ಬ್ರಾಂಕೈಟಿಸ್

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು

ಬ್ರಾಂಕೈಟಿಸ್ ಎನ್ನುವುದು ಒಂದು ಸೋಂಕು. ಇದು ಬ್ಯಾಕ್ಟೀರಿಯಾದಿಂದ ಬರುತ್ತದೆ[೧]. ಕೆಲವು ಬಾರಿ ನೆಗಡಿಯ ನಂತರ ಬರಬಹುದು. ಇಲ್ಲವದರೆ ಇಡೀ ವರ್ಷದಲ್ಲಿ ಆಗಾಗ್ಗೆ ಬರಬಹುದು. ದೀರ್ಘಕಾಲದವರೆಗೆ ತೊಂದರೆಯಾದರೆ ಶ್ವಾಸನಾಳಗಳು, ಶ್ವಾಸಕೋಶಗಳು ಭಾದಿಸಲ್ಪಡುತ್ತವೆ.ಈ ಬ್ರಾಂಕೈಟಿಸ ಕೆಲವರಿಗೆ ಅನಾಯಾಸವಾಗಿ ಸೋಂಕಿದರೆ, ಮತ್ತೆ ಕೆಲವರಿಗೆ ಕಾಡುವುದೇ ಇಲ್ಲ. ಕಾರಣವೇನೋ ತಿಳಿಯದು. ಸ್ತ್ರೀಯರಿಗಿಂತ ಪುರುಷರಿಗೆ ಈ ಕಾಯಿಲೆ ಬರುವುದು ಹೆಚ್ಚು. ಇದು ೧:೧೦ರ ಪ್ರಮಾಣದಲ್ಲಿರಬಹುದು. ಸಿಗರೇಟು, ಬೀಡಿ ಸೇದುವವರಿಗೆ ಶೇ.೫೦ರಷ್ಟು ಸಾಧ್ಯತೆ ಇದೆ.

ಲಕ್ಷಣಗಳು[ಬದಲಾಯಿಸಿ]

  • ಎಡೆಬಿಡದ ಕೆಮ್ಮ
  • ಉಸಿರಾಡೀದಾಗ ಬೆಕ್ಕು ಕೂಗಿದಂತಹ ಶಬ್ದವಿರುತ್ತದೆ.
  • ಕಫದಲ್ಲಿ ಕೀವು ತರಹ ಇದ್ದು ತಿಳಿಹಸಿರು ಅಥವಾ ಹಳದಿ ಬಣ್ಣವಿದ್ದು ಅಂಟಂಟಾಗಿರುತ್ತದೆ.
  • ಆಯಾಸ, ಹಸಿವಿಲ್ಲದಿರುವುದು, ತಲೆನೋವು, ಜ್ವರ ಇವು ಮುಖ್ಯ ಲಕ್ಷಣಗಳು.

ಎಷ್ಟು ದಿನ ಇರಬಹುದು?[ಬದಲಾಯಿಸಿ]

ಒಂದು ವಾರದಿಂದ ಮೂರು ವಾರದವರೆಗೂ ಇರಬಹುದು. ಬೇರೇನೂ ಕಾಯಿಲೆ ಇಲ್ಲದಿದ್ದರೆ ತನಗೆ ತಾನೇ ಶಮನವಾಗುತ್ತದೆ.

ಕಾರಣಗಳು[ಬದಲಾಯಿಸಿ]

ಶ್ವಾಸನಾಳಲ್ಲಿ ಪ್ರವೇಶಿಸಿದ ಹಲವು ರೀತಿಯ ಸೂಕ್ಷ್ಮ್ ಜೀವಾಣುಗಳು, ವೈರಸಗಳು, ಶ್ವಾಸಕೋಶದಲ್ಲಿ ಹೊಕ್ಕು ಸೋಂಕು ಉಂಟು ಮಾಡುತ್ತವೆ. ಶ್ವಾಸನಾಳದ ಪೊರೆ ಹಿಗ್ಗಿ ಉಸಿರಾಟದ ಮಾರ್ಗವನ್ನು ಕಿರಿದುಗೊಳಿಸುತ್ತದೆ. ಹೊರಗೆ ಹೋಗಬೇಕಾದ ಶ್ಲೇಷ್ಮ ಅಲ್ಲೇ ಬಂಧಿಯಾದುತ್ತದೆ. ಅದನ್ನು ಹೊರಹಾಕುವಲ್ಲಿ ಕೆಮ್ಮು ಬಂದು ಆಯಾಸವಾಗುತ್ತದೆ.

