ಕ್ರಿಶ್ಚಿಯಾನ್ ಐಕ್ಮನ್

ಕ್ರಿಶ್ಚಿಯಾನ್ ಐಕ್ಮನ್
ಕ್ರಿಶ್ಚಿಯಾನ್ ಐಕ್ಮನ್
ಜನನ	(೧೮೫೮-೦೮-೧೧)೧೧ ಆಗಸ್ಟ್ ೧೮೫೮ Nijkerk, Netherlands
ಮರಣ	November 5, 1930(1930-11-05) (aged 72) Utrecht, Netherlands
ರಾಷ್ಟ್ರೀಯತೆ	ಡಚ್
ಕಾರ್ಯಕ್ಷೇತ್ರ	Physiology
ಪ್ರಸಿದ್ಧಿಗೆ ಕಾರಣ	Beriberi, vitamins
ಗಮನಾರ್ಹ ಪ್ರಶಸ್ತಿಗಳು	Nobel Prize for Physiology or Medicine (1929)

ಕ್ರಿಶ್ಚಿಯಾನ್ ಐಕ್ಮನ್ ( 11 ಅಗಸ್ಟ್ 1858 – 5 ನವೆಂಬರ್ 1930) ಆಹಾರ ಪುಷ್ಟಿಯನ್ನು ಕುರಿತ ಸಂಶೋಧನೆಗಳಿಗೆ ಹೆಸರಾದ ಡಚ್ (ನೆದರ್‍ಲ್ಯಾಂಡ್ಸ್)ರೋಗವಿಜ್ಞಾನಿ. ಬೆರಿಬೆರಿ ರೋಗವನ್ನು ನಿವಾರಿಸುವ ಜೀವಾಣುವಾದ ಅನ್ಯೂರಿನನ್ನು ಕಂಡುಹಿಡಿದು ನೊಬೆಲ್ ಬಹುಮಾನ ಪಡೆದ (1929). ಆಂಸ್ಟರ್ಡಾಂ ವಿಶ್ವವಿದ್ಯಾನಿಲಯದಲ್ಲಿ ವೈದ್ಯ ಪದವೀಧರನಾದ. ಬರ್ಲಿನ್‍ನಲ್ಲಿದ್ದ ವಿಶ್ವ ಪ್ರಸಿದ್ಧ ರಾಬರ್ಟ್ ಕಾಕ್ ಕೈಕೆಳಗೆ ಏಕಾಣುಜೀವಿ ವಿಜ್ಞಾನ ಕಲಿತ. ಅಲ್ಲಿಂದ ಡಚ್ಚರ ವಸಾಹತಾಗಿದ್ದ ಬಟೇವಿಯ (ಇಂದಿನ ಇಂಡೋನೇಷ್ಯ)ಕ್ಕೆ ಹೋಗಿ ಅಲ್ಲಿ ರೋಗವಿಜ್ಞಾನ ಸಂಶೋಧನಾ ಸಂಸ್ಥೆಗೆ ನಿರ್ದೇಶಕನಾದ. ಆ ದೇಶದಲ್ಲಿ ಬಹುವಾಗಿ ಹರಡಿ ಕಾರಣವೇ ಗೊತ್ತಿಲ್ಲದೆ ಜನರು ಬಲಿಯಾಗುತ್ತಿದ್ದ ಬೆರಿಬೆರಿ ರೋಗದ ಸಂಶೋಧನೆಯನ್ನು 1890ರಿಂದ ಸುಮಾರು ಏಳು ವರ್ಷಗಳ ಕಾಲ ನಡೆಸಿದ. ಹೊಳಪಿಟ್ಟ ಬಿಳಿಯ ಅಕ್ಕಿ ಹಾಕಿ ಪಾರಿವಾಳಗಳನ್ನು ಸಾಕಿ ಬೆರಿಬೆರಿ ರೋಗ ಬರುವುದನ್ನು ಮೊದಲು ತೋರಿಸಿಕೊಟ್ಟ ಇನ್ನೊಬ್ಬ ಡಚ್ ವೈದ್ಯ ಗ್ರಿನ್ಸ್‌ನೊಂದಿಗೆ ಸೇರಿ ಬೆರಿಬೆರಿ ರೋಗಕ್ಕೆ ಅಕ್ಕಿ ತವುಡೇ ಮದ್ದು ಎನ್ನುವುದನ್ನು ತೋರಿಸಿದಾಗ ಇಡೀ ಜೀವಾಣುಗಳ ಶೋಧನೆಯ ನಾಂದಿ ಆಯಿತು. ಐಕ್ಮನ್ ಮತ್ತೆ ಹಾಲೆಂಡಿಗೆ ಮರಳಿ 1928ರವರೆಗೂ ಆರೋಗ್ಯವಿಜ್ಞಾನ ಪ್ರಾಧ್ಯಾಪಕನಾಗಿದ್ದ. ಸಾಯುವ 2 ವರ್ಷ ಮುಂಚೆ ನಿವೃತ್ತನಾದ.

ಬಾಹ್ಯ ಸಂಪರ್ಕಗಳು

• Eijkman Institute for Molecular Biology Archived 2020-10-02 ವೇಬ್ಯಾಕ್ ಮೆಷಿನ್ ನಲ್ಲಿ.
• Biography Archived 2003-06-19 ವೇಬ್ಯಾಕ್ ಮೆಷಿನ್ ನಲ್ಲಿ.
• Eijkman Nobel Lecture
• Christiaan Eijkman – Biography Archived 2006-04-30 ವೇಬ್ಯಾಕ್ ಮೆಷಿನ್ ನಲ್ಲಿ.
• Museum Boerhaave Negen Nederlandse Nobelprijswinnaars Archived 2008-03-07 ವೇಬ್ಯಾಕ್ ಮೆಷಿನ್ ನಲ್ಲಿ.
• A.M. Luyendijk-Elshout, Eijkman, Christiaan (1858–1930), in Biografisch Woordenboek van Nederland.
• Biography of Christiaan Eijkman (1858–1930) at the National Library of the Netherlands
• Christiaan Eijkman Archived 2013-01-14 at Archive.is
• ಟೆಂಪ್ಲೇಟು:Librivox author

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಐಕ್ಮನ್, ಕ್ರಿಶ್ಚಿಯಾನ್