ಜೋಶುವಾ ಆಂಗ್ರಿಸ್ಟ್
ಜೋಶುವಾ ಡೇವಿಡ್ ಆಂಗ್ರಿಸ್ಟ್ (ಜನನ ಸೆಪ್ಟೆಂಬರ್ 18, 1960) [೧] -ಇಸ್ರೇಲಿ ಅಮೇರಿಕನ್ ಅರ್ಥಶಾಸ್ತ್ರಜ್ಞ ಮತ್ತು ಮ್ಯಾಸಚೂಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಅರ್ಥಶಾಸ್ತ್ರದ ಫೋರ್ಡ್ ಪ್ರೊಫೆಸರ್. [೨] 2021 ರಲ್ಲಿ ಆಂಗ್ರಿಸ್ಟ್ ಅವರಿಗೆ ಡೇವಿಡ್ ಕಾರ್ಡ್ ಮತ್ತು ಗೈಡೊ ಇಂಬೆನ್ಸ್ ಅವರ ಜೊತೆ ಅರ್ಥಶಾಸ್ತ್ರದಲ್ಲಿ ನೊಬೆಲ್ ಸ್ಮಾರಕ ಪ್ರಶಸ್ತಿಯನ್ನು ನೀಡಲಾಯಿತು. ಆಂಗ್ರಿಸ್ಟ್ ಮತ್ತು ಇಂಬೆನ್ಸ್ ಅವರುಗಳು ಬಹುಮಾನದ ಅರ್ಧದಷ್ಟು ಭಾಗವನ್ನು "ಕಾರಣ ಸಂಬಂಧಗಳ ವಿಶ್ಲೇಷಣೆಗೆ ಅವರ ಕ್ರಮಬದ್ಧ ಕೊಡುಗೆಗಳಿಗಾಗಿ" ಹಂಚಿಕೊಂಡರು. [೩]
ಅವರು ಕಾರ್ಮಿಕ ಅರ್ಥವ್ಯವಸ್ಥೆ, [೪] ನಗರ ಅರ್ಥಶಾಸ್ತ್ರ, [೫] ಮತ್ತು ಶಿಕ್ಷಣ ಆರ್ಥಿಕತೆ, [೬] ಇವುಗಳಲ್ಲಿ ವಿಶ್ವದ ಪ್ರಮುಖ ಅರ್ಥಶಾಸ್ತ್ರಜ್ಞರ ಪೈಕಿ ಸ್ಥಾನ ಪಡೆದಿದ್ದಾರೆ ಹಾಗೂ ಸಾರ್ವಜನಿಕ ನೀತಿಗಳ ಪರಿಣಾಮಗಳು ಮತ್ತು ಆರ್ಥಿಕ ಅಥವಾ ಸಾಮಾಜಿಕ ಸಂದರ್ಭಗಳಲ್ಲಿ ಬದಲಾವಣೆಗಳ ಅಧ್ಯಯನದಲ್ಲಿ ಭಾಗಶಃ ಪ್ರಾಯೋಗಿಕ ಸಂಶೋಧನೆ ವಿನ್ಯಾಸಗಳ ಬಳಕೆಗೆ ಹೆಸರುವಾಸಿ ಆಗಿದ್ದಾರೆ. . ಅವರು ಎಂಐಟಿಯ ಸ್ಕೂಲ್ ಎಫೆಕ್ಟಿವ್ನೆಸ್ ಮತ್ತು ಅಸಮಾನತೆಯ ಉಪಕ್ರಮದ ಸಹ-ಸಂಸ್ಥಾಪಕರು ಮತ್ತು ಸಹ-ನಿರ್ದೇಶಕರಾಗಿದ್ದಾರೆ, [೭] ಆ ಸಂಸ್ಥೆಯು ಯುಎಸ್ನಲ್ಲಿ ಮಾನವ ಬಂಡವಾಳ ಮತ್ತು ಆದಾಯ ಅಸಮಾನತೆಯ ನಡುವಿನ ಸಂಬಂಧವನ್ನು ಅಧ್ಯಯನ ಮಾಡುತ್ತದೆ
ಜೀವನಚರಿತ್ರೆ
