ಸುದರ್ಶನ ಚಕ್ರ
ಸುದರ್ಶನ ಚಕ್ರವು ಹಿಂದೂ ದೇವತೆ ವಿಷ್ಣುವಿನಿಂದ ಬಳಸಲ್ಪಡುವ ೧೦೮ ದಂತುರೀಕೃತ ಅಂಚುಗಳಿರುವ ಒಂದು ತಿರುಗುವ, ಬಿಲ್ಲೆಯಂತಹ ಆಯುಧ. ಸುದರ್ಶನ ಚಕ್ರವನ್ನು ಸಾಮಾನ್ಯವಾಗಿ ವಿಷ್ಣುವಿನ ನಾಲ್ಕು ಕೈಗಳಲ್ಲಿ ಬಲ ಹಿಂಗೈ ಮೇಲೆ ಚಿತ್ರಿಸಲಾಗುತ್ತದೆ; ಅವನು ಶಂಖ, ಗದೆ ಮತ್ತು ಪದ್ಮವನ್ನೂ ಧರಿಸುತ್ತಾನೆ. ಸುದರ್ಶನ ಚಕ್ರವನ್ನು ಒಂದು ಆಯುಧಪುರುಷನಾಗಿಯೂ (ಮಾನವ ರೂಪ) ಚಿತ್ರಿಸಬಹುದು. ಪುರಾಣಗಳ ಪ್ರಕಾರ, ಸುದರ್ಶನ ಚಕ್ರವು ವೈರಿಯನ್ನು ಕೊಲ್ಲುವ ಕೊನೆಯ ಮಾರ್ಗ. ಸುದರ್ಶನ ಚಕ್ರ ಹಿಡಿದಿರುವ ರೂಪ ಇಡೀ ಬ್ರಹ್ಮಾಂಡವು ವಿಷ್ಣುವಿನದ್ದು ಎಂದು ಸೂಚಿಸುತ್ತದೆ.
- ವ್ಯುತ್ಪತ್ತಿ
ಸುದರ್ಶನ ಪದವು ಸಂಸ್ಕ್ರತದ ಸು ಎಂದರೆ "ಒಳ್ಳೆಯ/ದೈವೀಯ" ಮತ್ತು ದರ್ಶನ ಎಂದರೆ "ದ್ರಷ್ಟಿ" ಎಂಬ ಪದಗಳಿಂದ ಕೂಡಿದೆ. ಆದ್ದರಿಂದ ಈ ಪದವು ದಿವ್ಯ ದ್ರಷ್ಟಿ ಎಂಬ ಅರ್ಥವನ್ನು ಕೊಡುತ್ತದೆ. ಕೆಟ್ಟ ಶಕ್ತಿಯನ್ನು ಓಡಿಸಲು ಇದನ್ನು ಸಾಮಾನ್ಯವಾಗಿ ಹೋಮಗಳು ಮಾಡುವಾಗ ಪೂಜಿಸುತ್ತಾರೆ.