ವಿಷಯಕ್ಕೆ ಹೋಗು

ಗ್ಲಾಕ್ಸೊ ಸ್ಮಿತ್‌ಕ್ಲೈನ್

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
GlaxoSmithKline plc
ಸಂಸ್ಥೆಯ ಪ್ರಕಾರPublic limited company
(LSE: GSK
NYSE: GSK)
ಸ್ಥಾಪನೆ2000, by merger of Glaxo Wellcome and SmithKline Beecham
ಮುಖ್ಯ ಕಾರ್ಯಾಲಯLondon, United Kingdom
ಪ್ರಮುಖ ವ್ಯಕ್ತಿ(ಗಳು)Chris Gent, Chairman
Andrew Witty, Chief Executive
Simon Dingemans, Chief Financial Officer
Dr. Moncef Slaoui, Chairman of Research and Development
ಉದ್ಯಮPharmaceutical
ಉತ್ಪನ್ನPharmaceuticals
ಆದಾಯ£28.392 billion(2010)[೧]
ಆದಾಯ(ಕರ/ತೆರಿಗೆಗೆ ಮುನ್ನ)£5.128 billion (2010)[೧]
ನಿವ್ವಳ ಆದಾಯ£1.853 billion (2010)[೧]
ಉದ್ಯೋಗಿಗಳು99,000 (2009)[೨]
ಜಾಲತಾಣwww.gsk.com

ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಪಿಎಲ್‌ಸಿ (LSE: GSK NYSE: GSK), ಸಾಮಾನ್ಯವಾಗಿ GSK ಯೆಂದು ಸಂಕ್ಷಿಪ್ತವಾಗಿದ್ದು, ಜಾಗತಿಕ ಔಷಧಿ, ಜೈವಿಕಗಳು, ಲಸಿಕೆಗಳು ಮತ್ತು ಗ್ರಾಹಕ ಆರೋಗ್ಯಸೇವೆ ಕಂಪೆನಿಯಾಗಿದ್ದು, ಯುನೈಟೆಡ್ ಕಿಂಗ್ಡಂನ ಲಂಡನ್‌ನಲ್ಲಿ ಕೇಂದ್ರ ಕಾರ್ಯಾಲಯಯನ್ನು ಹೊಂದಿದೆ. ಇದರ ಆದಾಯಗಳಿಂದ ಅಳತೆ ಮಾಡಿದಾಗ ವಿಶ್ವದ ಮೂರನೇ ಅತೀ ದೊಡ್ಡ ಔಷಧೀಯ ಕಂಪೆನಿಯಾಗಿದೆ(ಜಾನ್ಸನ್ & ಜಾನ್ಸನ್ ಮತ್ತು ಫೈಜರ್ ನಂತರ).[೩] ಆಸ್ತಮಾ, ಕ್ಯಾನ್ಸರ್, ವೈರಸ್ ನಿಯಂತ್ರಣ, ಸೋಂಕುಗಳು, ಮಾನಸಿಕ ಆರೋಗ್ಯ, ಮಧುಮೇಹ ಮತ್ತು ಜೀರ್ಣಕಾರಿ ಪರಿಸ್ಥಿತಿಗಳು ಒಳಗೊಂಡಂತೆ ಪ್ರಮುಖ ಕಾಯಿಲೆ ಕ್ಷೇತ್ರಗಳಲ್ಲಿ ಉತ್ಪನ್ನಗಳ ಪಟ್ಟಿಯನ್ನು ಹೊಂದಿದೆ.[೪] ಇದು ದೊಡ್ಡ ಗ್ರಾಹಕ ಆರೋಗ್ಯಸೇವೆ ವಿಭಾಗವನ್ನು ಹೊಂದಿದ್ದು, ಬಾಯಿಯ ಮೂಲಕ ತೆಗೆದುಕೊಳ್ಳುವ ಆರೋಗ್ಯಸೇವೆ ಉತ್ಪನ್ನಗಳನ್ನು, ಪೌಷ್ಠಿಕ ಪಾನೀಯಗಳನ್ನು ಕೌಂಟರ್‌ಗಳಲ್ಲಿ ಮಾರಾಟ ಮಾಡುವ ಔಷಧಿಗಳನ್ನು ಸೆನ್ಸೊಡೈನ್, ಹಾರ್ಲಿಕ್ಸ್ ಮತ್ತು ಗ್ಯಾವಿಸ್ಕನ್ ಉತ್ಪಾದಿಸುತ್ತದೆ ಮತ್ತು ಮಾರಾಟಮಾಡುತ್ತದೆ.[೪]

ಲಂಡನ್ ಷೇರು ವಿನಿಮಯ ಕೇಂದ್ರದಲ್ಲಿ ಇದನ್ನು ಪ್ರಮುಖವಾಗಿ ಪಟ್ಟಿಮಾಡಲಾಗಿದ್ದು, FTSE 100 ಸೂಚ್ಯಂಕದ ಅಂಗವಾಗಿದೆ. ನ್ಯೂಯಾರ್ಕ್ ಷೇರು ವಿನಿಮಯ ಕೇಂದ್ರದಲ್ಲಿ ಇದರ ಎರಡನೇ ಪಟ್ಟಿಯಿದೆ.

ಇತಿಹಾಸ

[ಬದಲಾಯಿಸಿ]
ಜರ್ಮನಿಯ ಹ್ಯಾಂಬರ್ಗ್‌ನಲ್ಲಿ ಮುಂಚಿನ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಕಟ್ಟಡ

ಜಿಎಸ್‌ಕೆಯು ಗ್ಲಾಕ್ಸೊವೆಲ್‌ಕಂ ಪಿಎಲ್‌ಸಿ (ಗ್ಲಾಕ್ಸೊ ಪಿಎಲ್‌ಸಿಯಿಂದ ವೆಲ್‌ಕಂ ಪಿಎಲ್‌ಸಿ ಸ್ವಾಧೀನದಿಂದ ರಚನೆ) ಮತ್ತು ಸ್ಮಿತ್‌ಕ್ಲೈನ್ ಬೀಚಂ ಪಿಎಲ್‌ಸಿ (ಬೀಚಂ ಪಿಎಲ್‌ಸಿ ಮತ್ತು ಸ್ಮಿತ್‌ಕ್ಲೈನ್ ಬೆಕ್‌ಮ್ಯಾನ್ ಕಾರ್ಪೊರೇಷನ್ ವಿಲೀನದಿಂದ ರಚನೆ) ವಿಲೀನದಿಂದ 2000ನೇ ಇಸವಿಯಲ್ಲಿ ಸ್ಥಾಪನೆಯಾಯಿತು.

ಗ್ಲಾಕ್ಸೊವೆಲ್‌ಕಂ

[ಬದಲಾಯಿಸಿ]

1880ರಲ್ಲಿ ಅಮೆರಿಕದ ಔಷಧಿಕಾರರಾದ(ಫಾರ್ಮಸಿಸ್ಟ್) ಹೆನ್ರಿ ವೆಲ್‌ಕಂ ಮತ್ತು ಸೈಲಾಸ್ ಬರೋಸ್ಲಂಡನ್‌ನಲ್ಲಿ ಬರೋಸ್ ವೆಲ್‌ಕಂ & ಕಂಪೆನಿ ಯನ್ನು ಸ್ಥಾಪಿಸಿದರು.[೫] ವೆಲ್‌ಕಂ ಟ್ರಾಪಿಕಲ್ ರೀಸರ್ಚ್ ಲ್ಯಾಬೋರೇಟರೀಸ್ 1902ರಲ್ಲಿ ಆರಂಭವಾಯಿತು.[೫] 1959ರಲ್ಲಿ ವೆಲ್‌ಕಂ ಕಂಪೆನಿಯು ಪ್ರಾಣಿ ಆರೋಗ್ಯದಲ್ಲಿ ಹೆಚ್ಚು ಸಕ್ರಿಯವಾಗಿರಲು ಕೂಪರ್, ಮೆಕ್‌ಡೌಗಾಲ್ ಮತ್ತು ರಾಬರ್ಟ್‌ಸನ್ ಇಂಕ್. ಖರೀದಿಸಿತು.[೫] ವೆಲ್‌ಕಂ ಕಂಪೆನಿಯ ಉತ್ಪಾದನೆ ಕೇಂದ್ರವನ್ನು ನ್ಯೂಯಾರ್ಕ್‌ನಿಂದ ಉತ್ತರ ಕರೊಲಿನಾಗೆ 1970ರಲ್ಲಿ ಸ್ಥಳಾಂತರಿಸಲಾಯಿತು ಮತ್ತು ನಂತರದ ವರ್ಷದಲ್ಲಿ ಇನ್ನೊಂದು ಸಂಶೋಧನಾ ಕೇಂದ್ರವನ್ನು ನಿರ್ಮಿಸಲಾಯಿತು.

ಗ್ಲಾಕ್ಸೊ ವನ್ನು 1904ರಲ್ಲಿ ನ್ಯೂಜಿಲೆಂಡ್ ಬನ್ನಿಥಾರ್ಪ್‌‌ನಲ್ಲಿ ಸ್ಥಾಪಿಸಲಾಯಿತು.[೫] ಮೂಲತಃ ಗ್ಲಾಕ್ಸೊ ಮಕ್ಕಳ ಆಹಾರ ಉತ್ಪಾದಕವಾಗಿದ್ದು, ಸ್ಥಳೀಯ ಹಾಲನ್ನು ಮಕ್ಕಳ ಆಹಾರವಾಗಿ ಅದೇ ಹೆಸರಿನಲ್ಲಿ ಸಂಸ್ಕರಿಸುತ್ತಿತ್ತು. ಉತ್ಪನ್ನವನ್ನು 1930ರ ದಶಕದಲ್ಲಿ "ಗ್ಲಾಕ್ಸೊ ಬಿಲ್ಡ್ಸ್ ಬೋನಿ ಬೇಬೀಸ್" ಎಂಬ ಷೋಷಣೆಯಡಿಯಲ್ಲಿ ಮಾರಾಟ ಮಾಡಲಾಯಿತು. ಬನ್ನಿಥಾರ್ಪ್ ಮುಖ್ಯ ಬೀದಿಯಲ್ಲಿ ಈಗಲೂ ಕಾಣುವುದು ಪರಿತ್ಯಕ್ತ ಡೈರಿ ಕಾರ್ಖಾನೆಯಾಗಿದ್ದು(ಹಸುಗಳ ಹಾಲನ್ನು ಒಣಗಿಸಿ ಪುಡಿಯಾಗಿ ಸಂಸ್ಕರಿಸುವ ಕಾರ್ಖಾನೆ)ಮೂಲ ಗ್ಲಾಕ್ಸೊ ಲೋಗೊ ಸ್ಪಷ್ಟವಾಗಿ ಗೋಚರಿಸುತ್ತದೆ. ಆದರೆ ಇದು ಪ್ರಮುಖ ಬಹುರಾಷ್ಟ್ರೀಯ ಕಂಪೆನಿಯ ಆರಂಭವಾಗಿದೆ ಎನ್ನುವುದನ್ನು ಸೂಚಿಸಲು ಏನೂ ಇರಲಿಲ್ಲ.

ಗ್ಲಾಕ್ಸೊ ಗ್ಲಾಕ್ಸೊ ಲ್ಯಾಬೋರೇಟರೀಸ್ ಆಗಿ ಪರಿವರ್ತನೆಯಾಯಿತು ಮತ್ತು ಲಂಡನ್‌ನಲ್ಲಿ 1935ರಲ್ಲಿ ಹೊಸ ಘಟಕಗಳನ್ನು ತೆರೆಯಿತು.[೫] ಗ್ಲಾಕ್ಸೊ ಲ್ಯಾಬೋರೇಟರೀಸ್ 1947 ಮತ್ತು 1958ರಲ್ಲಿ ಕ್ರಮವಾಗಿ ಜೋಸೆಫ್ ನಾಥನ್ ಮತ್ತು ಅಲ್ಲೆನ್ & ಹ್ಯಾನ್‌ಬರೀಸ್ ಎರಡು ಕಂಪೆನಿಗಳನ್ನು ಖರೀದಿಸಿತು.[೫] ಕಂಪೆನಿಯು 1978ರಲ್ಲಿ ಮೇಯೆರ್ ಲ್ಯಾಬೋರೇಟರೀಸ್ ಖರೀದಿ ಮಾಡಿದ ನಂತರ,[೫] ಇದು ಅಮೆರಿಕ ಮಾರುಕಟ್ಟೆಯಲ್ಲಿ ಪ್ರಮುಖ ಪಾತ್ರವನ್ನು ವಹಿಸಲಾರಂಭಿಸಿತು. 1983ರಲ್ಲಿ ಅಮೆರಿಕದ ಅಂಗ ಗ್ಲಾಕ್ಸೊ ಇಂಕ್, ರಿಸರ್ಚ್ ಟ್ರಯಾಂಗಲ್ ಪಾರ್ಕ್ (ಅಮೆರಿಕ ಕೇಂದ್ರಕಾರ್ಯಾಲಯ/ಸಂಶೋಧನೆ) ಮತ್ತು ಉತ್ತರ ಕೆರೊಲಿನಾದ ಜೆಬ್ಯುಲಾನ್(ಅಮೆರಿಕ ಉತ್ಪಾದನೆ)ಗೆ ಸ್ಥಳಾಂತರಗೊಂಡಿತು. ಬರೋಸ್ ವೆಲ್‌ಕಂ ಮತ್ತು ಗ್ಲಾಕ್ಸೊ 1995ರಲ್ಲಿ ವಿಲೀನವಾಗಿ ಗ್ಲಾಕ್ಸೊವೆಲ್‌ಕಂ ಸ್ಥಾಪನೆಯಾಯಿತು.[೫] ಅದೇ ವರ್ಷ, ಗ್ಲಾಕ್ಸೊವೆಲ್‌ಕಂ ಔಷಧಿ ಸಂಶೋಧನೆ ಕೇಂದ್ರವನ್ನು ಸ್ಟೀವನೇಜ್‌ನಲ್ಲಿ ತೆರೆಯಿತು.[೫] ಮೂರು ವರ್ಷಗಳ ನಂತರ ಗ್ಲಾಕ್ಸೊವೆಲ್ಕಂ ಪೋಲ್ಯಾಂಡ್‌ನಲ್ಲಿ ಪೋಲ್ಫಾ ಪೋಜ್ನಾನ್ ಕಂಪೆನಿಯನ್ನು ಖರೀದಿಸಿತು.[೫]

ಸ್ಮಿತ್‌ಕ್ಲೈನ್ ಬೀಚಂ

[ಬದಲಾಯಿಸಿ]

1843ರಲ್ಲಿ ಥಾಮಸ್ ಬೀಚಂ ಬೀಚಂಸ್ ಪಿಲ್ಸ್ ವಿರೇಚಕವನ್ನು ಇಂಗ್ಲೆಂಡ್‌ನಲ್ಲಿ ಆರಂಭಿಸಿ ಅದು ಬೀಚಮ್ ಗ್ರೂಪ್‌ ಗೆ ಜನ್ಮ ನೀಡಿತು.[೫]
ಬೀಚಮ್ಸ್ ಇಂಗ್ಲೆಂಡ್‌ನ ಲಂಕಾಶೈರ್‌ನ ಸೇಂಟ್ ಹೆಲೆನ್ಸ್‌ನಲ್ಲಿ ಔಷಧಿಗಳ ಶೀಘ್ರ ಉತ್ಪಾದನೆಗಾಗಿ 1859ರಲ್ಲಿ ತನ್ನ ಪ್ರಥಮ ಕಾರ್ಖಾನೆಯನ್ನು ಆರಂಭಿಸಿತು. 1960ರ ದಶಕದಲ್ಲಿ ಇದು ವ್ಯಾಪಕವಾಗಿ ಔಷಧ ವಸ್ತುಗಳ ತಯಾರಿಕೆಯಲ್ಲಿ ಒಳಗೊಂಡಿತು.

