇ ಅಧಿಕವಾಗಿ ತೊಂದರೆಗೆ ಈಡಾಗಿರುವುದು,ವಿಶೇಷವಾಗಿ ಅವರು ಲ್ಯಾಪ್‌ಟಾಪ್‌ಗಳನ್ನು ಹಾರ್ಡ್‌ವೇರ್‌ಗೆ ಅಥವಾ ಪವರ್ ಅಡಾಪ್ಟರ್‌ಗೆ ಅಸಂಗತವಾಗಿ ಸಂಪರ್ಕ ಮಾಡಿದಾಗ ತೊಂದರೆ ಆಗುತ್ತದೆ.

ಇಂಟೆಲ್, ಆಸಸ್, ಕಂಪಾಲ್, ಕ್ವಾಂಟಾ ಮತ್ತು ಇತರ ಲ್ಯಾಪ್‌ಟಾಪ್‌ಗಳ ತಯಾರಕರು ಕಾಮನ್ ಬಿಳ್ಡಿಂಗ್ ಬ್ಲಾಕ್ ಎಂದು ನಿರ್ಮಾಣ ಮಾಡಿರುತ್ತಾರೆ ಅದು ಲ್ಯಾಪ್‌ಟಾಪ್ ಗುಣಮಟ್ಟದಲ್ಲಿ ಯಾವುದಾದರು ಭಾಗವು ದಕ್ಷತೆಯಿಂದ ಕಾರ್ಯನಿರ್ವಹಿಸದಿದ್ದಲ್ಲಿ ತೋರಿಸುತ್ತದೆ.

ಪ್ರಯೋಜನಗಳು[ಬದಲಾಯಿಸಿ]

ಲ್ಯಾಪ್‌ಟಾಪ್ ಕಂಪ್ಯೂಟರ್ಸ್ ಎಲ್ಲೆಂದರಲ್ಲಿ ಒಯ್ದು ಉಪಯೋಗಿಸಬಹುದು.ಇಲ್ಲಿ ಕಾಣಿಸಿರುವುದು ಮಾಜಿ ಮೆಕ್ಸಿಕನ್ ಅಧ್ಯಕ್ಷ ವಿಸೆಂಟೆ ಫಾಕ್ಸ್.

ಡೆಸ್ಕ್ ಟಾಪ್ PCಗಳ ಬದಲಾಗಿ ಲ್ಯಾಪ್‌ಟಾಪ್‌ ಬಳಕೆಯನ್ನು ಹೋಲಿಸಿದಾಗ ಲ್ಯಾಪ್‌ಟಾಪ್‌ಗಳಲ್ಲಿರುವ ವೈಶಿಷ್ಟ್ಯಗಳಲ್ಲಿ ಒಯ್ಯಬಲ್ಲ ಸಲಕರಣೆಯನ್ನು ಮೊದಲಿಗೇ ಪಟ್ಟಿ ಮಾಡುವುದಿದೆ.[೩೬] ಒಯ್ಯಬಲ್ಲ ಸಲಕರಣೆ ಎಂದರೆ ಲ್ಯಾಪ್ ಟಾಪ್‌ಗಳನ್ನು ಅನೇಕ ಕಡೆ ಉಪಯೋಗಿಸಬಹುದು-ಬರೀ ಮನೆ ಮತ್ತು ಕಛೇರಿ ಮಾತ್ರಗಳಲ್ಲದೆ ಪಯಣಿಸುವಾಗ ಮತ್ತು ವಿಮಾನಗಳಲ್ಲಿ, ಕಾಫೀ ಕೇಂದ್ರಗಳಲ್ಲಿ, ಉಪನ್ಯಾಸ ಸಭಾಂಗಣಗಳಲ್ಲಿ ಮತ್ತು ಗ್ರಂಥಾಲಯಗಳಲ್ಲಿ,ಕಕ್ಷಿದಾರರ ಸ್ಥಳಗಳಲ್ಲಿ ಅಥವಾ ಸಭಾ ಕೊಠಡಿಗಳಲ್ಲಿ ಇತ್ಯಾದಿ. ಈ ಒಯ್ಯಬಲ್ಲ ಸಲಕರಣೆ ಅನೇಕ ವಿಶಿಷ್ಟ ಉಪಯೋಗಗಳನ್ನು ಕೊಡುತ್ತದೆ:

  • ಅಧಿಕ ಕಾರ್ಯಗಳನ್ನು ಮಾಡಿಸಿಕೊಳ್ಳುವುದು - ಲ್ಯಾಪ್‌ಟಾಪ್ ಎಲ್ಲೆಂದರಲ್ಲಿ ಅಲ್ಲಿ ಒಯ್ದು ಉಪಯೋಗಿಸಬಹುದು ಅದೇ ಡೆಸ್ಕ್ ಟಾಪ್ ಇದ್ದೆಡೆಯಲ್ಲೇ ಉಪಯೋಗಿಸಬೇಕು, ಹೀಗಾಗಿ ಲ್ಯಾಪ್‌ಟಾಪ್‌ಗಳಿಂದ ಮುಖ್ಯವಾಗಿ ಸಮಯ ವ್ಯಯ ಆಗುವುದಿಲ್ಲ. ಉದಾಹರಣೆಗೆ, ಕಛೇರಿಯ ನೌಕರನೊಬ್ಬ ಒಂದು ಗಂಟೆ ಹೊತ್ತು ಟ್ರೈನ್‌ನಲ್ಲಿ ಪಯಣಿಸಬೇಕಾದಾಗ ಇ-ಮೇಲ್ ನಲ್ಲಿ ಒಂದಷ್ಟು ಹೊತ್ತು ಕಾರ್ಯನಿರ್ವಹಿಸಬಹುದಾಗಿದೆ, ಅಥವಾ ಒಬ್ಬ ವಿದ್ಯಾರ್ಥಿ ಪ್ರವಚನಗಳ ನಡುವೆ ಹೋಮ್‌ವರ್ಕ್ ಅನ್ನು ವಿಶ್ವವಿದ್ಯಾನಿಲಯದ ಕಾಫೀ ಶಾಪ್‌ನಲ್ಲಿ ಕುಳಿತು ಮಾಡಬಹುದಾಗಿದೆ.[೩೭]
  • ಪ್ರತ್ಯಕ್ಷತೆ -ಲ್ಯಾಪ್‌ಟಾಪ್‌ಗಳನ್ನು ಒಯ್ಯುತ್ತಿರುವುದೆಂದರೆ ವಿವಿಧ ಮಾಹಿತಿಗಳಿಗೆ,ಖಾಸಗಿ ಮತ್ತು ಕಛೇರಿಯ ಫೈಲ್‌ಗಳಿಗೆ ಪ್ರವೇಶ ಪಡೆದಂತೆ. ಪ್ರತ್ಯಕ್ಷತೆ ಸಹ ಕೆಲಸಗಾರರ ನಡುವೆ ಅಥವಾ ಜೊತೆಗಾರ ವಿದ್ಯಾರ್ಥಿಗಳ ನಡುವೆ ಒಳ್ಳೆ ಸಹಯೋಗವನ್ನು ಒದಗಿಸುತ್ತದೆ, ಲ್ಯಾಪ್‌ಟಾಪ್‌ನ ಫ್ಲಿಪ್ ಅನ್ನು ತೆರೆದು ಒಂದು ಸಮಸ್ಯೆಯನ್ನಾಗಲಿ ಅಥವಾ ಪರಿಹಾರವನ್ನಾಗಲಿ ಎಲ್ಲಾ ಸಮಯದಲ್ಲೂ,ಎಲ್ಲಾ ಸ್ಥಳಗಳಲ್ಲೂ ಮಾಡಬಹುದಾಗಿದೆ.
  • Up-to-date ಮಾಹಿತಿ -ಯಾರಾದರೊಬ್ಬರಿಗೆ ಒಂದಕ್ಕಿಂತ ಅಧಿಕ ಡೆಸ್ಕ್ ಟಾಪ್ PC ಇದ್ದರೆ ಎರಡನ್ನೂ ಸಮನ್ವಯಗೊಳಿಸಿವುದು ಒಂದು ಸಮಸ್ಯೆ ಉದ್ಭವವಾಗುತ್ತದೆ:ಒಂದು ಕಂಪ್ಯೂಟರ್‌ನಲ್ಲಿ ಆದ ಬದಲಾವಣೆ ಇನ್ನೊಂದರಲ್ಲಿ ತನ್ನಷ್ಟಕ್ಕೇ ತಾನೇ ಪ್ರಸಾರವಾಗಿರುವುದಿಲ್ಲ. ಈ ಸಮಸ್ಯೆಯನ್ನು ಬಗೆ ಹರಿಸಲು ದಾರಿಗಳಿವೆ, ಅವುಗಳಲ್ಲಿ USB ಫ್ಲಾಶ್ ಮೆಮೊರಿ ಸ್ಟಿಕ್ ಅಥವಾ CDR ಅನ್ನು ಬಳಸಿ ಅಪ್‌ಡೇಟಡ್ ಫೈಲ್‌ಗಳನ್ನು ಭೌತಿಕವಾಗಿ ವರ್ಗಾವಣೆ ಮಾಡುವುದು ಅಥವಾ ಸಮನ್ವಯ ಸಾಫ್ಟ್‌ವೇರ್‌ಗಳನ್ನು ಇಂಟರ್‌ನೆಟ್ ಮುಖಾಂತರ ಬಳಸುವುದು. ಆದಾಗ್ಯೂ, ಒಂದು ಏಕೈಕ ಲ್ಯಾಪ್‌ಟಾಪ್‌ ಅನ್ನು ಎರಡೂ ಸ್ಥಳಗಳಲ್ಲಿ ಬಳಸಿದ್ದಲ್ಲಿ ಈ ಸಮಸ್ಯೆಯನ್ನು ಒಟ್ಟಾರೆಯಾಗಿ ತಡೆಯಬಹುದು, ಹೇಗೂ ಫೈಲ್‌ಗಳು ಯಾವಾಗಲೂ up-to-date ಆಗಿಯೇ ಇರುತ್ತದೆ.
  • ಸಂಬಂಧಕತೆ -Wi-Fiತಂತಿ ರಹಿತ ಜಾಲಗಳು ಮತ್ತು ಸೆಲ್ಯುಲಾರ್ ಬ್ರಾಡ್‌ಬ್ಯಾಂಡ್ ಡಾಟಾ ಸೇವೆಗಳ (HSDPA, EVDO ಮತ್ತು ಇತರರು) ಸಂಖ್ಯಾಭಿವೃದ್ಧಿಯು ಹತ್ತಿರತ್ತಿರ ಸರ್ವತ್ರ ಸಿದ್ಧವಾದ ಬೆಂಬಲವನ್ನು ಲ್ಯಾಪ್‌ಟಾಪ್‌ಗಳಿಂದ ಪಡೆದು ಅಂದರೆ, ಅದು ಲ್ಯಾಪ್‌ಟಾಪ್ ಮೊಬೈಲ್ ಆಗಿ ಉಳಿದುಕೊಂಡೇ ಇಂಟರ್‌ನೆಟ್ ಮತ್ತು ಸ್ಥಳೀಯ ಜಾಲದ ಸಂಬಂಧಕವನ್ನು ಸುಲಭವಾಗಿ ಹೊಂದಬಹುದು ಎಂದು. Wi-Fi ಜಾಲಗಳು ಮತ್ತು ಲ್ಯಾಪ್‌ಟಾಪ್ ಪ್ರೋಗ್ರಾಂಗಳು ವಿಶೇಷವಾಗಿ ವಿಶ್ವವಿದ್ಯಾನಿಲಯದ ಕ್ಯಾಂಪಸ್‌ಗಳಲ್ಲಿ ವ್ಯಾಪಕವಾಗಿರುತ್ತದೆ.[೩೮]

