ಸದಸ್ಯ:Rajalakshmi Ajay K/ನನ್ನ ಪ್ರಯೋಗಪುಟ1

ನವಲಗುಂದ ಡ್ಯೂರಿಗಳು, ಭಾರತದ ಕರ್ನಾಟಕದ ಧಾರವಾಡ ಜಿಲ್ಲೆಯ ನವಲಗುಂದ ಎಂಬ ಪ್ರದೇಶದಲ್ಲಿ, ಜ್ಯಾಮಿತೀಯ ವಿನ್ಯಾಸಗಳು, ಪಕ್ಷಿಗಳು ಮತ್ತು ಪ್ರಾಣಿಗಳ ವಿನ್ಯಾಸಗಳೊಂದಿಗೆ ನೇಯಲ್ಪಡುವ ಡ್ಯೂರಿಗಳು ಅಥವಾ ಒಂದು ರೀತಿಯ ಭಾರತೀಯ ಕಂಬಳಿಯಾಗಿದೆ.

'ವ್ಯಾಪಾರ ಸಂಬಂಧಿತ ಬೌದ್ಧಿಕ ಆಸ್ತಿ ಹಕ್ಕುಗಳ (ಟ್ರಿಪ್ಸ್) ಒಪ್ಪಂದದ' ಭೌಗೋಳಿಕ ಸೂಚನೆಯ ಅಡಿಯಲ್ಲಿ ಇಂತಹ ವಿಶೇಷ ನೇಯ್ಗೆಯನ್ನು ರಕ್ಷಿಸುವ ಸಲುವಾಗಿ, 2011 ರಲ್ಲಿ, ಇದನ್ನು ಭಾರತ ಸರ್ಕಾರದ GI ಆಕ್ಟ್ 1999 ರ ಅಡಿಯಲ್ಲಿ "ನವಲ್ಗುಂಡ್ ಡ್ಯೂರಿಸ್" ಎಂದು ಪಟ್ಟಿ ಮಾಡಲಾಗಿದೆ. ಜೊತೆಗೆ 27 ಜೂನ್ 2011 ರ ಅರ್ಜಿ ಸಂಖ್ಯೆ 61 ರ ಅಡಿಯಲ್ಲಿ ಪೇಟೆಂಟ್ ವಿನ್ಯಾಸಗಳು ಮತ್ತು ಟ್ರೇಡ್‌ಮಾರ್ಕ್‌ಗಳ ಕಂಟ್ರೋಲರ್ ಜನರಲ್ ರ ಅಡಿಯಲ್ಲಿ ನೋಂದಣಿಯನ್ನು ದೃಢೀಕರಿಸಲಾಗಿದೆ. 8 ಜನವರಿ 2015 ರಂದು ಈ ಡ್ಯೂರಿಯ ಲೋಗೋವನ್ನು ಅಪ್ಲಿಕೇಶನ್ ಸಂಖ್ಯೆ 512 ರ ಅಡಿಯಲ್ಲಿ ನೋಂದಾಯಿಸಲಾಗಿದೆ.

ಸ್ಥಳ

ನವಲಗುಂದ ಡ್ಯೂರಿಗಳನ್ನು ಕೈಯಿಂದ ತಯಾರಿಸಲಾಗುತ್ತದೆ. ಇದು https://goo.gl/maps/vAMu3CLL6YAxSRdD6 ಭೌಗೋಳಿಕ ನಿರ್ದೇಶಾಂಕಗಳ ವ್ಯಾಪ್ತಿಯಲ್ಲಿದೆ.

