ದೊಡ್ದರಸಿನಕೆರೆ

ವಿಕಿಪೀಡಿಯ ಇಂದ
Jump to navigation Jump to search

ಇದುಮಂಡ್ಯ ಜಿಲ್ಲೆಮದ್ದೂರು ತಾಲ್ಲೂಕು, ಚಿಕ್ಕರಸಿನಕೆರೆ ಹೋಬಳಿಯ ದೊಡ್ದರಸಿನಕೆರೆ ಗ್ರಾಮ, ದೊಡ್ದರಸಿನಕೆರೆ ನಾಗರಿಕತೆ ಹಾಗೂ ವಿದ್ಯಾವಂತರ ಕಲಾಭಿಮಾನಿಗಳ ಹಾಗೂ ಕ್ರೀಡಾಭಿಮಾನಿಗಳ ತವರೂರು. ಸಾಂಸ್ಕೃತಿಕ ಮತ್ತು ಶೈಕ್ಷಣಿಕವಾಗಿ ಮುಂದುವರಿದ ಗ್ರಾಮ. ಇದು ಮದ್ದೂರು ಮಳವಳ್ಳಿ ಮುಖ್ಯ ರಸ್ತೆಯಿಂದ ಸುಮಾರು ೧ ಕಿ.ಮೀ. ದೂರದಲ್ಲಿದ್ದು , ೩ಚದರ ಕಿ.ಮೀ. ವಿಸ್ತೀರ್ಣ ಹೊಂದಿದೆ. ರಾಜ "ದೊಡ್ದರಸ"ರಿಂದ ನಿರ್ಮಾಣವಾದ ಮತ್ತು ೭೦೦೦ ಮತದಾರರನ್ನು ಹೊಂದಿರುವ ತಾಲ್ಲುಕಿನ ಅತಿದೊಡ್ಡ ಗ್ರಾಮ. ವ್ಯವಸಾಯೋದ್ದೇಶಕ್ಕಾಗಿ ೨ ಕೆರೆಗಳನ್ನು ಹೊಂದಿದೆ. ಗ್ರಾಮದ ಪ್ರಮುಖ ಬೆಳೆಗಳು ಕಬ್ಬು ಬತ್ತ ಮತ್ತು ತರಕಾರಿ. ಉಪಕಸುಬುಗಳಾದ ಮೀನುಗಾರಿಕೆ ಮತ್ತು ಹೈನುಗಾರಿಕೆಯು ಕೂಡ ಪ್ರಮುಖವಾದುದ್ದು. ದೊಡ್ದರಸಿನಕೆರೆ ಗ್ರಾಮ ಪಂಚಾಯಿತಿಯು ಸುತ್ತಲಿನ ಮುಟ್ಟನಹಳ್ಳಿ ಕುರಿಕೆಂಪನದೊಡ್ಡಿ, ದೇವರಹಳ್ಳಿ, ಗೌಡಯ್ಯನದೊಡ್ಡಿ, ಹಾಗೂ ಚಿಕ್ಕಮರಿಗೌಡನದೊಡ್ಡಿ ಎಂಬ ೫ ಗ್ರಾಮಗಳನ್ನೂ ಒಳಗೊಂಡಿದೆ. ೨೦೧೦ರ ಜನಗಣತಿಯ ಪ್ರಕಾರ ಜನಸಂಖ್ಯೆ ೯೩೯೨ ಹೊಂದಿದ್ದು ೪೮೨೪ ಗಂಡಸರು ಹಾಗೂ ೪೫೬೮ ಹೆಂಗಸರು ವಾಸಿಸುತ್ತಿದ್ದಾರೆ. ದೊಡ್ದರಸಿನಕೆರೆ ಗ್ರಾಮವು ಸುಮಾರು ೨೦ ದೇವಾಲಯಗಳನ್ನು ಹೊಂದಿದ್ದು, ಅದರಲ್ಲಿ ಪ್ರಮುಖವಾದವು, ಏಳೂರಮ್ಮ, ಕಾಳಮ್ಮ, ಕ್ಯಾತಮ್ಮ, ಹಿರಿಯಮ್ಮ, ಸಣ್ಣಕ್ಕಿರಾಯ, ಹನುಮಂತರಾಯ, ಪೊeತಲಿಂಗೇಶ್ವರ. ವಿಶೇಷವಾಗಿ ಚೋಳರ ಕಾಲದಲ್ಲಿ ಸ್ಥಾಪಿತವಾದ "ಮಾಧವರಾಯ" ದೇವಾಲಯವು ಒಂದು, ಆದರೆ ಈ ದೇವಾಲಯವು ಶಿಥಿಲವಾಗಿದ್ದು ವಿನಾಶದ ಅಂಚಿನಲ್ಲಿದೆ. ಇಲ್ಲಿನ ಸುಪ್ರಸಿದ್ದ ಹಾಗು ಕಾಲಭೈರವೇಶ್ವರನ ಮೂಲ ಬಸವಪ್ಪನ ಮೇಲೆ ತುಂಬಾ ಭಕ್ತಿ. ಊರಿನಲ್ಲಿ ಪ್ರತಿ ವರ್ಷ ಫೆಬ್ರುವರಿ ತಿಂಗಳಲ್ಲಿ ನಡೆಯುವ "ಸಿಡಿಹಬ್ಬ" ಜಿಲ್ಲೆಯಲ್ಲೇ ಪ್ರಸಿದ್ದವಾಗಿದ್ದು, ಹಬ್ಬವನ್ನು ಗ್ರಾಮಸ್ತರು ಜಾತಿಬೇಧವಿಲ್ಲದೆ ವಿಜೃಂಭಣೆಯಿಂದ ಆಚರಿಸುತ್ತಾರೆ. ಸಮಾಜಕ್ಕೆ ದೊಡ್ದರಸಿನಕೆರೆ ಗ್ರಾಮದ ಕೊಡುಗೆ ಅಪಾರ. ಪ್ರಮುಖವಾಗಿ ಹಲವಾರು ಗಣ್ಯರನ್ನು ಸಮಾಜಕ್ಕೆ ಕೊಡುಗೆಯಾಗಿ ನೀಡಿದೆ. ಕನ್ನಡ ಚಿತ್ರರಂಗದ ಸುಪ್ರಸಿದ್ದ ನಟ ಹಾಗೂ ವಸತಿ ಸಚಿವ "ಅಂಬರೀಷ್" ಹಾಗು ಮದ್ದೂರು ತಾಲ್ಲುಕಿನ ಶಾಸಕರು ಆದ "ಡಿ.ಸಿ.ತಮ್ಮಣ್ಣ" ನವರ ಹುಟ್ಟೂರು ಈ ದೊಡ್ದರಸಿನಕೆರೆ. ಆಗಾಗ್ಗೆ ಗ್ರಾಮದ ಉತ್ಸಾಹಿ ಯುವಕರು ಹಾಗು ಗ್ರಾಮಸ್ತರೆಲ್ಲರು ಸೇರಿ ಕ್ರೀಡಾ ಪಂದ್ಯಾವಳಿಗಳು ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನೂ ವಿಜೃಂಭಣೆಯಿಂದ ಆಚರಿಸುತ್ತಾರೆ. ಗ್ರಾಮವು ವ್ಯವಸಾಯ ಸೇವಾ ಸಹಾಕಾರ ಬ್ಯಾಂಕ್, ಹಾಲು ಉತ್ಪಾದಕರ ಸಹಾಕಾರ ಸಂಘ ಮತ್ತು ಹಲವಾರು ಸ್ತ್ರೀಶಕ್ತಿ ಹಾಗೂ ಸ್ವಸಹಾಯ ಸಂಘಗಳನ್ನು ಹೊಂದಿದೆ. ಇತ್ತೀಚೆಗೆ ಕಾವೇರಿ ಗ್ರಾಮೀಣ ಬ್ಯಾಂಕ್ ತನ್ನ ಶಾಖೆಯನ್ನು ಹೊಸದಾಗಿ ದೊಡ್ದರಸಿನಕೆರೆ ಗ್ರಾಮದಲ್ಲಿ ತೆರೆಯಲಾಗಿದೆ. ಗ್ರಾಮದಲ್ಲಿ ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿಯಿದ್ದು , ಸುತ್ತಮುತ್ತಲ ಪ್ರದೇಶಗಳಲ್ಲೇ ಮೊದಲ ಬಾರಿಗೆ ಪ್ರಾಥಮಿಕ ಆರೋಗ್ಯ ಕೇಂದ್ರ, ಹತ್ತು ಹಾಸಿಗೆಗಳುಳ್ಳ ಹೆರಿಗೆ ಆಸ್ಪತ್ರೆ ಮತ್ತು ಪಶು ವೈದ್ಯಕೀಯ ಆಸ್ಪತ್ರೆಗಳನ್ನು ತೆರೆಯಲಾಗಿದೆ. ಶಿಕ್ಷಣ ಕ್ಷೇತ್ರದಲ್ಲಿ ಕೂಡ ದೊಡ್ದರಸಿನಕೆರೆ ಗ್ರಾಮವು ಮುಂಚೂಣಿಯಲ್ಲಿದ್ದು , ಗ್ರಾಮದಲ್ಲಿ ಸರ್ಕಾರಿ ಕಿರಿಯ ಮತ್ತು ಹಿರಿಯ ಪ್ರಾಥಮಿಕ ಶಾಲೆ, ಮೆಟ್ರಿಕ್ ಪೂರ್ವ ಬಾಲಕರ ವಸತಿನಿಲಯ ಸ್ಥಾಪಿಸಲಾಗಿದೆ. ಸರ್ಕಾರದ ಅನುದಾನದಲ್ಲಿ ಶ್ರೀ ಕಾಳಿಕಾಂಭ ಹಿರಿಯ ಪ್ರಾಥಮಿಕ ಶಾಲೆ, ಪ್ರೌಢಶಾಲೆ ಮತ್ತು ಪದವಿ ಪೂರ್ವ ಕಾಲೇಜುಗಳ ಮೂಲಕ ಸುಮಾರು ೨೦ಕ್ಕೂ ಹೆಚ್ಚು ವರ್ಷಗಳಿಂದ ನುರಿತ ಶಿಕ್ಷಕರಿಂದ ಉತ್ತಮವಾದ ಶಿಕ್ಷಣ ನೀಡಲಾಗುತ್ತಿದೆ.