ಮಾಗಡಿ

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
ಮಾಗಡಿ
ತಾಲ್ಲೂಕು
ರಂಗನಾಥ ಸ್ವಾಮಿ ದೇಗುಲ(Ranganatha Swamy temple)
ರಂಗನಾಥ ಸ್ವಾಮಿ ದೇಗುಲ(Ranganatha Swamy temple)
ಮಾಗಡಿ is located in ಕರ್ನಾಟಕ
ಮಾಗಡಿ
ಮಾಗಡಿ
Location in Karnataka, India
Coordinates: 12°58′N 77°14′E / 12.97°N 77.23°E / 12.97; 77.23Coordinates: 12°58′N 77°14′E / 12.97°N 77.23°E / 12.97; 77.23
Country  India
State ಕರ್ನಾಟಕ (Karnataka)
District ರಾಮನಗರ ಜಿಲ್ಲೆ (Ramanagara district)
Elevation ೯೨೫
Population (2001)
 • Total ೨೫,೦೦೦
Languages
 • Official ಕನ್ನಡ Kannada
Time zone IST (UTC+5:30)

ಮಾಗಡಿಯು ಬೆಂಗಳೂರಿನಿಂದ ಕೇವಲ 40 ಕಿ.ಮೀ. ದೂರದಲ್ಲಿದ್ದು, ಇತ್ತೀಚೆಗೆ ರಚನೆಗೊಂಡ ರಾಮನಗರ ಜಿಲ್ಲೆಯಲ್ಲಿ ಒಂದು ತಾಲ್ಲೂಕು ಕೇಂದ್ರವಾಗಿದೆ. ಬೆಂಗಳೂರಿನ ನಿರ್ಮಾತೃ ಮಾಗಡಿ ಕೆಂಪೇಗೌಡನ ಊರು.ಪುರಾಣ ಕಾಲದ ಮಾಂಡವ್ಯ ಮಹರ್ಷಿಗಳ ತಪೋಭೂಮಿಯು ಕೂಡ ಇದೇ ಮಾಗಡಿ.ಕೆಂಪೇಗೌಡನು ತನ್ನ ಆಳ್ವಿಕೆಯ ಪ್ರದೇಶದ ಮಹಾಗಡಿಯನ್ನಾಗಿ ಇದನ್ನು ಮಾಡಿಕೊಂಡಿದ್ದು ಕಾಲ ಕ್ರಮೇಣ ಇದು ಉಚ್ಚಾರದಲ್ಲಿ ಮಾಗಡಿಯಾಗಿದೆ.ವಿಜಯನಗರದ ಅರಸರಲ್ಲಿ ಸಾಮಂತನಾಗಿದ್ದ ಕೆಂಪೇಗೌಡನು ತನ್ನ ಪೌರುಷ ಪರಾಕ್ರಮಗಳಿಂದಲೇ ಹೆಸರುವಾಸಿಯಾಗಿದ್ದನು. ಆ ಕಾಲದಲ್ಲಿ ರಾಜ್ಯದ ಬಲವರ್ಧನೆಗಾಗಿ ಹಾಗು ರಾಜ್ಯ ಖಜಾನೆ ಸುಭದ್ರಪಡಿಸಲೋಸುಗ ಕಟ್ಟಿದ ಕೋಟೆಯನ್ನು ಇಂದಿಗೂ ಮಾಗಡಿಯಲ್ಲಿ ಕಾಣಬಹುದಾಗಿದೆ.ಕೆಂಪೇಗೌಡ ಬೆಂಗಳೂರು ಕಟ್ಟಿದ ಕಾಲಕ್ಕೆ ಅಂದರೆ 16ನೇ ಶತಮಾನದ ಸುಮಾರಿಗೆ ಕೆಂಪೇಗೌಡರ ಆಳ್ವಿಕೆಯ ಭಾಗಗಳಿಗೆ ಮಾಗಡಿ ಪಟ್ಟಣವೇ ರಾಜಧಾನಿಯಾಗಿತ್ತು ಎನ್ನುತ್ತದೆ ಇತಿಹಾಸ. ಶಿವಗಂಗೆ, ಸಾವನದುರ್ಗ, ಮಾಗಡಿ ಕೋಟೆ, ಮಾಗಡಿ ರಂಗನಾಥ ದೇವಾಲಯ, ಸೋಮೇಶ್ವರ ದೇಗುಲ ಕುದೂರಿನ ಏಕಶಿಲಾ ಬೆಟ್ಟ ಮುಂತಾದ ಪ್ರವಾಸೀ ಕೇಂದ್ರಗಳನ್ನು ಹೊಂದಿದೆ.

