ಚಕ್ ನಾರ್ರಿಸ್
| ಚಕ್ ನಾರ್ರಿಸ್ | |
|---|---|
 Norris receiving the Veteran of the Year award by the U.S. Air Force, 2001 | |
| ಹುಟ್ಟು ಹೆಸರು ಹುಟ್ಟಿದ ದಿನ ಹುಟ್ಟಿದ ಸ್ಥಳ |
ಕಾರ್ಲೊಸ್ ರೇ ನಾರ್ರಿಸ್ ೧೦ ಮಾರ್ಚ್ ೧೯೪೦ ರ್ಯಾನ್, ಓಕ್ಲಹೋಮಾ, ಅಮೇರಿಕ ದೇಶ |
| ಪತಿ/ಪತ್ನಿ | Diane Holechek (1958-1988)
Gena O'Kelly (1998-present) |
| Official website | |
ಮಾರ್ಚ್ 10 1940ರಂದು ಜನಿಸಿದ ಕಾರ್ಲೋಸ್ ರೇ "ಚಕ್" ನಾರ್ರಿಸ್ ಅಮೇರಿಕಾದ-ಜೂಡೋ, ಕರಾಟೆ ಮಾದರಿಯ ಕದನಕಲೆ ಅಥವಾ ಕಾದಾಡುವ ಕ್ರೀಡೆಯ ಕಲಾವಿದ, ನಟ ಮತ್ತು ಮಾಧ್ಯಮದ ವ್ಯಕ್ತಿ. ಯುನೈಟೆಡ್ ಸ್ಟೇಟ್ಸ್ ಏರ್ ಫೋರ್ಸ್‌ನಲ್ಲಿ ಸೇವೆ ಮಾಡಿದ ಬಳಿಕ ನಾರ್ರಿಸ್, ಮಾರ್ಶಿಯಲ್ ಆರ್ಟಿಸ್ಟ್-ಕಾದಾಡುವ ಕ್ರೀಡೆಯ ಕಲಾವಿದ ಎಂದು ಪ್ರಸಿದ್ಧಿ ಪಡೆದನು. ಚುನ್ ಕಕ್ ದೋ ಎಂಬ ಹೆಸರಿನ ಶಾಲೆಯೊಂದನ್ನು ಸ್ಥಾಪಿಸಿದನು. ಆಕ್ಷನ್ ಚಿತ್ರಗಳಲ್ಲಿ ನಟಿಸುತ್ತಿದ್ದ ನಾರ್ರಿಸ್, ವೇ ಆಫ್ ದಿ ಡ್ರಾಗನ್ ಚಿತ್ರದಲ್ಲಿ ಬ್ರೂಸ್ ಲೀ ಜೊತೆಗೆ ನಟಿಸಿದ್ದನು ಮತ್ತು 1980ರಲ್ಲಿ ದಿ ಕ್ಯಾನನ್ ಗ್ರೂಪ್ಸ್‌ನ ಪ್ರಮುಖ ತಾರೆಯಾಗಿದ್ದನು. ಆನಂತರ 1993 ರಿಂದ 2001ರವರೆಗೂ ದೂರದರ್ಶನ ಧಾರಾವಾಹಿ ವಾಕರ್,ಟೆಕ್ಸಾಸ್ ರೇಂಜರ್ ನಲ್ಲಿ ಪ್ರಮುಖ ಪಾತ್ರ ವಹಿಸಿದನು. ನಾರ್ರಿಸ್‌ನ "ಟಫ್ ಗಯ್" ಖ್ಯಾತಿಯಿಂದಾಗಿ, ವಿವರಿಸಲಾಗದ ಅಸಂಭವನೀಯ ಶಕ್ತಿಯು ಆತನಿಗೆ ಇದೆ ಎಂದು 2005ರಲ್ಲಿ ಚಕ್ ನಾರ್ರಿಸ್ ಫ್ಯಾಕ್ಟ್ಸ್ ಎಂದು ಇಂಟರ್‌ನೆಟ್‌ನಲ್ಲಿ ಬಗೆ ಬಗೆಯಾಗಿ ವಿವರಿಸುವ ಸಂಗತಿ ನಡೆಯಿತು.
ನಾರ್ರಿಸ್ ಕಟ್ಟಾ ಕ್ರೈಸ್ತ ಮತದ ಅನುಯಾಯಿ ಮತ್ತು ರಾಜಕೀಯ ಸಂಪ್ರದಾಯವಾದಿ. ಈತ ಕ್ರೈಸ್ತ ಧ್ರರ್ಮದ ಬಗ್ಗೆ ಅನೇಕ ಪುಸ್ತಕಗಳನ್ನು ಬರೆದಿದ್ದಾನೆ ಮತ್ತು ರಿಪಬ್ಲಿಕನ್ ಅಭ್ಯರ್ಥಿಗಳಿಗೆ ಮತ್ತು ಉತ್ತಮ ಕಾರ್ಯಗಳಿಗೆ ಧನಸಹಾಯ ಮಾಡಿರುತ್ತಾನೆ. 2008ರಲ್ಲಿ ರಿಪಬ್ಲಿಕನ್ ಅಭ್ಯರ್ಥಿಯಾಗಿ ಅಧ್ಯಕ್ಷಗಾದಿಗೆ ಸ್ಪರ್ದಿಸಿದ್ದ ಅರ್ಕಾಸಾಸ್‌ನ ಗವರ್ನರ್ ಮೈಕ್ ಹಕಾಬೀಗಾಗಿ 2007 ಮತ್ತು 2008ರಲ್ಲಿ ಚುನಾವಣೆ ಪ್ರಚಾರದ ಅಭಿಯಾನವನ್ನು ನಾರ್ರಿಸ್ ಮಾಡಿದ್ದನು. ವರ್ಳಡ್‌ನೆಟ್‌ಡೈಲಿ[೧] ಎನ್ನುವ ವೆಬ್ ಸೈಟ್‌ಗೆ ಅಂಕಣವೊಂದನ್ನು ಕೂಡ ನಾರ್ರಿಸ್ ಬರೆಯುತ್ತಿದ್ದನು.
ಆರಂಭದ ಜೀವನ
[ಬದಲಾಯಿಸಿ]ಮೆಕ್ಯಾನಿಕಾಗಿದ್ದ, ಬಸ್ ಮತ್ತು ಟ್ರಕ್ ಡ್ರೈವರಾಗಿದ್ದ[೨] ರೇಯ್ ನಾರ್ರಿಸ್ ಮತ್ತು ವಿಲ್ಮಾ (ನೀ ಸ್ಕಾರ್‌ಬೆರ್ರಿ)ಯ ಮಗನಾಗಿ ಒಕ್ಲಾಹೋಮಾ ರೈಯಾನ್‌ನಲ್ಲಿ ನಾರ್ರಿಸ್ ಜನಿಸಿದನು. ನಾರ್ರಿಸ್‌ನ ತಂದೆಯ ಕಡೆಯಿಂದ ತಾತನಾಗುವವರು ಮತ್ತು ತಾಯಿಯ ಕಡೆಯಿಂದ ಅಜ್ಜಿಯಾಗುವವರು ಐರಿಶ್ ಮೂಲದವರು ಮತ್ತು ತಂದೆಯ ಕಡೆಯಿಂದ ಅಜ್ಜಿಯಾಗಬೇಕಾದವರು ಮತ್ತು ತಾಯಿಯ ಕಡೆಯಿಂದ ತಾತನಾಗಬೇಕಾದವರು ಅಮೇರಿಕಾ ದೇಶದ ಚಿರೋಕೀಯವರು.[೩][೪] ತನ್ನ ತಂದೆಯ ಪಾದ್ರಿ ಕಾರ್ಲೋಸ್ ಬೆರ್ರಿಯ ಗೌರವಾರ್ಥ ನಾರ್ರ್ರಿಸ್‌ಗೆ ಕಾರ್ಲೋಸ್ ರೇ ನಾರ್ರಿಸ್ ಎಂದು ಹೆಸರು ಇಡಲಾಯಿತು.[೫] ನಾರ್ರಿಸ್ಗೆ ಇಬ್ಬರು ತಮ್ಮಂದಿರಿದ್ದು ವೈಲಾಂಡ್ ಎನ್ನುವವನು ಮರಣ ಹೊಂದಿದ್ದರೆ, ಆರೋಣ್ ಎನ್ನುವವನು ಹಾಲಿವುಡ್ ನಿರ್ಮಾಪಕನಾಗಿದ್ದ. ನಾರ್ರಿಸ್ಗೆ ಹದಿನಾರು ವರ್ಷವಾಗಿದ್ದಾಗ ಅವನ ತಂದೆ-ತಾಯಿ ವಿಚ್ಛೇದನ ಪಡೆದರು[೬]. ಆನಂತರ ನಾರ್ರಿಸ್ ಕನ್ಸಾಸ್‌ನ ಪ್ರೈರ್ರೀ ಹಳ್ಳಿಗೆ ಮತ್ತು ಕ್ಯಾಲಿಫೋರ್ನಿಯಾದ ಟೋರೆನ್ಸ್‌ಗೆ ತನ್ನ ತಾಯಿ ಮತ್ತು ಸಹೋದರರೊಂದಿಗೆ ನೆಲೆ ಕಾಣಲು ಹೋದನು.[೪] ನಾರ್ರಿಸ್ ತನ್ನ ಬಾಲ್ಯವನ್ನು ಅಭಿವೃದ್ಧಿ ಪಥದೆಡೆಗೆ ಕೊಂಡೊಯ್ಯದ ದಾರಿ ಎಂದು ವರ್ಣಿಸಿದ್ದಾನೆ. ನಾರ್ರಿಸ್ ಓದಿನಲ್ಲೂ ಸುಮಾರಾಗಿದ್ದು, ನಾಚಿಕಯ ಸ್ವಭಾವದವನಾಗಿದುದ್ದಲ್ಲದೆ ಕ್ರೀಡೆಯಿಂದಲ್ಲೂ ದೂರ ಉಳಿದಿದ್ದ.
