ರೀಸ್ ವಿದರ್ಸ್ಪೂನ್
| ರೀಸ್ ವಿದರ್ಸ್ಪೂನ್ | |
|---|---|
 Witherspoon in the Oval Office on June 25, 2009 | |
| ಹುಟ್ಟು ಹೆಸರು ಹುಟ್ಟಿದ ದಿನ ಹುಟ್ಟಿದ ಸ್ಥಳ |
ಲಾರಾ ಜೀನ್‌ ರೀಸ್ ವಿದರ್ಸ್ಪೂನ್ ಮಾರ್ಚ್ ೨೨, ೧೯೭೬ , U.S. |
| ವೃತ್ತಿ | ನಟಿ, ನಿರ್ಮಾಪಕಿ |
| ವರ್ಷಗಳು ಸಕ್ರಿಯ | 1991 – present |
| ಪತಿ/ಪತ್ನಿ | Ryan Phillippe (1999–2007); two children |
ವಿಶ್ವಕ್ಕೆ 'ರೀಸ್ ವಿದರ್ಸ್ಪೂನ್ ' ಎಂದು ಪರಿಚಿತರಾದ ಲಾರಾ ಜೀನ್‌ ರೀಸ್ ವಿದರ್ಸ್ಪೂನ್ (ಜನನ: 22 ಮಾರ್ಚ್ 1976) ಅಮೆರಿಕಾದ ಒಬ್ಬ ನಟಿ ಮತ್ತು ಚಲನಚಿತ್ರ ನಿರ್ಮಾಪಕಿ.
1988ರಲ್ಲಿ ಅವರು ಮೂರು ಪ್ರಮುಖ ಚಲನಚಿತ್ರಗಳಲ್ಲಿ ನಟಿಸಿದರು: ಒವರ್ನೈಟ್‌ ಡೆಲಿವರಿ , ಪ್ಲೆಸೆಂಟ್ವಿಲ್ಲೆ ಮತ್ತು ಟ್ವಿಲೈಟ್ . ಇದರ ಮಾರನೆಯ ವರ್ಷ, ರೀಸ್ ವಿದರ್ಸ್ಪೂನ್ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಗಳಿಸಿದ ಎಲೆಕ್ಷನ್‌ ಎಂಬ ಚಲನಚಿತ್ರದಲ್ಲಿ ನಟಿಸಿದರು. ಈ ಚಲನಚಿತ್ರದಲ್ಲಿನ ನಟನೆಗಾಗಿ ಅವರಿಗೆ ಗೋಲ್ಡನ್‌ ಗ್ಲೋಬ್‌ ನಾಮನಿರ್ದೇಶನ ಲಭಿಸಿತು. ಲೀಗಲ್ಲಿ ಬ್ಲೋಂಡ್‌ ಎಂಬ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ಸು ಗಳಿಸಿದ ಚಲನಚಿತ್ರದಲ್ಲಿ 'ಎಲ್ಲಿ ವುಡ್ಸ್‌' ಎಂಬ ವಿಶಿಷ್ಟ ಪಾತ್ರದಲ್ಲಿ ನಟನೆಯೊಂದಿಗೆ 2001ರಲ್ಲಿ ಅವರ ನಟನಾ ವೃತ್ತಿಗೆ ಪ್ರಮುಖ ತಿರುವು ಸಿಕ್ಕಿತು. 2002ರಲ್ಲಿ ಅವರು ಸ್ವೀಟ್ ಹೋಂ ಅಲಾಬಾಮಾ ಎಂಬ ಚಲನಚಿತ್ರದಲ್ಲಿ ನಟಿಸಿದರು. ಇದು ಇಲ್ಲಿಯವರೆಗೆ ಅವರ ಪಾಲಿಗೆ ಅತಿದೊಡ್ಡ ವಾಣಿಜ್ಯ ಯಶಸ್ಸು ಪಡೆದ ಚಲನಚಿತ್ರವಾಯಿತು. 2003ರಲ್ಲಿ Legally Blonde 2: Red, White & Blonde ಚಲನಚಿತ್ರದಲ್ಲಿ ಅವರು ಮುಖ್ಯ ನಟಿಯಾಗಿ ಮರಳಿದ್ದಲ್ಲದೆ ಕಾರ್ಯಕಾರೀ ನಿರ್ಮಾಪಕಿಯೂ ಆಗಿದ್ದರು. 2005ರಲ್ಲಿ, ವಾಕ್ ದಿ ಲೈನ್ ಎಂಬ ಚಲನಚಿತ್ರದಲ್ಲಿ ಜೂನ್ ಕಾರ್ಟರ್‌ ಕ್ಯಾಷ್‌ ಎಂಬ ಪಾತ್ರನಿರ್ವಹಣೆಗಾಗಿ ವಿಶ್ವವ್ಯಾಪಿ ಗಮನ ಸೆಳೆದರು ಮತ್ತು ಮೆಚ್ಚುಗೆ ಗಳಿಸಿದರು. ರೀಸ್ ವಿದರ್ಸ್ಪೂನ್ ಪ್ರಮುಖ ಪಾತ್ರದಲ್ಲಿ ಅತ್ಯುತ್ತಮ ನಟಿ ಎನಿಸಿ ಅಕ್ಯಾಡಮಿ ಪ್ರಶಸ್ತಿ, ಗೋಲ್ಡನ್‌ ಗ್ಲೋಬ್‌, BAFTA ಹಾಗೂ ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್ ಪ್ರಶಸ್ತಿಗಳನ್ನು ಗಳಿಸಿದರು.
ರೀಸ್ ವಿದರ್ಸ್ಪೂನ್ ನಟ ಹಾಗೂ ತಮ್ಮೊಂದಿಗೆ ಕ್ರೂಯೆಲ್‌ ಇಂಟೆನ್ಷನ್ಸ್‌ ಚಲನಚಿತ್ರದಲ್ಲಿ ಸಹನಟರಾದ ರಯಾನ್‌ ಫಿಲಿಪ್ಸ್‌ರನ್ನು 1999ರಲ್ಲಿ ವಿವಾಹವಾದರು. ಅವರಿಗೆ ಆವಾ ಮತ್ತು ಡೀಕಾನ್‌ ಎಂಬ ಇಬ್ಬರು ಮಕ್ಕಳಿದ್ದಾರೆ. ಈ ಜೋಡಿಯು 2006ರ ಅಂತ್ಯದಲ್ಲಿ ಪ್ರತ್ಯೇಕಗೊಂಡು, ಅಕ್ಟೋಬರ್‌ 2007ರಲ್ಲಿ ವಿಚ್ಛೇದನ ಹೊಂದಿತು. ರೀಸ್ ವಿದರ್ಸ್ಪೂನ್ ಟೈಪ್‌ ಎ ಫಿಲ್ಮ್ಸ್‌ ಎಂಬ ಚಲನಚಿತ್ರ ನಿರ್ಮಾಣ ಸಂಸ್ಥೆಯ ಒಡತಿ. ಮಕ್ಕಳ ಮತ್ತು ಮಹಿಳೆಯರ ಸಲಹಾ ಸಂಘಟನೆಗಳಲ್ಲಿ ಸಕ್ರಿಯರಾಗಿ ಪಾಲ್ಗೊಂಡಿದ್ದಾರೆ. ಅವರು ಚಿಲ್ಡ್ರನ್ಸ್‌ ಡಿಫೆನ್ಸ್‌ ನಿಧಿ ಮಂಡಳಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. 2007ರಲ್ಲಿ ಅವರು ಏವನ್‌ ಪ್ರಾಡಕ್ಟ್ಸ್‌ನ ಜಾಗತಿಕ ರಾಯಭಾರಿಯಾಗಿ ನೇಮಕವಾದರು. ದಾನಧರ್ಮ ಸಂಸ್ಥೆ ಏವನ್‌ ಪ್ರತಿಷ್ಠಾನದಲ್ಲಿ ಅವರು ಗೌರವಾನ್ವಿತ ಅಧ್ಯಕ್ಷೆಯಾಗಿ ಸೇವೆ ಸಲ್ಲಿಸಿದರು.
