ಅಚ್ಚ ಕನ್ನಡ

ಅಚ್ಚ ಕನ್ನಡವೆಂದರೆ, ಕನ್ನಡದ ಮೂಲಪದಗಳನ್ನು(ಪಲುಕುಗಳನ್ನು) ಬಳಸಿ ಹೇಳುವ, ಬರೆಯುವ, ಮಾತುಗೈವ ಒಂದು ಅಣ್ಕೆ. ಸಂಸ್ಕೃತದ ಒಂದೂ ಪದವನ್ನು(ಒರೆಯನ್ನು) ಬಳಸದೇ ಕನ್ನಡದಲ್ಲಿ ಕಾವ್ಯ(ಕಬ್ಬ) ಬರೆದ, ಸುಮಾರು ಕ್ರಿ.ಶ. ೧೨ನೆಯ ಶತಮಾನದಲ್ಲಿದ್ದ ಆಂಡಯ್ಯ ಎಂಬ ಕಬ್ಬಿಗನೇ ಇದರ ಪುರಿ.

ಮೊಗಸುಗಳು

ಆಂಡಯ್ಯನ ಬಳಿಕ ಈ ಬಗೆಯಲ್ಲಿ ಹೆರನುಡಿಯ ಒರೆಗಳ ಹಂಗಿಲ್ಲದೆ ಬರೆಯುವ ಮೊಗಸು ನೂರಾರು ಏಡುಗಳ ವರೆಗೂ ನಡೆಯಲೇ ಇಲ್ಲ. ಆದರೆ ೧೯ನೇ ನೂರೇಡಿನ ತೊಡಗಿಕೆಯಲ್ಲಿ ೧೯೧೫ ರಲ್ಲಿ ಕೊಳಂಬೆ ಪುಟ್ಟಣ್ಣಗೌಡರು ಒಂದು ಈ ಬಗೆಯ ಮೊಗಸನ್ನು ಕಯ್ ಗೊಂಡರು. ಅವರು ಕಾಲೂರ ಚೆಲುವೆ ಎಂಬ ಅಚ್ಚಗನ್ನಡದ ಹಾಡುಗಬ್ಬ ಒಂದನ್ನು ಬರೆದರು. ಇವರು ಹಾಗೆಯೇ ಅಚ್ಚಗನ್ನಡ ನುಡಿಕೋಶವನ್ನೂ ಉಂಟು ಮಾಡಿದರು. ಇದಾದ ಬಳಿಕ ನೂರು ಏಡುಗಳು ಕಳೆದರೂ ಇದುವರೆಗೂ ಯಾರೂ ಮತ್ತೂಂದು ಈ ಬಗೆಯ ಮೊಗಸನ್ನು ಮಾಡಿಲ್ಲ. ಆದರೆ ಹಲವರು ಚಿಕ್ಕಪುಟ್ಟ ಬರಹಗಳನ್ನು ಅಚ್ಚಗನ್ನಡದಲ್ಲೇ ಬರೆಯುತ್ತಿದ್ದಾರೆ.