ದಿ ಮೆಟ್ರಿಕ್ಸ್‌

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
For the series, see The Matrix (series). For the setting, see Matrix (fictional universe). For other uses, see Matrix (disambiguation) and Matrix (name).
The Matrix
ನಿರ್ದೇಶನ Wachowski brothers
ನಿರ್ಮಾಪಕ Joel Silver
ಲೇಖಕ Wachowski brothers
ಪಾತ್ರವರ್ಗ Keanu Reeves
Laurence Fishburne
Carrie-Anne Moss
Hugo Weaving
Joe Pantoliano
ಸಂಗೀತ Don Davis
ಛಾಯಾಗ್ರಹಣ Bill Pope
ಸಂಕಲನ Zach Staenberg
ಸ್ಟುಡಿಯೋ Village Roadshow Pictures
Silver Pictures
ವಿತರಣೆ Warner Bros. Pictures
ಬಿಡುಗಡೆ ದಿನಾಂಕ(ಗಳು) North America:
March 31, 1999
Australia:
April 8, 1999
United Kingdom:
June 11, 1999
ಓಡುವ ಸಮಯ 136 min.
ದೇಶ ಟೆಂಪ್ಲೇಟು:FilmUS
ಭಾಷೆ English
ಬಂಡವಾಳ US$ 63 million
ಬಾಕ್ಸ್ ಆಫೀಸ್ US$ 463,517,383

ದಿ ಮೆಟ್ರಿಕ್ಸ್ ಒಂದು

  1. REDIRECT Template:Fy icon ವೈಜ್ಞಾನಿಕ ಕಾಲ್ಪನಿಕ ಕತೆ-ಸಾಹಸಪ್ರಧಾನ ಚಲನಚಿತ್ರವಾಗಿದ್ದು, ಇದನ್ನು ಬರೆದು ನಿರ್ದೇಶನ ಮಾಡಿದವರು ಲಾರ್ರಿ ಮತ್ತು ಎಂಡೀ ವಾಚೋಸ್ಕಿ ಮತ್ತು ಅಭಿನಯಿಸಿದವರು ಕೀನು ರೀವ್ಸ್, ಲಾರೆನ್ಸ್ ಫೀಶ್‌ಬರ್ನ್, ಕೇರ್ರೀ-ಆ‍ಯ್‌ನೆ ಮೊಸ್ ಜೋ ಪೆಂಟೋಲಿಯಾನೊ ಮತ್ತು ಹ್ಯೂಗೋ ವೀವಿಂಗ್. ಇದು ಮೊದಲು ಅಮೇರಿಕಾ ದೇಶದದಲ್ಲಿ ಮಾರ್ಚ್ 31, 1999 ರಂದು ಬಿಡುಗಡೆಗೊಂಡಿತು ಮತ್ತು ಇದು ಈ ಚಲನಚಿತ್ರ ಸರಣಿಯ, ಹಾಸ್ಯ ಪುಸ್ತಕಗಳು, ವಿಡಿಯೊ ಆಟಗಳು ಮತ್ತು ಎನಿಮೇಶನ್‌ಗಳ ಮೊದಲ ಭಾಗವಾಗಿದೆ.


ಈ ಚಲನಚಿತ್ರವು ಭವಿಷ್ಯವೊಂದನ್ನು ವಿವರಿಸುತ್ತಿದ್ದು, ಅದರಲ್ಲಿ ನಿಜವಾಗಿ ಮನುಷ್ಯರು ತಿಳಿದುಕೊಳ್ಳುವ ವಾಸ್ತವಿಕತೆ ಮೆಟ್ರಿಕ್ಸ್ ಆಗಿರುತ್ತದೆ: ಇದು ಸಚೇತನ ಯಂತ್ರಗಳು ನಕಲು ಮಾಡಿದ ವಾಸ್ತವಿಕತೆಯಾಗಿದ್ದು, ಇದನ್ನು ಮನುಷ್ಯರನ್ನು ತಣಿಸಲು ಮತ್ತು ವಶಪಡಿಸಿಕೊಳ್ಳಲು, ಮತ್ತು ಅದೇ ಸಮಯದಲ್ಲಿ ಅವರ ದೇಹದ ಶಾಖ ಮತ್ತು ವಿದ್ಯಚ್ಛಕ್ತಿಯನ್ನು ಶಕ್ತಿಯ ಆಕರಗಳಾಗಿ ಬಳಸಿಕೊಳ್ಳಲು ಮಾಡಲಾಗಿರುತ್ತದೆ. ಈ ಅಂಶವನ್ನು ತಿಳಿದುಕೊಂಡ ನಿಯೋ ಎಂಬ ಕಂಪ್ಯೂಟರ್ ಪ್ರೋಗ್ರಾಮರ್ ಇಂತಹ ಯಂತ್ರಗಳ ವಿರುದ್ಧ ದಂಗೆಯೆದ್ದಿರುವ, ಹಾಗೂ ಅಂತಹ ಕನಸಿನ ಜಗತ್ತಿನಿಂದ ಮುಕ್ತಗೊಂಡು ವಾಸ್ತವಿಕತೆಗೆ ಮರಳಿ ಬಂದ, ಇತರ ಜನರೆಡೆಗೆ ಸೆಳೆಯಲ್ಪಡುತ್ತಾನೆ. ಈ ಚಲನಚಿತ್ರವು ಸೈಬರ್‌ಪಂಕ್ ಮತ್ತು ಹ್ಯಾಕರ್ ಸಬ್‌ಕಲ್ಚರ್‌ಗಳು, ತತ್ವಶಾಸ್ತ್ರದ ಮತ್ತು ಧಾರ್ಮಿಕ ಕಲ್ಪನೆಗಳ ಕುರಿತು ಉಲ್ಲೇಖವನ್ನು ನೀಡಿದೆ. ಅಷ್ಟೇ ಅಲ್ಲದೇ, ಅಲಿಸ್ ಇನ್ ವಂಡರ್‌ಲ್ಯಾಂಡ್, ಹಾಂಗ್ ಕಾಂಗ್ ಚಲನಚಿತ್ರ, ಸ್ಪಾಗೆಟ್ಟಿ ವೆಸ್ಟರ್ನ್ ಪ್ರಕಾರ, ಡೈಸ್ಟೊಪೇನ್ ಕಲ್ಪನೆ ಮತ್ತು ಜಪಾನ್ ದೇಶದ ಎನಿಮೇಶನ್ ಮುಂತಾದವುಗಳಿಗೆ ಗೌರವಾರ್ಪಣೆ ಮಾಡಿದೆ.


ಕಥಾವಸ್ತು[ಬದಲಾಯಿಸಿ]

ಕಂಪ್ಯೂಟರ್ ಪ್ರೊಗ್ರಾಮರ್ ಆದ ಥಾಮಸ್‌ ಎ. ಎಂಡರ್ ಸನ್ ಎಂಬುವವ ರಹಸ್ಯವಾಗಿ ನಿಯೋ ಎಂಬ ಉಪನಾಮದೊಂದಿಗೆ ಹ್ಯಾಕರ್ ಆಗಿರುತ್ತಾನೆ, ಮತ್ತು "ಮೆಟ್ರಿಕ್ಸ್ ಎಂದರೇನು?" ಎನ್ನುವ ಪ್ರಶ್ನೆಗೆ ಉತ್ತರವನ್ನು ತಿಳಿದುಕೊಳ್ಳಲು ಬಯಸಿರುತ್ತಾನೆ. ರಹಸ್ಯದ ಕಂಪ್ಯೂಟರ್ ಪರದೆಯ ಮೇಲೆ ದ್ವಂದ್ವಾರ್ಥದ ಸಂದೇಶಗಳನ್ನು ಮತ್ತು ಮೂರು ಜನ ಅಶುಭ ಎಜೆಂಟಗಳನ್ನು ನಿಯೋ ಕಾಣುತ್ತಾನೆ. ಇದು ಆತನನ್ನು ಭೂಗತ ಲೋಕದ ಹ್ಯಾಕರ್ ಮಾರ್ಫಿಯಸ್ ಎಂಬ ವ್ಯಕ್ತಿಯು ಮುನ್ನಡೆಸುತ್ತಿರುವ ಒಂದು ಗುಂಪಿನ ಬಳಿಗೆ ಹೋಗುವಂತೆ ಮಾಡುತ್ತದೆ. ಮಾರ್ಫಿಯಸ್ ಆತನಿಗೆ ಮೆಟ್ರಿಕ್ಸ್ ಕುರಿತು ಸತ್ಯವನ್ನು ತಿಳಿದುಕೊಳ್ಳಲು ಅವಕಾಶವನ್ನು ನೀಡುತ್ತಾನೆ: ಅದೇನೆಂದರೆ ಕೆಂಪು ಗುಳಿಗೆಯೊಂದನ್ನು ನುಂಗುವ ಮೂಲಕ ಮೆಟ್ರಿಕ್ಸ್ ಕುರಿತ ಸತ್ಯವನ್ನು ತಿಳಿದುಕೊಳ್ಳುವುದು ಮತ್ತು ನೀಲಿ ಗುಳಿಗೆಯನ್ನು ನುಂಗುವ ಮೂಲಕ ಜಗತ್ತಿಗೆ ಮರಳುವುದು. ನಿಯೋ ಕೆಂಪು ಗುಳಿಗೆಯನ್ನು ನುಂಗಲು ಒಪ್ಪಿಕೊಳ್ಳುತ್ತಾನೆ. ಇದರಿಂದಾಗಿ ಆತ ಒಂದು ದ್ರವ ತುಂಬಿದ ಕೋಶದಲ್ಲಿ ಬೆತ್ತಲೆಯಾಗಿ ಬೀಳುತ್ತಾನೆ. ಇದರಲ್ಲಿ ಅವನ ದೇಹ ವೈರ್‌ಗಳಿಂದ ಮತ್ತು ಟ್ಯೂಬುಗಳಿಂದ, ಇಂತಹದೇ ಕೋಶಗಳಿಂದ ಸುತ್ತುವರೆಯಲ್ಪಟ್ಟ ಒಂದು ದೊಡ್ಡ ಯಾಂತ್ರಿಕ ಕೋಟೆಯೊಂದಿಗೆ ಸಂಪರ್ಕ ಹೊಂದಿರುತ್ತದೆ. ಈ ಸಂಪರ್ಕಗಳು ತೀವ್ರಗೊಳ್ಳುತ್ತವೆ, ಮತ್ತು ಆತ ಮಾರ್ಫಿಯಸ್‌ನಿಂದ ರಕ್ಷಿಸಲ್ಪಟ್ಟು ಆತನ ನೆಬುಚಾಡ್ನೆಝಾರ್ ಎಂಬ ತೇಲುಹಡಗಿನ ಮೇಲೆ ಕರೆದೊಯ್ಯಲ್ಪಡುತ್ತಾನೆ. ನಿಯೋ ತನ್ನ ದೇಹವನ್ನು ಮರಳಿ ಪಡೆಯುತ್ತಾನೆ ಮತ್ತು ಮಾರ್ಫಿಯಸ್‌ ವಸ್ತು ಸ್ಥಿತಿಯನ್ನು ವಿವರಿಸುತ್ತಾನೆ.


ಮಾರ್ಫಿಯಸ್‌ನು ಲಿಯೊನಿಗೆ ಆ ವರ್ಷವು 1999 ಅಲ್ಲ ಸುಮಾರು 2199 ಇದ್ದು, ಮತ್ತು ಮನುಷ್ಯ ಕುಲವು 21 ನೇ ಶತಮಾನದಲ್ಲಿ ತಯಾರಾದ ಬುದ್ಧಿವಂತ ಯಂತ್ರಗಳ ವಿರುದ್ಧ ಹೊರಾಡುತ್ತಾರೆ ಎಂದು ತಿಳಿಸುತ್ತಾನೆ. ಈ ಯಂತ್ರಗಳಿಗೆ ಸೌರಶಕ್ತಿ ಸರಬರಾಜು ಆಗದೆ ಇರಲು ಮನುಷ್ಯರು ದಪ್ಪವಾದ ಕಪ್ಪು ಮೋಡಗಳನ್ನು ಆಕಾಶದಲ್ಲಿ ನಿರ್ಮಿಸಿರುತ್ತಾರೆ. ಆದರೆ, ಈ ಯಂತ್ರಗಳು ಮಾನವರನ್ನು ತಮ್ಮ ಶಕ್ತಿ ಆಕರಗಳಾಗಿ ಅಣುಸಮ್ಮಿಳನದ ಸಂಯೋಗದೊಂದಿಗೆ ಬಳಸಿಕೊಂಡು ಪ್ರತಿಕ್ರಿಯಿಸುತ್ತವೆ. ನಂತರ ಲೆಕ್ಕವಿಲ್ಲದಷ್ಟು ಜನಸಂಖ್ಯೆ ಆ ಕೋಶದಲ್ಲಿ ಬೆಳೆಯುತ್ತದೆ ಮತ್ತು ಅವರ ಶಕ್ತಿಯನ್ನು ಜೀವವಿದ್ಯುತ್ ಶಕ್ತಿ ಮತ್ತು ದೇಹದ ಶಾಖವನ್ನು ಬಳಸಿಕೊಳ್ಳುತ್ತವೆ. ನಿಯೋ ಹುಟ್ಟಿದಾಗಿನಿಂದ ವಾಸಿಸುವ ಜಗತ್ತು ಮೇಟ್ರಿಕ್ಸ್‌ ಆಗಿದ್ದು, ಯಂತ್ರಗಳು ಇದನ್ನು 1999 ರ ವರ್ಷದಲ್ಲಿ ಇರುವಂತೆ ಮಾಡಿದ ಭ್ರಾಂತಿಕಾರಕ ನಕಲು ಮಾಡಿದ ವಾಸ್ತವ ಜಗತ್ತಾಗಿರುತ್ತದೆ. ಈ ಮೂಲಕ ಯಂತ್ರಗಳು ಮಾನವ ಜನಸಂಖ್ಯೆಯನ್ನು ಗುಲಾಮಗಿರಿಯಲ್ಲಿಟ್ಟುಕೊಳ್ಳಲು ಪ್ರಯತ್ನಿಸಿರುತ್ತವೆ. ಮಾರ್ಫಿಯಸ್‌ ಮತ್ತು ಅವರ ಗುಂಪು ಮೆಟ್ರಿಕ್ಸ್‌‌ನಿಂದ ಮುಕ್ತವಾಗಿರುತ್ತಾರೆ ಮತ್ತು ಅವರು ಅದರಲ್ಲಿ ಸಿಲುಕಿಕೊಂಡರುವ ಇತರರನ್ನು ಮುಕ್ತರನ್ನಾಗಿಸುತ್ತ, ಅವರನ್ನು ಯಂತ್ರಗಳ ವಿರುದ್ಧ ಅವರು ತಡೆಯಾಗುವಂತೆ ಅವರನ್ನು ತರಬೇತುಗೊಳಿಸುತ್ತಾರೆ. ಮೆಟ್ರಿಕ್ಸ್‌ನ ಒಳಗೆ, ಅದರ ಪ್ರಕೃತಿಯನ್ನು ಅರ್ಥಮಾಡಿಕೊಳ್ಳುವ ಮತ್ತು ಆ ಮೂಲಕ ಅದರ ಭೌತಿಕತೆಯ ನಿಯಮಗಳನ್ನು ಬಾಗಿಸುವ ಅವರ ಸಾಮರ್ಥ್ಯವು ಅವರಿಗೆ ಅತಿಮಾನವ ಸಾಮರ್ಥ್ಯವನ್ನು ನೀಡಿರುತ್ತದೆ. ಭವಿಷ್ಯವಾಣಿಯು ಹೇಳಿರುವ ಯುದ್ಧವನ್ನು ಕೊನೆಗಾಣಿಸುವ, ಮೆಟ್ರಿಕ್ಸ್‌ ಮೇಲಿನ ಅಮಿತ ನಿಯಂತ್ರಣವುಳ್ಳ "ವ್ಯಕ್ತಿ"ಯು ನಿಯೋನ್‌ನೇ ಹೌದು ಎಂದು ಮಾರ್ಫಿಯಸ್ ನಂಬಿರುತ್ತಾನೆ.