[ಬದಲಾಯಿಸಿ]ಆಪ್ಫ಼್ ಓಹಿಯೋದ ಕೊಲಂಬಸ್‌ನಲ್ಲಿ ಯಹೂದಿ ಕುಟುಂಬದಲ್ಲಿ ಜನಿಸಿ ಪೆನ್ಸಿಲ್ವೇನಿಯಾದ ಪಿಟ್ಸ್‌ಬರ್ಗ್‌ನಲ್ಲಿ ಬೆಳೆದ ಆಂಗ್ರಿಸ್ಟ್ ಅವರು ಓಬರ್ಲಿನ್ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದರು, ಅಲ್ಲಿ ಅವರು 1982 ರಲ್ಲಿ ಅರ್ಥಶಾಸ್ತ್ರದಲ್ಲಿ ಬಿಎ ಪಡೆದರು. ಅವರು 1982 ರಿಂದ 1985 ರವರೆಗೆ ಇಸ್ರೇಲ್‌ನಲ್ಲಿ ವಾಸಿಸುತ್ತಿದ್ದರು ಮತ್ತು ಇಸ್ರೇಲಿ ರಕ್ಷಣಾ ಪಡೆಗಳಲ್ಲಿ ಪ್ಯಾರಾಟ್ರೂಪರ್ ಆಗಿ ಸೇವೆ ಸಲ್ಲಿಸಿದರು. [೮] ಆಂಗ್ರಿಸ್ಟ್ ಅವರು ಪ್ರಿನ್ಸ್ಟನ್ ವಿಶ್ವವಿದ್ಯಾಲಯದಿಂದ ಅರ್ಥಶಾಸ್ತ್ರದಲ್ಲಿ ಕ್ರಮವಾಗಿ 1987 ಮತ್ತು 1989 ರಲ್ಲಿಎಂಎ ಮತ್ತು ಪಿಎಚ್‌ಡಿ ಪಡೆದರು. . ಅವರ ಡಾಕ್ಟರೇಟ್ ಪ್ರಬಂಧ, ವಿಯೆಟ್ನಾಂ ಎರಾ ಡ್ರಾಫ್ಟ್ ಲಾಟರಿಯ ಇಕೋನೊಮೆಟ್ರಿಕ್ ಅನಾಲಿಸಿಸ್ ಅನ್ನು ಓರ್ಲೆ ಅಶೆನ್‌ಫೆಲ್ಟರ್ ಅವರು ಮೇಲ್ವಿಚಾರಣೆ ಮಾಡಿದರು ಮತ್ತು ನಂತರ ಅದು ಕಂತುಗಳಲ್ಲಿ ಅಮೆರಿಕನ್ ಎಕನಾಮಿಕ್ ರಿವ್ಯೂನಲ್ಲಿ ಪ್ರಕಟವಾಯಿತು. [೯] ಪಿಎಚ್‌ಡಿ ಪೂರ್ಣಗೊಳಿಸಿದ ನಂತರ, ಆಂಗ್ರಿಸ್ಟ್ ಅವರು 1991 ರವರೆಗೆ ಹಾರ್ವರ್ಡ್ ವಿಶ್ವವಿದ್ಯಾಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇರಿಕೊಂಡರು, ಅವರು ಇಸ್ರೇಲ್‌ಗೆ ಹಿಬ್ರೂ ವಿಶ್ವವಿದ್ಯಾಲಯದಲ್ಲಿ ಹಿರಿಯ ಉಪನ್ಯಾಸಕರಾಗಿ (ಯುಎಸ್ ವ್ಯವಸ್ಥೆಯಲ್ಲಿ ಸಹಾಯಕ ಪ್ರಾಧ್ಯಾಪಕರಿಗೆ ಸಮನಾದ) ಮರಳಿದರು. [೧೦] ಹೀಬ್ರೂ ವಿಶ್ವವಿದ್ಯಾನಿಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಬಡ್ತಿ ಪಡೆದ ನಂತರ, ಅವರು 1996 ರಲ್ಲಿ MIT ಯ ಅರ್ಥಶಾಸ್ತ್ರ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇರಿದರು, 1998 ರಲ್ಲಿ ಪ್ರಾಧ್ಯಾಪಕರಾದರು. 