ಹಿನ್ನೀರು

ಹಿನ್ನೀರು ನದಿಯ ಒಂದು ಭಾಗವಾಗಿದ್ದು ಇದರಲ್ಲಿ ಸ್ವಲ್ಪ ಅಥವಾ ಯಾವುದೇ ಹರಿವು ಇರುವುದಿಲ್ಲ. ಇದು ಒಂದು ಮುಖ್ಯ ನದಿಯ ಪಕ್ಕದಲ್ಲಿದ್ದು ನಂತರ ಅದನ್ನು ಮತ್ತೆ ಸೇರುವ ಶಾಖೆಯನ್ನು ಹೆಸರಿಸಬಹುದು, ಅಥವಾ ಸಮುದ್ರದ ಉಬ್ಬರವಿಳಿತದಿಂದ ಅಥವಾ ಅಣೆಕಟ್ಟಿನಂತಹ ಅಡಚಣೆಯಿಂದ ಹಿಂದೆ ಹರಿದ ಒಂದು ಮುಖ್ಯ ನದಿಯಲ್ಲಿನ ಜಲಸಮೂಹವನ್ನು ಹೆಸರಿಸಬಹುದು. ನೈಸರ್ಗಿಕ ಹೊಳೆಯ ಹರಿವಿಗೆ ಮಾನವ ನಿರ್ಮಿತ ನಿರ್ಬಂಧಗಳು ಅಥವಾ ಮಂಜುಗಡ್ಡೆ ಅಡಚುಗಳು, ಸಸ್ಯವರ್ಗದ ತಡೆ, ಅಥವಾ ಕೆಳಗಿನ ಕಾಲುವೆಯಲ್ಲಿ ನೆರೆಬರುವಿಕೆಯಂತಹ ತಾತ್ಕಾಲಿಕ ನೈಸರ್ಗಿಕ ಅಡೆತಡೆಗಳು ಹಿನ್ನೀರನ್ನು ರಚಿಸಬಹುದು.

ಪರ್ಯಾಯ ಜಲಮಾರ್ಗ

ಭಾರತದ ಕುಮಾರಕೋಮ್‌ನಲ್ಲಿರುವ ಕೇರಳ ದೋಣಿಮನೆ

ನದಿಯು ಅದರ ವಿಕಾಸದಲ್ಲಿ ಒಂದು ಅಥವಾ ಹೆಚ್ಚಿನ ಪರ್ಯಾಯ ಮಾರ್ಗಗಳನ್ನು ಅಭಿವೃದ್ಧಿಪಡಿಸಿಕೊಂಡಿದ್ದರೆ, ಒಂದು ಮಾರ್ಗವನ್ನು ಸಾಮಾನ್ಯವಾಗಿ ಮುಖ್ಯ ಮಾರ್ಗ ಎಂದು ಹೆಸರಿಸಲಾಗುತ್ತದೆ ಮತ್ತು ದ್ವಿತೀಯಕ ಜಲಮಾರ್ಗಗಳನ್ನು ಹಿನ್ನೀರು ಎಂದು ಕರೆಯಬಹುದು. ಮುಖ್ಯ ನದಿ ಮಾರ್ಗವು ಸಾಮಾನ್ಯವಾಗಿ ಅತಿ ವೇಗವಾದ ಹರಿವನ್ನು ಹೊಂದಿರುತ್ತದೆ ಮತ್ತು ಇದು ಪ್ರಾಯಶಃ ಮುಖ್ಯ ಸಂಚರಣಾ ಮಾರ್ಗವಾಗಿರುತ್ತದೆ; ಹಿನ್ನೀರು ಆಳವಿಲ್ಲದಿರಬಹುದು ಮತ್ತು ಹರಿದರೆ ಹೆಚ್ಚು ನಿಧಾನವಾಗಿ ಹರಿಯಬಹುದು. ಕೆಲವು ಹಿನ್ನೀರುಗಳು ಮ್ಯಾಂಗ್ರೋವ್ ಅರಣ್ಯದಿಂದ ಸಮೃದ್ಧವಾಗಿರುತ್ತವೆ. ಇದು ವೈಜ್ಞಾನಿಕ ಆಸಕ್ತಿಯ ಮತ್ತು ಸಂರಕ್ಷಣೆಗೆ ಯೋಗ್ಯವಾದ ಹೆಚ್ಚು ವೈವಿಧ್ಯಮಯ ಪರಿಸರಕ್ಕೆ ಕಾರಣವಾಗುತ್ತದೆ. ಕ್ಯಾನೋಯಿಂಗ್ ಮತ್ತು ಮೀನುಗಾರಿಕೆಯಂತಹ ವಿರಾಮ ಚಟುವಟಿಕೆಗಳಿಗೆ ಹಿನ್ನೀರು ಅವಕಾಶಗಳನ್ನು ಒದಗಿಸುತ್ತದೆ.

ಒಂದು ಅಡಚಣೆಯಿಂದ ಹಿಂದೆ ಹರಿದ ನೀರು

ಕೇರಳದ ಹಿನ್ನೀರಿನಲ್ಲಿ ಕುಮಾರಕೋಮ್ ಸರೋವರ

ನದಿಯ ಒಂದು ಭಾಗವು ಕರಾವಳಿ ಅಥವಾ ಅದರ ಮೂಲ ಮಟ್ಟವನ್ನು ನಿಗದಿಪಡಿಸುವ ಇನ್ನೊಂದು ವೈಶಿಷ್ಟ್ಯದ ಸಮೀಪದಲ್ಲಿದ್ದರೆ, ಅದರ ಬಾಯಿಯಲ್ಲಿರುವ ಪರಿಸ್ಥಿತಿಗಳಿಂದ ಪ್ರಭಾವಿತವಾದ ವಿಭಾಗವನ್ನು ಹಿನ್ನೀರು ಎಂದು ಕರೆಯಲಾಗುತ್ತದೆ. ನದಿಯು ಸರೋವರ ಅಥವಾ ಸಮುದ್ರದೊಳಗೆ ಹರಿಯುತ್ತಿದ್ದರೆ, ಅದು ನದಿಯ ಇಳಿಜಾರು ಕಡಿಮೆಯಾಗುವ ಪ್ರದೇಶವಾಗಿರುತ್ತದೆ, ಏಕೆಂದರೆ ಮುಖದ ಸ್ಥಳದಲ್ಲಿ ಅನುಮತಿಸಲಾದ ಕಡಿಮೆ ನೀರಿನ ಹರಿವು ನೀರು ಹಿಂದೆ ಹರಿಯಲು ಕಾರಣವಾಗುತ್ತದೆ. ನದಿಯ ಹೊರದಾರಿಯು ಉಬ್ಬರವಿಳಿತಗಳಿಂದ ಬಲವಾಗಿ ಪ್ರಭಾವಿತವಾಗಿದ್ದರೆ, ಮೂಲಮಟ್ಟದಲ್ಲಿನ ಆವರ್ತಕ ಬದಲಾವಣೆಯು ನದಿಯ ಒಂದು ಭಾಗವನ್ನು ಬದಲಾಯಿಸುತ್ತದೆ. ಅದು ಹಿನ್ನೀರು. ಪರಿಣಾಮವಾಗಿ, ತಾಜಾ ಮತ್ತು ಉಪ್ಪು ನೀರು ಮಿಶ್ರಿತವಾಗಿ ನದೀಮುಖದ ಪರಿಸರವನ್ನು ರೂಪಿಸಬಹುದು.