ನಿಯೋಗೆ ಗುಂಪಿನ ಸದಸ್ಯನಾಗಲು ತರಬೇತಿಯನ್ನು ನೀಡಲಾಗುತ್ತದೆ. ನಿಯೋನ ತಲೆಬರುಡೆ ಹಿಂದಿರುವ ಒಂದು ಕುಳಿಯ ಮೂಲಕ ಮೊದಲು ಮೆಟ್ರಿಕ್ಸ್ ಜೊತೆ ಸಂಪರ್ಕಪಡೆಯಲು ಬಳಸಲಾಗುತ್ತಿದ್ದು, ಅದನ್ನು ನೇರವಾಗಿ ಆತನ ಮನಸ್ಸಿಗೆ ಜ್ಞಾನವನ್ನು ತುಂಬಲು ಸಹಕಾರಿಯಾಗುತ್ತದೆ. ಹೀಗೆ ಇವನು ಬಹಳ ಯುದ್ಧದ ಕಲೆಯ ಪ್ರಕಾರಗಳನ್ನು ಕಲಿಯುತ್ತಾನೆ. ಮತ್ತು ತನ್ನ ಕುಂಗ್ ಪೂ ಕಲೆಯನ್ನು ತೋರಿಸಲು ಆತ ಮಾರ್ಫಿಯಸ್‌ನೊಡನೆ ಮೆಟ್ರಿಕ್ಸ್ ತರಹದ ವಾಸ್ತವಿಕ ನಿಜಾಂಶದ ಪರಿಸರದಲ್ಲಿ ಹೋರಾಡುತ್ತಾನೆ. ಆತನ ವೇಗ ಎಲ್ಲರಿಗೂ ಇಷ್ಟವಾಗುತ್ತದೆ. ಮುಂದುವರೆದ ತರಬೇತಿಯು ನಿಯೋನಿಗೆ ಮೆಟ್ರಿಕ್ಸ್‌ನಲ್ಲಿಯ ಮುಖ್ಯ ಅಪಾಯವನ್ನು ಪರಿಚಯ ಮಾಡಿಕೊಡುತ್ತದೆ. ಅಲ್ಲಿ ಅವನಿಗೆ ಗಾಯವಾದರೆ ಅದು ನಿಜವಾದ ಜಗತ್ತಿನಲ್ಲಿ ಪ್ರತಿಬಿಂಬಿತವಾಗುತ್ತದೆ. ಅವನೇನಾದರೂ ಮೆಟ್ರಿಕ್ಸ್‌ನಲ್ಲಿ ಸತ್ತರೆ, ಅವನ ಭೌತದೇಹವು ಸಹಾ ಸಾಯುತ್ತದೆ. ಆತನಿಗೆ ಭ್ರಮಾಸ್ಥಿತಿಯನ್ನು ಕಾಯ್ದುಕೊಳ್ಳುವ ಹಾಗೂ ಅದಕ್ಕೆ ಯಾವುದೇ ತೊಂದರೆ ಉಂಟಾದರೆ ಅದನ್ನು ತೊಡೆದು ಹಾಕಲು ನಿಯೋಜಿಸಲಾಗಿರುವ ಏಜೆಂಟರುಗಳ ಕುರಿತು ಎಚ್ಚರಿಕೆ ನೀಡಲಾಗುತ್ತದೆ. ಈ ಏಜೆಂಟರೆಂದರೆ ವೇಗದ ಮತ್ತು ತುಂಬ ಶಕ್ತಿಶಾಲಿಯಾದ ಸಂವೇದಕ ಕಂಪ್ಯೂಟರ್ ಪ್ರೋಗ್ರಾಮ್‌ಗಳಾಗಿದ್ದು, ಅವುಗಳು ನೇರವಾಗಿ ಮೆಟ್ರಿಕ್ಸ್‌ಗೆ ಸಂಪರ್ಕವಿರುವ ಯಾವುದೇ ವ್ಯಕ್ತಿಯ ವಾಸ್ತವ ದೇಹವನ್ನು ಸ್ವಾಧೀನಪಡಿಸಿಕೊಳ್ಳುವ ಶಕ್ತಿಯನ್ನು ಹೊಂದಿರುತ್ತವೆ. ಆದರೆ, ಒಮ್ಮೆ ತಾನು ಮೆಟ್ರಿಕ್ಸ್‌ ವಿರುದ್ಧ ಹೋರಾಡಲು ದೈವನಿಯೋಜಿತವಾದವನು ಎಂಬುದು ನಿಯೋನಿಗೆ ಸರಿಯಾಗಿ ಅರ್ಥವಾಯಿತೆಂದರೆ ಆಗ ಈ ಏಜೆಂಟ್‌ಗಳು ಆತನಿಗೆ ಯಾವ ರೀತಿಯಲ್ಲಿಯೂ ಸಮರಲ್ಲ ಎಂಬ ಕುರಿತು ಮಾರ್ಫಿಯಸ್‌ ಅತ್ಯಂತ ವಿಶ್ವಾಸದಿಂದಿರುತ್ತಾನೆ.


ನಂತರ ಈ ಗುಂಪು ನಿಯೋನನ್ನು ಮೆಟ್ರಿಕ್ಸ್‌‌ನಲ್ಲಿ ಒರಾಕಲ್ ಎಂಬ, ಒಬ್ಬ ವ್ಯಕ್ತಿ ಯುದ್ಧವನ್ನು ಕೊನೆಗಾಣಿಸಲು ಬರುತ್ತಾನೆ ಎಂದು ಭವಿಷ್ಯ ನುಡಿದಿದ್ದ ಮಹಿಳೆಯನ್ನು ಭೇಟಿಮಾಡಿಸುತ್ತಾರೆ. ಆಕೆ ನಿಯೋನಿಗೆ, ಆತ ಮೆಟ್ರಿಕ್ಸ್‌‍ ಅನ್ನು ಸ್ವಾಧೀನಪಡಿಸಿಕೊಳ್ಳುವ "ಸಾಮರ್ಥ್ಯ"ವನ್ನು ಹೊಂದಿದ್ದಾನೆ ಎಂದು ನೆನಪಿಸುತ್ತಾಳೆ, ಜೊತೆಗೆ ಆತ ಏನನ್ನೋ, ಹೆಚ್ಚಾಗಿ ಆತನ ಮುಂದಿನ ಜೀವನವನ್ನು, ಕಾಯುತ್ತಿದ್ದಾನೆ ಎಂದು ಹೇಳುತ್ತಾಳೆ. ಆಕೆಯ ಮಾತಿನಿಂದ ನಿಯೋ ತಾನು ಆ ಭವಿಷ್ಯವು ತಿಳಿಸಿದ ವ್ಯಕ್ತಿ ತಾನಲ್ಲ ಎಂದು ನಿರ್ಧರಿಸುತ್ತಾನೆ. ಜೊತೆಗೆ, ಮಾರ್ಫಿಯಸ್ ನಿಯೋನ ಕುರಿತು ಎಷ್ಟು ಕುರುಡಾಗಿ ನಂಬಿರುತ್ತಾನೆಂದರೆ ಆತನನ್ನು ಉಳಿಸಲು ತನ್ನ ಜೀವನವನ್ನು ಸಮರ್ಪಿಸಲೂ ಸಿದ್ಧನಿರುತ್ತಾನೆ, ಎಂದು ಆಕೆ ಹೇಳುತ್ತಾಳೆ.


ಮೆಟ್ರಿಕ್ಸ್‌ನಿಂದ ಮರಳಲು ಸುರಕ್ಷಿತ "ಹೊರದಾರಿ"ಯಾದ ಹ್ಯಾಕ್ ಮಾಡಿದ ದೂರವಾಣಿ ಲೈನ್‌‌ನ ಬಳಿಗೆ ಬರುವ ಹೊತ್ತಿನಲ್ಲಿ ಏಜೆಂಟರು ಮತ್ತು SWAT ತಂಡದವರಿಂದ ದಾಳಿಗೀಡಾಗುತ್ತಾರೆ. ಏಜೆಂಟ್ ಸ್ಮಿತ್ ನಿಯೋನನ್ನು ಹೊಡೆದು ತಳ್ಳುತ್ತಾನೆ, ಆದರೆ ಮಾರ್ಫಿಯಸ್ ಆತನನ್ನು ಕೆಳಕ್ಕೆ ಕೆಡವಿ ಎಲ್ಲರಿಗೂ ಅಲ್ಲಿಂದ ಹೊರಹೋಗುವಂತೆ ಆದೇಶ ನೀಡುತ್ತಾನೆ. ನಿಯೋ ಮತ್ತು ಇತರರು ತಪ್ಪಿಸಿಕೊಳ್ಳಲು ಸಹಾಯ ಮಾಡುವುದಕ್ಕಾಗಿ ಮಾರ್ಫಿಯಸ್ ತಾನು ಬಂದನಕ್ಕೆ ಒಳಗಾಗುತ್ತಾನೆ. ಆದರೆ ನಂತರ ತಂಡದ ಸದಸ್ಯನಾದ ಸೈಫರ್ ಅವರಿಗೆ ಮೋಸ ಮಾಡಿಬಿಟ್ಟಿರುತ್ತಾನೆ ಎಂಬ ವಿಷಯ ಗೊತ್ತಾಗುತ್ತದೆ. ಆತ ವಾಸ್ತವ ಜಗತ್ತಿನ ಕಷ್ಟಗಳನ್ನು ಸಹಿಸುವುದರ ಹೊರತಾಗಿ ಮರೆವಿನ ಜಗತ್ತಿನಲ್ಲಿಯೇ ಉಳಿಯುವುದು ಸೂಕ್ತ ಎಂಬ ನಿರ್ಧಾರಕ್ಕೆ ಬಂದಿರುತ್ತಾನೆ ಹಾಗೂ ಆ ಕಾರಣಕ್ಕಾಗಿ ಏಜೆಂಟರೊಂದಿಗೆ ಒಂದು ಒಪ್ಪಂದ ಮಾಡಿಕೊಂಡಿರುತ್ತಾನೆ. ಅದೇನೆಂದರೆ, ಆತ ಸಂಪೂರ್ಣವಾಗಿ ಮೆಟ್ರಿಕ್ಸ್‌ಗೆ ಮರಳಬೇಕೆಂದರೆ ಮಾರ್ಫಿಯಸ್‌ನನ್ನು ಅವರಿಗೆ ಹಿಡಿಯಲು ಸಹಾಯ ಮಾಡುವುದು. ನಂತರದಲ್ಲಿ ಸೈಫರ್‌ನನ್ನು ಸೋಲಿಸಲಾಗುತ್ತದೆ. ಆದರೆ ಅಷ್ಟರೊಳಗೆ ಆತನ ಮೋಸದಿಂದಾಗಿ ನಿಯೋ ಟ್ರಿನಿಟಿ, ಟ್ಯಾಂಕ್ ಮತ್ತು ಮಾರ್ಫಿಯಸ್‌ನ ಹೊರತಾಗಿ ತಂಡದ ಇತರ ಎಲ್ಲ ಸದಸ್ಯರೂ ಕೊಲ್ಲಲ್ಪಟ್ಟಿರುತ್ತಾರೆ. ಮಾರ್ಫಿಯಸ್‌ ಮೆಟ್ರಿಕ್ಸ್‌ನ ಒಳಗೇ ಇರುವ ಒಂದು ಸರ್ಕಾರಿ ಕಟ್ಟಡದ ಒಳಗೆ ಬಂಧಿಸಲ್ಪಟ್ಟಿರುತ್ತಾನೆ. ಏಜೆಂಟರು ಆತನಿಂದ, ಮೆಟ್ರಿಕ್ಸ್‌ನಿಂದ ಬಿಡುಗಡೆ ಹೊಂದಿದ ಜನರು ಇರುವ ಜಿಯೋನ್ ಎಂಬ ನೈಜ ಜಗತ್ತಿನ ಭೂಗತ ರಕ್ಷಣಾ ತಾಣದ ಪ್ರಧಾನ ರಚನೆಯನ್ನು ಪ್ರವೇಶಿಸಲು ಬೇಕಾದ ರಹಸ್ಯ ಸಂಕೇತ ಲಿಪಿಗಳನ್ನು ಪಡೆಯಲು ಪ್ರಯತ್ನಿಸುತ್ತಾರೆ. ಆ ಸಮಯದಲ್ಲಿ ನಿಯೋ ಮತ್ತು ಟ್ರಿನಿಟಿ ಮೆಟ್ರಿಕ್ಸ್‌ಗೆ ಮರಳಿ ಆ ಕಟ್ಟಡವನ್ನು ಸಿಡಿಸುವ ಮೂಲಕ ತಮ್ಮ ನಾಯಕನನ್ನು ರಕ್ಷಿಸುತ್ತಾರೆ. ನಿಯೋನಿಗೆ ಮೆಟ್ರಿಕ್ಸ್‌ನ್ನು ಕುಶಲತೆಯಿಂದ ಬಳಸುವ ಕುರಿತು ಹೆಚ್ಚಿನ ವಿಷಯಗಳು ಗೊತ್ತಾಗುತ್ತವೆ ಹಾಗೂ ಆತನ ಆತ್ಮವಿಶ್ವಾಸವೂ ಹೆಚ್ಚಾಗುತ್ತದೆ. ಅಂತಿಮವಾಗಿ ಆತ ತನ್ನೆಡೆಗೆ ಏಜೆಂಟರು ಹೊಡೆಯುವ ಗುಂಡುಗಳಿಂದ ತಪ್ಪಿಸಿಕೊಳ್ಳುವುದನ್ನು ಅರಿತುಕೊಳ್ಳುತ್ತಾನೆ. ಮಾರ್ಫಿಯಸ್ ಮತ್ತು ಟ್ರಿನಿಟಿ ಮೆಟ್ರಿಕ್ಸ್‌ನಿಂದ ಹೊರಬರಲು ಒಂದು ಸುರಂಗಮಾರ್ಗದ ನೆಲೆಯ ದೂರವಾಣಿಯನ್ನು ಬಳಸುತ್ತಾರೆ, ಆದರೆ ನಿಯೋ ಹೊರಬರುವ ಮೊದಲು ಆತ ಏಜೆಂಟ್ ಸ್ಮಿತ್‌ನಿಂದ ದಾಳಿಗೊಳಗಾಗುತ್ತಾನೆ. ಆತ ಹೋರಾಡಿ ಸ್ಮಿತ್‌ನನ್ನು ಸೋಲಿಸುತ್ತಾನೆ, ಆದರೆ ಏಜೆಂಟ್ ಮತ್ತೊಂದು ದೇಹವನ್ನು ಪ್ರವೇಶಿಸಿದಾಗ ಅಲ್ಲಿಂದ ಓಡಿಹೋಗುತ್ತಾನೆ.


ನಿಯೋ ಆ ನಗರದಲ್ಲಿ ಓಡುತ್ತಾ ಇನ್ನೊಂದು ದೂರವಾಣಿ ಹೊರದಾರಿಯ ಕಡೆಗೆ ಹೋಗುತ್ತಿದ್ದರೆ, ಏಜೆಂಟರು ಅವನನ್ನು ಹುಡುಕುತ್ತಾರೆ. ಅದೇ ಸಮಯದಲ್ಲಿ "ಕಾವಲು" ಯಂತ್ರಗಳು ನೆಬುಚಾಡ್ನೆಝಾರ್ ನ ನೈಜ ಜಗತ್ತಿನಲ್ಲಿ ಇರುವೆಡೆಯಲ್ಲಿ ಅದರ ಮೇಲೆ ಸೇರುತ್ತವೆ. ನಿಯೋ ಹೊರದಾರಿಯನ್ನು ತಲುಪುತ್ತಾನೆ ಆದರೆ ಏಜೆಂಟ್ ಸ್ಮಿತ್ ಆತನ ಮೇಲೆ ದಾಳಿ ಮಾಡಿ ಗುಂಡಿನಿಂದ ಸಾಯಿಸುತ್ತಾನೆ. ನೈಜ ಜಗತ್ತಿನಲ್ಲಿ, ಟ್ರಿನಿಟಿ ನಿಯೋನಿಗೆ ಪಿಸುಮಾತಿನಲ್ಲಿ ಒರಾಕಲ್ ಭವಿಷ್ಯ ನುಡಿದ ರಕ್ಷಕ ವ್ಯಕ್ತಿಯನ್ನು ಪ್ರೇಮಿಸುತ್ತೇನೆಂದು, ಆ ಮೂಲಕ ಆ ವ್ಯಕ್ತಿ ನಿಯೋನೇ ಎಂದು ಸೂಚಿಸುತ್ತಾ, ಹೇಳುತ್ತಾಳೆ. ಆತನ ಸಾವನ್ನು ಒಪ್ಪಿಕೊಳ್ಳಲು ಆಕೆ ತಯಾರಿರದೇ ಆತನನ್ನು ಚುಂಬಿಸುತ್ತಾಳೆ. ನಿಯೋನ ಹೃದಯ ಮತ್ತೆ ಬಡಿದುಕೊಳ್ಳಲು ಆರಂಭಿಸುತ್ತದೆ, ಮತ್ತು ಮೆಟ್ರಿಕ್ಸ್‌ನಲ್ಲಿಯೇ ನಿಯೋ ಪುನರ್ಜನ್ಮ ತಾಳುತ್ತಾನೆ; ಏಜೆಂಟರು ಅವನ ಮೇಲೆ ಗುಂಡು ಹೊಡೆಯುತ್ತಾರೆ, ಆದರೆ ಆತ ತನ್ನ ಅಂಗೈಯನ್ನು ಎತ್ತಿ ಹಿಡಿದು ಆ ಗುಂಡುಗಳನ್ನು ತನ್ನ ಗಾಳಿಯಲ್ಲಿಯೇ ತಡೆದು ನಿಲ್ಲಿಸುತ್ತಾನೆ. ಜೊತೆಗೆ, ನಿಯೋನಿಗೆ ಮೆಟ್ರಿಕ್ಸ್ ಎಂಬುದು ಹಸಿರು ಗೂಢಲಿಪಿಯಿರುವ ಹರಿಯುವ ರೇಖೆಗಳೆಂದು ಗುರುತಿಸಲು ಸಾಧ್ಯವಾಗುತ್ತದೆ. ಏಜೆಂಟ್ ಸ್ಮಿತ್ ಆತನನ್ನು ಕೊಲ್ಲಲು ಕೊನೆಯ ಪ್ರಯತ್ನವೊಂದನ್ನು ಮಾಡುತ್ತಾನೆ, ಆದರೆ ಆತನ ಹೊಡೆತಗಳನ್ನು ಸುಲಭವಾಗಿ ತಡೆಯುವ ನಿಯೋ, ಆತನನ್ನು ನಾಶಮಾಡುತ್ತಾನೆ. ಇನ್ನಿಬ್ಬರು ಏಜೆಂಟರು ಓಡಿಹೋಗುತ್ತಾರೆ, ಮತ್ತು ನಿಯೋ ನೈಜ ಜಗತ್ತಿಗೆ ಸರಿಯಾದ ಸಮಯಕ್ಕೆ ಬರುತ್ತಾನೆ. ಆ ಸಮಯದಲ್ಲಿ ಹಡಗಿನ EMP ಆಯುಧವನ್ನು ಈಗಾಗಲೇ ಹಡಗಿನ ಮೈಯನ್ನು ನಾಶಮಾಡಲು ತೊಡಗಿರುವ ಆ ರಕ್ಷಕ ಯಂತ್ರಗಳನ್ನು ನಾಶಗೊಳಿಸಲು ಸಿದ್ಧವಾಗಿಟ್ಟಿರುತ್ತಾರೆ. ಆತ ಹೊರಬರುತ್ತಿದ್ದಂತೆ ಅದು ಗುಂಡು ಸಿಡಿಸತೊಡಗುತ್ತದೆ. ಒಂದು ಚಿಕ್ಕ ಉಪಸಂಹಾರವು ನಿಯೋ ಮತ್ತೆ ಮೆಟ್ರಿಕ್ಸ್‌‌ಗೆ ಮರಳುವುದನ್ನು, ಒಂದು ದೂರವಾಣಿ ಕರೆ ಮಾಡಿ ಮ್ಯಾಟ್ರಿಕ್ಸ್‌ನಲ್ಲಿ ಬಂಧಿತರಾಗಿರುವ ಜನರಿಗೆ "ಯಾವುದೂ ಅಸಾಧ್ಯವಲ್ಲ" ಎಂಬುದನ್ನು ತೋರಿಸುತ್ತೇನೆ ಎಂದು ಪ್ರಮಾಣ ಮಾಡುವುದನ್ನು ತೋರಿಸುತ್ತದೆ. ಆತ ದೂರವಾಣಿ ಕರೆಯನ್ನು ನಿಲ್ಲಿಸಿ ಆಕಾಶಕ್ಕೆ ಹಾರುತ್ತಾನೆ.