ಲ್ಯಾಪ್‌ಟಾಪ್‌ನ ಇತರ ಉಪಯೋಗಗಳಲ್ಲಿ:

  • ಗಾತ್ರ – ಒಂದು ಮಾನದಂಡದ PC ಗಳಿಗಿಂತ ಲ್ಯಾಪ್‌ಟಾಪ್ ಗಾತ್ರದಲ್ಲಿ ಚಿಕ್ಕವು. ಸ್ಥಳವೆಂಬುದು ದುಬಾರಿಯ ಪ್ರಶ್ನೆಯಾದಾಗ ಇದು ಲಾಭವೇ, ಉದಾಹರಣೆಗೆ ಚಿಕ್ಕ ಅಪಾರ್ಟ್‌‍ಮೆಂಟ್‌ಗಳಲ್ಲಿ ಮತ್ತು ವಿದ್ಯಾರ್ಥಿಗಳ ವಿಶ್ರಾಂತಿ ಸ್ಥಳಗಳಲ್ಲಿ. ಲ್ಯಾಪ್‌ಟಾಪ್ ಬಳಕೆಯಲಿಲ್ಲದಾಗ ಅದನ್ನು ಮುಚ್ಚಿಟ್ಟು ಒಂದು ಕಡೆ ಇಟ್ಟುಬಿಡಬಹುದು.
  • ಸುಲಭ ಪ್ರವೇಶ -ಅನೇಕ ಲ್ಯಾಪ್ ಟಾಪ್ ಗಳಿಗೆ ಕೆಳಗಡೆ ಬಾಗಿಲುಗಳಿರುತ್ತವೆ ಅದು ಮೆಮೋರಿ, ಹಾರ್ಡ್ ಡ್ರೈವ್ ಮತ್ತು ಇತರ ಉಪಕರಣಗಳಿಗೆ ಪ್ರವೇಶಿಸಲು ಸಾಧ್ಯವಾಗುತ್ತದೆ ಮತ್ತು ಮುಚ್ಚಿಟ್ಟಿರುವುದನ್ನು ತೆಗೆದಂತೆ ತೆಗೆದರೆ (ಫ್ಲಿಪ್) ಲ್ಯಾಪ್ ಟಾಪ್ ನ ಬಾಗಿಲುಗಳಿಗೆ ಪ್ರವೇಶವಾಗುತ್ತದೆ. ಡೆಸ್ಕ್ ಟಾಪ್‌ಗಳಿಗೆ ಹಿಂದುಗಡೆ ಬಾಗಿಲುಗಳಿರುತ್ತವೆ, ಸ್ಥಳವೇನಾದರು ಚಿಕ್ಕದಿದ್ದ ಪಕ್ಷದಲ್ಲಿ ಆ ಬಾಗಿಲುಗಳನ್ನು ತೆರೆಯಬೇಕಾದರೆ ಕಷ್ಟವೇ ಸರಿ.
  • ಕಡಿಮೆ ಪವರ್ ವ್ಯಯ –ಡೆಸ್ಕ್ ಟಾಪ್‌ಗಳಿಗಿಂತ ಲ್ಯಾಪ್‌ಟಾಪ್‌ಗಳಿಗೆ ಅನೇಕ ಪ್ರಮಾಣದಲ್ಲಿ ಪವರ್-ದಕ್ಷತೆ ಅಧಿಕ. ಲ್ಯಾಪ್‌ಟಾಪ್‌‌ಗೆ 20-90 W, ಬಳಸಲು ಬೇಕಾದರೆ,ಡೆಸ್ಕ್ ಟಾಪ್‌ಗಳಿಗೆ 100-800 W ಬೇಕಾಗುತ್ತದೆ. ಈ ಅಂಶ ಬ್ಯುಸಿನೆಸ್‌ಗೆ ಅನುಕೂಲ ಏಕೆಂದರೆ (ನೂರಾರು ಖಾಸಗಿ ಕಂಪ್ಯೂಟರ್‌ಗಳು ಬಳಸಲ್ಪಡುತ್ತಿರುತ್ತದೆ ಆದ್ದರಿಂದ ಪವರ್ ಉಳಿತಾಯವು ಗುಣಾಕಾರ ಲೆಕ್ಕದಲ್ಲಿಯೇ ಲಭ್ಯವಾಗುತ್ತದೆ) ಮತ್ತು 24/7 ಅವಧಿಯಲ್ಲಿ ಮನೆಗಳಲ್ಲಿ ಕಂಪ್ಯೂಟರ್ ಬಳಸಲ್ಪಡುತ್ತಿರುತ್ತದೆ (ಹೋಮ್ ಮೀಡಿಯಾ ಸರ್ವರ್,ಪ್ರಿಂಟ್ ಸರ್ವರ್,ಇತ್ಯಾದಿಗಳು)
  • ನಿಶ್ಯಬ್ದ –ನಿಧಾನಗತಿಯ ಕೂಲಿಂಗ್ ಫ್ಯಾನ್‌ಗಳಿಂದಾಗಿ ಮತ್ತು ಕಡಿಮೆ ಉಷ್ಣಾಂಶವನ್ನು ಹೊಮ್ಮಿಸುವ (ನಿಶ್ಯಬ್ದ, ನಿಧಾನಸ್ಥ 2.5-ಇಂಚಿನ ಹಾರ್ಡ್ ಡ್ರೈವ್) ಉಪಕರಣಗಳಿಂದಾಗಿ ಲ್ಯಾಪ್‌ಟಾಪ್‌ಗಳಲ್ಲಿ ಡೆಸ್ಕ್ ಟಾಪ್‌ನಷ್ಟು ಶಬ್ದ ಹೊಮ್ಮುವುದಿಲ್ಲ.
  • ಬ್ಯಾಟರಿ –ವಿದ್ಯುತ್ ಇಲ್ಲದಿದ್ದ ಪಕ್ಷದಲ್ಲಿ ಪೂರ್ಣ ಆವೇಶಗೊಳಿಸಿದ ಲ್ಯಾಪ್‌ಟಾಪ್ ಅನೇಕ ಗಂಟೆಗಳು ಚಾಲ್ತಿಯಲ್ಲಿರಬಹುದು ಕಡಿಮೆಗೊಳ್ಳುತ್ತಿರುವ ಆವೇಶದಿಂದಾಗಿ ಕಾರ್ಯಾಚರಣೆಗೇನು ತೊಂದರೆಯಾಗದು. ಆದರೆ ಡೆಸ್ಕ್ ಟಾಪ್‌ಗಳಿಗೆ ಮಾತ್ರ UPS ಬೇಕಾಗುತ್ತದೆ, ಪವರ್ ಕಡಿಮೆಗೊಳ್ಳುತ್ತಿರುವ ಹಾಗೆಯೇ ಪರದೆ ಸರಿಯಾಗಿ ಕಾಣಿಸದ ಸ್ಥಿತಿ (ಬ್ರೌನ್ ಔಟ್) ಮತ್ತು ಸ್ಪೈಕ್‌ಗಳು ಉದ್ಭವಾಗಿ ಬಿಡುತ್ತದೆ; 20–30 ನಿಮಿಷದ UPS ಕೊಂಡುಕೊಳ್ಳಲು ಹೆಚ್ಚು ಹಣ ವ್ಯಯ ಮಾಡಬೇಕಾಗುತ್ತದೆ.[೩೯]
  • ಏಕದಲ್ಲಿ-ಅನೇಕ -ಲ್ಯಾಪ್‌ಟಾಪ್‌ನ ಚಾಸಿಗಳಲ್ಲಿ ಎಲ್ಲವನ್ನೂ ಅಡಕಗೊಳ್ಳಸಲಾಗಿರುತ್ತದೆ ಮತ್ತು ಒಯ್ಯಬಲ್ಲ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿರುತ್ತದೆ. ಆದರೆ ಡೆಸ್ಕ್ ಟಾಪ್‌ಗಳಲ್ಲಿ ಹಾಗಲ್ಲ!(ಏಕದಲ್ಲಿ ಎಲ್ಲವೂ ಅನ್ನುವ ಮಾದರಿಗಳನ್ನು ಹೊರತು ಪಡಿಸಿದರೆ) ಅವುಗಳನ್ನು ಡೆಸ್ಕ್ ಟಾಪ್, ಕೀಲಿಮಣೆ,ಮೌಸ್,ಪ್ರದರ್ಶಕ ಮತ್ತು ಬೇಕಾದರೆ ಮಾತ್ರ ಲಭ್ಯ ಮಾಡಿಕೊಳ್ಳಬಹುದಾದ ಸ್ಪೀಕರ್‌ಗಳು, ಮತ್ತು ವೆಬ್‌ಕ್ಯಾಮ್ ಎಂದು ವಿಂಗಡಿಸಲಾಗಿರುತ್ತದೆ. ಇದರಿಂದ ಅಧಿಕ ವೈರಿಂಗ್ ಮಾಡಬೇಕಾಗುತ್ತದೆ. ಇದು ಅಧಿಕ ಪವರ್ ವ್ಯಯವಾಗುವುದಕ್ಕೆ ಕಾರಣವಾಗುತ್ತದೆ.
  • ಇತರೆಗಳು - ಕಡಿಮೆ ಬೆಲೆಯ ಡೆಸ್ಕ್ ಟಾಪ್‌ಗಳಿಗೆ ಹೋಲಿಸಿದರೂ ಕಡಿಮೆ ಬೆಲೆಯ ಲ್ಯಾಪ್‌ಟಾಪ್‌ಗಳಲ್ಲಿ ಸಮಗ್ರೀಕೃತ Wi-Fi,ಮತ್ತು ಎಕ್ಸ್‌ಪ್ರೆಸ್ ಕಾರ್ಡ್ ಸ್ಲಾಟ್, ಮತ್ತು ಒಂದು ಮೆಮೋರಿ ಕಾರ್ಡ್ ರೀಡರ್ ಇರುತ್ತದೆ.

