ಪದ್ಮಾವತಿ ದೇವಸ್ಥಾನ ವಡಂಬೈಲು

ವಿಕಿಪೀಡಿಯ ಇಂದ
Jump to navigation Jump to search

ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕಿನಲ್ಲಿರುವ ಜೋಗದಿಂದ ಸುಮಾರು 12 ಕಿ.ಮೀ. ದೂರದಲ್ಲಿರುವ ವಡಂಬೈಲು ಎಂಬಲ್ಲಿ ಈ ಕ್ಷೇತ್ರವಿದೆ. ಶರಾವತಿ ವಿದ್ಯದಾಗಾರದ ಪ್ರದೇಶವಾದ್ದರಿಂದ ಜೋಗದಿಂದ ಮೊದಲು ಅನುಮತಿ ಪತ್ರವನ್ನು ತೆಗೆದುಕೊಂಡು ಹೋಗಬೇಕು. ಚೆಕ್ ಪೋಸ್ಟ್ ಕೂಡ ಇದೆ. ಪ್ರಕೃತಿಯ ಮಡಿಲಲ್ಲಿ ಶ್ರೀ ಪದ್ಮಾವತಿ ಅಮ್ಮನವರ ದೇವಾಲಯವಿದೆ. ಶರಾವತಿ ತಟದಲ್ಲಿರುವ ಈ ದೇವಾಲಯ ಶರಾವತಿಯ ಹಿನ್ನೀರಿನಿಂದ ಆವೃತವಾಗಿದೆ. ದೇವಾಲಯದ ಸುತ್ತಮುತ್ತಲ ಪ್ರದೇಶ ಹಸಿರು ವನರಾಜಿಯಿಂದ ಕಂಗೊಳಿಸುತ್ತಿದೆ. ಶಾಂತಿ ಧಾಮವಾಗಿರುವ ಈ ದೇವಾಲಯವುಜೈನ ಪರಂಪರೆಯ ಇತಿಹಾಸವನ್ನು ಹೊಂದಿದೆ. ಅತಿ ಎತ್ತರವಾಗಿರುವ ಆದಿಶೇಷನ ವಿಗ್ರಹವೂ ಇಲ್ಲಿ ಇದೆ. ಈ ದೇವಾಲಯಕ್ಕೆ ರಾಜ್ಯದ ಅನೇಕ ಕಡೆಗಳಿಂದ ಭಕ್ತಾದಿಗಳು ಬರುತ್ತಾರೆ. ಇಲ್ಲಿ ಬಂದ ಭಕ್ತಾದಿಗಳಿಗೆ ವಸತಿ ಊಟದ ವ್ಯವಸ್ಥೆಯೂ ಇದೆ.

ಇಲ್ಲಿಂದ ಸುಮಾರು 2ಕಿ.ಮೀ. ದೂರದಲ್ಲಿ ಒಂದು ಶಿವನ ದೇವಾಲಯವಿದೆ. ಇದಕ್ಕೆ ಮರಾಠಿಕೇರಿ ಶ್ವೇತ ಲಿಂಗ ಎಂದು ಕರೆಯುವರು. ಸುಮಾರು 15ನೇ ಶತಮಾನದ ಇತಿಹಾಸ ಹೊಂದಿರುವ ಈ ದೇವಾಲಯವನ್ನು ರಾಣಿ ಚೆನ್ನ ಭೈರಾದೇವಿಯು ನಿರ್ಮಿಸಿದಳು. ಬಂಕನಬಳ್ಳು ಬಸದಿಯ ಪ್ರಾಂಗಣದೊಳಗೆ ಇದ್ದ ಇದು ವಟ್ಟಕ್ಕಿ ಮನೆತನದ ಸುಪರ್ಧಿಯಲ್ಲಿತ್ತು.(ಶಾಸನದ ಕಲ್ಲು ಮುಳುಗಡೆಯೊಂದಿಗೆ ನೀರಿನಲ್ಲಿ ಸಮಾದಿಯಾಗಿದೆ.) ವಟ್ಟಕ್ಕಿ ಮನೆತನದವರೇ ಇದರ ವಾರಸ್ದಾರರಾಗಿದ್ದರು. ಜೈನ ಮತದವಳಾಗಿದ್ದ ರಾಣಿಯು ಗೇರುಸೊಪ್ಪೆ ಹಿರೇಹೆನ್ನಿ,ದೇವರಮಕ್ಕಿ(ಶನಿಗದ್ಧೆ) ಸೇರಿದಂತೆ ಕೆಲವು ಕಡೆ ಒಟ್ಟು 8 ಶಿವಲಿಂಗವನ್ನು ಪ್ರತಿಷ್ಠಾಪಿಸಿದಳು. ಈ ದೇವಾಲಯದ ಶಿವಲಿಂಗವು ಬಿಳಿ ಬಣ್ಣದಲ್ಲಿದ್ದು ಶ್ವೇತಲಿಂಗವಾಗಿದೆ. ನಾಡಿನಲ್ಲಿ ಎಲ್ಲೂ ಕಾಣ ಸಿಗದ ಅಪರೂಪದ ೨ನೇ ಶಿವಲಿಂಗಗೆ ಇದಾಗಿದೆ.



ಉಲ್ಲೇಖ[ಬದಲಾಯಿಸಿ]

[೧] [೨]

[೩]

  1. https://www.tripoto.com/trip/why-padmavati-temple-near-jog-falls-is-exceptional-596e46a219fb2
  2. http://in.geoview.info/shri_kshetra_vadanbail_padmavati_digambar_jain_temple,51699789p
  3. https://www.alltravels.com/india/karnataka/talakalale/photos/current-photo-51699789