ಪಾತ್ರಗಳು ಮತ್ತು ವ್ಯಕ್ತಿತ್ವಗಳು[ಬದಲಾಯಿಸಿ]

  • ಕೀನು ರೀವ್ಸ್ ಥಾಮಸ್ ಎ. ಎಂಡರ‍್ಸನ್ /ನಿಯೋ ಆಗಿ ನಟಿಸಿದ್ದಾನೆ: ಈತ ಒಬ್ಬ ಕಂಪ್ಯೂಟರ್ ಪ್ರೊಗ್ರಾಮರ್ ಆಗಿದ್ದು, ರಹಸ್ಯವಾಗಿ ನಿಯೋ ಎಂಬ ಹೆಸರಿನ ಹ್ಯಾಕರ್ ಆಗಿರುತ್ತಾನೆ. ನಂತರ, ಇವನು ಮಾರ್ಫಿಯಸ್‌ಯನ್ನು ಏಜೆಂಟರಿಂದ ಬಿಡುಗಡೆ ಮಾಡಲು ಪ್ರಯತ್ನಿಸುವಾಗ ಈತನೇ "ರಕ್ಷಕ" ಎಂಬುದು ಗೊತ್ತಾಗುತ್ತದೆ.
  • ಲಾರೆನ್ಸ್ ಫಿಶ್ ಬರ್ನ್ ಮಾರ್ಫಿಯಸ್ ಆಗಿ ನಟಿಸಿದ್ದಾನೆ: ಈತ ಮೆಟ್ರಿಕ್ಸನಿಂದ ಮುಕ್ತಗೊಂಡವ ಮತ್ತು ನೆಬುಚಡ್ನೆಜ್ಜರ್‌ನ ಕ್ಯಾಪ್ಟನ್. ನಿಯೋನನ್ನು ಕಂಡುಹಿಡಿಯುವವ ಮತ್ತು ಆತನಿಗೆ ಸತ್ಯವನ್ನು ತಿಳಿಸುವವ ಈತನೇ ಆಗಿದ್ದಾನೆ.
  • ಕ್ಯಾರಿ-ಆ‍ಯ್‌ನೆ ಮೊಸ್ ಟ್ರಿನಿಟಿ ಆಗಿ ನಟಿಸಿದ್ದಾಳೆ: ಈಕೆ ನೆಬುಚಡ್ನೆಜ್ಜರ್‌ನ ಕ್ಯಾಪ್ಟನ್ ಮಾರ್ಫಿಯಸ್‌ನ ಸಹಾಯದಿಂದ ಮುಕ್ತಳಾಗುತ್ತಾಳೆ ಮತ್ತು ನಿಯೋನ ಪ್ರೇಯಸಿಯಾಗಿರುತ್ತಾಳೆ.
  • ಹ್ಯೂಗೊ ವೀವಿಂಗ್ ಏಜೆಂಟ್‌ ಸ್ಮಿತ್ ಆಗಿ ನಟಿಸಿದ್ದಾನೆ: ಇವನು ಮೆಟ್ನಿಕ್ಸ್‌ನ ಸಂವೇದಕ "ಎಜೆಂಟ್" ಪ್ರೋಗ್ರಾಮ್ ಆಗಿದ್ದು, ಇವನ ಕಾರ್ಯವು ಜಿಯಾನ್‌ನ ನಾಶ ಮತ್ತು ಮಾನವರು ಮೆಟ್ರಿಕ್ಸ್‌ನಿಂದ ಹೊರಬರುವುದನ್ನು ತಡೆಯುವುದು ಆಗಿದೆ. ಉಳಿದ ಏಜೆಂಟ್‌‌ಗಳ ಹಾಗಲ್ಲದೆ ಇವನು ತನ್ನ ಕರ್ತವ್ಯಗಳಿಂದ ಮುಕ್ತಿ ಹೊಂದುವ ಆಕಾಂಕ್ಷೆಯನ್ನು ಹೊಂದಿರುತ್ತಾನೆ.
  • ಜೋ ಪೆಂಟಾಲಿಯೊನೊ ಸೈಫರ್ ಆಗಿ ನಟಿಸಿದ್ದಾನೆ: ಈತ ಮಾರ್ಫಿಯಸ್ ಮುಕ್ತಿಗೊಳಿಸಿರುವ ಮತ್ತೊಬ್ಬ ವ್ಯಕ್ತಿ, ಆದರೆ ಮೆಟ್ರಿಕ್ಸಿಗೆ ತಿರುಗಿಬರುವ ಹಂಬಲದಿಂದ ಏಜೆಂಟರ ಸಹಾಯದಿಂದ ಮಾರ್ಫಿಯಸ್ ಮೋಸ ಮಾಡುತ್ತಾನೆ.
  • ಜೂಲಿಯನ್ ಅರಹಂಗಾ ಎಪೋಕ್ ಆಗಿ ನಟಿಸಿದ್ದಾನೆ:: ಈತ ಒಬ್ಬ ಮುಕ್ತ ಮನುಷ್ಯ ಮತ್ತು ನೆಬುಚಾಡ್ನೆಝಾರ್ ನಲ್ಲಿರುವ ದಳದ ಸದಸ್ಯ.
  • ಎಂಥೊನಿ ರೇ ಪಾರ್ಕರ್ ಡೋಜರ್ ಆಗಿ ನಟಿಸಿದ್ದಾನೆ: ಮೆಟ್ರಿಕ್ಸ್‌ನ ಹೊರಗೆ ಹುಟ್ಟಿದ "ನೈಸರ್ಗಿಕ" ಮನುಷ್ಯ ಮತ್ತು ನೆಬುಚಡ್ನೆಜ್ಜರ್ ನ ಪೈಲಟ್.
  • ಮಾರ್ಕಸ್ ಜೊಂಗ್ ಟ್ಯಾಂಕ್ ಆಗಿ ನಟಿಸಿದ್ದಾನೆ: ಈತ ನೆಬುಚಡ್ನೆಜ್ಜರ್ ದ "ಕಾರ್ಯನಿರ್ವಾಹಕ" ಮತ್ತು ಡೊಜರ್‌ನ ಸಹೋದರ ಮತ್ತು ಅವನಂತೆ ಮೆಟ್ರಿಕ್ಸ್‌ನ ಹೊರಗೆ ಜನಿಸಿದವ.
  • ಮ್ಯಾಟ್ ಡೋರನ್ ಮೌಸ್ಆಗಿ ನಟಿಸಿದ್ದಾನೆ: ಈತ ಒಬ್ಬ ಮುಕ್ತನಾದ ವ್ಯಕ್ತಿ ಮತ್ತು ನೆಬುಚಾಡ್ನೆಝಾರ್ ನಲ್ಲಿರುವ ಪ್ರೋಗ್ರಾಮರ್.
  • ಗ್ಲೊರಿಯಾ ಫೋಸ್ಟರ್ ಒರಾಕಲ್ ಆಗಿ ನಟಿಸಿದ್ದಾಳೆ. ಒರಾಕಲ್ ಮೆಟ್ರಿಕ್‌ನಿಂದ ಗಡಿಪಾರಾದ ಆದರೆ ಅಲ್ಲಿಯೇ ಉಳಿದಿರುವ ಕಂಪ್ಯೂಟರ್ ಪ್ರೋಗ್ರಾಮ್ ಆಗಿದ್ದು, ಆಕೆ ತನ್ನ ಮುಂಜಾಗೃತಿ ಮತ್ತು ಜಾಣತನದಿಂದ ಮುಕ್ತಗೊಂಡ ಮನುಷ್ಯರಿಗೆ ಸಹಾಯ ಮಾಡುತ್ತಾಳೆ.
  • ಬೆಲಿಂಡಾ ಮ್ಯಾಕ್‌ಕ್ಲೋರಿ ಸ್ಚಿಚ್ ಆಗಿ ನಟಿಸಿದ್ದಾಳೆ: ಈಕೆ ಮಾರ್ಫಿಯಸ್‌ನಿಂದ ಮುಕ್ತಗೊಂಡ ವ್ಯಕ್ತಿ ಮತ್ತು ನೆಬುಚಾಡ್ನೆಝಾರ್ ನಲ್ಲಿರುವ ದಳದ ಸದಸ್ಯೆ. ಸೈಫರ್‌ನಿಂದ ಕೊಲೆಯಾಗುತ್ತಾಳೆ.
  • ಪೌಲ್ ಗೊಡ್ಡಾರ್ಡ್ ಏಜೆಂಟ್ ಬ್ರೌನ್ ಆಗಿ ನಟಿಸಿದ್ದಾನೆ: ಇದು ಮೆಟ್ನಿಕ್ಸ್‌ನ ಎರಡು ಸಂವೇದಕ ಪ್ರೋಗ್ರಾಮ್‌ಗಳಲ್ಲಿ ಒಂದು ಏಜೆಂಟ್ ಆಗಿದ್ದು, ಇದು ಸ್ಮಿತ್ ಜೊತೆ ಜಿಯಾನ್‌ನನ್ನು ನಾಶ ಮಾಡಲು ಮತ್ತು ಮಾನವರು ಮೆಟ್ರಿಕ್ಸ್‌ನಿಂದ ಹೊರಬರುವುದನ್ನು ತಡೆಯುವ ಕಾರ್ಯವನ್ನು ಮಾಡುತ್ತದೆ.
  • ರಾಬರ್ಟ್ ಟೇಲರ್ ಏಜೆಂಟ್‌ ಜೊನ್ಸ್ ಆಗಿ ನಟಿಸಿದ್ದಾನೆ: ಇದು ಮತ್ತೊಂದು ಸಂವೇದಕ "ಏಜೆಂಟ್‌" ಪ್ರೋಗ್ರಾಮ್ ಆಗಿದ್ದು, ಏಜೆಂಟ್‌ ಸ್ಮಿತ್‌ನ ಜೊತೆ ಕಾರ್ಯ ನಿರ್ವಹಿಸುತ್ತದೆ.


ನಿರ್ಮಾಣ[ಬದಲಾಯಿಸಿ]

ದ ಮೆಟ್ರಿಕ್ಸ್ ವಾರ್ನರ್ ಬ್ರದರ್ಸ್ ಮತ್ತು ಆಸ್ಟೆಲಿಯಾದ ವಿಲೇಜ್ ರೊಡ್‌ಶೊ ಪಿಕ್ಚರ್ಸ್ ಸಹ-ನಿರ್ಮಾಣದಲ್ಲಿ ತಯಾರಾದ ಚಿತ್ರವಾಗಿದೆ, ಮತ್ತು ಕೆಲವು ದೃಶ್ಯಗಳನ್ನು ಬಿಟ್ಟರೆ ಹೆಚ್ಚಿನವುಗಳನ್ನು ಆಸ್ಟ್ರೇಲಿಯಾಸಿಡ್ನಿಯ ಫಾಕ್ಸ್ ಸ್ಟುಡಿಯೊಸ್‌ನಲ್ಲಿ ಮತ್ತು ಸಿಡ್ನಿ ನಗರದಲ್ಲಿಯೇ ಚಿತ್ರೀಕರಿಸಲಾಗಿದೆ. ಅಮೇರಿಕಾ ದೇಶದ ಪಟ್ಟಣಗಳ ವೈಶಿಷ್ಟ್ಯಗಳನ್ನು ಕಾಪಾಡುವ ಕಾರಣದಿಂದಾಗಿ ಸಿಡ್ನಿಯಲ್ಲಿನ ಗುರುತಿಸಬಹುದಾದ ಭೂಚಿಹ್ನೆಗಳನ್ನು ಚಿತ್ರೀಕರಣದಲ್ಲಿ ಸೇರಿಸಿಲ್ಲ ಹಾಗಿದ್ದರೂ, ಸಿಡ್ನಿ ಹಾರ್ಬರ್ ಬ್ರಿಡ್ಜ್, ANZAC ಬ್ರಿಡ್ಜ್, AWA ಟವರ್, ಮಾರ್ಟಿನ್ ಪ್ಲೇಸ್ ಮತ್ತು ಕಾಮನ್ ವೆಲ್ತ್ ಬ್ಯಾಂಕ್ ವಿಭಾಗ ಮುಂತಾದವುಗಳು ಕೆಲವು ದೃಶ್ಯಗಳಲ್ಲಿ ಕಾಣಿಸಿಕೊಂಡಿವೆ, ಮತ್ತು ಸಿಡ್ನಿ ಟೆಲ್ಸ್‌ಟ್ರಾ ಆಫೀಸ್‌ಗಳು ಮತ್ತು IBM ಕಾರ್ಪೋರೇಶನ್‌ಗಳು ಸಹಾ ಅವುಗಳ ಮೇಲಿರುವ ಜಾಹೀರಾತು ಪಲಕಗಳ ಪ್ರಕಾರ ಕಾಣಿಸಿಕೊಂಡಿವೆ. ಈ ಚಿತ್ರೀಕರಣಕ್ಕೆ ಸಂಬಂಧಿಸಿದಂತೆ ಉಳಿದ ಸ್ಥಳದ ಸೂಚಕಗಳು ಎಂದರೆ ಎಡಭಾಗದ ವಾಹನ ಚಲನೆ ಮತ್ತು ರಸ್ತೆ ಚಿಹ್ನೆಗಳಲ್ಲಿ ಆಸ್ಟ್ರೇಲಿಯಾದ ಇಂಗ್ಲಿಷ್ ಪದಗಳು ಮತ್ತು ಉಚ್ಚಾರಗಳನ್ನು, ಅಂದರೆ "lift" ಮತ್ತು "authorised" ಗಳನ್ನು (ಅಮೇರಿಕದ ಇಂಗ್ಲೀಷ್‌ನಲ್ಲಿ "elevator" ಮತ್ತು "authorized") ಬಳಸಲಾಗಿರುವುದು ಕಾಣುತ್ತದೆ.


ಸೂಕ್ಷ್ಮವಾಗಿ ನಿರ್ದೇಶಕರ ಸ್ವಂತ ನಗರವಾದ ಚಿಕಾಗೋ,ಇಲಿನೋಸಿಸ್, ದೃಶ್ಯಗಳನ್ನು ನೀಡಲಾಗಿದೆ. ಚಿಕಾಗೊದ ಸ್ಕೈಲೈನ್, ನಗರದ ನಕಾಶೆ, ನಿಯೋ ಮತ್ತು ಏಜೆಂಟ್ ಸ್ಮಿತ್ ನಡುವಿನ ಸುರಂಗ ರೈಲು ಹೋರಾಟದಲ್ಲಿ ಚಿಕಾಗೊದ ಸುರಂಗ ರೈಲು ತಲುಪುವ ಪ್ರದೇಶವನ್ನು ತೋರಿಸಲಾಗಿದೆ. ಈ ಸಮಯದಲ್ಲಿ ಲೂಪ್ ಎಂದು ಹೇಳುತ್ತಾ, ಸ್ಥಳದ ಹೆಸರುಗಳಾದ ಆ‍ಯ್‌ಡಮ್ಸ್ ಸ್ಟ್ರೀಟ್ ಬ್ರಿಡ್ಜ್, ವೆಲ್ಸ್ ಅಂಡ್ ಲೇಕ್, ಫ್ರಾಂಕ್‌ಲಿನ್ ಮತ್ತು ಏರೀ, ಸ್ಟೇಟ್ ಮತ್ತು ಬಲ್ಬೊ ಮತ್ತು ವಾಬಾಶ್ ಮತ್ತು ಲೇಕ್‌ಗಳನ್ನು ತೋರಿಸಲಾಗಿದೆ.


ಚಿತ್ರದ ಮೊದಲಲ್ಲಿ ಏಜೆಂಟ್‌ ಜೋನ್ಸ್‌ನಿಂದ ತಪ್ಪಿಸಿಕೊಳ್ಳಲು ಟ್ರೈನಿಟಿ ಉಪಯೋಗಿಸಿದ ಛಾವಣಿಯ ಸೆಟ್‌ ಡಾರ್ಕ್ ಸಿಟಿ ಚಿತ್ರದ ಚಿತ್ರೀಕರಣದ ನಂತರ ಉಳಿದದ್ದಾಗಿರುತ್ತದೆ. ಈ ಎರೆಡೂ ಚಿತ್ರಗಳ ವಿಷಯದಲ್ಲಿ ಸಮಾನತೆಯಿರುವುದರಿಂದಾಗಿ ಇದನ್ನು ಬಳಸಿಕೊಳ್ಳಲಾಗಿದೆ.[೧] ಆರ್ಟ್ ಆಫ್ ದ ಮೆಟ್ರಿಕ್ಸ್ ಪ್ರಕಾರ, ಇಲ್ಲಿ ಚಿತ್ರೀಕರಿಸಿದ ಕನಿಷ್ಟ ಒಂದು ದೃಶ್ಯ ಮತ್ತು ಕೆಲವು ಚಿಕ್ಕ ದೃಶ್ಯಗಳನ್ನು ಸಂಕಲನದ ಕೊನೆಯ ಹಂತದಲ್ಲಿ ತೆಗೆದುಹಾಕಲಾಗಿದ್ದು, ಅವುಗಳನ್ನು (ಈವರೆಗೂ) ಪ್ರಕಟಿಸಲಾಗಿಲ್ಲ.


