ಎಲೆನಾ ಲಿವೆನ್
ಎಲೆನಾ ಲಿವೆನ್ (ಜನನ ೧೮ ಆಗಸ್ಟ್ ೧೯೪೭) ಒಬ್ಬ ಬ್ರಿಟಿಷ್ ಮನೋವಿಜ್ಞಾನಿ ಮತ್ತು ಭಾಷಾಶಾಸ್ತ್ರದ ಸಂಶೋಧಕಿ ಮತ್ತು ಶಿಕ್ಷಣತಜ್ಞೆ. [೧] ಅವರು ಜರ್ಮನಿಯ ಲೀಪ್‌ಜಿಗ್‌ನಲ್ಲಿರುವ ಅಭಿವೃದ್ಧಿ ಮತ್ತು ತುಲನಾತ್ಮಕ ಮನೋವಿಜ್ಞಾನ ವಿಭಾಗದಲ್ಲಿ ಹಿರಿಯ ಸಂಶೋಧನಾ ವಿಜ್ಞಾನಿಯಾಗಿದ್ದರು. [೨] ಅವರು ಮ್ಯಾಂಚೆಸ್ಟರ್ ವಿಶ್ವವಿದ್ಯಾನಿಲಯದಲ್ಲಿ ಸ್ಕೂಲ್ ಆಫ್ ಹೆಲ್ತ್ ಸೈನ್ಸಸ್‌ನಲ್ಲಿ ಪ್ರೊಫೆಸರ್ ಆಗಿದ್ದಾರೆ. ಅಲ್ಲಿ ಅವರು ಮಕ್ಕಳ ಅಧ್ಯಯನ ಕೇಂದ್ರದ ನಿರ್ದೇಶಕರಾಗಿದ್ದಾರೆ ಮತ್ತು ಇ. ಎಸ್.ಆರ್.ಸಿ ಇಂಟರ್ನ್ಯಾಷನಲ್ ಸೆಂಟರ್ ಫಾರ್ ಲಾಂಗ್ವೇಜ್ ಅಂಡ್ ಕಮ್ಯುನಿಕೇಟಿವ್ ಡೆವಲಪ್‌ಮೆಂಟ್ (LuCiD) ಅನ್ನು ಮುನ್ನಡೆಸುತ್ತಾರೆ. [೩] [೪]
ಆರಂಭಿಕ ಜೀವನ ಮತ್ತು ಶಿಕ್ಷಣ
[ಬದಲಾಯಿಸಿ]ಎಲೆನಾ ಲಿವೆನ್ ಅವರು ಅನಾಟೊಲ್ ಲಿವೆನ್, ಡೊಮಿನಿಕ್ ಲಿವೆನ್, ಮೈಕೆಲ್ ಲಿವೆನ್ ಮತ್ತು ನಥಾಲಿ ಲಿವೆನ್ ಅವರ ಸಹೋದರಿ. ಪೂರ್ವಜರಲ್ಲಿ ಡೊರೊಥಿಯಾ ವಾನ್ ಲಿವೆನ್ ಮತ್ತು ಕ್ರಿಸ್ಟೋಫ್ ವಾನ್ ಲಿವೆನ್ ಸೇರಿದ್ದಾರೆ.