ಬ್ರೆಂಟ್‌ಫೋರ್ಡ್‌ನ ಜಿಎಸ್‌ಕೆ ಕೇಂದ್ರ ಕಾರ್ಯಾಲಯ

1830ರಲ್ಲಿ ಜಾನ್ ಕೆ.ಸ್ಮಿತ್ ಫಿಲಾಡೆಲ್ಫಿಯದಲ್ಲಿ ತನ್ನ ಪ್ರಥಮ ಔಷಧವಸ್ತುಗಳ ತಯಾರಿಕೆ ಆರಂಭಿಸಿದರು.[೫] 1865ರಲ್ಲಿ ಮಾಹಲೋನ್ ಕ್ಲೈನ್ ಉದ್ದಿಮೆಯನ್ನು ಜತೆಗೂಡಿದರು. 10 ವರ್ಷಗಳ ನಂತರ ಸ್ಮಿತ್, ಕ್ಲೈನ್ & ಕಂ. ಯಾಯಿತು.[೫] ತರುವಾಯ, 1891ರಲ್ಲಿ ಅದು ಫ್ರೆಂಚ್, ರಿಚರ್ಡ್ ಮತ್ತು ಕಂಪೆನಿ ಜತೆ ವಿಲೀನಗೊಂಡಿತು.[೫] ಇದು ತನ್ನ ಹೆಸರನ್ನು ಸ್ಮಿತ್ ಕ್ಲೈನ್ &ಫ್ರೆಂಚ್ ಲ್ಯಾಬೋರೇಟರೀಸ್‌ಗೆ ಬದಲಾಯಿಸಿಕೊಂಡಿತು. ಏಕೆಂದರೆ 1929ರಲ್ಲಿ ಅದು ಸಂಶೋಧನೆ ಮೇಲೆ ಹೆಚ್ಚು ಗಮನಹರಿಸಿತು. ವರ್ಷಗಳ ನಂತರ, ಸ್ಮಿತ್ ಕ್ಲೈನ್ & ಫ್ರೆಂಚ್ ಲ್ಯಾಬೋರೇಟರೀಸ್ ಫಿಲಾಡೆಲ್ಫಿಯದಲ್ಲಿ ಹೊಸ ಪ್ರಯೋಗಾಲವನ್ನು ಆರಂಭಿಸಿತು. ಇದು ನಂತರ ನಾರ್ಡನ್ ಲ್ಯಾಬೋರೇಟರೀಸ್ ಖರೀದಿಸಿತು. ಇದು ಪ್ರಾಣಿಗಳ ಆರೋಗ್ಯದ ಬಗ್ಗೆ ಸಂಶೋಧನೆ ನಡೆಸುವ ಉದ್ದಿಮೆಯಾಗಿತ್ತು.

ಸ್ಮಿತ್ ಕ್ಲೈನ್ &ಫ್ರೆಂಚ್ ಲ್ಯಾಬೋರೇಟರೀಸ್ Recherche et Industrie Thérapeutiques (ಬೆಲ್ಜಿಯಂ)ಯನ್ನು 1963ರಲ್ಲಿ ಲಸಿಕೆಗಳ ಮೇಲೆ ಗಮನಹರಿಸುವ ದೃಷ್ಟಿಯಿಂದ ಖರೀದಿಸಿತು.[೫] ಕಂಪೆನಿಯು ಜಾಗತಿಕವಾಗಿ ವಿಸ್ತರಣೆ ಆರಂಭಿಸಿ, 1969ರಲ್ಲಿ ಕೆನಡಾ ಮತ್ತು ಅಮೆರಿಕದಲ್ಲಿ ಏಳು ಪ್ರಯೋಗಾಲಯಗಳನ್ನು ಖರೀದಿಸಿತು. 1982ರಲ್ಲಿ ಅದು ಅಲರ್ಜನ್ ಖರೀದಿಸಿತು, ಇದು ಕಣ್ಣು ಮತ್ತು ಚರ್ಮದ ಆರೋಗ್ಯ ಉತ್ಪನ್ನಗಳ ಉತ್ಪಾದಕವಾಗಿತ್ತು.[೫] ಕಂಪೆನಿಯು ನಂತರ ಆ ವರ್ಷದ ಕೊನೆಯಲ್ಲಿ ಬೆಕ್‌ಮ್ಯಾನ್ ಇಂಕ್. ಜತೆ ವಿಲೀನವಾಯಿತು ಸ್ಮಿತ್‌ಕ್ಲೈನ್ ಬೆಕ್‌ಮ್ಯಾನ್ ಎಂದು ಹೆಸರು ಬದಲಿಸಿತು.[೫]

1988ರಲ್ಲಿ ಸ್ಮಿತ್‌ಕ್ಲೈನ್ ಬೆಕ್‌ಮ್ಯಾನ್ ತನ್ನ ಅತೀ ದೊಡ್ಡ ಸ್ಪರ್ಧಿ ಇಂಟರ್‌ನ್ಯಾಷನಲ್ ಕ್ಲಿನಿಕಲ್ ಲ್ಯಾಬೋರೇಟರೀಸ್ ಖರೀದಿಸಿತು[೫] ಮತ್ತು 1989ರಲ್ಲಿ ಬೀಚ್ಯಾಂ ಜತೆ ವಿಲೀನವಾಗಿ ಸ್ಮಿತ್‌ಕ್ಲೈನ್ ಬೀಚ್ಯಾಂ ಪಿಎಲ್‌ಸಿ ರಚನೆಯಾಯಿತು.[೫] ಕಂಪೆನಿಯ ಕೇಂದ್ರ ಕಾರ್ಯಾಲಯಯನ್ನು ನಂತರ ಇಂಗ್ಲೆಂಡ್‌ಗೆ ಸ್ಥಳಾಂತರಿಸಲಾಯಿತು. ಅಮೆರಿಕದಲ್ಲಿ ಸಂಶೋಧನೆ ಮತ್ತು ಅಭಿವೃದ್ಧಿ ವಿಸ್ತರಣೆಗೆ, ಸ್ಮಿತ್‌ಕ್ಲೈನ್ ಬೀಚ್ಯಾಂ 1995ರಲ್ಲಿ ಹೊಸ ಸಂಶೋಧನೆ ಕೇಂದ್ರವನ್ನು ಖರೀದಿಸಿತು. 1997ರಲ್ಲಿ ಹಾರ್ಲೊದಲ್ಲಿ ನ್ಯೂ ಫ್ರಾಂಟಿಯರ್ಸ್ ಸೈನ್ಸ್ ಪಾರ್ಕ್‌ನಲ್ಲಿ ಇನ್ನೊಂದು ಸಂಶೋಧನೆ ಕೇಂದ್ರವನ್ನು ಆರಂಭಿಸಲಾಯಿತು.[೫]

2000ದಲ್ಲಿ, ಗ್ಲಾಕ್ಸೊ ವೆಲ್‌ಕಂ ಮತ್ತು ಸ್ಮಿತ್‌ಕ್ಲೈನ್ ಬೀಚ್ಯಾಂ ವಿಲೀನವಾಗಿ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ರಚನೆಯಾಯಿತು.[೬]

ಇತ್ತೀಚಿನ ಬೆಳವಣಿಗೆಗಳು

[ಬದಲಾಯಿಸಿ]

2001ರಲ್ಲಿ ಇದು ನ್ಯೂಜರ್ಸಿ ಮೂಲದ ಬ್ಲಾಕ್ ಡ್ರಗ್ ಖರೀದಿಯನ್ನು ಪೂರ್ಣಗೊಳಿಸಿತು.[೭]

2009ರ ನವೆಂಬರ್ 16ರಂದು, ಅಮೆರಿಕದ ಫುಡ್ ಎಂಡ್ ಡ್ರಗ್ ಅಡ್‌ಮಿನಿಸ್ಟ್ರೇಷನ್(FDA) 2009ನೇ ಎಚ್‌1ಎನ್‌1 ಜ್ವರದ ರಕ್ಷಣೆಯ ಲಸಿಕೆಯು(GSKಯ ID ಬಯೋಮೆಡಿಕಲ್ ಕಾರ್ಪ್. ಸಹಾಯಕ ಸಂಸ್ಥೆಯಿಂದ ಉತ್ಪಾದನೆ)ಸೆಪ್ಟೆಂಬರ್ 15ರಂದು ಅನುಮೋದನೆಯಾದ ನಾಲ್ಕು ಲಸಿಕೆಗಳನ್ನು ಒಂದುಗೂಡುತ್ತವೆ ಎಂದು ಪ್ರಕಟಿಸಿತು.[೮]

2010 ಜೂನ್‌ನಲ್ಲಿ ಕಂಪೆನಿಯು ಲ್ಯಾಬೋರೇಟರೀಸ್ ಫೀನಿಕ್ಸ್ ಕಂಪೆನಿಯನ್ನು ಸ್ವಾಧೀನಪಡಿಸಿಕೊಂಡಿತು.ಅಂದಾಜು ನಗದು ಪ್ರತಿಫಲವಾದ 253 ದಶಲಕ್ಷ ಪೌಂಡ್‌‌ಗೆ ಖರೀದಿಸಿದ ಬ್ರಾಂಡೆಡ್ ದೊಡ್ಡ ಗುಂಪಿಗೆ ಸೇರಿದ ಉತ್ಪನ್ನಗಳ ಅಭಿವೃದ್ಧಿ ಮಾರುಕಟ್ಟೆ ಮತ್ತು ಮಾರಾಟಕ್ಕೆ ಗಮನಹರಿಸಿದ ಅರ್ಜಟೈನಾ ಔಷಧ ಕಂಪೆನಿ ಇದಾಗಿದೆ.[೯]

2010 ಡಿಸೆಂಬರ್‌ನಲ್ಲಿ ಜಿಎಸ್‌ಕೆ ಕ್ರೀಡಾ ಪೌಷ್ಠಿಕ ಕಂಪೆನಿ ಮ್ಯಾಕ್ಸಿ‌ನ್ಯೂಟ್ರಿಷನ್‌ನ ಸ್ವಾಧೀನವನ್ನು ಪ್ರಕಟಿಸಿತು.[೧೦]

ಕಾರ್ಯನಿರ್ವಹಣೆಗಳು

[ಬದಲಾಯಿಸಿ]

ನಿವ್ವಳ ಆದಾಯದ ಆಧಾರದ ಮೇಲೆ ವಿಶ್ವದಲ್ಲೇ ಎರಡನೇ ಅತೀ ದೊಡ್ಡ ಔಷಧಿ ಕಂಪೆನಿಯಾಗಿ, ಕಂಪೆನಿಯು 22.7 ಶತಕೋಟಿ ಪೌಂಡ್ ಮಾರಾಟವನ್ನು ಹೊಂದಿದೆ ಮತ್ತು 2007ರಲ್ಲಿ 9.8 ಶತಕೋಟಿ ಪೌಂಡ್ ಲಾಭವನ್ನು ಗಳಿಸಿದೆ.[೧೧] ಇದು ವಿಶ್ವವ್ಯಾಪಿ 90,000 ಜನರನ್ನು ನೇಮಿಸಿಕೊಂಡಿದೆ ಎಂದು GSK ಜಾಲತಾಣ ತಿಳಿಸಿದೆ. ಇದರಲ್ಲಿ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದಲ್ಲಿ 40,000 ಜನರು ಒಳಗೊಂಡಿದ್ದಾರೆ.[೧೨] ಇದರ ಜಾಗತಿಕ ಮುಖ್ಯಕಚೇರಿಗಳು ಯುನೈಟೆಡ್ ಕಿಂಗ್ಡಂ, ಲಂಡನ್‌ನ ಬ್ರೆಂಟ್‌ಫೋರ್ಡ್‌ನ ಜಿಎಸ್‌ಕೆ ಹೌಸ್. ಅದರ ಅಮೆರಿಕದ ಕೇಂದ್ರ ಕಾರ್ಯಾಲಯಯು ಉತ್ತರ ಕೆರೊಲಿನದ ರೀಸರ್ಚ್ ಟ್ರಯಾಂಗಲ್ ಪಾರ್ಕ್‌‌(ಆರ್‌ಟಿಪಿ)ನಲ್ಲಿ ನೆಲೆಗೊಂಡಿದೆ.[೧೩] ಅದರ ಗ್ರಾಹಕ ಉತ್ಪನ್ನ ವಿಭಾಗವು ಪೆನ್ಸಿಲ್ವೇನಿಯದ ಮೂನ್ ಟೌನ್‌ಶಿಪ್ ಉಪನಗರ ಪಿಟ್ಸ್‌ಬರ್ಗ್‌ನಲ್ಲಿ ನೆಲೆಗೊಂಡಿದೆ. ಸಂಶೋಧನೆ ಮತ್ತು ಅಭಿವೃದ್ಧಿ ವಿಭಾಗವು ಆಗ್ನೇಯ ಇಂಗ್ಲೆಂಡ್, ಫಿಲಾಡೆಲ್ಫಿಯ ಮತ್ತು ಉತ್ತರ ಕೆರೊಲಿನಾದ ರೀಸರ್ಚ್ ಟ್ರಯಾಂಗಲ್‌ ಪಾರ್ಕ್‌ನಲ್ಲಿ (RTP)ಪ್ರಮುಖ ಕೇಂದ್ರ ಕಾರ್ಯಾಲಯಗಳನ್ನು ಹೊಂದಿದೆ.

ಕಂಪೆನಿಯ ಸ್ಟಾಕ್ ಲಂಡನ್ ಷೇರು ವಿನಿಮಯ ಕೇಂದ್ರದಲ್ಲಿ ಪಟ್ಟಿಯಾಗಿದೆ ಮತ್ತು ADRಗಳು NYSEಯಲ್ಲಿ ಪಟ್ಟಿಯಾಗಿದೆ. ಏಕೈಕ ಅತೀ ದೊಡ್ಡ ಮಾರುಕಟ್ಟೆಯು ಅಮೆರಿಕದಲ್ಲಿದೆ(ಅಂದಾಜು ಶೇಕಡ 45 ಆದಾಯ)ಆದರೂ ಕಂಪೆನಿಯ ಉಪಸ್ಥಿತಿಯು 70 ರಾಷ್ಟ್ರಗಳಲ್ಲಿದೆ.

2009 ನವೆಂಬರ್‌ನಲ್ಲಿ ಗ್ಲಾಕ್ಸೊ ಸ್ಮಿತ್ ಕ್ಲೈನ್ ಫೈಜರ್ ಜತೆ ಜಂಟಿ ಸಹಯೋಗ ಹೊಂದಿ, ViiV ಹೆಲ್ತ್‌ಕೇರ್ಸೃಷ್ಟಿಸಿತು. Viiv ಹೆಲ್ತ್‌ಕೇರ್ ಎಲ್ಲ ಫೈಜರ್ ಮತ್ತು ಗ್ಲಾಕ್ಸೊ ಸ್ಮಿತ್‌ಕ್ಲೈನ್‌ನ HIV ಆಸ್ತಿಗಳನ್ನು ಸ್ವೀಕರಿಸಿತು.[೧೪] ViiV ಹೆಲ್ತ್‌ಕೇರ್ 85% ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಮಾಲೀಕತ್ವ ಹೊಂದಿದೆ ಮತ್ತು 15% ಫೈಜರ್ ಮಾಲೀಕತ್ವ ಹೊಂದಿದೆ.