ಈ ಚಲನಚಿತ್ರದಲ್ಲಿ ತೊಡಗಿರುವವರು ಎಲ್ಲರೂ ಈ ಚಲನಚಿತ್ರದ ಮುಖ್ಯ ವಿಷಯವನ್ನು ಅರ್ಥಮಾಡಿಕೊಳ್ಳುವುದು ತುಂಬಾ ಅಗತ್ಯವೆಂದು ವಾಚೋಸ್ಕಿ ಸಹೋದರರು ಭಾವಿಸಿದ್ದರು.Script errorScript error[citation needed] ಉದಾಹರಣೆಯಾಗಿ ಹೇಳಬೇಕೆಂದರೆ, ಚಿತ್ರದ ಪ್ರಾರಂಭದಲ್ಲಿ ಡಿಸ್ಕ್‌ಗಳನ್ನು ಅಡಗಿಸಲು ಉಪಯೋಗಿಸಲಾದ ಪುಸ್ತಕ ಸಿಮ್ಯುಲಕ್ರ ಮತ್ತು ಸಿಮ್ಯುಲೇಶನ್ ವನ್ನು, ಪ್ರೆಂಚ್ ತತ್ವಜ್ಞಾನಿ ಜೀನ್ ಬೌಡ್ರಿಲಾರ್ಡ್ 1981 ರಲ್ಲಿ ಬರೆದದ್ದು, ಪ್ರಮುಖ ತಾರಾಗಣದಲ್ಲಿರುವವರು ಮತ್ತು ಇತರ ತಂತ್ರಜ್ಞರು ಓದಲೇಬೇಕಾಗಿತ್ತು.


ತಾರಾಗಣ[ಬದಲಾಯಿಸಿ]

ನಟ [[ವಿಲ್‌ ಸ್ಮಿತ್{10} ನಿಯೋನ ಪಾತ್ರವನ್ನು ತಿರಸ್ಕರಿಸಿ ವೈಲ್ಡ್ ವೈಲ್ಡ್ ವೆಸ್ಟ್ ವನ್ನು ಆಯ್ಕೆಮಾಡಿಕೊಳ್ಳುತ್ತಾನೆ. ಈ ಚಲನಚಿತ್ರದ ಬುಲೆಟ್ ವೇಗದ ವಿಶೇಷ ಪರಿಣಾಮಗಳ ಕುರಿತ ಆತನ ಸಂದೇಹಾತ್ಮಕ ಯೋಚನೆಗಳೇ ಇದಕ್ಕೆ ಕಾರಣ.|ವಿಲ್‌ ಸ್ಮಿತ್{10} ನಿಯೋನ ಪಾತ್ರವನ್ನು ತಿರಸ್ಕರಿಸಿ ವೈಲ್ಡ್ ವೈಲ್ಡ್ ವೆಸ್ಟ್ ವನ್ನು ಆಯ್ಕೆಮಾಡಿಕೊಳ್ಳುತ್ತಾನೆ. ಈ ಚಲನಚಿತ್ರದ ಬುಲೆಟ್ ವೇಗದ ವಿಶೇಷ ಪರಿಣಾಮಗಳ ಕುರಿತ ಆತನ ಸಂದೇಹಾತ್ಮಕ ಯೋಚನೆಗಳೇ ಇದಕ್ಕೆ ಕಾರಣ.[೨]]] ಅವನು ನಂತರ, ತಾನು ಆ ಸಮಯದಲ್ಲಿ[೨] ಅದರಲ್ಲಿ ನಟಿಸುವಷ್ಟು ಪ್ರೌಢ ನಟನಾಗಿರಲಿಲ್ಲ ಮತ್ತು ಆದರು ಪಾತ್ರವನ್ನು ನಿರ್ವಹಿಸಿದ್ದರೆ ಅದನ್ನು ಹಾಳುಗೆಡವಿಬಿಡುತ್ತಿದ್ದೆ ಎಂದು ಹೇಳಿಕೆ ನೀಡಿದನು.[೩][೪] [[ನಿಕೊಲಸ್ ಕೆಜ್{10}]]ಕೌಟುಂಬಿಕ ಕಾರಣಗಳಿಗಾಗಿ ಈ ಪಾತ್ರವನ್ನು ತಿರಸ್ಕರಿಸಿದನು. ಕೀನು ರೀವ್ಸ್ ಈ ಪಾತ್ರವನ್ನು ಒಪ್ಪಿಕೊಳ್ಳುವ ಮೊದಲು [[ಸಾಂಡ್ರಾ ಬುಲ್ಲೊಕ್{10} ಟ್ರಿನಿಟಿಯ ಪಾತ್ರವನ್ನು ತಿರಸ್ಕರಿಸಿದರು. ಯಾಕೆಂದರೆ ಅವಳು ನಿಯೋನ ಪಾತ್ರವನ್ನು ಮಾಡಲು ಆಗ ಆಯ್ಕೆಯಾದ ನಟನೊಡನೆ ನಟಿಸಲು ಇಷ್ಟಪಡಲಿಲ್ಲ.]]


ಪ್ರೊಡಕ್ಷನ್ ಡಿಸೈನ್[ಬದಲಾಯಿಸಿ]

ಇವನ್ನೂ ನೋಡಿ: Matrix digital rain

ಈ ಚಲನಚಿತ್ರದಲ್ಲಿ, ಮೆಟ್ರಿಕ್ಸ್‌ಅನ್ನು ಒಳಗೊಂಡಿರುವ ಸಂಕೇತವನ್ನು ಕೆಳಗೆ ಹರಿಯುವ ಹಸಿರು ಅಕ್ಷರಗಳನ್ನಾಗಿ ಗುರುತಿಸಲಾಗಿದೆ. ಈ ಸಂಕೇತವು ಅರ್ಧ-ಅಗಲದ ಕಾನಾ ಅಕ್ಷರಗಳ ಮತ್ತು ಪಾಶ್ಚಾತ್ಯ ಲ್ಯಾಟಿನ್ ಅಕ್ಷರಗಳು ಮತ್ತು ಸಂಖ್ಯೆಗಳ ಪ್ರತಿಬಿಂಬವಾಗಿದೆ. ಒಂದು ದೃಶ್ಯದಲ್ಲಿ ಕಿಡಕಿಯ ಮೇಲೆ ಜಿನುಗುವ ಮಳೆಯ ಮಾದರಿ ಸರಿಯಾಗಿ ಈ ಸಂಕೇತಕ್ಕೆ ಹೋಲುತ್ತದೆ. ಸಾಮಾನ್ಯವಾಗಿ, ಈ ಚಲನಚಿತ್ರದಿ ಮೆಟ್ರಿಕ್ಸ್‌[[]]ನ ವೈಶಿಷ್ಟ್ಯವಾದ ಹಸಿರು ಬಣ್ಣದ ದೃಶ್ಯಗಳ ಮೇಲೆ ಒಲವನ್ನು ತೋರುತ್ತದೆ, ಹಾಗೆಯೇ ವಾಸ್ತವಿಕ ಜಗತ್ತಿನಲ್ಲಿ ನೀಲಿ ಬಣ್ಣದ ದೃಶ್ಯಗಳ ಮೇಲೆ ಪ್ರಾಧಾನ್ಯವಿರುತ್ತದೆ. ಜೊತೆಗೆ, ಮೆಟ್ರಿಕ್ಸ ಒಳಗಿನ ದೃಶ್ಯಗಳಿಗಾಗಿ ಗ್ರಿಡ್ ಮಾದರಿಯು ಸೆಟ್‌ಗಳನ್ನು ಕೂಡಿಕೊಂಡಿದ್ದು, ಶೀತವನ್ನು ಮತ್ತು ಕೃತಕ ಪ್ರಕೃತಿಯ ವಾತಾವರಣವನ್ನು ತೋರಿಸುವ ಪ್ರಯತ್ನವಿದೆ.[೫]


ಇದರಲ್ಲಿನ "ಡಿಜಿಟಲ್ ಮಳೆ"ಯು ಘೋಸ್ಟ್ ಇನ್ ದ ಶೆಲ್ ಚಿತ್ರದಲ್ಲಿನ ಇದೇ ರೀತಿಯ ಕಂಪ್ಯೂಟರ್ ಸಂಕೇತವನ್ನು ನೆನಪಿಸುತ್ತದೆ. ಮೆಟ್ರಿಕ್ಸ್‌ ನ ಸರಣಿಯ ಮೇಲೆ ಈ ಪ್ರಭಾವವನ್ನು ಒಪ್ಪಿಕೊಂಡು ವಂದನೆ ತಿಳಿಸಲಾಗಿದೆ (ಕೆಳಗೆ ನೋಡಿ). ಹಸಿರು ಬಣ್ಣವನ್ನು ಕಂಪ್ಯೂಟರ್‌ಗಳಿಗೆ ಸಂಬಂಧಿಸುವುದು ಹಳೆಯ ಮೋನೋಕ್ರೋಮ್ ಕಂಪ್ಯೂಟರ್ ಮಾನಿಟರ್ ಗಳಲ್ಲಿ ಸಾಮಾನ್ಯವಾಗಿ ಉಪಯೋಗಿಸುವ ಹಸಿರು ಛಾಯೆಯನ್ನು ನೆನಪಿಸಲು ಪ್ರಯತ್ನಿಸಲಾಗಿದೆ.


ದೃಶ್ಯ ಪರಿಣಾಮಗಳು[ಬದಲಾಯಿಸಿ]

ಈ ಚಲನಚಿತ್ರವು ’ಬುಲೆಟ್ ಟೈಮ್’ ಎ೦ಬ ದೃಶ್ಯ ಪರಿಣಾಮವನ್ನು ಜನಪ್ರಿಯಗೊಳಿಸಿದ ಕಾರಣಕ್ಕಾಗಿ ಹೆಸರಾಗಿದೆ. ಇದು ವೀಕ್ಷಕನಿಗೆ ಕ್ಯಾಮರಾದಲ್ಲಿ ಕಕ್ಷೆಯಲ್ಲಿರುವ ಸಾಮಾನ್ಯ ವೇಗದ ದೃಶ್ಯಗಳನ್ನು ನಿಧಾನಗತಿಯಲ್ಲಿ ನೋಡುವುದಕ್ಕೆ ಅನುವು ಮಾಡಿಕೊಡುತ್ತದೆ.


ಈ ಪರಿಣಾಮಗಳನ್ನು ನೀಡಲು ಟೈಮ್-ಸ್ಲೈಸ್ ಎ೦ಬ ಹಳೆಯ ಕಲಾ ಛಾಯಾಚಿತ್ರಗ್ರಹಣ ತ೦ತ್ರಜ್ಞಾನದ ವಿಸ್ತ್ರತ ಆವೃತ್ತಿಯನ್ನು ಬಳಸಿಕೊ೦ಡಿದ್ದು, ಇದರಲ್ಲಿ ಅನೇಕ ಕ್ಯಾಮರಾಗಳನ್ನು ಒ೦ದು ವಸ್ತುವಿನ ಸುತ್ತ ಏಕಕಾಲಕ್ಕೆ ಕೇ೦ದ್ರೀಕರಿಸಿ ಚಿತ್ರಿಸಲಾಗುತ್ತದೆ. ಪ್ರತಿ ಕ್ಯಾಮರಾವು ಚಲನ ಚಿತ್ರಣದ್ದಾಗಿರದೇ ಸ್ಥಿರ ಚಿತ್ರಣ ಕ್ಯಾಮರಗಳಾಗಿದ್ದು,ಇದು ಅನುಕ್ರಮ ದೃಶ್ಯಗಳಲ್ಲಿನ ಒ೦ದೇ ಭಾಗವನ್ನು ಚಿತ್ರಿಸುತ್ತದೆ. ಈ ದೃಶ್ಯಗಳನ್ನು ಚಲನಚಿತ್ರದಲ್ಲಿ ತೋರಿಸಿದಾಗ ವೀಕ್ಷಕ ಎರಡು ಆಯಾಮದ ದೃಶ್ಯಗಳನ್ನು ಮೂರು ಆಯಾಮದಲ್ಲಿ ನೋಡುತ್ತಾನೆ. ಇ೦ತಹ ’ಟೈಮ್ ಸ್ಲೈಸ್’ಚಿತ್ರಗಳನ್ನು ನೋಡುವುದೆ೦ದರೆ ನಿಜಜೀವನದಲ್ಲಿ ಪ್ರತಿಮೆಯೊ೦ದರ ಸುತ್ತ ನಡೆದಾಡಿ ಅದನ್ನು ಬೇರೆ ಬೇರೆ ಆಯಾಮಗಳಲ್ಲಿ ನೋಡಿದ೦ತೆ. ಸ್ಥಿರ ಚಿತ್ರಣ ಕ್ಯಾಮರಾಗಳ ಸ್ಥಾನವು ನಯವಾದ ತಿರುವುಗಳಿಗೆ ತಕ್ಕ೦ತೆ ಬದಲಾಗಬಹುದಾಗಿದ್ದು,ಪೂರ್ತಿಗೊಳಿಸಿದ ದೃಶ್ಯಗಳಲ್ಲಿ ಕ್ಯಾಮರಾಗಳಿ೦ದ ಮೃದುವಾದ ಚಲನೆಯನ್ನು ನೀಡಲು ಸಹಾಯಕವಾಗಿದೆ. ಹಾಗೂ ದೃಶ್ಯದ ಚಲನೆಯನ್ನು ಅನುಸರಿಸಲು ಪ್ರತೀ ಕ್ಯಾಮರಾದ ಫೈರಿ೦ಗ್ ಸ್ವಲ್ಪ ತಡವಾಗಬಹುದಾಗಿದೆ(ಹಾಗಿದ್ದರೂ ಕೂಡ ಇದು ಕೇವಲ ಕಡಿಮೆ ಸಮಯದ ಚಲನಚಿತ್ರಕ್ಕಾಗಿದೆ)


ಮೆಟ್ರಿಕ್ಸ್‌ ಚಿತ್ರದ ಕೆಲ ದೃಶ್ಯಗಳಲ್ಲಿ ಸ೦ಪೂರ್ಣ ಶೈತ್ಯ ಪಾತ್ರಗಳು ಹಾಗೂ ವಸ್ತುಗಳು ಟೈಮ್-ಸ್ಲೈಸ್ ಪರಿಣಾಮವನ್ನು ಹೊ೦ದಿವೆ. ಚಿತ್ರದ ಪ್ರಕ್ಷಿಪ್ತ ತ೦ತ್ರಜ್ಞಾನವು ಕ್ಯಾಮರಾ ಚಲನೆಯ ವೇಗವನ್ನು ಸ್ಪಷ್ಟವಾಗಿ ಸುಧಾರಣೆಗೊಳಿಸಿದೆ. ’ಬುಲೆಟ್ ಟೈಮ್’ನ್ನು ಸೃಷ್ಟಿಸಲು ಈ ಪರಿಣಾಮವು ಕೆಲವು ಬಾರಿ ವಚಾವ್ಸ್ಕಿ ಸಹೋದರರಿ೦ದ ಹಾಗೂ ದೃಶ್ಯ ಪರಿಣಾಮಗಳ ಮೇಲ್ವಿಚಾರಕ ಜಾನ್ ಗೇಟಾರಿ೦ದ ವಿಸ್ತರಿಸಲ್ಪಟ್ಟಿದ್ದು, ಇದು ಕಾಲದ ಚಲನೆಯನ್ನು ಸ೦ಘಟಿಸುತ್ತದೆ. ಇದರಿ೦ದಾಗಿ ದೃಶ್ಯವು ಸ೦ಪೂರ್ಣವಾಗಿ ಸ್ಥಿರವಾಗಿರದೇ ನಿಧಾನ ಹಾಗೂ ವ್ಯತ್ಯಯಗಳನ್ನು ಒಳಗೊ೦ಡಿರುತ್ತದೆ. ಮ್ಯಾನೆಕ್ಸ್ ವಿಶುಯಲ್ ಎಫೆಕ್ಟ್ ನ ಇ೦ಜಿನೀಯರ್‌ಗಳು ಯಾಂತ್ರಿಕವಾಗಿ ಒಂದು ಕಡೆ ನಿಶ್ಚಲವಾಗಿ ನಿಲ್ಲಿಸಿದ ವೀಕ್ಷಣೆಯನ್ನು ಮೀರಿ, ಹೆಚ್ಚು ಸಂಕೀರ್ಣವಾದ ಕ್ಯಾಮೆರಾ ಚಲನೆ ಮತ್ತು ಆ ಚಲನೆಯು ಸುಲಭವಾಗಿ ಇಚ್ಛೆಗೆ ತಕ್ಕಂತೆ ಅಗತ್ಯ ಬಿಂದುಗಳಿಗೂ ಬಾಗುವಂತೆ ಮಾಡುವ ಮೂಲಕ ಬೇರೆ ಬೇರೆ ಬಿಂದುಗಳಿಂದ ದೃಶ್ಯಗ್ರಹಣ ಮಾಡಲು ಸುಲಭವಾಗುವ ತ್ರೀ-ಡಿ ದೃಶ್ಯಗಳ ಅಳವಡಿಕೆಯ ವಿಧಾನಗಳನ್ನು ಪ್ರಾರ೦ಭಿಸಿದರು. ರೇಖಾತ್ಮಕವಲ್ಲದ ಪ್ರಕ್ಷೇಪಣ, ಡಿಜಿಟಲ್ ಸಮ್ಮಿಶ್ರಗೊಳಿಸುವಿಕೆ ಮತ್ತು ಕಂಪ್ಯೂಟರ್ ಉತ್ಪಾದಿತ "ಪರಿಣಾಮ ಸಿದ್ಧವಾದ" ದೃಶ್ಯಾವಳಿಗಳ ಬಳಕೆಯಿಂದಾಗಿ ಉತ್ತಮಗೊಳಿಸಿದ ದೃಶ್ಯಸ್ರಾವತೆಯೂ ಸಹಾ ಸಾಧ್ಯವಾಗಿದೆ. ಈ ಚಿತ್ರವನ್ನು ಒಂದು FreeBSD ಕ್ಲಸ್ಟರ್ ಫಾರ್ಮ್ ನಲ್ಲಿ ನಿರೂಪಿಸಲಾಗಿದೆ.


