ದೂಸ್ರಾ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
Bowling techniques
Deliveries
Historical styles

ದೂಸ್ರಾ (ಉರ್ದು: دوسرا, ಹಿಂದಿಯಲ್ಲಿ दूसरा) ಎನ್ನುವುದು ಪಾಕಿಸ್ತಾನಿ ಕ್ರಿಕೆಟ್ ಆಟಗಾರರಾದ ಸಕ್ಲೇನ್ ಮುಷ್ತಾಕ್ ಅವರು ಅನ್ವೇಷಿಸಿದ ಕ್ರಿಕೆಟ್ ಕ್ರೀಡೆಯಲ್ಲಿನ ಆಫ್-ಸ್ಪಿನ್ ಬೌಲರ್ ಎಸೆಯುವ ನಿರ್ದಿಷ್ಟ ಪ್ರಕಾರದ ಎಸೆತವಾಗಿದೆ.[೧] ಉರ್ದು (ಮತ್ತು ಹಿಂದಿಯಲ್ಲಿ) ಈ ಪದದ ಅರ್ಥವು "ಎರಡನೆಯದು", ಅಥವಾ "ಮತ್ತೊಂದು" ಎಂಬುದಾಗಿದೆ.[೨] ಸಕ್ಲೇನ್ ಮುಷ್ತಾಕ್ ಅವರು ವಿವಿಧ ಬಗೆಯ ದೂಸ್ರಾಗಳನ್ನು ಅನ್ವೇಷಣೆ ಮಾಡಿದರು ಮತ್ತು ಅವರು ಮತ್ತೊಂದು ಎಸೆತಕ್ಕೆ "ತೀಸ್ರಾ" ಎಂತಲೂ ಕರೆಯುತ್ತಾರೆ, ಇದರರ್ಥ "ಮೂರನೆಯದು" ಎಂಬುದಾಗಿದೆ.

ಹಲವಾರು ಬೌಲರ್‌ಗಳು ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ದೂಸ್ರಾದ ವಿಫುಲವಾದ ಬಳಕೆಯನ್ನು ಮಾಡಿದ್ದಾರೆ, ದೂಸ್ರಾವನ್ನು ಬಳಸಿದ ಇತರ ಪಾಕಿಸ್ತಾನಿ ಆಟಗಾರರೆಂದರೆ ಶೋಯೆಬ್ ಮಲಿಕ್ ಮತ್ತು ಸಯೀದ್ ಅಜ್ಮಲ್. ಇದನ್ನು ಬಳಸುವ ಇತರ ದೇಶದ ಆಟಗಾರರಲ್ಲಿ ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್ ಮತ್ತು ಅಜಂತಾ ಮೆಂಡಿಸ್, ದಕ್ಷಿಣ ಆಫ್ರಿಕಾದ ಜೊಹಾನ್ ಬೋಥಾ ಮತ್ತು ಭಾರತದ ಹರಭಜನ್ ಸಿಂಗ್ ಸೇರಿದ್ದಾರೆ.

ಇತಿಹಾಸ[ಬದಲಾಯಿಸಿ]

ದೂಸ್ರಾ ಎನ್ನುವುದು ತುಲನಾತ್ಮಕವಾಗಿ ಹೊಸ ಪ್ರಕಾರದ ಎಸೆತವಾಗಿದೆ. ಸಕ್ಲೇನ್ ಮುಷ್ತಾಕ್ ಅವರಿಗಿಂತ ಮೊದಲು ಯಾವುದೇ ಆಫ್ ಸ್ಪಿನ್ನರ್ ಈ ಲೆಗ್ ಸ್ಥಾನದಿಂದ ತಿರುಗುವ ಎಸೆತವನ್ನು ಎಸೆಯದೇ ಇರುವುದರಿಂದ ಅವರಿಗೆ ಇದರ ಅನ್ವೇಷಣೆಯ ಶ್ರೇಯ ಸಿಗುತ್ತದೆ ಮತ್ತು ಇದು ಅವರ ಯಶಸ್ಸು ಮತ್ತು ಆಫ್-ಸ್ಪಿನ್ ಬೌಲಿಂಗ್‌ನ ಭವಿಷ್ಯಕ್ಕೆ ಸಮಗ್ರವಾಗಿತ್ತು.[೩]

ಈ ಎಸೆತದ ಹೆಸರಿನ ಶ್ರೇಯವು ಪಾಕಿಸ್ತಾನದ ಮಾಜಿ ವಿಕೆಟ್ ಕೀಪರ್ ಆದ ಮೊಯಿನ್ ಖಾನ್ ಅವರಿಗೆ ಸಲ್ಲುತ್ತದೆ, ಏಕೆಂದರೆ ಅವರೇ ಸ್ಟಂಪ್‌ಗಳ ಹಿಂದಿನಿಂದ ಮುಷ್ತಾಕ್ ಅವರಿಗೆ "ದೂಸ್ರಾ" (ಮತ್ತೊಂದು) ಅನ್ನು ಎಸೆಯಲು ಹೇಳುತ್ತಿದ್ದರು. ಈ ಒಂದು ಪಂದ್ಯಗಳ ವೀಕ್ಷಕ ವಿವರಣೆಗಾರರಾಗಿದ್ದ ಟೋನಿ ಗ್ರೇಗ್ ಅವರು ಅಂತಿಮವಾಗಿ ಈ ಪದವನ್ನು ಎಸೆತಕ್ಕೆ ಸಂಬಂಧ ಕಲ್ಪಿಸಿದರು ಮತ್ತು ಪಂದ್ಯ ನಂತರದ ಸಂದರ್ಶನದಲ್ಲಿ ಸಕಲೇನ್ ಅವರೊಂದಿಗೆ ದೃಢಪಡಿಸಿದರು.[೪] ಈ ಮೂಲಕ ಪದವು ಕ್ರಿಕೆಟ್ ಸಂಸ್ಕೃತಿಯ ಭಾಗವಾಯಿತು. ಇದೀಗ ದೂಸ್ರಾ ಎನ್ನುವುದು ಆಫ್ ಸ್ಪಿನ್ ಎಂಬ ಆಯುಧದ ಪ್ರಮುಖ ಭಾಗವಾಗಿದೆ.