ಉತ್ಪನ್ನಗಳು

[ಬದಲಾಯಿಸಿ]

ಕಂಪೆನಿಯ ಉತ್ಪನಗಳು ಕೆಳಗಿನಂತಿವೆ:

ಕಾಯಿಲೆ ನಿರ್ಮೂಲನೆಗೆ ಉಪಕ್ರಮಗಳು

[ಬದಲಾಯಿಸಿ]

ಲಿಂಫ್ಯಾಟಿಕ್ ಫಿಲಾರಿಯಾಸಿಸ್(ದುಗ್ಧಗ್ರಂಥಿ ಫಿಲಾರಿಯಾಸಿಸ್)ನಿರ್ಮೂಲನೆಗೆ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಜಾಗತಿಕ ಮೈತ್ರಿಯಲ್ಲಿ ಸಕ್ರಿಯವಾಗಿದೆ.[೧೫] ಈಜಿಪ್ಟಿನ ದತ್ತಾಂಶವು ಶತಮಾನಗಳಿಂದ ಪೀಡಿಸಿದ ಕಾಯಿಲೆಯನ್ನು ನಾವು ಈಗ ನಿರ್ಮೂಲನೆ ಮಾಡಬಹುದೆಂದು ತೋರಿಸಿದೆ ಎಂದು ಗ್ಲಾಕ್ಸೊ ಸ್ಮಿತ್‌ಕ್ಲೈನ್‌ನ ಮಾಜಿ ಸಿಇಒ ಜೀನ್-ಪಯೇರಾ(ಜೆಪಿ)ಗಾರ್ನಿಯರ್ ತಿಳಿಸಿದ್ದಾರೆ. ದುರ್ಬಲಗೊಳಿಸುವ ಕಾಯಿಲೆಯ ನಿರ್ಮೂಲನೆಗೆ ಸಾಕಷ್ಟು ಆಲ್ಬೆಂಡಜೋಲ್‌ ದಾನ ಮಾಡಲು ನಾವು ಬದ್ಧರಾಗಿದ್ದೇವೆ. ಆದರೆ ಅಂತಿಮ ಯಶಸ್ಸು ಜಗತ್ತಿನಾದ್ಯಂತ ಎಲ್ಲ ಸಹಭಾಗಿಗಳು ಸುದೀರ್ಘಾವಧಿಯ ಬದ್ಧತೆಗಳನ್ನು ಹೊಂದುವುದನ್ನು ಅವಲಂಬಿಸಿದೆ.

ಇದರ ಜತೆಗೆ ಗ್ಲಾಕ್ಸೊ ಹೆಸರನ್ನು ಕೀನ್ಯಾದಲ್ಲಿ ಮಲೇರಿಯ ನಿರ್ಮೂಲನೆಗೆ ಮಾಡಿದ ಕೆಲಸಕ್ಕಾಗಿ ವರ್ಲ್ಡಾವೇರ್ ಬಿಸಿನೆಸ್ ಅವಾರ್ಡ್ ಮುಂತಾದ ಪ್ರಶಸ್ತಿಗಳಿಗೆ ಪಟ್ಟಿಮಾಡಲಾಗಿದೆ.[೧೬]

ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಇತ್ತೀಚೆಗೆ ಬ್ರಿಟೀಷ್ ಪ್ರವಾಹ ಪರಿಹಾರ ಮನವಿಗೆ ಹಣವನ್ನು ದೇಣಿಗೆ ನೀಡಿದೆ ಮತ್ತು ದೇಣಿಗೆಗಳಿಗಾಗಿ 2006 ಕಾರ್ಪೊರೇಟ್ ಪೌರತ್ವ ಸೂಚ್ಯಂಕದಲ್ಲಿ ಪ್ರಥಮ ಸ್ಥಾನವನ್ನು ಗಳಿಸಿದೆ.[೧೭]

ಜಾಗತಿಕ ಸ್ಥಳಗಳು

[ಬದಲಾಯಿಸಿ]
ಉಲ್ವರ್‌ಸ್ಟನ್ ಕಾರ್ಖಾನೆ
ಉಲ್ವರ್‌ಸ್ಟನ್ ಘಟಕಕ್ಕೆ ಪ್ರವೇಶದ್ವಾರ
  • ಗ್ಲೋಬಲ್ ಫಾರ್ಮಾಕ್ಯುಟಿಕಲ್ ಆಪರೇಷನ್ಸ್ ಕೇಂದ್ರಕಾರ್ಯಾಲಯ ಯುನೈಟೆಡ್ ಕಿಂಗ್ಡಂ ಬ್ರೆಂಟ್‌ಫೋರ್ಡ್‌ನಲ್ಲಿದೆ. ಅಮೆರಿಕದ ಕಾರ್ಯಾಚರಣೆಗಳು ಉತ್ತರ ಕರೊಲಿನಾದ ರಿಸರ್ಚ್ ಟ್ರಯಾಂಗಲ್‌ ಪಾರ್ಕ್‌ನಲ್ಲಿ ನೆಲೆಹೊಂದಿದೆ.
  • ಪಿಟ್ಸ್‌ಬರ್ಗ್ ಪೆನ್ಸಿಲ್‌ವಲಾನಿಯ ಉಪನಗರದ ಮೂನ್ ಟೌನ್‌ಶಿಪ್‌ನಲ್ಲಿ ಗ್ರಾಹಕ ಉತ್ಪನ್ನಗಳ ಕೇಂದ್ರಕಾರ್ಯಾಲಯಗಳಿವೆ.
  • ಸ್ಟಾಕ್ಲಿಪಾರ್ಕ್‌ ಸ್ಟೆವೆನೇಜ್‌ ಮತ್ತು ವೇರ್ ನಲ್ಲಿ ಪ್ರಮುಖ R&D ಸ್ಥಳಗಳು ಮತ್ತು ಯುನೈಟೆಡ್ ಕಿಂಗ್ಡಂನ ವೇರ್; ಫ್ರಾನ್ಸ್‌ನ ಜಾಗ್ರೆಬ್, ಕ್ರೊಯೇಷಿಯ; ಎವೆರಾಕ್ಸ್ ಮತ್ತು ಲೆಸ್ ಉಲಿಸ್, ಉತ್ತರ ಕರೊಲಿನದ ರಿಸರ್ಚ್ ಟ್ರಯಾಂಗಲ್ ಪಾರ್ಕ್, ಪೆನ್ಸಿಲ್‌ವೇನಿಯದ ಲಾವೆಲ್, ಕ್ವಿಬೆಕ್ ಮತ್ತು ಅಪ್ಪರ್ ಮೆರಿಯನ್ ಕಾಲೇಜ್‌ವಿಲ್ಲೆ.
  • ಬೆಲ್ಜಿಯಂ ವೇವರ್ ಮತ್ತು ರಿಕ್ಸೆನ್‌ಸಾರ್ಟ್‌, ಜರ್ಮನಿ(ಡ್ರೆಸ್ಡೆನ್), ಕೆನಡಾ(ಕ್ವಿಬೆಕ್, ಕ್ಯೂಸಿ) ಮತ್ತು ಅಮೆರಿಕ(ಮಾರಿಯಟ್ಟಾ ಪಿಎ &ಹ್ಯಾಮಿಲ್ಟನ್ ಎಂಟಿ)ಯಲ್ಲಿ ಬಯೋಫಾರ್ಮಾಕ್ಯುಟಿಕಲ್ ಉತ್ಪನ್ನಗಳಿಗೆ ಪ್ರಮುಖ ಕೇಂದ್ರ.
  • ಭಾರತದ ಥಾನೆ ಮತ್ತು ಭಾರತದ ನಾಸಿಕ್‌ನಲ್ಲಿ ಹೊಸ R&D ಕೇಂದ್ರಗಳು
  • ಚೀನಾದ ಶಾಂಘಾಯ್ ಮತ್ತು ಅಮೆರಿಕದ ಬೋಸ್ಟನ್‌ನಲ್ಲಿ R&D ಕೇಂದ್ರಗಳು
  • ವೈದ್ಯರು ಸೂಚಿಸಿದ ಉತ್ಪನ್ನಗಳಿಗೆ ಪ್ರಮುಖ ಉತ್ಪಾದನಾ ಸ್ಥಳಗಳು ಯುನೈಟೆಡ್ ಕಿಂಗ್ಡಂನ ಐರ್ವಿನ್, ವೇರ್, ಮೊಂಟ್ರೋಸ್, ಬರ್ನಾರ್ಡ್ ಕ್ಯಾಸಲ್, ಕ್ರಾವ್‌ಲಿ, ವರ್ತಿಂಗ್ ಮತ್ತು ಉಲ್ವರ್‌ಸ್ಟೋನ್, ಫ್ರಾನ್ಸ್‌ನ ಎವೆರಾಕ್ಸ್, ಅಮೆರಿಕದ ಬ್ರಿಸ್ಟಲ್, ಕಿಂಗ್‌ ಆಫ್ ಪ್ರಷ್ಯ ಮತ್ತು ಜೆಬ್ಯುಲಾನ್, ಸಿಡ್ರಾ, ಪೋರ್ಟೊ ರಿಕೊ, ಜುರಾಂಗ್, ಸಿಂಗಪುರ್, ಕಾರ್ಕ್, ಐರ್ಲೆಂಡ್, ಪೊಂಜಾನ್, ಪೋಲೆಂಡ್, ಪಾರ್ಮಾ, ಇಟಲಿ, ಬ್ರಾಸೊವ್ ರೊಮಾನಿಯ, ಬೊರೊನಿಯ, ಆಸ್ಟ್ರೇಲಿಯ.
  • ಮೈಡೆನ್‌ಹೆಡ್,ಯುನೈಟೆಡ್ ಕಿಂಗ್ಡಂ; ಡಂಗಾರ್‌ವಾನ್,ಐರ್ಲೆಂಡ್; ಮಿಸ್ಸಿಸಾವುಗಾ, ಒಂಟಾರಿಯೊ; ಐಕೆನ್, ದಕ್ಷಿಣ ಕೆರೊಲಿನ; ಕ್ಲಿಫ್ಟನ್, ನ್ಯೂ ಜೆರ್ಸಿ; ಮತ್ತು ಸೇಂಟ್ ಲೂಯಿಸ್, ಮಿಸ್ಸೌರಿ, ಮತ್ತು ಕೀನ್ಯಾದಲ್ಲಿ ಗ್ರಾಹಕ ಉತ್ಪನ್ನಗಳಿಗೆ ಪ್ರಮುಖ ಉತ್ಪಾದನಾ ಸ್ಥಳಗಳು.
  • GSK 39 ರಾಷ್ಟ್ರಗಳಲ್ಲಿ 99 ನಗರಗಳಲ್ಲಿ ಉಪಸ್ಥಿತಿ ಹೊಂದಿದೆ.

ಕಾರ್ಪೊರೇಟ್ ಆಡಳಿತ

[ಬದಲಾಯಿಸಿ]

ಗ್ಲಾಕ್ಸೊ ಸ್ಮಿತ್‌ಕ್ಲೈನ್‌ನ ನಿರ್ದೇಶಕರ ಮಂಡಳಿಯ ಪ್ರಸಕ್ತ ಸದಸ್ಯರು:

  • ಸರ್ ಕ್ರಿಸ್ಟೋಫರ್ ಜೆಂಟ್ (ಕಾರ್ಯನಿರ್ವಾಹಕೇತರ ಅಧ್ಯಕ್ಷ);
  • ಆಂಡ್ರಿವ್ ವಿಟ್ಟಿ (ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ, ಕಾರ್ಯನಿರ್ವಾಹಕ ನಿರ್ದೇಶಕ);
  • ಡಾ. ಸ್ಟೆಫಾನಿ ಬರ್ನ್ಸ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಲಾರೆನ್ಸ್ ಕಲ್ಪ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಸರ್ ಕ್ರಿಸ್ಪಿನ್ ಡೇವಿಸ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಜೂಲಿಯನ್ ಸ್ಪೆನ್ಸರ್ ಹೆಸ್ಲಾಪ್ (ಮುಖ್ಯ ಹಣಕಾಸು ಅಧಿಕಾರಿ, ಕಾರ್ಯನಿರ್ವಾಹಕ ನಿರ್ದೇಶಕ);
  • ಸರ್ ಡೆರಿಕ್ ಮೌಗಾನ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಸರ್ ಐಯಾನ್ ಪ್ರೋಸರ್ (ಹಿರಿಯ ಸ್ವತಂತ್ರ ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಡಾ ರೊನಾಲ್ಡೊ ಸ್ಕಿಮಿಟ್ಜ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಮೊನ್ಸೆಫ್ ಸ್ಲಾವೋಯಿ (ಅಧ್ಯಕ್ಷ, ಕಾರ್ಯನಿರ್ವಾಹಕ ನಿರ್ದೇಶಕ, ಸಂಶೋಧನೆ & ಅಭಿವೃದ್ಧಿ);
  • ರಾಬರ್ಟ್ ವಿಲ್ಸನ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಡಾ. ಡೇನಿಯಲ್ ಪಡೋಲ್‌ಸ್ಕಿ (ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಟಾಮ್ ಡೆ ಸ್ವಾನ್ (ಸ್ವತಂತ್ರ ಕಾರ್ಯನಿರ್ವಾಹಕೇತರ ನಿರ್ದೇಶಕ);
  • ಮಾರ್ಕ್ ಡನೋಯರ್ (ಅಧ್ಯಕ್ಷ, ಫಾರ್ಮಾಕ್ಯುಟಿಕಲ್ಸ್ ಏಷ್ಯಾ ಪೆಸಿಫಿಕ್/ಜಪಾನ್);
  • ಡೇವಿಡ್ ಪಲ್ಮಾನ್ PhD (ಅಧ್ಯಕ್ಷ – ಜಾಗತಿಕ ಉತ್ಪಾದನೆ ಮತ್ತು ಪೂರೈಕೆ);
  • ಜಾನ್ ಕ್ಲಾರ್ಕ್ (ಅಧ್ಯಕ್ಷ–ಗ್ರಾಹಕ ಆರೋಗ್ಯಸೇವೆ);
  • ಎಮ್ಮಾ ವಾಲ್ಮ್‌ಸ್ಲೆ (ಅಧ್ಯಕ್ಷ – ಗ್ರಾಹಕ ಆರೋಗ್ಯಸೇವೆ ಯುರೋಪ್);
  • ಎಡ್ಡಿ ಗ್ರೇ (ಅಧ್ಯಕ್ಷ, ಫಾರ್ಮಾಕ್ಯುಟಿಕಲ್ಸ್, ಯುರೋಪ್);
  • ಅಬ್ಬಾಸ್ ಹುಸೇನ್ (ಅಧ್ಯಕ್ಷ –ಎಮರ್ಜಿಂಗ್ ಮಾರ್ಕೆಟ್ಸ್);
  • ರಾಬರ್ಟೊ C. ಟಬೊಆಡಾ (ಫಿಲಿಪ್ಪೀನ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ);
  • ಡೈರ್ಡೆ P.ಕಾನ್ನೆಲಿ (ಅಧ್ಯಕ್ಷ, ಉತ್ತರ ಅಮೆರಿಕ ಫಾರ್ಮಾಕ್ಯುಟಿಕಲ್ಸ್);
  • ಜೇಮ್ಸ್ ಮರ್ಡೋಕ್ (ಕಾರ್ಯನಿರ್ವಾಹಕೇತರ ನಿರ್ದೇಶಕ).

2007ರ ಅಕ್ಟೋಬರ್ 8ರಂದು ಡಾ.ಗಾರ್ನಿಯರ್ ಅವರು ಆಂಡ್ರಿವ್ ವಿಟ್ಟಿ ಬದಲಿಗೆ ಮುಖ್ಯ ಕಾರ್ಯನಿರ್ವಾಹಕರಾಗಿ ಆಯ್ಕೆಯಾಗಿದ್ದಾರೆ ಎಂದು ಪ್ರಕಟಿಸಿತು. ವಿಟ್ಟಿ, 44, 2008ರಲ್ಲಿ ಈ ಸ್ಥಾನವನ್ನು ಸ್ವೀಕರಿಸಿ ಮಂಡಳಿಗೆ ಸೇರಿದ್ದರು. ಉದ್ಯೋಗ ನಷ್ಟಗಳು ಕಂಪೆನಿಯಲ್ಲಿ ವ್ಯಾಪಕವಾಗಿದ್ದರೂ, ವಿಟ್ಟಿ ಸ್ವತಃ ಕಳೆದ ವರ್ಷ ಶೇಕಡ 76 ವೇತನ ಹೆಚ್ಚಳವನ್ನು ಕಂಡಿದ್ದರು.

