ಸುಧಾ ಚಂದ್ರನ್

ವಿಕಿಪೀಡಿಯ ಇಂದ
Jump to navigation Jump to search
ಸುಧಾ ಚಂದ್ರನ್
ಸುಧಾ ಚಂದ್ರನ್
ಜನನ೨೭ ಸಪ್ಟೆಂಬರ್ ೧೯೬೫
ಭಾರತ
ವೃತ್ತಿಭರತನಾಟ್ಯ ನೃತ್ಯ ಕಲಾವಿದೆ , ನಟಿ
Years active೧೯೮೪ –
ಸಂಗಾತಿ(ಗಳು)ರವಿ ದಂಗ್
Parent(s)ಕೆ.ಡಿ.ಚಂದ್ರನ್

ಸುಧಾ ಚಂದ್ರನ್ ರವರು(೨೭ ಸಪ್ಟೆಂಬರ್ ೧೯೬೫) ಭಾರತೀಯ ಚಲನಚಿತ್ರ ಮತ್ತು ಕಿರುತರೆ ನಟಿ ಹಾಗೂ ಭರತನಾಟ್ಯ ನೃತ್ಯ ಕಲಾವಿದೆ . ಸುಧಾ ಚಂದ್ರನ್ ಮತ್ತು ಆಕೆಯ ತಂದೆ ತಾಯಿಯೊಂದಿಗೆ ೨ ಮೇ ೧೯೮೧ ರಂದು ದೇವಸ್ಥಾನಕ್ಕೆ ತೆರಳುತ್ತಿರುವಾಗ ತಮಿಳುನಾಡಿನ ತಿರುಚಿರಾಪಲ್ಲಿ ಬಳಿ ರಸ್ತೆ ಅಪಘಾತದಿಂದಾಗಿ ತನ್ನ ಕಾಲನ್ನು ಕಳೆದುಕೊಂಡರು . ನಂತರ ಕೃತಕ ಕಾಲಿನ ಸಹಾಯದಿಂದ ಅವರು ನಡೆಯಲು ಪ್ರಾರಂಭಿಸಿದರು. ಸುಧಾ ರವರು ಕಾಹಿನ್ ಕಿಸ್ಸಿ ರೋಜ್ ನಲ್ಲಿ ರಾಮೋಲಾ ಸಿಕಂದ್ , ನಾಗಿನ್ ೧ ಮತ್ತು ನಾಗಿನ್ ೨ ನಲ್ಲಿ ಯಾಮಿನಿ ಸಿಂಗ್ ರಹೇಜಾ , ದೈವಂ ತಂದ ವೀಡು ನಲ್ಲಿ ಚಿತ್ರಾದೇವಿ ಹಮ್ ಪಾಂಚ್ ( ೨ ) ನಲ್ಲಿ ಆನಂದ ನ ಮೊದಲನೆಯ ಹೆಂಡತಿಯಾಗಿ , ಪರ್ದೇಸ್ ಮೆ ಹೆ ಮೇರಾ ದಿಲ್ ನಲ್ಲಿ ಹರ್ಜೀತ್ ಖುರಾನ , ಯೆ ಹೆ ಮೊಹೋಬತೆ ನಲ್ಲಿ ಸುಧಾ ಶ್ರೀವಾತ್ಸವ್ ಎಂಬ ಪಾತ್ರಗಳಲ್ಲಿ ನಟಿಸಿ ಹೆಸರುವಾಸಿಯಾಗಿದ್ದಾರೆ.[೧]

ಜನನ[ಬದಲಾಯಿಸಿ]

ಸುಧಾ ಚಂದ್ರನ್ ರವರು ೨೭ ಸೆಪ್ಟೆಂಬರ್ ೧೯೬೫ ರಂದು ಮಂಬೈ ನಲ್ಲಿ ತಮಿಳು ಮಾತನಾಡುವ ಕುಟುಂಬದಲ್ಲಿ ಜನಿಸಿದರು.[೨]

ಅಪಘಾತವಾದ ಸಂದರ್ಭ[ಬದಲಾಯಿಸಿ]