ಆದರೆ ಕೆಲವೊಂದು ಜನರು ೧೯೫೦ ರ ದಶಕದಲ್ಲಿ ವೆಸ್ಟ್ ಇಂಡೀಸ್ ತಂಡದ ಪರವಾಗಿ ಆಟವಾಡಿದ ಸೊನ್ನಿ ರಾಮಧಿನ್ ಅವರು ಚೆಂಡನ್ನು ಆಫ್-ಬ್ರೇಕ್ ಬೌಲರ್ ತರಹ ಹಿಡಿದುಕೊಳ್ಳುತ್ತಿದ್ದರೂ ಎರಡೂ ಪ್ರಕಾರಗಳಲ್ಲಿ ಚಲಿಸುತ್ತಿದ್ದರಿಂದ ದೂಸ್ರಾದ ನೈಜ ಪ್ರವರ್ತಕರೆಂದು ಭಾವಿಸುತ್ತಾರೆ.[೫]

ಕೌಶಲ್ಯ[ಬದಲಾಯಿಸಿ]

ಚೆಂಡನ್ನು ಬೌಲರ್ ಸಾಮಾನ್ಯ ಆಫ್ ಬ್ರೇಕ್ ನಂತೆ ಅದೇ ರೀತಿಯಾದ ಕೈ ಬೆರಳಿನ ಚಲನೆಯಿಂದ ಎಸೆತವನ್ನು ಮಾಡುತ್ತಾರೆ, ಆದರೆ ಕೈ ಹಿಂಬದಿಯು ಬ್ಯಾಟ್ಸ್‌ಮನ್ನತ್ತ ಮುಖ ಮಾಡಿರುವಂತೆ ಮಣಿಕಟ್ಟನ್ನು ಬಾಗಿಸುತ್ತಾರೆ. ಇದು ಆಫ್ ಬ್ರೇಕ್‌ಗೆ ವಿರುದ್ಧ ದಿಕ್ಕಿನಲ್ಲಿ ಚೆಂಡಿಗೆ ಸ್ಪಿನ್ ಅನ್ನು ನೀಡುವ ಮೂಲಕ ಬಲಗೈ ಬ್ಯಾಟ್ಸ್‌ಮನ್‌ಗೆ ಚೆಂಡು ಲೆಗ್ ಸೈಡ್ನಿಂದ ಆಫ್ ಸೈಡ್ಗೆ ಸ್ಪಿನ್ ಆಗುವಂತೆ ಮಾಡುತ್ತದೆ.

ದೂಸ್ರಾ ಎನ್ನುವುದು ಆಫ್-ಸ್ಪಿನ್ನರ್‌ಗೆ ಲೆಗ್-ಸ್ಪಿನ್ನರ್‌ನ ಗೂಗ್ಲಿ/೧}ಗೆ ಸಮನಾಗಿದ್ದು, ಇದು ಲೆಗ್ ಸ್ಪಿನ್ನರ್‌ನ ಮಾಮೂಲಿ ಎಸೆತದ ವಿರುದ್ಧ ದಿಕ್ಕಿನಲ್ಲಿ ಸ್ಪಿನ್ ಆಗುತ್ತದೆ.

ದೂಸ್ರಾ ಎಸೆಯುವುದು ಎಡಗೈ ಬೌಲರ್‌ಗೆ (ಇವರ ಚಲನೆಯು ಆಫ್-ಸ್ಪಿನ್ನರ್‌ನಂತೆಯೇ ಗೋಚರಿಸುತ್ತದೆ) ಸಾಧ್ಯವಾಗುತ್ತದೆ ಮತ್ತು ಈ ಸಂದರ್ಭದಲ್ಲಿ ಅದು ಆಫ್‌ಸೈಡ್‌ನಿಂದ ಲೆಗ್‌ಸೈಡ್‌ಗೆ ತಿರುಗುತ್ತದೆ. ಶ್ರೀಲಂಕಾದ ಎಡಗೈ ಬೌಲರ್ ಆದ ರಂಗನಾ ಹರ್ತ್ ಅವರು ಈ ಎಸೆತವನ್ನು ನಿರ್ದಿಷ್ಟವಾಗಿ ಎ ತಂಡದ ಪ್ರವಾಸದಲ್ಲಿ ಆಸ್ಟ್ರೇಲಿಯ ತಂಡದ ವಿರುದ್ಧ ಎಸೆದು ಖ್ಯಾತಿ ಪಡೆದರು.[೬] ಇಂಗ್ಲೆಂಡಿನ ಎಡಗೈ ಬೌಲರ್ ಆದ ಮಾಂಟೆ ಪನೇಸರ್ ಅವರು ದೇಶೀಯ ಪಂದ್ಯಗಳಲ್ಲಿ ಆಗಾಗ್ಗೆ ಈ ಎಸೆತವನ್ನು ಮಾಡಿದ ಬಗ್ಗೆ ಮಾಹಿತಿಯಿದೆ.[೭]

