ಸುಂದರ್ ಪಿಚೈ

ಸುಂದರ್ ಪಿಚೈ
ಜನನ	Pichai Sundararajan (1972-07-12) ೧೨ ಜುಲೈ ೧೯೭೨ Madras, Tamil Nadu, India
ರಾಷ್ಟ್ರೀಯತೆ	Indian
ನಾಗರಿಕತೆ	United States
ವಿದ್ಯಾಭ್ಯಾಸ	B.Tech., M.S., M.B.A.
ಶಿಕ್ಷಣ ಸಂಸ್ಥೆ	IIT Kharagpur Stanford University Wharton School of the University of Pennsylvania
ಉದ್ಯೋಗದಾತ	Google Inc.
ಸಂಗಾತಿ	Anjali Pichai

ಪಿಚೈ ಸುಂದರರಾಜನ್ ಅಥವಾ ಹೆಚ್ಚು ಪರಿಚಿತವಾಗಿ ಸುಂದರ್ ಪಿಚೈ ಮಾಹಿತಿ ತಂತ್ರಜ್ಞಾನದ ಕಾರ್ಯನಿರ್ವಹಣಾಧಿಕಾರಿ. ಇವರು ಈಗ ಪ್ರಸಿದ್ಧ ಗೂಗಲ್ ಸಂಸ್ಥೆಯ ಮುಂದಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ನೇಮಕಗೊಂಡಿದ್ದಾರೆ.

ಬಾಲ್ಯ ಮತ್ತು ವಿದ್ಯಾಭ್ಯಾಸ

ಪಿಚೈ ಮದ್ರಾಸಿನಲ್ಲಿ೧೯೭೨ರಲ್ಲಿ ಜನಿಸಿದರು. ತಂದೆ ರಘುನಾಥ ಪಿಚೈ ಬ್ರಿಟಿಷ್ ಕಂಪನಿ ಜಿ.ಇ.ಸಿ ಯಲ್ಲಿ ಎಲೆಕ್ಟ್ರಿಕಲ್ ಇಂಜಿನಿಯರ್ ಆಗಿದ್ದರು. ಪಿಚೈ ಮದ್ರಾಸಿನಲ್ಲಿ ತನ್ನ ಬಾಲ್ಯ ಹಾಗೂ ಪ್ರಾಥಮಿಕ ವಿದ್ಯಾಭ್ಯಾಸವನ್ನು ಪೂರೈಸಿ ಉನ್ನತ ವ್ಯಾಸಂಗಕ್ಕಾಗಿ ಖರಗ್‌ಪುರದ ಭಾರತೀಯ ತಂತ್ರಜ್ಞಾನ ಸಂಸ್ಥೆಯನ್ನು ಸೇರಿದರು.ಅಲ್ಲಿಂದ ಮುಂದೆ ಹೆಚ್ಚಿನ ವ್ಯಾಸಂಗಕ್ಕಾಗಿ ಪ್ರಸಿದ್ಧ ಸ್ಟಾನ್‍ಫರ್ಡ್ ವಿಶ್ವವಿದ್ಯಾಲಯವನ್ನು ಆಯ್ದುಕೊಂಡು ಅಲ್ಲಿ ಎಮ್.ಎಸ್. ಪದವಿಯನ್ನು ಪಡೆದರು. ಎಮ್.ಬಿ.ಎ ಪದವಿಯನ್ನು ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದ ಪ್ರಸಿದ್ಧ ವಾರ್ಟನ್ ಸ್ಕೂಲ್‍ನಲ್ಲಿ ಪಡೆದರು.ಅಲ್ಲಿ ಅವರು ಸಿಬೆಲ್ ಸ್ಕಾಲರ್ ಹಾಗೂ ಪಾಲ್ಮರ್ ಸ್ಕಾಲರ್ ಆಗಿ ಆಯ್ಕೆಯಾಗಿದ್ದರು. ಮೆಕಿನ್ಸೆ ಮತ್ತು ಕಂಪನಿ ಸಂಸ್ಥೆಯಲ್ಲಿ ತಂತ್ರಜ್ಞಾನ ಮತ್ತು ಉತ್ಪನ್ನ ನಿರ್ವಹಣಾಧಿಕಾರಿಯಾಗಿ ತನ್ನ ವೃತ್ತಿ ಬದುಕನ್ನು ಪ್ರಾರಂಭಿಸಿದರು.

ಗೂಗಲ್ ಸಂಸ್ಥೆಯಲ್ಲಿ

ಪಿಚೈ ೨೦೦೪ರಲ್ಲಿ ಗೂಗಲ್ ಸಂಸ್ಥೆಯನ್ನು ಉತ್ಪನ್ನ ನಿರ್ವಹಣಾಧಿಕಾರಿಯಾಗಿ ಸೇರಿದರು. ಅಲ್ಲಿ ಅವರು ಉತ್ಪನ್ನ ನಿರ್ವಹಣೆಯೊಂದಿಗೆ ಗ್ರಾಹಕ ತಂತ್ರಾಂಶಗಳ ನಾವೀನ್ಯತೆಯ ಗುಂಪನ್ನು ಮುನ್ನಡೆಸುವುದರೊಂದಿಗೆ ,ಗೂಗಲ್ ಕ್ರೋಮ್ ಮತ್ತು ಕ್ರೋಮ್ ಒ.ಎಸ್ ಅಭಿವೃದ್ಧಿಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು.ಜಿಮೈಲ್ ಮತ್ತು ಗೂಗಲ್ ಮ್ಯಾಪ್ ಮುಂತಾದ ತಂತ್ರಾಂಶಗಳ ಅಭಿವೃದ್ಧಿಯಲ್ಲೂ ಇವರ ಮೇಲ್ವಿಚಾರಣೆ ಇದೆ.. ೨೪ ಒಕ್ಟೋಬರ್ ೨೦೧೪ರಂದು ಇವರು ಉತ್ಪನ್ನಗಳ ಮುಖ್ಯಸ್ಥರಾಗಿ ಈಗಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿರುವ ಲಾರಿ ಪೇಜ್‍ರಿಂದ ನೇಮಿಸಲ್ಪಟ್ಟರು.೧೦,ಆಗಸ್ಟ್ ೨೦೧೫ರಂದು ಇವರು ಮುಂದಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಆಯ್ಕೆಯಾದರು .ಇವರು ಗೂಗಲ್ ಸಮೂಹದಲ್ಲಿ ಹೊಸ ಮಾತೃಸಂಸ್ಥೆಯಾಗಲಿರುವ ಆಲ್ಫಬೆಟ್ನ ಸ್ಥಾಪನೆಯ ನಂತರ ತನ್ನ ಅಧಿಕಾರವನ್ನು ಸ್ವೀಕರಿಸಲಿದ್ದಾರೆ.

ಬಾಹ್ಯ ಸಂಪರ್ಕಗಳು

• Sundar Pichai ಟ್ವಿಟರ್ನಲ್ಲಿ