2008 ರಿಂದ, ಅವರು MIT ಯ ಅರ್ಥಶಾಸ್ತ್ರದ ಫೋರ್ಡ್ ಪ್ರಾಧ್ಯಾಪಕರಾಗಿ ಅದರ ವಿದ್ಯಾರ್ಥಿಗಳಿಗೆ ಅರ್ಥಶಾಸ್ತ್ರ ಮತ್ತು ಕಾರ್ಮಿಕ ಅರ್ಥಶಾಸ್ತ್ರವನ್ನು ಕಲಿಸುತ್ತಿದ್ದಾರೆ. ಅವರು ಹೆಚ್ಚುವರಿಯಾಗಿ 2018 ರಲ್ಲಿ ಕೊಲಂಬಿಯಾ ವಿಶ್ವವಿದ್ಯಾಲಯದಲ್ಲಿ ವೆಸ್ಲಿ ಕ್ಲೇರ್ ಮಿಚೆಲ್ ವಿಸಿಟಿಂಗ್ ಪ್ರೊಫೆಸರ್ ಆಗಿ ಸೇವೆ ಸಲ್ಲಿಸಿದರು. [೧೧] ಆಂಗ್ರಿಸ್ಟ್ ನ್ಯಾಷನಲ್ ಬ್ಯೂರೋ ಆಫ್ ಎಕನಾಮಿಕ್ ರಿಸರ್ಚ್, [೧೨] IZA ಇನ್ಸ್ಟಿಟ್ಯೂಟ್ ಆಫ್ ಲೇಬರ್ ಎಕನಾಮಿಕ್ಸ್, ಅಮೇರಿಕನ್ ಎಕನಾಮಿಕ್ ಅಸೋಸಿಯೇಷನ್, ಅಮೇರಿಕನ್ ಸ್ಟ್ಯಾಟಿಸ್ಟಿಕಲ್ ಅಸೋಸಿಯೇಷನ್, ಎಕಾನೊಮೆಟ್ರಿಕ್ ಸೊಸೈಟಿ, ಅಮೇರಿಕಾ ಪಾಪ್ಯುಲೇಷನ್ ಅಸೋಸಿಯೇಷನ್ ಮತ್ತು ಸೊಸೈಟಿ ಆಫ್ ಲೇಬರ್ ಎಕನಾಮಿಸ್ಟ್‌ಗಳೊಂದಿಗೆ ಸಂಬಂಧ ಹೊಂದಿದ್ದಾರೆ . ವೃತ್ತಿಪರ ಸೇವೆಯ ದೃಷ್ಟಿಯಿಂದ, ಅವರು ಇಕಾನೊಮೆಟ್ರಿಕಾ, ಅಮೇರಿಕನ್ ಎಕನಾಮಿಕ್ ರಿವ್ಯೂ, ಅನ್ವಯಿಕೆ ಅರ್ಥಶಾಸ್ತ್ರ: ಅಮೆರಿಕನ್ ಇಕನಾಮಿಕ್ ಜರ್ನಲ್, ಜರ್ನಲ್ ಆಫ್ ಬಿಸಿನೆಸ್ ಅಂಡ್ ಎಕನಾಮಿಕ್ ಅಂಕಿಅಂಶ, ಅರ್ಥಶಾಸ್ತ್ರ ಲೆಟರ್ಸ್, ಕಾರ್ಮಿಕ ಅರ್ಥಶಾಸ್ತ್ರ ಮತ್ತು ಜರ್ನಲ್ ಆಫ್ ಲೇಬರ್ ಎಕನಾಮಿಕ್ಸ್ ಈ ಎಲ್ಲ ಪತ್ರಿಕೆಗಳಲ್ಲಿ ಸಂಪಾದಕೀಯ ಕರ್ತವ್ಯಗಳನ್ನು ನಿರ್ವಹಿಸಿದ್ದಾರೆ.
ಆಂಗ್ರಿಸ್ಟ್ ಯುಎಸ್-ಇಸ್ರೇಲಿ ಉಭಯ ಪೌರತ್ವವನ್ನು ಹೊಂದಿದ್ದಾರೆ [೧೩] ಮತ್ತು ಮ್ಯಾಸಚೂಸೆಟ್ಸ್‌ನ ಬ್ರೂಕ್‌ಲೈನ್‌ನಲ್ಲಿ ವಾಸಿಸುತ್ತಿದ್ದಾರೆ.