ಸಾವನದುರ್ಗವು ಮಾಗಡಿಯಿಂದ 13 ಕಿ.ಮೀ. ದೂರದಲ್ಲಿದ್ದು, ಏಕಶಿಲಾ ಬೆಟ್ಟವಾಗಿದೆ ಹಾಗೂ 1435 ಅಡಿ ಎತ್ತರವಿದೆ. ಇಲ್ಲಿ ಚೋಳರ ಕಾಲದ ವೀರಭದ್ರಸ್ವಾಮಿ ಹಾಗೂ ಲಕ್ಷೀನರಸಿಂಹ ದೇವಾಲಯಗಳಿವೆ. ಸಾವನದುರ್ಗದ ಹಳೆಯ ಹೆಸರು ಸಾವಿನದುರ್ಗ ಎಂದು ಎಂಬ ಉಲ್ಲೇಖವಿದೆ. ಏಕೆಂದರೆ ಟಿಪ್ಪು ಸುಲ್ತಾನ್ ತನ್ನ ಸಾಮ್ರಾಜ್ಯದಲ್ಲಿ ಯಾರಾದರೂ ಘೋರ ಅಫರಾದ ಮಾಡಿದರೆ ಅವರನ್ನು ಈ ಬೆಟ್ಟದ ಮೇಲಿನಿಂದ ಕೆಳಕ್ಕೆ ತಳ್ಳಿಸುತ್ತಿದ್ದನೆಂದು ಹೇಳಲಾಗುತ್ತದೆ. ಕಲ್ಲುದೇವನಹಳ್ಳಿ ಗ್ರಾಮದಲ್ಲಿ ಮಹದೇಶ್ವರ ದೇವಾಲಯವಿದೆ.ಸಾತನೂರು ಗ್ರಾಮದಲ್ಲಿ ಪುಂಡರಿಕವಿಠಲದಾಸರ ಜನ್ಮಸ್ಥಳ ಇವಿಷ್ಟೇ ಅಲ್ಲದೆ ಕನ್ನಡ-ತೆಲುಗು ಭಾಷೆಗಳಲ್ಲಿ ವಚನಗಳನ್ನು ರಚಿಸಿ, ಬಸವಣ್ಣನವರ ವಚನಗಳನ್ನು ತೆಲುಗು ಭಾಷಿಗರಿಗೆ ತಿಳಿಯುವಂತೆ ಮಾಡಿದ ಖ್ಯಾತ ವಚನಕಾರ 'ಪಾಲ್ಕುರಿಕೆ ಸೋಮನಾಥ'ರ ಸಮಾಧಿ ಸ್ಥಳವೆಂದು ನಂಬಲಾಗಿರುವ ಕಲ್ಯ ಗ್ರಾಮವು ಮಾಗಡಿಯ ಬಳಿಯೇ ಇದೆ.

ಮಾಗಡಿ ಸುತ್ತಮುತ್ತಲಿನ ಪರಿಸರ ಮತ್ತು ಅರಣ್ಯ ಪ್ರದೇಶವನ್ನು ನವೋದಯ ಸಾಹಿತ್ಯದ ಭಾರತ ಸಂಜಾತ ಬ್ರಿಟೀಶ್ ಭೇಟೆಗಾರ 'ಕೆನಿತ್ ಆಂಡರ್ಸನ್' ಎಂಬುವರು ತಮ್ಮ 'ಹಳೆಯ ಮುನ್ನುಸಾಮಿ ಮತ್ತು ಮಾಗಡಿಯ ನರಭಕ್ಷಕ(Old Munnusamy and the man-eater of Magadi)' ಎಂಬ ಕಥಾನಕದಲ್ಲಿ ವರ್ಣಿಸಿದ್ದಾರೆ. ಇತ್ತೀಚಿಗೆ ಹೆಚ್ಚಿರುವ ನಗರೀಕರಣದ ಪ್ರಭಾವದಿಂದಲೂ ಮತ್ತು ಪರಿಸರ ಮಾಲಿನ್ಯದಿಂದಲೂ ಮಾಗಡಿ ಸುತ್ತ ಮುತ್ತಲಿನ ಅರಣ್ಯ ಸಂಪತ್ತಿನ ಜೊತೆಗೆ ಅರಣ್ಯ ಜೀವ ಸಂಕುಲವು ಅಳಿವಿನ ಅಂಚಿನಲ್ಲಿವೆ.