ಗಂಭೀರತೆ[ಬದಲಾಯಿಸಿ]

ರೋಗ ಗಂಭೀರವಾದರೆ ಮಕ್ಕಳಿಗೂ ವೃದ್ಧರಿಗೂ ನ್ಯುಮೋನಿಯಾ ಆಗಬಹುದು.

ಮನೆ ಮದ್ದು[ಬದಲಾಯಿಸಿ]

  • ಮನೆಯಲ್ಲಿ ಬೆಚ್ಚಗೆ ಇದ್ದು ವಿಶ್ರಾಂತಿ ತೆಗೆದುಕೊಳ್ಳುವುದು.
  • ಬಿಸಿ ಬಿಸಿ ಪಾನೀಯಗಳನ್ನು ಸೇವಿಸಬೇಕು. ಮುಕ್ತವಾಯು ಸಂಚಾರವಿರಬೆಕು.

ಡಾಕ್ಟರನ್ನು ಕಾಣುವುದು[ಬದಲಾಯಿಸಿ]

  • ಉಸಿರಾಟದಲ್ಲಿ ತೊಂದರೆ, ಕೆಮ್ಮಿದಾಗ ನೋವಾದರೆ.
  • ರೋಗಿಯು ಚಿಕ್ಕ ಮಗು ಅಥವಾ ಅತಿ ವೃಧ್ದರಾಗಿದ್ದರೆ.

ಡಾಕ್ಟರರ ಸಲಹೆ ಏನು?[ಬದಲಾಯಿಸಿ]

  • ಶರೀರಕ್ಕೆ ಶ್ರಮವಾದಂತೆ ನೋಡಿಕೊಳ್ಳಬೇಕು. ವಿಶ್ರಾಂತಿ ಅಗತ್ಯ. ಇದರಿಂದ ಶ್ವಾಸಕೋಶಕ್ಕೆ ಸೋಂಕು ಹರಡುದಂತೆ ಹಾಗೂ ನ್ಯುಮೋನಿಯಾಗೆ ಪರಿವರ್ತನೆಯಾಗದಂತೆ ತಡೆಯಬಹುದು.
  • ನ್ಯುಮೋನಿಯಾ ಆಗುವ ಸಂಭವವಿದ್ದಲ್ಲಿ, ಆಂಟಿಬಯಾಟಿಕ್ಸ್ ಔಷಧಿಯನ್ನು ತೆಗೆದುಕೊಳ್ಳಲು ಸಲಹೆ ನೀಡುತ್ತಾರೆ.
  • ಕೆಮ್ಮಿಗೆ ಔಷಧಿಗಳನ್ನು ತೆಗೆದುಕೊಳ್ಳಲು ಸೂಚಿಸುತ್ತಾರೆ.

ಎಚ್ಚರಿಕೆ[ಬದಲಾಯಿಸಿ]

  • ಸಿಗರೇಟು, ಬೀಡಿ ಸೇದುವುದನ್ನು ಸಂಪೂರ್ಣ ತ್ಯಜಿಸುವುದರ ಜೊತೆಗೆ, ಅಂತಹ ವಾತಾವರಣದಲ್ಲಿಯೂ ಇರಬಾರದು.
  • ಚಿಕ್ಕ ಮಕ್ಕಳು, ವೃದರು ಶೀತವಾತಾವರಣದಲ್ಲಿ ಮಲಗಬಾರದು.
  • ನೆಗಡಿಯಾದವರ, ಶ್ವಾಸಕೋಶ ಸೋಂಕುವುಳ್ಳವರ ಹತ್ತಿರ ಸುಳಿಯಬಾರದು.
  • ಅಕ್ಯೂಟ್ ಬ್ರಾಂಕೈಟಿಸ್‍ನಿಂದ ಅಂತಹ ದುಷ್ಪರಿಣಾಮವೇನು ಇಲ್ಲಾ.

ಉಲ್ಲೇಖ[ಬದಲಾಯಿಸಿ]

  1. ಆರೋಗ್ಯ ಕೈಪಿಡಿ, ಡಾ.ಸಿ.ಎಲ್.ವೆಂಕಟರಾಮ್. ಪುಟ ಸಂಖ್ಯೆ೫೬