ಇತರ ಬೌಲರ್‌ಗಳು[ಬದಲಾಯಿಸಿ]

ಹೆಚ್ಚಾಗಿ, ಹಲವು ಇತರ ಆಫ್ ಸ್ಪಿನ್ನರ್‌ಗಳು ಬೇರೆ ಬೇರೆ ತೆರನಾದ ಯಶಸ್ಸುಗಳೊಂದಿಗೆ "ದೂಸ್ರಾ" ವನ್ನು ಬಳಕೆ ಮಾಡಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಆಸಕ್ತಿದಾಯಕವಾಗಿ, ಸಕ್ಲೇನ್ ಮುಷ್ತಾಕ್ ಅವರನ್ನು ಸ್ವತಃ ಹೊರತುಪಡಿಸಿ, ಈ ಎಸೆತದ ಲಾಭ ಪಡೆದುಕೊಳ್ಳಲು ಪ್ರಯತ್ನಿಸಿದ ಆಫ್-ಸ್ಪಿನ್ನರ್‌ಗಳ ವಿರುದ್ಧ ಚೆಂಡನ್ನು ಎಸೆದ ಆರೋಪಕ್ಕೆ (ಔಟ್ ಆದ ಬಹುತೇಕ ಸಂದರ್ಭದಲ್ಲಿ) ಗುರಿಯಾಗಿದ್ದರು. ಇವರಲ್ಲಿ : ಮುತ್ತಯ್ಯ ಮುರಳೀಧರನ್, ಹರಭಜನ್ ಸಿಂಗ್, ಸಯೀದ್ ಅಜ್ಮಲ್, ಶೋಯೆಬ್ ಮಲಿಕ್ ಮತ್ತು ಜೊಹಾನ್ ಬೋಥಾ ಸೇರಿದ್ದಾರೆ. ಮಾಜಿ ವಾರ್ವಿಕ್‌ಷೈರ್ ಬೌಲರ್ ಆದ ಅಲೆಕ್ಸ್ ಲೌಡನ್ ಅವರು ಎಸೆತ ಮತ್ತೊಂದು ಪ್ರಕಾರದಲ್ಲಿ ಚೆಂಡನ್ನು ಎಸೆದಂತೆ ಚೆಂಡಿನ ಹಿಂಭಾಗದಲ್ಲಿರುವ ಮಧ್ಯದ ಬೆರಳು "ಚಲಿಸಿ" ಚೆಂಡನ್ನು ಲೆಗ್‌ಸೈಡ್‌ನಿಂದ ಆಫ್‌ಸೈಡ್‌ಗೆ ಸ್ಪಿನ್ ಮಾಡುವುದನ್ನು ಒಳಗೊಂಡಿತ್ತು. ಈ ಪ್ರಕಾರದ ದೂಸ್ರಾದ ಯಶಸ್ಸನ್ನು ಇನ್ನೂ ಸಹ ನಿರ್ಧರಿಸಬೇಕಾಗಿದೆ, ಏಕೆಂದರೆ ಲೌಡನ್ ಅವರು ಶ್ರೀಲಂಕಾದ ವಿರುದ್ಧ ೨೦೦೬ ರ ಜೂನ್ ೨೪ ರಂದು ಇಂಗ್ಲೆಂಡ್ ಪರವಾಗಿ ಒಂದು ದಿನದ ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಪಾದಾರ್ಪಣೆಯನ್ನು ಮಾಡಿದ್ದಾರೆ. ಅವರು ಈ ಪಂದ್ಯದಲ್ಲಿ ಯಾವುದೇ ವಿಕೆಟ್‌ಗಳನ್ನು ಪಡೆಯದಿದ್ದರೂ ದೂಸ್ರಾ ಎಸೆತವನ್ನು ಮಾಡಿದರು. ಅವರು ಚೆಂಡನ್ನು ಎಸೆದ ಯಾವುದೇ ಆರೋಪಕ್ಕೆ ಗುರಿಯಾಗಲಿಲ್ಲ. ದಕ್ಷಿಣ ಆಸ್ಟ್ರೇಲಿಯದ ಡ್ಯಾನ್ ಕುಲ್ಲೆನ್ ಅವರೂ ಸಹ ದೂಸ್ರಾ ಎಸೆತವನ್ನು ಮಾಡಲು ಸಮರ್ಥರಿದ್ದಾರೆಂದು ವದಂತಿಗಳಿವೆ. ಅಜಂತ ಮೆಂಡಿಸ್ ಅವರು ತಮ್ಮ ವೃತ್ತಿ ಜೀವನದ ಪ್ರಾರಂಭದಲ್ಲಿ ಮಧ್ಯದ ಬೆರಳಿನ ಚಲನೆಯ ಶೈಲಿಯ ದೂಸ್ರಾವನ್ನು ಬಳಸಿ ಯಶಸ್ವಿಯಾಗಿದ್ದರು.[೮]

ಮುತ್ತಯ್ಯು ಮುರಳೀಧರನ್[ಬದಲಾಯಿಸಿ]