ಲಿವೆನ್ ಲಂಡನ್‌ನ ಮೋರ್ ಹೌಸ್ ಸ್ಕೂಲ್‌ನಲ್ಲಿ ವ್ಯಾಸಂಗ ಮಾಡಿದರು. ೧೯೬೩ ರಲ್ಲಿ ಪದವಿ ಪಡೆದರು, ನಂತರ ಲಂಡನ್‌ನ ಸಿಟಿ ಆಫ್ ವೆಸ್ಟ್‌ಮಿನಿಸ್ಟರ್ ಕಾಲೇಜಿನಲ್ಲಿ ಅಧ್ಯಯನ ಮಾಡಿದರು. [೫] ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ನ್ಯೂ ಹಾಲ್‌ನಲ್ಲಿ ಪದವಿಪೂರ್ವ ವರ್ಷಗಳಲ್ಲಿ ಅವರು ಪ್ರಾಯೋಗಿಕ ಮನೋವಿಜ್ಞಾನವನ್ನು ಅಧ್ಯಯನ ಮಾಡಿದರು, ಗೌರವಗಳನ್ನು ಗಳಿಸಿದರು ಮತ್ತು ನಂತರ ಕೇಂಬ್ರಿಡ್ಜ್‌ನಲ್ಲಿ ಡಾಕ್ಟರೇಟ್ ಅಧ್ಯಯನದ ಸಮಯದಲ್ಲಿ ಭಾಷಾ ಬೆಳವಣಿಗೆಯನ್ನು ಅಧ್ಯಯನ ಮಾಡಿಕೊಂಡರು. [೬] [೫]
ವೃತ್ತಿ
[ಬದಲಾಯಿಸಿ]ಕೇಂಬ್ರಿಡ್ಜ್ ನಂತರ, ಲಿವೆನ್ ಮ್ಯಾಂಚೆಸ್ಟರ್ ವಿಶ್ವವಿದ್ಯಾಲಯಕ್ಕೆ ತೆರಳಿದರು. [೬]
ಅವರು ಸುಮಾರು ಹತ್ತು ವರ್ಷಗಳ ಕಾಲ ಜರ್ನಲ್ ಆಫ್ ಚೈಲ್ಡ್ ಲ್ಯಾಂಗ್ವೇಜ್‌ನ ಸಂಪಾದಕರಾಗಿದ್ದರು (೧೯೯೬-೨೦೦೫). [೬]
ಅವರ ಪ್ರಮುಖ ಸಂಶೋಧನಾ ಕ್ಷೇತ್ರಗಳು, ಭಾಷೆಯ ಬೆಳವಣಿಗೆಗೆ ಬಳಕೆ ಆಧಾರಿತ ವಿಧಾನಗಳು;ವ್ಯಾಕರಣದ ಹೊರಹೊಮ್ಮುವಿಕೆ ಮತ್ತು ನಿರ್ಮಾಣ; [೭] ಇನ್ಪುಟ್ ಗುಣಲಕ್ಷಣಗಳು ಮತ್ತು ಭಾಷಾ ಬೆಳವಣಿಗೆಯ ಪ್ರಕ್ರಿಯೆಯ ನಡುವಿನ ಸಂಬಂಧ; [೭] ಮತ್ತು ಮಕ್ಕಳ ಸಂವಹನ ಪರಿಸರದಲ್ಲಿ ವ್ಯತ್ಯಾಸವನ್ನು ಒಳಗೊಂಡಿವೆ. [೭] ಅವರು ಆರಂಭದಲ್ಲಿ ಆರ್ಥಿಕ ಮತ್ತು ಸಾಮಾಜಿಕ ಸಂಶೋಧನಾ ಮಂಡಳಿ (ಇ‌ಎಸ್‌ಆರ್‌ಸಿ) ನಿಂದ ಧನಸಹಾಯ ಪಡೆದ ನೈಸರ್ಗಿಕ ಮಕ್ಕಳ ಭಾಷಾ ಕಾರ್ಪೋರಾದ ವಿನ್ಯಾಸ ಮತ್ತು ಸಂಗ್ರಹಣೆಯಲ್ಲಿ ತೊಡಗಿಸಿಕೊಂಡಿದ್ದಾರೆ ಮತ್ತು ಇತ್ತೀಚೆಗೆ, ಮ್ಯಾಕ್ಸ್ ಪ್ಲ್ಯಾಂಕ್ ಇನ್‌ಸ್ಟಿಟ್ಯೂಟ್‌ನಿಂದ ಹಣ ಪಡೆದ ಹಲವಾರು ದಟ್ಟವಾದ ಡೇಟಾಬೇಸ್‌ಗಳನ್ನು ಸಂಗ್ರಹಿಸಿದ್ದಾರೆ.