ಮೆಟ್ರಿಕ್ಸ್‌ ನಲ್ಲಿ ಬುಲೆಟ್-ಟೈಮ್ ವೇಗದ ದೃಶ್ಯಗಳನ್ನು ಪ್ರಯತ್ನಿಸಿರುವ ಉದ್ದೇಶವೇನೆಂದರೆ "ಸಮಸ್ಯೆಗಳಿಂದ ಮೇಲೇರುವ ಇಚ್ಛಾಶಕ್ತಿಯ" ಘಟನೆಗಳನ್ನು ಕ್ರಿಯಾಶೀಲವಾಗಿ ತೋರಿಸುವುದಾಗಿದೆ, ಮತ್ತು ಇದನ್ನು ವರ್ಚುವಲ್ ಕ್ಯಾಮರಾದಿ೦ದ ಸೆರೆಹಿಡಿಯಲಾಗಿದೆ. ಆದರೂ, ಮೂಲ ತಾಂತ್ರಿಕ ಪ್ರಯೋಗವು ಭೌತಿಕವಾಗಿ ಪೂರ್ವ-ನಿರ್ಧಾರಿತ ದೃಷ್ಠಿಗೆ ತಕ್ಕಂತೆ ಇರಬೇಕಾಯಿತು, ಮತ್ತು ಅಂತಿಮವಾಗಿ ಕಾಣುವ ಪರಿಣಾಮವು ಒಂದು ನಿಜವಾದ ವರ್ಚುವಲ್ ಕ್ಯಾಮೆರಾದ ಸಾಧ್ಯತೆಗಳನ್ನು ತೋರಿಸಿತು.


ದಿ ಮೆಟ್ರಿಕ್ಸ್‌‌ ನಲ್ಲಿ ಉಪಯೋಗಿಸಿದ ಬುಲೆಟ್ ಟೈಮ್ ಶಾಟ್‌ಗಳು ಫೋಟೋಗ್ರಮೆಟ್ರಿಕ್ ಮತ್ತು ಇಮೇಜ್-ಆಧಾರಿತ ಕಂಪ್ಯೂಟರ್-ನಿರ್ಮಿತ ಹಿನ್ನೆಲೆ ಪ್ರಯೋಗಗಳು ಇದರ ಮುಂದಿನ ಚಿತ್ರಗಳಾದ ದ ಮೆಟ್ರಿಕ್ಸ್ ರೀಲೋಡೆಡ್ ಮತ್ತು ದ ಮೆಟ್ರಿಕ್ಸ್ ರೆವೊಲ್ಯೂಶನ್ಸ್‌ ಗಳಲ್ಲಿ ಇನ್ನೂ ನವೀನ ಪ್ರಯೋಗಗಳನ್ನು ಮಾಡಲು ವೇದಿಕೆಯಾದವು. ವರ್ಚುವಲ್ ಛಾಯಾಗ್ರಹಣ (CGI-ನಿರೂಪಿತ ಪಾತ್ರಗಳು, ಪ್ರದೇಶಗಳು ಮತ್ತು ಘಟನೆಗಳು) ಮತ್ತು ಹೈ-ಡೆಫಿನೇಶನ್ "ಯುನಿವರ್ಸಲ್ ಕ್ಯಾಪ್ಚರ್" ಪ್ರಕ್ರಿಯೆಯು ಸ್ಥಿರ ಕ್ಯಾಮೆರಾದ ಓರಣಗಳ ಬಳಕೆಯನ್ನು ಸಂಪೂರ್ಣವಾಗಿ ಬದಲಿಸಿ ವರ್ಚುವಲ್ ಕ್ಯಾಮೆರಾ ಬಳಕೆಯನ್ನೇ ಸ್ಥಿರಗೊಳಿಸಿತು.


ಸಂಗೀತ[ಬದಲಾಯಿಸಿ]

ಚಲನಚಿತ್ರದ ಸಂಗೀತ ಸಂಯೋಜನೆಯನ್ನು ಡಾನ್ ಡೇವಿಸ್‌ ಮಾಡಿದ್ದಾರೆ. ಅವರು ಚಿತ್ರದಲ್ಲಿ ಕನ್ನಡಿಗಳು ಪದೇ ಪದೇ ಬರುವುದನ್ನು ಗಮನಿಸಿದರು: ನೀಲಿ ಮತ್ತು ಕೆ೦ಪು ಮಾತ್ರೆಗಳ ಪ್ರತಿಬಿ೦ಬವು ಮಾರ್ಫಿಯಸ್‌ನ ಕನ್ನಡಕದಲ್ಲಿ ಕಾಣುವುದು, ಏಜೆ೦ಟ್‌ಗಳು ನಿಯೋನನ್ನು ಸೆರೆಹಿಡಿಯುವುದು ಟ್ರಿನಿಟಿಯ ಮೋಟರ್‌ಸೈಕಲ್‌ನಲ್ಲಿಯ ಹಿ೦ಭಾಗದ ಕನ್ನಡಿಯ ಮೂಲಕ ಕಾಣುವುದು, ಒಡೆದ ಕನ್ನಡಿಯೊ೦ದು ತನ್ನಷ್ಟಕ್ಕೇ ಸರಿಯಾಗುವುದನ್ನು ನಿಯೋ ನೋಡುವುದು, ಚಮಚವೊ೦ದು ಬಾಗಿದಾಗ ಅದರ ಪ್ರತಿಬಿ೦ಬ, ಹೆಲಿಕ್ಯಾಪ್ಟರ್ ನ ಪ್ರತಿಬಿ೦ಬವು ಗಗನಚುಂಬಿ ಕಟ್ಟಡವೊ೦ದರಲ್ಲಿ ಕಾಣುವುದು ಮು೦ತಾದವು. (ಚಿತ್ರದಲ್ಲಿ ಅಲೀಸ್ ಅಡ್ವೆ೦ಚರ್ಸ್ ಇನ್ ವ೦ಡರ್‌ಲ್ಯಾ೦ಡ್ ಪುಸ್ತಕದ ಪ್ರಸ್ತಾಪ ಮತ್ತೆ ಮತ್ತೆ ಬರುತ್ತದೆ. (ಇದರ ಉತ್ತರಾರ್ಧದ ಹೆಸರು ಥ್ರ್ಯೂ ದ ಲುಕಿ೦ಗ್ ಗ್ಲಾಸ್ )) ಡೆವಿಸ್ ಚಿತ್ರದ ಸ೦ಗೀತ ಸಂಯೋಜಿಸುವಾಗ ಈ ಪ್ರತಿಬಿ೦ಬಗಳ ವಿಷಯದ ಮೇಲೆ ಕೇ೦ದ್ರೀಕರಿಸಿದ್ದು, ಸಂಗೀತ ನೀಡುವಾಗ ಆರ್ಕೆಸ್ಟ್ರಾದ ವಿಭಾಗಗಳ ನಡುವೆ ಬದಲಿಸುತ್ತಾ ಹೋಗುತ್ತಾರೆ ಮತ್ತು ಸ್ವರಸಂವಾದಿ ಭಾವಗಳನ್ನು ತುಂಬಲು ಪ್ರಯತ್ನಿಸುತ್ತಾರೆ.[೬]


ಡೇವೀಸ್ ಸ೦ಗೀತವೂ ಸೇರಿದ೦ತೆ ದ ಮಾಟ್ರಿಕ್ಸ್ ಚಿತ್ರದ ಧ್ವನಿವಾಹಿನಿಯಲ್ಲಿ ರಾಮ್‌ಸ್ಟೇನ್, ರಾಬ್ ಡಾಗನ್, ರೇಜ್ ಅಗೆನೆಸ್ಟ್ ದಿ ಮಶಿನ್, ಪ್ರೊಫೆಲ್ಲರ್‌ಹೆಡ್ಸ್, ಮಿನಿಸ್ಟ್ರಿ, ಡೆಫೋನ್ಸ್, ದಿ ಪ್ರೊಡಿಜಿ, ಮೀಟ್ ಬೀಟ್ ಮ್ಯಾನಿಫೆಸ್ಟೋ ಮತ್ತು ಮ್ಯಾರ್ಲಿನ್ ಮ್ಯಾನ್ಸನ್ ಮು೦ತಾದವುಗಳಿಂದ ಸಂಗೀತವನ್ನು ಬಳಸಿಕೊಳ್ಳುತ್ತಾರೆ. ಇನ್ನಿತರ ಕಲಾವಿದರಾದ ಡ್ಯೂಕ್ ಎಲಿ೦ಗ್‌ಟನ್, ಜಾ೦ಗೋ ರೇನ್‌ಹಾರ್ಡ್ ಮತ್ತು ಮ್ಯಾಸಿವ್ ಅಟ್ಯಾಕ್ ಮುಂತಾದವರ ಸ೦ಗೀತದ ತುಣುಕುಗಳು ಕೂಡ ಈ ಚಿತ್ರದಲ್ಲಿದ್ದರೂ ಧ್ವನಿವಾಹಿನಿಯಲ್ಲಿ ಇವು ಕಾಣಿಸಿಕೊ೦ಡಿಲ್ಲ.


ಬಿಡುಗಡೆ[ಬದಲಾಯಿಸಿ]

ದಿ ಮೆಟ್ರಿಕ್ಸ್‌ ಚಿತ್ರವು ಮೊದಲು ಬಿಡುಗಡೆಗೊ೦ಡಿದ್ದು ಮಾರ್ಚ್ 31, 1999 ರ೦ದು. ಉತ್ತರ ಅಮೇರಿಕಾದಲ್ಲಿ 171 ಮಿಲಿಯನ್ ಡಾಲರ್ ಹಣ ಗಳಿಸಿದ ಈ ಚಿತ್ರ, 292 ಮಿಲಿಯನ್ ಡಾಲರ್ ವಿದೇಶೀ ಗಲ್ಲಾ ಪೆಟ್ಟಿಗೆಯಲ್ಲಿ ಹಾಗೂ ವಿಶ್ವದಾದ್ಯ೦ತ[೭] 463 ಡಾಲರ್ ಸ೦ಪಾದಿಸಿತು. ಮತ್ತು ನ೦ತರದಲ್ಲಿ ಮೂರು ಮಿಲಿಯನ್‌ಗಿ೦ತ ಹೆಚ್ಚು ಡಿವಿಡಿ ಪ್ರತಿಗಳು ಅಮೇರಿಕಾದಲ್ಲಿಯೇ ಮಾರಾಟವಾದ ಮೊದಲ ಚಿತ್ರವೆನಿಸಿತು.[೮] ಮೇ 22, 2007 ರ೦ದು ದಿ ಅಲ್ಟಿಮೇಟ್ ಮೆಟ್ರಿಕ್ಸ್‌ ಕಲೆಕ್ಶನ್ಎಚ್‌ಡಿ ಡಿವಿಡಿ ಗಳಲ್ಲಿ ಬಿಡುಗಡೆಗೊ೦ಡಿತು, ಹಾಗೂ ಅಕ್ಟೋಬರ್ 14,2008 ರ೦ದು ಬ್ಲ್ಯೂ ರೇ ಬಿಡುಗಡೆಯಾಯಿತು. ಈ ಚಿತ್ರದ ಬಿಡುಗಡೆಯಾಗಿ ಹತ್ತು ವರ್ಷವಾದ ನಂತರ ಮಾರ್ಚ್ 31, 2009ರಂದು 10ನೇ ವಾರ್ಷಿಕೋತ್ಸವದ ಆವೃತ್ತಿಯಾಗಿ ಬ್ಲ್ಯೂ-ರೇಯಲ್ಲಿ ಡಿಜಿಬುಕ್ ಪ್ರಕಾರದಲ್ಲಿ ಬಿಡಿಯಾಗಿ ಬಿಡುಗಡೆ ಮಾಡಲಾಯಿತು.[೯]



ವಿಮರ್ಶಾ ಪುರಸ್ಕಾರ[ಬದಲಾಯಿಸಿ]

ಮೆಟ್ರಿಕ್ಸ್ ಚಲನಚಿತ್ರವು ಅನೇಕ ಚಲನಚಿತ್ರ ಕಲಾ ವಿಮರ್ಶಕರಿಂದ[೧೦] ಶ್ಲಾಘಿಸುವ ವಿಮರ್ಶೆಯನ್ನು ಪಡೆದಿದೆ. ಇದು ಹಾಂಕಾಂಗ್ ಆಕ್ಷನ್ ಸಿನಿಮಾಗಳಿಂದ, ಹೊಸಹೊಸ ದೃಶ್ಯ ಪರಿಣಾಮಗಳು ಮತ್ತು ಸೃಜನಾತ್ಮಕ ದೃಷ್ಟಿಕೋನಗಳನ್ನು ಅತ್ಯಂತ "ಕುಶಲ"ವಾಗಿ ಹೆಣೆದಿರುವ ಕುರಿತು ಒಳ್ಳೆಯ ಅಭಿಪ್ರಾಯ ಬಂದಿದೆ.[೧೧] ರಾಟನ್ ಟೊಮ್ಯಾಟೋಸ್ ವೆಬ್‌ಸೈಟ್ ಪ್ರಕಾರ ಸುಮಾರು 86% ಕಲಾವಿಮರ್ಶಕರು ಈ ಚಿತ್ರದ ಕುರಿತು ಗುಣಾತ್ಮಕ ವಿಮರ್ಶೆಯನ್ನು ಮಾಡಿದ್ದಾರೆ. 122 ವಿಮರ್ಶೆಗಳ[೧೧] ಸರಾಸರಿಯಲ್ಲಿ ಇದಕ್ಕೆ 7.4/10 ಅಂಕ ಬಂದಿದೆ. ಈ ವೆಬ್‌ಸೈಟ್‌ ವರದಿಯ ಪ್ರಕಾರ, ಸುಮಾರು 28 ಜನ ಆಯ್ದ ವಿಮರ್ಶಕರ ಮಾದರಿಯನ್ನು ತೆಗೆದುಕೊಂಡಾಗ ಸುಮಾರು 68% ಧನಾತ್ಮಕ ವಿಮರ್ಶೆ ಬಂದಿದೆ.[೧೨] ಮೆಟಾಕ್ರಿಟಿಕ್ ವೆಬ್‌ಸೈಟ್, ಮುಖ್ಯವಾಹಿನಿಯ 100 ವಿಮರ್ಶಕರ ವಿಮರ್ಶೆಗಳಿಂದ ಸಾಮಾನ್ಯೀಕೃತ ರೇಟಿಂಗ್ ನೀಡಿ, ಡಿವಿಡಿ ಬಿಡುಗಡೆ ಅನುಸಾರ 35 ವಿಮರ್ಶೆಗಳನ್ನು ಗಣಿಸಿ, ಈ ಚಲನಚಿತ್ರವು ಸರಾಸರಿಯಾಗಿ 73ರಷ್ಟು ಅಂಕಗಳನ್ನು ಪಡೆದಿದೆ ಎಂದು ಹೇಳುತ್ತದೆ.[೧೦]


ಪಿಲಿಪ್ಸ್ ಸ್ಟ್ರಿಕ್‌ನು ಸೈಟ್ & ಸೌಂಡ್‌ ನಲ್ಲಿ ಹೀಗೆಂದು ಹೇಳಿದನು,"ವಾಚೋಸ್ಕಿ ಸಹೋದರರು ಸಂದೇಶದ ನಾವೀನ್ಯತೆಯ ಕುರಿತು ಯಾವುದೇ ಹಕ್ಕು ಸಾಧಿಸುವುದಿಲ್ಲವಾದರೆ, ಅವರು ಈ ವಿಧಾನದ ಬೆರಗುಗೊಳಿಸುವ ನಿರ್ಮಾಣಕಾರರಾಗಿದ್ದಾರೆ.[೧೩] ರೋಜರ್ ಈಬರ್ಟ್ ಚಲನಚಿತ್ರದ ದೃಶ್ಯಗಳು ಮತ್ತು ಪ್ರದೇಶಗಳ ಆಯ್ಕೆಯನ್ನು ಹೊಗಳಿದನು, ಆದರೆ ಮೂರನೇ ಹಂತದಲ್ಲಿ ಆ‍ಯ್‌ಕ್ಶನ್ ಮೇಲೆ ಹೆಚ್ಚಿನ ಗಮನವನ್ನು ನೀಡಿರುವುದನ್ನು ಇಷ್ಟಪಡಲಿಲ್ಲ.[೧೪] ಅದೇರೀತಿ,ಟೈಮ್ ಔಟ್ ಪತ್ರಿಕೆಯು ಈ ಚಿತ್ರದಲ್ಲಿನ "ಅತ್ಯಂತ ಬೆರಗಿನ ರಂಜನೀಯತೆಯಲ್ಲಿ" ಎರಡು ರೀತಿಯ ವಾಸ್ತವಗಳನ್ನು ತೋರಿಸುವುದು ಮತ್ತು ಒಂದರಿಂದ ಮತ್ತೊಂದಕ್ಕೆ ಬದಲಾಯಿಸುವುದನ್ನು, ಹ್ಯೂಗೋ ವೀವಿಂಗ್‌ನ "ಸೆಳೆಯುವಂತಹ ವಿಚಿತ್ರ" ನಟನೆ, ಚಲನಚಿತ್ರದ ಛಾಯಾಗ್ರಹಣ ಮತ್ತು ನಿರ್ಮಾಣ ವಿನ್ಯಾಸ ಮುಂತಾದವುಗಳನ್ನು ಹೊಗಳಿದೆ, ಆದರೆ ಕೊನೆಗೆ,"ಭರವಸೆ ತರುವ ಚಿತ್ರದ ಪರಿಸರವನ್ನು ಸರಿಯಾಗಿ ಬಳಸಿಕೊಂಡಿಲ್ಲ, ಚಿತ್ರದ ಆ‍ಯ್‌ಕ್ಶನ್ ಮಾಮೂಲಿನದಾಗಿಬಿಟ್ಟಿದೆ....ಚಿತ್ರ ಮತ್ತೊಂದು ಉನ್ನತ ಪರಿಕಲ್ಪನೆಯ ಅಗ್ಗದ ಪ್ರದರ್ಶನವಾಗಿಬಿಟ್ಟಿದೆ"[೧೫], ಎಂದು ಹೇಳುತ್ತದೆ. ಇತರ ವಿಮರ್ಶಕರು ಈ ಚಿತ್ರದ ತುಲನಾತ್ಮಕ ಹಾಸ್ಯರಾಹಿತ್ಯ ಮತ್ತು ಸ್ವ-ಕೇಂದ್ರೀಕೃತತೆಯ ಕುರಿತು ಟೀಕಿಸಿದ್ದರು.[೧೬][೧೭]