ಮುರಳೀಧರನ್ ಅವರ ದೂಸ್ರಾವು ೨೦೦೪ ರಲ್ಲಿ ಶ್ರೀಲಂಕಾದ ಆಸ್ಟ್ರೇಲಿಯ ಪ್ರವಾಸದ ಸಂದರ್ಭದಲ್ಲಿ ಅವರ ಬೌಲಿಂಗ್ ಚಲನೆಯ ಸಮಯದಲ್ಲಿ ಮೊಣಕೈಯಲ್ಲಿ ತೋಳಿನ ನಿಯಮಬಾಹಿರ ನೇರವಾಗಿಸುವಿಕೆಯ ಕಾರಣಕ್ಕಾಗಿ ವಿವಾದಕ್ಕೆ ಕಾರಣವಾಗಿತ್ತು ಮತ್ತು ಪಂದ್ಯದ ರೆಫ್ರಿಯಾದ ಕ್ರಿಸ್ ಬ್ರಾಡ್ ಅವರು ಈ ಕುರಿತಂತೆ ಅಧಿಕೃತ ವರದಿಯನ್ನು ನೀಡಿದ್ದರು. ಆನಂತರದ ಪರ್ತ್ನ ಯೂನಿವರ್ಸಿಟಿ ಆಫ್ ವೆರ್ಸ್ಟನ್ ಆಸ್ಟ್ರೇಲಿಯದಲ್ಲಿ ಬಯೋಕೆಮಿಕಲ್ ಪರೀಕ್ಷೆಗಳನ್ನು ನಡೆಸಲಾಯಿತು ಮತ್ತು ಅದರ ಫಲಿತಾಂಶಗಳ ಪ್ರಕಾರ ಮುರಳೀಧರನ್ ಅವರು ದೂಸ್ರಾ ಎಸೆಯುವ ಸಂರ್ದರ್ಭದಲ್ಲಿ ತಮ್ಮ ತೋಳನ್ನು ೧೦ ಡಿಗ್ರಿಗಳಷ್ಟು ಉದ್ದವಾಗಿಸುತ್ತಿದ್ದರು ಮತ್ತು ಇದು ಸ್ಪಿನ್ ಬೌಲರ್‌ಗಳಿಗೆ ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ನಿಗದಿಪಡಿಸಿದ್ದ ೫ ಡಿಗ್ರಿಗಳಿಗಿಂತ ಹೆಚ್ಚಾಗಿತ್ತು. ಆ ಬಳಿಕ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ದೂಸ್ರಾ ಬಳಕೆ ಮಾಡದಂತೆ ಮುರಳೀಧರನ್ ಅವರಿಗೆ ಶ್ರೀಲಂಕಾ ಕ್ರಿಕೆಟ್ ಮಂಡಳಿಯು ಸೂಚನೆ ನೀಡಿತು. ೨೦೦೪ ರ ನವೆಂಬರ್‌ನಲ್ಲಿ, ನಿಯಮ ಬಾಹಿರ ಬೌಲಿಂಗ್ ಶೈಲಿಯ ಕುರಿತಂತೆ ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಇನ್ನಷ್ಟು ಸಂಶೋಧನೆಗಳನ್ನು ನಡೆಸಿತು ಮತ್ತು ಕ್ರಮಬದ್ಧವಾಗಿ ಬೌಲಿಂಗ್ ಚಲನೆಯನ್ನು ಹೊಂದಿದ್ದಾರೆ ಎಂದು ಪರಿಗಣಿಸಲಾಗಿದ್ದ ಹಲವು ಬೌಲರ್‌ಗಳು ನಿಜವಾಗಿ ನಿಯಮಗಳನ್ನು ಉಲ್ಲಂಘಿಸುತ್ತಿದ್ದಾರೆಂದು ಕಂಡುಕೊಂಡಿತು. ೨೦೦೫ ರ ಮೊದಲಲ್ಲಿ ನಡೆದ ಐಸಿಸಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಗಳ ಸಭೆಯಲ್ಲಿ ನಿಯಮಗಳ ಬದಲಾವಣೆಯನ್ನು ಪ್ರಸ್ತಾಪಿಸಲಾಯಿತು ಮತ್ತು ಒಪ್ಪಲಾಯಿತು ಮತ್ತು ಯಾವುದೇ ಬೌಲರ್ ೧೫ ಡಿಗ್ರಿಗಳಷ್ಟು ತೋಳನ್ನು ನೇರವಾಗಿಸಬಹುದು ಎಂದು ನಿರ್ಧರಿಸಲಾಯಿತು, ಈ ಮೂಲಕ ಮುರಳೀಧರನ್ ಅವರ ದೂಸ್ರಾವು ಮತ್ತೊಮ್ಮೆ ಕಾನೂನುಬದ್ಧ ಎಸೆತವಾಯಿತು.

೨೦೦೬ ರ ಫೆಬ್ರವರಿಯಲ್ಲಿ, ಆಸ್ಟ್ರೇಲಿಯದ ಪ್ರೇಕ್ಷಕರು ಮತ್ತು ಅವರ 'ನೋ ಬಾಲ್' ಕೂಗಿನ ಸದ್ದಡಿಸುವ ಪ್ರಯತ್ನವಾಗಿ ಮುರಳೀಧರನ್ ಅವರು ಯೂನಿವರ್ಸಿಟಿ ಆಫ್ ವೆರ್ಸ್ಟನ್ ಆಸ್ಟ್ರೇಲಿಯದಲ್ಲಿ ಮತ್ತೊಂದು ಪರೀಕ್ಷೆಯನ್ನು ತೆಗೆದುಕೊಂಡರು ಮತ್ತು ಆ ಪರೀಕ್ಷೆಯಲ್ಲಿ ಅವರ ದೂಸ್ರಾ ಒಳಗೊಂಡು ಎಲ್ಲಾ ಎಸೆತಗಳು ನಿಯಮಬದ್ಧವಾಗಿದೆ ಎಂದು ಸಾಬೀತಾಯಿತು.