ಆರಂಭಿಕ ಜೀವನ ಹಾಗೂ ಶಿಕ್ಷಣ
[ಬದಲಾಯಿಸಿ]ರೀಸ್ ವಿದರ್ಸ್ಪೂನ್ ಅಮೆರಿಕಾ ಸಂಯುಕ್ತ ಸಂಸ್ಥಾನದ ಲೂಯಿಸಿಯಾನಾದ ನ್ಯೂ ಆರ್ಲಿಯನ್ಸ್‌ನಲ್ಲಿ ಸದರ್ನ್‌ ಬ್ಯಾಪ್ಟಿಸ್ಟ್‌ ಆಸ್ಪತ್ರೆ (ಇಂದು ಒಷ್ನರ್‌ ಬ್ಯಾಪ್ಟಿಸ್ಟ್‌ ವೈದ್ಯಕೀಯ ಕೇಂದ್ರ)ದಲ್ಲಿ ಜನಿಸಿದರು. ಅವರ ಹೆತ್ತವರು ಇದೇ ಸ್ಥಳದಲ್ಲಿ ವಾಸಿಸುತ್ತಿದ್ದರು. ಅವರ ತಂದೆ ಟ್ಯೂಲೇನ್‌ ಯುನಿವರ್ಸಿಟಿ ವೈದ್ಯಕೀಯ ಶಾಲೆಯಲ್ಲಿ ವಿದ್ಯಾರ್ಥಿಯಾಗಿದ್ದರು.[೧][೨] ಅವರ ತಂದೆ ಜಾನ್‌ ವಿದರ್ಸ್ಪೂನ್ ಜಾರ್ಜಿಯಾ ಸಂಜಾತ ಕಿವಿ ಗಂಟಲು ತಜ್ಞ ವೈದ್ಯರಾಗಿದ್ದಾರೆ. ಇವರು ಮುಂಚೆ U.S. ಭೂಸೇನಾ ಮೀಸಲು ಪಡೆಯಲ್ಲಿ ಲೆಫ್ಟಿನೆಂಟ್‌ ಕರ್ನಲ್‌ ಆಗಿ ಸೇವೆ ಸಲ್ಲಿಸಿದ್ದರು.[೩][೪] ರೀಸ್‌ರ ತಾಯಿ ಬೆಟ್ಟಿ (ಪೂರ್ವಾಶ್ರಮದ ಹೆಸರು ರೀಸ್) ಟೆನ್ನೆಸೀ ರಾಜ್ಯದ ಹ್ಯಾರಿಮನ್‌ ಸಂಜಾತೆ. ಇವರು ಮಕ್ಕಳ ಶುಶ್ರೂಷಾ ವೃತ್ತಿಯಲ್ಲಿ Ph.D. ಹೊಂದಿದ್ದಾರೆ. ವ್ಯಾಂಡರ್ಬಿಲ್ಟ್‌ ವಿಶ್ವವಿದ್ಯಾನಿಲಯದಲ್ಲಿ ಬೆಟ್ಟಿ ಶುಶ್ರೂಷಾಶಾಸ್ತ್ರದ ಪ್ರಾಧ್ಯಾಪಕಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.[೪][೫] ತಾವು ಸ್ಕಾಟಿಷ್ ಸಂಜಾತ ಜಾನ್‌ ವಿದರ್‌ಸ್ಪೂನ್‌ರ ವಂಶಜೆಯೆಂದು ರೀಸ್ ವಿದರ್ಸ್ಪೂನ್ ಹೇಳಿಕೊಂಡಿದ್ದಾರೆ. ಜಾನ್‌ ವಿದರ್‌ಸ್ಪೂನ್‌ಪ್ರಿನ್ಸ್‌ಟನ್‌ ವಿಶ್ವವಿದ್ಯಾನಿಲಯದ ಆರನೆಯ ಅಧ್ಯಕ್ಷ, ಹಾಗೂ, ಅಮೆರಿಕಾ ಸಂಯುಕ್ತ ಸಂಸ್ಥಾನ ಸ್ವಾತಂತ್ರ್ಯ ಘೋಷಣೆಗೆ ಸಹಿ ಹಾಕಿದವರಲ್ಲೊಬ್ಬರಾಗಿದ್ದರು.[೬][೭] ಆದರೆ ವಂಶಜರ ಬಗ್ಗೆ ಈ ಹೇಳಿಕೆಯನ್ನು ಇದುವರೆಗೂ ಪರಿಶೀಲಿಸಲಾಗಿಲ್ಲ.[೮][೯] ರೀಸ್‌ರ ತಂದೆ ಜರ್ಮನಿಯ ವೀಸ್ಬಾಡೆನ್‌ನಲ್ಲಿ U.S. ಸೇನಾ ಸೇವೆಯಲ್ಲಿದ್ದ ಕಾರಣ,ಸಣ್ಣ ಬಾಲಕಿಯಾಗಿ ನಾಲ್ಕು ವರ್ಷಗಳ ಕಾಲ ಜರ್ಮನಿಯಲ್ಲಿದ್ದರು.[೫][೧೦] U.S.ಗೆ ವಾಪಸಾದ ನಂತರ, ಟೆನ್ನೆಸೀಯ ನ್ಯಾಷ್ವಿಲ್‌ನಲ್ಲಿ ರೀಸ್ ತಮ್ಮ ಬಾಲ್ಯವನ್ನು ಕಳೆದರು. ಅವರನ್ನು ಎಪಿಸ್ಕಪೇಲಿಯನ್‌ (ಬಿಷಪ್‌ ಗಣಪ್ರಭುತ್ವವಾದಿ) ಸಂಪ್ರದಾಯ ರೀತ್ಯಾ ಬೆಳೆಸಲಾಯಿತು.[೧೧]
ರೀಸ್ ತಮ್ಮ ಏಳನೆಯ ವಯಸ್ಸಿನಲ್ಲಿ, ಹೂವ್ಯಾಪಾರಿಯೊಬ್ಬರ ದೂರದರ್ಶನ ಜಾಹೀರಾತಿನಲ್ಲಿ ಒಬ್ಬ ಫ್ಯಾಷನ್‌ ರೂಪದರ್ಶಿಯಾಗಿ ನಟಿಸಲು ಆಯ್ಕೆಯಾದರು. ನಟನಾ ತರಗತಿಗಳಿಗೆ ಸೇರಿಕೊಳ್ಳಲು ಇದು ರೀಸ್‌ರನ್ನು ಪ್ರೇರೇಪಿಸಿತು.[೧೨][೧೩] ತಮ್ಮ ಹನ್ನೊಂದನೆಯ ವಯಸ್ಸಿನಲ್ಲಿ ಟೆನ್‌-ಸ್ಟೇಟ್‌ ಟ್ಯಾಲೆಂಟ್‌ ಫೇರ್‌ ಸ್ಪರ್ಧೆಯಲ್ಲಿ ಮೊದಲ ಸ್ಥಾನ ಗಳಿಸಿದರು.[೧೨][೧೪] ರೀಸ್ ತನ್ನ ಶಾಲಾ ವ್ಯಾಸಂಗದಲ್ಲಿ ಒಳ್ಳೆಯ ದರ್ಜೆ ಗಳಿಸುತ್ತಿದ್ದರು.[೧೨] ಪುಸ್ತಕಗಳನ್ನು ಓದುವುದು ಅವರಿಗೆ ಪಂಚಪ್ರಾಣವಾಗಿತ್ತು. 'ಬಹಳಷ್ಟು ಪುಸ್ತಕಗಳನ್ನು ಓದುವ ದೊಡ್ಡ ದಡ್ಡಿ' ಎಂದು ಅವರು ತಮ್ಮನ್ನು ಪರಿಗಣಿಸಿಕೊಳ್ಳುತ್ತಿದ್ದರು.[೨] ಪುಸ್ತಕಗಳ ಬಗ್ಗೆ ತಮ್ಮ ಒಲವಿನ ವಿಚಾರ ಬಂದಾಗ, 'ಪುಸ್ತಕ ಮಳಿಗೆಯಲ್ಲಿ ನಾನು ಹುಚ್ಚಿಯಾಗುವುದುಂಟು. ನನ್ನ ಹೃದಯ ಬಹಳ ಜೋರಾಗಿ ಬಡಿಯಲು ಆರಂಭಿಸುತ್ತದೆ, ಏಕೆಂದರೆ ನಾನು ಅಲ್ಲಿರುವುದನ್ನೆಲ್ಲಾ ಕೊಂಡುಕೊಳ್ಳಬಯಸುವೆ' ಎಂದರು.[೧೧] ಹಾರ್ಡಿಂಗ್‌ ಅಕ್ಯಾಡಮಿಯಲ್ಲಿ ರೀಸ್ ಮಾಧ್ಯಮಿಕ ಶಾಲಾ ವ್ಯಾಸಂಗ ಮಾಡಿದರು. ಟೆನ್ನೆಸೀ ರಾಜ್ಯದ ನ್ಯಾಷ್ವಿಲ್‌ನಲ್ಲಿನ ಪ್ರತಿಷ್ಠಿತ ಹಾರ್ಪೆತ್‌ ಹಾಲ್‌ ಸ್ಕೂಲ್‌ ಬಾಲಕಿಯರ ಶಾಲೆಯಲ್ಲಿ ಪದವಿ ಮುಗಿಸಿದರು. ಆ ಸಮಯದಲ್ಲಿ ಅವರು ಒಬ್ಬ ಚಿಯರ್‌ಲೀಡರ್‌ (ಜಯಕಾರ-ನಾಯಕಿ) ಆಗಿದ್ದರು.[೧೪][೧೫] ಇಂಗ್ಲಿಷ್‌ ಸಾಹಿತ್ಯವನ್ನು ಪ್ರಮುಖ ವಿಷಯವನ್ನು ಆಯ್ದುಕೊಂಡು ಸ್ಟ್ಯಾನ್ಫರ್ಡ್‌ ವಿಶ್ವವಿದ್ಯಾನಿಲಯದಲ್ಲಿ ಉನ್ನತ ವ್ಯಾಸಂಗ ಆರಂಭಿಸಿದರು.[೧೬] ಒಂದು ವರ್ಷ ವ್ಯಾಸಂಗದ ನಂತರ, ನಟನೆಯ ವೃತಿಯಲ್ಲಿ ತೊಡಗಿಸಿಕೊಳ್ಳಲು ಸ್ಟ್ಯಾನ್ಫರ್ಡ್‌ ತೊರೆದರು.[೧೫]
