ವರ್ಷಾ ಭೋಸ್ಲೆ

ವರ್ಷಾ ಬೋಸ್ಲೆ
ಜನನ	೧೯೫೬ ನಾಗ್ಪುರ, ಭಾರತ
ಮರಣ	೮ ಅಕ್ಟೋಬರ್ ೨೦೧೨ (ವಯಸ್ಸು ) ಮುಂಬೈ, ಮಹಾರಾಷ್ಟ್ರ, ಭಾರತ
ಶಿಕ್ಷಣ	ಎಲ್ಫಿನ್‌ಸ್ಟೋನ್ ಕಾಲೇಜ್
ವೃತ್ತಿ	ಗಾಯಕಿ ಅಂಕಣಕಾರ
ಸಂಗಾತಿ	ಹೇಮಂತ್ ಕೇಂಕ್ರೆ (೧೯೯೮)
ಪೋಷಕರು	ಆಶಾ ಭೋಂಸ್ಲೆ (ತಾಯಿ) ಆರ್. ಡಿ. ಬರ್ಮನ್ (ಮಲ-ತಂದೆ)
ಕುಟುಂಬ	ಮಂಗೇಶ್ಕರ್ ಕುಟುಂಬ ಮತ್ತು ಮಾಣಿಕ್ಯ ರಾಜವಂಶ (ಅಳಿಯಂದಿರು)

ವರ್ಷಾ ಭೋಂಸ್ಲೆ (೧೯೫೬- ಅಕ್ಟೋಬರ್ ೨೦೧೨) ಮುಂಬೈ ಮೂಲದ ಭಾರತೀಯ ಗಾಯಕಿ, ಪತ್ರಕರ್ತೆ ಮತ್ತು ಬರಹಗಾರ್ತಿ. ಅವರು ಹಿನ್ನೆಲೆ ಗಾಯಕಿ ಆಶಾ ಭೋಂಸ್ಲೆಯವರ ಮಗಳು.

ವೃತ್ತಿ

ಭೋಂಸ್ಲೆ ಅವರು ವೃತ್ತಿಪರ ಹಿಂದಿ ಮತ್ತು ಭೋಜ್‌ಪುರಿ ಹಿನ್ನೆಲೆ ಗಾಯಕರಾಗಿದ್ದರು ಮತ್ತು ಅವರ ತಾಯಿಯೊಂದಿಗೆ ಸಂಗೀತ ಕಚೇರಿಗಳಲ್ಲಿ ಕಾಣಿಸಿಕೊಂಡರು. ವರ್ಷಾ ೧೯೭೩ ರಲ್ಲಿ ಮುಂಬೈನ ಪೆಡ್ಡರ್ ರಸ್ತೆಯಲ್ಲಿರುವ ಹಿಲ್ ಗ್ರೇಂಜ್ ಹೈಸ್ಕೂಲ್‌ನಿಂದ ಐ‌ಎಸ್‌ಸಿಯೊಂದಿಗೆ ಶಾಲೆಯನ್ನು ಮುಗಿಸಿದರು. ಅವರು ಮುಂಬೈನ ಬಾಂಬೆ ವಿಶ್ವವಿದ್ಯಾಲಯದೊಂದಿಗೆ ಸಂಯೋಜಿತವಾಗಿರುವ ಎಲ್ಫಿನ್‌ಸ್ಟೋನ್ ಕಾಲೇಜಿನಲ್ಲಿ ರಾಜ್ಯಶಾಸ್ತ್ರವನ್ನು ಅಧ್ಯಯನ ಮಾಡಿದರು.