ಭೌಗೋಳಿಕವಾಗಿ ಕಪ್ಪು, ಕೆಂಪು ಮತ್ತು ಬಿಳಿಯ ಕಲ್ಲುಗಳಿಂದ ಕೂಡಿರುವ ಈ ತಾಲೂಕು ಕೆಂಪು ಮಣ್ಣಿನಿಂದ ಕೂಡಿದ್ದು ರಾಗಿ, ಭತ್ತ, ಅವರೆ, ಮಾವು ಇಲ್ಲಿನ ಮುಖ್ಯ ಆಹಾರ ಬೆಳೆಗಳು. ಬಹು ಭಾಗ ರೈತ ಸಮುದಾಯವೇ ಮಾಗಡಿ ತಾಲೂಕಿನಲ್ಲಿ ಇದೆ.ಸಮೀಪದಲ್ಲಿಯೇ ಇರುವ ರಾಜಧಾನಿ ಬೆಂಗಳೂರಿಗೆ ಬಹುತೇಕ ಆಹಾರ ಸಾಮಗ್ರಿಗಳು ದಿನಬಳಕೆಯ ವಸ್ತುಗಳು ಮಾಗಡಿ ತಾಲೂಕಿನಿಂದಲೇ ನಿತ್ಯ ಸರಬರಾಜು ಆಗುತ್ತವೆ.

ಇವಿಷ್ಟೇ ಅಲ್ಲದೆ ಕರ್ನಾಟಕದ ಕೆಲ ಮಹನೀಯರ ಜನ್ಮ ಭೂಮಿಯು ಕೂಡ ಮಾಗಡಿ ತಾಲೂಕು ಬೆಂಗಳೂರು ನಿರ್ಮಾತೃ ಗೌಡರಕುಲ ತಿಲಕ ಕೆಂಪೇಗೌಡರು,ಪುಂಡರಿಕವಿಠಲ ದಾಸರು ಶ್ರೀಬಾಲಗಂಗಾಧರನಾಥಸ್ವಾಮಿಗಳು ಶ್ರೀ ಶಿವಕುಮಾರ ಸ್ವಾಮಿಗಳು, ಸಾಲುಮರದ ತಿಮ್ಮಕ್ಕ ಮುಂತಾದವರು.

ಸಂಖ್ಯಾಬಲ[ಬದಲಾಯಿಸಿ]

2001ರ ಭಾರತ ಜನಗಣತಿಯ ಪ್ರಕಾರ ಮಾಗಡಿಯ ಜನಸಂಖ್ಯೆ 25031 ದಷ್ಟಿದ್ದು ಅದರಲ್ಲಿ ಶೇಕಡಾ 51ರಷ್ಟು ಪುರುಷರಾದರೆ ಶೇಕಡಾ 49ರಷ್ಟು ಸ್ತ್ರೀ ಪ್ರಮಾಣವಿದೆ. ಇಲ್ಲಿನ ಸರಾಸರಿ ಸಾಕ್ಷರತಾ ಪ್ರಮಾಣ ಶೇಕಡಾ 67 ರಷ್ಟಿದೆ.ಇದು ರಾಷ್ಟ್ರೀಯ ಸಾಕ್ಷರತಾ ಪ್ರಮಾಣಕ್ಕಿಂತಲೂ(59.5%) ಹೆಚ್ಚಾಗಿರುವುದು ಇಲ್ಲಿ ಗಮನಾರ್ಹ. ಪುರುಷ ಸಾಕ್ಷರತಾ ಪ್ರಮಾಣ 73% ಮತ್ತು ಸ್ತ್ರೀ ಸಾಕ್ಷರತಾ ಪ್ರಮಾಣ 60%.

ಬಾಹ್ಯ ಸಂಪರ್ಕಗಳು[ಬದಲಾಯಿಸಿ]

http://people.bayt.com/nagesh-balaramaiah-21638991/

"https://kn.wikipedia.org/w/index.php?title=ಮಾಗಡಿ&oldid=591789" ಇಂದ ಪಡೆಯಲ್ಪಟ್ಟಿದೆ