ಅನಾನುಕೂಲಗಳು[ಬದಲಾಯಿಸಿ]

ಡೆಸ್ಕ್ ಟಾಪ್ PCಗಳಿಗೆ ಹೋಲಿಸಿದಾಗ ಲ್ಯಾಪ್‌ಟಾಪ್‌ಗಳಲ್ಲಿರುವ ಅನಾನುಕೂಲತೆಗಳು ಹೀಗಿವೆ:

ನಿರ್ವಹಣೆ[ಬದಲಾಯಿಸಿ]

ಡೆಸ್ಕ್ ಟಾಪ್ ಮತ್ತು ಲ್ಯಾಪ್‌ಟಾಪ್ ಗಳೆರಡೂ ಮುಖ್ಯವಾಹಿನಿಯ ಕಾರ್ಯಾಚರಣೆಯನ್ನು ಹೋಲಿಸಿದಾಗ, ಅದೇ ಆಚರಣೆ ನಿರ್ವಹಿಸುವ ಲ್ಯಾಪ್‌ಟಾಪ್‍ನ ಬೆಲೆ ಡೆಸ್ಕ್ ಟಾಪ್ ಗಿಂತ ದುಬಾರಿಯಾಗಿರುತ್ತದೆ.[೪೦] ಮೇಲುಸ್ತರದ ಆಚರಣೆಯ ಲ್ಯಾಪ್‌ಟಾಪ್‌ಗಳಲ್ಲಿ ದಕ್ಷತೆ ಸ್ವಲ್ಪ ಕಡಿಮೆಯೇ, ಮತ್ತು ವಿಶೇಷತೆಗಳನ್ನು ಡೆಸ್ಕ್ ಟಾಪ್‌ಗಳಿಗೆ ಮೊದಲು ಅಳವಡಿಸಿಲಾಗುತ್ತದೆ ಆನಂತರ ಅದು ಪೌಢಾವಸ್ಥೆ ತಲುಪಿದ ನಂತರವಷ್ಟೇ ಲ್ಯಾಪ್‌ಟಾಪ್‌ಗಳಿಗೆ ಅಳವಡಿಸಲಾಗುತ್ತದೆ.

ಆದಾಗ್ಯೂ, ಇಂಟರ್‌ನೆಟ್ ಬ್ರೌಸಿಂಗ್ ಮತ್ತು ಕಛೇರಿ ಶೈಲಿಯ ಕಾರ್ಯಕ್ಕೆ ಇನ್ನೊಂದು ಬಳಕೆದಾರನ ಆಗಮನಕ್ಕೆ ಕಂಪ್ಯೂಟರ್ ಅಧಿಕ ಸಮಯವನ್ನು ಕಾಯಲು ತೆಗೆದುಕೊಂಡರೆ, ನೆಟ್‌ಬುಕ್ ವರ್ಗದ ಲ್ಯಾಪ್‌ಟಾಪ್‌ಗಳು ಸಾಮಾನ್ಯವಾಗಿ ವೇಗವಿರುತ್ತದೆ.[೪೧] ಅತ್ಯಂತ ಮೇಲುಸ್ತರದ ಲ್ಯಾಪ್‌ಟಾಪ್‌ಗಳು ಹೈ ರೆಸಲ್ಯೂಷನ್ ಚಲನಚಿತ್ರ ವಿಕ್ಷಿಸುವದಕ್ಕೆ,3D ಆಟಗಳನ್ನು ಆಡಲಿಕ್ಕೆ ಮತ್ತು ವೀಡಿಯೋ ಸಂಕಲನ ಮಾಡಲಿಕ್ಕೆ ಹಾಗೂ ಎನ್ಕೋಡಿಂಗ್ ಮುಂತಾದ ಕಾರ್ಯಗಳಿಗೆ ಸಾಕಷ್ಟು ಶಕ್ತಿಯುತವಾಗಿರುತ್ತದೆ. ಆದರೆ, ಲ್ಯಾಪ್‌ಟಾಪ್‌ಗಳು ಡಾಟಾಬೇಸ್, ಗಣಿತ, ಎಂಜಿನಿಯರಿಂಗ್, ಫೈನಾನ್ಶಿಯಲ್ ಸಾಫ್ಟ್ ವೇರ್ ಇತ್ಯಾದಿಗಳಲ್ಲಿ ಅನಾನುಕೂಲತೆಗಳಿದೆ.

ಈ ಕಾರ್ಯಗಳನ್ನು ನಿರ್ವಹಿಸುವಾಗ ಲ್ಯಾಪ್‌ಟಾಪ್‌ಗಳಲ್ಲೇನಾದರೂ ಸಮಸ್ಯೆಯನ್ನು ಬಗೆಹರಿಸಬೇಕಾದರೆ ತಯಾರಕರು ಡೆಸ್ಕ್ ಟಾಪ್ CPUಗಳನ್ನೇ ಬಳಸುತ್ತಾರೆ.[೪೨]

ಉನ್ನತಕ್ಕೇರಿಸುವುದು[ಬದಲಾಯಿಸಿ]

ಡೆಸ್ಕ್ ಟಾಪ್‌ಗಳಿಗೆ ಹೋಲಿಸಿದಾಗ ಲ್ಯಾಪ್‌ಟಾಪ್‌ಗಳನ್ನು ಉನ್ನತಕ್ಕೇರಿಸುವುದು ಸೀಮಿತವಾಗಿರುತ್ತದೆ,ಯಾಕೆಂದರೆ ಡೆಸ್ಕ್ ಟಾಪ್‌ಗಳನ್ನು ಸಮಗ್ರವಾಗಿ ಗುಣಮಟ್ಟಕ್ಕೆ ಮಾಡಲಾಗಿರುತ್ತದೆ. ಸಾಮಾನ್ಯವಾಗಿ ಹಾರ್ಡ್ ಡ್ರೈವ್‌ಗಳನ್ನು ಮತ್ತು ಮೆಮೋರಿಯನ್ನು ಸುಲಭವಾಗಿ ಉನ್ನತಕ್ಕೇರಿಸಬಹುದು. ತಯಾರಕರ ಮಾನದಂಡವನ್ನು ಅನುಸರಿಸಿದರೆ ಆಪ್ಟಿಕಲ್ ಡ್ರೈವ್ಸ್ ಮತ್ತು ಆಂತರಿಕ ವಿಸ್ತರಣೆಯ ಕಾರ್ಡ್‌ಗಳನ್ನು ಉನ್ನತಕ್ಕೇರಿಸಬಹುದು, ಆದರೆ ಬೇರೆ ಎಲ್ಲಾ ಆಂತರಿಕ ಸಲಕರಣೆಗಳು-CPU,ಮದರ್ ಬೋರ್ಡ್ ಮತ್ತು ವರ್ಣಚಿತ್ರ ಮುಂತಾದವುಗಳನ್ನು ಉನ್ನತಕ್ಕೇರಿಸುವುದು ಸಾಧ್ಯವಿಲ್ಲ.