ತಮ್ಮ ವಿಶಿಷ್ಟ ದಕ್ಷಿಣದ (ಯುಎಸ್‌) ಸಾಂಪ್ರದಾಯಿಕ ಪಾಲನೆಯ ಬಗ್ಗೆ ರೀಸ್‌ಗೆ ಹೆಮ್ಮೆಯಿದೆ. ಇದರಿಂದ ಅವರಿಗೆ 'ಕುಟುಂಬ ಮತ್ತು ಸಂಪ್ರದಾಯದ ಪರಿಜ್ಞಾನ' ನೀಡಿತು; 'ಜನರ ಭಾವನೆಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು, ಸಜ್ಜನಿಕೆಯಿಂದಿರುವುದು, ಹೊಣೆಗಾರಿಕೆಯಿಂದಿರುವುದು, ಹಾಗೂ, ನಮ್ಮ ಜೀವನದಲ್ಲಿರುವುದನ್ನು ಹಗುರವಾಗಿ ಪರಿಗಣಿಸದಿರುವುದನ್ನು' ಕಲಿತೆ ಎಂದು ರೀಸ್ ತಿಳಿಸಿದರು.[೧೫][೧೭] ರೀಸ್‌ರನ್ನು ಬಹಳಷ್ಟು ಸಾಧಿಸಿದಾಕೆ ಎಂದು ಬಣ್ಣಿಸಲಾಗಿದೆ. ಇದರಿಂದಾಗಿ ಅವರ ಹೆತ್ತವರು ರೀಸ್‌ಗೆ 'ಲಿಟ್ಲ್‌ ಟೈಪ್‌ A' ಎಂಬ ಉಪನಾಮವನ್ನಿಟ್ಟರು.[೧೮][೧೯] ತಮ್ಮ ಜೀವನದಲ್ಲಿ ಬಹಳ ಬೇಗ ಸಾಧನೆಗಳನ್ನು ಮಾಡಿದ ಕುರಿತು, ಇಂಟರ್ವ್ಯೂ ಪತ್ರಿಕೆಗೆ ರೀಸ್ ಹೇಳಿದ್ದು ಹೀಗೆ: 'ಇದರಲ್ಲಿ ಯಾವುದನ್ನೂ ಗಮನಾರ್ಹವೆಂದು ತಾವು ಭಾವಿಸಿಲ್ಲ. ಬಹುಶಃ ಬುದ್ಧಿಸ್ವಾಸ್ಥ್ಯದಲ್ಲಿರಲು ಹಾಗೂ ಕಾಲು ನೆಲದ ಮೇಲೆ ದೃಢವಾಗಿರಬೇಕೆಂಬ ಮನೋಭಾವವೇ ನಾನು ಆಯ್ದುಕೊಂಡ ನಡವಳಿಕೆಗೆ ಕಾರಣ. ಮಹಿಳೆಯರು ಬಹಳಷ್ಟು ಸಾಧನೆ ಮಾಡಿರುವ ವಾತಾವರಣದಲ್ಲಿ ನಾನು ಬೆಳೆದೆ. ಅವರು ಸಾಧಿಸಲಾಗದಿದ್ದಲ್ಲಿ, ಸಮಾಜವು ಅವರನ್ನು ನಿರ್ಬಂಧಿಸುತ್ತಿದ್ದುದೇ ಕಾರಣ.' [೪]
ನಟನಾ ವೃತ್ತಿ
[ಬದಲಾಯಿಸಿ]ಆರಂಭಿಕ ವೃತ್ತಿ (1990–1998)
[ಬದಲಾಯಿಸಿ]1990ರಲ್ಲಿ ರೀಸ್ ವಿದರ್ಸ್ಪೂನ್ ಕೆಲವು ಮಿತ್ರರೊಂದಿಗೆ, 'ದಿ ಮ್ಯಾನ್‌ ಇನ್ ದಿ ಮೂನ್‌ 'ಗಾಗಿ ಮುಕ್ತ ಪಾತ್ರಪರೀಕ್ಷೆಗೆ ಹಾಜರಾದರು. ಸಣ್ಣ ಪಾತ್ರಕ್ಕಾಗಿ ಅಭಿನಯಪರೀಕ್ಷೆಗೆ ಹಾಜರಾಗುವುದು ಇವರ ಇಂಗಿತವಾಗಿತ್ತು.[೧೫] ಆದರೆ, ಅವರಿಗೆ ಡ್ಯಾನಿ ಟ್ರ್ಯಾಂಟ್‌ ಎಂಬ ಪ್ರಮುಖ ಪಾತ್ರ ಲಭಿಸಿತು. ಹದಿನಾಲ್ಕರ ವಯಸ್ಸಿನ ಹಳ್ಳಿಗಾಡಿನ ಹುಡುಗಿಯ ಈ ಪಾತ್ರದಲ್ಲಿ ತನ್ನ ಹದಿನೇಳು ವರ್ಷ ವಯಸ್ಸಿನ ನೆರೆಮನೆಯ ಹುಡುಗನೊಂದಿಗೆ ಮೊದಲ ಬಾರಿಗೆ ಪ್ರೇಮದಲ್ಲಿ ಸಿಲುಕುತ್ತಾಳೆ. ವೆರೈಟಿ ಪತ್ರಿಕೆಯು ಈ ಪಾತ್ರವನ್ನು "ಮನಮುಟ್ಟುವಂತಹದ್ದು" ಎಂದು ಬಣ್ಣಿಸಿತು.[೨೦] 'ರೀಸ್‌ರ ಮೊದಲ ಚುಂಬನದ ದೃಶ್ಯವು, ನಾನು ಚಲನಚಿತ್ರಗಳಲ್ಲಿ ನೋಡಿರುವ ಅತ್ಯಂತ ಪರಿಪೂರ್ಣ ಸಣ್ಣ ದೃಶ್ಯ' ಎಂದು ವಿಮರ್ಶಕ ರೊಜರ್‌ ಎಬರ್ಟ್‌ ಪ್ರತಿಕ್ರಿಯಿಸಿದ್ದಾರೆ.[೧೨] ಈ ಪಾತ್ರಕ್ಕಾಗಿ, ರೀಸ್‌ಗೆ ಯುವ ಕಲಾವಿದೆ ಪ್ರಶಸ್ತಿ‌ಗಾಗಿ ಅತ್ಯುತ್ತಮ ಕಿರಿಯ ನಟಿ ನಾಮನಿರ್ದೇಶನ ಗಳಿಸಿಕೊಂಡರು.[೨೧] ಆನಂತರ ಇದೇ ವರ್ಷದಲ್ಲಿ, ಅವರು ಕೇಬಲ್‌ ಚಲನಚಿತ್ರ ವೈಲ್ಡ್‌ಫ್ಲಾವರ್‌ ಮೂಲಕ ತಮ್ಮ ಕಿರುತೆರೆ ನಟನೆಯನ್ನು ಆರಂಭಿಸಿದರು. ಡಿಯೇನ್‌ ಕೀಟನ್‌ ನಿರ್ದೇಶಿಸಿದ ಈ ಚಲನಚಿತ್ರದಲ್ಲಿ ಪ್ಯಾಟ್ರಿಷಿಯಾ ಆರ್ಕ್ವೆಟ್‌ ನಟಿಸಿದ್ದರು.[೩][೬] ಇಸವಿ 1992ರಲ್ಲಿ ರೀಸ್ ಡೆಸ್ಪೆರೇಟ್‌ ಚಾಯ್ಸಸ್‌: ಟು ಸೇವ್‌ ಮೈ ಚೈಲ್ಡ್‌ ಎಂಬ ಕಿರುತೆರೆಯ ಚಿತ್ರದಲ್ಲಿ ನಟಿಸಿದರು. ಇದರಲ್ಲಿ ಅವರದ್ದು ಗಂಭೀರವಾಗಿ ಅಸ್ವಸ್ಥಳಾದ ಹುಡುಗಿಯೊಬ್ಬಳ ಪಾತ್ರವಾಗಿತ್ತು.[೩] ಇಸವಿ 1993ರಲ್ಲಿ, CBSಕಿರುಸರಣಿ ರಿಟರ್ನ್‌ ಟು ಲೋನ್ಸಮ್‌ ಡವ್‌ ನಲ್ಲಿ ಕಿರಿವಯಸ್ಸಿನ ಪತ್ನಿಯ ಪಾತ್ರ ನಿರ್ವಹಿಸಿದರು. ನಂತರ, ಹದಿಹರೆಯದವರನ್ನು ಗುರಿಯಾಗಿಟ್ಟುಕೊಂಡ ಡಿಸ್ನಿ ಸಂಸ್ಥೆಯು ನಿರ್ಮಿಸಿದ ಚಲನಚಿತ್ರ ಎ ಫಾರ್‌-ಆಫ್ ಪ್ಲೇಸ್‌ ನಲ್ಲಿ, ನೊನೀ ಪಾರ್ಕರ್‌ ಎಂಬ ಪ್ರಮುಖ ಪಾತ್ರ ನಿರ್ವಹಿಸಿದರು. ಕಲಹರಿ ಮರುಭೂಮಿಯನ್ನು ದಾಟಬೇಕಾದ ದಕ್ಷಿಣ ಆಫ್ರಿಕಾದ ಹುಡುಗಿಯ 1,250 miles (2,000 km)ಪಾತ್ರವಿದಾಗಿತ್ತು.[೩] ಇದೇ ವರ್ಷ, ಜ್ಯಾಕ್ ದಿ ಬೆಯರ್‌ ಚಲನಚಿತ್ರದಲ್ಲಿ ಸಣ್ಣ ಪಾತ್ರ ನಿರ್ವಹಿಸಿದ್ದರು. ಈ ಪಾತ್ರಕ್ಕಾಗಿ ಅವರಿಗೆ ಅತ್ಯುತ್ತಮ ಕಿರಿಯ ಸಹನಟಿಗಾಗಿ ಯುವ ಕಲಾವಿದೆ ಪ್ರಶಸ್ತಿ ಲಭಿಸಿತು.[೨೨] ಇದರ ಮುಂದಿನ ವರ್ಷ, 1994ರಲ್ಲಿ ತೆರೆಕಂಡ ಚಲನಚಿತ್ರ S.F.W. ನಲ್ಲಿ ವಿದರ್ಸ್ಪೂನ್, ವೆಂಡಿ ಫಿಸ್ಟರ್‌ ಎಂಬ ಇನ್ನೊಂದು ಪ್ರಮುಖ ಪಾತ್ರ ನಿರ್ವಹಿಸಿದರು. ಜೆಫ್ರಿ ಲೆವಿ ಈ ಚಲನಚಿತ್ರವನ್ನು ನಿರ್ದೇಶಿಸಿದ್ದರು.