ಬೇರೆ ಹುಡುಗರು ಅವನ ಮಿಶ್ರ ಜನಾಂಗೀಯ ಹಿನ್ನೆಲೆಯನ್ನು ಅಣಕಿಸಿ ಮೊದಲಿಸುತ್ತಿದ್ದಾಗ ನಾರ್ರಿಸ್ ಆ ಗೋಳಾಡಿಸುತ್ತಿದ್ದವರನ್ನು ಚನ್ನಾಗಿ ಥಳಿಸ ಬೇಕೆಂದು ಹಗಲುಗನಸನ್ನು ಕಾಣುತ್ತಿದ್ದ. ನಾರ್ರಿಸ್ ತನ್ನ ಆತ್ಮ ಕಥನದಲ್ಲಿ ಹೇಳಿರುವ ಹಾಗೆ ಆತನ ತಂದೆಗೆ ಕುಡಿತದ ಚಟವಿದ್ದು ತನ್ನ ಬೆಳವಣಿಗೆಯಲ್ಲಿ ಅವನ ತಂದೆಯ ಕೊಡುಗೆ ಇರಲೇ ಇಲ್ಲವೆಂದಿದ್ದಾನೆ. ನಾರ್ರಿಸ್ ತನ್ನ ತಂದೆಯನ್ನು ಪ್ರೀತಿಸುತ್ತಿದ್ದರೂ ಆತನನ್ನು ಇಷ್ಟಪಡುತ್ತಿರಲಿಲ್ಲವೆಂದು ಒಪ್ಪಿಕೊಳ್ಳುತ್ತಾನೆ. ಏನೇ ಆಗಲಿ ನಾರ್ರಿಸ್, "ನನ್ನ ತಂದೆ ಇರೋದೇ ಹಾಗೆ ನಾನು ಅವರನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತೇನೆ, ಅವರ ಬಗ್ಗೆ ನನಗೆ ತುಂಬಾ ಅಯ್ಯೋ ಎನ್ನಿಸುತ್ತದೆ" ಎಂದು ಹೇಳಿ ತನ್ನ ಅಸಮಾಧಾನವನ್ನು ಮುಚ್ಚಿಟ್ಟು ಕೊಳ್ಳುತ್ತಿದ್ದ.
1958ರಲ್ಲಿ ಏರ್ ಪೊಲೀಸ್‌ಮನ್ (ಎಪಿ) ಆಗಿ ಯುನೈಟೆಡ್ ಸ್ಟೇಟ್ಸ್ ಏರ್ ಫೋ‌ರ್ಸ್‌ಗೆ ಸೇರಿದಾಗ ನಾರಿಸ್‌ನನ್ನು ದಕ್ಷಿಣ ಕೊರಿಯಾದ ಒಸಾನ್ ಏರ್ ಬೇಸ್‌ಗೆ ಕಳುಹಿಸಲಾಯಿತು. ಇಲ್ಲಿ ಅವನು ಚಕ್ ಎಂಬ ಅಡ್ದ ಹೆಸರನ್ನು ಪಡೆದನು.ಟ್ಯಾಂಗ್ ಸೂ ಡೊ (ಟ್ಯಾಂಗ್‌ಸೂಡೊ)ನಲ್ಲಿ ತರಬೇತಿ ಪಡೆದನು. ಈ ಕಲೆಯಲ್ಲಿ ಅವನಿಗಿದ್ದ ಆಸಕ್ತಿ ಬ್ಲಾಕ್ ಬೆಲ್ಟ್ಗಳನ್ನು ಪಡೆಯಲು ಸಾಧ್ಯವಾಯಿತು ಮತ್ತು ಚುನ್ ಕುಕ್ ಡೊ("ವಿಶ್ವವ್ಯಾಪಿಯ ಮಾರ್ಗ") ವನ್ನು ಸ್ಥಾಪಿಸಲು ಕಾರಣವಾಯಿತು. ಅಸಹಾಯಕ ಮನೋಭಾವದ ಮಾಧ್ಯಮಿಕ ಶಾಲೆ ಮತ್ತು ಹೈಸ್ಕೂಲ್ ವಿದ್ಯಾರ್ಥಿಗಳಿಗಾಗಿ ಅವರ ಗಮನ ಬೇರೆ ಒಂದೇ ಕಡೆ ಕೇಂದ್ರಿಕೃತಗೊಳ್ಳಿಸಲು ಈ ಕಾದಾಡುವ ಕಲೆ ಅಥವಾ ಕದನ ಕಲೆ ಕಲಿಸುವ ಉದ್ದೇಶದಿಂದ ಯುನೈಟೆಡ್ ಫೈಟಿಂಗ್ ಆರ್ಟ್ಸ್ ಫೆಡರೇಷನ್ಮತ್ತು ಕಿಕ್ ಸ್ಟಾರ್ಟ್ ("ಪೂರ್ವದ ಹೆಸರು ಕಿಕ್ ಡ್ರಗ್ಸ್ ಔಟ್ ಆಫ್ ಅಮೇರಿಕಾ") ಎಂಬ ಶೈಕ್ಷಣಿಕ ಸಂಘಟನೆಗಳನ್ನು ಸೃಷ್ಟಿಸಿದನು. ಯುನೈಟೆಡ್ ಸ್ಟೇಟ್ಸ್‌ಗೆ ಮರುಳಿ ಬಂದಾಗ ಕ್ಯಾಲಿಫೋರ್ನಿಯಾದ ಮಾರ್ಚ್ ಏರ್ ಫೋರ್ಸ್ ಬೇಸ್‌ನಲ್ಲಿ ಎಪಿ ಆಗಿ ಮುಂದುವರೆದನು. 1962 ಆಗಸ್ಟ್ ತಿಂಗಳಲ್ಲಿ ನಾರ್ರಿಸ್‌ನನ್ನು ಬಿಡುಗಡೆಗೊಳಿಸಲಾಯಿತು. ನಾರ್ಥ್‌ರಾಪ್ ಕಾರ್ಪೊರೇಷನ್‌ನಲ್ಲಿ ಕೆಲಸಕ್ಕೆ ಸೇರಿ ಅಲ್ಲಿ ಅನೇಕ ಕರಾಟೆ ಶಾಲೆಗಳನ್ನು ತೆರೆದನು. ಅವುಗಳಲೊಂದರಲ್ಲಿ ಚಾಡ್ ಮ್ಯಾಕ್‌ಕ್ವೀನ್, ಸ್ಟೀವ್ ಮ್ಯಾಕ್‌ಕ್ವೀನರ ಮಗನೂ ಕಲಿಯಲು ಬರುತ್ತಿದ್ದನು.[೪]
ಪ್ರಸಿದ್ದಿಯತ್ತ - ಬೆಳೆವಣಿಗೆ
[ಬದಲಾಯಿಸಿ].jpg)
ನಿರ್ಧಾರದ ಕ್ಷಣಗಳನ್ನು ಜೋ ಲೆವಿಸ್‌ಗೆ ಮತ್ತು ಅಲ್ಲೆನ್ ಸ್ಟೀನ್‌ಗೆ ಬಿಟ್ಟಿದ್ದರಿಂದ ನಾರ್ರಿಸ್ ತನ್ನ ಮೊದಲ ಎರಡು ಪಂದ್ಯಾವಳಿಗಳಲ್ಲಿ ಸೋಲಬೇಕಾಯಿತು ಹಾಗೆಯೇ ಇಂಟರ್‌ನ್ಯಾಷನಲ್ ಕರಾಟೆ ಚಾಂಪಿಯನ್‌ಶಿಪ್ಸ್‌ನಲ್ಲಿ ಟೋನಿ ಟುಲೆನರ್ಸ್‌ಗೆ ನಿರ್ಧಾರದ ಕ್ಷಣವನ್ನು ಬಿಟ್ಟುಕೊಟ್ಟಿದ್ದರಿಂದ ಮತ್ತೆ ಸೋಲನ್ನು ಅನುಭವಿಸಬೇಕಾಯಿತು. 1967ರಷ್ಟು ಹೊತ್ತಿಗೆ ನಾರ್ರಿಸ್ ಸಾಕಷ್ಟು ಸುಧಾರಣೆಗೊಂಡು ಲೆವಿಸ್, ಸ್ಕಿಪ್ಪರ್ ಮುಲಿನ್ಸ್, ಆರ್ನೊಳ್ಡ್ ಯುರ್ಕಿಡೆಜ್, ವಿಕ್ಟರ್ ಮೂರೆ, ರಾನ್ ಮಾರ್ಚಿನಿ ಮತ್ತು ಸ್ಟೀವ್ ಸ್ಯಾಂಡರ್ಸ್ ಅವರಂಥವರ ಮೇಲೂ ಗೆಲುವನ್ನು ಸಾಧಿಸಿದನು. 1968ರ ಆರಂಭದಲ್ಲಿ ನಾರ್ರಿಸ್ ತನ್ನ ವೃತ್ತಿಯಲ್ಲೇ ಹತ್ತನೆಯ ಮತ್ತು ಕೊನೆಯ ಸೋಲನ್ನು ಅನುಭವಿಸಬೇಕಾಯಿತು. ಲೂಯಿಸ್ ಡೆಲ್ಗಾಡೋವಿಗೆ ನಿರ್ಧಾರದ ಕ್ಷಣವನ್ನು ಬಿಟ್ಟು ಗೊಂದಲಗೊಂಡಿದ್ದು ಸೋಲಿಗೆ ಕಾರಣವಾಯಿತು. ಪ್ರೊಫೆಶನಲ್ ಮಿಡ್ಲ್‌ವೇಯ್ಟ್ ಚಾಂಪಿಯನ್ ಟೈಟಲ್ ಅನ್ನು ಗೆಲ್ಲುವ ಮೂಲಕ ನವೆಂಬರ್ 24, 1968ರಲ್ಲಿ ಡೆಲ್ಗಾಡೋ ಮೇಲೆ ಪ್ರತೀಕಾರ ತೀರಿಸಿಕೊಂಡನು ಮತ್ತು ಇದನ್ನು ಸತತವಾಗಿ ಆರನೇ ಬಾರಿ ಗೆದ್ದನು.[೬] 1969ರಲ್ಲಿ ನಾರ್ರಿಸ್ ಅನೇಕ ಪಂದ್ಯಾವಳಿಗಳಲ್ಲಿ ತ್ರಿವಳಿ ಕಿರೀಟವನ್ನು ಗೆದ್ದುಕೊಂಡನು ಮತ್ತು ಬ್ಲಾಕ್ ಬೆಳ್ಟ್ ಮ್ಯಾಗಝೈನ್ ಅವರಿಂದ ಫೈಟರ್ ಅಫ್ ದಿ ಇಯರ್ ಎಂಬ ಪ್ರಶಸ್ತಿ ಪಡೆದನು.