ವೈವಿಧ್ಯತೆ

[ಬದಲಾಯಿಸಿ]

ಗ್ಲಾಕ್ಸೊ ಸ್ಮಿತ್‌ಕ್ಲೈನ್ 2007ರಲ್ಲಿ ದುಡಿಯುವ ತಾಯಿಯಂದಿರಿಗೆ 100 ಅತ್ಯುತ್ತಮ ಕಂಪೆನಿಗಳಲ್ಲಿ ಒಂದು ಎಂದು ವರ್ಕಿಂಗ್ ಮದರ್ ನಿಯತಕಾಲಿಕೆ ಹೆಸರಿಸಿತು ಮತ್ತು ಅದರ ಪ್ರಯತ್ನಗಳಿಗಾಗಿ ಅಂತಾರಾಷ್ಟ್ರೀಯ ಸನ್ನದು ಗುರುತಿಸಿತು.[೧೮] ಜಿಎಸ್‌ಕೆ ಮಾನವ ಹಕ್ಕು ಅಭಿಯಾನ ದ ಪ್ರತಿಷ್ಠಾನದ 2008 ಕಾರ್ಪೊರೇಟ್ ಸಮಾನತೆ ಸೂಚ್ಯಂಕದಿಂದ ಶೇಕಡ 100 ಪರಿಪೂರ್ಣ ಅಂಕವನ್ನು ಕೂಡ ಸ್ವೀಕರಿಸಿತು. ಪುರುಷ ಸಲಿಂಕಾಮಿ, ಸ್ತ್ರೀಸಲಿಂಗಕಾಮಿ, ಉಭಯಲಿಂಗಿ ಮತ್ತು ಲೈಂಗಿಕ ಅಲ್ಪಸಂಖ್ಯಾತ ನೌಕರರು, ಗ್ರಾಹಕರು ಮತ್ತು ಹೂಡಿಕೆದಾರರ ಕಾರ್ಪೊರೇಟ್ ಅಮೆರಿಕ ಚಿಕಿತ್ಸೆಯ ವಾರ್ಷಿಕ ವರದಿ ಕಾರ್ಡ್ ಇದಾಗಿದೆ. ಜಿಎಸ್‌ಕೆ ECN, PTPN, GLBT, AAA, ಮುಂತಾದ ಗುಂಪುಗಳಿಗೆ ನೌಕರ ವೈವಿಧ್ಯತೆ ಜಾಲಗಳಿಗೆ ಕೂಡ ಬೆಂಬಲಿಸುತ್ತದೆ.

ವಿವಾದ

[ಬದಲಾಯಿಸಿ]
  • ಪ್ಯಾರೊಕ್ಸೆಟೈನ್ (ಸೆರೊಕ್ಸಾಟ್, ಪ್ಯಾಕ್ಸಿಲ್) SSRI ಖಿನ್ನತೆಶಮನಕಾರಕವಾಗಿದ್ದು, ಗ್ಲಾಕ್ಸೊ ಸ್ಮಿತ್‌ಕ್ಲೈನ್ 1992ರಲ್ಲಿ ಬಿಡುಗಡೆ ಮಾಡಿತು. 2004 ಮಾರ್ಚ್‌ನಲ್ಲಿ ಎಫ್‌ಡಿಎ ಎಸ್‌ಎಸ್ಆರ್‌ಐ ಮತ್ತು ಇತರೆ ಖಿನ್ನತೆಶಮನಕಾರಕಗಳಿಗೆ ಕಪ್ಪು ಪಟ್ಟಿಯ ಎಚ್ಚರಿಕೆಯನ್ನು ನೀಡಿತು. ಮಕ್ಕಳು ಮತ್ತು ಹದಿವಯಸ್ಕರಲ್ಲಿ ಆತ್ಮಹತ್ಯೆ ಯೋಚನೆ ಉಂಟಾಗುವ ಸಂಭಾವ್ಯ ಅಪಾಯದ ಬಗ್ಗೆ ಎಚ್ಚರಿಕೆ ನೀಡಿತು. 1992ರಲ್ಲಿ ಎಫ್‌ಡಿಎ ಪ್ಯಾರೋಕ್ಸಿಟೈನ್‌ಗೆ ಅನುಮೋದನೆ ನೀಡಿದಾಗಿನಿಂದ, ಅಂದಾಜು 5000 ಅಮೆರಿಕ ಪೌರರು ಜಿಎಸ್‌ಕೆ ವಿರುದ್ಧ ದಾವೆ ಹೂಡಿದ್ದಾರೆ. 2007 ಜನವರಿ 29ರಂದು, ಯುಕೆಯಲ್ಲಿ ಬಿಬಿಸಿ ಸೆರೊಕ್ಸಾಟ್ ಕುರಿತು ತನ್ನ ಪನೋರಾಮಾ ಸರಣಿಯ ನಾಲ್ಕನೇ ಸಾಕ್ಷ್ಯಚಿತ್ರವನ್ನು ಪ್ರಸಾರ ಮಾಡಿತು.[೧೯] ಎಸ್‌ಎಸ್‌ಆರ್‌ಐ ಮತ್ತು ವಾಸ್ತವ ಆತ್ಮಹತ್ಯೆ ಬಗ್ಗೆ ಸಾಬೀತಾದ ಸಂಬಂಧ ಇರಲಿಲ್ಲ ಮತ್ತು ಬ್ಲಾಕ್‌ಬಾಕ್ಸ್ ಎಚ್ಚರಿಕೆಯ ಲೇಬಲ್‌ಗಳನ್ನು ಸೇರಿಸಿದ್ದು ವಿವಾದಾತ್ಮಕವೆನಿಸಿತು.[೨೦][೨೧][೨೨] ಆದರೆ ಅನೇಕ ಇತ್ತೀಚಿನ ವಿಶ್ಲೇಷಣೆಗಳು ಹಳೆಯ ರೋಗಿಗಳೊಂದಿಗೆ ಈ ಸಂಬಂಧವನ್ನು ಸಾಬೀತುಪಡಿಸಿದೆ.[೨೩]
  • 2007 ನವೆಂಬರ್‌ನಲ್ಲಿ ಅಮೆರಿಕ ಕಾಂಗ್ರೆಸ್ ಸಮಿತಿಯು ವರದಿಯೊಂದನ್ನು ಬಿಡುಗಡೆ ಮಾಡಿತು.[೨೪] ಡಾ. ಜಾನ್ ಬ್ಯೂಸ್(ಚಾಪೆಲ್ ಹಿಲ್‌ನ ಉತ್ತರ ಕರೊಲಿನ ವಿಶ್ವವಿದ್ಯಾನಿಲಯ)[೨೫][೨೬] ಕಂಪೆನಿಯ ಮಧುಮೇಹ ನಿಗ್ರಹ ಔಷಧಿ ರೋಸಿಗ್ಲಿಟಜೋನ್(ಅವಾಂಡಿಯ)ಕ್ಕೆ ಸಂಬಂಧಿಸಿದಂತೆ ಹೃದಯದ ಅಪಾಯಗಳ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದರಿಂದ ಅವರಿಗೆ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಬೆದರಿಕೆ ಹಾಕಿದ್ದನ್ನು ಕುರಿತು ವರದಿ ಮಾಡಿತು.[೨೭]
  • 2006 ಮಾರ್ಚ್‌ನಲ್ಲಿ ಕ್ಯಾಲಿಫೋರ್ನಿಯ ಅಟಾರ್ನಿ ಜನರಲ್ ಬಿಲ್ ಲಾಕ್‌ಯರ್, "ಗ್ಲಾಕ್ಸೊ ಸ್ಮಿತ್‌ಕ್ಲೈನ್ (GSK)ಆರೋಪಗಳ ಇತ್ಯರ್ಥಕ್ಕೆ 14 ದಶಲಕ್ಷ ಡಾಲರ್ ಪಾವತಿ ಮಾಡುತ್ತದೆಂದು ತಿಳಿಸಿದರು. ರಾಜ್ಯಸರ್ಕಾರದ ಕಾರ್ಯಕ್ರಮಗಳು ಸಂಸ್ಥೆಯ ಖಿನ್ನತೆಉಪಶಮನಕಾರಿ ಔಷಧಿ ಪ್ಯಾಕ್ಸಿಲ್‌ಗೆ ಏರಿಸಿದ ಬೆಲೆಗಳನ್ನು ಪಾವತಿ ಮಾಡಿದೆ. ಏಕೆಂದರೆ ಜಿಎಸ್‌ಕೆ ಸ್ವಾಮ್ಯಹಕ್ಕು ವಂಚನೆ, ಅಪನಂಬಿಕೆ ಉಲ್ಲಂಘನೆಗಳು ಮತ್ತು ನಿರುಪಯುಕ್ತ ದಾವೆಗಳ ಮೂಲಕ ಏಕಸ್ವಾಮ್ಯವನ್ನು ಸಾಧಿಸುವ ಮತ್ತು ಮಾರುಕಟ್ಟೆಗೆ ಜಾತಿವಿಶಿಷ್ಟ ರೂಪಗಳ ಪ್ರವೇಶಕ್ಕೆ ತಡೆ ವಿಧಿಸುವ ಕೆಲಸದಲ್ಲಿ ತೊಡಗಿತ್ತು ಎಂದು ಆರೋಪಿಸಲಾಗಿತ್ತು.[೨೮]
  • ಎಜಿಎಂನಲ್ಲಿ 2003ರ ಮೇ 19ರಂದು ಜಿಎಸ್‌ಕೆ ಷೇರುದಾರರು ಸಿಇಒ ಜೆಪಿ ಗಾರ್ನಿಯರ್‌ಗೆ 22 ದಶಲಕ್ಷ ಡಾಲರ್ ವೇತನ ಮತ್ತು ಸೌಲಭ್ಯಗಳ ಪ್ಯಾಕೇಜ್ ನೀಡುವುದಕ್ಕೆ ಸಂಬಂಧಿಸಿದ ನಿರ್ಣಯವನ್ನು ತಿರಸ್ಕರಿಸಿತು. ಪ್ರಮುಖ ಬ್ರಿಟಿಷ್ ಕಂಪೆನಿಯ ವಿರುದ್ಧ ಷೇರುದಾರರ ಇಂತಹ ಬಂಡಾಯವು ಸಂಭವಿಸಿದ್ದು ಇದೇ ಮೊದಲನೇ ಬಾರಿಯಾಗಿತ್ತು. ಆದರೆ ಎಕ್ಸಿಕ್ಯೂಟಿವ್ ವೇತನ ಶ್ರೇಣಿಯಲ್ಲಿ ಇತರೆ ಫ್ಯಾಟ್ ಕ್ಯಾಟ್(ಶ್ರೀಮಂತ ವ್ಯಕ್ತಿ) ವ್ಯವಹಾರಗಳ ವಿರುದ್ಧ ಸಂಭವನೀಯ ನಿರ್ಣಾಯಕ ಘಟ್ಟ ಎಂದು ಪರಿಗಣಿಸಲಾಯಿತು.
  • ಕಂಪೆನಿ ಮತ್ತು ಅದರ ಷೇರುದಾರರು ಪ್ರಾಣಿ ಹಕ್ಕುಗಳ ಕಾರ್ಯಕರ್ತರಿಗೆ ಗುರಿಯಾದರು. ಏಕೆಂದರೆ ಇದು ವಿವಾದಾತ್ಮಕ ಪ್ರಾಣಿ ಪರೀಕ್ಷೆ ಕಂಪೆನಿ ಹಂಟಿಂಗ್‌ಡನ್ ಲೈಫ್ ಸೈನ್ಸಸ್ (HLS)ನ ಗ್ರಾಹಕನಾಗಿತ್ತು.[೨೯] ಸ್ಟಾಪ್ ಹಂಟಿಂಗ್‌ಡನ್ ಎನಿಮಲ್ ಕ್ರೂಯಲ್ಟಿ(ಎಸ್‌ಎಚ್‌ಎಸಿ)ಮತ್ತು ಎನಿಮಲ್ ಲಿಬರೇಷನ್ ಫ್ರಂಟ್(ಎಎಲ್‌ಎಫ್)ನ ಅಂತಾರಾಷ್ಟ್ರೀಯ ಅಭಿಯಾನಕ್ಕೆ ಎಚ್‌ಎಲ್‌ಎಸ್ ವಸ್ತುವಾಗಿತ್ತು. ಪೀಪಲ್ ಫಾರ್ ಎಥಿಕಲ್ ಟ್ರೀಟ್‌ಮೆಂಟ್ ಆಫ್ ಎನಿಮಲ್ಸ್(ಪಿಇಟಿಎ)ಗುಟ್ಟಾಗಿ ಚಿತ್ರೀಕರಿಸಿದ ದೃಶ್ಯವನ್ನು ಬ್ರಿಟಿಷ್ ಟೆಲಿವಿಷನ್‌ನಲ್ಲಿ ತೋರಿಸಲಾಗಿತ್ತು. ಇದರಲ್ಲಿ ಸಿಬ್ಬಂದಿಯು ತಮ್ಮ ಆರೈಕೆಯಲ್ಲಿರುವ ಪ್ರಾಣಿಗಳಿಗೆ ಗುದ್ದುವ, ಒದೆಯುವ, ಅರಚುವ ಮತ್ತು ಅಟ್ಟಹಾಸ ಮಾಡುವುದನ್ನು ತೋರಿಸಲಾಗಿತ್ತು. 2005 ಸೆಪ್ಟೆಂಬರ್ 7ರಂದು, ಎಎಲ್‌ಎಫ್ ಎರಡು ಲೀಟರ್ ಇಂಧನ ಮತ್ತು ನಾಲ್ಕು ಪೌಂಡ್ ಸ್ಫೋಟಕಗಳಿಂದ ತುಂಬಿದ್ದ ಬಾಂಬನ್ನು ಜಿಎಸ್‌ಕೆಯ ಕಾರ್ಪೊರೇಟ್ ನಿಯಂತ್ರಕ ಪಾಲ್ ಬ್ಲಾಕ್‌ಬರ್ನ್‌ ಅವರ ಬಕಿಂಗ್‌ಹ್ಯಾಂಶೈರ್ ಮನೆಯ ಬಾಗಿಲಿನಲ್ಲಿ ಸ್ಪೋಟಿಸಿದ್ದರಿಂದ ಸಣ್ಣಪುಟ್ಟ ಹಾನಿಯಾಯಿತು.
  • 2005ರ ನವೆಂಬರ್‌ನಲ್ಲಿ ಏಡ್ಸ್ ಆರೋಗ್ಯ ಸೇವೆ ಪ್ರತಿಷ್ಠಾನವು ಬೇಡಿಕೆಯಲ್ಲಿ ಹೆಚ್ಚಳವಿದ್ದರೂ ಏಡ್ಸ್ ನಿಗ್ರಹ ಔಷಧಿ ಎಜಡ್‌ಟಿಯ ಉತ್ಪಾದನೆಯನ್ನು ಹೆಚ್ಚಿಸದೇ ಅಲ್ಪಕಾಲೀನ ಏಕಸ್ವಾಮ್ಯ ಲಾಭಕ್ಕೆ ಕಂಪೆನಿಯು ಉತ್ತೇಜಿಸುತ್ತಿದೆ ಎಂದು ಕಂಪೆನಿಯ ವಿರುದ್ಧ ಆರೋಪಿಸಿತು. ಇದರಿಂದ ಏಡ್ಸ್ ಔಷಧಿಯ ಕೊರತೆಯುಂಟಾಗಿ ಆಫ್ರಿಕಾದ ಅನೇಕ ಏಡ್ಸ್ ರೋಗಿಗಳಿಗೆ ದುಷ್ಪರಿಣಾಮ ಬೀರಿದೆ ಎಂದು ಅದು ಆರೋಪಿಸಿತು. ಪಿತ್ತಜನಕಾಂಗಕ್ಕೆ ತೀವ್ರ ವಿಷಕಾರಿಯಾಗುವ ಆತಂಕದಿಂದಾಗಿ ಸಿಸಿಆರ್‌5 ಪ್ರವೇಶ ಪ್ರತಿರೋಧಕ ಅಪ್ಲಾವೈರಾಕ್‌ (GW873140)ನ ವೈದ್ಯಕೀಯ ಪರೀಕ್ಷೆಗಳನ್ನು ಎಚ್‌ಐವಿ ಪೀಡಿತ, ಚಿಕಿತ್ಸೆ- ನಿಷ್ಕಪಟ ರೋಗಿಗಳಲ್ಲಿ ಸ್ಥಗಿತಗೊಳಿಸಿದ್ದಾಗಿ ಜಿಎಸ್‌ಕೆ ಪ್ರಕಟಿಸಿತು.[೩೦] 2006 ಜೂನ್‌ನಲ್ಲಿ ವಿಶ್ವದ ಬಡ ದೇಶಗಳಲ್ಲಿ ಕೆಲವು ಔಷಧಿಗಳಿಗೆ ವಿಧಿಸುವ ಲಾಭವಿಲ್ಲದ ಬೆಲೆಗಳಲ್ಲಿ ಶೇಕಡ 30 ಮೊಟಕು ಮಾಡುವುದಾಗಿ ಜಿಎಸ್‌ಕೆ ತಿಳಿಸಿತು.[೩೧]
  • 2003 ಡಿಸೆಂಬರ್‌ನಲ್ಲಿ ಗ್ಲಾಕ್ಸೊ ಸ್ಮಿತ್‌ಕ್ಲೈನ್‌ನ ಆಗಿನ ವಿಶ್ವವ್ಯಾಪಿ ಜೆನೆಟಿಕ್ಸ್ ಉಪಾಧ್ಯಕ್ಷ ಅಲ್ಲೆನ್ ರೋಸಸ್, ಬಹುಮಟ್ಟಿಗೆ ಸೂಚಿಸಿದ ಔಷಧಿಗಳು ಅವುಗಳನ್ನು ಸೇವಿಸುವ ಜನರ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ಒಪ್ಪಿಕೊಂಡರು. ಬಹುತೇಕ ಔಷಧಿಗಳು-ಸೇಕಡ 90ಕ್ಕಿಂತ ಹೆಚ್ಚು ಶೇಕಡ 30ರಿಂದ 50ರಎಎಷ್ಟು ಜನರಲ್ಲಿ ಮಾತ್ರ ಕೆಲಸ ಮಾಡುತ್ತದೆ ಎಂದು ಡಾ. ರೋಸಸ್ ತಿಳಿಸಿದರು. "ಬಹುಮಟ್ಟಿನ ಔಷಧಿಗಳು ಕೆಲಸ ಮಾಡುವುದಿಲ್ಲ ಎಂದು ನಾನು ಹೇಳುವುದಿಲ್ಲ. ಆದರೆ ಶೇಕಡ 30ರಿಂದ 50ರಷ್ಟು ಜನರಲ್ಲಿ ಬಹುತೇಕ ಔಷಧಿಗಳು ಕೆಲಸ ಮಾಡುತ್ತವೆಂದು ನಾನು ತಿಳಿಸುತ್ತೇನೆ."[೩೨]
  • ಯುಎಸ್ ಡಿಪಾರ್ಟ್‌ಮೆಂಟ್ ಆಫ್ ಜಸ್ಟೀಸ್ 2010 ಅಕ್ಟೋಬರ್‌ನಲ್ಲಿ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಕ್ರಿಮಿನಲ್ ದಂಡಗಳ ರೂಪದಲ್ಲಿ 150 ದಶಲಕ್ಷ ಡಾಲರ್ ಮತ್ತು ನಾಗರಿಕ ದಂಡಗಳ ರೂಪದಲ್ಲಿ 600 ದಶಲಕ್ಷ ಡಾಲರ್ ಪಾವತಿ ಮಾಡುತ್ತೆಂದು ಪ್ರಕಟಿಸಿತು. ಗ್ಲಾಕ್ಸೊಸ್ಮಿತ್‌ಲೈನ್ ಕಂಪೆನಿಯ ವಿರುದ್ಧ ಕ್ರಿಮಿನಲ್ ಮತ್ತು ನಾಗರಿಕ ದೂರುಗಳಿಗೆ ಪ್ರತಿಕ್ರಿಯೆಯಾಗಿ 750 ದಶಲಕ್ಷ ಡಾಲರ್ ಪರಿಹಾರ ಹಣವನ್ನು ಪಾವತಿ ಮಾಡಲು ಒಪ್ಪಿಕೊಂಡಿತು. ಅದರ ಸಹಾಯಕ ಕಂಪೆನಿ ಸಿಡ್ರಾ, ಪ್ಯುಯೆರ್ಟೊ ರೈಕೊದಲ್ಲಿರುವ ಎಸ್‌ಬಿ ಫಾರ್ಮ್‌ಕೊ ಪ್ಯುಯೆರ್ಟೊ ರೈಕೊ ಇಂಕ್‌ನಲ್ಲಿ ಅಸಮರ್ಪಕ ಮತ್ತು ಕಲಬೆರಕೆ ಔಷಧಿಗಳ ಉತ್ಪಾದನೆಯಿಂದ ಈ ದೂರುಗಳು ಉದ್ಭವಿಸಿತ್ತು.[೩೩]