ಇಸವಿ 1996ರಲ್ಲಿ, ಎರಡು ಅದ್ದೂರಿ ಚಲನಚಿತ್ರಗಳಲ್ಲಿ ಅವರಿಗೆ ಪಾತ್ರಗಳನ್ನು ನೀಡಲಾಯಿತು. ಫಿಯರ್‌ ಎಂಬ ರೋಮಾಂಚಕ-ಕಥೆಯ ಚಲನಚಿತ್ರದಲ್ಲಿ ಅವರುಮಾರ್ಕ್‌ ವಾಲ್ಬರ್ಗ್‌ ಮತ್ತು ಅಲಿಸಾ ಮಿಲನೊನೊಂದಿಗೆ ನಿಕೋಲ್‌ ವಾಕರ್‌ ಎಂಬ ಪಾತ್ರ ನಿರ್ವಹಿಸಿದರು. ಹಿಂಸಾ-ಪ್ರವೃತ್ತಿಯ ಮನೋವಿಕೃತ ವ್ಯಕ್ತಿಯೆಂದು ಕಂಡುಬರುವ ಸುಂದರ ಗೆಳೆಯನ ಜತೆ ಹದಿಹರೆಯದ ಹುಡುಗಿಯ ಪಾತ್ರವಾಗಿತ್ತು. ವಿಕೃತಹಾಸ್ಯಮಿಶ್ರಿತ ರೋಮಾಂಚಕ-ಕಥೆಯುಳ್ಳ ಫ್ರೀವೇ ಚಲನಚಿತ್ರದಲ್ಲಿಯೂ ಸಹ ಅವರು ಕೀಫರ್‌ ಸದರ್ಲೆಂಡ್‌ ಮತ್ತು ಬ್ರೂಕ್‌ ಷೀಲ್ಡ್ಸ್‌ರೊಂದಿಗೆ ನಾಯಕಿನಟಿಯಾಗಿದ್ದರು. ಅವರದ್ದು ಲಾಸ್ ಏಂಜಲ್ಸ್‌‌ನಲ್ಲಿ ವಾಸಿಸುವ ವ್ಯಾನೆಸಾ ಲುಟ್ಜ್‌ ಎಂಬ ಬಡ ಹುಡುಗಿಯ ಪಾತ್ರ. ಸ್ಟಾಕ್ಟನ್‌ನಲ್ಲಿರುವ ತನ್ನ ಅಜ್ಜಿಯ ಮನೆಗೆ ಹೋಗುತ್ತಿರುವಾಗ, ಒಬ್ಬ ಹೆದ್ದಾರಿ ಸರಣಿ ಹಂತಕ ಎದುರಾಗುತ್ತಾನೆ.[೧೫]
ಪತ್ರಿಕಾ ವಲಯದವರಿಂದ ಈ ಚಲನಚಿತ್ರವು ಸಕಾರಾತ್ಮಕ ವಿಮರ್ಶೆಗಳನ್ನು ಗಳಿಸಿತು. ಇವುಗಳ ಪೈಕಿ, ಸ್ಯಾನ್‌ ಫ್ರಾನ್ಸಿಸ್ಕೊ ಕ್ರೋನಿಕಲ್ ನ ಮಿಕ್‌ ಲಾಸೇಲ್‌ ಪ್ರತಿಕ್ರಿಯಿಸುತ್ತಾ, 'ಟೆಕ್ಸನ್ ವಾಕ್‌ಶೈಲಿಯನ್ನು ಹೊಂದಿರುವ ರೀಸ್ ವಿದರ್ಸ್ಪೂನ್ ಪಾತ್ರವು ವಿಸ್ಮಯಕಾರಿ, ಒಂದಕ್ಕಿಂದ ಇನ್ನೊಂದು ವೈಪರೀತ್ಯದ ಸನ್ನಿವೇಶಗಳಲ್ಲಿ ಸಂಪೂರ್ಣ ನಂಬಲರ್ಹವಾಗಿದೆ' [೨೩]
ಈ ಸಾಧನೆಗಾಗಿ ಅವರಿಗೆ ಕಾಗ್ನ್ಯಾಕ್‌ ಪೊಲೀಸ್‌ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿ ಲಭಿಸಿತು. ಖ್ಯಾತ ಉದಯೋನ್ಮುಖ ನಟಿಯಾಗಿ ತಮ್ಮ ಸ್ಥಾನ ದೃಢಗೊಳಿಸಿದರು.[೧೫][೨೪] ಈ ಚಲನಚಿತ್ರದ ನಿರ್ಮಾಣವೂ ಸಹ ವಿದರ್‌ಸ್ಪೂನ್‌ಗೆ ಗಮನಾರ್ಹವಾದ ನಟನಾ ಅನುಭವ ನೀಡಿತು. 'ನನಗೆ ಅತಿಯಾದ ದಿಗಿಲು ಹುಟ್ಟಿಸಿದ ಚಲನಚಿತ್ರದ ಅಡಚಣೆಯಿಂದ ಪಾರಾದ ನಂತರ, ನಾನು ಏನು ಬೇಕಾದರೂ ಯತ್ನಿಸಬಹುದು ಎನಿಸಿತು' ಎಂದು ಅವರು ಹೇಳಿದರು.[೧೬] 1997ರಲ್ಲಿ ಫ್ರೀವೇ ಚಲನಚಿತ್ರವು ಪೂರ್ಣಗೊಂಡ ನಂತರ, ಒಂದು ವರ್ಷದ ಕಾಲ ಪ್ರಮುಖ ಚಲನಚಿತ್ರಗಳಲ್ಲಿ ನಟನೆಯಿಂದ ವಿರಾಮ ತೆಗೆದುಕೊಂಡ ಅವರು, ನಟ ರಯಾನ್‌ ಫಿಲಿಪ್‌ರೊಂದಿಗೆ ವಿಹಾರ ಆರಂಭಿದರು. ಇಸವಿ 1998ರಲ್ಲಿ ಬೆಳ್ಳಿಪರದೆಗೆ ಮರಳಿದ ವಿದರ್‌ಸ್ಪೂನ್ಒವರ್ನೈಟ್‌ ಡೆಲಿವರಿ , ಪ್ಲೆಸೆಂಟ್ವಿಲ್‌ ಮತ್ತು ಟ್ವೈಲೈಟ್‌ ಎಂಬ ಮೂರು ಚಲನಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದರು.[೬][೨೫] ಪ್ಲೆಸೆಂಟ್ವಿಲ್ಲೆ ಚಲನಚಿತ್ರದಲ್ಲಿ ಟೋಬಿ ಮ್ಯಾಗ್ವಯರ್‌ರೊಂದಿಗೆ ನಟಿಸಿದರು. 1990ರ ದಶಕದ ಹದಿಹರೆಯದ ಇಬ್ಬರು ರಕ್ತಸಂಬಂಧಿ ಮಕ್ಕಳಾಗಿ ಮಾಂತ್ರಿಕ ರೀತಿಯಲ್ಲಿ 1950ರ ದೂರದರ್ಶನ ಸರಣಿಯ ಸೆಟಿಂಗ್‌ಗೆ ರವಾನೆಯಾಗುವುದು ಈ ಚಲನಚಿತ್ರದ ಕಥಾವಸ್ತು.