1969ರಲ್ಲಿ ನಾರ್ರಿಸ್, ಡೀನ್ ಮಾರ್ಟಿನ್ ಚಿತ್ರ ದಿ ವ್ರೆಕಿಂಗ್ ಕ್ರೂ ವಿನಲ್ಲಿ ಮೊದಲ ಬಾರಿಗೆ ನಟನಾ ಕ್ಷೇತ್ರಕ್ಕೆ ಪ್ರವೇಶ ಮಾಡಿದನು. 1970ರಲ್ಲಿ ನಾರ್ರಿಸ್‌ನ ತಮ್ಮ ವೈಲಾಂಡ್‌ನನ್ನು ವಿಯಟ್ನಾಂನಲ್ಲಿ ಕೊಲ್ಲಲಾಯಿತು. ಆನಂತರ ನಾರ್ರಿಸ್ ತನ್ನ ಚಿತ್ರ ಮಿಸ್ಸಿಂಗ್ ಇನ್ ಆಕ್ಷನ್ ಅನ್ನು ತನ್ನ ತಮ್ಮನ ನೆನಪಿಗೆ ಅರ್ಪಿಸಿದನು. ಲಾಂಗ್ ಬೀಚ್‌ನಲ್ಲಿ ನಡೆದ ಕಾದಾಡುವ ಕಲೆಯ ಪ್ರದರ್ಶನದಲ್ಲಿ ನಾರ್ರಿಸ್, ಶೀಘ್ರವಾಗಿ ಅತೀ ವೇಗದಲ್ಲಿ ಖ್ಯಾತಿಯಾದ ಮತ್ತೊಬ್ಬ ಕಾದಾಡುವ ಕಲೆಯ ಕಲಾವಿದ ಬ್ರೂಸ್ ಲೀ ಯನ್ನು ಭೇಟಿಯಾದನು. 1972ರಲ್ಲಿ ವೇ ಆಫ್ ದಿ ಡ್ರಾಗನ್ ಚಿತ್ರದಲ್ಲಿ ಬ್ರೀಸ್ ಲೀಯ ಪ್ರತೀಕಾರನಾಗಿ ನಾರ್ರಿಸ್ ನಟಿಸಿದನು (ಈ ಚಿತ್ರವನ್ನು ರಿಟರ್ನ್ ಆಫ್ ದಿ ಡ್ರಾಗನ್ ಎಂದು U.S.ನ ಹಂಚಿಕೆಯಲ್ಲಿ ಕರೆಯಲಾಯಿತು). ಈ ಚಿತ್ರದ ನಟನೆಗಾಗಿ ನಾರ್ರಿಸ್ಗೆ ವ್ಯಾಪಕ ಪ್ರಶಂಸೆ ಲಭ್ಯವಾಯಿತು ಮತ್ತು ಸ್ಟಾರ್‌ಗಿರಿಯೂ ಬಂತು. ಏಷಯಾ ಖಂಡದಲ್ಲಿ ಪ್ರಾಥಮಿಕವಾಗಿ ನಾರ್ರಿಸ್‌ನನ್ನು ನೆನಪಿಸಿಕೊಳ್ಳುವುದೇ ಈ ಚಿತ್ರದ ಪಾತ್ರದಿಂದ. 1974ರಲ್ಲಿ ಮ್ಯಾಕ್‌ಕ್ವೀನ್ ಅವರು MGMನಲ್ಲಿ ನಟನಾ ತರಬೇತಿ ಶಾಲೆಯನ್ನು ತೆರೆಯಲು ಪ್ರೋತ್ಸಾಹಿಸಿದರು. 183-10-2ರ ಕರಾಟೆ ದಾಖಲೆಯೊಂದಿಗೆ ಚಕ್ ನಾರ್ರಿಸ್ ನಿವೃತ್ತಿ ಹೊಂದಿದನು.
1977ರಲ್ಲಿ ಬ್ರೇಕರ್! ಚಿತ್ರದ ಪಾತ್ರವು ನಾರ್ರಿಸ್‌ನ ಮೊದಲ ಭರವಸಾದಾಯಕ ಪಾತ್ರವಾಗಿತ್ತು.ಬ್ರೇಕರ್! ಮತ್ತು ಅದರ ಮುಂದಿನ ಚಿತ್ರಗಳಾದ ಗುಡ್ ಗಯ್ಸ್ ವೇರ್ ಬ್ಲಾಕ್ (1978), ದಿ ಆಕ್ಟಾಗನ್ (1980), ಆನ್ ಐಯ್ ಫಾರ್ ಆನ್ ಐಯ್ (981), ಮತ್ತು ಲೋನ್ ವುಲ್ಫ್ ಮ್ಯಾಕ್‌ಕ್ವಾಡ್ ಚಿತ್ರಗಳು ನಾರ್ರಿಸ್‌ನ ಮೇಲೆ ಬಂಡವಾಳ ಹೂಡಿ ಬಾಕ್ಸ್ ಆಫೀಸಿನಲ್ಲಿ ಲಾಭ ಮಾಡಿಕೊಳ್ಳಬಹುದೆಂಬ ಚಿತ್ರೋದ್ಯಮದ ನಂಬಿಕೆಯನ್ನು ವೃದ್ಧಿಗೊಳಿಸಿತು. 1984ರಲ್ಲಿ ಇಸ್ರೇಲ್‌ನ ಸೋದರ ಸಂಬಂದ್ಧಿಗಳಾದ ಮೆನಾಹೆಂ ಗೋಲನ್ ಮತ್ತು [[ಯೋರಂ ಗ್ಲೋಬಸ್ ತಮ್ಮ ಕ್ಯಾನನ್ ಫಿಲಂಸ್ ಬ್ಯಾನರಡಿಯಲ್ಲಿ|ಯೋರಂ ಗ್ಲೋಬಸ್ ತಮ್ಮ ಕ್ಯಾನನ್ ಫಿಲಂಸ್ ಬ್ಯಾನರಡಿಯಲ್ಲಿ]]ತಯಾರಿಸಿದ ಮಿಸ್ಸಿಂಗ್ ಇನ್ ಆಕ್ಷನ್ ಚಿತ್ರದಲ್ಲಿ ನಾರ್ರಿಸ್ ನಟಿಸಿದನು. ವಿಯಟ್ನಾಂ ವಾರ್ POW/MIA ವಿಷಯ ವನ್ನು ತೆಗೆದುಕೊಂಡು,ಯುದ್ಧ ಖೈದಿಗಳನ್ನು ರಕ್ಷಿಸುವ ಕಲ್ಪನಾತೀತ ಕಥೆಗಳುಳ್ಳ ಚಿತ್ರಗಳ ಮಾಲಿಕೆಯಲ್ಲಿ ಬಂದ ಮೊದಲ ಚಿತ್ರ ಇದು. ದಿ ಕರಾಟೆ ಕಿಡ್ ಚಿತ್ರದಲ್ಲಿನ ಕೋಬ್ರ ಕೈ ಡೋಜೋದ ಸೆನ್ಸೀಯಿ ಪಾತ್ರವನ್ನು ತನಗೆ ನೀಡಲಿಲ್ಲ ಎಂದು ನಾರ್ರಿಸ್ ಬಹಿರಂಗವಾಗಿ ಹೇಳಿದನು. ಆದರೆ ಈ ಹೇಳಿಕೆ ವರದಿ ಆದ ಬಗೆಗಿಂತ ಭಿನ್ನವಾಗಿದೆ.
ಮುಂದಿನ ನಾಲ್ಕು ವರ್ಷಗಳಲ್ಲಿ ಎಂಟು ಚಿತ್ರಗಳಲ್ಲಿ ನಟಿಸುವ ಮೂಲಕ ನಾರ್ರಿಸ್ ಪ್ರಖ್ಯಾತ ತಾರೆಯಾಗಿ ಬಿಟ್ಟನು.ಅವುಗಳಲ್ಲಿ ಕೋಡ್ ಆಫ್ ಸೈಲೆನ್ಸ್ , ದಿ ಡೆಳ್ಟಾ ಫೋರ್ಸ್ , ಮತ್ತು ಫೈರ್‌ವಾಕರ್‌ ನಲ್ಲಿ ಅಕಾಡೆಮಿ ಅವಾರ್ಡ್ ಗೆದ್ದಿರುವ ಲೂಯಿಸ್ ಗೊಸ್ಸೆಟ್,ಜೂ ಜೊತೆ ನಟಿಸಿರುತ್ತಾನೆ. ವಾಕರ್,ಟೆಕ್ಸಾಸ್ ರೇಂಜರ್ ನ ಅನೇಕ ಕಿರುಗಥೆಗಳನ್ನು ತಯಾರಿಸಿದ ಚಕ್ ನಾರ್ರಿಸ್ ತಮ್ಮ ಆರೋನ್, ಮೇಲೆ ತಿಳಿಸಿರುವ ಅನೇಕ ಚಿತ್ರಗಳನ್ನೂ ನಿರ್ಮಿಸಿರುತ್ತಾನೆ. 1986ರಲ್ಲಿ ಆತನು ರೂಬಿ ಸ್ಪೀಯರ್ಸ್ ಕಾರ್ಟೂನ್ ಕರಾಟೆ ಕಮಾಂಡೋಸ್ ನ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದ್ದನು.
ಟೇ ಕ್ವಾನ್ ಡೋವಿನ ದಾಖಲೆಗೊಂಡ ಚರಿತ್ರೆಯ ಪ್ರಕಾರ, 1997ರಲ್ಲಿ 8ನೇ ಬ್ಲಾಕ್ ಬೆಳ್ಟ್ ಗ್ರಾಂಡ್ ಮಾಸ್ಟರ್ ಡಿಗ್ರಿಯನ್ನು ಪಡೆದ ಮೊದಲ ಪಾಶ್ಚಿಮಾತ್ಯ ವ್ಯಕ್ತಿ ನಾರ್ರಿಸ್ ಎಂದು ಒಮ್ಮೊಮ್ಮೆ ಉದ್ಧಾರಿಸುವುದು ಉಂಟು.[೭] ಆದರೆ ನಾರ್ರಿಸ್ ತಪ್ಪು ತಿಳಿದಂತೆ ಕಂಡು ಬರುತ್ತದೆ ಕಾರಣ ಕೊನೆ ಪಕ್ಷ U.S.ನ ಇಬ್ಬರು ಬ್ಲಾಕ್ ಬೆಳ್ಟ್ ಗಳಿಗೆ (ಚಾರ್ಳ್ಸ್ ಚಕ್ ಸೆರೆಫ್ ಮತ್ತು ಎಡ್ವರ್ಡ್ ಸೆಲ್[೮][೯]) ಎಷ್ಟೋ ವರ್ಷಗಳ ಹಿಂದೆಯೇ ಈ ಟಿಕೆಡಿಯ 8ನೇಯ ಬ್ಲಾಕ್ ಬೆಳ್ಟ್ ಗ್ರಾಂಡ್ ಮಾಸ್ಟರ್ ಡಿಗ್ರಿಯನ್ನು ಕೊಡಲಾಗಿತ್ತು. ಜುಲೈ 1, 2000ರಂದು ನಾರ್ರಿಸ್ಗೆ ವರ್ಳ್ಡ್ ಕರಾಟೆ ಯುನಿಯನ್ ಹಾಲ್ ಆಫ್ ಫೇಮ್ ಅವರಿಂದ ಗೋಳ್ಡನ್ ಲೈಫ್‌ಟೈಂ ಅಚೀವ್‌ಮೆಂಟ್ ಅವಾರ್ಡ್ ಪ್ರಶಸ್ತಿಯನ್ನು ಪ್ರಧಾನ ಮಾಡಲಾಯಿತು.