ಲ್ಯಾಪ್‌ಟಾಪ್‌ಗಳಲ್ಲಿ ಉನ್ನತಕ್ಕೇರಿಸುವ ಕಾರ್ಯ ಸೀಮಿತವಾಗಿರುವ ಕಾರಣ ತಾಂತ್ರಿಕತೆ ಮತ್ತು ಆರ್ಥಿಕತೆ. ಲ್ಯಾಪ್‌ಟಾಪ್‌ಗಳಿಗೆ ಉದ್ಯಮ ವ್ಯಾಪಿತ ಮಾನದಂಡ ಫಾರ್ಮ್ ಫ್ಯಾಕ್ಟರ್ ಇರುವುದಿಲ್ಲ; ಪ್ರತಿಯೊಂದು ದೊಡ್ದ ಲ್ಯಾಪ್‌ಟಾಪ್‌ಗಳಿಗೆ ಸ್ವಂತ ಏಕಸ್ವಾಮ್ಯದ ವಿನ್ಯಾಸ ಮತ್ತು ಕಟ್ಟಡವಿರುತ್ತದೆ, ಈ ಕಾರಣಕ್ಕೇ ಲ್ಯಾಪ್‌ಟಾಪ್‌ಗಳನ್ನು ಉನ್ನತಕ್ಕೇರಿಸುವುದು ಕಷ್ಟ ಮತ್ತು ರಿಪೇರಿ ಖರ್ಚೂ ದುಬಾರಿ. ಕೆಲವನ್ನು ಹೊರತು ಪಡಿಸಿದರೆ, ಪ್ರತಿಸ್ಪರ್ಧಿ ಲ್ಯಾಪ್‌ಟಾಪ್ ತಯಾರಕರ ನಡುವೆ ಸಲಕರಣೆ (ಕಾಂಪೋನೆಂಟ್ಸ್)ಗಳನ್ನು ವಿನಿಮಯ ಮಾಡಿಕೊಳ್ಳಲಾಗದು, ಅಷ್ಟೇಕೆ ಒಂದೇ ಕಂಪನಿಯ ಬೇರೆ ಬೇರೆ ಸ್ಥರಗಳಿಗೆ ಸೇರಿದ ಉತ್ಪನ್ನಗಳ ನಡುವೆಯೂ ಸಲಕರಣೆಗಳನ್ನು ವಿನಿಮಯ ಮಾಡಿಕೊಳ್ಳಲಾಗುವುದಿಲ್ಲ.

ಕೆಲವು ಉನ್ನತಕ್ಕೇರಿಸುವ ಕಾರ್ಯವನ್ನು ಬಾಹ್ಯ ಸಾಧನಗಳಾದ USB ಅಥವಾ ವಿಸ್ತರಣೆ ಕಾರ್ಡ್ PC Cardಗಳ ಸಹಾಯದಿಂದ ಆಚರಿಸಬಹುದಾಗಿದೆ: ಸೌಂಡ್ ಕಾರ್ಡ್ಸ್, ಮತ್ತು ಅಸಂಖ್ಯಾತ ಬೇರೆ ಬೇರೆ ಬಾಹ್ಯೋಪಕರಣಗಳು ಲಭ್ಯವಿರುತ್ತದೆ ಆದರೆ ಇವುಗಳು ಲ್ಯಾಪ್‌ಟಾಪ್‌ನ ಒಯ್ಯಬಲ್ಲ ಸೌಕರ್ಯವನ್ನು ಕುಂಠಿತಗೊಳ್ಳಿಸುತ್ತದೆ, ಕಾರಣ ಅದಕ್ಕೆ ಕೇಬಲ್‌ಗಳನ್ನು ಮತ್ತು ಸೆಟ್ಅಪ್ ಬಾಕ್ಸ್‌ಗಳನ್ನು ಅಳವಡಿಸಬೇಕಾಗುತ್ತದೆ ಮತ್ತು ಪ್ರತಿ ಸಾರಿ ಎಲ್ಲಿಯಾದರು ಕೊಂಡೊಯ್ಯ ಬೇಕಾದರೆ ಅವುಗಳನೆಲ್ಲಾ ತೆಗೆದು ಹಾಕಿ ಸೇರಿಸುತ್ತಿರಬೇಕು.

ದಕ್ಷತಾ ಶಾಸ್ತ್ರ ಮತ್ತು ಆರೋಗ್ಯ[ಬದಲಾಯಿಸಿ]

ಲ್ಯಾಪ್‌ಟಾಪ್ ಕೋಸ್ಟರ್ ತೊಡೆ ತಾಪಗೊಳ್ಳುವುದನ್ನು ತಡೆಯುತ್ತದೆ ಮತ್ತು ಲ್ಯಾಪ್‌ಟಾಪ್‌ನ ಗಾಳಿ ಆಡುವುದನ್ನು ಸುಧಾರಿಸುತ್ತದೆ.

ಲ್ಯಾಪ್‌ಟಾಪ್‌ಗಳ ಕೀಲಿಮಣೆ ಮತ್ತು ಟ್ರ್ಯಾಕ್‌ಪ್ಯಾಡ್ ಅತ್ಯಂತ ಸಣ್ಣ ಮತ್ತು ಪ್ಲಾಟ್ ಆಗಿದ್ದು,ಸತತ ಬಳಕೆಯಿಂದ ರೆಪಿಟಿಟೀವ್ ಸ್ಟ್ರೈನ್ ಇಂಜ್ಯೂರಿ ಆಗುತ್ತದೆ.[೪೩] ಸತತವಾಗಿ ಅಧಿಕ ಸಮಯವನ್ನು ಲ್ಯಾಪ್‌ಟಾಪ್‌ನಲ್ಲಿ ಕೆಲಸ ಮಾಡುವವರು ಪ್ರತ್ಯೇಖ ಬಾಹ್ಯ ಎರ್ಗಾನಾಮಿಕ್ ಕೀಲಿಮಣೆ ಮತ್ತು ಪಾಯ್ನ್‌ಟಿಂಗ್ ಸಾಧನಗಳನ್ನು ಬಳಸಿದ್ದಲ್ಲಿ ಈ ಹಾನಿಯನ್ನು ತಡೆಯಬಹುದಾಗಿದೆ; USB ಅಥವಾ ಡಾಕಿಂಗ್ ಸ್ಟೇಷನ್ ಮೂಲಕ ಲ್ಯಾಪ್‌ಟಾಪ್ ಅನ್ನು ಸೇರಿಸಬಹುದಾಗಿದೆ. ಕಾರ್ಯಕ್ಷೇತ್ರಗಳಲ್ಲಿ ಆರೋಗ್ಯ ಮಾನದಂಡಗಳನ್ನು ಅನುಸರಿಸಲು ಎರ್ಗಾನಾಮಿಕ್ ಕೀಲಿಮಣೆಗಳು ಬೇಕಾಗುತ್ತವೆ.

ಏಕೀಕೃತ ಪರದೆ ನೋಡುಗರನ್ನು ಬಗ್ಗಿ ನೋಡುವಂತೆ ಮಾಡುತ್ತದೆ ಇದು ಕುತ್ತಿಗೆ ಅಥವಾ ಸ್ಪೈನಲ್ ಇಂಜ್ಯೂರಿಗೆ ಕಾರಣವಾಗುತ್ತದೆ. ದೊಡ್ದದಾದ ಮತ್ತು ಉನ್ನತ ಗುಣಮಟ್ಟದ ಬಾಹ್ಯ ಪರದೆಯನ್ನು ಬಹುತೇಖ ಎಲ್ಲಾ ಲ್ಯಾಪ್‌ಟಾಪ್‌ಗಳಿಗೆ ಅಳವಡಿಸಿದರೆ ಹೆಚ್ಚು ಕಾರ್ಯವನ್ನು ನಿರ್ವಹಿಸಬಹುದು.

