ವಿಷಯಕ್ಕೆ ಹೋಗು

ಹರ್ನಾಯಿ

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಸುವರ್ಣದುರ್ಗದ ಪ್ರವೇಶದ್ವಾರ

ಹರ್ನಾಯಿ ಭಾರತದ ಮಹಾರಾಷ್ಟ್ರ ರಾಜ್ಯದ ರತ್ನಾಗಿರಿ ಜಿಲ್ಲೆಯಲ್ಲಿರುವ ಒಂದು ಗ್ರಾಮ.

ಸುವರ್ಣದುರ್ಗ್

[ಬದಲಾಯಿಸಿ]

ಸುವರ್ಣದುರ್ಗ್ ಕೊಂಕಣದ ಹರ್ನಾಯಿ ಬಳಿಯಲ್ಲಿರುವ ಅರೇಬಿಯನ್ ಸಮುದ್ರದ ಒಂದು ಸಣ್ಣ ದ್ವೀಪದಲ್ಲಿರುವ ಕೋಟೆ.

ಸುವರ್ಣದುರ್ಗ್ ಕೋಟೆಯನ್ನು ೧೬ ನೇ ಶತಮಾನದಲ್ಲಿ ಚಕ್ರವರ್ತಿ ಆದಿಲ್‍ಷಾ ಆಳ್ವಿಕೆಯಲ್ಲಿ ನಿರ್ಮಿಸಲಾಯಿತು. ೧೬೬೦ ರಲ್ಲಿ, ಶಿವಾಜಿ ಮಹಾರಾಜನು ಎರಡನೆಯ ಆದಿಲ್‍ಷಾನನ್ನು ಸೋಲಿಸಿ ಈ ಕೋಟೆಯನ್ನು ಮರಾಠಾ ಸಾಮ್ರಾಜ್ಯಕ್ಕೆ ಸೇರಿಸಿಕೊಂಡನು. ಈ ಕೋಟೆಯು ಸಮುದ್ರದ ಶಿವಾಜಿ ಎಂದೇ ಹೆಸರಾಗಿದ್ದ ಮಹಾನ್ ಸೈನಿಕ ಕಾನ್ಹೋಜಿ ಆಂಗ್ರೆಯ ಪ್ರಧಾನ ಕಚೇರಿಯಾಗಿತ್ತು. ೧೭೫೫ ರಲ್ಲಿ, ಈ ಕೋಟೆಯು ಪೇಶ್ವೆಗಳ ಆಳ್ವಿಕೆಗೆ ಒಳಪಟ್ಟಿತು ಮತ್ತು ನಂತರ ೧೮೧೮ ರಲ್ಲಿ ಬ್ರಿಟಿಷರ ಆಳ್ವಿಕೆಗೆ ಒಳಪಟ್ಟಿತು. ಈ ಕೋಟೆಯು ಸ್ವಾತಂತ್ರ್ಯ ಬರುವವರೆಗೂ ಬ್ರಿಟಿಷರ ಅಧೀನದಲ್ಲಿತ್ತು. ಹರ್ನಾಯಿಯಲ್ಲಿರುವ ಸುವರ್ಣದುರ್ಗ್ ಕೋಟೆಯು ದಾಪೋಲಿಯಲ್ಲಿರುವ ಅತ್ಯಂತ ಹಳೆಯ ಕೋಟೆಯಾಗಿದೆ.

ಗೋವಾ ಕೋಟೆ

[ಬದಲಾಯಿಸಿ]

ದಾಪೋಲಿ ತಾಲೂಕಿನ ಹರ್ನಾಯಿ ಬಂದರು[೧] ಕನಕದುರ್ಗ, ಫತೇ ಗಢ್ ಮತ್ತು ಗೋವಾ ಕೋಟೆಗಳೆಂಬ ೩ ಕೋಟೆಗಳ ಗುಂಪನ್ನು ಹೊಂದಿದೆ. ಈ ಕೋಟೆಗಳನ್ನು ಯಾರು ನಿರ್ಮಿಸಿದರು ಎಂಬುದರ ಬಗ್ಗೆ ಸರಿಯಾದ ಮಾಹಿತಿಯಿಲ್ಲ, ಆದರೆ ಮುಖ್ಯವಾದ ಸುವರ್ಣದುರ್ಗ್ ಕೋಟೆಗೆ ಯುದ್ಧಾನುಕೂಲವಾಗಿ ಆಧಾರ ನೀಡಲು ಮತ್ತು ಅದನ್ನು ರಕ್ಷಿಸಲು ಈ ಕೋಟೆಗಳನ್ನು ನಿರ್ಮಿಸಲಾಗಿದೆ ಎಂದು ಖಚಿತವಾಗಿ ತಿಳಿದಿದೆ. ಈ ೩ ಕೋಟೆಗಳಲ್ಲಿ, ಗೋವಾ ಕೋಟೆಯು ಮುಕ್ಕಾಲು ಹೆಕ್ಟೇರ್ ಮೇಲ್ಮೈ ಪ್ರದೇಶದಲ್ಲಿ ಹರಡಿಕೊಂಡಿದೆ. ಕೋಟೆಯು ಪಶ್ಚಿಮ ಮತ್ತು ಉತ್ತರ ಭಾಗದಲ್ಲಿ ಸಮುದ್ರದಿಂದ ಆವೃತವಾಗಿದೆ. ಕೋಟೆಯು ದಕ್ಷಿಣ ಭಾಗದಲ್ಲಿ ಸ್ವಾಭಾವಿಕ ಎತ್ತರವನ್ನು ಹೊಂದಿದೆ. ಈ ಎತ್ತರದ ಮೇಲೆ ರಚನೆಗಳ ಅವಶೇಷಗಳನ್ನು ಕಾಣಬಹುದು.[೧]