ಮಾರ್ಚ್ 28, 2007ರಂದು ವಾಷಿಂಗ್ಟನ್, ಡಿ.ಸಿ.[೧೦] ಯಲ್ಲಿ ಕಮಾಂಡೆಂಟ್ ಅವರ ಮನೆಯಲ್ಲಿ ನಡೆದ ಭೋಜನ ಕೂಟದಲ್ಲಿ ಕಮಾಂಡೆಂಟ್ ಜನರಲ್ ಜೇಮ್ಸ್ ಟಿ. ಕಾನ್ವೇಯ್ ನಾರ್ರಿಸ್‌ನನ್ನು ಗೌರವ ಯುನೈಟೆಡ್ ಸ್ಟೇಟ್ಸ್ ಮ್ಯಾರೈನ್‌ನನ್ನಾಗಿ ಮಾಡಿದರು
ವಾಕರ್, ಟೆಕ್ಸಾಸ್ ರೇಂಜರ್
[ಬದಲಾಯಿಸಿ]
1980ರ ಅಂತ್ಯಕ್ಕೆ ಕ್ಯಾನನ್ ಫಿಲಂಸ್ ತನ್ನ ಪ್ರಸಿದ್ದಿಯನ್ನು ಕಳೆದುಕೊಂಡಿತು ಅದರ ಜೊತೆಗೇ ನಾರ್ರಿಸ್‌ನ ತಾರಾಮೌಲ್ಯವೂ ಅಧೋಮುಖವಾಯಿತು. ಚಾಪ್ಟರ್ 11 ಎಂಬ ಚಿತ್ರವನ್ನು MGM ಅವರಿಗಾಗಿ ಮಾಡಿದ್ದಾಗ ಅದು ಸೋತು ಕ್ಯಾನನ್ ಲೈಬ್ರರಿ ಸೇರಿದ್ದ ಕಾರಣ ಡೆಳ್ಟಾ ಫೋರ್ಸ್ ಪಾತ್ರವನ್ನು ಪ್ರತಿಯಾಗಿ ಮಾಡಿದ. ನಾರ್ರಿಸ್ ಅನೇಕ ಚಿತ್ರಗಳನ್ನು ಮಾಡಿದನು ಆದರೆ ಅದು ದೂರದರ್ಶನಕ್ಕೆ ಪರಿವರ್ತಿಸುವ ಮುನ್ನ ದೊಡ್ಡ ಮಟ್ಟದಲ್ಲಿ ನಿರ್ಲಕ್ಷಿಸಿಲ್ಪಟ್ಟಂಥವು. 1993ರಲ್ಲಿ ನಾರ್ರಿಸ್- ವಾಕರ್, ಟೆಕ್ಸಾಸ್ ರೇಂಜರ್ ಸರಣಿಯನ್ನು ಚಿತ್ರಿಕರಿಸಿದನು ಇದು ಸಿಬಿಎಸ್ನಲ್ಲಿ ಎಂಟು ವರ್ಷಕ್ಕೆ ಕೊನೆಗೊಂಡರೆ ಇನ್ನಿತರ ಚಾನಲ್‌ಗಳಲ್ಲಿ ವಿಶೇಷವಾಗಿ ಹಾಲ್‍ಮಾರ್ಕ್ ಚಾನಲ್ ನಲ್ಲಿ ತನ್ನ ಪ್ರದರ್ಶನ ಮುಂದುವರೆಸಿತು.
ಅಕ್ಟೋಬರ್ 17, 2005ರಂದು CBSನವರು ವಾಕರ್, ಟೆಕ್ಸಾಸ್ ರೇಂಜರ್: ಟ್ರೈಲ್ ಬೈ ಫೈರ್ ಅನ್ನು ವಾರಗಳಲ್ಲಿನ ಭಾನುವಾರದ ರಾತ್ರಿಯ ಚಿತ್ರ ಎಂದು ಮೊದಲ ಪ್ರದರ್ಶನವನ್ನು ಮಾಡಿದರು. ಈ ತಯಾರಿಕೆಯೂ ಸರಣಿಯಂತೆ ಮುಂದವರೆಯುವುದೇ ಹೊರತು ಪುನರ್ ಸೇರಿಸಿದಾಗ ಒಂದು ಇಡೀ ಚಿತ್ರವಾಗುವಂಥದ್ದಲ್ಲ. ನಾರ್ರಿಸ್ ತನ್ನ ಪಾತ್ರವನ್ನು ಕಾರ್ಡೆಲ್ ವಾಕರ್ ಆಗಿ ಪ್ರತಿಯಾಗಿ ಮಾಡಿಕೊಂಡನು. ಮುಂದೆ ಭವಿಷ್ಯತ್ತಿನಲ್ಲಿ- ವಾಕರ್, ಟೆಕ್ಸಾಸ್ ರೇಂಜರ್ ವಾರದ ಚಿತ್ರವಾಗುವ ಯೋಜನೆಯನ್ನು ನಿರೀಕ್ಷಿಸಬಹುದೆಂದು ನಾರ್ರಿಸ್ ಹೇಳಿಕೆ ಕೊಟ್ಟನು;ಆದರಿದು, 2006–2007ರಲ್ಲಿ CBSನವರು, ಇನ್ನು ಮುಂದೆ ಭಾನುವಾರದ ರಾತ್ರಿಗಳಂದು ವಾರದ ಚಿತ್ರ ಎಂದು ನಿಯಮಿತವಾಗಿ ಸೇರಿಸುವಂತಿಲ್ಲ ಎಂದು ನಿರ್ಧರಿಸಿದ್ದು ಮಾತ್ರ ನಾರ್ರಿಸ್‌ನ ಹೇಳಿಕೆಗೆ ವ್ಯತಿರಿಕ್ತವಾಗಿತ್ತು.
ವರ್ಳ್ಡ್ ಕಾಂಬಟ್ ಲೀಗ್
[ಬದಲಾಯಿಸಿ]2005ರಲ್ಲಿ ನಾರ್ರಿಸ್, ವರ್ಳ್ಡ್ ಕಾಂಬಟ್ ಲೀಗ್(WCL) ಎಂಬ ಹೆಸರಿನಡಿಯಲ್ಲಿ ಪೂರ್ಣ ಸಂಪರ್ಕದ, ತಂಡದ ಅಡಿಪಾಯದಲ್ಲಿ ಕಾದಾಡುವ ಕಲೆಯ ಸ್ಪರ್ಧೆಯನ್ನು ಏರ್ಪಡಿಸಿದನು. ವಿವಿಧ ನಗರಗಳಿಂದ ಅಥವಾ ಪ್ರದೇಶಗಳಿಂದ ಐದು ಪುರುಷರು ಮತ್ತು ಒಂದು ಮಹಿಳೆಯನ್ನು ಒಳಗೊಂಡ ಪ್ರತಿ ತಂಡವು ಇರುತ್ತಿತ್ತು ಮತ್ತು ಈ ಲೀಗ್ ಯುನೈಟೆಡ್ ಸ್ಟೇಟ್ಸ್‌ನ ಅನೇಕ ನಗರಗಳಲ್ಲಿ ಬೆಳೆಯಲು ಹಂಬಲಿಸುತ್ತದೆ ಮತ್ತು ಯುರೋಪಿಯನ್ ಹಾಗೂ ಏಶಿಯನ್‌ನಲ್ಲೂ ಈ ಎರಡೂ ಲೀಗ್‌ಗಳು ಬೆಳೆಯಲು ಹಂಬಲಿಸುತ್ತವೆ.[೧೧]
ವರ್ಳ್ಡ್ ಕಾಂಬಾಟ್ ಲೀಗ್‌ನಲ್ಲಿ ಬರುವ ಹಣದಲ್ಲಿ ಒಂದು ಭಾಗ ನಾರ್ರಿಸ್‌ನ ಧಾರ್ಮಿಕ ಸಂಸ್ಥೆ ಕಿಕ್‌ಸ್ಟಾರ್ಟ್‌ಗೆ ಸಹಾಯ ಮಾಡುವುದಾಗಿದೆ.[೧೧]
ವೈಯಕ್ತಿಕ ಜೀವನ
[ಬದಲಾಯಿಸಿ]1958ರಲ್ಲಿ ನಾರ್ರಿಸ್ ಡೈನ್ ಹೊಲಿಚೆಕ್‌ಳನ್ನು ಮದುವೆಯಾದನು. 1963ರಲ್ಲಿ ಅವರ ಮೊದಲ ಮಗು ಮೈಕ್ ಜನಿಸಿದನು. 1964ರಲ್ಲಿ ತಾನು ಮದುವೆಯಾಗದ ಹೆಣ್ಣಿನಿಂದ ದಿನಾ ಎನ್ನುವ ಹೆಣ್ಣು ಮಗುವನ್ನು ಪಡೆದನು.[೧೨] ಆನಂತರ 1965ರಲ್ಲಿ ತನ್ನ ಹೆಂಡತಿಯಿಂದ ಎರಡನೆಯ ಪುತ್ರ ಎರಿಕ್ ಜನಿಸಿದನು. ಮದುವೆಯಾಗಿ 30 ವರ್ಷದ ಬಳಿಕ ತನ್ನ ಹೆಂಡತಿ ಹೊಲೆಚೆಕ್‌ನೊಂದಿಗೆ 1988ರಲ್ಲಿ ವಿಚ್ಛೇದನವಾಯಿತು.