ಸ್ಟೇಟ್ ಯುನಿವರ್ಸಿಟಿ ಆಫ್ ನ್ಯೂ ಯಾರ್ಕ್ ಅಧ್ಯಯನದ ಪ್ರಕಾರ ಲ್ಯಾಪ್‌ಟಾಪ್‌ಗಳಿಂದ ಹೊಮ್ಮುವ ಉಷ್ಣಾಂಶವು ವೃಷಣಕೋಶದ ತಾಪವನ್ನು ಹೆಚ್ಚಿಸುತ್ತದೆ ಮತ್ತು ಮಡಿಲ ಮೇಲಿಟ್ಟುಕೊಂಡು ಕೆಲಸ ಮಾಡುವವರಿಗೆ ವೀರ್ಯಾಣು ಎಣಿಕೆಯಲ್ಲಿ ವ್ಯತ್ಯಾಸವಾಗುವ ಅಪಾಯವಿರುತ್ತದೆ. ಅಧ್ಯಯನದಲ್ಲಿ, ಸುಮಾರು 21 ರಿಂದ 35 ವರ್ಷದ ವಯಸ್ಸಿನ ಎರಡು ಡಜನ್ ಪುರುಷರನ್ನು ಬಳಸಿ, ಅವರು ಕೆಲಸ ಮಾಡಲು ಕುಳಿತುಕೊಳ್ಳುವ ಪರಿಯನ್ನು ಪರೀಕ್ಷಿಸಿದಾಗ ಅವರುಗಳ ವೃಷಣಕೋಶದ ತಾಪವು 2.1 °C (3.78 °F)ನಷ್ಟು ಹೆಚ್ಚಿತ್ತು.

ಲ್ಯಾಪ್‌ಟಾಪ್ ಒಂದರಿಂದಲ್ಲೇ 0.7 °C (1.26 °F)ನಷ್ಟು ಉಷ್ಣವು ಏರುತ್ತದೆ ಇದರಿಂದಾಗಿ ಒಟ್ಟು 2.8 °C (5.04 °F) ನಷ್ಟು ತಾಪವು ಏರುತ್ತದೆ.
ಆದಾಗ್ಯೂ,ಪುರುಷರಲ್ಲಿ ಸಂತಾನಶಕ್ತಿಹರಣಕ್ಕೆ ಇದು ನೇರ ಕಾರಣವಾಗುತ್ತದೆಯೆ ಎಂದು ಇನ್ನೂ ಸಂಶೋಧನೆಗಳಾಗಬೇಕಿದೆ.

ಈ ಸಮಸ್ಯೆಗೆ ಸಾಮಾನ್ಯ ಕಾರ್ಯರೂಪದ ಪರಿಹಾರವೆಂದರೆ ಲ್ಯಾಪ್‌ಟಾಪ್ ಅನ್ನು ಮೇಜಿನ ಮೇಲಿಟ್ಟು ಕಾರ್ಯನಿರ್ವಹಿಸುವುದು. ಮತ್ತೊಂದು ಪರಿಹಾರವೆಂದರೆ ಲ್ಯಾಪ್‌ಟಾಪ್‌ಗಳಿಗೆ ಕೂಲಿಂಗ್ ಯುನಿಟ್ ಒದಗಿಸುವುದು, ಈ ಯುನಿಟ್‌ USBಯಿಂದ ಶಕ್ತವಾಗುತ್ತದೆ,ಇದರಲ್ಲಿ 1, 2 ಅಥವಾ 3 ಕೂಲಿಂಗ್ ಫ್ಯಾನ್‌ಗಳಿರುತ್ತದೆ ಮತ್ತು ಇದನ್ನು ಗಟ್ಟಿಯಾದ ಪ್ಲಾಸ್ಟಿಕ್ ಚೀಲದಂಥಹುದರಲ್ಲಿ ನೆಲೆಗೊಳಿಸಲಾಗಿರುತ್ತದೆ (ಇಷ್ಟೆಲ್ಲವೂ ಲ್ಯಾಪ್‌ಟಾಪ್‌ನ ಅಡಿಯಲ್ಲಿ ಇಡಲಾಗುವಂತೆ ವಿನ್ಯಾಸ ಗೊಳಿಸಲಾಗಿರುತ್ತದೆ) ಪರಿಣಾಮವಾಗಿ ಲ್ಯಾಪ್‌ಟಾಪ್ ಮುಟ್ಟಲು ಆಗುವಷ್ಟು ತಣ್ಣಗಿರುತ್ತದೆ ಮತ್ತು ತಾಪವೇರುವುದನ್ನು ತಡೆಗಟ್ಟುತ್ತದೆ. ಅನೇಕ ಕಂಪನಿಗಳು ಈ ಕೂಲರ್‌ಗಳನ್ನು ತಯಾರಿಸುತ್ತವೆ.

ಲ್ಯಾಪ್‌ಟಾಪ್ ಅನ್ನು ತೊಡೆ ಮೇಲಿಟ್ಟು ಬಳಸುವುದರಿಂದ ತೊಡೆಯ ಚರ್ಮದ ಬಣ್ಣವು ಕೆಡುತ್ತದೆ.[೪೪]

ಬಾಳಿಕೆ[ಬದಲಾಯಿಸಿ]

2.5 ವರ್ಷಗಳ ಹಳೆಯ ಲ್ಯಾಪ್‌ಟಾಪ್ ಮೇಲೆ ತಾಪಗುಂಡಿಯ ತಡೆ.

ಲ್ಯಾಪ್‌ಟಾಪ್‌ನ ಒಯ್ಯಬಲ್ಲ ಸಲಕರಣೆಯಿಂದಾಗಿ ಅದು ಸವೆತಕ್ಕೆ ಮತ್ತು ಭೌತಿಕವಾಗಿ ಜಖಂ ಆಗುವುದಕ್ಕೆ ಡೆಸ್ಕ್ ಟಾಪ್‌ಗಳಿಗಿಂತ ಹೆಚ್ಚು ಅವಕಾಶವಿರುತ್ತದೆ. ಪರದೆಯ ಕೀಲು,ಲ್ಯಾಚುಗಳು,ಪವರ್ ಜ್ಯಾಕ್ ಮತ್ತು ಪವರ್ ಕಾರ್ಡ್ ಗಳು ಸಾಮಾನ್ಯ ಬಳಕೆಗೂ ಕಾಲಕ್ರಮೇಣ ಸವೆತಕ್ಕೊಳಗಾಗುತ್ತದೆ. ಕೀಲಿ ಮಣೆಯ ಮೇಲೆ ಒಂದಿಷ್ಟು ದ್ರವ ಬಿದ್ದರೂ ಅದು ಆಂತರಿಕಗಳನ್ನು ಜಖಂಗೊಳ್ಳಿಸಿ ಅಧಿಕ ಹಣ ವ್ಯಯವಾಗುವುದಕ್ಕೆ ಕಾರಣವಾಗುತ್ತದೆ. ಮೊದಲ ವರ್ಷದ ಬಳಕೆಯಲ್ಲಿ ಡೆಸ್ಕ್ ಟಾಪ್‌ಗಿಂತ ಮೂರು ಪಟ್ಟು ಹೆಚ್ಚು ಸಾರಿ ಲ್ಯಾಪ್‌ಟಾಪ್‌ಗಳು ಕಾರ್ಯನಿರ್ವಹಿಸದೆ ನಿಂತು ಹೋಗುವ ಸಾಧ್ಯತೆ ಇದೆ.[೪೫]

ಮೂಲ ಬಾಹ್ಯ ಸಲಕರಣೆಗಳು ದುಬಾರಿಯಾಗುತ್ತದೆ (AC ಅಡಾಪ್ಟರ್ ಒಂದಕ್ಕೇ 75 US$ ತಗಲುತ್ತದೆ);ಬೇರೆ ಬಿಡಿ ಭಾಗಗಳು ಕಡಿಮೆ ದರವೇನೋ ಸರಿ ಆದರೆ ಅವುಗಳನ್ನು ತಾಂತ್ರಿಕನೊಬ್ಬನಿಂದ ಲ್ಯಾಪ್‌ಟಾಪ್ ಅನ್ನು ಬಿಚ್ಚಿ ಹಳೆಯದನ್ನು ತೆಗೆದು ಹೊಸದನ್ನು ಹಾಕಿ ಪರೀಕ್ಷಿಸಿ ಸರಿ ಮಾಡುವ ಕೆಲಸವು ಹೆಚ್ಚು ವೇಳೆ ಹಿಡಿಯುವುದರಿಂದ ಆಗ ಅದು ದುಬಾರಿಯಾಗುತ್ತದೆ. ಬೇರೆ ಕೆಲವು ಅಗ್ಗದ ಆದರೆ ದುರ್ಬಲ ಭಾಗಗಳು ಇವೆ, ಆದರೆ ಇವುಗಳನ್ನು ಪ್ರತ್ಯೇಕವಾಗಿ ಕೊಂಡುಕೊಳ್ಳಲು ಸಾಧ್ಯವಿಲ್ಲ.[೪೬] ನಿಷ್ಕ್ರಿಯ ಮದರ್ ಬೋರ್ಡ್ ಅಥವಾ LCD ಪ್ಯಾನೆಲ್‌ನ ರಿಪೇರಿ ಖರ್ಚು ಒಂದು ಹಳೆಯ ಲ್ಯಾಪ್‌ಟಾಪ್‌ಗಿಂತ ದುಬಾರಿಯಾಗುತ್ತದೆ.