ಲಿವೆನ್ ಈ ಹಿಂದೆ ಮಕ್ಕಳ ಭಾಷಾ ಅಧ್ಯಯನಕ್ಕಾಗಿ ಅಂತರಾಷ್ಟ್ರೀಯ ಸಂಘದ ಅಧ್ಯಕ್ಷರಾಗಿದ್ದರು. [೭] ಅಲ್ಲದೆ, ಅವರು ಚಿಂತಾಂಗ್ ಮತ್ತು ಪೂಮಾ ಡಾಕ್ಯುಮೆಂಟೇಶನ್ ಪ್ರಾಜೆಕ್ಟ್‌ನ ಸದಸ್ಯರಾಗಿದ್ದಾರೆ. ಇದು ನೇಪಾಳದ ಎರಡು ಅಳಿವಿನಂಚಿನಲ್ಲಿರುವ ಸಿನೋ-ಟಿಬೆಟಿಯನ್ ಭಾಷೆಗಳ ಭಾಷಾ ಮತ್ತು ಜನಾಂಗೀಯ ವಿವರಣೆಯನ್ನು ಗುರಿಯನ್ನಾಗಿಟ್ಟುಕೊಂಡು ಫೋಕ್ಸ್‌ವ್ಯಾಗನ್ ಫೌಂಡೇಶನ್‌ನಿಂದ ಧನಸಹಾಯ ಪಡೆದ ಡಿ‌ಒ‌ಬಿ‌ಇ‌ಎಸ್ ಯೋಜನೆಯಾಗಿದೆ. [೮]
ಅವರು ಮಕ್ಕಳ ಅಧ್ಯಯನ ಕೇಂದ್ರದ ನಿರ್ದೇಶಕಿಯೂ ಆಗಿದ್ದಾರೆ. ಇವರು ಇನ್‌ಸ್ಟಿಟ್ಯೂಟ್ ಆಫ್ ಬ್ರೈನ್, ಬಿಹೇವಿಯರ್ ಮತ್ತು ಮೆಂಟಲ್ ಹೆಲ್ತ್‌ನಲ್ಲಿನ ಅಭಿವೃದ್ಧಿ ವಿಜ್ಞಾನ ಮತ್ತು ಅಸ್ವಸ್ಥತೆಗಳ ಕೇಂದ್ರದ ಪ್ರಮುಖ ಇ‌ಎಸ್‌ಆರ್‌ಸಿ ಇಂಟರ್ನ್ಯಾಷನಲ್ ಸೆಂಟರ್ ಫಾರ್ ಲಾಂಗ್ವೇಜ್ ಅಂಡ್ ಕಮ್ಯುನಿಕೇಟಿವ್ ಡೆವಲಪ್‌ಮೆಂಟ್ (LuCiD) ನ ನಿರ್ದೇಶಕರು ಇದನ್ನು ಮ್ಯಾಂಚೆಸ್ಟರ್ ವಿಶ್ವವಿದ್ಯಾಲಯ, ಲಿವರ್‌ಪೂಲ್ ವಿಶ್ವವಿದ್ಯಾಲಯ ಮತ್ತು ಲ್ಯಾಂಕಾಸ್ಟರ್ ವಿಶ್ವವಿದ್ಯಾಲಯವು ೨೦೧೪ ರಲ್ಲಿ ಐದು ವರ್ಷಗಳ ಅನುದಾನದಲ್ಲಿ ಜಂಟಿಯಾಗಿ ಸ್ಥಾಪಿಸಿತು. [೬]
ಅವರನ್ನು ಲೈಪ್‌ಜಿಗ್ ವಿಶ್ವವಿದ್ಯಾನಿಲಯದಲ್ಲಿ ಗೌರವ ಪ್ರಾಧ್ಯಾಪಕರಾಗಿ ನೇಮಿಸಲಾಗಿದೆ ಮತ್ತು ಅವರು ಮ್ಯಾಕ್ಸ್ ಪ್ಲಾಂಕ್ ಇನ್‌ಸ್ಟಿಟ್ಯೂಟ್ ಫಾರ್ ಸೈಕೋಲಿಂಗ್ವಿಸ್ಟಿಕ್ಸ್, ನಿಜ್ಮೆಗನ್, ನೆದರ್ಲ್ಯಾಂಡ್ಸ್, ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ, ಬರ್ಕ್ಲಿ, ಯುಎಸ್; ಮತ್ತು ಲಾ ಟ್ರೋಬ್ ವಿಶ್ವವಿದ್ಯಾಲಯ, ಮೆಲ್ಬೋರ್ನ್, ಆಸ್ಟ್ರೇಲಿಯಾ ಸೇರಿದಂತೆ ಹಲವಾರು ವಿಶ್ವವಿದ್ಯಾಲಯಗಳಲ್ಲಿ ಅತಿಥಿ ಸಂಶೋಧಕರಾಗಿದ್ದಾರೆ. [೫]
ಜುಲೈ ೨೦೧೮ ರಲ್ಲಿ ಲಿವೆನ್ ಬ್ರಿಟಿಷ್ ಅಕಾಡೆಮಿಯ (ಎಫ್ ಬಿ ಎ) ಸಹ ಪ್ರಾಧ್ಯಾಪಕಿಯಾಗಿ ಆಗಿ ಆಯ್ಕೆಯಾದರು. [೯]
ಉಲ್ಲೇಖಗಳು
[ಬದಲಾಯಿಸಿ]- ↑ "Elena Lieven: Curriculum Vitae". eva.mpg.de. Department of Developmental and Comparative Psychology, Max Planck Institute. Retrieved August 16, 2016.
- ↑ "Elena Lieven". eva.mpg.de. Department of Developmental and Comparative Psychology, Max Planck Institute. Retrieved August 16, 2016.
