ಹೋರಿ ಹಬ್ಬ
| ವಿಶೇಷಗುಣಗಳು | |
|---|---|
| ನಿಶ್ಚಿತ ಸ್ಥಳ | ತೆರೆದ ಬಯಲು |
| ಒಲಿಂಪಿಕ್ | ಅಲ್ಲ |
ಹೋರಿ ಹಬ್ಬ, ಹಟ್ಟಿ ಹಬ್ಬ, ಅಥವಾ ಕೊಬ್ಬರಿ ಹೋರಿ ಸ್ಪರ್ಧೆಯು ಒಂದು ಗ್ರಾಮೀಣ ಕ್ರೀಡೆಯಾಗಿದ್ದು, ಇದರಲ್ಲಿ ನೂರಾರು ತರಬೇತಿ ಪಡೆದ ಮತ್ತು ಅಲಂಕರಿಸಿದ ರಾಸುಗಳು ಮತ್ತು ಗೂಳಿಗಳನ್ನು ಭಾರಿ ಜನಸಂದಣಿಯ ನಡುವೆ ಓಡಿಸಲಾಗುತ್ತದೆ .[೧] ಈ ಗೂಳಿಗಳ ಬೆನ್ನಿಗೆ ನಗದು, ಉಡುಗೊರೆ ವಸ್ತುಗಳನ್ನು ಕಟ್ಟಲಾಗಿರುತ್ತದೆ. ಗೂಳಿ ಹಿಡಿಯುವವರು , ಈ ಗೂಳಿಯ ಬೆನ್ನಲ್ಲಿ ಕಟ್ಟಿರುವ ಕೊಪ್ಪೆಯಂತಹ ಬಹುಮಾನಗಳನ್ನು ಕಸಿದುಕೊಳ್ಳಲು ಪ್ರಯತ್ನಿಸುತ್ತಾರೆ. ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಈ ಕ್ರೀಡೆಯನ್ನು ಮುಖ್ಯವಾಗಿ ಭಾರತದ ಕರ್ನಾಟಕ ರಾಜ್ಯದ ಶಿವಮೊಗ್ಗ, ಹಾವೇರಿ ಮತ್ತು ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಅಭ್ಯಾಸ ಮಾಡಲಾಗುತ್ತದೆ.
ಭಾರತದ ತಮಿಳುನಾಡಿನಲ್ಲಿ ರಾಜ್ಯದ ಜಲ್ಲಿಕಟ್ಟು ಇದೇ ರೀತಿಯ ಕ್ರೀಡೆಯಾಗಿದೆ.
ಇತಿಹಾಸ[ಬದಲಾಯಿಸಿ]
ನಿಯಮಗಳು[ಬದಲಾಯಿಸಿ]
ಯಾವುದೇ ಎರಡು ಜಾನುವಾರುಗಳನ್ನು ಸಾಕಷ್ಟು ಸಮಯದ ಮಧ್ಯಂತರದೊಂದಿಗೆ ಪೂರ್ವನಿರ್ಧರಿತ ಟ್ರ್ಯಾಕ್‌ನಲ್ಲಿ ಒಂದೊಂದಾಗಿ ಓಡುವಂತೆ ಪ್ರೆರೇಪಿಸಲಾಗುತ್ತದೆ. ಗೂಳಿ ಗೆಲ್ಲಬೇಕಾದರೆ ಅದರ ಕೊರಳಿಗೆ ಕಟ್ಟಿರುವ ಕೊಪ್ಪರದ ಮಾಲೆಯನ್ನು ಅದು ಕಳೆದುಕೊಳ್ಳಬಾರದು. ಹೀಗೆ ಪದೇ ಪದೇ ಗೂಳಿಯನ್ನು ಓಡಿಸಲಾಗುತ್ತದೆ.ಹಾಗೂ ಅತೀ ಹೆಚ್ಚು ಸಂಖ್ಯೆಯ ಗೆಲುವಿನ ಓಟಗಳನ್ನು ಓಡಿರುವ ಜಾನುವಾರುಗಳನ್ನು ವಿಜಯೀ ಎಂದು ಘೋಷಿಸಲಾಗುತ್ತದೆ. ಅದೇ ರೀತಿ ಅತಿ ಹೆಚ್ಚು ಕೊಪ್ಪರದ ಮಾಲೆಗಳನ್ನು ಗೂಳಿಯ ಕೊರಳಿನಿಂದ ಕಿತ್ತುಕೊಳ್ಳುವವರಿಗೆ ಪ್ರಶಸ್ತಿ ನೀಡಲಾಗುತ್ತದೆ.