ಹರಭಜನ್ ಸಿಂಗ್[ಬದಲಾಯಿಸಿ]

ನೆಟ್ಸ್‌ನಲ್ಲಿ ಬೌಲಿಂಗ್ ಮಾಡುತ್ತಿರುವ ಹರಭಜನ್.

೨೦೦೪ ರ ಡಿಸೆಂಬರ್‌ನಲ್ಲಿ ಭಾರತ ಮತ್ತು ಬಾಂಗ್ಲಾದೇಶ ತಂಡಗಳ ನಡುವೆ ಚಿತ್ತಗಾಂಗ್ನಲ್ಲಿ ನಡೆದ ಎರಡನೆಯ ಟೆಸ್ಟ್ ಬಳಿಕ ಪಂದ್ಯದ ರೆಫ್ರಿಯಾದ {2ಕ್ರಿಸ್ ಬ್ರಾಡ್{/2}, ಮೈದಾನದ ಅಂಪೈರ್‌ಗಳಾಗಿದ್ದು ಅಲೀಮ್ ದಾರ್ ಮತ್ತು ಮಾರ್ಕ್ ಬೆನ್ಸನ್, ಮತ್ತು ಟಿವಿ ಅಂಪೈರ್ ಮಹ್ಬುಬಾರ್ ರೆಹಮಾನ್ ಅವರುಗಳು ಭಾರತದ ಬೌಲರ್ ಹರಭಜನ್ ಸಿಂಗ್ ಅವರ ದೂಸ್ರಾ ಎಸೆತದ ಬಗ್ಗೆ ಅಧಿಕೃತ ವರದಿಯೊಂದನ್ನು ಸಲ್ಲಿಸಿದರು. ಇವರು ತೋಳನ್ನು ಐಸಿಸಿ ಮಿತಿಗೊಳಿಸಿದ ಹಂತದ ೫ ಡಿಗ್ರಿಗಳಿಗಿಂತ ಹೆಚ್ಚು ಅಂದರೆ ೧೦ ಡಿಗ್ರಿಗಳವರೆಗೆ ತೋಳವನ್ನು ನೇರಗೊಳಿಸುತ್ತಾರೆ ಎಂದು ವರದಿ ನೀಡಲಾಯಿತು.[೯]

ಶೋಯೆಬ್ ಮಲಿಕ್[ಬದಲಾಯಿಸಿ]

೨೦೦೪ ರಲ್ಲಿ ಆಸ್ಟ್ರೇಲಿಯ ಮತ್ತು ಪಾಕಿಸ್ತಾನ ತಂಡಗಳ ನಡುವಿನ ಟೆಸ್ಟ್ ಪಂದ್ಯದ ಮೊದಲು ಪಾಕಿಸ್ತಾನದ ಆಲ್-ರೌಂಡರ್ ಶೋಯೆಬ್ ಮಲಿಕ್ ಅವರ ವಿರುದ್ಧವೂ ಸಹ ದೂಸ್ರಾ ಎಸೆತದ ಕುರಿತಂತೆ ವರದಿ ನೀಡಲಾಯಿತು. ಮುರಳೀಧರನ್ ಅವರಿಗೆ ನಡೆಸಲಾದ ಬಯೋಮೆಕ್ಯಾನಿಕಲ್ ಪರೀಕ್ಷೆಗಳನ್ನು ಇವರಿಗೂ ಸಹ ನಡೆಸಲಾಯಿತು ಮತ್ತು ಶೋಯೆಬ್ ಮಲಿಕ್ ಅವರು ಆ ಸರಣಿಯಲ್ಲಿನ ಇತರ ಟೆಸ್ಟ್‌ಗಳಲ್ಲಿ ಬೌಲಿಂಗ್ ಮಾಡಲಿಲ್ಲ. ದೂಸ್ರಾ ಎಸೆತವನ್ನು ಮಾಡುವಾಗ ಚೆಂಡನ್ನು ಎಸೆಯುತ್ತಾರೆಂಬ ಆರೋಪಕ್ಕೆ ಒಳಗಾದ ಇತರ ಕ್ರಿಕೆಟ್ ಆಟಗಾರರಂತೆ, ಮಲಿಕ್ ಅವರು ಸಮರ್ಥ ಬ್ಯಾಟ್ಸ್‌ಮನ್ ಎಂದು ಮತ್ತು ಅವರು ಬೌಲಿಂಗ್ ಮಾಡದಂತೆ ನಿರ್ಬಂಧ ಹೇರಿದರೆ ಅವರು ತಮ್ಮ ಬ್ಯಾಟಿಂಗ್‌ನತ್ತ ಗಮನ ಕೇಂದ್ರೀಕರಿಸಬಹುದೆಂದು ಕೆಲವು ಪರಿಣಿತರು ಅಭಿಪ್ರಾಯ ಪಟ್ಟರು. ೨೦೦೪ ರಲ್ಲಿ ಆಸ್ಟ್ರೇಲಿಯ ವಿರುದ್ಧದ ಮೊದಲ ಟೆಸ್ಟ್‌ಗೆ ಪಾಕಿಸ್ತಾನದ ತಂಡದಿಂದ ಮಲಿಕ್ ಅವರನ್ನು ಹೊರಗಿಡಲಾಯಿತು ಆದರೆ ಇದಕ್ಕೆ ಬೌಲಿಂಗ್ ವಿವಾದವು ಕಾರಣವಾಗಿರದೇ ಸ್ಪಿನ್ ಬೌಲರ್‌ಗಳಿಗೆ ಸಹಕಾರ ನೀಡದ ಪರ್ತ್ ಪಿಚ್‌ನ ಕಾರಣದಿಂದ ಆಗಿತ್ತು.