ಕಾನೂನು

[ಬದಲಾಯಿಸಿ]

2003ರಲ್ಲಿ ಜಿಎಸ್‌ಕೆ ಕಾರ್ಪೊರೇಟ್ ಪ್ರಾಮಾಣಿಕತೆ ಒಪ್ಪಂದಕ್ಕೆ ಸಹಿ ಹಾಕಿತು ಮತ್ತು ಖಿನ್ನತೆಶಮನಕಾರಕ ಪ್ಯಾಕ್ಸಿಲ್ ಮತ್ತು ಮೂಗಿನ ಅಲರ್ಜಿ ಸ್ಪ್ರೇ ಫ್ಲೊನೇಸ್‌ನ ವೈದ್ಯಕೀಯ ನೆರವಿಗೆ ಹೆಚ್ಚುವರಿ ದರ ವಿಧಿಸಿದ್ದಕ್ಕಾಗಿ ನಾಗರಿಕ ದಂಡದಲ್ಲಿ 88 ದಶಲಕ್ಷ ಡಾಲರ್ ಹಣವನ್ನು ಪಾವತಿ ಮಾಡಿತು. ನಂತರ ಆ ವರ್ಷ ಜಿಎಸ್‌ಕೆ ಇಂಟರ್‌ನಲ್ ರೆವಿನ್ಯೂ ಸರ್ವೀಸ್(ಐಆರ್‌ಎಸ್)ನಿಂದ ಸಂಘರ್ಷಕ್ಕೆ ಗುರಿಯಾಯಿತು ಮತ್ತು ಹಿಂದಿನ ದಿನಾಂಕದ ತೆರಿಗೆಗಳಿಗೆ ಮತ್ತು ಬಡ್ಡಿಗಳಿಗೆ 7.8 ಶತಕೋಟಿ ಡಾಲರ್ ಪಾವತಿ ಮಾಡಬೇಕೆಂಬ ಒತ್ತಾಯವನ್ನು ಎದುರಿಸಿತು. ಇದು ಐಆರ್‌ಎಸ್ ಇತಿಹಾಸದಲ್ಲೇ ಅತ್ಯಧಿಕವಾಗಿದೆ.

2004ರ ಆಗಸ್ಟ್ 26ರಂದು, ನ್ಯೂಯಾರ್ಕ್ ಸ್ಟೇಟ್ ಅಟಾರ್ನಿ ಜನರಲ್ ಎಲಿಯಟ್ ಸ್ಪಿಟ್‌ಜರ್ ಕಚೇರಿಯು ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ವಿರುದ್ಧ ಕಾನೂನು ಕ್ರಮವನ್ನು ಬಗೆಹರಿಸಿದ್ದಾಗಿ ಪ್ರಕಟಿಸಿತು. ವಿವಾದ ಪರಿಹಾರದಲ್ಲಿ ಜಿಎಸ್‌ಕೆ ನೋಂದಣಿ ಕಡತವನ್ನು ಕಳಿಸಬೇಕಿತ್ತು. ಇದು ಪೂರ್ವಪರೀಕ್ಷೆ ಮತ್ತು ವೈದ್ಯಕೀಯ ಔಷಧ ಅಧ್ಯಯನ ಫಲಿತಾಂಶಗಳ ಬಗ್ಗೆ ಯುಎಸ್ ಫುಡ್ ಮತ್ತು ಡ್ರಗ್ ಅಡ್ಮಿನಿಸ್ಟ್ರೇಷನ್(ಎಫ್‌ಡಿಎ) ಮತ್ತು ಇತರೆ ಔಷಧಿ ಕಂಪೆನಿಗಳು ಬಹಿರಂಗಪಡಿಸಲು ಇಚ್ಛಿಸಿದ್ದಕ್ಕಿಂತ ಹೆಚ್ಚು ಮಾಹಿತಿಯನ್ನು ಒಳಗೊಳ್ಳಬೇಕಿತ್ತು. ಅಟಾರ್ನಿ ಜನರಲ್ ಸ್ಪಿಟ್ಜರ್ ಈ ವಿವಾದ ಪರಿಹಾರವನ್ನು ಪರಿವರ್ತನೀಯ ಎಂದು ಶ್ಲಾಘಿಸಿದರು. ತಿಳಿದ ತೀರ್ಪುಗಳನ್ನು ನೀಡಲು ಅಗತ್ಯವಾದ ವೈದ್ಯಕೀಯ ಪರೀಕ್ಷೆ ದತ್ತಾಂಶದ ಪ್ರವೇಶವನ್ನು ವೈದ್ಯರಿಗೆ ಮತ್ತು ರೋಗಿಗಳಿಗೆ ಒದಗಿಸುತ್ತದೆ ಎಂದು ಅವರು ಹೇಳಿದರು. ವಿವಾದ ಪರಿಹಾರದ ಈ ಭಾಗವು ನ್ಯೂಯಾರ್ಕ್ ಎಜಿ ಮತ್ತು ರೋಸ್ ಫೈರ್‌ಸ್ಟೈನ್ ಅವರ ಮುಖ್ಯ ಉದ್ದೇಶವಾಗಿತ್ತು. ಅವರು ಎಜಿಯ ಕಚೇರಿಯಲ್ಲಿ ಕೆಲಸ ಮಾಡಿದ್ದರು ಮತ್ತು ಈ ಪ್ರಕರಣವನ್ನು ಕೈಗೆತ್ತಿಕೊಳ್ಳಬೇಕೆಂದು ಆರಂಭದಲ್ಲಿ ವಾದಿಸಿದ್ದರು. ಹಣಕಾಸಿನ ಪರಿಹಾರಕ್ಕೆ ಸಂಬಂಧಿಸಿದಂತೆ ಎರಡೂ ಕಡೆಗಳು ಅಂತಿಮವಾಗಿ 2.5 ದಶಲಕ್ಷ ಡಾಲರ್ ಪಾವತಿ ಮಾಡಲು ಒಪ್ಪಿಗೆ ನೀಡಿದವು. 2004ರ ಆಗಸ್ಟ್ 3ರಂದು, ವಿವಾದ ಪರಿಹಾರಕ್ಕೆ ಸ್ವಲ್ಪ ಸಮಯದ ಮುನ್ನ ಲೋವಾದ ರಿಪಬ್ಲಿಕನ್ ಸೆನೆಟ್ ಸದಸ್ಯ ಚಾರ್ಲ್ಸ್ ಗ್ರಾಸ್ಲಿ ಜಿಎಸ್‌ಕೆಗೆ ಪತ್ರವೊಂದನ್ನು ಬರೆದು, ಕೆಲವು ಔಷಧಿ ಕಂಪೆನಿಗಳು ಎಲ್ಲ ಮಾಹಿತಿಗಳೊಂದಿಗೆ ಎಫ್‌ಡಿಎ ಒದಗಿಸದಿರುವುದು ಕಳವಳಕಾರಿಯಾಗಿದೆ ಎಂದು ಹೇಳಿದರು. 2008ರಲ್ಲಿ ಎಫ್‌ಡಿಎ ಅಧಿಕಾರಿ ಡಾ.ಆಂಡ್ರಿವ್ ಮಾಸ್‌ಹೋಲ್ಡರ್ ಹೇಳಿಕೆಗಳಿಂದ ಅವರ ಪತ್ರವು ಪ್ರಚೋದಿತವಾಗಿತ್ತು. 2004ನೇ ಫೆಬ್ರವರಿ 2ರ ವಿಚಾರಣೆಯಲ್ಲಿ ಆಂಡ್ರೀವ್ ಸೆನೆಟ್ ಸದಸ್ಯರಿಗೆ ತಿಳಿಸುತ್ತಾ, ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ತಮ್ಮ ಅಭಿಪ್ರಾಯದಲ್ಲಿ ಮಕ್ಕಳ ಮೇಲೆ ಪ್ಯಾಕ್ಸಿಲ್ ದುಷ್ಪರಿಣಾಮಗಳ ಬಗ್ಗೆ ಮಕ್ಕಳ ಆತ್ಮಹತ್ಯೆ ಭಾವನೆಗಳು ಅಥವಾ ಆತ್ಮಹತ್ಯೆ ನಡವಳಿಕೆಗಳನ್ನು ತಪ್ಪಾಗಿ ಸಂಕೇತಿಸುವ ಮೂಲಕ ಸಕ್ಕರೆಯ ಲೇಪ ನೀಡಲು ಪ್ರಯತ್ನಿಸುತ್ತಿದೆ ಎಂದು ತಿಳಿಸಿದರು. ಸೆನೆಟ್ ಸದಸ್ಯ ಗ್ರಾಸ್ಲಿ ಪತ್ರ ಮತ್ತು ನ್ಯೂಯಾರ್ಕ್ ಸ್ಟೇಟ್ ಅಟಾರ್ನಿ ಜನರಲ್ ದಾವೆಯ ಪರಿಹಾರಕ್ಕೆ ಯತ್ನಿಸುವ ಅವರ ನಿರ್ಧಾರದ ನಡುವೆ ಯಾವುದೇ ಸಂಬಂಧವಿದೆಯೇ ಎಂದು ಗ್ಲಾಕ್ಸೊ ಅಧಿಕಾರಿಗಳು ಪ್ರತಿಕ್ರಿಯೆ ನೀಡಲಿಲ್ಲ.[೩೪]

2006ರ ಸೆಪ್ಟೆಂಬರ್ 12ರಂದು ಜಿಎಸ್‌ಕೆ ಐಆರ್‌ಎಸ್ ಇತಿಹಾಸದಲ್ಲಿ ಅತೀ ದೊಡ್ಡ ತೆರಿಗೆ ವಿವಾದವನ್ನು 3.1 ಶತಕೋಟಿ ಡಾಲರ್ ಪಾವತಿ ಮಾಡಲು ಒಪ್ಪುವ ಮೂಲಕ ಇತ್ಯರ್ಥಪಡಿಸಿತು. ಪ್ರಕರಣದ ವಿಷಯವೇನೆಂದರೆ ಜಾಂಟಾಕ್ ಮತ್ತು ಇತರೆ ಗ್ಲಾಕ್ಸೊ ಗ್ರೂಪ್ ಪರಂಪರೆ ಉತ್ಪನ್ನಗಳು 1989-2005ರ ನಡುವೆ ಮಾರಾಟವಾಗಿರುವುದು. ಈ ಪ್ರಕರಣವು ಅಂತರಕಂಪೆನಿ ವರ್ಗಾವಣೆ ದರದೊಂದಿಗೆ ವ್ಯವಹರಿಸುವ ತೆರಿಗೆ ವಿಧಿಸುವ ಕ್ಷೇತ್ರಕ್ಕೆ ಸಂಬಂಧಿಸಿದೆ- ಜಿಎಸ್‌ಕೆಯ ಅಮೆರಿಕ ಸಹಾಯಕ ಕಂಪೆನಿಗಳಿಗೆ ಸೇರಿದ್ದನ್ನೆಲಾದ ಲಾಭದ ಹಂಚಿಕೆಯನ್ನು ನಿರ್ಧರಿಸುವುದಾಗಿದೆ ಮತ್ತು ಐಆರ್‌ಎಸ್‌ನಿಂದ ತೆರಿಗೆಗೆ ಒಳಪಡುತ್ತದೆ. ದೊಡ್ಡ ಬಹುವಿಭಾಗೀಯ ಕಂಪೆನಿಗಳಿಗೆ ತೆರಿಗೆಗಳನ್ನು ನಿರ್ದಿಷ್ಟ ತೆರಿಗೆ ವ್ಯಾಪ್ತಿಯಲ್ಲಿ ವರದಿಯಾಗುವ ಲಾಭಗಳ ಆಧಾರದ ಮೇಲೆ ಕಂದಾಯ ಅಧಿಕಾರಿಗಳಿಗೆ ಪಾವತಿ ಮಾಡುವುದಾಗಿದೆ. ವಿವಿಧ ಸ್ವತ್ತಿನ ಪಾರಂಪರಿಕ ಗ್ಲಾಕ್ಸೊ ವಿಭಾಗಗಳ ನಡುವೆ ಅವುಗಳ ಕಾರ್ಯನಿರ್ವಹಣೆ ಆಧಾರದ ಮೇಲೆ ಲಾಭಗಳನ್ನು ಹೇಗೆ ಹಂಚಿಕೆ ಮಾಡಲಾಗಿದೆ ಎನ್ನುವುದು ಈ ಪ್ರಕರಣದಲ್ಲಿ ವಿವಾದದ ಕೇಂದ್ರಬಿಂದುವಾಗಿದೆ.[೩೫]

