ಮೇರಿ ಡಿಸೋಜ ಸಿಕ್ವೇರ

ಮೇರಿ ದಿಸೋಜ ಸಿಕ್ವೇರ

ಮೇರಿ ಡಿಸೋಜರವರು ಭಾರತೀಯ ಮಹಿಳಾ ಹಾಕಿ ಆಟಗಾರ್ತಿ. ಇವರು ಜುಲೈ ೧೮ ೧೯೩೧ ರಂದು ಜನಿಸಿದರು. ೧೯೫೨ರ ಬೇಸಿಗೆ ಕಾಲದ ಒಲಂಪಿಕ್ಸ್ ನಲ್ಲಿ ಮಹಿಳೆಯರ ೧೦೦ ಮೀಟರ್ ಓಟದಲ್ಲಿ ಭಾಗವಹಿಸಿದ್ದರು. ೨೦೦ ಮೀಟರ್ ಓಟದಲ್ಲಿ ಕಂಚಿನ ಪದಕ ಹಾಗೂ ೪×೧೦೦ ರಿಲೆಯಲ್ಲಿ ಬೆಳ್ಳಿ ಪದಕಗಳನ್ನು ತಮ್ಮ ಸಹೋದರಿಯೊಂದಿಗೆ ೧೯೫೧ರ ಏಷ್ಯನ್ ಕ್ರೀಡಾಕೂಟದಲ್ಲಿ ಜಯಿಸಿದ್ದರು.

ಕ್ರೀಡಾ ಜೀವನ

ಇವರು ಏಷ್ಯನ್ ಕ್ರೀಡಾಕೂಟ, ಬೇಸಿಗೆ ಒಲಿಂಪಿಕ್ಸ್‌ ಹಾಗು ಹಲವಾರು ಅಂತರ್ ರಾಷ್ಟ್ರೀಯ ಪಂದ್ಯಗಳಲ್ಲಿ ಭಾಗವಹಿಸಿದ್ದರು.

ಸಾಧನೆಗಳು

• ಡಿಸೋಜ ರವರು ೧೯೫೪ರ ಏಷ್ಯನ್ ಕ್ರೀಡಾಕೂಟದಲ್ಲಿ ೪×೧೦೦ ರಿಲೇಯಲ್ಲಿ ಸ್ವರ್ಣ ಪದಕ ಜಯಿಸಿದ್ದರು. ಇವರು ತೆಗೆದುಕೊಂಡ ಸಮಯ ೪೯.೫ ಸೆಕೆಂಡುಗಳು.ಈ ಸಾಧನೆ ಮಾಡಿದ ಮೊದಲ ಭಾರತೀಯ ಮಹಿಳೆ.
• ೧೯೫೬ರ ಏಷ್ಯನ್ ಕ್ರೀಡಾಕೂಟದಲ್ಲಿ ದಲ್ಲಿ ೨೦೦ ಮೀಟರ್ ಓಟದಲ್ಲಿ ದಾಖಲೆ ನಿರ್ಮಿಸಿ, ಮುಂದೆ ಮೆಲ್ಬೋರ್ನ್ ಒಲಂಪಿಕ್ಸ್ ಗೆ ಆಯ್ಕೆಯಾಗಿದ್ದರು.
• ಇವರು ೧೯೫೧ರ ದೆಹಲಿಯಲ್ಲಿ ನೆಡೆದ ಅಂತರ್ ರಾಷ್ಟ್ರೀಯ ಮಟ್ಟದ ಏಷ್ಯನ್ ಕ್ರೀಡಾಕೂಟದಲ್ಲಿ ೪‍‍×೧೦೦ ಮೀಟರ್ ನಲ್ಲಿ ಬೆಳ್ಳಿಯ ಪದಕವನ್ನು ಪಡೆದಿದ್ದರು. ಇದರೊಂದಿಗೆ ೨೦೦ ಮೀಟರ್ ಓಟದಲ್ಲಿ ಕಂಚಿನ ಪದಕವನ್ನು ಪಡೆದಿದ್ದರು. ಈ ಪಂದ್ಯದಲ್ಲಿ ಭಾಗವಹಿಸಿದ ಮೊದಲ ಭಾರತೀಯ ಮಹಿಳೆಯಾಗಿದ್ದರು.
• ಎರಡನೇ ಏಷ್ಯನ್ ಕ್ರೀಡಾಕೂಟವು ೧೯೫೪ ರಲ್ಲಿ ಮನಿಲಾದಲ್ಲಿ ನೆಡೆದಿತ್ತು. ೪×೧೦೦ ಮೀಟರ್ ನ ರಿಲೆಯಲ್ಲಿ ಚಿನ್ನದ ಪದಕವನ್ನು ಗೆದ್ದಿದ್ದರು.
• ೧೦೦ ಮೀಟರ್ ಟ್ರ್ಯಾಕ್ ಮತ್ತು ಫೀಲ್ಡ್‌ ವಿಭಾಗದಲ್ಲಿ ೧೯೫೧ ರಿಂದ ೧೯೫೭ ರವರೆಗೆ ರಾಷ್ಟ್ರೀಯ ದಾಖಲೆಯನ್ನು ನಿರ್ಮಿಸಿದ್ದಾರೆ.
• ಏಷ್ಯಾ ಮಟ್ಟದಲ್ಲಿ ೧೨.೩ ಸೆಕೆಂಡ್‌ಗಳ ದಾಖಲೆಯನ್ನು ೧೦೦ ಮೀಟರ್ ಹಾಗೂ ೧೨.೫ ಸೆಕೆಂಡ್‌ಗಳ ದಾಖಲೆಯನ್ನು ೨೦೦ ಮೀಟರ್ ನಲ್ಲಿ ಮಾಡಿದ್ದರು.
• ಭಾರತದ ಮೊದಲ ಫೀಲ್ಡ್ ಹಾಕಿ ತಂಡದ ಆಟಗಾರ್ತಿ ಹಾಗೂ ೧೯೬೩ ರಲ್ಲಿ ಯುಕೆ ಯಲ್ಲಿ ನೆಡೆದ ಅಂತರ್ ರಾಷ್ಟ್ರೀಯ ಮಹಿಳಾ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದರು.
• ಆಸ್ಟ್ರೇಲಿಯದಲ್ಲಿ ನೆಡೆದ ಅಂತರ್ ರಾಷ್ಟ್ರೀಯ ಮಹಿಳಾ ಹಾಕಿ ಕ್ರೀಡಾಕೂಟದಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು.
• ಭಾರತ ಸರ್ಕಾರದವು ೨೦೧೩ರಲ್ಲಿ ದ್ಯಾನ್ ಚಂದ್ ಪ್ರಶಸ್ತಿ ನೀಡಿ ಪುರಸ್ಕರಿಸಿದೆ.