2001ರಲ್ಲಿ ಮೆಟ್ರಿಕ್ಸ್ ಅಮೇರಿಕಾದ ಚಲನಚಿತ್ರ ಸಂಸ್ಥೆಯ 100 ವರ್ಷಗಳ...100 ಥ್ರಿಲ್ ಚಿತ್ರಗಳ ಪಟ್ಟಿಯಲ್ಲಿ 66ನೇ ಸ್ಥಾನದಲ್ಲಿತ್ತು. 2007ರಲ್ಲಿ, ಎಂಟರ್ಟೈನ್‌ಮೆಂಟ್ ವೀಕ್ಲಿ ಪತ್ರಿಕೆಯು, ದ ಮೆಟ್ರಿಕ್ಸ್ 25 ವರ್ಷಗಳಲ್ಲಿ ಬಂದ ಉತ್ತಮ ವಿಜ್ಞಾನ ಕಲ್ಪನೆಯಾಗಿತ್ತು ಎಂದು ಹೇಳಿದೆ.[೧೮] ಈ ಚಲನಚಿತ್ರವು "ಎಲ್ಲಾ ಕಾಲದ 500 ಅತ್ಯಂತ ಶ್ರೇಷ್ಠ ಚಲನಚಿತ್ರಗಳು" ಎಂಬ ಎಂಪೈರ್‌ನ ಪಟ್ಟಿಯಲ್ಲಿ 39 ನೇ ಶ್ರೇಣಿ ಪಡೆದಿದೆ.[೧೯]


ಅನೇಕ ಜನ ವಿಜ್ಞಾನ ಕಲ್ಪನೆ ರಚನಾಕಾರರು ಈ ಚಲನಚಿತ್ರದ ಬಗ್ಗೆ ಅಭಿಪ್ರಾಯ ಹೇಳಿದ್ದಾರೆ. ಬರಹಗಾರ ವಿಲಿಯಂ ಗಿಬ್ಸನ್‌, ಸೈಬರ್ ಪಂಕ್ ಕಲ್ಪನೆಯ ಬರಹಗಾರರಲ್ಲಿ ಪ್ರಮುಖರಾದವರು, ಈ ಚಲನಚಿತ್ರವು "ಬಹಳ ದಿನಗಳ ನಂತರ ಈ ಚಿತ್ರದಿಂದ ನಾನು ನಾನು ಮುಗ್ಧ ಸಂತೋಷವನ್ನು ಅನುಭವಿಸಿದ್ದೇನೆ. ನಿಜವಾಗಿಯೂ, ನಿಯೋ ನನ್ನ ಎಲ್ಲಾ ಕಾಲದ ಇಷ್ಟದ ವಿಜ್ಞಾನ ಕಲ್ಪನೆಯ ವೀರನಾಗಿದ್ದಾನೆ", ಎಂದು ಹೇಳಿದ್ದಾರೆ[೨೦]. ಜೋಸ್ ವೀಡನ್ "ನನ್ನ ಮೊದಲ ನೆಚ್ಚಿನ ಚಿತ್ರ" ಎಂದು ಹೇಳಿದರು. ಇದರ ಕಥೆ, ಸ್ವರೂಪ, ಆಳ ಮತ್ತು ಮುಕ್ತಾಯವನ್ನು ಹೊಗಳಿ, ಇದು "ನಾವು ಯಾವುದೇ ಹಂತದವರೆಗೆ ತೆಗೆದುಕೊಂಡು ಹೋಗಲು ಬಯಸಿದರೂ ಸಫಲವಾಗುತ್ತದೆ" ಎಂದರು[೨೧]. ಚಲನಚಿತ್ರ ನಿರ್ಮಾಪಕ ಡೆರನ್ ಎರೋನೋ ಸ್ಕೈ, "ನಾನು ಮೆಟ್ರಿಕ್ಸ್ ಬಿಟ್ಟು ಹೊರನಡೆದೆ, ಮತ್ತು ಯೋಚಿಸಿದೆ, ಯಾವ ತರಹದ ವಿಜ್ಞಾನ ಕಲ್ಪನೆಯ ಚಲನಚಿತ್ರವನ್ನು ಜನರು ಮಾಡಬಹುದೆಂದು ಯೋಚಿಸಿದೆ". ವಾಚೋಸ್ಕಿ ಸಹೋದರರು 20ನೇ ಶತಮಾನದ ಎಲ್ಲಾ ವಿಜ್ಞಾನಿಗಳ ಸಂಶೋಧನೆಗಳನ್ನು ತೆಗೆದುಕೊಂಡು ಎಲ್ಲವನ್ನೂ ಸೇರಿಸಿ ಪಾಪ್ ಸಂಸ್ಕೃತಿಯ ಸ್ಯಾಂಡ್‌ವಿಚ್ ಮಾಡಿ ಬಡಿಸಿದ್ದಾರೆ, ಮತ್ತು ಭೂಮಿಯ ಜನರೆಲ್ಲ ಅದನ್ನು ಗಬಗಬ ನುಂಗಿದ್ದಾರೆ".[೨೨] ಎಂದು ಹೇಳಿದರು. ನಿರ್ದೇಶಕ ಎಂ. ನೈಟ್ ಶಾಮಲನ್ ವಾಚೋಸ್ಕಿ ಸಹೋದರರ ಚಲನಚಿತ್ರದೆಡೆಗಿರುವ ಮೋಹವನ್ನು ಹೊಗಳಿ ಹೀಗೆಂದರು, "ಮೆಟ್ರಿಕ್ಸ್ ಬಗ್ಗೆ ನೀವು ಏನನ್ನಾದರೂ ಯೋಚಿಸಿರಿ, ಅದೆಲ್ಲವೂ ಅದರಲ್ಲಿ ಇರುವುದಕ್ಕೆ ಕಾರಣ ಈ ಸಹೋದರರ ಚಲನಚಿತ್ರದ ಬಗೆಗಿನ ಭಾವೋತ್ಕಟತೆ! ಅವರು ತಮ್ಮ ಭಾವನೆಯನ್ನು ಒತ್ತಿ ಹೇಳಿರುವುದು ಚಿತ್ರದಲ್ಲಿ ನಿಮಗೆ ಕಾಣುತ್ತದೆ." [೨೩]


ಪ್ರಶಸ್ತಿಗಳು ಮತ್ತು ನಾಮನಿರ್ದೇಶನಗಳು[ಬದಲಾಯಿಸಿ]

ದ ಮೆಟ್ರಿಕ್ಸ್ ಚಿತ್ರವು ಚಿತ್ರ ಸಂಕಲನ, ಧ್ವನಿ ಪರಿಣಾಮ ಸಂಕಲನ, ದೃಶ್ಯ ಪರಿಣಾಮಗಳು ಮತ್ತು ಧ್ವನಿಗಾಗಿ ಆಸ್ಕರ್ ಪ್ರಶಸ್ತಿಗಳನ್ನು ಗಳಿಸಿದೆ.[೨೪][೨೫] 1999ರಲ್ಲಿ ಇದು ಉತ್ತಮ ವೈಜ್ಞಾನಿಕ ಕಾದಂಬರಿ ಚಲನಚಿತ್ರ ಮತ್ತು ಉತ್ತಮ ನಿರ್ದೇಶನ ಕ್ಕೆ ಸ್ಯಾಟರ್ನ್ ಪ್ರಶಸ್ತಿಯನ್ನು ಗಳಿಸಿದೆ.[೨೬] ದ ಮೆಟ್ರಿಕ್ಸ್ ಚಿತ್ರವು ಉತ್ತಮ ಧ್ವನಿ ಮತ್ತು ವಿಶೇಷ ದೃಶ್ಯ ಪರಿಣಾಮಗಳ ಉತ್ತಮ ಸಾಧನೆ ಗಾಗಿ BAFTA ಪ್ರಶಸ್ತಿಯನ್ನೂ ಸಹ ಪಡೆದುಕೊಂಡಿದೆ. ಜೊತೆಗೆ ಚಿತ್ರದ ಛಾಯಾಗ್ರಹಣ, ನಿರ್ಮಾಣ ವಿನ್ಯಾಸ ಮತ್ತು ಸಂಕಲನ ಪ್ರಕಾರಗಳಲ್ಲಿಯೂ ಹೆಸರನ್ನು ಪಡೆದುಕೊಂಡಿದೆ.[೨೭]


ಪ್ರಶಸ್ತಿ ವಿಭಾಗ ಹೆಸರು ಫಲಿತಾಂಶ
72ನೇ ಅಕಾಡೆಮಿ ಪ್ರಶಸ್ತಿಗಳು ಚಿತ್ರ ಸಂಕಲನ ಜಾಚ್ ಸ್ಟೈನ್‌ಬರ್ಗ್‍ ಪ್ರಶಸ್ತಿ ಗಳಿಸಿದ್ದಾರೆ
ಧ್ವನಿ ವಿನ್ಯಾಸ ಜಾನ್ ರೈಟ್ಜ್, ಗ್ರೆಗ್ ರುಡ್ಲೊಫ್, ಡೇವಿಡ್ ಕ್ಯಾಂಪ್ಬೆಲ್, ಡೇವಿಡ್ ಲೀ ಪ್ರಶಸ್ತಿ ಗಳಿಸಿದ್ದಾರೆ
ದೃಶ್ಯ ಪರಿಣಾಮಗಳು ಜಾನ್ ಗಯೆಟಾ ಪ್ರಶಸ್ತಿ ಗಳಿಸಿದ್ದಾರೆ


ಪ್ರಭಾವಗಳು ಮತ್ತು ಅರ್ಥವಿವರಣೆಗಳು[ಬದಲಾಯಿಸಿ]


The Matrix is arguably the ultimate cyberpunk artifact.

William Gibson, 2003-01-28[೨೮]


ದ ಮೆಟ್ರಿಕ್ಸ್ ಈಗಿನ ಚಲನಚಿತ್ರ ಹಾಗೂ ಸಾಹಿತ್ಯ ಸಂಪತ್ತು, ಮತ್ತು ಐತಿಹಾಸಿಕ ಅಂಶ ಹಾಗೂ ವೇದಾಂತ, ಅದ್ವೈತ ಹಿಂದುತ್ವ, ಯೋಗ ವಾಶಿಷ್ಟ ಹಿಂದುತ್ವ , ಯೆಹೂದಿಮತ, ಮೆಸೈನಿಸಂ, ಬೌದ್ಧಧರ್ಮ, ನಾಸ್ತಿಕ ತತ್ವ, ಕ್ರಿಶ್ಚಿಯಾನಿಟಿ, ಅಸ್ತಿತ್ವವಾದ, ನಿರಾಕರಣವಾದ ಮತ್ತು ಅತೀಂದ್ರಿಯ ಟಾರೋಟ್ ಗಳಂತಹ ತತ್ವಶಾಸ್ತ್ರಗಳನ್ನು ಉಲ್ಲೇಖಿಸುತ್ತದೆ.[೨೯][೩೦] ಈ ಚಲನಚಿತ್ರದ ಪರಿಸರವು ಪ್ಲೇಟೋಆಲಿಗರಿ ಆಪ್‌ ದ ಕೇವ್‌, ಅಡ್ವಿನ್ ಅಬಾಟ್‌ ಅಬಾಟ್‌ಫ್ಲಾಟ್‌ಲ್ಯಾಂಡ್, ರೆನೆ ಡೆಕಾರ್ಟೆಈವಿಲ್ ಜೀನಿಯಸ್, ಜಾರ್ಜ ಗುರ್ಜೆಫ್‌‌ದ ಸ್ಲೀಪಿಂಗ್ ಮ್ಯಾನ್ , ಕ್ಯಾಂಟ್‌‌ರ ರಿಫ್ಲೆಕ್ಷನ್‌ ಆನ್‌ ದ ಫೆನಾಮಿನನ್‌ ವರ್ಸಸ್‌ ದ ಡಿಂಗ್ ಅನ್ ಸಿಚ್ ಮತ್ತು ದ ಬ್ರೇನ್‌ ಇನ್‌ ಎ ವ್ಯಾಟ್‌ ಥಾಟ್‌ ಎಕ್ಸ್‌ಪೆರಿಮೆಂಟ್‌ ಮುಂತಾದವುಗಳ ಕುರಿತು ಹೋಲಿಕೆಯನ್ನು ನೀಡಲಾಗಿದೆ. ಜೊತೆಗೆ, ಜೀನ್ ಬೋಡ್ರಿಲಾರ್ಡ್‌ಸಿಮ್ಯೂಲಾಕ್ರ ಮತ್ತು ಸಿಮ್ಯುಲೇಶನ್‌ ಅನ್ನು ಚಿತ್ರದಲ್ಲಿ ಬಳಸಲಾಗಿದೆ.[೩೧] ಇದರಲ್ಲಿ ಫಿಲಿಪ್ ಕೆ. ಡಿಕ್‌[೩೨][೩೩][೩೪][೩೫]ರಂತಹ ಸುಮಾರು ವಿಜ್ಞಾನದ ಕಾದಂಬರಿಕಾರರ ಪುಸ್ತಕಗಳ ಮತ್ತು ಸೈಬರ್ ಫಂಕ್ ಪುಸ್ತಕಗಳ, ಉದಾಹರಣೆಗೆ ವಿಲಿಯಂ ಗಿಬ್ಸನ್‌ನ್ಯೂರೋಮ್ಯಾನಕರ್‌ , ಹೋಲಿಕೆಗಳಿವೆ.[೩೬]


ಆಧುನಿಕತೆಯ ನಂತರದ ವಿಚಾರದ ಕುರಿತಂತೆ, ದಿ ಮೆಟ್ರಿಕ್ಸ್‌ ಆಗಾಗ ಬೋಡ್ರಿಲಾರ್ಡ್‌ರ ತತ್ವಗಳಿಗೆ ಉಲ್ಲೇಖವನ್ನು ನೀಡುತ್ತದೆ. ಇದನ್ನು ವ್ಯಾಪಾರೀಕರಣಕ್ಕೆ ಒಳಗಾದ ಹಾಗೂ ಮಾಧ್ಯಮ-ಪ್ರಚೋದಿತವಾದ, ವಿಶೇಷವಾಗಿ ಅಭಿವೃದ್ಧಿಗೊಂಡ ದೇಶಗಳ, ವರ್ತಮಾನದ ಸಮಾಜದ ಸಮಕಾಲೀನ ಅನುಭವ ನೀಡುವ ರೂಪಕ ಕಥೆಯನ್ನಾಗಿ ಮಾಡಲಾಗಿದೆ. 1980ರ ದಶಕದಿಂದ ಬ್ರ್ಯಾಚಾ ಎಟ್ಟಿಂಜರ್‌ ಅಭಿವ್ಯಕ್ತಿಗೊಳಿಸಿದ ಮೆಟ್ರಿಕ್ಸಿಯಲ್ ತತ್ವಗಳ ಸಿದ್ಧಾಂತದ ಪ್ರಭಾವವನ್ನುಪುಸ್ತಕದ ಸರಣಿಗಳಲ್ಲಿ ಹಾಗೂ ಪ್ರಬಂಧಗಳಲ್ಲಿ ಸಾರ್ವಜನಿಕರ ಗಮನಕ್ಕೆ ತರಲಾಯಿತು. ಈ ಕಾರ್ಯವನ್ನು ಗ್ರಿಸೆಲ್ಡಾ ಪೊಲಾಕ್‌ ಅಂತಹ ಕಲೆಯ ಐತಿಹಾಸಿಕ ಬರಹಗಾರರ ಕೃತಿಗಳಿಂದ[೩೭][೩೮]ಹಾಗೂ ಹೈನ್ಸ್-ಪಿಟರ್ ಚ್ಯೊವರ್ಫೆಲ್ ಅಂತಹ ಚಲನಚಿತ್ರ ಸಿದ್ಧಾಂತಗಾರರ ಮೂಲಕ ಮಾಡಲಾಯಿತು[೩೯].