ಕನಕ್‍ದುರ್ಗ್ ಕೋಟೆ

[ಬದಲಾಯಿಸಿ]

ಕನಕ್‍ದುರ್ಗ್ ಕೋಟೆಯು ಹರ್ನಾಯಿ ಬಂದರಿಗೆ ಸಮೀಪದಲ್ಲಿದೆ. ಕನಕ್‍ದುರ್ಗ್ ಕೋಟೆಯು ಎಲ್ಲಾ ೩ ಕಡೆಗಳಲ್ಲಿ ಸಮುದ್ರದಿಂದ ಆವೃತವಾಗಿದೆ ಮತ್ತು ಸುಮಾರು ಕಾಲು ಹೆಕ್ಟೇರ್ ಮೇಲ್ಮೈ ವಿಸ್ತೀರ್ಣವನ್ನು ಹೊಂದಿದೆ. ಈ ಕೋಟೆಯು ಅಂಡಾಕಾರವಾಗಿದ್ದು ಮೆಟ್ಟಿಲುಗಳ ಮೂಲಕ ಇದನ್ನು ಪ್ರವೇಶಿಸಬಹುದು. ಮೆಟ್ಟಿಲುಗಳ ಕೊನೆಯಲ್ಲಿ, ನೀವು ಕೆಳಗಿನ ಮಟ್ಟದಲ್ಲಿ ಬಲಭಾಗದಲ್ಲಿ ನೀರಿನ ಟ್ಯಾಂಕ್ ಅನ್ನು ಕಾಣಬಹುದು.[೨]

ಹರ್ನಾಯಿ ಮೀನು ಮಾರುಕಟ್ಟೆ

[ಬದಲಾಯಿಸಿ]

ಮೀನುಗಾರಿಕೆಯು ಹರ್ನಾಯಿ ಜನರ ವ್ಯಾಪಾರದ ಮುಖ್ಯ ಮೂಲವಾಗಿದೆ. ಆಪೂಸು ಮಾವಿನ ಹಣ್ಣುಗಳ ವ್ಯಾಪಾರ ಕೂಡ ನಡೆಯುತ್ತದೆ.

ಪಾಮ್‌ಫ್ರೆಟ್, ಕಿಂಗ್‌ಫಿಶ್, ಮ್ಯಾಕೆರೆಲ್, ಬಿಳಿ ದೈತ್ಯ ಸೀಗಡಿಗಳು, ನಳ್ಳಿ, ಸ್ಕ್ವಿಡ್‌ಗಳು ಇತ್ಯಾದಿಗಳನ್ನು ಒಳಗೊಂಡಿರುವ ವಿವಿಧ ಮೀನುಗಳನ್ನು ಇಲ್ಲಿ ನೋಡಬಹುದು.[೨]

ಉಲ್ಲೇಖಗಳು

[ಬದಲಾಯಿಸಿ]
  1. "Taluka Dapoli- Research Website".
  2. Pantave, Mujib (2021-08-27). "Harnai beach". Trendifyworld. Archived from the original on 2022-03-12. Retrieved 2022-08-12. {{cite web}}: More than one of |archivedate= and |archive-date= specified (help); More than one of |archiveurl= and |archive-url= specified (help)
ಉಲ್ಲೇಖ ದೋಷ: <ref> tag with name "COI-1" defined in <references> is not used in prior text.
"https://kn.wikipedia.org/w/index.php?title=ಹರ್ನಾಯಿ&oldid=1226461" ಇಂದ ಪಡೆಯಲ್ಪಟ್ಟಿದೆ