ಗೌರವಗಳು ಮತ್ತು ಪ್ರಶಸ್ತಿಗಳು
[ಬದಲಾಯಿಸಿ]ಆಂಗ್ರಿಸ್ಟ್ ಅವರು ಇನ್ಸ್ಟಿಟ್ಯೂಟ್ ಫಾರ್ ದಿ ಸ್ಟಡಿ ಆಫ್ ಲೇಬರ್ (IZA) ನಲ್ಲಿ ಸಂಶೋಧನಾ ಫೆಲೋ ಆಗಿದ್ದಾರೆ. ಅವರು ಎಕಾನೊಮೆಟ್ರಿಕ್ ಸೊಸೈಟಿಯ ಸಹ ಸದಸ್ಯರಾಗಿದ್ದಾರೆ. ಅವರು 2006 ರಲ್ಲಿ ಅಮೇರಿಕನ್ ಅಕಾಡೆಮಿ ಆಫ್ ಆರ್ಟ್ಸ್ ಅಂಡ್ ಸೈನ್ಸಸ್‌ನ ಫೆಲೋ ಆಗಿ ಆಯ್ಕೆಯಾದರು [೧೪] 2007 ರಲ್ಲಿ ಆಂಗ್ರಿಸ್ಟ್ ಸೇಂಟ್ ಗ್ಯಾಲೆನ್ ವಿಶ್ವವಿದ್ಯಾಲಯದಿಂದ ಅರ್ಥಶಾಸ್ತ್ರದಲ್ಲಿ ಗೌರವ ಡಾಕ್ಟರೇಟ್ ಪಡೆದರು. ಅವರು ಬುಡಾಪೆಸ್ಟ್‌ನ ರಾಜ್‌ಕ್ ಲಾಸ್ಲೆ ಕಾಲೇಜ್ ಫಾರ್ ಅಡ್ವಾನ್ಸ್ಡ್ ಸ್ಟಡೀಸ್‌ನಿಂದ ವಾರ್ಷಿಕವಾಗಿ ನೀಡಲಾಗುವ 2011 ರ ಜಾನ್ ವಾನ್ ನ್ಯೂಮನ್ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.
ಆಂಗ್ರಿಸ್ಟ್ 2021 ರ ಅರ್ಥಶಾಸ್ತ್ರದಲ್ಲಿ ನೊಬೆಲ್ ಸ್ಮಾರಕ ಪ್ರಶಸ್ತಿಯನ್ನು ಗೆದ್ದರು,
ಉಲ್ಲೇಖಗಳು
[ಬದಲಾಯಿಸಿ]- ↑ "Angrist, Joshua David - Full record view - Libraries Australia Search".
- ↑ "MIT Economics: Joshua Angrist". Retrieved 11 May 2011.
- ↑ "The Prize in Economic Sciences 2021" (PDF) (Press release). Royal Swedish Academy of Sciences. October 11, 2021.
- ↑ Joshua Angrist ranked 15th among 3037 authors registered in the field of labor economics on IDEAS/RePEc. Retrieved July 20th, 2019.
- ↑ Joshua Angrist ranked 4th among 3323 authors registered in the field of urban and real estate economics on IDEAS/RePEc. Retrieved July 20th, 2019.
- ↑ Joshua Angrist ranked 3rd among 1427 authors registered in the field of education on IDEAS/RePEc. Retrieved July 20th, 2019.
- ↑ "School Effectiveness & Inequality Initiative: Joshua Angrist". 11 May 2012.
- ↑ "Maimonides in the classroom: The research that led Angrist to the Nobel". Times of Israel. October 11, 2021. Retrieved October 11, 2021.
- ↑ Angrist, Joshua D. (1990). "Lifetime Earnings and the Vietnam Era Draft Lottery: Evidence from Social Security Administrative Records". American Economic Review. 80 (3): 313–336. JSTOR 2006669.
- ↑ "Curriculum Vitae: Joshua D.Angrist". Archived from the original on 20 ಫೆಬ್ರವರಿ 2012. Retrieved 10 June 2011.
- ↑ "Joshhua D. Angrist (01/2021)". MIT Department of Economics. Archived from the original on 2021-10-11. Retrieved 2021-10-13.
- ↑ "NBER: Joshua Angrist". Retrieved 11 May 2012.
- ↑ "NBER Profile: Joshua Angrist". National Bureau of Economic Research. Retrieved 10 June 2011.
- ↑ "Book of Members, 1780–2010: Chapter A" (PDF). American Academy of Arts and Sciences. Retrieved 18 April 2011.