ಫ್ಯಾನ್ ಮತ್ತು ತಾಪ ಗುಂಡಿ ಯನ್ನೊಳಗೊಂಡ ಕೂಲಿಂಗ್ ವ್ಯವಸ್ಥೆಯ ಮೇಲೆ ಲ್ಯಾಪ್‌ಟಾಪ್ ಅವಲಂಬಿಸಿದೆ ಆದರೆ ಇದು ಗಾಳಿಯಿಂದ ಬರುವ ಧೂಳಿನಿಂದ ಕಾರ್ಯನಿರ್ವಹಿಸುವುದರಲ್ಲಿ ಸೋಲಬಹುದು.

ಅನೇಕ ಲ್ಯಾಪ್‌ಟಾಪ್‌ಗಳ ಕೂಲಿಂಗ್ ವ್ಯವಸ್ಥೆಯಲ್ಲಿ ಧೂಳನ್ನು ತಡೆಯುವ ಫಿಲ್ಟರ್ ಇರುವುದಿಲ್ಲ ಇದರಿಂದಾಗಿ ವರ್ಷಗಳು ಕಳೆದಂತೆ ಲ್ಯಾಪ್‌ಟಾಪ್‌ಗಳಿಗೆ ಬಿಸಿ ಏರಿಕೆ ಅಧಿಕವಾಗುತ್ತದೆ ಹಾಗೆಯೇ ಶಬ್ದವೂ ಕೂಡ.  ಕೊನೆಯದಾಗಿ ಲ್ಯಾಪ್‌ಟಾಪ್‌ಗಳು ನಿಶ್ಕ್ರೀಯ ವೇಳೆಯಲ್ಲೂ ಅಧಿಕ ತಾಪವಾಗುವುದು ಪ್ರಾರಂಭವಾಗಿಬಿಡುತ್ತದೆ.
ಈ ಧೂಳು ಏನು ಸಿಕ್ಕಿಕೊಂಡಿರುತ್ತದೆ ಅದನ್ನು ಸಾಮಾನ್ಯವಾದ ಶುಚಿತ್ವ ಮಾಡುವ ಕ್ರಿಯೆಯಲ್ಲಿ ತೆಗೆಯಲಾಗುವುದಿಲ್ಲ. ಬದಲಾಗಿ ಲ್ಯಾಪ್‌ಟಾಪ್‌ ಅನ್ನು ಸಂಪೂರ್ಣವಾಗಿ ಬಿಚ್ಚಿಟ್ಟು ನಂತರ ಸ್ವಚ್ಛಗೊಳಿಸಬೇಕು.

ಲ್ಯಾಪ್‌ಟಾಪ್‌ಗಳ ಬ್ಯಾಟರಿ ಜೇವಾಳವು ಸೀಮಿತವಾಗಿರುತ್ತದೆ;ಅದರ ಕ್ಯಪಾಸಿಟಿಯು ಸಮಯದೊಡನೆ ಕಡಿಮೆಗೊಳ್ಳುತ್ತದೆ ಕೊನೆಗೆ ಅದನ್ನು ಸ್ವಲ್ಪ ವರ್ಷಗಳ ತರುವಾಯ ಬದಲಾಯಿಸಬೇಕಾಗುತ್ತದೆ. ಬ್ಯಾಟರಿಯನ್ನು ಸುಲಭವಾಗಿ ಬದಲಾಯಿಸಬಹುದು,ಅಧಿಕ ಅವಧಿಯ ಬಾಳಿಕೆಗಾಗಿ ಉನ್ನತ ಮಟ್ಟದ ಬ್ಯಾಟರಿಯನ್ನು ಹಾಕಬೇಕಾಗುತ್ತದೆ.

ಭದ್ರತೆ[ಬದಲಾಯಿಸಿ]

ಮೌಲ್ಯವುಳ್ಳ, ಸಾಮಾನ್ಯವಾದ ಮತ್ತು ಒಯ್ಯಬಲ್ಲ ಲ್ಯಾಪ್‌ಟಾಪ್‌ಗಳು ಎಂದೂ ಕಳ್ಳತನಕ್ಕೆ ಆಸ್ಪದವೇ. ಶೇಖರಿಸಲ್ಪಟ್ಟ ವ್ಯವಹಾರದ ಮಾಹಿತಿಗಳು,ಖಾಸಗಿ ಮಾಹಿತಿಗಳು ಕಳೆದುಹೋದಲ್ಲಿ (ಐಡೆಂಟಿಟಿ ಥೆಫ್ಟ್, ಕ್ರೆಡಿಟ್ ಕಾರ್ಡ್ ಫ್ರಾಡ್, ಖಾಸಗಿ ನಿಯಮಗಳ ಭಂಗ) ಇವುಗಳಲ್ಲಿ ಪರಿಣಮಿಸುತ್ತದೆ, ಈ ಮಾಹಿತಿಗಳು ಲ್ಯಾಪ್‌ಟಾಪ್‌ನ ನೈಜ ಬೆಲೆಗಿಂತ ಬಹಳ ಅಧಿಕ. ಆದುದರಿಂದ,ಲ್ಯಾಪ್‌ಟಾಪ್‌ನ ಭೌತಿಕ ಸಂರಕ್ಷಣೆ ಎಷ್ಟು ಮುಖ್ಯವೋ ಅದರಲ್ಲಿ ಅಡಕವಾಗಿರುವ ಮಾಹಿತಿಗಳೂ ಅಷ್ಟೇ ಅಥವಾ ಅದಕ್ಕೂ ಹೆಚ್ಚಿನ ಮಟ್ಟಿಗೆ ಮುಖ್ಯಾವಾಗುತ್ತದೆ.

ಅನೇಕ ಲ್ಯಾಪ್‌ಟಾಪ್‌ಗಳಿಗೆ ಕೆನ್ಸಿಂಗ್ಟನ್ ಸೆಕ್ಯೂರಿಟಿ ಸ್ಲಾಟ್ ಅನ್ನು ಹಾಕಿರುತ್ತಾರೆ ಇದು ಕಂಪ್ಯೂಟರ್ ಅನ್ನು ಮೇಜಿಗೆ ಅಥವಾ ಅಲುಗಾಡದ ವಸ್ತುವಿಗೆ ಸರಪಣಿ ತರಹ ಕಟ್ಟಲಾಗಿರುತ್ತದೆ ಮತ್ತು ಅದಕ್ಕೆ ಬೀಗವೂ ಇರುತ್ತದೆ. ಇದರ ಜೊತೆಗೆ ಆಧುನಿಕ ಆಪರೇಟಿಂಗ್ ಸಿಸ್ಟಮ್ಸ್ ಮತ್ತು ಥರ್ಡ್-ಪಾರ್ಟಿ ಸಾಫ್ಟ್ ವೇರ್ ಗಳು ಡಿಸ್ಕ್ ಎನ್ಕ್ರಿಪ್ಶನ್ ಅನ್ನು ಒದಗಿಸುತ್ತದೆ ಅದರಿಂದ ಲ್ಯಾಪ್‌ಟಾಪ್‍ನ ಹಾರ್ಡ್ ಡ್ರೈವ್ ನಲ್ಲಿಯ ಮಾಹಿತಿಗಳನ್ನು ಕೀ ಇಲ್ಲದೆ ಓದಲಾಗದು.

ಕೆಲವು ಲ್ಯಾಪ್‌ಟಾಪ್‌ಗಳಲ್ಲಿ ಹೆಚ್ಚುವರಿ ಭದ್ರತೆಯಾಗಿ ಕಣ್ಣೋಟ ಮಾತ್ರದಿಂದ ಗುರುತಿಸಲ್ಪಡುವ ಸಾಫ್ಟ್ ವೇರ್‌ಗಳು ಮತ್ತು ಬೆರಳಚ್ಚಿನ ಸ್ಕ್ಯಾನಿಂಗ್ ಉಪಕರಣಗಳು ಅಳವಡಿಕೆಯಾಗಿರುತ್ತದೆ.

ಪ್ರಧಾನ ಬ್ರಾಂಡ್‌ಗಳು ಮತ್ತು ತಯಾರಕರು[ಬದಲಾಯಿಸಿ]

ಮಾರಾಟಗಳು[ಬದಲಾಯಿಸಿ]

1986ರಲ್ಲಿ ಬ್ಯಾಟರಿ ಚಾಲಿತ ಒಯ್ಯಬಲ್ಲ ಕಂಪ್ಯೂಟರ್, ವಿಶ್ವಾದ್ಯಂತ ಕೇವಲ 2% ರಷ್ಟು ಮಾತ್ರ ಪಾಲಿತ್ತು.[೪೮] ಆದರೆ ಇವತ್ತು ಲ್ಯಾಪ್‌ಟಾಪ್‌ಗಳು ಖಾಸಗಿ ಮತ್ತು ವ್ಯವಹಾರದ ವಲಯಗಳಲ್ಲಿ ಬಹು ಜನಪ್ರಿಯವಾಗುತ್ತಿದೆ.[೪೯] ೨೦೦೮ರಲ್ಲಿ 145.9 ದಶ ಲಕ್ಷ ನೋಟ್‌ಬುಕ್‌ಗಳು ಮಾರಾಟವಾಗಿದೆ ಎಂದು ಅಂದಾಜಿಸಲಾಗಿದೆ, ಮತ್ತು 2009 ರಲ್ಲಿ ಈ ಸಂಖ್ಯೆ 177.7 ದಶ ಲಕ್ಷಕ್ಕೆ ಏರಲಿದೆ.[೫೦]

