ಪದ್ಮಾವತಿ ಬಂದೋಪಾಧ್ಯಾಯ

ಪದ್ಮಾವತಿ ಬಂದೋಪಾಧ್ಯಾಯ (ನವೆಂಬರ್ ೪, ೧೯೪೪) ಭಾರತೀಯ ವಾಯುಸೇನೆಯ ಪ್ರಥಮ ಮಹಿಳಾ ಏಯರ್ ಮಾರ್ಶಲ್. ಭಾರತೀಯ ಸೇನೆಯಲ್ಲಿ ಮೂರು ನಕ್ಷತ್ರಗಳ ಗೌರವ ಪಡೆದ ದ್ವಿತೀಯ ಮಹಿಳೆ.

ವೃತ್ತಿ

ಪದ್ಮಾವತಿಯವರು ಆಂಧ್ರ ಪ್ರದೇಶದ ತಿರುಪತಿಯಲ್ಲಿ ೧೯೪೪ರಲ್ಲಿ ಜನಿಸಿದರು. ಅವರು ದೆಹಲಿಯಲ್ಲಿ ಬೆಳೆದರು ಮತ್ತು ಅಲ್ಲಿಯ ಕಿರೋರಿ ಮಲ್ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಮಾಡಿದರು. ೧೯೬೮ರಲ್ಲಿ ಭಾರತೀಯ ವಾಯುಸೇನೆಯನ್ನು ಸೇರಿದರು. ತಮ್ಮ ಸಹೋದ್ಯೋಗಿ ಎಸ್. ಎನ್. ಬಂದೋಪಾಧ್ಯಾಯರನ್ನು ಮದುವೆಯಾದರು. ೧೯೭೧ರ ಭಾರತ-ಪಾಕಿಸ್ತಾನ ಯುದ್ಧದಲ್ಲಿ ವಿಶೇಷ ಸೇವೆ ಮಾಡಿದ್ದಕ್ಕೆ ಅವರಿಗೆ ವಿಶಿಷ್ಟ ಸೇವಾ ಪದಕ ನಿಡಿ ಗೌರವಿಸಲಾಯಿತು. ಪದ್ಮಾವತಿ ಬಂದೋಪಾಧ್ಯಾಯ ಅವರು ಉತ್ತರ ಧ್ರುವದಲ್ಲಿ ಸಂಶೋಧನೆ ಮಾಡಿದ ಪ್ರಥಮ ಮಹಿಳೆಯಾಗಿದ್ದಾರೆ. ಅವರು ೨೦೦೨ರಲ್ಲಿ ಉಪ ಏಯರ್ ಮಾರ್ಶಲ್ ಪದವಿಗೇರಿದ ಪ್ರಥಮ ಮಹಿಳೆಯಾದರು,. ಪದ್ಮಾವತಿ ಬಂದೋಪಾಧ್ಯಾಯ ಅವರು ನ್ಯೂಯಾರ್ಕ್ ವಿಜ್ಞಾನ ಅಕಾಡೆಮಿಯ ಸದಸ್ಯರೂ ಆಗಿದ್ದಾರೆ.