ಪರಿಹಾರಾತ್ಮಕ ಕ್ರಮಗಳನ್ನು ತೆಗೆದುಕೊಂಡ ಬಳಿಕ ೨೦೦೫ ರ ಮೇನಲ್ಲಿ ಮಲಿಕ್ ಅವರು ಬೌಲಿಂಗ್‌ಗೆ ಮರಳಿದರು. ಆದರೆ ೨೦೦೫ ರ ನವೆಂಬರ್‌ನಲ್ಲಿ ಮುಲ್ತಾನ್ನಲ್ಲಿ ಇಂಗ್ಲೆಂಡ್ ತಂಡದ ವಿರುದ್ಧದ ಪ್ರಥಮ ಟೆಸ್ಟ್ ಬಳಿಕ ಶಬ್ಬೀರ್ ಅಹ್ಮದ್ ಅವರೊಂದಿಗೆ ಮತ್ತೊಮ್ಮೆ ಮಲಿಕ್ ಅವರ ಶೈಲಿಯನ್ನು ವರದಿ ಮಾಡಲಾಯಿತು.

೨೦೦೬ ರ ಮೇ ನಲ್ಲಿ ಮಲಿಕ್ ಅವರು ತಮ್ಮ ಬೌಲಿಂಗ್ ಶೈಲಿಯನ್ನು ಸರಿಪಡಿಸಿಕೊಳ್ಳಲು ಮೊಣಕಟ್ಟಿನ ಶಸ್ತ್ರಚಿಕಿತ್ಸೆಗೆ ಒಳಗಾದರು. ೨೦೦೩ ರಲ್ಲಿ ನಡೆದ ರಸ್ತೆ ಅಪಘಾತವು ಮಲಿಕ್ ಅವರ ಮಣಿಕಟ್ಟಿಗೆ ಹಾನಿಯನ್ನು ಮಾಡಿದ್ದು, ಮತ್ತು ಇದರ ಕಾರಣದಿಂದಲೇ ಇವರ ಶೈಲಿಯು ಶಂಕಾಸ್ಪದವಾಗಿದೆ ಎಂದು ಈ ಹಿಂದೆ ಮಲಿಕ್ ಮತ್ತು ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ವಾದವನ್ನು ಮಾಡಿದ್ದರು ಮತ್ತು ಅದು ಪುರಸ್ಕೃತವಾಗಿರಲಿಲ್ಲ. ೨೦೦೬ ರ ಜೂನ್‌ನಲ್ಲಿ ಮಲಿಕ್ ಅವರು ಆಟಕ್ಕೆ ಹಿಂತಿರುಗಿದರು ಮತ್ತು ಆದರೆ ಇನ್ನೆಂದೂ ದೂಸ್ರಾ ಎಸೆತವನ್ನು ಮಾಡಲಿಲ್ಲ.[೧೦]

ಜೊಹಾನ್ ಬೋಥಾ[ಬದಲಾಯಿಸಿ]

೨೦೦೬ ರಲ್ಲಿ ಆಸ್ಟ್ರೇಲಿಯ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದ ಬಳಿಕ ದಕ್ಷಿಣ ಆಫ್ರಿಕಾದ ಜೊಹಾನ್ ಬೋಥಾ ಅವರು ತಮ್ಮ ದೂಸ್ರಾ ಎಸೆತದ ಆರೋಪಕ್ಕೆ ಗುರಿಯಾದರು. ಆ ಸಮಯದಲ್ಲಿ ಬೋಥಾ ಅವರು ತಮ್ಮ ಪ್ರಥಮ ಟೆಸ್ಟ್ ಪಂದ್ಯವನ್ನು ಆಡುತ್ತಿದ್ದು, ೨ ವಿಕೆಟ್‌ಗಳನ್ನು ಪಡೆದಿದ್ದರು. ಆನಂತರ ಇವರ ಬೌಲಿಂಗ್ ಅನ್ನು ನಿಯಮ ಬಾಹಿರ ಎಂದು ಘೋಷಿಸಲಾಯಿತಲ್ಲದೇ ಇವರನ್ನು ಆಟವಾಡದಂತೆ ನಿಷೇಧಿಸಲಾಯಿತು, ಆದರೆ ೨೦೦೬ ರ ನವೆಂಬರ್‌ನಲ್ಲಿ ನಿಷೇಧವನ್ನು ಹಿಂಪಡೆಯಲಾಯಿತು.[೧೧] ಆದರೆ ೨೦೦೯ ರ ಏಪ್ರಿಲ್‌ನಲ್ಲಿ, ಆಸ್ಟ್ರೇಲಿಯ ವಿರುದ್ಧದ ಸರಣಿಯ ನಂತರ ಬೌಲಿಂಗ್‌ನ ಮರು-ಪರಿಶೀಲನೆಗಾಗಿ ಇವರನ್ನು ಕರೆಯಲಾಯಿತು.[೧೨] ೨೦೦೯ ರ ಮೇ ತಿಂಗಳಿನಲ್ಲಿ, ಬೋಥಾರವರಿಗೆ ೧೫ ಡಿಗ್ರಿಗಳ ಮಿತಿಗಿಂತ ಮಿತಿಗಿಂತ ಹೆಚ್ಚು ಎಂದು ಪರಿಗಣಿಸಿದ್ದ ದೂಸ್ರಾ ಎಸೆತವನ್ನು ಹೊರತುಪಡಿಸಿ ಮತ್ತೆಲ್ಲಾ ಪ್ರಕಾರದ ಎಸೆತಗಳನ್ನು ಎಸೆಯಲು ಅನುಮತಿಸಲಾಯಿತು.