ಜಪಾನಿ ನಿರ್ದೇಶಕರಾದ ಮಾಮರು ಒಷೈಘೊಸ್ಟ್ ಇನ್ ದ ಶೆಲ್ ಬಲವಾದ ಪ್ರಭಾವ ಬೀರಿತು. ನಿರ್ಮಾಪಕ ಜೊಯಲ್ ಸಿಲ್ವರ್‌ರ ಪ್ರಕಾರ, ವಾಚೌಸ್ಕಿ ಸಹೋದರರು ದಿ ಮೆಟ್ರಿಕ್ಸ್‌ ಮಾಡುವ ಕುರಿತ ತಮ್ಮ ಉದ್ದೇಶಗಳನ್ನು ಹೇಳುವ ಮೊದಲು ಈ ಅನಿಮೇಶನ್ ಚಿತ್ರವನ್ನು ತೊರಿಸಿ, "ನಾವು ಇದನ್ನು ನಿಜ ರೂಪದಲ್ಲಿ ಮಾಡಲು ಬಯಸುತ್ತೇವೆ" ಎಂದು ವಿವರಿಸಿದರು.[೪೦][೪೧] ಘೋಸ್ಟ್ ಇನ್ ದ ಶೆಲ್ ನಿರ್ಮಿಸಿದ ಪ್ರೊಡಕ್ಷನ್ I.Gಯ ಮಿಟ್‌ಸುಹಿಸ ಇಶಿಕಾವಾರ ಹೇಳಿಕೆಯ ಪ್ರಕಾರ, ಆನಿಮ್‌ನ ಉತ್ತಮ-ಗುಣಮಟ್ಟದ ದೃಶ್ಯಗಳು ವಾಚೋಸ್ಕಿ ಬಂಧುಗಳ ಪ್ರೇರಣೆಗೆ ದೃಢವಾದ ಮೂಲವಾಗಿತ್ತು. "...ಸೈಬರ್‌ಪಂಕ್ ಚಿತ್ರಗಳನ್ನು ಮೂರನೆಯ ವ್ಯಕ್ತಿಗೆ ವಿವರಿಸಲು ಬಹಳ ಕಷ್ಟ. ನನಗೆ ಅನಿಸುತ್ತೆ ದ ಮೆಟ್ರಿಕ್ಸ್ ಅಂತಹ ಚಿತ್ರಗಳಿಗೆ ಪ್ರಸ್ತಾಪವನ್ನು ಬರೆದು ಫಿಲ್ಮ್ ಸ್ಟೂಡಿಯೋಗಳಿಗೆ ಒಯ್ದು ತೋರಿಸುವುದು ಬಹಳ ಕಷ್ಟ." ಎಂದು ಕೂಡ ಅವರು ಹೇಳಿದರು. ಘೊಸ್ಟ್ ಇನ್ ದ ಶೆಲ್ ಅಮೇರಿಕಾದಲ್ಲಿ ಮಾನ್ಯತೆ ಪಡೆದ ಕಾರಣ, ವಾಚೋಸ್ಕಿ ಬಂಧುಗಳು ಅದನ್ನು "ಪ್ರಚಾರ ಸಾಧನವಾಗಿ" ಬಳಸಿದರು ಎಂದು ಅವರು ಹೇಳಿದರು.[೪೨]


ವಿಮರ್ಶಕರು ದ ಮೆಟ್ರಿಕ್ಸ್ ಜೊತೆ ಇತರ 1990ಗಳ ಚಿತ್ರಗಳಾದ ಸ್ಟ್ರೇಂಜ್ ಡೇಸ್ , ಡಾರ್ಕ್ ಸಿಟಿ ಹಾಗೂ ದ ಟ್ರುಮೆನ್ ಶೋ ಗಳಲ್ಲಿನ ಸಮಾನ ಅಂಶಗಳ ಬಗ್ಗೆ ಟಿಪ್ಪಣಿಸಿದ್ದಾರೆ.[೧೪][೪೩][೪೪] ಗ್ರಾಂಟ್ ಮೊರಿಸ್ಸನ್‌ರ ಹಾಸ್ಯದ ಸರಣಿ ದ ಇನ್‌ವಿಸಿಬಲ್ಸ್‌ ಗೆ ಕೂಡ ಇದರ ಹೋಲಿಕೆಗಳನ್ನು ಮಾಡಲಾಗಿದೆ; ವಾಚೋಸ್ಕಿ ಬಂಧುಗಳು ಈ ಚಿತ್ರ ಸೃಷ್ಟಿಸಲು ಅವನ ಕೃತಿಚೌರ್ಯ ಮಾಡಿದ್ದಾರೆಂದು ಮೊರಿಸ್ಸನ್‌ನ ನಂಬಿಕೆ.[೪೫] ಇದಲ್ಲದೆ, ಬಹುಕಾಲ ನಡೆದ ಸರಣಿಗಳ ಸಾಧನ ಡಾಕ್ಟರ್ ಹು ಎಂಬ ಚಿತ್ರದ ಪ್ರಧಾನ ಪರಿಕಲ್ಪನೆಯಲ್ಲಿಯೂ ಸಮಾನತೆ ಕಂಡು ಬಂದಿರುವುದು ಗಮನಿಸಲಾಗಿದೆ. ಈ ಚಲನಚಿತ್ರದಲ್ಲಿರುವ ಹಾಗೆ, ಸರಣಿ ಮೆಟ್ರಿಕ್ಸ್ (1976 ರಲ್ಲಿ ಪ್ರಾರಂಭಿಸಿದ ಧಾರಾವಾಹಿ ದ ಡೆಡ್ಲಿ ಅಸ್ಯಾಸಿನ್ ) ಒಂದು ಬೃಹತ್ ಕಂಪ್ಯೂಟರ್ ಸಿಸ್ಟಂ ಆಗಿದ್ದು, ಒಬ್ಬ ವ್ಯಕ್ತಿ ತಲೆಗೆ ಸಾಧನವೊಂದನ್ನು ಕಟ್ಟಿಕೊಂಡು ಯಂತ್ರದ ಒಳಗೆ ಹೊಕ್ಕು ಅದನ್ನು ವೀಕ್ಷಕರಿಗೆ ವಾಸ್ತವಿಕ ಜಗತ್ತನ್ನು ತೋರಿಸಲು ಅವಕಾಶಮಾಡಬಹುದು ಮತ್ತು ಅದರ ಭೌತಶಾಸ್ತ್ರದ ನಿಯಮಗಳನ್ನು ರೂಪಾಂತರಮಾಡಬಹುದು. ಆದರೆ ಒಳಹೊಕ್ಕ ವ್ಯಕ್ತಿ ಅಲ್ಲಿ ಸತ್ತರೆ ವಾಸ್ತವಿಕವಾಗಿ ಆತ ಸಾಯುತ್ತಾನೆ.


ಚಲನಚಿತ್ರದ ನಿರ್ಮಾಣದ ಮೇಲಿನ ಪ್ರಭಾವ[ಬದಲಾಯಿಸಿ]

ಮೆಟ್ರಿಕ್ಸ್‌ ಚಿತ್ರವು ಹಾಲಿವುಡ್‌ನ ಸಾಹಸ ಪ್ರಧಾನ ಚಲನಚಿತ್ರ ನಿರ್ಮಾಣಗಳ ಮೇಲೆ ದೊಡ್ಡ ಪ್ರಭಾವವನ್ನೇ ಬೀರಿದೆ. ನಿರ್ಮಾಣ ಹಾಗೂ ಯುದ್ಧ ಕಲೆಯ ಚಿತ್ರಗಳಿಗೆ ಹೆಸರಾದ ಹಾ೦ಗ್ ಕಾ೦ಗ್‌ನ ಸಾಹಸ ಪ್ರಧಾನ ಚಿತ್ರಗಳಕೊರಿಯೋಗ್ರಾಫರ್‌ಗಳನ್ನು(ಯೆ ವೂ-ಪಿ೦ಗ್ ಮು೦ತಾದವರು)ಬಳಸಿಕೊ೦ಡು ಶ್ಲಾಘನೆಗೆ ಒಳಗಾದ ಈ ಚಿತ್ರವು, ಸಿನಿಮೀಯ ಸಾಹಸ ದೃಶ್ಯಗಳಿಗೆ ಒ೦ದು ಹೊಸ ಮಾನದಂಡವನ್ನೇ ನೀಡಿತು. ದಿ ಮೆಟ್ರಿಕ್ಸ್‌ ಚಲನಚಿತ್ರದ ಯಶಸ್ಸು ಚಿತ್ರದ ಕೋರಿಯೋಗ್ರಾಫರ್‌ಗಳು ಮತ್ತು ಅವರ ಕೌಶಲ್ಯಗಳಿಗೆ ಭಾರಿ ಬೇಡಿಕೆಯನ್ನು ನೀಡಿತಲ್ಲದೇ, ಅದೇ ರೀತಿಯ ಸಾಹಸ ದೃಶ್ಯಗಳನ್ನು ಇತರ ಚಿತ್ರನಿರ್ಮಾಪಕರುಗಳು ಅಪೇಕ್ಷಿಸುವ೦ತೆ ಮಾಡಿತು. ಉದಾಹರಣೆಗೆ, ಎಕ್ಸ್‌-ಮೆನ್‌ ರಲ್ಲಿ ವೈರ್ ವರ್ಕ್ ಅಳವಡಿಸಲಾಗಿತ್ತು (2000)[೪೬] ಮತ್ತು ಯುನ್ ವೂ-ಪಿಂಗ್‌ನ ಸಹೋದರ ಯುನ್ ಚೆವುಂಗ್-ಯನ್ ಡೇರ್‌ಡೆವಿಲ್‌ ಚಿತ್ರದ ಕೋರಿಯೋಗ್ರಾಫರ್ ಆಗಿದ್ದರು (2003).


ದಿ ಮೆಟ್ರಿಕ್ಸ್‌ ಚಿತ್ರವನ್ನು ಅನುಸರಿಸಿ ನಿಧಾನ ಚಲನೆ, ಸ್ಪಿನ್ನಿ೦ಗ್ ಕ್ಯಾಮರಾಗಳು ಮತ್ತು ’ಬುಲೆಟ್ ಟೈಮ್’ ಪರಿಣಾಮಗಳು ಮು೦ತಾದವುಗಳನ್ನು ಸಾಕಷ್ಟು ಪ್ರಮಾಣದಲ್ಲಿ ಬಳಸಿ ಚಿತ್ರಗಳು ಬ೦ದವು. ಬುಲೆಟ್‌ಗಳ ಚಲನೆಯ ವ್ಯತ್ಯಯದ ಕಾಲವನ್ನು ಕಡಿಮೆಗೊಳಿಸುವ ಸಾಮರ್ಥ್ಯವು ಅನೇಕ ವೀಡಿಯೋ ಗೇಮ್‌ಗಳಲ್ಲಿ ಕೇ೦ದ್ರ ಗೇಮ್‌ಪ್ಲೇ ಮೆಕಾನಿಕ್‌ಗಳಾಗಿ ಬಳಸಲ್ಪಟ್ಟಿತು.ಮ್ಯಾಕ್ಸ್ ಪೇನಿ ಯು ಇದರಲ್ಲೊ೦ದಾಗಿದ್ದು,ಬುಲೆಟ್ ಟೈಮ್‌ ಇದರಲ್ಲಿ ಸ್ಪಷ್ಟವಾಗಿ ಚಿತ್ರಿತಗೊ೦ಡಿದೆ, ಮೆಟ್ರಿಕ್ಸ್ ನ ಸಿಗ್ನೇಚರ್ ಸ್ಪೆಶಲ್ ಎಫೆಕ್ಟ್ ಕೂಡ ಅನೇಕ ಬಾರಿ ವಿಡ೦ಬನಾ ಹಾಸ್ಯ ಚಿತ್ರವಾಗಿ ಹೊರಬ೦ದಿದೆ. [[ಸ್ಕೇರಿ ಮೂವಿ,/2}ಮೈ ಹೂ ನಾ,ಶ್ರೆಕ್, ದೂರದರ್ಶನ ಸರಣಿಗಳಾದ ಸಿಮ್ಫೋನ್ಸ್ ಮತ್ತು ಫ್ಯಾಮಿಲಿ ಗಾಯ್OVA ಸರಣಿಗಳಾದ FLCLಮತ್ತು ವೀಡಿಯೋ ಗೇಮ್‌ ಕಾ೦ಕರ್ಸ್ ಬ್ಯಾಡ್ ಫರ್ ಡೇ|ಸ್ಕೇರಿ ಮೂವಿ,/2}ಮೈ ಹೂ ನಾ,ಶ್ರೆಕ್, ದೂರದರ್ಶನ ಸರಣಿಗಳಾದ ಸಿಮ್ಫೋನ್ಸ್ ಮತ್ತು ಫ್ಯಾಮಿಲಿ ಗಾಯ್ OVA ಸರಣಿಗಳಾದ FLCL ಮತ್ತು ವೀಡಿಯೋ ಗೇಮ್‌ ಕಾ೦ಕರ್ಸ್ ಬ್ಯಾಡ್ ಫರ್ ಡೇ ]] ಮು೦ತಾದವು.


ವಿಶೇಷ ಹಕ್ಕು[ಬದಲಾಯಿಸಿ]


ಈ ಚಲನಚಿತ್ರದ ಸಾಧನೆಯು ಮೆಟ್ರಿಕ್ಸ್ ನ ಇನ್ನೂ ಎರೆಡು ಚಿತ್ರಗಳನ್ನು ಮಾಡಲು ಪ್ರೇರೇಪಿಸಿತು: ದಿ ಮೆಟ್ರಿಕ್ಸ್‌ ರೀಲೋಡೆಡ್ ಮತ್ತು ಮ್ಯಾಟ್ರಿಕ್ಸ್ ರೆವೊಲ್ಯೂಶನ್ಸ್ ಈ ಎರಡು ಚಿತ್ರಗಳನ್ನೂ ಒಟ್ಟೊಟ್ಟಿಗೇ ಚಿತ್ರೀಕರಣ ಮಾಡಲಾಯಿತು ಮತ್ತು 2003 ರಲ್ಲಿ ಬೇರೆ ಭಾಗಗಳಾಗಿ ಬಿಡುಗಡೆಗೊಳಿಸಲಾಯಿತು. ಮೊದಲ ಚಲನಚಿತ್ರದ ಪ್ರಾರಂಭಿಕ ಕತೆಯ ಮುಂದುವರಿಕೆಯಾಗಿ, ಜಿಯಾನ್‌ನಲ್ಲಿರುವ ಮುಕ್ತ ಮಾನವರ ಮೇಲೆ ದೊಡ್ಡ ಯಂತ್ರಗಳ ಸೈನ್ಯವು ದಾಳಿಯ ಪ್ರಾರಂಭವನ್ನು ಹೇಳುತ್ತದೆ. ಮೆಟ್ರಿಕ್ಸ್‌ನ ಇತಿಹಾಸದ ಕುರಿತು ನಿಯೋ ತಿಳಿದುಕೊಳ್ಳುತ್ತಾನೆ, ಮತ್ತು "ರಕ್ಷಕ" ನಾಗಿ ಅವನ ಪಾತ್ರ ಮತ್ತು ಅವನು ಯುದ್ಧವನ್ನು ನಿಲ್ಲಿಸುತ್ತಾನೆಂಬ ಭವಿಷ್ಯವಾಣಿಯ ಕುರಿತು ಸಹಾ ತಿಳಿದುಕೊಳ್ಳುತ್ತಾನೆ. ಈ ಸರಣಿಯು ದೊಡ್ಡದಾದ ಮತ್ತು ಹೆಚ್ಚು ಮಹತ್ವಾಕಾಂಕ್ಷೆಯ ಕ್ರಿಯಾಶೀಲ ದೃಶ್ಯಗಳನ್ನು ಹೊಂದಿದೆ ಮತ್ತು ಬುಲೆಟ್ ಟೈಮ್ ಮತ್ತು ಇತರ ಪರಿಣಾಮಗಳಲ್ಲಿನ ಸುಧಾರಣೆಯನ್ನು ತೋರಿಸುತ್ತದೆ.


ಎನಿಮಾಟ್ರಿಕ್ಸ್ ಎಂಬ ಎನಿಮೇಟೆಡ್ ಚಿತ್ರ ಬಿಡುಗಡೆಯಾಯಿತು. ಇದು 9 ಚಿಕ್ಕ ಚಿತ್ರಗಳ ಸಂಗ್ರಹವಾಗಿದ್ದು, ಅದನ್ನು ಜಪಾನೀಯರ ಎನಿಮೇಶನ್ ಪ್ರಕಾರದಲ್ಲಿ ಮಾಡಲಾಗಿದ್ದು, ಇದು ಮೊದಲ ಮೂರು ಚಿತ್ರಗಳ ಹೆಚ್ಚಿನ ಪ್ರಭಾವವನ್ನು ಹೊಂದಿದೆ. ವಾಚೋಸ್ಕಿ ಸಹೋದರರು ಎನಿಮೆಟ್ರಿಕ್ಸ್‌ ಗಾಗಿ ಕೇವಲ 4 ಭಾಗಗಳನ್ನು ಬರೆದರು, ಮತ್ತು ಅವರು ಅದನ್ನು ನಿರ್ದೇಶನ ಮಾಡಲಿಲ್ಲ. ಇದನ್ನು ಎನಿಮೇಶನ್ ಜಗತ್ತಿನ ಅತ್ಯಂತ ಪ್ರಸಿದ್ಧರಾದವರು ಸ್ವತಃ ತಯಾರಿಸಿದರು. ಈ ಚಲನಚಿತ್ರದ 4 ಭಾಗಗಳ ಸರಣಿಗಳು ಮೂಲತಃ ಈ ಚಿತ್ರದ ಅಧಿಕೃತ ವೆಬ್‌ಸೈಟ್ ನಲ್ಲಿ ಬಿಡುಗಡೆಯಾದವು. ಒಂದನ್ನು ವಾರ್ನರ್ ಬ್ರದರ್ಸ್ ಚಲನಚಿತ್ರ ಡ್ರೀಮ್‌ಕ್ಯಾಚರ್ ಜೊತೆಗೆ ಪ್ರದರ್ಶಿಸಲಾಯಿತು, ಉಳಿದ 9 ಚಿಕ್ಕ ಚಿತ್ರಗಳು ಡಿವಿಡಿಯಲ್ಲಿ ಬಿಡುಗಡೆಗೊಂಡವು. ಇದರ ಅನೇಕ ಚಲನಚಿತ್ರ ಭಾಗಗಳು ಡಿವಿಡಿ ಬಿಡುಗಡೆಯಾಗುವ ಮೊದಲೇ ಮೇಲೆ ಯು.ಕೆ.ಯ ಟೆಲಿವಿಶನ್‌ನಲ್ಲಿ ಪ್ರದರ್ಶಿಸಲ್ಪಟ್ಟವು.