ಇತಿಹಾಸ

ನವಲಗುಂದ ಡ್ಯೂರಿಗಳನ್ನು ಜುಮ್ಕಾನ ಎಂದೂ ಕರೆಯಲಾಗುತ್ತದೆ.ಆರಂಭದಲ್ಲಿ ಈ ಕಲೆಯು ಬಿಜಾಪುರದ ಅಲಿ ಆದಿಲ್ ಶಾಹಿಯ ಆಳ್ವಿಕೆಯ ಅವಧಿಯಲ್ಲಿ ಬಿಜಾಪುರದ ಗಲ್ಲಿಗಳಲ್ಲಿ ಆರಂಭಗೊಂಡಿತು.ಇದನ್ನು ಅಲ್ಲಿನ ಗಲ್ಲಿಗಳಲ್ಲಿ ವಾಸಿಸುತ್ತಿದ್ದ ನೇಕಾರರ ಗುಂಪು ಆರಂಭಿಸಿತು. ಆದಿಲ್ ಷಾ ಮತ್ತು ವಿಜಯನಗರ ಸಾಮ್ರಾಜ್ಯದ ನಡುವಿನ ಯುದ್ಧದ ಪರಿಣಾಮವಾಗಿ, ಜುಮ್ಖಾನ್ ನೇಕಾರರು ತಮ್ಮ ವ್ಯಾಪಾರವನ್ನು ಮುಂದುವರಿಸಲು ಸುರಕ್ಷಿತ ಸ್ಥಳವನ್ನು ಹುಡುಕಿದರು. ಆದ್ದರಿಂದ ನವಲಗುಂದಕ್ಕೆ ವಲಸೆ ಬಂದರು, ಆರಂಭದಲ್ಲಿ ಮುತ್ತುಗಳ ವ್ಯಾಪಾರದಲ್ಲಿ ತೊಡಗಿಸಿಕೊಂಡರು ಆದರೆ ನಂತರ ಪಟ್ಟಣದಲ್ಲಿ ನೆಲೆಸಿದರು, ಮಗ್ಗಗಳನ್ನು ಸ್ಥಾಪಿಸಿದರು ಮತ್ತು ನೇಯ್ಗೆ ಮಾಡಿದರು.

ಈ ಡ್ಯೂರಿಗಳನ್ನು (ಕಂಬಳಿ) ಹೆಚ್ಚಾಗಿ ಶೇಖ್,ಸಯೀದ್ ಪಂಗಡದ ಮಹಿಳೆಯರು ತಮ್ಮ ಮನೆಗಳಲ್ಲಿ ಕೈಮಗ್ಗದಲ್ಲಿ ತಯಾರಿಸುತ್ತಿದ್ದರು.ಆದರೆ ಸೂಕ್ತ ಸೌಲಭ್ಯಗಳ ಕೊರತೆ ಮತ್ತು ಕಳಪೆ ಆದಾಯದಿಂದಾಗಿ, ಈಗ ಕೇವಲ ಶೇ.35 ಮಹಿಳೆಯರು ಮಾತ್ರ ಕಂಬಳಿ ನೇಯ್ಗೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ರೀತಿಯ ಡ್ಯೂರಿಯನ್ನು ಬೇರೆ ಯಾವುದೇ ಸ್ಥಳದಲ್ಲಿ ಮಾಡಲಾಗುವುದಿಲ್ಲ. ಕುಶಲಕರ್ಮಿಗಳು ಈ ಡ್ಯೂರಿಗಳನ್ನು ನೇಯ್ಗೆ ಮಾಡುವ ತಮ್ಮ ಕಲೆಯ ಬಗ್ಗೆ ಸಾಕಷ್ಟು ರಹಸ್ಯವಾಗಿರುತ್ತಾರೆ ಮತ್ತು ಕೌಶಲ್ಯವನ್ನು ಅವರ ಹೆಣ್ಣುಮಕ್ಕಳಿಗೆ ಕೂಡಾ ಕಲಿಸುವುದಿಲ್ಲ ಕಾರಣ ಅವರು ಮದುವೆಯಾದ ಮೇಲೆ ಬೇರೆ ಮನೆ ಸೇರುತ್ತಾರೆ ಎಂದಾಗಿದೆ. ಇದು ಕೇವಲ ವಿಶೇಷ ಸಂಸ್ಕೃತಿಯಾಗಿರದೆ,ಜೀವನೋಪಾಯವೂ ಆಗಿದೆ.