2008ರ ತ್ರೈಮಾಸಿಕದಲ್ಲಿ ಮೊದಲ ಬಾರಿಗೆ ನೋಟ್‌ಬುಕ್ PCಯು ಡೆಸ್ಕ್ ಟಾಪ್ ಗಳನ್ನು ಮಾರಾಟದಲ್ಲಿ 38.6ದಶ ಲಕ್ಷ ಯುನಿಟ್‌ಗೆ 38.5 ದಶಲಕ್ಷದಷ್ಟು ಏರಿತು.[೪೯][೫೧][೫೨][೫೩]

2008/2009ರಲ್ಲಿ ಮೈಕ್ರೋಸಾಫ್ಟ್ ವಿಂಡೋಸ್ ಸಿಸ್ಟಮ್ಸ್ ನವರ ಸರಾಸರಿ ಮಾರಾಟದ ಬೆಲೆ (ASP)ಯು ಕಡಿಮೆಯಾಯಿತು,ಬಹುಶ:ನೋಟ್‌ಬುಕ್‌ಗಳು ಕಡಿಮೆ ದರದಲ್ಲಿ ಲಭ್ಯವಾಗಿದ್ದೇ ಕಾರಣ ಇರಬಹುದು, U.S.ನಲ್ಲಿ ಆಗಸ್ಟ್ 2008ರಲ್ಲಿ 689 US$ ನಷ್ಟು ನೋಟ್‌ಬುಕ್‌ ವ್ಯಾಪಾರವು ಆದವು. 2009ರಲ್ಲಿ ASPಯು 602 US$ನಷ್ಟು ಜನವರಿಯಲ್ಲಿ ಮತ್ತು 560 US$ನಷ್ಟು ಫೆಬ್ರವರಿಯಲ್ಲಿ ಇಳಿಮುಖವಾಯಿತು. ವಿಂಡೋಸ್ ಮೆಶೀನ್‌ಗಳು 129 US$ನಷ್ಟು ಈ ಏಳು ತಿಂಗಳಲ್ಲಿ ಇಳಿಯಿತು,ಮ್ಯಾಕ್ ಲ್ಯಾಪ್‌ಟಾಪ್ ASPಯು 1524 US$ ನಿಂದ 1512 US$ವರೆಗೆ ಕೇವಲ 12 US$ನಷ್ಟು ಇಳಿಮುಖವಾಯಿತು .[೫೪]

2006ರಲ್ಲಿ HPಯು ವಿಶ್ವದ ಅತೀ ಹೆಚ್ಚು ಲ್ಯಾಪ್‌ಟಾಪ್‌ಗಳನ್ನು ಮಾರಾಟ ಮಾಡಿತು.ಈಗ ಮಾರುಕಟ್ಟೆಯಲ್ಲಿ ಅದರ ಮಾರಾಟದ ಪಾಲು 21.2%ನಷ್ಟು ಇದೆ. [೧]

ಇದನ್ನೂ ಗಮನಿಸಿ[ಬದಲಾಯಿಸಿ]

ಆಕರಗಳು[ಬದಲಾಯಿಸಿ]