- ↑ "Professor Elena Lieven - personal details". manchester.ac.uk. University of Manchester. Retrieved August 17, 2016.
- ↑ LuCiD. "Elena Lieven". LuCiD (in ಬ್ರಿಟಿಷ್ ಇಂಗ್ಲಿಷ್). Archived from the original on 2017-03-21. Retrieved 2017-03-20.
- ↑ ೫.೦ ೫.೧ ೫.೨ "Elena Lieven: Curriculum Vitae". eva.mpg.de. Department of Developmental and Comparative Psychology, Max Planck Institute. Retrieved August 16, 2016."Elena Lieven: Curriculum Vitae". eva.mpg.de. Department of Developmental and Comparative Psychology, Max Planck Institute. Retrieved 16 August 2016.
- ↑ ೬.೦ ೬.೧ ೬.೨ ೬.೩ "Professor Elena Lieven - personal details". manchester.ac.uk. University of Manchester. Retrieved August 17, 2016."Professor Elena Lieven - personal details". manchester.ac.uk. University of Manchester. Retrieved 17 August 2016.
- ↑ ೭.೦ ೭.೧ ೭.೨ ೭.೩ "Elena Lieven". eva.mpg.de. Department of Developmental and Comparative Psychology, Max Planck Institute. Retrieved August 16, 2016."Elena Lieven". eva.mpg.de. Department of Developmental and Comparative Psychology, Max Planck Institute. Retrieved 16 August 2016.
- ↑ "People". cpdp.uzh.ch. The Chintang and Puma Documentation Project. Retrieved August 16, 2016.
- ↑ "Record number of academics elected to British Academy | British Academy". British Academy (in ಇಂಗ್ಲಿಷ್). Retrieved 2018-07-22.
ಬಾಹ್ಯ ಕೊಂಡಿಗಳು
[ಬದಲಾಯಿಸಿ]- ಪ್ರೊಫೈಲ್
- ಮ್ಯಾಂಚೆಸ್ಟರ್ ವಿಶ್ವವಿದ್ಯಾಲಯದಲ್ಲಿ ಪ್ರೊಫೈಲ್ Archived 2016-07-09 ವೇಬ್ಯಾಕ್ ಮೆಷಿನ್ ನಲ್ಲಿ., ಸ್ಕೂಲ್ ಆಫ್ ಸೈಕಲಾಜಿಕಲ್ ಸೈನ್ಸಸ್