ತಯಾರಿಕಾ ಮಾಹಿತಿ

ತಯಾರಿಕೆಯ ಪ್ರಕ್ರಿಯೆಯಲ್ಲಿ ನೇಕಾರರು ಕರ್ನಾಟಕ ರಾಜ್ಯ ಕರಕುಶಲ ಅಭಿವೃದ್ಧಿ ನಿಗಮದಿಂದ ಕಚ್ಚಾ ಹತ್ತಿಯನ್ನು ಖರೀದಿಸುತ್ತಾರೆ. ಹತ್ತಿ 3/10s, ಬಿಳುಪುಗೊಳಿಸದ ನೂಲು ವಾರ್ಪ್‌ಗೆ ಮತ್ತು 6-ಪದರದ ಹತ್ತಿ 10s ಅನ್ನು ನೇಯ್ಗೆಗೆ ಬಳಸಲಾಗುತ್ತದೆ. ನೂಲುಗಳನ್ನು ಹುಬ್ಬಳ್ಳಿಯ ಮಾರುಕಟ್ಟೆಯಿಂದಲೂ ಖರೀದಿಸುತ್ತಾರೆ. ಇದು ನಾಲ್ಕು ಹಂತದ ಪ್ರಕ್ರಿಯೆ. ಮೊದಲ ಹಂತವೆಂದರೆ ವಾರ್ಪ್ ತಯಾರಿಸುವುದು.3/10s ಹತ್ತಿಯನ್ನು ಚೆಂಡುಗಳಾಗಿ ಪರಿವರ್ತಿಸಲಾಗುತ್ತದೆ. ಮನೆಯ ತೆರೆದ ಅಂಗಳದಲ್ಲಿ ಸಣ್ಣ ಡ್ಯೂರಿಗಳ ವಾರ್ಪ್ ಅನ್ನು ತಯಾರಿಸಿದರೆ, ದೊಡ್ಡ ಗಾತ್ರದ ಡ್ಯೂರಿಗಳ ತಯಾರಿ ಸಂದರ್ಭದಲ್ಲಿ ಪಟ್ಟಣದಲ್ಲಿ ದೊಡ್ಡ ತೆರೆದ ಮೈದಾನದಲ್ಲಿ ತಯಾರಿಸಲಾಗುತ್ತದೆ.ನಂತರ ಈ ವಾರ್ಪ್ ಅನ್ನು ಮನೆಯೊಳಗಿನ ಮಗ್ಗಕ್ಕೆ ವರ್ಗಾಯಿಸಲಾಗುತ್ತದೆ ಮತ್ತು ಮಗ್ಗಗಳು, ಕಡ್ಡಿಗಳು ಮತ್ತು ದಾರಗಳನ್ನು ಬಳಸಿ ಸೆಟ್ ಮಾದರಿಯಲ್ಲಿ ನೇಯ್ಗೆ ಮಾಡಲಾಗುತ್ತದೆ. ನಂತರ ಹತ್ತಿಯ ನೂಲುಗಳಿಗೆ ಕಪ್ಪು, ಹಳದಿ, ಕೆಂಪು, ಕಂದು, ನೀಲಿ ಮತ್ತು ಹಸಿರು ಬಣ್ಣ ಹಾಕಲಾಗುತ್ತದೆ. ನೇಯ್ಗೆ ಪ್ರಕ್ರಿಯೆಯ ಪೂರ್ಣಗೊಂಡ ನಂತರ, ಡ್ಯೂರಿಗಳನ್ನು ಮಗ್ಗದಿಂದ ತೆಗೆದುಹಾಕಲಾಗುತ್ತದೆ ಮತ್ತು ಅತಿಯಾಗಿ ನೇತಾಡುವ ಎಳೆಗಳನ್ನು ಎಲ್ಲಾ ಟ್ರಿಮ್ ಮಾಡಲಾಗುತ್ತದೆ. ಈ ಡ್ಯೂರಿಗಳನ್ನು ಮೂರು ವರ್ಗಗಳ ಅಡಿಯಲ್ಲಿ ಮಾರಾಟ ಮಾಡಲಾಗುತ್ತದೆ: ಜಮಖಾನಾ 3 by 5 feet (0.91 m × 1.52 m), 9 ಅಡಿ × 6 ಅಡಿ (2.7 ಮೀ × 1.8 ಮೀ), ಮತ್ತು 6 x 9 ಅಡಿ ನವಗುಂದ-ಜಾ-ನಮಾಜ್, ಇದು ಮುಸ್ಲಿಂ ಸಮುದಾಯದವರು ಪ್ರತ್ಯೇಕವಾಗಿ ಬಳಸುವ ಪ್ರಾರ್ಥನಾ ಚಾಪೆಯಾಗಿದೆ. ಮಸೀದಿಯಲ್ಲಿ ಅಥವಾ ಯಾವುದೇ ಸ್ಥಳದಲ್ಲಿ ಪೂಜೆ ಸಲ್ಲಿಸಲು ಮತ್ತು ಅವರು ತಮ್ಮೊಂದಿಗೆ ಕೊಂಡೊಯ್ಯುತ್ತಾರೆ.