ಸುಧಾ ಚಂದ್ರನ್ ಮತ್ತು ಆಕೆಯ ತಂದೆ ತಾಯಿಯೊಂದಿಗೆ ೨ ಮೇ ೧೯೮೧ ರಂದು ದೇವಸ್ಥಾನಕ್ಕೆ ತೆರಳುತ್ತಿರುವಾಗ ಮಧ್ಯ ರಾತ್ರಿ ಆಕೆ ತೆರಳುತ್ತಿದ್ದ ಬಸ್ ತೀರ್ವ ಅಪಘಾತಕ್ಕೆ ಸಿಲುಕಿತ್ತು . ಸುಧಾ ಅವರು ಚಾಲಕನ ಹಿಂಬದಿಯ ಸೀಟಿನಲ್ಲಿ ಕುಳಿತ್ತಿದ್ದರಿಂದ ಅಪಘಾತಕ್ಕೆ ಬಲಿಯಾದರು . ಅಪಘಾತದ ಸಂದರ್ಭದಲ್ಲಿ ಸುಧಾ ಚಂದ್ರನ್ ರವರು ಕಾಲನ್ನು ಮುಂದಕ್ಕೆ ಚಾಚಿದ್ದರು ಇದರಿಂದಾಗಿ ಅವರ ಕಾಲು ಸೀಟಿನ ಮಧ್ಯಕ್ಕೆ ಸಿಲುಕಿತ್ತು. ಬಸ್ ನಲ್ಲಿದ್ದ ಬಹಳಷ್ಟು ಪ್ರಯಾಣಿಕರು ಗಾಯಗೊಂಡಿದ್ದರು . ಸ್ಥಳೀಯರು ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಿದರು . ಬಲಗಾಲು ತೀರ ಗಾಯಗೊಂಡಿತ್ತು . ವೈದ್ಯರು ಆಕೆಗೆ ಪ್ರಥಮ ಚಿಕಿತ್ಸೆಯನ್ನು ನೀಡಿದರು . ಕೆಲ ದಿನಗಳ ನಂತರ ಆಕೆಯ ಕಾಲು ಗ್ಯಾಂಗ್ರೀನ್ ಆಗಿದೆ ಎಂದು ತಿಳಿಯಿತು . ಕೂಡಲೆ ಕಾಲುಗಳನ್ನು ತುಂಡು ಮಾಡುವುದು ಸೂಕ್ತ ಅಥವಾ ಪ್ರಾಣಕ್ಕೆ ಅಪಾಯ ಎಂದು ವೈದ್ಯರು ಸಲಹೆ ನೀಡೀದರು. ಸಲಹೆಯ ಮೇರಿಗೆ ಆಕೆಯ ಕಾಲು ತುಂಡು ಮಾಡಲಾಯಿತು . ಕಾಲಿನ ಬದಲಾಗಿ ಮರದ ಕಾಲನ್ನು ಜೋಡಿಸಲಾಯಿತು . ಮೊದಲಿನಲ್ಲಿ ಸುಧಾರವರು ಬೇಸತ್ತರು . ನಂತರ ಅಭ್ಯಾಸವಾಯಿತು . ದಿನನಿತ್ಯ ಜೀವನದಲ್ಲಿ ಹೊಂದುಕೊಂಡರು . ದಿನ ಕಳೆದಂತೆ ಆತ್ಮವಿಶ್ವಾಸವು ಬೆಳೆಯಿತು . ಮುಂದಿನ ಓದಿನಲ್ಲಿ ಆಸಕ್ತಿವಹಿಸಿದರು . ಅವರ ತಂದೆ ಆಕೆಗೆ ಬೆಂಬಲವಾಗಿದ್ದರು . ವೀಲ್ ಚೇರನ್ನು ಉಪಯೋಗಿಸಲು ಸೂಚಿಸಿದರು . ಇವರು ಅದಕ್ಕೆ ನಿರಾಕರಿಸಿದರು . ಮರಗಾಲಿನಲ್ಲಿಯೇ ನಡೆಯಲು ಪ್ರಾರಂಭಿಸಿದರು . ೬ ತಿಂಗಳ ನಂತರ ಸುಧಾ ಚಂದ್ರನ್ ರವರು ಮ್ಯಾಗಜಿನ್ ಓದುತ್ತಿರುವಾಗ ಡಾಕ್ಟರ್ ಸೆತ್ತಿ ಜೈಪುರ ಅವರ ಕೃತಕ ಕಾಲಿನ ಬಗ್ಗೆ ತಿಳಿದ ಸುಧಾ ಚಂದ್ರನ್ ಅವರ ಕಲಾ ಲೋಕಕ್ಕೆ ಬೆಳಕು ಚೆಲ್ಲಿದಂತಾಯಿತು .[೩]