ವಿಶೇಷ ಹಕ್ಕಿನಲ್ಲಿ 3 ವೀಡಿಯೋ ಗೇಮ್‌ಗಳು ಸಹಾ ಸೇರಿವೆ: ದ ಮೆಟ್ರಿಕ್ಸ್ ರೀಲೋಡೆಡ್ (2003) ಇದು ಈ ಆಟಕ್ಕಾಗಿಯೇ ಮಾಡಲ್ಪಟ್ಟ ವಿಶೇಷ ಭಾಗವನ್ನು ಹೊಂದಿದ್ದು, ಮೆಟ್ರಿಕ್ಸ್‌ ರೀಲೋಡೆಡ್ ಗಿಂತ ಮೊದಲಿನ ಮತ್ತು ನಂತರದ ಘಟನೆಗಳನ್ನು ಹೊಂದಿದೆ. ದ ಮೆಟ್ರಿಕ್ಸ್ ಆನ್‌ಲೈನ್ (2003) ಒಂದು ಎಂಎಂಒಆರ್‌ಪಿಜಿ ಆಗಿದ್ದು, ಮೆಟ್ರಿಕ್ಸ್ ರೆವೊಲ್ಯೂಶನ್ಸ್ ನಂತರದ ಕಥೆಯನ್ನೂ ಹೊಂದಿತ್ತು,The Matrix: Path of Neo ಮತ್ತು ಇದು The Matrix: Path of Neo ನವೆಂಬರ್ 8, 2005ರಲ್ಲಿThe Matrix: Path of Neo ಬಿಡುಗಡೆಯಾಯಿತು. ಇದು ಈ ತ್ರಿವಳಿ ಚಲನಚಿತ್ರಗಳಲ್ಲಿ ಬರುವ ನಿಯೋನ ಪ್ರವಾಸದ ಬಗ್ಗೆ ಕೇಂದ್ರೀಕರಿಸುತ್ತದೆ.


ದ ಮೆಟ್ರಿಕ್ಸ್ ಜಗತ್ತಿನ ಕುರಿತಂತೆ ತಯಾರಾದ ಅನೇಕ ಉಚಿತ ಕಾಮಿಕ್ಸ್‌ಗಳು ಈ ಚಲನಚಿತ್ರದ ಅಧಿಕೃತ ವೆಬ್‌ಸೈಟ್‌ನಲ್ಲಿ ಲಭ್ಯವಿವೆ. ಇವುಗಳನ್ನು ಕಾಮಿಕ್ಸ್ ಉದ್ಯಮದ ಜನಪ್ರಿಯರು ಕತೆ ಮತ್ತು ಚಿತ್ರಗಳನ್ನು ಬರೆದು ರೂಪಿಸಿದ್ದಾರೆ.[೪೭] ಇದರಲ್ಲಿನ ಕೆಲವು ಕಾಮಿಕ್ಸ್‌ಗಳು ಎರಡು ಮುದ್ರಿತ ಸಂಪುಟಗಳಲ್ಲಿ ದ ಮೆಟ್ರಿಕ್ಸ್ ಕಾಮಿಕ್ಸ್ ಎಂಬ ಹೆಸರಿನಲ್ಲಿ ಲಭ್ಯವಿವೆ.


ಇದನ್ನೂ ನೋಡಿರಿ[ಬದಲಾಯಿಸಿ]


ಉಲ್ಲೇಖಗಳು ಮತ್ತು ಪರಾಮರ್ಶೆಗಳು[ಬದಲಾಯಿಸಿ]

  1. Ebert, Roger (November 6, 2005). "Great Movies: Dark City". Retrieved December 18, 2006. 
  2. ೨.೦ ೨.೧ Lawrence, Will (February 2007). "The Empire Interview: In conversation with Will Smith". Empire (EMAP) (212): 109. "Honestly, I didn't think they could do it, it was too ambitious. I saw Bound and I loved it. The Matrix is exactly what they pitched, but they were designing those cameras to get those freeze-frames, and I was like, "If that doesn't work, the movie looks ridiculous." I didn't feel comfortable with the level of importance placed on that effect working properly. … That's probably the only one that I turned down that I shouldn't have, but when you see somebody do it like Keanu you think, "Thank God." I don't think I was mature enough as an actor at that point to get out of the way and just let it be and allow the directors to make the movie. I would have been trying to make jokes. Now I would have loved to take a shot and see what I would have done with it and I know now I could absolutely have been mature enough to get out the way. But back then I don't think I was." 
  3. Hillner, Jennifer. "I, Robocop". Wired. Condé Nast Publications. 
  4. ರಿಗ್ಸ್, ರಾನ್‌ಸಮ್. "ಸಿನಿಮಾದಲ್ಲಿನ ನಟರಿಂದ 5ಮಿಲಿಯನ್-ಡಾಲರ್ ತಪ್ಪುಗಳು." ಸಿಎನ್‌ಎನ್‌ . 2008ರ ಅಕ್ಟೋಬರ್ 20ರಂದು ಪ್ರವೇಶವಾಯಿತು.
  5. ವಸ್ತ್ರವಿನ್ಯಾಸಗಾರ ಕೈಮ್ ಬ್ಯಾರಿಟ್, ಪ್ರೊಡಕ್ಷನ್‌ನ ವಿನ್ಯಾಸಗಾರ ಓವನ್ ಪ್ಯಟ್ರಸನ್ ಮತ್ತು ಛಾಯಾಗ್ರಾಹಕ ಬಿಲ್ ಪೊಪ್‌ರವರನ್ನು ದಿ ಮೆಟ್ರಿಕ್ಸ್ ರೀವಿಸ್ಟೆಡ್‌ ನ ಸಂದರ್ಭದಲ್ಲಿ ಸಂದರ್ಶಿಸಲಾಗಿತ್ತು (ಅಧ್ಯಾಯ7).
  6. ಡಾನ್ ಡೆವಿಸ್‌ರನ್ನು ದಿ ಮೆಟ್ರಿಕ್ಸ್‌ ರೀವಿಸ್ಟೆಡ್‌ ನಲ್ಲಿ ಸಂದರ್ಶಿಸಲಾಗಿತ್ತು (ಅಧ್ಯಾಯ 28). ಅವನ ಟೀಕೆಗಳ ಲಿಪ್ಯಂತರಗಳು ಅಂತರ್ಜಾಲತಾಣದಲ್ಲಿ ಲಭ್ಯವಿವೆ: [೧]
  7. ಬಾಕ್ಸ್ ಆಫೀಸ್ ಮೊಜೊ:ದಿ ಮೆಟ್ರಿಕ್ಸ್‌. ಯುಆರ್‌ಎಲ್‌ ಮರುಸೃಷ್ಠಿಸಿದ್ದು,ಜೂನ್ 24 2009.
  8. "ಪ್ರೆಸ್ ರಿಲೀಸ್-ಆಗಸ್ಟ್1,2000 -ದಿ ಮೆಟ್ರಿಕ್ಸ್‌ ಡಿವಿಡಿ: ದ ಫರ್ಸ್ಟ್ ಟು ಸೆಲ್ 3 ಮಿಲಿಯನ್". ಯುಆರ್‌ಎಲ್‌ ಮರುಸೃಷ್ಠಿಸಿದ್ದು 2006 ಜುಲೈ 26.
  9. http://www.dvdactive.com/news/releases/the-matrix.html
  10. ೧೦.೦ ೧೦.೧ "The Matrix (1999): Reviews". Metacritic. CNET Networks, Inc. Retrieved 2008-07-11. 
  11. ೧೧.೦ ೧೧.೧ "The Matrix Movie Reviews". Rotten Tomatoes. IGN Entertainment, Inc. Retrieved 2008-07-11. 
  12. "The Matrix Movie Reviews, Top Critics". Rotten Tomatoes. IGN Entertainment, Inc. Retrieved 2008-07-11. 
  13. "Sight & Sound review of The Matrix". Retrieved 2007-02-03. 
  14. ೧೪.೦ ೧೪.೧ ರೊಜರ್ ಇಬ್ರೆಟ್’ಸ್‌‌ ರಿವ್ಯೂ ಆಫ್ ದಿ ಮೆಟ್ರಿಕ್ಸ್‌ ಯುಆರ್‌ಎಲ್ ಮರುಸೃಷ್ಟಿಸಿದ್ದು 21 ಆಗಸ್ಟ್ 2006.
  15. ""Time Out Film Review - The Matrix"". Time Out Film Guide 13. Time Out. Retrieved 2007-02-05. 
  16. ""Critical review of The Matrix"". Retrieved 2007-02-03. 
  17. ""Negative review of The Matrix"". Retrieved 2007-02-03. 
  18. Jeff Jensen (2007-05-07). "The Sci-Fi 25". Entertainment Weekly. Retrieved 2007-05-07. 
  19. http://www.empireonline.com/500/89.asp
  20. ದ ಆರ್ಟ್ ಆಫ್ ದ ಮೆಟ್ರಿಕ್ಸ್ , ಪು.451
  21. "The 201 Greatest Movies of all Time". Empire (Issue 201). March 2006. p. 98. 
  22. ಡರೆನ್ ಅರ್ನೊಸ್ಕಿ "ದ ಔಟ್‌ಸೈಡರ್"ನ್ನು ಬರೆದರು,ವೈರಡ್‌ . 2006ರ ನವೆಂಬರ್ ಸಂಚಿಕೆ (ಪು. 224)
  23. ಮಿ.ನೈಟ್ ಶ್ಯಾಮಲನ್, ’ಆಸ್ಕರ್ ಫಿಲ್ಮ್ಸ್/ಫರ್ಸ್ಟ್ ಟೈಮರ್ಸ್; ಎ ಡೈರೆಕ್ಟರ್ ವಿತ್ ಅ ಸೆನ್ಸ್ ಆಫ್ ವೇರ್ ಹಿ’ಸ್ ಗೋಯಿಂಗ್’ ಎಂದು ಬರೆದರು, "[೨]", ನ್ಯೂಯಾರ್ಕ್ ಟೈಮ್ಸ್ . ಮಾರ್ಚ್ 12, 2000
  24. "Academy Awards Database — Search page". Academy of Motion Picture Arts and Sciences. Retrieved 2006-12-31. 
  25. "The Wachowski Brothers". Tribute magazine. Retrieved 2006-12-31. 
  26. "Saturn Awards". SaturnAwards.org. Retrieved 2006-12-31. 
  27. "BAFTA Film Winners 1990 – 1999" (PDF). BAFTA.org. Retrieved 2006-12-31. 
  28. "THE MATRIX: FAIR COP", The William Gibson Blog
  29. http://www.divreinavon.com/pdf/MatrixMysticalMidrash.pdf ದಿ ಮೆಟ್ರಿಕ್ಸ್‌: ಎ ಮಿಸ್ಟಿಕಲ್ ಮಾಡ್ರನ್ ಮಿಡ್ರಾಶ್
  30. ಡೆನಿಯಲ್ ಬಾಟ್‌ಗರ್‌"ದಿ ಮೆಟ್ರಿಕ್ಸ್ ಟರಾಟ್" ಯುಟೂಬ್‌ ವಿಡಿಯೋ
  31. ಒಕ್ಸಾನೆನ್, ರೈಜೊ. "ಪ್ಲಾನ್‌ವಾನ್ ಎನ್. ಗೋ ಇಂಟರ್‌ವಿವ್ಯೂ". ಗರ್ಡ್‌ಜಿಯಫ್ ಇಂಟರ್‌ನೆಟ್ ಗೈಡ್. (ಮರುಸೃಷ್ಠಿಸಿದ್ದು 09–03–1೭).
  32. Rose, Frank. "The Second Coming of Philip K. Dick". Wired magazine. 
  33. Zenko, Darren. "Not another Philip K. Dick movie". The Toronto Star. 
  34. "William Gibson on Philip K. Dick". philipkdickfans.com. 
  35. Axmaker, Sean. "Philip K. Dick's dark dreams still fodder for films". Seattle Post Intelligencer. 
  36. "ದಿ ಮೆಟ್ರಿಕ್ಸ್: ಫೈರ್ ಕಾಪ್". ಯುಆರ್‌ಎಲ್ ಮರುಸೃಷ್ಟಿಸಿದ್ದು,7 ಜುಲೈ 2006
  37. ಗ್ರಿಸೆಲ್ಡ್ ಪೋಲಾಕ್, "ಡಸ್ ಆರ್ಟ್ ಥಿಂಕ್?" ಇನ್: ಡೆನಾ ಅರ್ನಾಲ್ಡ್ ಮತ್ತು ಮಾರ್ಗರೆಟ್ ಇವರ್‌ಸನ್ (eds.) ಆರ್ಟ್ ಆ‍ಯ್‌೦ಡ್ ಥಾಟ್ . ಆಕ್ಸ್‌ಫರ್ಡ್: ಬೆಸಿಲ್ ಬ್ಲಾಕ್‌ವೆಲ್, 2003. ISBN 0-631-22715-6
  38. ಗ್ರಿಸ್ಲೆಡ್ ಪೋಲಾಕ್, "ಇನ್‌ಸ್ಕ್ರಿಷನ್ಸ್ ಇನ್ ದ ಫೆಮಿನೈನ್" ಇನ್: ಕ್ಯಾಥರಿನ್ ಡೆ ಜೆಗರ್ (eds), ಇನ್‌ಸೈಡ್ ದಿ ವಿಸಿಬಲ್ . ಎಮ್‌ಐಟಿ ಪ್ರೆಸ್‌, 2001.
  39. ಹಿಂಜ್-ಪೀಟರ್ ಶ್ವಾರ್‌ಫೆಲ್, ಕಿನೊ ಮತ್ತು ಕೂನ್‌ಸ್ಟ್ , ಕ್ಲಾನ್: ಡುಮಂಟ್, 2003.
  40. ಜೊಲ್ ಸಿಲ್ವರ್‌ರನ್ನು "ಸ್ಕ್ರಾಲ್ಸ್ ಟು ಸ್ಕ್ರೀನ್: ಎ ಬ್ರೀಫ್ ಹಿಸ್ಟರಿ ಆಫ್ ಅನಿಮೆ" ಯಲ್ಲಿ ಸಂದರ್ಶಿಸಲಾಗಿತ್ತು, ದ ಆ‍ಯ್‌ನಿಮೆಟ್ರಿಕ್ಸ್‌ ಡಿವಿಡಿ ಯಲ್ಲಿ ಚಿತ್ರೀಕರಿಸಲಾಗಿದೆ.
  41. ಜೊಲ್ ಸಿಲ್ವರ್‌ರನ್ನು "ಮೇಕಿಂಗ್ ದಿ ಮೆಟ್ರಿಕ್ಸ್‌ "ನಲ್ಲಿ ಸಂದರ್ಶಿಸಲಾಯಿತು. ದಿ ಮೆಟ್ರಿಕ್ಸ್ ಡಿವಿಡಿಯಲ್ಲಿ ಚಿತ್ರೀಕರಿಸಲಾಗಿದೆ.
  42. ಮಿಟ್ಸುಹಿಸ ಇಶಿಕಾವರನ್ನು ದಿ ಸೌಥ್ ಬ್ಯಾಂಕ್ ಶೋ ನಲ್ಲಿ ಸಂದರ್ಶಿಸಲಾಯಿತು. ಆ ಸಂಚಿಕೆಯು 2006ರ ಫೆಬ್ರವರಿ 19ರಂದು ಪ್ರಸಾರವಾಯಿತು [೩]
  43. "ದಿ ಮೆಟ್ರಿಕ್ಸ್ (1999) - ಚಾನಲ್ 4 ಫಿಲ್ಮ್ ರಿವ್ಯೂ". ಯುಆರ್‌ಎಲ್ ಮರುಸೃಷ್ಟಿಸಿದ್ದು 21 ಆಗಸ್ಟ್ 2006.
  44. "ಸಿನಿಪೊಬಿಯಾ ರಿವ್ಯೂಸ್: ದಿ ಮೆಟ್ರಿಕ್ಸ್". ಯುಆರ್‌ಎಲ್ ಮರುಸೃಷ್ಟಿಸಿದ್ದು 27 ಡಿಸೆಂಬರ್ 2006.
  45. "ಪೂರ್ ಮೊರೊ ನ್ಯೂಸ್‌‍ವೈರ್: ಸುಸೈಡ್ ಗರ್ಲ್ಸ್ ವಿತ್ ಗ್ರಾಂಟ್ ಮಾರಿಸನ್". ಯುಆರ್‌ಎಲ್‌ ಮರುಸೃಷ್ಠಿಸಿದ್ದು 31 ಜುಲೈ2006
  46. Cite error: Invalid <ref> tag; no text was provided for refs named xmen
  47. ಅಧಿಕೃತ ಮೆಟ್ರಿಕ್ಸ್ ಜಾಲತಾಣದಲ್ಲಿ ದಿ ಮೆಟ್ರಿಕ್ಸ್ ಕಾಮಿಕ್ಸ್ .


ಉಲ್ಲೇಖಗಳು[ಬದಲಾಯಿಸಿ]

  • Spencer Lamm (editor); Larry and Andy Wachowski, Steve Skroce, Geof Darrow, Tani Kunitake, Warren Manser, Colin Grant, Zach Staenberg, Phil Oesterhouse, William Gibson (2000). The Art of the Matrix. Titan. p. 488. ISBN 1-84023-173-4. 
  1. REDIRECT Template:Cite AV media


ಬಾಹ್ಯ ಕೊಂಡಿಗಳು[ಬದಲಾಯಿಸಿ]

Wikiquote
ವಿಕಿಕೋಟ್ ತಾಣದಲ್ಲಿ ಈ ವಿಷಯಕ್ಕೆ ಸಂಭಂಧಪಟ್ಟ ನುಡಿಗಳು ಇವೆ:
[[wikiquote:kn:{{{1}}}|ದಿ ಮೆಟ್ರಿಕ್ಸ್‌]]
Commons logo
ವಿಕಿಮೀಡಿಯ ಕಣಜದಲ್ಲಿ ಈ ವಿಷಯಕ್ಕೆ ಸಂಬಂಧಿಸಿದ ಮಾಧ್ಯಮಗಳಿವೆ:
  1. REDIRECT ಟೆಂಪ್ಲೇಟು:AllRovi movie
  1. REDIRECT Template:Rotten Tomatoes


Awards and achievements
Preceded by
Armageddon & Dark City
Saturn Award for Best Science Fiction Film
1999
Succeeded by
X-Men
  1. REDIRECT Template:The Wachowskis