ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ
ಜನನ	ಜೂನ್ ೨೧, ೧೯೫೩ ಬೊಟ್ಟಿಕೆರೆ, ಮಂಗಳೂರು ದಕ್ಷಿಣ ಕನ್ನಡ
ವೃತ್ತಿ	ಭಾಗವತ, ಪ್ರಸಂಗಕರ್ತ
ರಾಷ್ಟ್ರೀಯತೆ	ಭಾರತೀಯ
ಬಾಳ ಸಂಗಾತಿ	ಶೋಭಾ ಪೂಂಜ
ಮಕ್ಕಳು	ಜೀವಿತೇಶ್ ಪೂಂಜ, ಪರೀಕ್ಷಿತ್ ಪೂಂಜ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ಒಬ್ಬ ಯಕ್ಷಗಾನದ ಖ್ಯಾತ ಭಾಗವತರು ಮತ್ತು ಪ್ರಸಂಗಕರ್ತರು. ಅನೇಕ ಮೇಳಗಳಲ್ಲಿ ಭಾಗವತರಾಗಿದ್ದು ಸುಮಾರು ಕನ್ನಡ ಮತ್ತು ತುಳು ಪ್ರಸಂಗಗಳನ್ನು ಬರೆದಿದ್ದಾರೆ. ಯಕ್ಷರಂಗದ ಅಭಿನವ ವಾಲ್ಮೀಕಿ ಎಂಬ ಬಿರುದು ಇವರಿಗಿದೆ.

ಜೀವನ

ಬಾಲ್ಯ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ಅವರು ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರು ತಾಲ್ಲೂಕಿನ ಬೊಟ್ಟಿಕೆರೆ ಎಂಬಲ್ಲಿ ಜೂನ್ ೨೧, ೧೯೫೩ ರಲ್ಲಿ ಜನಿಸಿದರು. ತಂದೆ ತ್ಯಾಂಪಣ್ಣ ಪೂಂಜ; ತಾಯಿ ಜಲಜಾ ಪೂಂಜ.

ಶಿಕ್ಷಣ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ಬಿ ಎಸ್ಸಿ. ಪದವೀಧರರು. ಆನೆಗುಂಡಿ ಗಣಪತಿ ಭಟ್ ಹಾಗೂ ಹೊಸಹಿತ್ಲು ಮಹಾಲಿಂಗ ಭಟ್ ಅವರಿಂದ ಭಾಗವತಿಕೆ ಅಭ್ಯಾಸ ಮಾಡಿದ್ದಾರೆ.

ವೃತ್ತಿಜೀವನ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ಅವರು ಉಪ್ಪಳ ಭಗವತಿ ಮೇಳ, ಮುಂಬೈ ಗೀತಾಂಬಿಕಾ ಯಕ್ಷಗಾನ ಮಂಡಳಿ, ಪುತ್ತೂರು ಮೇಳ, ಕರ್ಣಾಟಕ ಮೇಳ, ಕಟೀಲು ಮೇಳಗಳಲ್ಲಿ ಭಾಗವತರಾಗಿ ವೃತ್ತಿ ನಿರ್ವಹಿಸಿದ್ದಾರೆ..

ವೈವಾಹಿಕ ಜೀವನ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ಅವರು ೧೯೯೦ ರಲ್ಲಿ ಶೋಭಾ ಪೂಂಜ ಅವರನ್ನು ವಿವಾಹವಾದರು.

ಸಾಹಿತ್ಯ ಕೃಷಿ

ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ಅವರು ಯಕ್ಷಗಾನ ಸಾಹಿತ್ಯ ಕ್ಷೇತ್ರಕ್ಕೆ ಸಾಕಷ್ಟು ಕೊಡುಗೆ ನೀಡಿದ್ದಾರೆ. ಇವರು ಬರೆದ ರಾಮಾಯಣ ಆಧಾರಿತ 'ಮಾನಿಷಾದ' ಪ್ರಸಂಗವು ಬಹಳ ಪ್ರಸಿದ್ಧಿಯನ್ನು ಹೊಂದಿದೆ.

ಯಕ್ಷಗಾನ ಪ್ರಸಂಗ ಕೃತಿಗಳು

1. ನಳಿನಾಕ್ಷ ನಂದಿನಿ
2. ಮಾನಿಷಾದ
3. ಮಾತಂಗ ಕನ್ಯೆ
4. ಸತಿ ಉಲೂಪಿ
5. ವಧೂ ವೈಶಾಲಿನಿ
6. ಉಭಯ ಕುಲ ಬಿಲ್ಲೋಜ
7. ಕ್ಷಾತ್ರ ಮೇಧ
8. ರಾಜಾ ದ್ರುಪದ
9. ಮನ್ಮಥೋಪಾಖ್ಯಾನ
10. ಗಂಡುಗಲಿ ಘಟೋತ್ಕಜ
11. ಪಾಂಚಜನ್ಯ
12. ಅಮರ ಸಿಂಧೂದ್ಭವ
13. ರುದ್ರಪಾದ

ಕಾಲ್ಪನಿಕ ಯಕ್ಷಗಾನ ಪ್ರಸಂಗಗಳು

1. ಮೇಘ ಮಯೂರಿ
2. ಮೇಘ ಮಾಣಿಕ್ಯ
3. ಅಮೃತ ವರ್ಷಿಣಿ
4. ಸ್ವ್ರರ್ಣ ನೂಪುರ

ತುಳು ಯಕ್ಷಗಾನ ಪ್ರಸಂಗಗಳು

1. ಐಗುಳೆ ದಚ್ಚಿನೆ
2. ಕುಡಿಯೆನ ಕೊಂಬಿರೆಳ್
3. ಕುಡಿಯೆನ ಕಣ್ಣ್
4. ಪಟ್ಟದ ಕತ್ತಿ
5. ದಳವಾಯಿ ಮುದ್ದಣ್ಣೆ
6. ಸ್ವರ್ಣ ಕೇದಗೆ
7. ಬಂಗಾರ್ದ ಗೆಜ್ಜೆ

ನಾಟಕಗಳು

1. ಹಿತ್ತಾಳೆ ಕಿವಿ
2. ಪಗರಿದ ಪಾಸ್

ನೃತ್ಯ ರೂಪಕಗಳು

1. ಅಂಧಕ ನಿದಾನ
2. ಭುವನಾಭಿರಾಮ
3. ಜೇವು ಕೇದಗೆ

ಇತರೆ ಕೃತಿಗಳು

1. ಬೀರೆ ದೇವು ಪೂಂಜೆ
2. ಪ್ರಬಂಧಗಳು