  1. ವಾಟ್ ಇಸ್ ಎ ಲ್ಯಾಪ್‌ಟಾಪ್ ಕಂಪ್ಯೂಟರ್
  2. John W. Maxwell (2006). "Tracing the Dynabook: A Study of Technocultural Transformations" (PDF). Archived from the original (PDF) on 2007-01-24. Retrieved 2008-10-17. {{cite journal}}: Cite journal requires |journal= (help)
  3. Alan C. Kay (1972). "A Personal Computer for Children of All Ages" (PDF). Retrieved 2008-10-17. {{cite journal}}: Cite journal requires |journal= (help)
  4. "IBM 5100 computer". oldcomputers.net. Retrieved 2009-07-06.
  5. "Epson SX-20 Promotional Brochure" (PDF). Epson America, Inc. 1987. Retrieved 2008-11-02.
  6. "Tandy/Radio Shack model 100 portable computer". oldcomputers.net. Retrieved 2009-07-06.
  7. "Hewlett-Packard model 85". oldcomputers.net. Retrieved 2009-07-06.
  8. "Gavilian SC computer". oldcomputers.net. Retrieved 2009-07-07.
  9. "Linus Write-Top". Retrieved 2008-10-18.
  10. ೧೦.೦ ೧೦.೧ ೧೦.೨ "Types of Laptops: How Do You Compute". PC Magazine. Ziff Davis Publishing Holdings Inc. 2006-09-18. Archived from the original on 2008-11-21. Retrieved 2008-11-07.
  11. ೧೧.೦ ೧೧.೧ ೧೧.೨ "Laptop Buying Guide". CBS Interactive Inc. Retrieved 2008-11-07.
  12. "Desktop notebooks stake their claim". CBS Interactive Inc. 2003-01-08. Retrieved 2008-11-07.[ಶಾಶ್ವತವಾಗಿ ಮಡಿದ ಕೊಂಡಿ]
  13. "Desktop are Dying Slain by Laptops". Archived from the original on 2009-01-24. Retrieved 2021-07-20.
  14. "PC sales Slow in Asia Pacific". Archived from the original on 2009-04-28. Retrieved 2010-02-04.
  15. ವಾಟ್ ಇಸ್ ಎ ಸಬ್‌ನೋಟ್‌ಬುಕ್?
  16. "Breaking the Mold: New Lenovo ThinkPad laptop and Tablet PCs Defy Ultraportable Computing". Lenovo. 2008-09-23. Retrieved 2008-11-07.
  17. ದಿ ನೆಟ್ ಇಂಪ್ಯಾಟ್ ಆಫ್ ನೆಟ್‌ಬುಕ್ಸ್? ಅದು ಯಾರು ಯಾತಕ್ಕೆ ಉಪಯೋಗಿಸುತ್ತಾರೆ ಎಂಬುದರ ಮೇಲೆ ಅವಲಂಬಿಸುತ್ತದೆ
  18. Bergevin, Paul (2008-03-03). "Thoughts on Netbooks". Intel.com.
  19. ೧೯.೦ ೧೯.೧ ೧೯.೨ Netbook Trends and Solid-State Technology Forecast (PDF). pricegrabber.com. p. 7. Retrieved 2009-01-28.
  20. ವಾಟ್ ಇಸ್ ಎ ಲ್ಯಾಪ್‌ಟಾಪ್ ಕಂಪ್ಯೂಟರ್?
  21. Copeland, Michael (2008-10-16). "Disruptor: The 'netbook' revolution". CNNMoney/Fortune. Retrieved 2009-12-29.
  22. "UMID ನೆಟ್‌ಬುಕ್ ಮಾತ್ರ 4.8″". Archived from the original on 2017-07-05. Retrieved 2010-02-04.
  23. ವರ್ಳ್ಡ್ ಫ‌ರ್ಸ್ಟ್ ರಿವ್ಯೂ ಆಫ್ ಇನ್ಸ್‌ಪಿರಾನ್ ಮಿನಿ 12: ಡೆಲ್ ಅವರ ಸೂಪರ್-ಸ್ಲಿಮ್ ನೆಟ್‌ಬುಕ್!
  24. "Cheap PCs Weigh on Microsoft". Business Technologies. The Wall Street Journal. 2008-12-08. Archived from the original on 2009-04-22. Retrieved 2010-02-04.
  25. "Rugged Laptop: Choices, Pointers & Specs of Buying Rugged Laptops". linux-on-laptops.com. Retrieved 2008-11-27.
  26. ಉದಾಹರಣೆಗೆ,ಸಮೀಕ್ಷೆಯೊಂದರ ಪ್ರಕಾರ, CPU-ತೀವ್ರ ಕಾರ್ಯ(ವೀಡಿಯೋ ಎನ್‌ಕೋಡಿಂಗ್)ನಲ್ಲಿ, 2008ರಲ್ಲಿ ಅತಿವೇಗದ ಆಚರಣೆಯ ಮೊಬೈಲ್ CPU (ಇಂಟೆಲ್ ಕೋರ್ 2 ಎಕ್ಸ್‌ಟ್ರೀಮ್ X7800, 2.6 GHz) ಅತೀ ನಿಧಾನ ಗತಿಯ ಡೆಸ್ಕ್ ಟಾಪ್ CPU (AMD ಸೆಂಪ್ರಾನ್ 64 3000+, at 1.6 GHz) ಗಿಂತ 30% ರಷ್ಟು ಕೆಟ್ಟದಾಗಿ ಕಾರ್ಯನಿರ್ವಹಿಸಿತು. "Mobile CPU charts". Tom's Hardware. 2008. Retrieved 2008-11-12.[ಶಾಶ್ವತವಾಗಿ ಮಡಿದ ಕೊಂಡಿ] "CPU charts Q1/2008". Tom's Hardware. 2008. Retrieved 2008-11-12.[ಶಾಶ್ವತವಾಗಿ ಮಡಿದ ಕೊಂಡಿ]
  27. ೨೮.೦ ೨೮.೧ Catherine Roseberry. "What Makes Laptops Work – The Laptop Motherboard". About.com. Archived from the original on 2008-12-10. Retrieved 2008-11-15.
  28. "Laptop Buyer's Guide". 2008. Archived from the original on 2008-12-17. Retrieved 2008-11-15.
  29. ಸಾಕೆಟೆಡ್ CPUಗಳು ಬಹುಶ: ಬಳಕೆದಾರರಿಗಿಂತ ತಯಾರಕರಿಗೆ ಅನುಲೂಲ,ಕಾರಣ ಕೆಲವು ತಯಾರಕರು, ಹೊಸ ಲ್ಯಾಪ್‌ಟಾಪ್‌ಗಳನ್ನು ಮಾರುವುದಕ್ಕಿಂತ ಹೊಸ CPUಗಳನ್ನು ಕಳೆದ ವರ್ಷದ ಲ್ಯಾಪ್‌ಟಾಪ್ ಮಾದರಿಗಳಲ್ಲಿ ಇಟ್ಟು ಮಾರಲು ಬಯಸುತ್ತಾರೆ.
  30. ೩೧.೦ ೩೧.೧ Gabriel Torres (2004-11-25). "Innovations in Notebook Expansion". Hardware Secrets, LLC. Archived from the original on 2005-04-28. Retrieved 2008-11-15.
  31. "Game Hardware". Archived from the original on 2007-10-29. Retrieved 2008-05-10.
  32. Dustin Sklavos (2006-07-18). "Notebook Video Graphics Card Guide 2006". NotebookReview.com. Retrieved 2008-11-15.
  33. "Macbook Pro – Technical Specifications". Apple Inc. 2008. Retrieved 2008-11-12.
  34. Yen Ting Chen, Esther Lam (2008-04-02). "Acer: BD notebooks to account for 10% of shipments in 2008". Digitimes. Retrieved 2008-11-12.
  35. "Should I buy a laptop or desktop?". IT Division – University of Wisconsin. 2008-03-19. Retrieved 2008-11-27.
  36. "ECU Advantage: Why have a laptop?". ECU. Archived from the original on 2008-07-18. Retrieved 2008-11-27.
  37. Josh Fischman (2008-08-07). "Faster Wi-Fi Predicted for Colleges". The Chronicle of Higher Education. Retrieved 2008-11-27.
  38. UPS ಸಾಧಕಗಳು ಮತ್ತು ಆನ್-ಬ್ಯಾಟರಿ ಪವರ್‌ನ ಸ್ಯಾಂಪಲ್ ಲೈನ್:"Back-UPS RS". APC. Retrieved 2008-11-27.
  39. ಒಂದೇ ಮೌಲ್ಯದ ಲ್ಯಾಪ್‌ಟಾಪ್ ಮತ್ತು ಡೆಸ್ಕ್ ಟಾಪ್‌ಗಳನ್ನು ಹೋಲಿಸಿದಾಗ ಡೆಸ್ಕ್ ಟಾಪ್‌ನ ಸಿಸ್ಟಮ್ ಬೆಂಚ್ ಮಾರ್ಕ್ ಲ್ಯಾಪ್‌ಟಾಪ್‌ನದಕ್ಕಿಂತ ಎರಡು ಪಟ್ಟು ಹೆಚ್ಚು ಸ್ಕೋರ್ ಮಾಡಿತು. "What to Buy, a Notebook or Desktop PC?". Tom's Hardware. 2008-06-11. Retrieved 2008-11-28.
  40. ಉದಾಹರಣೆಗೆ, MSI ವಿಂಡ್ ನೆಟ್‌ಬುಕ್ ನ ಪುನರ್ವಿಮರ್ಶೆ ಪ್ರಕಾರ, "ಸಾಮಾನ್ಯ ಬಳಕೆಯಲ್ಲಿ ಅಪರೂಪಕ್ಕೆ ಈ ಉಪಕರಣ ನಿಧಾನಗತಿ ಹೊಂದುತ್ತೆ. ವೆಬ್‌ಪೇಜ್‌ಗಳನ್ನು ತ್ವರಿತವಾಗಿ ತೆರೆಯುತ್ತದೆ,ಮುಂದುವರೆಯಲಾಗದೆ ನಿಲ್ಲುವ ಸಂಭವಗಳು ಕಡಿಮೆಯಿರುವ ಅನೇಕ ಅನ್ವಯಗಳನ್ನು ಪ್ರಾರಂಭಿಸಿದರು ಮತ್ತು ಇದು ಅಗ್ಗದ ಲ್ಯಾಪ್‌ಟಾಪ್ ಎಂದು ಸಾಮಾನ್ಯವಾಗಿ ಅನ್ನಿಸುವುದಿಲ್ಲ. " Reid, Rory (2008-07-07). "MSI Wind Review". CNET Australia. Retrieved 2008-11-28.
  41. http://www.engadget.com/2009/07/14/rock-delivers-bd-core-i7-equipped-xtreme-790-and-xtreme-840-ga/
  42. Martin, James A. (2000-06-09). "The Pain of Portable Computing". PC World. Archived from the original on 2021-07-07. Retrieved 2008-11-27.
  43. Levinbook, WS. (2007). "Laptop computer—associated erythema ab igne". Cutis. Quadrant HealthCom. 80 (4): 319–20. PMID 18038695. {{cite journal}}: Unknown parameter |coauthors= ignored (|author= suggested) (help); Unknown parameter |month= ignored (help)
  44. "Gartner: Notebook PCs still prone to hardware failure". IDG News Service / ITWorld. 2006-06-27. Archived from the original on 2011-12-10. Retrieved 2008-11-27.
  45. ಉದಾಹರಣೆಗೆ, ಮದರ್ ಬೋರ್ಡ್ ಮತ್ತು ಪ್ರದರ್ಶಕದ ನಡುವೆ ಸ್ ಕೀಲಿನ ಮುಖಾಂತರ ಹಾದು ಹೋಗುವ ವೀಡಿಯೋ ಪ್ರದರ್ಶಕ ಕೇಬಲ್ ಮತ್ತು ಹಿಂಬದಿ ಬೆಳಕಿನ ಕೇಬಲ್ ತೆರೆದು ಮುಚ್ಚುವ ಪ್ರಕ್ರಿಯೆಯಿಂದಾಗಿ ಆಗಾಗ ಅದು ಮುರಿದು ಹೋಗಬಹುದು. ಈ ಸಣ್ಣ ಕೇಬಲ್‌ಗಳನ್ನು LCD ಪ್ಯಾನೆಲ್ ಬಿಟ್ಟು ಪ್ರತ್ಯೇಕವಾಗಿ ನೂರಾರು ಡಾಲರ್‌ಗಳನ್ನು ಕೊಟ್ಟು ಕೊಂಡುಕೊಳ್ಳುವುದಕ್ಕೆ ಆಗುವುದಿಲ್ಲ.
  46. "Identical Laptops, Different Prices: Don't Be Fooled by Branding". Info-Tech Research Group. 2006-10-10. Retrieved 2008-11-27.
  47. "Lap-top computers gain stature as power grows". Daily News of Los Angeles (CA) (in ಇಂಗ್ಲಿಷ್). April 12, 1987. Retrieved 2001-01-01/2008. {{cite news}}: Check date values in: |accessdate= (help)
  48. ೪೯.೦ ೪೯.೧ "The Falling Costs of Mobile Computing". Falling Costs of Mobile Computing Drive Corporate Adoption. Computer Economics, Inc. 2005. Archived from the original on 2021-02-24. Retrieved 2001-01-01/2008. {{cite web}}: Check date values in: |accessdate= (help); Unknown parameter |month= ignored (help)
  49. ವಿಶ್ಲೇಷಣೆ:ನೆಟ್‌ಬುಕ್ ಯಶಸ್ಸನ್ನು ಇಂಟೆಲ್ ಕಡಿಮೆ ಅಂದಾಜಿಸಿತೆ? Archived 2013-05-10 ವೇಬ್ಯಾಕ್ ಮೆಷಿನ್ ನಲ್ಲಿ.,10 ಜನವರಿ 2009ರಲ್ಲಿ ಪ್ರವೇಶಿಸಲಾಯಿತು
  50. Q3ನಲ್ಲಿ ನೋಟ್‌ಬುಕ್ PC ಹಡಗಿನ ಸಾಗಾಣಿಕೆಯಲ್ಲಿ ಮೊದಲ ಬಾರಿಗೆ ಡೆಸ್ಕ್ ಟಾಪ್‌ಗಳನ್ನು ಮೀರಿಸಿತು , isuppli.com, 13 ಜನವರಿ 2009ರಂದು ಪ್ರವೇಶಿಸಲಾಯಿತು
  51. Randall Stross (2008-04-18). "The PC Doesn't Have to Be an Anchor". New York Times. Retrieved 2009-04-20.
  52. "Intel: laptop/desktop crossover coming sooner than expected". The Register, UK. Archived from the original on 2008-10-07. Retrieved 2008-10-10.
  53. ನೆಟ್‌ಬುಕ್ಸ್, ಲ್ಯಾಪ್‌ಟಾಪ್ ಮಾರುಕಟ್ಟೆಯನ್ನು ಹಾಳು ಮಾಡುತ್ತಿದೆ ಈಗಲಾದರೂ ಮೈಕ್ರೋ ಸಾಫ್ಟ್ ನವರು ಕ್ರಿಯಾಶೀಲರಾಗಬೇಕು.[ಶಾಶ್ವತವಾಗಿ ಮಡಿದ ಕೊಂಡಿ]