ವಿಶ್ವನಾಥ ಬದಿಕಾನ

ವಿಶ್ವನಾಥ ಬದಿಕಾನ
ವಿಶ್ವನಾಥ ಬದಿಕಾನ
ಜನನ	ಜುಲೈ 1, 1965 ಬದಿಕಾನ
ವೃತ್ತಿ	ಪ್ರಾಧ್ಯಾಪಕ
ರಾಷ್ಟ್ರೀಯತೆ	ಭಾರತೀಯ
ಪ್ರಕಾರ/ಶೈಲಿ	ಜನಪದ, ಅರೆಭಾಷೆ
ವಿಷಯ	ಅರೆಭಾಷೆ ಮತ್ತು ತುಳು ಜನಪದ
ಸಾಹಿತ್ಯ ಚಳುವಳಿ	ಸಮತಾವಾದ

ಡಾ. ವಿಶ್ವನಾಥ ಬದಿಕಾನ ಮಂಗಳೂರಿನ ಸಂತ ಅಲೋಶಿಯಸ್ ಕಾಲೇಜಿನಲ್ಲಿ ಕನ್ನಡ ಪ್ರಾಧ್ಯಾಪಕರಾಗಿದ್ದಾರೆ. ಎಂಎ, ಪಿಎಚ್‌ಡಿ ಪದವಿ ಪಡೆದಿರುವ ಬದಿಕಾನ, ಸುಮಾರು ೨೧ ವರ್ಷಗಳಿಂದ ಅಧ್ಯಾಪಕ ವೃತ್ತಿ ಮಾಡಿದ್ದಾರೆ. ಗೌಡ ಕನ್ನಡದ ಜನಪದ ಕತೆಗಳು, ಗಾದೆಗಳು, ಎ.ಕೆ. ರಾಮನುಜನ್ ಬದುಕು ಬರಹಗಳು, ತುಳುತ ಕತಾ ಸಂಸ್ಕೃತಿ, ಅರೆಬಾಸೆನ ಅಜ್ಜಿಕತೆಗ ಎಂಬ ೫ ಪುಸ್ತಕಗಳನ್ನು ಪ್ರಕಟಪಡಿಸಿದ್ದಾರೆ. ಇವರ 25ಕ್ಕಿಂತಲೂ ಹೆಚ್ಚು ಸಂಶೋಧನ ಲೇಖನಗಳು ಪ್ರಕಟಗೊಂಡಿದ್ದು, ತುಳು ಜನಪದ ಕತೆಗಳ ಸಂಗ್ರಹ ಮತ್ತು ಅರೆಭಾಷೆ ಜನಪದ ಕತೆಗಳ ಸಂಗ್ರಹವನ್ನೂ ಮಾಡಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಸುಳ್ಯ ತಾಲೂಕಿನ ಪರಿಸರದಲ್ಲಿ ಗೌಡ ಜನಾಂಗದವರು ಮಾತನಾಡುವ ಅರೆಭಾಷೆ ಯಲ್ಲಿ ಪ್ರಚಲಿತವಿರುವ ಜನಪದ ಕತೆಗಳನ್ನು ಸಂಗ್ರಹಿಸಿ ಪ್ರಕಟಿಸುತ್ತಿದ್ದಾರೆ

ಪ್ರಕಟಿತ ಕೃತಿಗಳು

1. ಗೌಡ ಕನ್ನಡದ ಜನಪದ ಕತೆಗಳು
2. ಗೌಡ ಕನ್ನಡದ ಜನಪದ ಗಾದೆಗಳು
3. ಎ.ಕೆ. ರಾಮನುಜನ್ ಬದುಕು ಬರಹಗಳು
4. ತುಳುತ ಕತಾ ಸಂಸ್ಕೃತಿ (ತುಳು)
5. ಅರೆಬಾಸೆನ ಅಜ್ಜಿಕತೆಗ(೨೦೧೬)

ಗೌರವ, ಪ್ರಶಸ್ತಿಗಳು

1. ಕರ್ನಾಟಕ ಅರೆಭಾಷೆ ಸಂಸ್ಕೃತಿ ಮತ್ತು ಸಾಹಿತ್ಯ ಅಕಾಡೆಮಿಯ ೨೦೧೨-೧೩ ಸಾಲಿನ ಗೌರವ ಪುರಸ್ಕಾರ,

ಬಾಹ್ಯ ಸಂಪರ್ಕ

• ಸ್ಪಂದನ ಟಿವಿ ಚಾನೆಲಿನಲ್ಲಿ ವಿಶ್ವನಾಥ ಬದಿಕಾನ ಅವರುಕನ್ನಡ ಮತ್ತು ತುಳು ವಿಕಿಪೀಡಿಯ ಬಗ್ಗೆ ಮಾತನಾಡಿದ್ದು