2007 ಫೆಬ್ರವರಿಯಲ್ಲಿ ಯುಕೆಯ ಸೀರಿಯಸ್ ಫ್ರಾಡ್ ಆಫೀಸ್ ಇರಾಕ್‌ನ ಆಹಾರದ ಬದಲಿಗೆ ತೈಲ ನಿರ್ಬಂಧಗಳಲ್ಲಿ ಜಿಎಸ್‌ಕೆ ಅಕ್ರಮವಾಗಿ ಭಾಗಿಯಾಗಿದೆ ಎಂಬ ಆರೋಪಗಳ ಬಗ್ಗೆ ತನಿಖೆಯನ್ನು ಆರಂಭಿಸಿತು. ಸದ್ದಾಂ ಹುಸೇನ್ ಅವರ ಆಡಳಿತಕ್ಕೆ ಲಂಚಗಳನ್ನು ನೀಡಿದ ಆರೋಪವನ್ನು ಅವರ ಮೇಲೆ ಹೊರಿಸಲಾಯಿತು.[೩೬]

ಪ್ಯಾರೊಕ್ಸೆಟೈನ್‌

[ಬದಲಾಯಿಸಿ]

ಪ್ಯಾರೋಕ್ಸೆಟೈನ್‌ ಲಭ್ಯತೆಯ ಮೊದಲ ಹತ್ತು ವರ್ಷಗಳ ಕಾಲ, ಗ್ಲಾಕ್ಸೊ ಸ್ಮಿತ್‌ಕ್ಲೈನ್' ತನ್ನ ಔಷಧಿಯ ಮಾರಾಟಗಾರಿಕೆಯಲ್ಲಿ ಇದು ಗೀಳಾಗಿ ಅಂಟಿಕೊಳ್ಳುವುದಿಲ್ಲ ಎಂದು ತಪ್ಪಾಗಿ ಹೇಳಿಕೆ ನೀಡಿತು.[೩೭] 2001ರಲ್ಲಿ ಪ್ಯಾರೋಕ್ಸೆಟೈನ್ ಯಾವುದೇ ಖಿನ್ನತೆಶಮನಕಾರಿಗಿಂತ ಅತೀ ಕಠಿಣ ಹಿಂತೆಗೆದುಕೊಳ್ಳುವ(ನಿಲ್ಲಿಸುವ) ಸಮಸ್ಯೆಗಳಿರುವುದು ಪತ್ತೆಯಾಗಿರುವುದಾಗಿ ಬಿಬಿಸಿ ವಿಶ್ವ ಆರೋಗ್ಯ ಸಂಘಟನೆಗೆ ವರದಿ ಮಾಡಿತು.[೩೮] 2002ರಲ್ಲಿ ಅಮೆರಿಕ ಆಹಾರ ಮತ್ತು ಔಷಧಿ ಆಡಳಿತ ಔಷಧಿಯ ಬಗ್ಗೆ ಹೊಸ ಉತ್ಪನ್ನ ಎಚ್ಚರಿಕೆಯನ್ನು ಪ್ರಕಟಿಸಿತು ಮತ್ತು ಔಷಧಿ ಉತ್ಪಾದನೆ ಸಂಘಟಕರ ಅಂತಾರಾಷ್ಟ್ರೀಯ ಒಕ್ಕೂಟವು(ಐಎಫ್‌ಪಿಎಂಎ) ಅಮೆರಿಕ ಟೆಲಿವಿಷನ್‌ನಲ್ಲಿ ಸಾರ್ವಜನಿಕರನ್ನು ತಪ್ಪುಹಾದಿಗೆ ಜಿಎಸ್‌ಕೆ ಎಳೆದಿದೆ ಎಂದು ಘೋಷಿಸಿತು.[೩೯] ಬ್ರಿಟಿಷ್ ಮೆಡಿಕಲ್ ಜರ್ನಲ್ ಸೋಷಿಯಲ್ ಆಡಿಟ್ ಮುಖ್ಯಸ್ಥ ಚಾರ್ಲ್ಸ್ ಮೆಡಾವರ್ ಅವರ ಹೇಳಿಕೆ ಉಲ್ಲೇಖಿಸಿ, ಈ ಔಷಧಿಯು ಸುರಕ್ಷಿತ ಮತ್ತು ಹಿಂತೆಗೆದುಕೊಳ್ಳಲು ಸುಲಭ ಎಂದು ವರ್ಷಗಟ್ಟಲೆ ಪ್ರಚಾರಮಾಡಲಾಯಿತು..... ಇದು ಸಹಿಸಲಾರದ ಹಿಂತೆಗೆದುಕೊಳ್ಳುವ ಲಕ್ಷಣಗಳನ್ನು ಉಂಟುಮಾಡಬಹುದು ಮತ್ತು ಅವಲಂಬನೆಗೆ ದಾರಿ ಕಲ್ಪಿಸಬಹುದು ಎಂಬ ಸತ್ಯವನ್ನು ತಿಳಿಯುವುದು ರೋಗಿಗಳಿಗೆ, ವೈದ್ಯರಿಗೆ, ಬಂಢವಾಳದಾರರಿಗೆ ಮತ್ತು ಕಂಪೆನಿಗೆ ಬಹಳ ಮುಖ್ಯವಾಗಿದೆ. ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಪ್ಯಾರೋಕ್ಸೆಟೈನ್‌ಗೆ 10 ವರ್ಷಗಳ ಹಿಂದೆ ಪರವಾನಗಿ ನೀಡಿದಾಗಿನಿಂದ ಈ ವಿಷಯದಿಂದ ತಪ್ಪಿಸಿಕೊಳ್ಳುತ್ತಿದ್ದು, ಔಷಧಿಯು ಅತ್ಯಂತ ಯಶಸ್ವಿಯಾಗಿದ್ದು, ಅವರ ಇಡೀ ಆದಾಯದ ಹತ್ತನೇ ಒಂದು ಭಾಗವನ್ನು ತಂದುಕೊಡುತ್ತಿದೆ. ಪ್ಯಾರೊಕ್ಸೆಟೈನ್‌ನ್ನು ಕಂಪೆನಿಯು ನೇರವಾಗಿ ಗೀಳು-ರಹಿತ ರಚನೆ ಎಂದು ಬಹಳಕಾಲದವರೆಗೆ ಗ್ರಾಹಕರಿಗೆ ಪ್ರಚಾರಮಾಡುತ್ತಿದೆ.[೩೯]

2006ರ ಡಿಸೆಂಬರ್ 22ರಂದು US ನ್ಯಾಯಾಲಯವು ಹೂರ್‌ಮ್ಯಾನ್‌ನಲ್ಲಿ ಮತ್ತು v. ಸ್ಮಿತ್‌ಕ್ಲೈನ್ ಬೀಚ್ಯಾಮ್ ಕಾರ್ಪೊರೇಶನ್‌ನಲ್ಲಿ, ಕಿರಿಯ ಮಕ್ಕಳಿಗಾಗಿ ಪ್ಯಾಕ್ಸಿಲ್(R) ಅಥವಾ ಪ್ಯಾಕ್ಸಿಲ್ CR(TM) (ಪ್ಯಾರೊಕ್ಸೆಟೈನ್‌)ಅನ್ನು ಖರೀದಿಸಿದವರು $63.8 ದಶಲಕ್ಷ ಪ್ರಸ್ತಾಪಿತ ಒಪ್ಪಂದದಡಿಯ[೪೦] ಲ್ಲಿ ಪ್ರಯೋಜನ ಪಡೆಯಲು ಅರ್ಹತೆ ಗಳಿಸಬಹುದು ಎಂದು ನಿರ್ಧರಿಸಿತು. ಗ್ರಾಹಕ ವಕೀಲರು ಪ್ಯಾರೊಕ್ಸೆಟೈನ್‌ ತಯಾರಕ GSKಯ ವಿರುದ್ಧ ಹೂಡಿದ ಪ್ರತಿಭಟನೆಯಿಂದ ದಾವೆ ಹುಟ್ಟಿಕೊಂಡಿತ್ತು. FDA 1992ರಲ್ಲಿ ಪ್ಯಾರೊಕ್ಸೆಟೈನ್‌‌ಗೆ ಅನುಮತಿ ನೀಡಿದಂದಿನಿಂದ, ಸರಿಸುಮಾರು 5,000 U.S. ನಾಗರಿಕರು ಮತ್ತು ಪ್ರಪಂಚದಾದ್ಯಂತ ಸಾವಿರಕ್ಕಿಂತಲೂ ಹೆಚ್ಚು ಮಂದಿ GSKಯ ವಿರುದ್ಧ ಮೊಕದ್ದಮೆ ಹೂಡಿದರು. ಇವರಲ್ಲಿ ಹೆಚ್ಚಿನವರು ಈ ಔಷಧಿಯ ಅಡ್ಡ ಪರಿಣಾಮಗಳು ಮತ್ತು ಗೀಳುಹಿಡಿಸುವ ಗುಣಲಕ್ಷಣದ ಬಗ್ಗೆ ತಮಗೆ ಮುಂಚಿತವಾಗಿ ಎಚ್ಚರಿಕೆಯನ್ನು ನೀಡಲಿಲ್ಲವೆಂದು ಅಭಿಪ್ರಾಯ ಸೂಚಿಸಿದರು.

ಪ್ಯಾಕ್ಸಿಲ್ ಪ್ರೊಟೆಸ್ಟ್ ವೆಬ್‌ಸೈಟ್ ಪ್ರಕಾರ,[೪೧] ಜಿಎಸ್‌ಕೆ ವಿರುದ್ಧ ನೂರಕ್ಕಿಂತ ಹೆಚ್ಚು ದಾವೆಗಳನ್ನು ಹೂಡಲಾಯಿತು. 2006ರಲ್ಲಿ ಮೂಲ ಪ್ಯಾಕ್ಸಿಲ್ ಪ್ರೊಟೆಸ್ಟ್ ವೆಬ್‌ಸೈಟ್‌ನ್ನು ಅಂತರ್ಜಾಲದಿಂದ ತೆಗೆದುಹಾಕಲಾಯಿತು. ಜಾಲತಾಣವನ್ನು ತೆಗೆಯುವ ಕ್ರಮವು ರಹಸ್ಯ ಒಪ್ಪಂದ ಅಥವಾ ಗ್ಯಾಗಿಂಗ್ ಆರ್ಡರ್ ಭಾಗವಾಗಿತ್ತು ಎಂದು ತಿಳಿದುಬಂತು. ಜಾಲತಾಣದ ಮಾಲೀಕ ಗ್ಲಾಕ್ಸೋಸ್ಮಿತ್‌ಕ್ಲೈನ್ ವಿರುದ್ಧ ಅವರ ಕ್ರಮದ ಪರಿಹಾರದ ಭಾಗವಾಗಿ ಒಪ್ಪಂದಕ್ಕೆ ಬಂದಿದ್ದರು. ಆದಾಗ್ಯೂ, 2007 ಮಾರ್ಚ್‌ನಲ್ಲಿ ವೆಬ್‌ಸೈಟ್ ಸೆರೊಕ್ಸಾಟ್ ಸೀಕ್ರೇಟ್ಸ್ [೪೨] ಪ್ಯಾಕ್ಸಿಲ್ ಪ್ರೊಟೆಸ್ಟ್ ಸೈಟ್‌ನ ದಾಖಲೆಯು Archive.orgಮೂಲಕ ಇನ್ನೂ ಅಂತರ್ಜಾಲದಲ್ಲಿ ಲಭ್ಯವಿದೆ ಎಂದು ಪತ್ತೆಮಾಡಿತು.[೪೩]

2007ರ ಜನವರಿಯಲ್ಲಿ ಸೆರೊಕ್ಸಾಟ್ ಸೀಕ್ರೇಟ್ಸ್ ವೆಬ್‌ಸೈಟ್ ಪ್ರಕಾರ,[೪೪] ಯುನೈಟೆಡ್ ಕಿಂಗ್ಡಂನಲ್ಲಿ ರಾಷ್ಟ್ರೀಯ ಗುಂಪು ದಾವೆಯಲ್ಲಿ, ನೂರಾರು ಜನರ ಪರವಾಗಿ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ plc,ವಿರುದ್ಧ ಸೆರೊಕ್ಸಾಟ್ ಔಷಧಿ ಬಳಕೆಯಿಂದ ಹಿಂತೆಗೆದುಕೊಳ್ಳುವುದರಿಂದ (ನಿಲ್ಲಿಸುವ)ಉಂಟಾಗುವ ಪ್ರತಿಕ್ರಿಯೆಗಳ ಬಗ್ಗೆ ಆರೋಪಿಸಿದವು ಮತ್ತು ಲಂಡನ್‌ನ ಹೈಕೋರ್ಟ್‌ಗೆ ಒಂದು ಹೆಜ್ಜೆ ಸಮೀಪವಿರಿಸಿದವು. ಪಬ್ಲಿಕ್ ಇಂಟರೆಸ್ಟ್ ಅಪೀಲ್ ಪ್ಯಾನೆಲ್ ನಿರ್ಧಾರದ ಹಿನ್ನೆಲೆಯಲ್ಲಿ ಸಾರ್ವಜನಿಕರಿಗೆ ಆರ್ಥಿಕ ನೆರವನ್ನು ಮರುಸ್ಥಾಪಿಸಲಾಯಿತು. ಈ ನಿರ್ದಿಷ್ಟ ಕ್ರಮದಿಂದ ಹಿಂತೆಗೆದುಕೊಳ್ಳುವ ಪ್ರತಿಕ್ರಿಯೆ ಉಂಟುಮಾಡುವ ಪ್ರವೃತ್ತಿಯನ್ನು ಸೆರೊಕ್ಸಾಟ್ ಹೊಂದಿದೆ ಎಂದು ಪ್ರತಿಪಾದಿಸಲಾಯಿತು. ಹಗ್ ಜೇಮ್ಸ್ ಸಾಲಿಸಿಟರ್ಸ್ ಈ ಸುದ್ದಿಯನ್ನು ಖಚಿತಪಡಿಸಿದರು.[೪೫]

2008 ಮಾರ್ಚ್‌ನಲ್ಲಿ ಮೆಡಿಸೈನ್ಸ್ ಮತ್ತು ಹೆಲ್ತ್‌ಕೇರ್ ಪ್ರಾಡಕ್ಟ್ಸ್ ರೆಗ್ಯುಲೇಟರಿ ಏಜನ್ಸಿಯು ಜಿಎಸ್‌ಕೆ ಸೆರೊಕ್ಸಾಟ್ ಸೇವನೆಯ ದುಷ್ಪರಿಣಾಮಗಳ ಬಗ್ಗೆ ಮುಂಚೆಯೇ ಎಚ್ಚರಿಸಬೇಕಿತ್ತು ಎಂದು ತೀರ್ಮಾನಿಸಿತು.[೪೬] ಹಳೆಯ ಶಾಸನದ ಅನ್ವಯ ಜಿಎಸ್‌ಕೆ ವಿರುದ್ಧ ಮೊಕದ್ದಮೆ ಹೂಡಲು ಸಾಧ್ಯವಾಗುವುದಿಲ್ಲ.

