ರಾಗಿ ಹಿಟ್ಟು

ರಾಗಿ ಹಿಟ್ಟು ಮುಖ್ಯವಾಗಿ ರಾಗಿ ಕಾಳಿನಿಂದ ತಯಾರಿಸಿದ ಪುಡಿ ಆಹಾರವಾಗಿದೆ. ಇದು ಪ್ರೋಟೀನ್ ಹಾಗೂ ಖನಿಜಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಹೊಂದಿದೆ. ಸಸ್ಯಾಹಾರಿಗಳಿಗೆ ಇದು ಪ್ರೋಟೀನ್‍ನ ಅತಿ ಸೂಕ್ತ ಮೂಲವಾಗಿದೆ.

ರಾಗಿ ಹಿಟ್ಟಿನ ತಯಾರಿಕೆ

ಮೊದಲು ರಾಗಿಯನ್ನು ಸ್ವಚ್ಛಗೊಳಿಸಿ ತೊಳೆಯಲಾಗುತ್ತದೆ. ಇದು ಬಿಸಿಲಿನಲ್ಲಿ ಸಹಜವಾಗಿ ಒಣಗಲು ೫ ರಿಂದ ೮ ಗಂಟೆಗಳವರೆಗೆ ಬಿಡಲಾಗುತ್ತದೆ. ನಂತರ ಇದನ್ನು ಹಿಟ್ಟು ಮಾಡಲಾಗುತ್ತದೆ. ಕಡಿಮೆ ಹೀಮೊಗ್ಲೋಬಿನ್ ಮಟ್ಟವಿರುವ ಜನರಿಗೆ ಇದು ಅತ್ಯುತ್ತಮವಾಗಿದೆ. ರಾಗಿ ಹಿಟ್ಟಿನಿಂದ ರಾಗಿ ಗಂಜಿ, ರಾಗಿ ಹಲ್ವಾ, ರಾಗಿ ರೊಟ್ಟಿಯನ್ನು ತಯಾರಿಸಬಹುದು. ತಿನ್ನಲು ರುಚಿಯಾಗಿದ್ದು ಪೋಷಕಾಂಶಗಳಿಂದ ಸಮೃದ್ಧವಾಗಿರುತ್ತದೆ.

ಬೇಕಿಂಗ್

ಬೇಕ್ ಮಾಡುವಾಗ ಮೈದಾದ ಬದಲು ಅನೇಕ ಪೌಷ್ಟಿಕ ಲಾಭಗಳನ್ನು ಹೊಂದಿರುವ ರಾಗಿ ಹಿಟ್ಟನ್ನು ಬಳಸಬಹುದು. ರಾಗಿ ಕೇಕ್ ಮತ್ತು ರಾಗಿ ಬಿಸ್ಕತ್ತುಗಳನ್ನು ತಯಾರಿಸಬಹುದು. ರಾಗಿ ಹಿಟ್ಟು ಆಧಾರಿತ ಬೇಕರಿ ಉತ್ಪನ್ನಗಳು ಮತ್ತು ದಿಢೀರ್ ಮಿಶ್ರಣಗಳು ಈಗ ಬೇಡಿಕೆಯಲ್ಲಿವೆ.