ರೂಪಗಳು, ಸಂಬಂಧಗಳು ಮತ್ತು ಖ್ಯಾತಿಯ ಕುರಿತು ಮುಖ್ಯವಾಗಿ ಕಾಳಜಿ ವಹಿಸುವ ಜೆನಿಫರ್‌ ಎಂಬ ಸಹೋದರಿಯ ಪಾತ್ರವನ್ನು ಅವರು ನಿರ್ವಹಿಸಿದರು. ರೀಸ್‌ರ ನಟನೆಯು ಉತ್ತಮ ವಿಮರ್ಶೆಗಳನ್ನು ಸಂಪಾದಿಸಿತಲ್ಲದೆ, ಬೆಸ್ಟ್‌ ಫಿಮೇಲ್‌ ಬ್ರೇಕ್‌ಥ್ರೂ ಪರ್ಫಾರ್ಮೆನ್ಸ್‌ (ನಟಿಯೊಬ್ಬಳಿಂದ ಅತ್ಯುತ್ತಮ ಅಸಾಧಾರಣಾ ನಟನೆ) ಗಾಗಿ ಯುವ ಹಾಲಿವುಡ್‌ ಪ್ರಶಸ್ತಿ ಗಳಿಸಿಕೊಂಡರು.[೨೬] ರೀಸ್ ವಿದರ್ಸ್ಪೂನ್ ಒಬ್ಬ ಅಸಾಧಾರಣ ನಟಿಯಾಗುವರೆಂಬ ದೃಢ ನಂಬಿಕೆಯಿತ್ತು ಎಂದು ನಿರ್ದೇಶಕ ಗ್ಯಾರಿ ರಾಸ್‌ ತಿಳಿಸಿದ್ದಾರೆ.[೧೬]
ಆರಂಭಿಕ ನಿರ್ಣಾಯಕ ಯಶಸ್ಸು (1999–2000)
[ಬದಲಾಯಿಸಿ]1999ರಲ್ಲಿ, ಬೆಸ್ಟ್‌ ಲೇಯ್ಡ್ ಪ್ಲ್ಯಾನ್ಸ್‌ ಎಂಬ ನಾಟಕ-ಕಥೆಯುಳ್ಳ ಚಲನಚಿತ್ರದಲ್ಲಿ ರೀಸ್ ಅಲೆಸ್ಯಾಂಡ್ರೊ ನಿವೊಲಾರೊಂದಿಗೆ ನಟಿಸಿದರು. ಬೆಳವಣಿಗೆಗೆ ಯಾವುದೇ ಅವಕಾಶವಿಲ್ಲದ ಸಣ್ಣ ಪಟ್ಟಣದಿಂದ ಪರಾರಿಯಾಗಲು, ತನ್ನ ಪ್ರಿಯತಮನೊಂದಿಗೆ ಯೋಜನೆ ಹಾಕುವ ಲಿಸ್ಸಾ ಎಂಬ ಹುಡುಗಿಯ ಪಾತ್ರವನ್ನು ನಿರ್ವಹಿಸಿದ್ದರು.[೩] ಅದೇ ವರ್ಷ ಅವರು,ಹದಿನೆಂಟನೆಯ ಶತಮಾನ ಕಾಲದ ಫ್ರೆಂಚ್‌ ಕಾದಂಬರಿ ಲೆಸ್‌ ಲಿಯಾಸನ್ಸ್‌ ಡೇಂಜರೂಸಸ್‌ ಅಧಾರಿತ ಆಧುನಿಕ ರೂಪಾಂತರದ ಚಲನಚಿತ್ರ ಕ್ರ್ಯೂಯಲ್ ಇನ್‌ಟೆನ್ಷನ್ಸ್‌ ನಲ್ಲಿ ಸಾರಾ ಮಿಷೆಲ್‌ ಗೆಲ್ಲರ್‌ ಮತ್ತು ರಯಾನ್‌ ಫಿಲಿಪ್‌ರೊಂದಿಗೆ ನಟಿಸಿದರು.
ಆನೆಟ್‌ ಹಾರ್ಗ್ರೂವ್‌ ಪಾತ್ರದಲ್ಲಿ ಅವರ ನಿರ್ವಹಣೆಗೆ ಸ್ಯಾನ್‌ ಫ್ರಾನ್ಸಿಸ್ಕೊ ಕ್ರಾನಿಕಲ್‌ ನಿಂದ ಪ್ರಶಂಸೆ ಸಂಪಾದಿಸಿದರು: 'ಕನಿಷ್ಠ ಆಡಂಬರದ ಪಾತ್ರದಲ್ಲಿ ಅವರು ವಿಶೇಷವಾಗಿ ಉತ್ತಮ ಅಭಿನಯ ನೀಡಿದ್ದಾರೆ. ಅಸಹಜ ಪೈಶಾಚಿಕ ಮುಖಗಳ ಸರಣಿಯನ್ನು ತೋರಿಸುವಂತೆ ಕರೆನೀಡಿದಾಗಲೂ ಕೂಡ ಅವನ್ನು ಚೆನ್ನಾಗಿ ನಿಭಾಯಿಸಿದ್ದಾರೆ.' [೨೭] ಕಾಕತಾಳೀಯ ಎಂಬಂತೆ, ಈ ಚಲನಚಿತ್ರದ ಧ್ವನಿಮುದ್ರಿಕೆಗಾಗಿ ಮಾರ್ಸಿ ಪ್ಲೇಗ್ರೌಂಡ್‌ ರಚಿಸಿದ ಸಂಗೀತದ ವೀಡಿಯೊದಲ್ಲಿ ಅವರು ಕಾಣಿಸಿಕೊಂಡರು. ಇದೇ ವರ್ಷ, 1998ರಲ್ಲಿ ಪ್ರಕಟವಾದ ಟಾಮ್‌ ಪೆರೊಟಾರ ಎಲೆಕ್ಷನ್‌ ಕಾದಂಬರಿ ರೂಪಾಂತರದ ಚಲನಚಿತ್ರದಲ್ಲಿ ರೀಸ್ ವಿದರ್ಸ್ಪೂನ್ ಮತ್ತು ಮ್ಯಾಥ್ಯೂ ಬ್ರೊಡೆರಿಕ್‌ ನಟಿಸಿದರು.[೩] ಇದರಲ್ಲಿ, ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸ್ಥಾನಕ್ಕೆ ಚುಣಾವಣೆಯಲ್ಲಿ ಸ್ಪರ್ಧಿಸುವ, ಅತ್ಯುತ್ತಮ ಸಾಧಕಿ, ಮಹತ್ವಾಕಾಂಕ್ಷಿ ಟ್ರೇಸಿ ಫ್ಲಿಕ್‌ ಎಂಬ ಪಾತ್ರವನ್ನು ಅವರು ನಿಭಾಯಿಸಿದರು. ಈ ನಟನೆಗಾಗಿ ಅವರಿಗೆ ವಿಮರ್ಶಕರಿಂದ ವ್ಯಾಪಕ ಪ್ರಶಂಸೆ ಲಭಿಸಿತು. ಚಲನಚಿತ್ರ ವಿಮರ್ಶಕರ ರಾಷ್ಟ್ರೀಯ ಸಂಘ ಹಾಗೂ ಆನ್ಲೈನ್ ಚಲನಚಿತ್ರ ವಿಮರ್ಶಕರ ಸಂಘದಿಂದ ಅತ್ಯುತ್ತಮ ನಟಿ ಪ್ರಶಸ್ತಿ ಗಳಿಸಿದ್ದಲ್ಲದೆ, ಪ್ರಥಮ ಗೋಲ್ಡನ್‌ ಗ್ಲೋಬ್‌ನಾಮನಿರ್ದೇಶನ ಮತ್ತು ಇನ್ಡಿಪೆಂಡೆಂಟ್ ಸ್ಪಿರಿಟ್ ಪ್ರಶಸ್ತಿ ನಾಮನಿರ್ದೇಶನ ಗಳಿಸಿಕೊಂಡರು.[೨೮][೨೯] ಪ್ರೀಮಿಯರ್‌ ನ 100 ಸರ್ವಕಾಲಿಕ ಚಲನಚಿತ್ರ ನಿರ್ವಹಣೆಗಳ ಪಟ್ಟಿಯಲ್ಲಿ ರೀಸ್ ವಿದರ್ಸ್ಪೂನ್ ಸ್ಥಾನ ಪಡೆದುಕೊಂಡರು.[೩೦]
ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ನಿರ್ದೇಶಕ ಅಲೆಕ್ಸ್ಯಾಂಡರ್‌ ಪೇಯ್ನ್‌ ರೀಸ್ ವಿದರ್‌ಸ್ಪೂನ್‌ರನ್ನು ಈ ರೀತಿ ಪ್ರಶಂಸಿಸಿದರು: 'ಪುರುಷರು ಆಕರ್ಷಿತರಾಗುವ ಗುಣಗಳು ಅವರಲ್ಲಿದೆ, ಸ್ತ್ರೀಯರು ಅವರ ಸ್ನೇಹಿತೆಯಾಗಿರಲು ಬಯಸುತ್ತಾರೆ. ಆದರೆ, ಇದು ಕೇವಲ ಮೂಲಾಧಾರವಷ್ಟೇ. ಈ ರೀತಿಯ ಪ್ರಭಾವೀ ಮೋಹಕ-ಗುಣ ಮತ್ತು ಹಾಸ್ಯಪ್ರಜ್ಞೆ ಇನ್ಯಾರಲ್ಲೂ ಇಲ್ಲ. ರೀಸ್ ಯಾವುದೇ ರೀತಿಯ ನಟನೆಯನ್ನೂ ಮಾಡಬಹುದು.'[೧೭] ಅವರದ್ದು ಯಶಸ್ವೀ ನಟನೆಯಾದರೂ ಸಹ, ಒಂದೇ ರೀತಿಯ ಪಾತ್ರಗಳಿಗೆಗುರುತಿಸಲಾದ ಕಾರಣ,ಚಿತ್ರ ಮುಗಿದ ಕೂಡಲೇ ಕೆಲಸ ಸಂಪಾದಿಸಿಕೊಳ್ಳಲು ಹೋರಾಡಬೇಕಾಯಿತು ಎಂದು ರೀಸ್ ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.