2008ರಲ್ಲಿ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಸೂಚಿತ ಮಾಹಿತಿಯು ಗಂಭೀರ ಹಿಂತೆಗೆದುಕೊಳ್ಳುವ ಲಕ್ಷಣಗಳು ಉಂಟಾಗಬಹುದು ಎಂದು ಒಪ್ಪಿಕೊಂಡಿತು.[೪೭]

ರೈಬೀನಾ

[ಬದಲಾಯಿಸಿ]

2007ರ ಮಾರ್ಚ್ 27ರಂದು, ಜಿಎಸ್‌ಕೆ ಆಕ್ಲೆಂಡ್ ಜಿಲ್ಲಾ ಕೋರ್ಟ್‌ನಲ್ಲಿ 15ಆರೋಪಗಳಿಗೆ ತಪ್ಪೊಪ್ಪಿಕೊಂಡಿತು. ನ್ಯೂಜಿಲೆಂಡ್ ಕಾಮರ್ಸ್ ಕಮೀಷನ್ ಫೇರ್ ಟ್ರೇಡಿಂಗ್ ಆಕ್ಟ್ ಅನ್ವಯ ಅದರ ವಿರುದ್ಧ ದಾರಿತಪ್ಪಿಸುವ ನಡವಳಿಕೆಗೆ ಸಂಬಂಧಿಸಿದಂತೆ ಈ ಆರೋಪಗಳನ್ನು ಮಾಡಲಾಗಿತ್ತು. ಜನಪ್ರಿಯ ಬ್ಲಾಕ್‌ಕರಾಂಚ್ ಹಣ್ಣಿನ ಪಾನೀಯ ರೈಬೀನಾಗೆ ಸಂಬಂಧಿಸಿದ ಆರೋಪಗಳಲ್ಲಿ, ಕಂಪೆನಿಯು ರೈಬೀನಾ ಅತ್ಯಧಿಕ ಪ್ರಮಾಣದ ವಿಟಮಿನ್ ಸಿಯನ್ನು ಹೊಂದಿದೆಯೆಂದು ಗ್ರಾಹಕರನ್ನು ನಂಬಿಸಿತು. ಶಾಲೆಯ ವಿಜ್ಞಾನ ಯೋಜನೆಯ ಭಾಗವಾಗಿ, ನ್ಯೂಜಿಲೆಂಡ್, ಆಕ್‌ಲೆಂಡ್‌ನ ಪಾಕುರಂಗಾ ಕಾಲೇಜ್‌ನಿಂದ ಇಬ್ಬರು 14 ವರ್ಷ ವಯಸ್ಸಿನ ಬಾಲಕಿಯರು(ಅನ್ನಾ ದೇವತಾಸನ್ ಮತ್ತು ಜೆನ್ನಿ ಸುವೊ) 100 ಎಂಎಲ್ ಧಾರಕಗಳಲ್ಲಿ ಮಾರಾಟ ಮಾಡುವ ಕುಡಿಯಲು ಸಿದ್ಧವಾದ ಪಾನೀಯ ತೀರಾ ಕಡಿಮೆ ವಿಟಮಿನ್ ಸಿ ಹೊಂದಿದೆಯೆಂದು ಪತ್ತೆಮಾಡಿದರು. ಕಂಪೆನಿಯನ್ನು ಇಬ್ಬರು ಸಂಪರ್ಕಿಸಿದಾಗ, ವಿಷಯ ಬಗೆಹರಿಯಲಿಲ್ಲ. ಆದರೆ ವಿಷಯವನ್ನು ರಾಷ್ಟ್ರೀಯ ಗ್ರಾಹಕ ವ್ಯವಹಾರಗಳ ಟೆಲಿವಿಷನ್ ಪ್ರದರ್ಶನ ಫೇರ್ ಗೊನಲ್ಲಿ ಪ್ರಸಾರ ಮಾಡಿದಾಗ ಈ ವಿಷಯವು ಕಾಮರ್ಸ್ ಕಮೀಷನ್(ಸರ್ಕಾರಿ ಆರ್ಥಿಕ ನೆರವಿನ ಕಾವಲು ಸಮಿತಿ)ಗಮನ ಸೆಳೆಯಿತು. ಕಮಿಷನ್ ಪರೀಕ್ಷೆಯಲ್ಲಿ ಕುಡಿಯಲು ಸಿದ್ಧವಾದ ರೈಬೀನಾ ಪಾನೀಯ ಯಾವುದೇ ಗುರುತಿಸಬಹುದಾದ ವಿಟಮಿನ್ ಸಿ ಹೊಂದಿರಲಿಲ್ಲವೆಂದು ಪತ್ತೆಮಾಡಿತು.

15 ಆರೋಪಗಳಿಗಾಗಿ ಕಂಪೆನಿಗೆ 217000 ಡಾಲರ್ ದಂಡವನ್ನು ವಿಧಿಸಲಾಯಿತು. ಆರೋಪಗಳ ಸಂಖ್ಯೆಯನ್ನು 88ರಿಂದ ತಗ್ಗಿಸಲಾಯಿತು ಮತ್ತು 2002 ಮಾರ್ಚ್‌ನಿಂದ 2006 ಮಾರ್ಚ್‌ ಅವಧಿಯನ್ನು ಒಳಗೊಂಡಿತು. ತಾನು ಗ್ರಾಹಕರನ್ನು ದಾರಿತಪ್ಪಿಸುವ ಉದ್ದೇಶ ಹೊಂದಿರಲಿಲ್ಲವೆಂದು ಜಿಎಸ್‌ಕೆ ಪ್ರತಿಪಾದಿಸಿ, ಜಾಹೀರಾತು ಹೇಳಿಕೆಗಳು ಪರೀಕ್ಷೆ ವಿಧಿವಿಧಾನಗಳನ್ನು ಆಧರಿಸಿದ್ದು, ಆಗಿನಿಂದ ಅದು ಬದಲಾಗಿದೆ ಎಂದು ಹೇಳಿತು. ರೈಬೀನಾ ಪಾನೀಯದಲ್ಲಿ ವಿಟಮಿನ್ ಸಿ ಭಾಗದ ಬಗ್ಗೆ ಸಾರ್ವಜನಿಕರಿಗೆ ದಾರಿ ತಪ್ಪಿಸಿದ್ದನ್ನು ಒಪ್ಪಿಕೊಂಡ ನಂತರ ಸತ್ಯಾಂಶಗಳನ್ನು ಒದಗಿಸುವುದಕ್ಕಾಗಿ ಜಾಹೀರಾತು ಪ್ರಚಾರವನ್ನು ನಡೆಸುವಂತೆ ಅದಕ್ಕೆ ಆದೇಶಿಸಲಾಯಿತು. ಅದರ ವಕೀಲ ಅಡಾಂ ರೋಸ್ ಮೂಲಕ, ಕುಡಿಯಲು ಸಿದ್ಧವಾದ ಪಾನೀಯ ರೈಬೀನಾ ಪ್ರತಿ 100 ಎಂಎಲ್‌ಗೆ 7 ಎಂಜಿ ವಿಟಮಿನ್ ಸಿ ಅಥವಾ ಶಿಫಾರಸು ಮಾಡಿದ ದಿನನಿತ್ಯದ ಸೇವನೆಯಲ್ಲಿ ಶೇಕಡ 44 ಹೊಂದಿರುವುದು ಸುಳ್ಳು ಎಂಬ ಕಾಮರ್ಸ್ ಕಮೀಷನ್ ಆರೋಪಗಳನ್ನು ಕಂಪೆನಿಯು ಒಪ್ಪಿಕೊಂಡಿತು. ರಿಬೇನಾದ ಬ್ಲಾಕ್‌ಕರಾಂಟ್ಸ್ ಕಿತ್ತಲೆಹಣ್ಣುಗಳ ವಿಟಮಿನ್ ಸಿಗಿಂತ ನಾಲ್ಕು ಪಟ್ಟು ಹೊಂದಿದೆ ಎನ್ನುವ ಟೆಲಿವಿಷನ್ ಜಾಹೀರಾತು ಅಕ್ಷರಶಃ ನಿಜವಾದರೂ ರೈಬೀನಾದ ಸಂಬಂಧಿತ ವಿಟಮಿನ್ ಸಿ ಪ್ರಮಾಣಗಳ ಬಗ್ಗೆ ಗ್ರಾಹಕರನ್ನು ದಾರಿತಪ್ಪಿಸುವ ಸಂಭವವಿದೆ ಎನ್ನುವುದಕ್ಕೆ ಕೂಡ ಕಂಪೆನಿಯು ಸಮ್ಮತಿಸಿತು.[೪೮]

ಅವಾಂಡಿಯ

[ಬದಲಾಯಿಸಿ]

2007ರ ಜೂನ್ 14ರಂದು ನ್ಯೂಇಂಗ್ಲೆಂಡ್ ಜರ್ನಲ್ ಆಫ್ ಮೆಡಿಸಿನ್‌ನ ಕ್ಲೀವ್‌ಲ್ಯಾಂಡ್ ಕ್ಲಿನಿಕ್‌ನಲ್ಲಿ ಕಾರ್ಡಿವ್ಯಾಸ್ಕುಲರ್ ಮೆಡಿಸಿನ್ ವಿಭಾಗದ ಅಧ್ಯಕ್ಷ ಸ್ಟೀವನ್ ನಿಸ್ಸೆನ್ ಲೇಖನವೊಂದನ್ನು ಪ್ರಕಟಿಸಿದರು. ಅಧಿಕ ಮಟ್ಟದ ವಿಶ್ಲೇಷಣೆಯಲ್ಲಿ ಅವಾಂಡಿಯ ಎಂದು ಮಾರಾಟವಾಗುವ ರೋಸಿಗ್ಲಿಟಾಜೋನ್‌ ಸೇವಿಸುವ ರೋಗಿಗಳಲ್ಲಿ ಹೃದಯಅಂಗಾಂಶದ ಹಾನಿಯ ಪ್ರಮಾಣ ಹೆಚ್ಚಿದೆಯೆಂದು ತೋರಿಸಿತು. ತೀರಾ ಇತ್ತೀಚೆಗೆ ನ್ಯೂಯಾರ್ಕ್ ಟೈಮ್ಸ್ ಲೇಖನವೊಂದನ್ನು ಪ್ರಕಟಿಸಿ, ಔಷಧಿಯ ಕಾರ್ಯನಿರ್ವಾಹಕರ ಜತೆ ನಿಸ್ಸೆನ್ ಸಂಭಾಷಣೆ ಕುರಿತು ವಿವರಣೆ ನೀಡಿತು. ಈ ಸಂಭಾಷಣೆಗಳನ್ನು ಜಿಎಸ್‌ಕೆ ಕಾರ್ಯನಿರ್ವಾಹಕರ ಅರಿವಿಗೆ ಬಾರದೇ ಧ್ವನಿಮುದ್ರಿಸಿಕೊಳ್ಳಲಾಯಿತು. ಆದರೆ ಒಹಿಯೊ ರಾಜ್ಯದಲ್ಲಿ ಭಾಗವಹಿಸಿದ ಒಂದು ಪಕ್ಷಕ್ಕೆ ಗೊತ್ತಿದ್ದರೆ ಅದು ಕಾನೂನುಬದ್ಧವೆನಿಸುತ್ತದೆ. ಪ್ರಸಕ್ತ, ರಾಸಿಗ್ಲಿಟಾಜೋನ್ ಅನುಮೋದನೆ ಮಾಡಿದ ಸಂದರ್ಭದಲ್ಲಿ ಮತ್ತು ಅನುಮೋದನೆಯಾದ ನಂತರ ಯಾವ ಮಾಹಿತಿ ತಿಳಿದಿತ್ತು ಮತ್ತು ಜಿಎಸ್‌ಕೆ ಉದ್ದೇಶಪೂರ್ವಕವಾಗಿ ಅಂತಹ ಮಾಹಿತಿಯನ್ನು ಮುಚ್ಚಿಟ್ಟಿತೇ ಎಂದು ನಿರ್ಧರಿಸಲು ಕಾಂಗ್ರೆಸ್ ತನಿಖೆ ಆರಂಭಿಸಲಾಯಿತು. 2010ರ ಫೆಬ್ರವರಿಯಲ್ಲಿ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ರೋಸಿಗ್ಲಿಟಾಜೋನ್‌ಗೆ ಸಂಬಂಧಿಸಿದ ಗಂಭೀರ ಲೇಖನವನ್ನು[೪೯] ಪ್ರಕಟಿಸುವುದನ್ನು ದಮನಿಸಲು ಪ್ರಯತ್ನಿಸಿತು.[೫೦] ಜುಲೈನಲ್ಲಿ ಅಮೆರಿಕ ಫೈನಾನ್ಸ್ ಕಮಿಟಿಯ ಪತ್ರದಲ್ಲಿ ಜಿಎಸ್‌ಕೆ ಅಧ್ಯಯನಗಳನ್ನು ಸಮಯೋಚಿತ ರೀತಿಯಲ್ಲಿ ಪ್ರಕಟಿಸಲು ವಿಫಲವಾದ್ದರಿಂದ ಅವಾಂಡಿಯದ ಸಮಸ್ಯೆಗಳು ಪತ್ತೆಯಾದವು ಎಂದು ತೀರ್ಮಾನಿಸಲಾಯಿತು.[೫೧]

ಪ್ರಕಟಿತ ನೀತಿ ಬದಲಾವಣೆ

[ಬದಲಾಯಿಸಿ]

2009 ಫೆಬ್ರವರಿಯಲ್ಲಿ ಜಿಎಸ್‌ಕೆ ಮುಖ್ಯಸ್ಥ ಆಂಡ್ರಿವ್ ವಿಟ್ಟಿ 50 ಅತೀ ಬಡ ರಾಷ್ಟ್ರಗಳಲ್ಲಿ ಕಂಪೆನಿಯು ಔಷಧಿ ದರಗಳನ್ನು ಶೇಕಡ 25 ಕಡಿತಗೊಳಿಸುವುದಾಗಿ, ಹೊಸ ಔಷಧಿ ಅಭಿವೃದ್ಧಿಗೆ ಪ್ರೋತ್ಸಾಹಿಸುವುದಕ್ಕಾಗಿ ಕಡೆಗಣಿಸಿದ ಕಾಯಿಲೆಗೆ ಪ್ರಸ್ತುತವಾದ ವಸ್ತುಗಳಿಗೆ ಮತ್ತು ಪ್ರಕ್ರಿಯೆಗಳಿಗೆ ಬೌದ್ಧಿಕ ಆಸ್ತಿ ಹಕ್ಕುಗಳನ್ನು ಪೇಟೆಂಟ್ ಪೂಲ್‌ನಲ್ಲಿ ಬಿಡುಗಡೆ ಮಾಡುವುದು,ವೈದ್ಯಕೀಯ ಮೂಲಸೌಲಭ್ಯದಲ್ಲಿ ಕನಿಷ್ಠ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಿಂದ ಆ ರಾಷ್ಟ್ರಗಳಿಗೆ ಶೇಕಡ 20 ಲಾಭಗಳನ್ನು ಹೂಡಿಕೆಮಾಡುವುದು.[೫೨] ಈ ನಿರ್ಧಾರವು ವೈದ್ಯಕೀಯ ದತ್ತಿಸಂಸ್ಥೆಗಳಿಂದ ಮಿಶ್ರಿತ ಪ್ರತಿಕ್ರಿಯೆಗಳನ್ನು ಸ್ವೀಕರಿಸಿತು.[೫೩][೫೪] Médecins Sans Frontières ಈ ನಿರ್ಧಾರವನ್ನು ಸ್ವಾಗತಿಸಿತು,ಇದನ್ನು ಅನುಸರಿಸುವಂತೆ ಇತರೆ ಕಂಪೆನಿಗಳಿಗೆ ಸೂಚಿಸಿತು , ಆದರೆ ಅವರ ಪೇಟೆಂಟ್ ಪೂಲ್‌ನಲ್ಲಿ ಎಚ್‌ಐವಿ ಪೇಟೆಂಟ್‌ಗಳನ್ನು ಸೇರಿಸಲು ವಿಫಲವಾದ ಬಗ್ಗೆ ಮತ್ತು ಉಪಕ್ರಮದಲ್ಲಿ ಮಧ್ಯಮ ಆದಾಯದ ರಾಷ್ಟ್ರಗಳನ್ನು ಸೇರಿಸದ ಬಗ್ಗೆ ಜಿಎಸ್‌ಕೆಯನ್ನು ಟೀಕಿಸಿತು.[೫೫]