ಆಸ್ಟ್ರೇಲಿಯದಲ್ಲಿ ದೂಸ್ರಾ ಬೋಧನೆಯ ವಿರುದ್ಧ ನಿಷೇಧ[ಬದಲಾಯಿಸಿ]

೨೦೦೯ ರ ಜುಲೈನಲ್ಲಿ ಆಸ್ಟ್ರೇಲಿಯದ ಕ್ರಿಕೆಟ್ ಆಸ್ಟ್ರೇಲಿಯದ ಶ್ರೇಷ್ಠತೆಯ ಕೇಂದ್ರದಲ್ಲಿ ನಡೆದ ಸ್ಪಿನ್ ಕುರಿತ ಸಮ್ಮೇಳನದಲ್ಲಿ ಕಿರಿಯ ಸ್ಪಿನ್ನರ್‌ಗಳಿಗೆ ದೂಸ್ರಾ ಅನ್ನು ಬೋಧಿಸದೇ ಇರಲು ನಿರ್ಧರಿಸಲಾಯಿತು. ಸಭೆಯಲ್ಲಿ ಪಾಲ್ಗೊಂಡಿದ್ದ ಪ್ರತಿನಿಧಿಗಳಲ್ಲಿ ಮಾಜಿ ಟೆಸ್ಟ್ ಸ್ಪಿನ್ನರ್‌ಗಳಾದ ಶೇನ್ ವಾರ್ನ್, ಸ್ಟುವರ್ಟ್ ಮ್ಯಾಕ್‌ಗಿಲ್, ಜಿಮ್ ಹಿಗ್ಸ್, ಗೇವಿನ್ ರಾಬರ್ಟ್ಸನ್, ಟೆರ್ರಿ ಜೆನ್ನರ್, ಪೀಟರ್ ಫಿಲ್ಫೋಟ್ ಮತ್ತು ಆಶ್ಲೆ ಮ್ಯಾಲೆಟ್ ಸೇರಿದ್ದರು. ಇವರ ಪ್ರಕಾರ, ನಿಯಮಬದ್ಧವಾಗಿ ದೂಸ್ರಾ ಎಸೆತವನ್ನು ಎಸೆಯಲಾಗುವುದಿಲ್ಲ ಮತ್ತು ಐಸಿಸಿಯು ಚಕ್ಕಿಂಗ್‌ನ ಎಲ್ಲಾ ಪ್ರಕಾರವನ್ನು ನಿಯಮಬದ್ಧಗೊಳಿಸುವವರೆಗೆ ಅದನ್ನು ಆಸ್ಟ್ರೇಲಿಯದಲ್ಲಿ ಕಲಿಸಲಾಗುವುದಿಲ್ಲ.

ವಿನ್ಸೆಂಟ್ ಬಾರ್ನೆಸ್ ಅವರು ಸಂದರ್ಶನವೊಂದರಲ್ಲಿ ತಮ್ಮ ವಾದ ಮಂಡಿಸಿದಂತೆ[೧೩] ಯುಡಬ್ಲೂಎ ಪ್ರೊಫೆಸರ್ ಹಾಗೂ ಐಸಿಸಿ ಬಯೋಮೆಕ್ಯಾನಿಸ್ಟ್ ಕೂಡ ಆಗಿರುವ ಬ್ರೂಸ್ ಎಲ್ಲಿಯೋಟ್ ಅವರು ಬೆರಳಿನ ಸ್ಪಿನ್ನರ್‌ಗಳಿಗೆ ಸಂಬಂಧಿಸಿದಂತೆ ಆಸಕ್ತಿದಾಯಕ ಅನ್ವೇಷಣೆಯೊಂದನ್ನು ಮಾಡಿದ್ದಾರೆ. "ಅವರು ಹೇಳಿದಂತೆ ಉಪಖಂಡದ ಸಾಕಷ್ಟು ಬೌಲರ್‌ಗಳು ನಿಯಮಬದ್ಧವಾಗಿ ದೂಸ್ರಾವನ್ನು ಎಸೆಯಬಹುದು ಆದರೆ ಶ್ವೇತವರ್ಣದ ಅಥವಾ ಕಾಕಸಸ್ ಬೌಲರ್‌ಗಳು ಅಲ್ಲ."