[೩೧] ತಾವು ಪಾತ್ರಗಳನ್ನು ಗಿಟ್ಟಿಸಿಕೊಳ್ಳಲು ಪರದಾಡಬೇಕಾದ ಕಾರಣಗಳನ್ನು ರೀಸ್ ವಿಶ್ಲೇಷಿಸಿದರು. 'ನಾನು ನಿರ್ವಹಿಸಿದ ಪಾತ್ರವು ಬಹಳ ತೀವ್ರ ಹಾಗೂ ಗಯ್ಯಾಳಿ ಸ್ವಭಾವದ್ದಾಗಿದ್ದರಿಂದ-ತಾವು ಪಾತ್ರವನ್ನು ಸೃಷ್ಟಿಸುತ್ತಿದ್ದೇನೆಂಬ ಭಾವನೆ ಬದಲಿಗೆ ಜನರು ತಮ್ಮ ಸ್ವಭಾವವೇ ಹಾಗಿದೆಯೆಂದು ಭಾವಿಸಿದರು. ನಾನು ಪಾತ್ರಪರೀಕ್ಷೆಗಳಿಗೆ ಹಾಜರಾದರೂ, ಆದರೆ ನಾನು ಎಂದಿಗೂ ಎರಡನೇ ಆಯ್ಕೆಯಾಗಿದ್ದೆ. ಸ್ಟುಡಿಯೊಗಳು ನನ್ನನ್ನು ಸೇರಿಸಿಕೊಳ್ಳಲು ಇಷ್ಟಪಡುತ್ತಿರಲಿಲ್ಲ. ನಾನು ಪಾತ್ರಗಳನ್ನು ಕಳೆದುಕೊಳ್ಳುತ್ತಿದ್ದದ್ದು ದೊಡ್ಡ ಗಲ್ಲಾಪೆಟ್ಟಿಗೆ ಯಶಸ್ಸಿನ ಮಹಾನ್‌ ನಟಿಯರಿಗಲ್ಲ, ಬದಲಿಗೆ, ಜನರು ವಿಭಿನ್ನ ರೀತಿಯಲ್ಲಿ ಭಾವಿಸಿದ ನಟಿಯರಿಗೆ.' [೪]
ಇಸವಿ 2000ರಲ್ಲಿ ಅವರು ಅಮೆರಿಕನ್‌ ಸೈಕೊ ದಲ್ಲಿ ಪೋಷಕ ಪಾತ್ರ ಹಾಗೂ ಲಿಟ್ಲ್‌ ನಿಕ್ಕಿ ಯಲ್ಲಿ ಸಣ್ಣಪ್ರಮಾಣದ ಪಾತ್ರದಲ್ಲಿ ಕಾಣಿಸಿಕೊಂಡರು.[೨೫] ಫ್ರೆಂಡ್ಸ್‌ ಕಿರುತೆರೆ ಸರಣಿಯ ಆರನೆಯ ಭಾಗದಲ್ಲಿ ರಿದರ್‌ಸ್ಪೂನ್ರಾಚೆಲ್‌ ಗ್ರೀನ್‌ನ ಸಹೋದರಿ ಜಿಲ್‌ ಗ್ರೀನ್‌ ಪಾತ್ರದಲ್ಲಿ ಅತಿಥಿನಟಿಯಾಗಿ ಕಾಣಿಸಿಕೊಂಡರು.[೩೨]
ಇದರ ತರುವಾಯ ವರ್ಷ, ಕ್ರೆಸ್ಟ್‌ ಆನಿಮೇಷನ್ ಪ್ರೊಡಕ್ಷನ್ಸ್‌ ನಿರ್ಮಾಣದ ದಿ ಟ್ರಂಪೆಟ್‌ ಆಫ್ ದಿ ಸ್ವಾನ್‌ ಆನಿಮೇಟೆಡ್‌ ಚಲನಚಿತ್ರದಲ್ಲಿ ಸೆರೆನಾ ಪಾತ್ರಕ್ಕೆ ಧ್ವನಿದಾನ ಮಾಡಿದರು.
ವಿಶ್ವವ್ಯಾಪಿ ಮನ್ನಣೆ (2001–2004)
[ಬದಲಾಯಿಸಿ]ಇಸವಿ 2001 ರೀಸ್ ವಿದರ್‌ಸ್ಪೂನ್‌ರ ವೃತಿಯಲ್ಲಿ ಗಮನಾರ್ಹ ತಿರುವು ನೀಡಿತು. ಆ ವರ್ಷ ಅವರು ಲೀಗಲ್ಲಿ ಬ್ಲೋಂಡ್‌ ಎಂಬ ಚಲನಚಿತ್ರದಲ್ಲಿ ನಟಿಸಿದರು. ತನ್ನ ಮಾಜಿ ಗೆಳೆಯನನ್ನು ಹಿಂಬಾಲಿಸಿಕೊಂಡು ಹಾರ್ವರ್ಡ್‌ ವಿಶ್ವವಿದ್ಯಾನಿಲಯಕ್ಕೆ ಹೋಗಲು, ಕಾನೂನು ವಿದ್ಯಾರ್ಥಿನಿಯಾಗುವ ಇಂಗಿತ ಹೊತ್ತ ಎಲ್ಲೆ ವುಡ್ಸ್‌ ಎಂಬ ಫ್ಯಾಷನ್‌ ವ್ಯಾಪಾರಿ ಮಹಿಳೆಯ ಮುಖ್ಯ ಪಾತ್ರವನ್ನು ಅವರು ನಿರ್ವಹಿಸಿದರು. ವುಡ್ಸ್‌ ಪಾತ್ರದ ಬಗ್ಗೆ ರೀಸ್ ವಿದರ್ಸ್ಪೂನ್ ಮಾತನಾಡುತ್ತಾ: "ನಾನು ಲೀಗಲಿ ಬ್ಲೋಂಡ್‌ ಓದಿದಾಗ, ನಾನು ಎಂದುಕೊಂಡದ್ದು, 'ಆಕೆ ಬೆವರಲಿ ಹಿಲ್ಸ್‌ನವಳು, ಶ್ರೀಮಂತ ಹುಡುಗಿ, ಮಹಿಳಾಸಮಾಜದಲ್ಲಿದ್ದಳು.
ಆಕೆಗೊಬ್ಬ ಒಳ್ಳೆಯ ಗೆಳೆಯನಿದ್ದಾನೆ. ಹೌದು, ಅವನು ಆಕೆಯನ್ನು ತೊರೆಯುತ್ತಾನೆ. ಯಾರು ಕೇಳ್ತಾರೆ? ಆಕೆಯನ್ನು ಇನ್ನೂ ದ್ವೇಷಿಸುತ್ತೇನೆ.' ಹಾಗಾಗಿ ನೀವು ಆಕೆಯನ್ನು ದ್ವೇಷಿಸಲು ಆಗದಂತಹ ಹುಡುಗಿಯಾಗಿಸುವುದನ್ನು ನಾವು ಖಾತರಿಪಡಿಸಬೇಕಿತ್ತು." [೧೭] ಲೀಗಲಿ ಬ್ಲೋಂಡ್‌ ಗಲ್ಲಾಪೆಟ್ಟಿಗೆ ಯಶಸ್ಸಿನ ಚಲನಚಿತ್ರವಾಯಿತು,ದೇಶೀಯವಾಗಿ US$96 ದಶಲಕ್ಷ ಹಣಗಳಿಸಿತು.[೩೩]
ರೀಸ್ ವಿದರ್ಸ್ಪೂನ್ ನಟನೆಯು ವಿಮರ್ಶಕರಿಂದ ಪ್ರಶಂಸೆ ಗಳಿಸಿತು. ಪತ್ರಿಕಾ ಮಾಧ್ಯಮವು ಅವರನ್ನು 'ನೂತನ ಮೆಗ್‌ ರಯಾನ್‌' ಎಂದು ಉಲ್ಲೇಖಿಸಿತು.[೩೪] 'ರೀಸ್ ವಿದರ್ಸ್ಪೂನ್ ತಮ್ಮ ಹರ್ಷಚಿತ್ತತೆ ಮತ್ತು ಚತುರೋಕ್ತಿಗಳಿಂದ ಈ ಪಾತ್ರಕ್ಕೆ ಲೀಲಾಜಾಲವಾಗಿ ಜೀವ ತುಂಬಿದ್ದಾರೆ' ಎಂದು ರೊಜರ್‌ ಎಬರ್ಟ್‌ ಪ್ರತಿಕ್ರಿಯಿಸಿದ್ದಾರೆ. 'ರೀಸ್ ಎಲ್ಲೆ ವುಡ್ಸ್‌ ಪಾತ್ರವನ್ನು ಬಹಳ ಸುಂದರವಾಗಿ ನಿರೂಪಿಸಿದ್ದಾರೆ' ಎಂದು Salon.com ಅಭಿಪ್ರಾಯಪಟ್ಟಿದೆ.[೩೫]
ಏತನ್ಮಧ್ಯೆ, 'ರೀಸ್ ವಿದರ್ಸ್ಪೂನ್ ಒಬ್ಬ ಪ್ರತಿಭಾವಂತ ಹಾಸ್ಯನಟಿ. ಲವಲವಿಕೆಯಿಂದ ದೃಶ್ಯಗಳಿಗೆ ಜೀವ ತುಂಬುತ್ತಾರೆ ಹಾಗೂ ಸಾಧಾರಣ ಸಣ್ಣ ಹಾಸ್ಯಚಿತ್ರಕ್ಕೆ ಬಹುತೇಕ ಏಕಾಂಗಿಯಾಗಿ ಯಾರ ಸಹಾಯವಿಲ್ಲದೇ ಶಕ್ತಿತುಂಬಿದ್ದಾರೆ ಎಂದು ಸಿಯೆಟ್ಲ್‌ ಪೋಸ್ಟ್‌-ಇಂಟೆಲಿಜೆನ್ಸರ್‌ ಅಭಿಪ್ರಾಯಪಟ್ಟಿದೆ.[೩೬] ತಮ್ಮ ನಟನೆಗಾಗಿ, ರೀಸ್ ತಮ್ಮ ಎರಡನೆಯ ಗೋಲ್ಡನ್‌ ಗ್ಲೋಬ್‌ ಅತ್ಯುತ್ತಮ ನಟಿ ನಾಮನಿರ್ದೇಶನ ಮತ್ತು ಅತ್ಯುತ್ತಮ ಹಾಸ್ಯನಟನೆಗಾಗಿ MTV ಮೂವಿ ಪ್ರಶಸ್ತಿ ಗಳಿಸಿದರು.