ಶಿಕ್ಷಣ[ಬದಲಾಯಿಸಿ]

ಸುಧಾ ರವರು ಮಿಥಿಬಾಯ್ ಕಾಲೇಜ್ ಮುಂಬೈನಲ್ಲಿ ಬಿ.ಎ ಮತ್ತು ಎಮ್.ಎ ಪದವಿಯನ್ನು ಪಡೆದರು.[೪]

ವೃತ್ತಿಜೀವನ[ಬದಲಾಯಿಸಿ]

ರವೀಂದ್ರನಾಥ್ ಟ್ಯಾಗೋರ್ ರವರ ೧೫೦ ನೇ ಜಯಂತಿ ಯಲ್ಲಿ ಸುಧಾ ಸಂದ್ರನ್ ರವರು

ಸುಧಾ ರವರು ಮಯೂರಿ ಎಂಬ ತೆಲುಗು ಚಲನಚಿತ್ರದಿಂದ ತನ್ನ ವೃತ್ತಿಜೀವನಕ್ಕೆ ಪಾದಾರ್ಪಣೆ ಮಾಡಿದರು. ಈ ಚಲನಚಿತ್ರವನ್ನು ತಮಿಳು , ಮಲೆಯಾಳಂ ಹಾಗೂ ಹಿಂದಿಯಲ್ಲಿ ನಾಚೆ ಮಯೂರಿ ಎಂಬ ಹೆಸರಿನಲ್ಲಿ ಡಬ್ ಮಾಡಲಾಯಿತು . ಈ ಚಿತ್ರದಲ್ಲಿ ಅಭಿನಯಿಸಿದ ಇವರಿಗೆ ೧೯೮೬ ರಲ್ಲಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳಲ್ಲಿ ವಿಶೇಷವಾದ ಜ್ಯೂರಿ ಪ್ರಶಸ್ತಿಯನ್ನು ನೀಡಿ ಸನ್ಮಾನಿಸಲಾಯಿತು .

ಫಿಲ್ಮೋಗ್ರಾಫಿ[ಬದಲಾಯಿಸಿ]