ಇವನ್ನೂ ಗಮನಿಸಿ‌

[ಬದಲಾಯಿಸಿ]

ಟೆಂಪ್ಲೇಟು:Portal

  • ಯುನೈಟೆಡ್ ಕಿಂಗ್ಡಂನಲ್ಲಿ ಔಷಧಿ ಕೈಗಾರಿಕೆ
  • Recherche et Industrie Thérapeutiques (R.I.T.)
  • ಕ್ವೆಸ್ಟ್ ಡಯಾಗ್ನೊಸ್ಟಿಕ್ಸ್
  • ಫಿಜರ್‌

ಉಲ್ಲೇಖಗಳು‌‌

[ಬದಲಾಯಿಸಿ]
  1. ↑ ೧.೦ ೧.೧ ೧.೨ "Annual Report 2010" (PDF). Archived from the original (PDF) on 16 ಜೂನ್ 2013. Retrieved 18 April 2011.
  2. ↑ "Company Profile for GlaxoSmithKline PLC (GSK)". Retrieved 3 October 2008.
  3. ↑ "Global 500 – Pharmaceuticals". Fortune. 20 July 2009. Retrieved 19 August 2010.
  4. ↑ ೪.೦ ೪.೧ "Our company". GlaxoSmithKline plc. Archived from the original on 27 ಡಿಸೆಂಬರ್ 2010. Retrieved 25 August 2010.
  5. ↑ ೫.೦೦ ೫.೦೧ ೫.೦೨ ೫.೦೩ ೫.೦೪ ೫.೦೫ ೫.೦೬ ೫.೦೭ ೫.೦೮ ೫.೦೯ ೫.೧೦ ೫.೧೧ ೫.೧೨ ೫.೧೩ ೫.೧೪ ೫.೧೫ ೫.೧೬ ೫.೧೭ ೫.೧೮ ೫.೧೯ "GSK History". Gsk.com. Archived from the original on 8 ಜೂನ್ 2011. Retrieved 18 April 2011.
  6. ↑ ಫಾರ್ಮಾಕ್ಯುಟಿಕಲ್ ಜೇಂಟ್ಸ್ ಗ್ಲಾಕ್ಸೊ ಎಂಡ್ ಸ್ಮಿತ್‌ಕ್ಲೈನ್ ಫೈನಲಿ ಮರ್ಜ್ ಡೇಲಿ ಟೆಲಿಗ್ರಾಫ್, 2000
  7. ↑ "GlaxoSmithKline Completes the Purchase of Block Drug for $1.24 Billion". PR Newswire. Retrieved 1 August 2010. ಪತ್ರಿಕಾ ಪ್ರಕಟಣೆ
  8. ↑ "FDA Approves Additional Vaccine for 2009 H1N1 Influenza Virus". U.S. Food and Drug Administration (FDA). 16 November 2009. Archived from the original on 21 ಏಪ್ರಿಲ್ 2011. Retrieved 23 ಜೂನ್ 2011.
  9. ↑ GSK ಅಕ್ವೈಯ್ಸ್ ಲ್ಯಾಬೋರೇಟರೀಸ್ ಫೀನಿಕ್ಸ್ ಫಾರ್ $253m Archived 2010-06-14 ವೇಬ್ಯಾಕ್ ಮೆಷಿನ್ ನಲ್ಲಿ. ಇನ್ಫೋಗ್ರಾಕ್ ಸುದ್ದಿ ಲೇಖನ
  10. ↑ "UPDATE 2-Glaxo buys protein-drinks firm Maxinutrition". Reuters. Retrieved 20 December 2010. {{cite web}}: Text "Reuters" ignored (help)
  11. ↑ "GSK Annual Report 2007" (PDF). Archived from the original (PDF) on 13 ಮೇ 2008. Retrieved 18 April 2011.
  12. ↑ "GSK ಎಟ್ ಎ ಗ್ಲಾನ್ಸ್." ಗ್ಲಾಕ್ಸೊಸ್ಮಿತ್‌ಕ್ಲೆನ್ 3 ನವೆಂಬರ್ 2009. GSK,ವೆಬ್. 23 ಫೆಬ್ರವರಿ 2010. <http://www.gsk.com/about/ataglance.htm Archived 2011-05-14 ವೇಬ್ಯಾಕ್ ಮೆಷಿನ್ ನಲ್ಲಿ.>.
  13. ↑ "GlaxoSmithKline picks RTP for consolidated U.S. headquarters". Localtechwire.com. 5 November 2008. Retrieved 18 April 2011.
  14. ↑ "/ Companies / Pharmaceuticals – GSK and Pfizer to merge HIV portfolios". Financial Times. 16 April 2009. Retrieved 18 April 2011.
  15. ↑ "Global alliance to eliminate Lymphatic Filariasis". Ifpma.org. Retrieved 18 April 2011.
  16. ↑ ದಿ ಶೆಲ್ ಟೆಕ್ನಾಲಜಿ ಫಾರ್ ಡೆವಲಪ್‌ಮೆಂಟ್ ಅವಾರ್ಡ್ Archived 2011-07-19 ವೇಬ್ಯಾಕ್ ಮೆಷಿನ್ ನಲ್ಲಿ. ವರ್ಲ್ಡ್‌ವೇರ್ ಬಿಸಿನೆಸ್ ಅವಾರ್ಡ್
  17. ↑ "UK Corporate Citizenship rankings". Icharter.org. Retrieved 18 April 2011.
  18. ↑ "Working mother". Working mother. Retrieved 18 April 2011.
  19. ↑ "Secrets of the drug trials". BBC. 29 January 2007. Retrieved 15 August 2007.
  20. ↑ Mark Moran (5 October 2007). "Suicide Data Prompt Call for Black-Box Review". Pn.psychiatryonline.org. Retrieved 18 April 2011.
  21. ↑ "Relationship Between Antidepressants and Suicide Attempts: An Analysis of the Veterans Health Administration Data Sets". Ajp.psychiatryonline.org. doi:10.1176/appi.ajp.164.7.1044. Archived from the original on 23 ಮಾರ್ಚ್ 2011. Retrieved 18 April 2011.
  22. ↑ "Black Box Warning Linked to Suicide Spike". Consumeraffairs.com. 25 September 2007. Retrieved 18 April 2011.
  23. ↑ "Des antidépresseurs en lien avec le suicide: encore?". Passeportsante.net. Retrieved 18 April 2011.
  24. ↑ "Committee staff report to the chairman and ranking member. Committee on Finance United States Senate. The intimidation of Dr John Buse and the diabetes drug Avandia. November 2007" (PDF). United States Congressional committee. Archived from the original (PDF) on 28 December 2007. Retrieved 22 January 2008.
  25. ↑ "Speakers at Carolina". Archived from the original on 26 ಸೆಪ್ಟೆಂಬರ್ 2011. Retrieved 22 January 2008.
  26. ↑ "About the American Diabetes Association". American Diabetes Association. Archived from the original on 2009-10-30. Retrieved 2011-06-23.
  27. ↑ Clark, Andrew (22 November 2007). "GSK accused of trying to intimidate critic". The Guardian. UK. Retrieved 3 May 2010.
  28. ↑ "Attorney General Lockyer Announces $14 Million National Settlement with GlaxoSmithKline to Resolve Patent Fraud, Antitrust Allegations". California Attorney General. Archived from the original on 2010-02-14. Retrieved 2011-06-23.
  29. ↑ BBC – "ಗ್ಲಾಕ್ಸೊ ವೋಂಟ್ ಬಿ ಡ್ರೈವನ್ ಔಟ್ ಆಫ್ ಯುಕೆ'". 17ಮೇ 2006
  30. ↑ ಟ್ರಯಲ್ಸ್ ಆಫ್ ಅಪ್ಲಾವಿರಾಕ್ ಹಾಲ್ಟಡ್ ಇನ್ ಟ್ರೀಟ್‌ಮೆಂಟ್-ನೇವ್ ಪೇಷೆಂಟ್ಸ್ Archived 2011-07-24 ವೇಬ್ಯಾಕ್ ಮೆಷಿನ್ ನಲ್ಲಿ. ಜರ್ನಲ್ ವಾಚ್ 15 ಸೆಪ್ಟೆಂಬರ್ 2005
  31. ↑ ಗ್ಲಾಕ್ಸೊ ವಿಲ್ ಕಟ್ AIDS ಡ್ರಗ್ ಪ್ರೈಸಸ್ ಫಾರ್ ಪೂರ್ ನೇಷನ್ಸ್ ಕೆಮಿಕಲ್ & ಎಂಜಿನಿಯರಿಂಗ್ ನ್ಯೂಸ್ 1 ಜೂನ್‌ 2006
  32. ↑ "Glaxo chief: Our drugs do not work on most patients – The Independent, 8 December 2003". The Independent. UK. 8 December 2003. Archived from the original on 10 ಆಗಸ್ಟ್ 2011. Retrieved 18 April 2011.
  33. ↑ "Drugwatch. Paxil and Other Popular Drugs Subject of $750 Million Settlement". Drugwatch.com. Retrieved 18 April 2011.
  34. ↑ "Chapter 18, Side Effects: A Prosecutor, a Whistleblower, and A Bestselling Antidepressant on Trial, 2008". Alison-bass.com. Archived from the original on 7 ಜುಲೈ 2011. Retrieved 18 April 2011.
  35. ↑ GSK ಸೆಟಲ್ಸ್ ಲಾರ್ಜೆಸ್ಟ್ ಟ್ಯಾಕ್ಸ್ ಡಿಸ್ಪ್ಯೂಟ್ ಇನ್ ಹಿಸ್ಟರಿ ಫಾರ್ $3.1bn ಟೈಮ್ಸ್ ಯುಕೆ ಆನ್‌ಲೈನ್ ಸೆಪ್ಟೆಂಬರ್ 12 2006
  36. ↑ David Leigh and Rob Evans. "Unlimited February 14, 2007". Guardian. UK. Retrieved 18 April 2011.
  37. ↑ "Judge: Paxil ads can't say it isn't habit-forming". USA Today. 20 August 2002. Retrieved 3 May 2010.
  38. ↑ ಆಂಟಿ-ಡೆಪ್ರೆಸೆಂಟ್ ಅಡಿಕ್ಷನ್ ವಾರ್ನಿಂಗ್ BBC ನ್ಯೂಸ್, 11 ಜೂನ್ 2001
  39. ↑ ೩೯.೦ ೩೯.೧ Alison Tonks (2 February 2002). "Withdrawal from paroxetine can be severe, warns FDA – Tonks 324 (7332): 260". BMJ. doi:10.1136/bmj.324.7332.260. Retrieved 18 April 2011.
  40. ↑ ಪೀಡಿಯಾಟ್ರಿಕ್ ಸೆಟಲ್‌ಮೆಂಟ್ ಪ್ಯಾಕ್ಸಿಲ್ ಪೀಡಿಯಾಟ್ರಿಕ್ ಸೆಟಲ್‌ಮೆಂಟ್ ವೆಬ್‌ಸೈಟ್
  41. ↑ "Paxil Protest Site". Paxilprotest.com. Archived from the original on 7 ಮಾರ್ಚ್ 2018. Retrieved 18 April 2011.
  42. ↑ "Seroxat Secrets". Seroxatsecrets.wordpress.com. Retrieved 18 April 2011.
  43. ↑ "Paxil Protest". Web.archive.org. 19 May 2006. Archived from the original on 19 ಮೇ 2006. Retrieved 18 April 2011.{{cite web}}: CS1 maint: bot: original URL status unknown (link)
  44. ↑ "seroxat secrets website". Seroxatsecrets.wordpress.com. Retrieved 18 April 2011.
  45. ↑ "Hugh James Solicitors seroxat news". Hughjames.com. Archived from the original on 22 ಫೆಬ್ರವರಿ 2007. Retrieved 18 April 2011.
  46. ↑ "'Suicide' pills firm slammed". Mirror.co.uk. 11 August 2009. Retrieved 18 April 2011.
  47. ↑ "PAXIL Tablets & Oral Suspension prescribing information" (PDF). Archived from the original (PDF) on 4 ಸೆಪ್ಟೆಂಬರ್ 2011. Retrieved 18 April 2011.
  48. ↑ Eames, David (28 March 2007). "Judge orders Ribena to fess up". NZ Herald.
  49. ↑ Nissen SE (2010). "The rise and fall of rosiglitazone". Eur. Heart J. 31 (7): 773–6. doi:10.1093/eurheartj/ehq016. PMID 20154334. {{cite journal}}: Unknown parameter |month= ignored (help)
  50. ↑ Lüscher TF, Landmesser U, Ruschitzka F (2010). "Standing firm—the European Heart Journal, scientific controversies and the industry" (PDF). Eur. Heart J. 31 (10): 1157–8. doi:10.1093/eurheartj/ehq127. PMID 20418345. Archived from the original (PDF) on 2010-05-09. Retrieved 2011-06-23. {{cite journal}}: Unknown parameter |month= ignored (help)CS1 maint: multiple names: authors list (link)
  51. ↑ Max Baucus (12 July 2010), "Finance Committee Letter to the FDA Regarding Avandia", Finance Committee, retrieved 24 August 2010 {{citation}}: Unknown parameter |coauthors= ignored (|author= suggested) (help)
  52. ↑ ಡ್ರಗ್ ಜೈಂಟ್ ಗ್ಲಾಕ್ಸೊ ಸ್ಮಿತ್‌ಕ್ಲೈನ್ ಪ್ಲೆಜಸ್ ಚೀಪ್ ಮೆಡಿಸಿನ್ ಫಾರ್ ವರ್ಲ್ಡ್ಸ್ ಪೂರ್, ದಿ ಗಾರ್ಡಿಯನ್, 2009-02-13
  53. ↑ UNITAID ಸ್ಟೇಟ್‌ಮೆಂಟ್ ಆನ್ GSK ಪೇಟೆಂಟ್ ಪೂಲ್ ಫಾರ್ ನೆಗ್ಲೆಕ್ಟೆಡ್ ಡಿಸೀಸಸ್, 2009-02-16
  54. ↑ GSK ಅಕ್ಸೆಸ್ ಟು ಮೆಡಿಸಿನ್ಸ್: ದಿ ಗುಡ್, ದಿ ಬ್ಯಾಡ್ ಎಂಡ್ ದಿ ಇಲ್ಯುಶರಿ Archived 2011-07-16 ವೇಬ್ಯಾಕ್ ಮೆಷಿನ್ ನಲ್ಲಿ. ಪ್ರೊ. ಬ್ರೂಕ್ K. ಬೇಕರ್, ಹೆಲ್ತ್GAP, 2009-2-15
  55. ↑ MSF ರೆಸ್ಪಾನ್ಸ್ ಟು GSK ಪೇಟೆಂಟ್ ಪೂಲ್ ಪ್ರೊಪೋಸಲ್, Médecins Sans Frontières, 2009-2-16


ಬಾಹ್ಯ ಕೊಂಡಿಗಳು‌‌

[ಬದಲಾಯಿಸಿ]
"https://kn.wikipedia.org/w/index.php?title=ಗ್ಲಾಕ್ಸೊ_ಸ್ಮಿತ್‌ಕ್ಲೈನ್&oldid=1246839" ಇಂದ ಪಡೆಯಲ್ಪಟ್ಟಿದೆ