1963 ಜನಿಸಿದ, ತನಗಿಂತ 23 ವರ್ಷ ಕಿರಿಯಳಾದ, ಮಾಜಿ ರೂಪದರ್ಶಿ ಗಿನಾ ಓ ಕೆಲ್ಲಿಯನ್ನು ನವೆಂಬರ್ 1998ರಲ್ಲಿ ನಾರ್ರಿಸ್ ಮದುವೆಯಾದನು. ತನ್ನ ಮೊದಲ ಮದುವೆಯಿಂದ ಅವಳಿಗೆ ಅದಾಗಲೇ ಎರಡು ಮಕ್ಕಳಿದ್ದವು. 2001ರಲ್ಲಿ ಅವಳಿಗೆ ಅವಳ-ಜವಳಿ ಮಕ್ಕಳಾದವು. ಡಕೋಟಾ ಅಲಾನ್ ನಾರ್ರಿಸ್ ಎಂಬ ಗಂಡು ಮಗು ಮತ್ತು ಡ್ಯಾನಿಲೀ ಕೆಲ್ಲಿ ನಾರ್ರಿಸ್ ಎಂಬ ಹೆಣ್ಣು ಮಗು.[೧೩]
ಸೆಪ್ಟೆಂಬರ್ 22, 2004ರಂದು ಎಂಟರ್‌ಟೈನ್‌ಮೆಂಟ್‌ ಟುನೈಟ್‌ನ ಮೇರಿ ಹಾರ್ಟ್‌ಗೆ, ದಿನಾ ವಿವಾಹೇತರ ಸಂಬಂದ್ಧದಲ್ಲಿ ತನಗೆ ಜನಿಸಿದ ಮಗಳು ಎಂದನು. ಮಗಳಿಗೆ 16 ವರ್ಷವಾದಾಗ ತನ್ನ ತಂದೆ ಯಾರು ಎಂದು ಗೊತ್ತಿದ್ದರೂ ತಂದೆ ಮಗಳ ಭೇಟಿ ಆಗಿದ್ದು ಮಗಳಿಗೆ 26 ವರ್ಷವಾದಾಗ ಮಾತ್ರ. ನಾರ್ರಿಸ್ ತನಗೆ ತಂದೆಯಾಗಬೇಕಾದ ವಿಚಾರವನ್ನು ಅವನ ಮನೆಗೆ ಪತ್ರದ ಮೂಲಕ ತಿಳಿಸುತ್ತಾಳೆ. ಅವಳನ್ನು ಭೇಟಿಯಾಗಿ ಕಂಡಾಕ್ಷಣ ಅವಳೇ ತನ್ನ ಮಗಳೆಂದು ಗೊತ್ತಾಯಿತು ಎಂದು ಹೇಳಿದ.[೧೪]'
ನೇರ ಮಾತಿನ ಕ್ರೈಸ್ತ[೧೫] ನಾರ್ರಿಸ್, ದಿ ಜಸ್ಟೀಸ್ ರೈಡರ್ಸ್ ಮುಂತಾದ ಅನೇಕ ಕ್ರೈಸ್ತ ಧರ್ಮದ ಪುಸ್ತಕಗಳ ಲೇಖಕ. ಬೈಬಲ ಓದಿನ ಪ್ರಚಾರದ TVಯ ಜಾಹೀರಾತುಗಳಲ್ಲಿ, ಸಾರ್ವಜನಿಕ ಶಾಲೆಯಲ್ಲಿನ ಪ್ರಾರ್ಥನೆಗಳಲ್ಲಿ ಕಾಣಿಸಿಕೊಂಡಿರುವ ನಾರ್ರಿಸ್ ಮಾದಕ ದ್ರವ್ಯಯದ ವಿರುದ್ಧದ ಕಾರ್ಯದಲ್ಲೂ ಶ್ರಮಿಸಿದ್ದಾನೆ. 2006ರಲ್ಲಿ ಸಂಪ್ರದಾಯ ಬದ್ಧ ವಾರ್ತಾ ವೆಬ್ ಸೈಟ್ ವರ್ಳ್ಡ್ನೆಟ್ಡೈಲಿಯಲ್ಲಿ ನಾರ್ರಿಸ್ ಅಂಕಣವೊಂದನ್ನು ಬರೆಯುತ್ತಿದ್ದನು. ಅದರಲ್ಲಿ ಅವನ "ನಂಬಿಕೆಗಳು, ಕುಟುಂಬ, ಸ್ವಾತಂತ್ರ,ದೇಶ,ನಿಷ್ಟೆ ಮತ್ತು ಕಿಕ್‌ಬಾಕ್ಸಿಂಗ್" ಬಗ್ಗೆ ಸಲ್ಲಾಪದ ರೂಪದಲ್ಲಿ ಬರೆಯುತ್ತಿದ್ದನು. ಯಾರು ತೊಂದರೆಯಲ್ಲಿರುತ್ತಾರೆ ಅವರು ಜೀಸಸ್‌ನೆಡೆಗೆ ಪರಿಹಾರಕ್ಕಾಗಿ ಬರಬೇಕು ಎನ್ನುವ ಬೈಬಲಿನ ಸೃಷ್ಟಿತ್ವದ[೧೬] ಬಗ್ಗೆ ತನಗಿರುವ ನಂಬಿಕೆಯನ್ನು ನಾರ್ರಿಸ್ ತನ್ನ ಅಂಕಣಗಳಲ್ಲಿ ವ್ಯಕ್ತ ಪಡಿಸುತ್ತಿದ್ದನು ಮತ್ತು ಬೈಬಲ್ಲಿನಲ್ಲಿ ಉಲ್ಲೇಖಿಸಲಾಗಿರುವ, ಯಾರು ನಿಜವಾದ ದೇಶಭಕ್ತರಿರುತ್ತಾರೋ ಅವರು ಧಾರ್ಮಿಕ ಮತ್ತು ರಾಜಕೀಯ[೧೭] ಇವರೆಡರಲ್ಲೂ ಸ್ಪಷ್ಟತೆ ಇದ್ದು ಕೊಂಡೇ ಚರ್ಚೆ ಮಾಡುತ್ತಾರೆ ಎಂಬುದನ್ನು ನಾರ್ರಿಸ್ ತನ್ನ ಅಂಕಣಗಳಲ್ಲಿ ಬರೆಯುತ್ತಿದ್ದ.
ನಾರ್ರಿಸ್, ಸಾರ್ವಜನಿಕ ಶಾಲೆಗಳಲ್ಲಿ ಬೈಬಲ್ ಅನ್ನು ಪಠ್ಯಕ್ರಮದಲ್ಲಿ ಅಳವಡಿಸುವ ಬಗ್ಗೆ ಕಾರ್ಯನಿರ್ವಹಿಸುವ ಸಂಸ್ಥೆ, ನ್ಯಾಷನಲ್ ಕೌನ್ಸಿಲ್ ಆನ್ ಬೈಬಲ್ ಕ್ಯುರಿಕುಲಂ ಇನ್ ಪಬ್ಲಿಕ್ ಸ್ಕೂಲ್ಸ್, ಇದರ ರಾಷ್ಟ್ರೀಯ ಪರಿಷತ್ತಿನ ನಿರ್ದೇಶಕ ಮಂಡಳಿಯಲ್ಲಿ ಒಬ್ಬನಾಗಿದ್ದ ಮತ್ತು ಸಾರ್ವಜನಿಕ ಶಾಲೆಗಳಲ್ಲಿ ಅಧಿಕೃತವಾಗಿ ಪ್ರಾರ್ಥನೆಯನ್ನು ಮಾಡಿಸಬೇಕೆಂದು ಬಯಸುವ ಸಂಸ್ಥೆಗಳ ಪರವಾಗಿ ಮಾತನಾಡುವ ವಕ್ತಾರನೂ ಆಗಿದ್ದ.
ಬೆಜಿಲಿಯನ್ ಜಿಯು-ಜಿಟ್ಸುವಿನಲ್ಲಿ ಮಾಕಾಡೊ ಕುಟುಂಬದಿಂದ ನಾರ್ರಿಸ್ ಬ್ರೌನ್ ಬೆಳ್ಟ್ ಪಡೆದನು.[೧೮]
ರಾಜಕೀಯ ನಿಲುವು
[ಬದಲಾಯಿಸಿ]
ನಾರ್ರಿಸ್ ರಿಪಬ್ಲಿಕ್ ಪಕ್ಷದವನು,ಆಗಾಗ್ಗೆ ಆ ಪಕ್ಷದ ದೃಷ್ಟಿಕೋನವನ್ನು ಬೆಂಬಲಿಸಿ ಭಾಷಣಗಳನ್ನು ಮಾಡುತ್ತಿರುತ್ತಾನೆ. 1988[೧೯] ರಿಂದೀಚೆಗೆ ನಾರ್ರಿಸ್ $32,000 ಗಿಂತಲ್ಲೂ ಹೆಚ್ಚಿನ ಹಣವನ್ನು ರಿಪಬ್ಲಿಕ್ ಅಭ್ಯರ್ಥಿಗಳಿಗೆ ಮತ್ತು ಸಂಘಟನೆಗಳಿಗೆ ಧನ ಸಹಾಯ ಮಾಡಿದ್ದಾನೆ. ಜನವಾರಿ 26, 2007ರಂದು ಸಿಯಾನ್ ಹಾನ್ನಿಟಿಯಲ್ಲಿ ಜನಪ್ರಿಯ ಫಾಕ್ಸ್ ನ್ಯೂಸ್ ಚಾನಲ್‌ನ ಚರ್ಚಾ ಕಾರ್ಯಕ್ರಮ ಹಾನ್ನಿಟಿ ಮತ್ತು ಕೋಂಸ್ ನಲ್ಲಿ ಅಲಾನ್ ಕೋಂಸ್[೨೦] ಜೊತೆಗೆ ನಾರ್ರಿಸ್ ಸಹ- ಅತಿಥೇಯನಾಗಿದ್ದ.
ಚಕ್ ನಾರ್ರಿಸ್ ಗನ್ ಖರೀದಿಸುವ ಹಕ್ಕನ್ನು ಬೆಂಬಲಿಸುತ್ತಿದ್ದ ಮತ್ತು ಸಾರ್ವಜನಿಕ ಶಾಲೆಗಳು ಸಲಿಂಗ ಕಾಮವನ್ನು[೨೧] ಗಮನಿಸದಿರುವ ಬಗ್ಗೆ ವಿರೋಧ ವ್ಯಕ್ತಪಡಿಸುತ್ತಿದ್ದ. ನಾರ್ರಿಸ್ ವಿಕಾಸ ವಾದವನ್ನು ಒಪ್ಪುತ್ತಿರಲಿಲ್ಲ ಬದಲಾಗಿ ಬುದ್ಧಿಮತ್ತೆಯನ್ನು ನಂಬುತ್ತಿದ್ದ.[೨೨][೨೩]
ಅಧ್ಯಕ್ಷ[೨೪] ಸ್ಥಾನಕ್ಕೆ ಅರ್ಕಾನ್ಸಾಸ್ ಗವರ್ನರ್ ಮೈಕ್ ಹಕ್ಕಾಬೀ ಅವರ ಆಯ್ಕೆಯನ್ನು ತಾನು ಸಮರ್ಥಿಸುವುದಾಗಿ ಅಕ್ಟೋಬರ್ 22, 2007ರಂದು ನಾರ್ರಿಸ್ ಘೋಷಿಸಿದ. "ಅರ್ಕಾನ್ಸಾಸ್‌ನ ಮಾಜಿ ಗವರ್ನರ್ ಮೈಕ್ ಹಕ್ಕಾಬೀ[೨೫] ಒಬ್ಬರಿಗೇ ಅಮೇರಿಕಾವನ್ನು ಪ್ರಗತಿಯತ್ತ ಮುನ್ನಡೆಸುವ ವಿಶೇಷ ಗುಣಗಳಿರುವುದಾಗಿ ನಾನು ನಂಬಿದ್ದೇನೆ" ಎಂದು ನಾರ್ರಿಸ್ ಹೇಳಿದ. ಮೇ 10, 2008ರಂದು ಜೆರ್ರಿ ಫಾಲ್ವೆಲ್‌ನ ಲಿಬರ್ಟಿ ವಿಶ್ವವಿದ್ಯಾಲಯದ ಪದವಿ ತರಗತಿಗೆ ಸೇರಿದ್ದ 4,000[೨೬] ಕ್ಕೂ ಮಿಗಿಲಾದ ವಿದ್ಯಾರ್ಥಿಗಳಿಗೆ ಪ್ರಾರಂಭದ ಭಾಷಣವನ್ನು ನಾರ್ರಿಸ್ ಮಾಡಿದ.