ಸುಧಾ ಚಂದ್ರನ್
ವರುಷ ಚಲನಚಿತ್ರ ಪಾತ್ರ ಭಾಷೆ ಟಿಪ್ಟಣಿ
೨೦೧೮ ಸಾಮಿ ೨[೫] ಇಲೈಯ ಪೆರುಮಲ್ (ಪೆರುಮಲ್ ಪಿಚ್ಚೈ)ನ ಹೆಂಡತಿ ತಮಿಳು
೨೦೧೮ ಕ್ರಿನ [೬] ಹಿಂದಿ
೨೦೧೭ ತೇರಾ ಇಂತ್ಜಾರ್ [೭] ಹಿಂದಿ
೨೦೧೭ ವಿಜ್ಹಿತಿರು[೮] ವಿಜಯಲಕ್ಷ್ಮಿ ತಮಿಳು
೨೦೧೬ ಸಿಸ್ಟರ್ಸ್ ಸುಧಾ ಮರಾಠಿ
೨೦೧೬ ಬಾಬುಜಿ ಎಕ್ ಟಿಕಟ್ ಬಂಬಯಿ[೯] ಹಿಂದಿ
೨೦೧೫ ಗುರು ಸುಕ್ರನ್[೧೦] ತಮಿಳು
೨೦೧೩ ಅಮೀರಿನ್ ಆಧಿ ಭಗವನ್[೧೧] ಇಂದ್ರ ಸುಂದರಮೂರ್ತಿ ತಮಿಳು
೨೦೧೩ ಪರಮ್ವೀರ್ ಪರಶುರಾಮ್ ಭೋಜ್ಪುರಿ
೨೦೧೩ ಕ್ಲಿಯೋಪತ್ರ[೧೨] ಮಲೆಯಾಳಂ
೨೦೧೧ ವೆನ್ಘಯ್[೧೩] ರಾಧಿಕಾ ಳ ತಾಯಿ ತಮಿಳು
೨೦೧೦ ಅಲೆಕ್ಸಾಂಡರ್ ದಿ ಗ್ರೇಟ್ [೧೪] ಗಾಯತ್ರಿ ದೇವಿ ಮಲೆಯಾಳಂ
೨೦೦೮ ಸತ್ಯಂ ಸತ್ಯಂ ನ ತಾಯಿ ತಮಿಳು
೨೦೦೮ ಪ್ರಣಾಲಿ[೧೫] ಆಕಾ ಹಿಂದಿ
೨೦೦೬ ಶಾಧಿ ಕರ್ಕೆ ಫಸ್ ಗಯ ಯಾರ್[೧೬] ಡಾಕ್ಟರ್ ಹಿಂದಿ
೨೦೦೬ ಮಾಲಾಮಾಲ್ ವೀಕ್ಲಿ[೧೭] ಠಕುರಾಇನ್ ಹಿಂದಿ
೨೦೦೪ ಸ್ಮೈಲ್ ಪ್ಲೀಸ್ [೧೮] ತುಳಸಿ ಹಿಂದಿ
೨೦೦೧ ಏಕ್ ಲುಟೇರೆ ಹಿಂದಿ
೨೦೦೦ ತೂನೆ ಮೇರ ದಿಲ್ ಲೆ ಲಿಯಾ ರಾಣಿ ಹಿಂದಿ
೧೯೯೯ ಹಮ್ ಆಪ್ಕೆ ದಿಲ್ ಮೆ ರೆಹೆತೆ ಹೆ[೧೯] ಮಂಜು ಹಿಂದಿ
೧೯೯೯ ಮಾ ಬಾಪ್ ನೆ ಭುಲ್ಸೊ ನಹೀಂ ಶರ್ದಾ ಗುಜರಾತಿ
೧೯೯೫ ಮಿಲನ್[೨೦] ಜಯ ಹಿಂದಿ
೧೯೯೫ ರಘುವೀರ್ ಆರ್ತಿ ವರ್ಮ ಹಿಂದಿ
೧೯೯೪ ಅಂಜಾಮ್[೨೧] ಶಿವಾನಿಯ ತಂಗಿ ಹಿಂದಿ
೧೯೯೪ ಡಾಲ್ದು ಚೊರಯು ಧೀರೆ ಧೀರೆ ಹಿಂದಿ
೧೯೯೪ ಬಾಲಿ ಉಮರ್ ಕೊ ಸಲಾಮ್[೨೨] ಹಿಂದಿ
೧೯೯೩ ಫೂಲನ್ ಹಸೀನಾ ರಮ್ಕಲಿ[೨೩] ಫೂಲನ್ ಹಿಂದಿ
೧೯೯೨ ನಿಶ್ಚಯ್[೨೪] ಜೂಲಿ ಹಿಂದಿ
೧೯೯೨ ನಿಶ್ಚಯ್ ಹಿಂದಿ
೧೯೯೨ ಇಂತೆಹ ಪ್ಯಾರ್ ಕಿ ತಾನಿಯಾಳ ವಿವಾಹದಲ್ಲಿ ನರ್ತಕಿಯಾಗಿ ಹಿಂದಿ
೧೯೯೨ ಕೇದ್ ಮೆ ಹೆ ಬುಲ್ ಬುಲ್ ಜೂಲಿ ಹಿಂದಿ
೧೯೯೨ ಶೋಲ ಔರ್ ಶಬ್ನಮ್[೨೫] ಕರಣ್ ನ ತಂಗಿ ಹಿಂದಿ
೧೯೯೧ ಇನ್ಸಾಫ್ ಕಿ ದೇವಿ[೨೬] ಸೀತಾ ಎಸ್.ಪ್ರಕಾಶ್ ಹಿಂದಿ
೧೯೯೧ ಕುರ್ಬಾನ್ ಪೃಥ್ವಿಯ ತಂಗಿ ಹಿಂದಿ
೧೯೯೧ ಜಾನ್ ಪೆಹೆಚಾನ್ ಹೇಮಾ ಹಿಂದಿ
೧೯೯೧ ಜೀನೆ ಕಿ ಸಜಾ[೨೭] ಶೀತಲ್ ಹಿಂದಿ
೧೯೯೦ ರಾಜ್ನರ್ತಕಿ[೨೮] ಚಂದ್ರಿಮ ಬಂಗಾಳಿ
೧೯೯೦ ಥಾನೆದಾರ್[೨೯] ಶ್ರೀಮತಿ.ಜಗದೀಶ್ ಚಂದ್ರ ಹಿಂದಿ
೧೯೯೦ ಪತಿ ಪರ್ಮೇಶ್ವರ್[೩೦] ಹಿಂದಿ
೧೯೮೮ ಒಲವಿನ ಆಸರೆ[೩೧] ಕನ್ನಡ
೧೯೮೮ ತಂಗ ಕಲಸಂ ತಮಿಳು
೧೯೮೭ ಕಲಂ ಮರಿ ಕಥಾ ಮರಿ[೩೨] ಆರಿಫ ಮಲೆಯಾಳಂ
೧೯೮೭ ಚಿನ್ನ ತಂಬಿ ಪೆರಿಯ ತಂಬಿ[೩೩] ತಾಯಮ್ಮ ತಮಿಳು
೧೯೮೭ ಚಿನ್ನ ಪೂವೆ ಮೆಲ್ಲ ಪೆಸು ಶಾಂತಿ ತಮಿಳು
೧೯೮೭ ಥಯೆ ನೀಯೆ ತುನೈ ತಮಿಳು
೧೯೮೬ ನಾಚೆ ಮಯೂರಿ[೩೪] ಮಯೂರಿ ಹಿಂದಿ
೧೯೮೬ ವಸಂತ ರಾಗಂ[೩೫] ತಮಿಳು
೧೯೮೬ ಧರ್ಮಂ[೩೬] ತಮಿಳು
೧೯೮೬ ನಂಬಿನಾರ್ ಕೇಡುವಾತಿಲೈ[೩೭] ತಮಿಳು
೧೯೮೬ ಸರ್ವಂ ಸಕ್ತಿಮಯಂ[೩೮] ಸಿವಕಾಮಿ ತಮಿಳು
೧೯೮೬ ಮಲರುಂ ಕಿಲಿಯುಂ[೩೯] ರೇಖ ಮಲೆಯಾಳಂ
೧೯೮೪ ಮಯೂರಿ[೪೦] ಮಯೂರಿ ತೆಲುಗು