ಲೀಗಲ್ಲಿ ಬ್ಲೋಂಡ್‌ ನ ಯಶಸ್ಸಿನ ನಂತರ ರೀಸ್ ವಿದರ್ಸ್ಪೂನ್ ಹಲವು ಪಾತ್ರಗಳಲ್ಲಿ ನಟಿಸಿದರು. 2002ರಲ್ಲಿ, ದಿ ಸಿಂಪ್ಸನ್ಸ್‌ ವ್ಯಂಗ್ಯಚಲನಚಿತ್ರ ಸರಣಿಯ ದಿ ಬಾರ್ಟ್‌ ವಾಂಟ್ಸ್‌ ವಾಟ್‌ ಇಟ್‌ ವಾಂಟ್ಸ್‌ ಕಂತಿನ ಗ್ರೀಟಾ ವುಲ್ಫ್‌ಕ್ಯಾಸ್ಲ್‌ ಎಂಬ ಆನಿಮೇಟೆಡ್‌ ಪಾತ್ರಕ್ಕೆ ಧ್ವನಿದಾನ ಮಾಡಿದರು.[೩೭] ಇದೇ ವರ್ಷ, ಆಸ್ಕರ್ ವೈಲ್ಡ್‌ರ ನಾಟಕವನ್ನಾಧರಿಸಿದ ದಿ ಇಂಪಾರ್ಟನ್ಸ್‌ ಆಫ್ ಬೀಯಿಂಗ್ ಅರ್ನೆಸ್ಟ್ ಹಾಸ್ಯಪ್ರಧಾನ ಚಲನಚಿತ್ರದಲ್ಲಿ ಸೆಸಿಲಿಯ ಪಾತ್ರ ನಿರ್ವಹಿಸಿದರು. ಈ ನಟನೆಗಾಗಿ ಅವರಿಗೆ ಹದಿಹರೆಯದವರ ಆಯ್ಕೆಯ ಪ್ರಶಸ್ತಿ ನಾಮನಿರ್ದೇಶನ ಪಡೆದರು.[೩೮][೩೯] ಆಂಡಿ ಟೆನ್ನಂಟ್‌ ನಿರ್ದೇಶನದ ಸ್ವೀಟ್ ಹೋಮ್ ಅಲಬಾಮಾ 2002ರಲ್ಲಿನ ಅವರ ಮುಂದಿನ ಚಲನಚಿತ್ರವಾಗಿತ್ತು. ಈ ಚಲನಚಿತ್ರದಲ್ಲಿ ಜೋಷ್‌ ಲ್ಯೂಕಾಸ್‌ ಮತ್ತು ಪ್ಯಾಟ್ರಿಕ್‌ ಡೆಂಪ್ಸಿರೀಸ್‌ರೊಂದಿಗೆ ನಟಿಸಿದರು. ಇದರಲ್ಲಿ ಅವರದ್ದು ಮೆಲಾನೀ ಕಾರ್ಮೈಕೇಲ್‌ ಎಂಬ ಯುವ ಫ್ಯಾಷನ್‌ ವಿನ್ಯಾಸಕಿಯ ಪಾತ್ರ. ಈಕೆ ನ್ಯೂಯಾರ್ಕ್ ರಾಜಕಾರಣಿಯನ್ನು ಮದುವೆಯಾಗುವ ಹಂಬಲವಿತ್ತು. ಆದರೆ ಈಕೆಯಿಂದ ಏಳು ವರ್ಷಗಳ ಕಾಲ ಪ್ರತ್ಯೇಕಗೊಂಡಿದ್ದ ತನ್ನ ಬಾಲ್ಯದ ಪ್ರಿಯತಮನಿಂದ ವಿಚ್ಛೇದನ ಪಡೆಯಲು ಅಲಬಾಮಾಗೆ ವಾಪಸಾಗಬೇಕಿತ್ತು.
ಇದು ತಮ್ಮ 'ವೈಯಕ್ತಿಕ ಪಾತ್ರ' ಎಂದು ರೀಸ್ ಬಣ್ಣಿಸಿದರು. ಏಕೆಂದರೆ ಅವರು ತವರುಪಟ್ಟಣ ನ್ಯಾಶ್‌ವಿಲ್ಲೆಯಿಂದ ಲಾಸ್ ಏಂಜೆಲೀಸ್‌ಗೆ ಸ್ಥಳಾಂತರಗೊಂಡಾಗ ತಮಗಾದ ಅನುಭವಗಳನ್ನು ಈ ಪಾತ್ರವು ನೆನಪಿಸಿತು.[೪೦] ಈ ಚಲನಚಿತ್ರವು ಈವರೆಗೆ ರೀಸ್‌ರ ಅತಿ ಗಲ್ಲಾಪೆಟ್ಟಿಗೆ ಯಶಸ್ವೀ ಚಲನಚಿತ್ರವಾಗಿ ಹೊರಹೊಮ್ಮಿತು. ಬಿಡುಗಡೆಯಾದ ಮೊದಲ ವಾರಾಂತ್ಯದಲ್ಲೇ ಅದು $35 ದಶಲಕ್ಷಕ್ಕಿಂತ ಹೆಚ್ಚು ಹಣಗಳಿಸಿ, USನಲ್ಲಿ ಸ್ಥಳೀಯವಾಗಿ $127 ದಶಲಕ್ಷ ಹಣ ಗಳಿಸಿತು.[೩೩][೪೧] ಈ ವಾಣಿಜ್ಯ ಯಶಸ್ಸಿನ ನಡುವೆಯೂ, ವಿಮರ್ಶಕರು ಸ್ವೀಟ್ ಹೋಮ್ ಅಲಬಾಮಾ ಚಲನಚಿತ್ರಕ್ಕೆ ನಕಾರಾತ್ಮಕ ವಿಮರ್ಶೆಗಳನ್ನು ನೀಡಿದರು. ದಿ ಮಿಯಾಮಿ ಹೆರಾಲ್ಡ್‌ ಪತ್ರಿಕೆಯು ಇದನ್ನು 'ಅತೀ ನೀರಸವಾದ,ಉರುಹಚ್ಚಿದ ಮುಂಚೆಯೇ ನಿರೀಕ್ಷಿಸಬಹುದಾಗಿದ್ದ ಭಾವಪ್ರಧಾನ ಹಾಸ್ಯ ಚಲನಚಿತ್ರ' ಎಂದು ಜರಿಯಿತು.[೪೨] 'ಈ ಚಲನಚಿತ್ರ ಜನರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಪ್ರೇಕ್ಷಕರನ್ನು ಸೆಳೆಯಲು ಕೇವಲ ರೀಸ್ ವಿದರ್ಸ್ಪೂನ್ ಕಾರಣ' ಎಂದು ಪತ್ರಿಕಾ ಮಾಧ್ಯಮವು ವ್ಯಾಪಕವಾಗಿ ಒಪ್ಪಿಕೊಂಡಿತು.[೪೩][೪೪] ಚಲನಚಿತ್ರದಲ್ಲಿ ರೀಸ್‌ರ ಪಾತ್ರದ ಬಗ್ಗೆ ಬಣ್ಣಿಸಿದ ದಿ ಕ್ರಿಶ್ಚಿಯನ್‌ ಸೈನ್ಸ್‌ ಮಾನಿಟರ್, 'ಅವರು ಈ ಚಲನಚಿತ್ರದ ಪ್ರಮುಖ ಅಕರ್ಷಣೆ ಮಾತ್ರವಲ್ಲ, ಅವರು ಅದರ ಏಕೈಕ ಆಕರ್ಷಣೆ' ಎಂಬ ನಿರ್ಣಯಕ್ಕೆ ಬಂದಿತು.[೪೫]
ಲೀಗಲ್ಲಿ ಬ್ಲೋಂಡ್‌ ನ ಯಶಸ್ಸಿನ ನಂತರ, 2003ರಲ್ಲಿ ರೀಸ್ ಅದರ ನಂತರದ ಭಾಗದಲ್ಲಿ ನಟಿಸಿದರು. Legally Blonde 2: Red, White & Blonde ಇದರಲ್ಲಿ ಅವರ ಎಲ್ಲೆ ವುಡ್ಸ್‌ ಪಾತ್ರವು ಹಾರ್ವರ್ಡ್‌-ಶಿಕ್ಷಿತ ವಕೀಲೆಯಾಗಿ, ಶೃಂಗಾರ ಸಾಧನ ಉದ್ಯಮದ ವೈಜ್ಞಾನಿಕ ಪ್ರಯೋಗಗಳಿಂದ ಪ್ರಾಣಿಗಳನ್ನು ರಕ್ಷಿಸಲು ಸಂಕಲ್ಪಿಸುತ್ತಾರೆ. ಈ ಚಲನಚಿತ್ರವು ಮೊದಲ ಭಾಗದಷ್ಟು ಆರ್ಥಿಕ ಯಶಸ್ಸು ಪಡೆಯಲಿಲ್ಲ. ಹೆಚ್ಚಿಗೆ ಟೀಕೆಗಳಿಂದ ತುಂಬಿದ ವಿಮರ್ಶೆಗಳನ್ನು ಎದುರಿಸಬೇಕಾಯಿತು. ಈ ಚಲನಚಿತ್ರವು 'ಪ್ರಯಾಸದಿಂದ ಸಾಗುವ,ಹಾಸ್ಯರಹಿತ ಮತ್ತು ಬಹುತೇಕ ದೈನ್ಯತೆಗೆ ಅರ್ಹ' ಎಂದು USA ಟುಡೇ ಪರಿಗಣಿಸಿತು. 'ರೀಸ್ ವಿದರ್ಸ್ಪೂನ್ ಹೊಂಬಣ್ಣದ ಕೂದಲುಳ್ಳ, ಅಸಾಧಾರಣ ಬುದ್ಧಿಮತ್ತೆಯುಳ್ಳ ಚೆಲುವೆಯ ಪಾತ್ರವನ್ನು ಉತ್ತಮವಾಗಿ ನಿಭಾಯಿಸಿದ್ದಾರೆ; ಆದರೆ ಹಾಸ್ಯರಹಿತ ಸಂವಾದಗಳಿಂದ ಅತ್ಯಂತ ಗುಣಮಟ್ಟದ ಹಾಸ್ಯದ ವೇಳೆಯು ವ್ಯರ್ಥವಾಗುತ್ತಿದೆ' ಎಂದು USA ಟುಡೆ ಗಮನಸೆಳೆಯಿತು.