2008ರ ಅಧ್ಯಕ್ಷೀಯ ಚುನಾವಣೆಯ ನಂತರ, ನಾರ್ರಿಸ್ ಅಧ್ಯಕ್ಷರಾಗಿ ಆಯ್ಕೆ ಆದ ಬಾರಾಕ್ ಒಬಾಮಾ ಅವರಿಗೆ ಪತ್ರವನ್ನು ಬರೆದು "ಸಂವಿಧಾನವನ್ನು ಉಪಯೋಗಿಸಿ ಮತ್ತು ಉದ್ಧರಿಸುವುದನ್ನು ಮಾಡಬೇಕು...ಅಮೇರಿಕನ್ನರ ಜೇವವನ್ನು ರಕ್ಷಿಸಬೇಕು...ನಿಮ್ಮ ಡೆಮಾಕ್ರೆಟಿಕ್ ಪಕ್ಷದ ಹಿಂದಿನವರು ಮಾಡಿದ ತಪ್ಪುಗಳಿಂದ ಪಾಠವನ್ನು ಕಲಿಯಬೇಕು...(ಮತ್ತು)...ಮೂಲದಿಂದ ಮುನ್ನಡೆಸಬೇಕು"[೨೭] ಎಂದು ಸೂಚಿಸಿದನು. ನವೆಂಬರ್ 18, 2008ರಂದು ಕ್ಯಾಲಿಫೋರ್ನಿಯಾ ಪ್ರೊಪೋಸಿಶನ್ 8 ಏಕ ರೀತಿ ಲಿಂಗವುಳ್ಳ ವ್ಯಕ್ತಿಗಳ ಮದುವೆಯ ವಿರೋಧಕ್ಕೆ ಬೆಂಬಲಿಸಿದ ಪ್ರದರ್ಶನ ವ್ಯಾಪಾರದ ಮೊದಲ ಸದಸ್ಯನಾದ ನಾರ್ರಿಸ್. ಸಲಿಂಗ ಕಾಮಿಗಳ ಸಮುದಾಯವು ಪ್ರಜಾಪ್ರಭುತ್ವದ ಪದ್ಧತಿಯೊಳಗೆ ಮಧ್ಯ ಪ್ರವೇಶಿಸುವುದನ್ನು ಬಲವಾಗಿ ಟೀಕಿಸಿದ ನಾರ್ರಿಸ್ ಏಕ ರೀತಿ ಲಿಂಗವುಳ್ಳ ವ್ಯಕ್ತಿಗಳ ಮದುವೆಯನ್ನು ವ್ಯಾಪಕ ಬಹುಮತದಲ್ಲಿ[೨೮] ಬೆಂಬಲಿಸಿದ ಮಾರ್ಮಾನ್ ಚರ್ಚಿನವರನ್ನು ಟೀಕಿಸುವಾಗ ಆಫ್ರಿಕನ್ ಅಮೇರಿಕಾದವರನ್ನು ಟೀಕಿಸದೆ ದ್ವಂದ್ವ ನೀತಿಯನ್ನು ಪ್ರದರ್ಶಿಸಿದ.
ಚುನ್ ಕಕ್ ದೋ
[ಬದಲಾಯಿಸಿ]
ಟಾಂಗ್ ಸೂ ಡೊ‍ನ ಪ್ರಾಥಮಿಕ ಅಡಿಪಾಯದ ಮೇಲೆ ನಾರ್ರಿಸ್ ಕದನಕಲೆ ಚುನ್ ಕುಕ್ ಡೋವನ್ನು ಸೃಷ್ಟಿಸಿದ. ಅವನಿಗೆ ಗೊತ್ತಿದ್ದ ಎಲ್ಲಾ ಕದನ ಶೈಲುಯನ್ನೂ ಅದರೊಳಗೆ ಅಳವಡಿಸಿದ. ಬೇರೆಲ್ಲಾ ಕದನಕಲೆಯಂತೆ ಚುನ್ ಕುಕ್ ಡೊ ಕೂಡ ಗೌರವ ಮತ್ತು ಪಾಲಿಸಬೇಕಾದ ನಿಯಮ ಸಂಹಿತೆಗಳಿವೆ. ಈ ನಿಯಮಗಳು ಚಕ್ ನಾರ್ರಿಸ್‌ನ ವೈಯಕ್ತಿಕ ಸಂಹಿತೆಗಳು. ಅವುಗಳು:
- ಎಲ್ಲಾ ರೀತಿಯಿಂದಲ್ಲೂ ನಾನು ನನ್ನಲ್ಲಿ ಗರಿಷ್ಟ ಮಟ್ಟದ ಸಾಮರ್ಥ್ಯವನ್ನು ಬೆಳೆಸಿಕೊಳ್ಳುತ್ತೇನೆ.
- ನನ್ನ ಹಿಂದಿನ ತಪ್ಪುಗಳನ್ನು ಮರೆತು ಮಹತ್ವವಾದುದನ್ನು ಸಾಧಿಸಲು ಅಡಿ ಇಡುತ್ತೇನ.
- ಪ್ರೀತಿ, ಸಂತೋಷ ಮತ್ತು ನಿಷ್ಠೆಯನ್ನು ನನ್ನ ಕುಟುಂಬದಲ್ಲಿ ಬೆಳೆಸಲು ಸತತವಾಗಿ ಕಾರ್ಯೋನ್ಮುಖನಾಗುತ್ತೇನೆ.
- ಎಲ್ಲರಲ್ಲೂ ಒಳ್ಳೆಯದನ್ನೇ ಕಂಡು ಯಾರೇ ಆದರೂ ಅವರೂ ಯೋಗ್ಯತೆವುಳ್ಳವರು ಎಂದು ಭಾವಿಸುವಂತೆ ನಡೆದುಕೊಳ್ಳುತ್ತೇನೆ.
- ಯಾರ ಬಗ್ಗೆಯಾದರು ಒಳ್ಳೆಯದನ್ನು ಹೇಳುವುದಕ್ಕೆ ಏನೂ ಇಲ್ಲದಿದ್ದರೆ ನಾನು ಏನನ್ನೂ ಹೇಳುವುದಿಲ್ಲ.
- ನಾನು ನನ್ನ ಯಶಸ್ಸಿನ ಬಗ್ಗೆ ಎಷ್ಟು ಉತ್ಸಾಹಭರಿತನಾಗಿರುತ್ತೇನೆಯೋ ಬೇರೊಬ್ಬರ ಯಶಸ್ಸಿನ ಬಗ್ಗೆಯೂ ಅಷ್ಟೇ ಉತ್ಸಾಹಭರಿತನಾಗಿರುತ್ತೇನೆ.
- ಎಲ್ಲಕ್ಕೂ ತೆರೆದ ಮನಸ್ಸಿನವನಾಗಿರುವ ಗುಣವನ್ನು ಕಾಪಾಡಿಕೊಳ್ಳುತ್ತೇನೆ.
- ಅಧಿಕಾರಸ್ಥರಿಗೆ ಗೌರವ ಕೊಡುವುದನ್ನು ಕಾಪಾಡಿಕೊಳ್ಳುತ್ತೇನೆ ಮತ್ತು ಎಲ್ಲಾ ಸಮಯದಲ್ಲೂ ಅದನ್ನು ಪ್ರದರ್ಶಿಸುತ್ತೇನೆ.
- ನಾನು ಯಾವತ್ತೂ ದೇವರಿಗೆ, ನನ್ನ ದೇಶಕ್ಕೆ, ಕುಟುಂಬಕ್ಕೆ ಮತ್ತು ನನ್ನ ಗೆಳೆಯರಿಗೆ ನಿಷ್ಠನಾಗಿರುತ್ತೇನೆ.
- ನಾನು ಯಾವತ್ತೂ ಗುರಿ ಸಾಧನೆಯ ಕಡೆಗೇ ಇರುತ್ತೇನೆ ಯಾಕೆಂದರೆ ಆ ಸಕರಾತ್ಮಕ ಗುಣ ನನ್ನ ಕುಟುಂಬಕ್ಕೆ, ನನ್ನ ದೇಶಕ್ಕೆ ಮತ್ತು ನನಗೆ ಸಹಾಯವಾಗುತ್ತದೆ.
ಕದನ ದಾಖಲೆ
[ಬದಲಾಯಿಸಿ]ಸರಣಿ ಪಂದ್ಯಗಳ ಆಧಾರದ ಮೇಲೆ ನಾರ್ರಿಸ್‌ನ ದಾಖಲೆ 183-12-2 ಎಂದು ಅಂದಾಜಿಸಲಾಗಿದೆ ಕೆಲವು ಮೂಲಗಳು ಇದನ್ನು 65-5 ಎಂದು ಪಟ್ಟಿ ಮಾಡಿರುತ್ತದೆ. 30ಕ್ಕೂ ಹೆಚ್ಚು ಪಂದ್ಯಾವಳಿಗಳನ್ನು ನಾರ್ರಿಸ್ ಗೆದ್ದಿದ್ದಾನೆ, ಪ್ರತಿ ಪಂದ್ಯದಲ್ಲಿ ಸರಾಸರಿ ಐದು ಎದುರಾಳಿಗಳನ್ನು ಹೊಡೆದಿರುತ್ತಾನೆ. ನ್ಯೂ ಯಾರ್ಕ್ ಸರಣಿಯಲ್ಲಿ ಒಂದೊಂದು ಪಂದ್ಯದಲ್ಲೂ 12-13 ಎದುರಾಳಿಗಳನ್ನು ಸೋಲಿಸಿರುತ್ತಾನೆ.