ತಯಾರಿ ಮತ್ತು ತರಬೇತಿ[ಬದಲಾಯಿಸಿ]
ಮೊದಲಿಗೆ, ಸ್ಥಳೀಯರು ಸಂಘಟನಾ ಸಮಿತಿಯನ್ನು ರಚಿಸುತ್ತಾರೆ. ಇದೇ ಸಮಿತಿಯು ಸ್ಪರ್ಧೆಯ ದಿನಾಂಕಗಳನ್ನು ನಿರ್ಧರಿಸುತ್ತದೆ, ಸ್ಪರ್ಧೆಗಳ ನಿಯಮಗಳನ್ನು, ನಿಬಂಧನೆಗಳನ್ನು ರೂಪಿಸುತ್ತದೆ ಮತ್ತು ಪ್ರಶಸ್ತಿಗಳನ್ನು ಅಂತಿಮಗೊಳಿಸುತ್ತದೆ. ನಂತರ ಮಾಹಿತಿಯನ್ನು ಕರಪತ್ರಗಳು, ಸಾಮಾಜಿಕ ಮಾಧ್ಯಮ (ಫೇಸ್‌ಬುಕ್, ವಾಟ್ಸಾಪ್) ಇತ್ಯಾದಿಗಳ ಮೂಲಕ ಸಾರ್ವಜನಿಕರಿಗೆ ಪ್ರಸಾರ ಮಾಡಲಾಗುತ್ತದೆ. ಈ ಗೂಳಿ ಓಟಕ್ಕೆ ಗ್ರಾಮ ಮತ್ತು ಸುತ್ತಮುತ್ತ ಸೂಕ್ತವಾದ ಪ್ರದೇಶವನ್ನು ಆಯ್ಕೆ ಮಾಡಲಾಗುತ್ತದೆ. ಬ್ಯಾರಿಕೇಡ್‌ಗಳು, ಟ್ರ್ಯಾಕ್ಟರ್ ಟ್ರಾಲಿಗಳು ಇತ್ಯಾದಿಗಳನ್ನು ಬಳಸಿ ಟ್ರ್ಯಾಕ್ ನ ಎರಡೂ ಬದಿಗಳನ್ನು ಭದ್ರಪಡಿಸಲಾಗುತ್ತದೆ. ಮಹಿಳೆಯರು ಮತ್ತು ಮಕ್ಕಳು ಕುಳಿತುಕೊಳ್ಳಲು, ವೀಕ್ಷಿಸಲು ಮತ್ತು ಗೂಳಿಗಳನ್ನೂ ಮತ್ತು ಭಾಗವಹಿಸುವವರನ್ನು ಹುರಿದುಂಬಿಸಲು ಸಾಕಷ್ಟು ವ್ಯವಸ್ಥೆಗಳನ್ನು ಮಾಡಲಾಗುತ್ತದೆ. ಪಕ್ಕದ ಮರಗಳು, ಕಾಂಪೌಂಡ್ ಗೋಡೆಗಳು ಮತ್ತು ಟೆರೇಸ್‌ಗಳು ಪ್ರೇಕ್ಷಕರ ಗ್ಯಾಲರಿಗಳಾಗಿ ಬದಲಾಗುತ್ತದೆ. ಆದರೂ ಅನೇಕರು ನಿಲ್ಲಲು ಬಯಸುತ್ತಾರೆ!
ಏತನ್ಮಧ್ಯೆ, ಹೋರಿಗಳ ಮಾಲೀಕರು ಋತುವಿನ ಮುಂಚೆಯೇ ಅವುಗಳಿಗೆ ಪೌಷ್ಟಿಕ ಆಹಾರವನ್ನು ನೀಡುವ ಮೂಲಕ ಅವುಗಳನ್ನು ಹೋರಿಹಬ್ಬಕ್ಕಾಗಿ ತಯಾರು ಮಾಡುತ್ತಾರೆ. ಅವರು ಅವುಗಳನ್ನು ಮುದ್ದಿಸುತ್ತಾರೆ, ಅವುಗಳನ್ನು ತಂಪಾಗಿರಿಸಲು ನಿಯಮಿತವಾಗಿ ಸ್ನಾನವನ್ನು ಮಾಡಿಸುತ್ತಾರೆ.ಇದರಿಂದಾಗಿ ಗೂಳಿಗಳು ನಿಸ್ಸಂದೇಹವಾಗಿ, ಬಲವಾಗಿ ಮತ್ತು ಆರೋಗ್ಯಕರವಾಗಿ ಬೆಳೆಯುತ್ತವೆ. ಹತ್ತಿರದ ಪ್ರದೇಶಗಳ ಮಾಲೀಕರು ಎತ್ತುಗಳನ್ನು ನಿಯಮಿತವಾಗಿ ಓಡಿಸುವ ಮೂಲಕ ನಿಜವಾದ ಟ್ರ್ಯಾಕ್‌ನ ಓಟಕ್ಕೆ ತರಬೇತಿ ನೀಡುತ್ತಾರೆ.
ಇವನ್ನೂ ನೋಡಿ[ಬದಲಾಯಿಸಿ]
- ಜಲ್ಲಿಕಟ್ಟು
- ಎತ್ತುಗಳ ಓಟ
- ಗೂಳಿ ಹಾರುವುದು
ಉಲ್ಲೇಖಗಳು[ಬದಲಾಯಿಸಿ]
- ↑ "The sport of taming the bull". Deccan Herald. Retrieved 2018-03-23.
ಬಾಹ್ಯ ಕೊಂಡಿಗಳು[ಬದಲಾಯಿಸಿ]
- ಹೋರಿ ಹಬ್ಬ ಕುರಿತು ಸುವರ್ಣ ನ್ಯೂಸ್ ವಿಶೇಷ Archived 2018-03-23 ವೇಬ್ಯಾಕ್ ಮೆಷಿನ್ ನಲ್ಲಿ.