ಇದರ ನಂತರವೂ, ಮೊದಲ ದರ್ಜೆಯ ಟೆಸ್ಟ್ ಪಂದ್ಯದ ವೇಳೆಯೊಂದರಲ್ಲಿ ಜೇಸನ್ ಕ್ರೇಜಾ ರವರು ನಿಯಮಬದ್ಧವಾಗಿ ಉಸ್ಮಾನ್ ಖ್ವಾಜಾರವರಿಗೆ ಚೆಂಡನ್ನು ಎಸೆದರು.[೧೪]

ತೀಸ್ರಾ[ಬದಲಾಯಿಸಿ]

೨೦೦೪ ರಲ್ಲಿ, ದೂಸ್ರಾದ ನಿರ್ಮಾಣವನ್ನು ಮಾಡಿದ ಸಕ್ಲೇನ್ ಮುಷ್ತಾಕ್ ಅವರು ತಾವು ತೀಸ್ರಾ ಎಂಬ ಹೊಸ ಬದಲಾವಣೆಯ ಎಸೆತವನ್ನು ಅಭಿವೃದ್ಧಿ ಪಡಿಸಿರುವುದಾಗಿ ತಿಳಿಸಿದರು ಮತ್ತು ಅದು ಟಾಪ್ ಸ್ಪಿನ್ನರ್ ಓರ್ವರು ಆಫ್ ಸ್ಪಿನ್ನರ್‌ನಂತೆ ರೂಪ ಬದಲಾಯಿಸಿಕೊಂಡಿರುವಂತಿದೆ ಎಂದು ಹೇಳಿದರು.[೧೫] ಅದನ್ನು ಅವರು ಐಸಿಎಲ್ ಪಂದ್ಯಗಳ ವೇಳೆಯಲ್ಲಿ ಬಳಸಬೇಕಾಗಿತ್ತು.

ಉಲ್ಲೇಖಗಳು‌[ಬದಲಾಯಿಸಿ]

  1. ಐರ್ಲೆಂಡ್ ಪರವಾಗಿ ಸಹಿ ಮಾಡಿದ ಸಕ್ಲೇನ್ Cricinfo.com. ೨೦೦೭ ರ ಏಪ್ರಿಲ್ ೨೬ ರಂದು ಪಡೆಯಲಾಯಿತು.
  2. ದೂಸ್ರಾ ಎನ್ನುವುದು ವ್ಯತ್ಯಾಸವಾಗಿರಬಹುದು - ಕ್ರಿಕೆಟ್ - ಕ್ರೀಡೆ - theage.com.au
  3. ಸಕ್ಲೇನ್ ಮುಷ್ತಾಕ್ - ಆಟಗಾರನ ವಿವರ: Cricinfo.com ೨೬ ಏಪ್ರಿಲ್ ೨೦೦೭ ರಂದು ಪಡೆಯಲಾಯಿತು
  4. ಮೊಯ್ನ್ ಖಾನ್ ಪದವನ್ನು ರೂಪಿಸಿದರು
  5. "ಸೊನ್ನಿ ರಾಮದೀನ್ ಅವರು ದೂಸ್ರಾ ಅನ್ನು ಪರಿಚಯಿಸಿದರು". Archived from the original on 2011-07-18. Retrieved 2021-08-10.
  6. ರಂಗನಾ ಹರ್ತ್. Cricinfo.com. ೨೦೦೮-೦೪-೦೬ ರಂದು ಪಡೆಯಲಾಯಿತು
  7. ಟೈಮ್ಸ್ ಆನ್‌ಲೈನ್: ದಿ ಬಿಗ್ ಇಂಟರ್‌ವ್ಯೂ: ಮಾಂಟಿ ಪಣೀಸರ್
  8. ಅಜಂತಾ ಮೆಂಡಿಸ್ ಅವರು ಕೈಬೆರಳ ಚಲನೆಯ ದೂಸ್ರಾ
  9. ಕ್ರಿಕ್‌ಇನ್ಫೋ: ಚೆಂಡೆಸೆಯಲು ಹರಭಜನ್‌ಗೆ ಅವಕಾಶ
  10. ಕ್ರಿಕ್‌ಇನ್ಫೋ: ಶೋಯೆಬ್ ಮಲಿಕ್
  11. ಕ್ರಿಕ್‌ಇನ್ಫೋ: ಬೋಥಾ ಅವರ ಶೈಲಿಯನ್ನು ಅನುಮೋದಿಸಿದ ಐಸಿಸಿ
  12. ಶಂಕಿತ ಶೈಲಿಯ ಆರೋಪಕ್ಕೆ ಒಳಗಾದ ಬೋಥಾ
  13. ದೂಸ್ರಾ ನಂತರದ ಜೀವನ | ಸ್ಪೆಶಲ್ಸ್ | ಕ್ರಿಕ್‌ಇನ್ಫೋ ನಿಯತಕಾಲಿಕ | Cricinfo.com
  14. ಕಾನೂನುಬದ್ಧ ದೂಸ್ರಾದೊಂದಿಗೆ ಖ್ವಾಜಾಗೆ ಬೌಲ್ ಮಾಡಿದ ಕ್ರೇಜಾ
  15. 'ತೀಸ್ರಾ' ನಿರ್ಮಾಣದಲ್ಲಿ ಸಕ್ಲೇನ್
"https://kn.wikipedia.org/w/index.php?title=ದೂಸ್ರಾ&oldid=1055940" ಇಂದ ಪಡೆಯಲ್ಪಟ್ಟಿದೆ