|
|
ಚಕ್ ನಾರ್ರಿಸ್ ಸಂಗತಿಗಳು
[ಬದಲಾಯಿಸಿ]2005ರ ಉತ್ತರದಲ್ಲಿ, ಇಂಟರ್‌ನೆಟ್ ವಿದ್ಯಾಮಾನದಲ್ಲಿ "ಚಕ್ ನಾರ್ರಿಸ್ ಸಂಗತಿಗಳು" ಎನ್ನುವು ಕಟ್ಟು ಕಥೆಗಳ ಮಾಲಿಕೆಗೆ ನಾರ್ರಿಸ್ ವಸ್ತುವಾದ,ಇದರಲ್ಲಿ ಕೆಲವೊಮ್ಮೆ ನಗೆಪಾಟಲಿಗೆ ಈಡಾಗುವಂತೆ ನಾರ್ರಿಸ್ಗೆ ಅಸಂಭವನೀಯ ಶಕ್ತಿಯು ಇದೆ ಎಂದು ಅಸಂಗತವಾಗಿ ಹೇಳಲಾಗುತ್ತಿತ್ತು. ಮೂಲಭೂತವಾಗಿ ಇಂಟರ್‌ನೆಟ್‌ನಲ್ಲಿ ಈ ಚಕ್ ನಾರ್ರಿಸ್ ಫ್ಯಾಕ್ಟ್ಸ್ ಶುರುವಾದದ್ದು "ವಿನ್ ಡೀಸಲ್ ಫ್ಯಾಕ್ಟ್ ಜನರೇಟರ್‌ನ" ನಂತರವೇ, ಅದರಲ್ಲಿ ಉಪಯೋಗಿಸಲ್ಪಟ್ಟ ಸಂಗತಿಗಳನ್ನೇ ಚಕ್ ನಾರ್ರಿಸ್ ಫ್ಯಾಕ್ಟ್ಸ್‌ಗಳಿಗೂ ಆಗಾಗ ಬಳಸಲ್ಪಟ್ಟಿತ್ತು. ಕೆಲ ಸಮಯದಲ್ಲಿ ಮೂಲದ ವಿನ್ ಡೀಸಲ್ ಫ್ಯಾಕ್ಟ್ ಜನರೇಟರ್‌ಗಿಂತ ಚಕ್ ನಾರ್ರಿಸ್ ಫ್ಯಾಕ್ಟ್ ತುಂಬಾ ಜನಪ್ರಿಯವಾಗಿರುತ್ತಿತ್ತು. ನಾರ್ರಿಸ್ ತನ್ನ ವೆಬ್‌ಸೈಟ್‌ನಲ್ಲಿರುವ ವಿಡಂಬನೆಗಳನ್ನು ಕುರಿತು ಅವೇನೂ ತನಗೆ ಅಹಿತವೆನ್ನಿಸುವುದಿಲ್ಲ ಅವು ಹಾಸ್ಯಾಸ್ಪದವೆನ್ನಿಸುತ್ತದೆ ಅಷ್ಟೇ ಎಂದಿದ್ದಾನೆ.[೩೦]
ಚಕ್ ನಾರ್ರಿಸ್ ಫ್ಯಾಕ್ಟ್ಶ್[೩೧] ಆಧಾರವಾಗಿಟ್ಟು ಕೊಂಡು ದಿ ಟ್ರೂಥ್ ಅಬೌಟ್ ಚಕ್ ನಾರ್ರಿಸ್:400 ಫ್ಯಾಕ್ಟ್ಸ್ ಅಬೌಟ್ ದಿ ವರ್ಳ್ಡ್ಸ್ ಗ್ರೇಟೆಸ್ಟ್ ಹ್ಯುಮನ್ ಎನ್ನುವ ಪುಸ್ತಕವನ್ನು ನವೆಂಬರ್ 29, 2007ರಂದು ಪೆಂಗ್ವಿನ್ USAನವರ ವಯಸ್ಕರ ವಿಭಾಗ, ಗೊತಮ್ ಬುಕ್ಸ್‌ನವರು ಬಿಡುಗಡೆ ಮಾಡಿದರು. ಡಿಸೆಂಬರ್ ತಿಂಗಳಲ್ಲಿ ಪೆಂಗ್ವಿನ್ USAನವರ ಮೇಲೆ ನಾರ್ರಿಸ್, "ಟೇಡ್‌ಮಾರ್ಕಿನ ಉಲ್ಲಂಘನೆ,ನ್ಯಾಯವಲ್ಲದ ರೀತಿಯಲ್ಲಿ ಹಣಗಳಿಕೆ ಮತ್ತು ಖಾಸಗಿತನದ ಹಕ್ಕಿನ"[೩೨] ಬಗ್ಗೆ ಪ್ರಶ್ನಿಸಿ ಮೊಕದಮೆಯನ್ನು ಹೂಡಿದನು.
ಚಲನಚಿತ್ರಗಳ ಪಟ್ಟಿ
[ಬದಲಾಯಿಸಿ]- ದಿ ಗ್ರೀನ್ ಬೆರೆಟ್ಸ್ (1968),ಚಕ್ ನಾರ್ರಿಸ್‌ದು ಇಲ್ಲಿ ಕಾದಾಡುವ ಕಲೆಯ ಪ್ರದರ್ಶನಕಾರನ ಪಾತ್ರ .
- ದಿ ವ್ರೆಕ್ಕಿಂಗ್ ಕ್ರೂ (1969)
- ವೇ ಆಫ್ ದಿ ಡ್ರಾಗನ್ (1972)
- ದಿ ಸ್ಟುಡೆಂಟ್ ಟೀಚರ್ಸ್ (1973)
- ಸ್ಲಾಟರ್ ಇನ್ ಸ್ಯಾನ್ ಫ್ರಾನ್ಸಿಕೋ (1974)
- ದಿ ವಾರಿಯರ್ ವಿದ್‌ಇನ್ (1976) (ಸಾಕ್ಷ್ಯ ಚಿತ್ರ)
- ಬ್ರೂಸ್ ಲೀ ದಿ ಲಿಜೆಂಡ್ (1977) (ಸಾಕ್ಷ್ಯ ಚಿತ್ರ)
- ಬ್ರೇಕರ್! ಬ್ರೇಕರ್! (1977)
- ಗುಡ್ ಗಯ್ಸ್ ವೇರ್ ಬ್ಲಾಕ್ (1977)
- ಎ ಫೋರ್ಸ್ ಆಫ್ ಒನ್ (1979)
- ದಿ ಆಕ್ಟಾಗನ್ (1980)
- ಆನ್ ಐಯ್ ಫಾರ್ ಆನ್ ಐಯ್ (1981)
- ಸೈಲೆಂಟ್ ರೇಜ್ (1982)
- ಫೋರ್ಸ್ಡ್ ವೆಂಜೇನೆನ್ಸ್ (1982)
- ಲೋನ್ ವುಲ್ಫ್ ಮ್ಯಾಕ್‌ಕ್ವೇಡ್ (1983)
- ಮಿಸ್ಸಿಂಗ್ (1984)
- Missing in Action 2: The Beginning (1985)
- ಕೋಡ್ ಅಫ್ ಸೈಲೆನ್ಸ್ (1985)
- ಇನ್ವೇಷನ್ U.S.A. (1985)
- ದಿ ಡೆಳ್ಟಾ ಫೋರ್ಸ್ (1986)
- ಫೈರ್ ವಾಕರ್ (1986)
- ದಿ ಕರಾಟೆ ಕಮಾಂಡೋಸ್ (1986),ಅನಿಮೇಟೆಡ್ ಅಂದರೆ ಚಲಿಸ ಬಲ್ಲ ರೇಖಾ ಚಿತ್ರ, ಮಕ್ಕಳ ಪ್ರದರ್ಶನದಲ್ಲಿ ಸ್ವತ: ಚಕ್ ನಾರ್ರಿಸ್ ಪ್ರತ್ಯಕ್ಷಗೊಂಡು ಅದರ ತತ್ವಸಾರವನ್ನು ತಿಳಿಯ ಪಡಿಸುತ್ತಾನೆ.
- Braddock: Missing in Action III (1988)
- ಹೀರೋ ಆಂಡ್ ದಿ ಟೆರ್ರರ್ (1988)
- Delta Force 2: The Colombian Connection (1990)
- ದಿ ಹಿಟ್‌ಮಾನ್ (1991)
- ಸೈಡ್‌ಕಿಕ್ಸ್ (1992)
- ಹೆಲ್ ಬೌಂಡ್ (1994)
- ಟಾಪ್ ಡಾಗ್ (1995)
- ಫಾರೆಸ್ಟ್ ವಾರ್ರಿಯರ್ (1996)
- ಲೊಗನ್ಸ್ ವಾರ್: ಬೌಂಡ್ ಬೈ ಹಾನರ್ (1998) (ಟಿವಿ ಚಲನಚಿತ್ರವಾಗಿ ತಯಾರಿಸಲಾಗಿರುತ್ತದೆ)
- ದಿ ಪ್ರೆಸಿಡೆಂಟ್ಸ್ ಮ್ಯಾನ್ (2000)ಜೋಶುವ
- ದಿ ಪ್ರೆಸಿಡೆಂಟ್ಸ್ ಮ್ಯಾನ್ 2:ಎ ಲೈ ಇನ್ ದಿ ಸ್ಯಾಂಡ್ (2002) ಜೋಶುವಾ
- ಬೆಲ್ಸ್ ಆಫ್ ಇನೊಸೆನ್ಸ್ (2003)
- Dodgeball: A True Underdog Story (2004)
- ದೊ ಕಂಟೆಂಡರ್ (2005)
- ದಿ ಕಟ್ಟರ್ (2005)
- ಬರ್ಡಿ & ಬೋಗಿ (ನಿರ್ಮಾಪಕ; 2009)
ಆಕರಗಳು
[ಬದಲಾಯಿಸಿ]- ↑ "My Choice for President". WorldNetDaily. Archived from the original on 2010-02-07. Retrieved 2010-01-01.
- ↑ "Chuck Norris Biography (1940-)". Retrieved 2007-12-22.
- ↑ Chuck, Norris. "Against All Odds: My Story". Barnes & Noble. Archived from the original on ಡಿಸೆಂಬರ್ 12, 2007. Retrieved September 30, 2009.
- ↑ ೪.೦ ೪.೧ ೪.೨ Berkow, Ira (May 12, 1993). "At Dinner with: Chuck Norris". ದ ನ್ಯೂ ಯಾರ್ಕ್ ಟೈಮ್ಸ್. Retrieved December 19, 2008.
- ↑ Norris, Chuck (2004). Against All Odds: My Story. Broadman & Holman Publishers. ISBN 0805431616.
{{cite book}}: Unknown parameter|coauthors=ignored (|author=suggested) (help) - ↑ ೬.೦ ೬.೧ Chuck Norris — Strong, Silent, Popular, ದ ನ್ಯೂ ಯಾರ್ಕ್ ಟೈಮ್ಸ್, September 1, 1985
- ↑ "Questions I am asked most about martial arts". July 9, 2007. Archived from the original on ಜೂನ್ 16, 2009. Retrieved ಜನವರಿ 18, 2010.
- ↑ "christiantaekwondouniversity.net". Archived from the original on 2009-05-08. Retrieved 2010-01-18.
- ↑ "Charles Serell - Taekwon-Do Pioneers". Archived from the original on 2008-04-03. Retrieved 2007-12-22.
- ↑ "ಮ್ಯಾರೈನ್ ಕಾರ್ಪ್ಸ್ ಟೈಮ್ಸ್". Archived from the original on 2012-01-18. Retrieved 2010-01-18.
- ↑ ೧೧.೦ ೧೧.೧ "A Renaissance Man". Inside Kung Fu. Archived from the original on 2009-12-19. Retrieved 2010-01-01.
- ↑ ಡೈಲಿ ಹೆರಾಳ್ಡ್
- ↑ "ಗೆನ್ನಾ ನಾರ್ರಿಸ್ ನೋಟ್ಸ್". Archived from the original on 2009-04-14. Retrieved 2010-01-18.