ಅವರು ೧೯೯೭ - ೨೦೦೩ ರ ಅವಧಿಯಲ್ಲಿ ಭಾರತೀಯ ವೆಬ್ ಪೋರ್ಟಲ್ ರೆಡಿಫ್ ಗಾಗಿ ಅಂಕಣಗಳನ್ನು ಬರೆದರು. ೧೯೯೪ - ೧೯೯೮ ರ ಅವಧಿಯಲ್ಲಿ ದಿ ಸಂಡೇ ಅಬ್ಸರ್ವರ್‌ನ ಅಂಕಣಗಳನ್ನು ಬರೆದರು. ೧೯೯೩ರಲ್ಲಿ ಜಂಟಲ್‌ಮನ್ ಮ್ಯಾಗಜೀನ್‌ಗಾಗಿ ಅಂಕಣಗಳನ್ನು ಬರೆದರು. ಅವರು ಟೈಮ್ಸ್ ಆಫ್ ಇಂಡಿಯಾ ಮತ್ತು ರಕ್ಷಕ್ - ದಿ ಪ್ರೊಟೆಕ್ಟರ್ ಪೋಲೀಸ್ ಮ್ಯಾಗಜೀನ್‌ಗಾಗಿ ಕೆಲವು ಲೇಖನಗಳನ್ನು ಬರೆದಿದ್ದಾರೆ.

ವೈಯಕ್ತಿಕ ಜೀವನ

ಇವರು ತಮ್ಮ ತಾಯಿಯೊಂದಿಗೆ ಮುಂಬೈನಲ್ಲಿ ವಾಸಿಸುತ್ತಿದ್ದರು. ಅವರು ಕ್ರೀಡಾ ಬರಹಗಾರ ಮತ್ತು ಸಾರ್ವಜನಿಕ ಸಂಪರ್ಕ ವೃತ್ತಿಪರ ಹೇಮಂತ್ ಕೆಂಕ್ರೆ ಅವರನ್ನು ವಿವಾಹವಾದರು ಆದರೆ ದಂಪತಿಗಳು ೧೯೯೮ ರಲ್ಲಿ ವಿಚ್ಛೇದನ ಪಡೆದರು. ಅವರು ಖಿನ್ನತೆಗೆ ಒಳಗಾಗಿದ್ದರು, ಇದು ಅವರ ಆಪ್ತ ಸ್ನೇಹಿತನ ಸಾವಿನಿಂದ ಉಲ್ಬಣಗೊಂಡಿತು ಮತ್ತು ಅವರು ಮನೋವೈದ್ಯಕೀಯ ಚಿಕಿತ್ಸೆಗೆ ಒಳಗಾಗಿದ್ದರು. ೯ ಸೆಪ್ಟೆಂಬರ್ ೨೦೦೮ ರಂದು, ಅವರು ಸೂಚಿಸಿದ ಔಷಧಿಯ ಮಿತಿಮೀರಿದ ಪ್ರಮಾಣವನ್ನು ಸೇವಿಸುವ ಮೂಲಕ ಆತ್ಮಹತ್ಯೆಗೆ ಪ್ರಯತ್ನಿಸಿದರು ಎಂದು ವರದಿಯಾಗಿದೆ, ನಂತರ ಅವರನ್ನು ಮುಂಬೈನ ಜಸ್ಲೋಕ್ ಆಸ್ಪತ್ರೆಗೆ ದಾಖಲಿಸಲಾಯಿತು. ೮ ಅಕ್ಟೋಬರ್ ೨೦೧೨ರಂದು, ಭೋಸ್ಲೆ ಮುಂಬೈನ ಪ್ರಭು ಕುಂಜ್ ನಿವಾಸದಲ್ಲಿ ಆತ್ಮಹತ್ಯೆ ಮಾಡಿಕೊಂಡರು. ಅವರ ಶವವನ್ನು ಅವರ ತಾಯಿಯ ಚಾಲಕ ಮತ್ತು ಸೇವಕಿ ಅವರ ಮನೆಯ ಸೋಫಾದಲ್ಲಿ ರಕ್ತದ ಮಡುವಿನಲ್ಲಿ ಪತ್ತೆ ಮಾಡಿದರು. ಮುಂಬೈ ಪೊಲೀಸರು ನಂತರ ಆತ್ಮಹತ್ಯೆಯನ್ನು ದೃಢಪಡಿಸಿದರು ಮತ್ತು ಪರವಾನಗಿ ಪಡೆದ ಶಸ್ತ್ರಾಸ್ತ್ರದಿಂದ ಅವರು ತಮ್ಮ ತಲೆಗೆ ಗುಂಡು ಹಾರಿಸಿಕೊಂಡಿದ್ದಾರೆ ಎಂದು ಹೇಳಿದರು.