ಗಣೇಶ್ ಘೋಷ್

ಗಣೇಶ್ ಘೋಷ್
ಸಂಸತ್ತಿನ ಸದಸ್ಯ, ಲೋಕಸಭೆ
In office ೧೯೬೭-೧೯೭೧
Preceded by	ಇಂದ್ರಜಿತ್ ಗುಪ್ತ
Succeeded by	ಪ್ರಿಯಾ ರಂಜನ್ ದಾಸ್ಮುನ್ಸಿ
Constituency	ಕಲ್ಕತ್ತಾ ದಕ್ಷಿಣ
ಎಂ‌ಎಲ್‌ಎ
In office ೧೯೫೧–೧೯೬೭
Preceded by	ನ್ಯೂ ಸೀಟ್
Succeeded by	ಲಕ್ಷ್ಮಿ ಚರಣ್ ಸೇನ್
Constituency	ಬೆಲ್ಗಾಚಿಯಾ
Personal details
Born	(೧೯೦೦-೦೬-೨೨)೨೨ ಜೂನ್ ೧೯೦೦ ಚಟ್ಟೋಗ್ರಾಮ್, ಬಂಗಾಳ, ಬ್ರಿಟಿಷ್ ಭಾರತ (ಈಗ ಚಿತ್ತಗಾಂಗ್, ಬಾಂಗ್ಲಾದೇಶ)
Died	16 October 1994(1994-10-16) (aged 94) ಕಲ್ಕತ್ತಾ, ಪಶ್ಚಿಮ ಬಂಗಾಳ, ಭಾರತ
Political party	ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸ್ವಾದಿ) ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ
Parent	ಬಿಪಿನ್‌ಬೆಹಾರಿ ಘೋಷ್ (father)

ಗಣೇಶ್ ಘೋಷ್ (೨೨ ಜೂನ್ ೧೯೦೦ - ೧೬ ಅಕ್ಟೋಬರ್ ೧೯೯೪) ಒಬ್ಬ ಭಾರತೀಯ ಸ್ವಾತಂತ್ರ್ಯ ಹೋರಾಟಗಾರ, ಕ್ರಾಂತಿಕಾರಿ ಮತ್ತು ರಾಜಕಾರಣಿ.

ಜೀವನಚರಿತ್ರೆ

ಗಣೇಶ್ ಘೋಷ್ ಅವರು ಈಗ ಬಾಂಗ್ಲಾದೇಶದಲ್ಲಿರುವ ಚಿತ್ತಗಾಂಗ್‌ನಿಂದ ಬಂದ ಬಂಗಾಳಿ ಕಾಯಸ್ಥ ಕುಟುಂಬದಲ್ಲಿ ಜನಿಸಿದರು. ೧೯೨೨ ರಲ್ಲಿ ಅವರು ಕಲ್ಕತ್ತಾದ ಬಂಗಾಳ ತಾಂತ್ರಿಕ ಸಂಸ್ಥೆಯಲ್ಲಿ ಪ್ರವೇಶ ಪಡೆದರು. ನಂತರ, ಅವರು ಚಿತ್ತಗಾಂಗ್ ಜುಗಂತರ್ ಪಕ್ಷದ ಸದಸ್ಯರಾದರು. ಅವರು ೧೮ ಏಪ್ರಿಲ್ ೧೯೩೦ ರಂದು ಸೂರ್ಯ ಸೇನ್ ಮತ್ತು ಇತರ ಕ್ರಾಂತಿಕಾರಿಗಳೊಂದಿಗೆ ಚಿತ್ತಗಾಂಗ್ ಶಸ್ತ್ರಾಸ್ತ್ರಗಳ ದಾಳಿಯಲ್ಲಿ ಭಾಗವಹಿಸಿದರು. ಅವರು ಚಿತ್ತಗಾಂಗ್‌ನಿಂದ ಓಡಿಹೋಗಿ ಹೂಗ್ಲಿಯ ಚಂದನನಗರದಲ್ಲಿ ಆಶ್ರಯ ಪಡೆದರು. ಕೆಲವು ದಿನಗಳ ನಂತರ ಪೊಲೀಸ್ ಕಮಿಷನರ್ ಚಾರ್ಲ್ಸ್ ಟೆಗಾರ್ಟ್ ಚಂದನನಗರದಲ್ಲಿರುವ ಅವರ ಸುರಕ್ಷಿತ ಮನೆಯ ಮೇಲೆ ದಾಳಿ ಮಾಡಿ ಅವರನ್ನು ಬಂಧಿಸಿದರು. ಬಂಧನ ಕಾರ್ಯಾಚರಣೆಯ ಸಮಯದಲ್ಲಿ ಒಬ್ಬ ಯುವ ಸಹ ಕ್ರಾಂತಿಕಾರಿ ಜಿಬನ್ ಘೋಷಾಲ್ ಅಲಿಯಾಸ್ ಮಖಾನ್ ಅನ್ನು ಪೊಲೀಸರು ಕೊಂದರು.