- ↑ Mary Hart (2004-09-22). "At Home and Up-Close with Chuck Norris". etonline.com. Archived from the original on 2006-11-23.
- ↑ ಮಾರ್ಶಲ್ ಸಂದರ್ಶನದ ಬಾಹ್ಯ ಕೊಂಡಿಗಳನ್ನು ನೋಡಿ
- ↑ "WorldNetDaily: On Chuck Norris 'mania' sweeping the net". 2006. Archived from the original on 2011-09-03. Retrieved 2006-12-09.
- ↑ "WorldNetDaily: America's Code of Silence". 2006. Archived from the original on 2009-06-16. Retrieved 2006-12-09.
- ↑ "[೧]", BJJ Instructors and Students , URL Last accessed June 4, 2005.
- ↑ "Newsmeat: Chuck Norris's Federal Campaign Contribution Report". 2006. Archived from the original on 2006-12-10. Retrieved 2006-12-09.
- ↑ "ಆರ್ಕೈವ್ ನಕಲು". Archived from the original on 2011-01-21. Retrieved 2010-01-18.
- ↑ ವರ್ಳ್ಡ್‌ನೆ‌ಟ್‌ಡೈ‌‌‌ಲಿ,ಗನ್ಸ್,ದೇವರು ಮತ್ತು ಸಲಿಂಗಕಾಮಿಗಳು
- ↑ "ಇಂಟರ್‌ನೆಟ್ ತುಂಬೆಲ್ಲಾ ಚಕ್ ನಾರ್ರಿಸ್‌ನ 'ಗೀಳು'". Archived from the original on 2009-05-20. Retrieved 2010-01-18.
- ↑ Townhall.com
- ↑ ಮೈಕ್ ಹಕ್ಕಾಬೀಯ ಅಧಿಕೃತ ವೆಬ್ ಸೈಟ್
- ↑ Chuck Norris (2007-10-21). "My choice for president". WorldNetDaily. Archived from the original on 2011-10-28. Retrieved 2010-01-18.
- ↑ "ಆರ್ಕೈವ್ ನಕಲು". Archived from the original on 2013-09-18. Retrieved 2021-08-10.
- ↑ Chuck Norris (2008-11-10). "Obama, now that you work for me..." World Net Daily.
- ↑ Chuck Norris (2008-11-18). "If Democracy Doesn't Work, Try Anarchy". Townhall.
- ↑ http://karate-in-english-lewis-wallace.blogspot.com/2008/03/chuck-norris-accurate-record.html
- ↑ "Chucknorris.com". Archived from the original on 2011-07-22. Retrieved 2010-01-18.
- ↑ Ian Spector (2007). The Truth About Chuck Norris: 400 Facts About the World's Greatest Human. Gotham. ISBN 978-1592403448.
{{cite book}}: Unknown parameter|origdate=ignored (|orig-year=suggested) (help) - ↑ Kearney, Christine (2007-12-21). "Chuck Norris sues, says his tears no cancer cure". Reuters. Retrieved 2007-12-23.
ಹೆಚ್ಚಿನ ಓದಿಗೆ
[ಬದಲಾಯಿಸಿ]- ದಿ ಸೀಕ್ರೆಟ್ ಪವರ್ ವಿದ್ ಇನ್ : ಜೆನ್ ಸಲ್ಯುಶನ್ಸ್ ಟು ರೀಯಲ್ ಪ್ರಾಬ್ಲಮ್ಸ್ ,ಜೆಸ್ ಬುದ್ಧಿಸಂ ಆಂಡ್ ಮಾರ್ಶಿಯಲ್ ಆರ್ಟ್ಸ್. ಲಿಟಲ್, ಬ್ರೌನ್ ಆಂಡ್ ಕಂಪನಿ (1996). ISBN 0-316-58350-2.
- ಅಗೇಯ್ನ್‌ಸ್ಟ್ ಆಲ್ ಆಡ್ಸ್:ಮೈ ಸ್ಟೋರಿ ,ಒಂದು ಆತ್ಮ ಚರಿತ್ರೆ. ಬ್ರಾಡ್ಮನ್ & ಹಾಲ್ಮನ್ ಪಬ್ಲಿಶರ್ಸ್(2004). ISBN 0-8054-3161-6.
- ದಿ ಜಸ್ಟೀಸ್ ರೈಡರ್ಸ್ , ವೈಳ್ಡ್ ವೆಸ್ಟ್ ಕಾದಂಬರಿಗಳು. ಬ್ರಾಡ್ಮನ್ & ಹಾಲ್ಮನ್ ಪಬ್ಲಿಶರ್ಸ್(2006). ISBN 0-8054-4032-1.
- ನಾರ್ರಿಸ್, ಚಕ್. ಬ್ಲಾಕ್ ಬೆಳ್ಟ್ ಪೇಟ್ರಿಯಾಟಿಸಂ:ಹೌ ಟು ರೀ ಅವೇಕನ್ ಅಮೇರಿಕಾ ,ರಿಗ್ನರಿ ಪಬ್ಲಿಶಿಂಗ್ (2008). ISBN 978-0-7513-2886-8
- ಸ್ಪೆಕ್ಟೇಟರ್, ಐಯಾನ್: ದಿ ಟ್ರೂಥ್ ಅಬೌಟ್ ಚಕ್ ನಾರ್ರಿಸ್ :ಗೊತ್ತಮ್ ಬುಕ್ಸ್:ನ್ಯೂ ಯಾರ್ಕ್ 2007: ISBN 1-59240-344-1
ಬಾಹ್ಯ ಕೊಂಡಿಗಳು
[ಬದಲಾಯಿಸಿ]
- ಅಧಿಕೃತ ವೆಬ್ ಸೈಟ್
- ಅಂತರಜಾಲ ಸಿನೆಮಾ ದತ್ತಸಂಚಯದಲ್ಲಿ Norris
- ಅಧಿಕೃತ ಚುನ್ ಕಕ್ ಡೋ ವೆಬ್ ಸೈಟ್ Archived 2017-01-05 ವೇಬ್ಯಾಕ್ ಮೆಷಿನ್ ನಲ್ಲಿ.
- ವರ್ಳ್ಡ್ನೆಟ್ಡೈಲಿಯಲ್ಲಿ ಚಕ್ ನಾರ್ರಿಸ್ ಬರೆದ ಅಂಕಣಗಳ ಸಂಗ್ರಹ Archived 2011-12-28 ವೇಬ್ಯಾಕ್ ಮೆಷಿನ್ ನಲ್ಲಿ.
- ಪರ್ಫೆಕ್ಟ್ ಪೀಪಲ್ ಸೆಲೆಬ್ರೆಟಿ ಸೈಟ್- ಚಕ್ ನಾರ್ರಿಸ್‌ನ ಕೆಲವು ವೀಡಿಯೋಗಳು
- ಆನ್ಲೈನ್ ನ್ಯಾಷನಲ್ ರಿವ್ಯೂ ಜೊತೆಗಿನ ಆಡಿಯೋ ಸಂದರ್ಶನ Archived 2012-06-07 ವೇಬ್ಯಾಕ್ ಮೆಷಿನ್ ನಲ್ಲಿ.
- Maxim.com'sನಲ್ಲಿ ಟಾಪ್ ಡುಡ್ಲೀಯಸ್ಟ್ ಡೂಡ್ಸ್ ಎಂದು ಚಕ್ ಅನ್ನು 2007ರ ಪಟ್ಟಿಯಲ್ಲಿ ಹೆಸರಿಸಲಾಗಿದೆ Archived 2009-01-22 ವೇಬ್ಯಾಕ್ ಮೆಷಿನ್ ನಲ್ಲಿ.
- Pages using duplicate arguments in template calls
- Pages using the JsonConfig extension
- CS1 errors: unsupported parameter
- ಕಡತ ಕೊಂಡಿಗಳು ಮುರಿದಿರುವ ಪುಟಗಳು
- Articles with hatnote templates targeting a nonexistent page
- Commons category link from Wikidata
- ವೆಬ್ ಆರ್ಕೈವ್ ಟೆಂಪ್ಲೇಟಿನ ವೇಬ್ಯಾಕ್ ಕೊಂಡಿಗಳು
- ೧೯೪೦ ಜನನ
- ಓಕ್ಲಹೋಮದ ನಟರು
- ಮಿಲಿಟರಿಯಲ್ಲಿ ಸೇವೆ ಸಲ್ಲಿಸಿದ ನಟರು
- ಅಮೆರಿಕದ ಚಲನಚಿತ್ರ ನಟರು
- ಅಮೇರಿಕನ್ ಕರಾಟೆಕಾ
- ಅಮೇರಿಕಾದ ಕದನ ಕಲೆಯ ಕಲಾವಿದರು
- ಅಮೇರಿಕಾದ ಕದನ ಕಲೆಯ ಬರಹಗಾರರು
- ಅಮೇರಿಕಾದ ಪ್ರೇರಣಾ ಬರಹಗಾರರು
- ಚಿರೋಕೀ ಮೂಲದ ಅಮೇರಿಕಾದವರು
- ಅಮೇರಿಕಾ ತವರಿನ ಅಮೇರಿಕನ್ನರು
- ಅಮೇರಿಕಾ ಟೇಕ್ವುಂಡೋ ಉದ್ಯೋಗನಿರತರು
- ಅಮೇರಿಕಾದ ದೂರದರ್ಶನ ನಟರು
- ಅಮೇರಿಕಾದ ಬಾಪ್ಟಿಸ್ಟ್ಗಳು.
- ಕ್ಯಾಲಿಫೊರ್ನಿಯಾ ರಿಪಬ್ಲಿಕನ್ಸ್
- ಹಾನರರಿ ಯುನೈಟೆಡ್ ಸ್ಟೇಟ್ಸ್ ಮೆರೈನ್ಸ್
- ಐರಿಷ್ ಅಮೆರಿಕನ್ನರು
- ಐರಿಶ-ಅಮೇರಿಕನ್ ಬರಹಗಾರರು
- ಜೀವಂತ ಜನರು
- ಅಮೇರಿಕಾದ ಸ್ಥಳೀಯ ನಟರು
- ಒಕ್ಲಾಹೋಮಾದ ಜಾಫರ್ಸನ್ ಕೌಂಟಿಯ ಜನರು
- ಕ್ಯಾಲಿಫೋರ್ನಿಯಾದ ಟಾರ್ಜಾನಾದ ಜನರು
- ಟೆಕ್ಸಾಸ್ನ ರಿಪಬ್ಲಿಕನ್ನರು
- ಯುನೈಟೆಡ್ ಸ್ಟೇಟ್ಸ್ ಏರ್ ಫೋರ್ಸ್
- ಕದನ ಕಲೆಗಳ ತರಬೇತಿ ಶಾಲೆಗಳ ಸ್ಥಾಪಕರು
- ಚಲನಚಿತ್ರ ನಟರು
- Pages using ISBN magic links