ಗೋಳಿಬಜೆ

ಗೋಳಿಬಜೆ

ಗೋಳಿ ಬಜೆ (ಮೂಲ ತುಳು) ಮೈದಾ ಹಾಗೂ ಮೊಸರಿನಿಂದ ಮಾಡಿದಂತಹ ಒಂದು ಕರಿದ ತಿಂಡಿ. ಇದನ್ನು ಮಂಗಳೂರು ಬಜ್ಜಿ ಎಂದೂ ಕರೆಯುತ್ತಾರೆ. ಇದು ಕರ್ನಾಟಕದ ಕರಾವಳಿ ಭಾಗದ ಜನಪ್ರಿಯ ಸಂಜೆ ತಿಂಡಿ.

ಬೇಕಾಗುವ ಸಾಮಾಗ್ರಿಗಳು

• ಮೊಸರು- ಅರ್ಧ ಕಪ್
• ಹಸಿಮೆಣಸಿನಕಾಯಿ- 1 (ಕಟ್ ಮಾಡಿದ್ದು)
• ಶುಂಠಿ- 1 ಇಂಚು (ಕಟ್ ಮಾಡಿಕೊಳ್ಳಿ)
• ಕರಿಬೇವಿನ ಎಲೆ- ಸ್ವಲ್ಪ
• ಕತ್ತರಿಸಿದ ಕೊತ್ತಂಬರಿ ಸೊಪ್ಪು – 2 ಚಮಚ
• ಸಣ್ಣಗೆ ಕತ್ತರಿಸಿದ ತೆಂಗಿನಕಾಯಿ ಚೂರು- 1 ಚಮಚ
• ಸಣ್ಣಗೆ ಕಟ್ ಮಾಡಿದ ಈರುಳ್ಳಿ- ಅರ್ಧ (ನಿಮ್ಮ ಆಯ್ಕೆಗೆ ಬಿಟ್ಟಿದ್ದು)
• ಉಪ್ಪು- ರುಚಿಗೆ ತಕ್ಕಷ್ಟು
• ಅಡುಗೆ ಸೋಡಾ – ಅರ್ಧ ಚಮಚ
• ಮೈದಾಹಿಟ್ಟು- 1 ಕಪ್
• ಅಕ್ಕಿ ಹಿಟ್ಟು- 1 ಚಮಚ
• ಜೀರಿಗೆ – 1/2 ಚಮಚ

ಮಾಡುವ ವಿಧಾನ

• ಒಂದು ಕಪ್‍ನಲ್ಲಿ ಮೊಸರು, ಸಣ್ಣಗೆ ಕಟ್ ಮಾಡಿಕೊಂಡ ಹಸಿಮೆಣಸಿನಕಾಯಿ, ಶುಂಠಿ, ಕರಿಬೇವಿನ ಎಲೆ, ತೆಂಗಿನಕಾಯಿ ಚೂರು, ಈರುಳ್ಳಿ, ಜೀರಿಗೆ, ಉಪ್ಪು, ಅಡುಗೆ ಸೋಡಾ ಹಾಕಿ ಚೆನ್ನಾಗಿ ಕಲಸಿಕೊಳ್ಳಬೇಕು.
• ನಂತ್ರ ಅದರ ಮೇಲೆ 1 ಕಪ್ ಮೈದಾ ಹಿಟ್ಟು ಹಾಗೂ ಅಕ್ಕಿ ಹಿಟ್ಟು ಬೆರೆಸಿ ಚೆನ್ನಾಗಿ ಮಿಕ್ಸ್ ಮಾಡಿ. ದೋಸೆಹಿಟ್ಟಿಗಿಂತ ಸ್ವಲ್ಪ ಗಟ್ಟಿಯಿರಬೇಕು. (ಅವಶ್ಯಕತೆ ಇದ್ದಲ್ಲಿ ಸ್ವಲ್ಪ ಮೊಸರು ಸೇರಿಸಿಕೊಳ್ಳಿ).
• ಹಿಟ್ಟು ಹದವಾದ ಬಳಿಕ 3 ಗಂಟೆ ನೆನೆಯಲು ಬಿಡಿ.
• 3 ಗಂಟೆಯ ಬಳಿಕ ಮತ್ತೊಮ್ಮೆ ಮಿಕ್ಸ್ ಮಾಡಬೇಕು.
• ಸ್ಟೌವ್ ಮೇಲೆ ಒಂದು ಬಾಣಲೆಯಲ್ಲಿ ಎಣ್ಣೆ ಕಾಯಲು ಇಡಿ. ಎಣ್ಣೆ ಬಿಸಿಯಾದ ಬಳಿಕ ಸ್ವಲ್ಪ ಸ್ವಲ್ಪವೇ ಹಿಟ್ಟು ತೆಗೆದುಕೊಂಡು ಉಂಡೆಯಂತೆ ಎಣ್ಣೆಗೆ ಬಿಡಿ.
• ಉಂಡೆಗಳು ಕಂದು ಬಣ್ಣ ಬರುವವರೆಗೆ ಕರಿದು, ಎಣ್ಣೆಯಿಂದ ತೆಗೆದು ಒಂದು ಪ್ಲೇಟ್ ಗೆ ಹಾಕಿ.
• ತೆಂಗಿನಕಾಯಿ ಚಟ್ನಿ ಜೊತೆ ಬಿಸಿಬಿಸಿ ಗೋಳಿಬಜೆ ಸವಿಯಿರಿ.

ಬಡಿಸುವ ವಿಧಾನ

ಗೋಳಿಬಜೆ

ಗೋಳಿ ಬಜೆಯನ್ನು ಹೆಚ್ಚಾಗಿ ಕಾಯಿ ಚಟ್ನಿಯೊಂದಿಗೆ ಅಥವಾ ಕೆಚಪ್‍ನೊಂದಿಗೆ ನೀಡಲಾಗುವುದು.