ವಿಚಾರಣೆಯ ನಂತರ, ಗಣೇಶ್ ಘೋಷ್ ಅವರನ್ನು ೧೯೩೨ ರಲ್ಲಿ ಪೋರ್ಟ್ ಬ್ಲೇರ್‌ನಲ್ಲಿರುವ ಸೆಲ್ಯುಲಾರ್ ಜೈಲಿಗೆ ಗಡೀಪಾರು ಮಾಡಲಾಯಿತು. ೧೯೪೬ ರಲ್ಲಿ ಜೈಲಿನಿಂದ ಬಿಡುಗಡೆಯಾದ ನಂತರ, ಅವರು ಕಮ್ಯುನಿಸ್ಟ್ ರಾಜಕೀಯಕ್ಕೆ ಸೇರಿದರು ಮತ್ತು ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾದ ಸದಸ್ಯರಾದರು. ಸ್ವಾತಂತ್ರ್ಯದ ನಂತರ ಅವರು ಪಕ್ಷದ ನಾಯಕರಾದರು. ೧೯೬೪ ರಲ್ಲಿ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾದ ವಿಭಜನೆಯ ನಂತರ, ಗಣೇಶ್ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸ್‌ವಾದಿ)ದ ಜೊತೆಗೂಡಿದರು. ಅವರು ೧೯೫೨, ೧೯೫೭ ಮತ್ತು೧೯೬೨ ರಲ್ಲಿ ಬೆಲ್ಗಾಚಿಯಾದಿಂದ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ ಅಭ್ಯರ್ಥಿಯಾಗಿ ಪಶ್ಚಿಮ ಬಂಗಾಳ ವಿಧಾನಸಭೆಗೆ ಆಯ್ಕೆಯಾದರು. ಅವರು ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸ್ವಾದಿ) ಅಭ್ಯರ್ಥಿಯಾಗಿ ಕಲ್ಕತ್ತಾ ದಕ್ಷಿಣ ಲೋಕಸಭಾ ಕ್ಷೇತ್ರದಿಂದ ೧೯೬೭ ರಲ್ಲಿ ೪ನೇ ಲೋಕಸಭೆಗೆ ಆಯ್ಕೆಯಾದರು. ೧೯೭೧ ರ ಲೋಕಸಭೆಯಲ್ಲಿ ಅವರು ಮತ್ತೊಮ್ಮೆ ಕಲ್ಕತ್ತಾ ದಕ್ಷಿಣ ಲೋಕಸಭಾ ಕ್ಷೇತ್ರದಿಂದ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸ್‌ವಾದಿ) ಅಭ್ಯರ್ಥಿಯಾಗಿದ್ದರು. ಈ ಬಾರಿ ಅವರು ತಮ್ಮ ಮೊದಲ ಲೋಕಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ (ಆರ್) ಟಿಕೆಟ್‌ನಲ್ಲಿ ಸ್ಪರ್ಧಿಸಿದ, ೨೬ ವರ್ಷದ ಪ್ರಿಯಾ ರಂಜನ್ ದಶ್ ಮುನ್ಷಿ ಅವರಿಂದ ಸೋಲಿಸಲ್ಪಟ್ಟರು.