ಪ್ರಶಸ್ತಿಗಳು[ಬದಲಾಯಿಸಿ]

  • ನ್ಯಾಷನಲ್ ಫಿಲ್ಮ್ ಅವಾರ್ಡ್ / ಜ್ಯೂರಿ ಪ್ರಶಸ್ತಿ - ೧೯೮೬. [೪೧]
  • ಸ್ಟಾರ್ ಪರಿವಾರ್ ಅವಾರ್ಡ್ಸ್ - ೨೦೦೪. [೪೨]
  • ಇಂಡಿಯನ್ ಟೆಲಿವಿಷನ್ ಅಕಾಡೆಮಿ ಅವಾರ್ಡ್ ಫಾರ್ ಬೆಸ್ಟ್ ಆಕ್ಟ್ರೆಸ್ ಇನ್ ನೆಗೆಟಿವ್ ರೋಲ್ - ೨೦೦೫.
  • ಏಷಿಯನೆಟ್ ಟೆಲಿವಿಷನ್ ಅವಾರ್ಡ್ಸ್ - ೨೦೧೩.[೪೩]
  • ವಿಜಯ್ ಟೆಲಿವಿಷನ್ ಅವಾರ್ಡ್ - ೨೦೧೪.[೪೪]
  • ವಿಜಯ್ ಟೆಲಿವಿಷನ್ ಅವಾರ್ಡ್(ಬೆಸ್ಟ್ ಅತ್ತೆ) - ೨೦೧೫.
  • ಕಲರ್ಸ್ ಗೋಲ್ಡನ್ ಪೆಟಲ್ ಅವಾರ್ಡ್ಸ್ - ೨೦೧೬.[೪೫]
  • ಕಲರ್ಸ್ ಗೋಲ್ಡನ್ ಪೆಟಲ್ ಅವಾರ್ಡ್ಸ್(ಬೆಸ್ಟ್ ಕಾಮಿಕ್ ರೋಲ್) - ೨೦೧೭ .[೪೬]

ಉಲ್ಲೇಖಗಳು[ಬದಲಾಯಿಸಿ]

  1. http://freshinspirations.wordpress.com/2010/05/22/sudha-chandran-an-orgames-handicapped-dancer-and-actor/