ಏತನ್ಮಧ್ಯೆ, 'ಮೊದಲನೆಯ ಚಿತ್ರದಲ್ಲಿದ್ದ ಮನರಂಜನಾ ಅಂಶಗಳೆಲ್ಲವನ್ನೂ ಈ ಎರಡನೆಯ ಭಾಗವು ಗಡುಸಾಗಿಸುತ್ತದೆ ಎಂದು Salon.com ನಿರ್ಣಯಿಸಿತು.[೪೬] ವಿಮರ್ಶಾಕಾರರು ಈ ಚಲನಚಿತ್ರಕ್ಕೆ ನಕಾರಾತ್ಮಕ ಪ್ರತಿಕ್ರಿಯೆ ನೀಡಿದರಾದರೂ, ಎರಡನೆಯ ಭಾಗವು ಬಿಡುಗಡೆಯಾದ ಮೊದಲ ಐದು ದಿನಗಳಲ್ಲಿ US ಗಲ್ಲಾಪೆಟ್ಟಿಗೆ ಪಟ್ಟಿಗಳಲ್ಲಿ $39 ದಶಲಕ್ಷ ಹಣ ಗಳಿಸಿ, USನಲ್ಲಿ $90 ದಶಲಕ್ಷ ಹಣ ಗಳಿಸಿತು.[೪೭] ಈ ಪಾತ್ರಕ್ಕಾಗಿ ರೀಸ್‌ರಿಗೆ $15 ದಶಲಕ್ಷ ಮೊತ್ತದ ಸಂಬಳದ ಚೆಕ್‌ ಲಭಿಸಿತು. ಹಾಲಿವುಡ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರಾಗುವತ್ತ 2002ರಲ್ಲಿ ಇದು ಮೊದಲ ಹೆಜ್ಜೆಯಾಯಿತು.[೧೭][೪೮][೪೯][೫೦]
19ನೆಯ ಶತಮಾನ ಕಾಲದ ಅತ್ಯುತ್ತಮ ಕಾದಂಬರಿ ವ್ಯಾನಿಟಿ ಫೇಯರ್‌ ರೂಪಾಂತರದ 2004ರಲ್ಲಿ ಮೀರಾ ನಾಯರ್‌ ನಿರ್ದೇಶಿಸಿದ ವ್ಯಾನಿಟಿ ಫೇಯರ್‌ ಚಲನಚಿತ್ರದಲ್ಲಿ ರೀಸ್ ವಿದರ್ಸ್ಪೂನ್ ನಟಿಸಿದರು. ಇದರಲ್ಲಿ ವಿದರ್ಸ್ಪೂನ್ ಪಾತ್ರ- ಬೆಕ್ಕಿ ಷಾರ್ಪ್‌- ಈ ಮಹಿಳೆಯ ಬಡತನದ ಬಾಲ್ಯವು ಅವಳನ್ನು ಮಹತ್ವಾಕಾಂಕ್ಷಿ ವ್ಯಕ್ತಿಯಾಗಿ ತಿರುಗಿಸಿ, ಅದೃಷ್ಟವನ್ನು ಅರಸಿಕೊಂಡು ಸಮಾಜದಲ್ಲಿ ಒಂದು ಸ್ಥಾನವನ್ನು ಪಡೆಯುವ ನಿರ್ದಯ ಸಂಕಲ್ಪವನ್ನು ಹೊಂದಿರುತ್ತಾಳೆ. ಈ ಚಲನಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಅವರು ಗರ್ಭಿಣಿಯಾಗಿದ್ದರು. ತಾವು ಗರ್ಭವತಿಯಾಗಿದ್ದನ್ನು ಮರೆಮಾಚಲು ಸೂಕ್ತವಾದ ಪೋಷಾಕುಗಳನ್ನು ಧರಿಸುತ್ತಿದ್ದರು.[೫೧] ಆಕೆಯ ನಟನೆಗೆ ಗರ್ಭದಾರಣೆ ತೊಡಕಾಗಿರಲಿಲ್ಲ, ಇದರ ಬದಲಿಗೆ ಬೆಕ್ಕಿ ಷಾರ್ಪ್‌ರ ಪಾತ್ರವನ್ನು ನಿಭಾಯಿಸಲು ಗರ್ಭದಾರಣೆ ಸ್ಥಿತಿಯು ನೆರವಾಯಿತು ಎಂದು ರೀಸ್ ನಂಬಿದರು. 'ಗರ್ಭಸ್ಥಿತಿಯು ತರುವಂತಹ ತೇಜಸ್ಸನ್ನು ನಾನು ಇಷ್ಟಪಟ್ಟಿರುವೆ. ಮೈತುಂಬಿಕೊಳ್ಳುವಿಕೆಯನ್ನು ಇಷ್ಟಪಡುವೆ, ದಷ್ಟಪುಷ್ಟ ಎದೆಯನ್ನೂ ಇಷ್ಟಪಡುವೆ - ಇದು ನನಗೆ ಪಾತ್ರದಲ್ಲಿ ಅಪಾರ ಖುಷಿ ನೀಡುತ್ತದೆ' ಎಂದರು ಅವರು ಹೇಳಿದರು.[೫೨][೫೩] ಚಲನಚಿತ್ರ ಹಾಗೂ ಅವರು ಪಾತ್ರವಹಿಸಿದ ಬೆಕ್ಕಿ ಷಾರ್ಪ್‌ ಒಳ್ಳೆಯ ವಿಮರ್ಶೆಗಳನ್ನು ಸಂಪಾದಿಸಿದವು. ದಿ ಹಾಲಿವುಡ್‌ ರಿಪೊರ್ಟರ್‌ ಬರೆದದ್ದು ಹೀಗೆ: 'ನಾಯರ್‌ರ ತಾರಾಬಳಗವು ಭವ್ಯವಾಗಿದೆ. ರೀಸ್ ವಿದರ್ಸ್ಪೂನ್ ತಮ್ಮ ಪಾತ್ರಕ್ಕೆ ತುಂಟತನಕ್ಕಿಂತ ಹೆಚ್ಚಾಗಿ ಪುನಶ್ಚೈತನ್ಯ ತುಂಬಿಸಿ ನ್ಯಾಯವೊದಗಿಸಿದ್ದಾರೆ.' [೫೪] ಇದೇ ಸಮಯ, ರೀಸ್‌ರ ನಟನೆಯನ್ನು ಶ್ಲಾಘಿಸಿದ ದಿ ಷಾರ್ಲಾಟ್‌ ಅಬ್ಸರ್ವರ್‌ 'ಮೃದುವಾದ ಅಂಚುಗಳನ್ನು ಹೊಂದಿರುವ ಅತ್ಯುತ್ತಮ ನಟನೆ' ಎಂದಿದೆ. 'ರೀಸ್ ವಿದರ್ಸ್ಪೂನ್ ಬೆಕ್ಕಿ ಷಾರ್ಪ್‌ ಪಾತ್ರ ಮಾಡಲೆಂದೇ ಹುಟ್ಟಿರುವಂತಿದೆ' ಎಂದು ಲಾಸ್ ಏಂಜೆಲೀಸ್‌ ಟೈಮ್ಸ್‌ ನಿರ್ಣಯಿಸಿತು.[೫೫][೫೬]
ವಾಕ್ ದಿ ಲೈನ್ ಹಾಗೂ ಅಲ್ಲಿಂದಾಚೆಗೆ (2005–ಇಂದಿನವರೆಗೆ)
[ಬದಲಾಯಿಸಿ]2004ರ ಅಪರಾರ್ಧದಲ್ಲಿ, ಭಾವಪ್ರಧಾನ ಹಾಸ್ಯ ಚಲನಚಿತ್ರ ಜಸ್ಟ್‌ ಲೈಕ್‌ ಹೆವೆನ್‌ ನಲ್ಲಿ ರೀಸ್ ವಿದರ್ಸ್ಪೂನ್ ಮಾರ್ಕ್‌ ರಫೆಲೊರೊಂದಿಗೆ ನಟಿಸಿದರು. ಎಲಿಜಬೆತ್‌ ಮಾಸ್ಟರ್ಸನ್‌ ಎಂಬ ಪಾತ್ರದಲ್ಲಿ ಮಹತ್ವಾಕಾಂಕ್ಷೆಯ ಯುವ ವೈದ್ಯೆಯಾಗಿರುತ್ತಾಳೆ. ಗಂಭೀರ ಕಾರ್‌ ಅಪಘಾತವೊಂದರಿಂದ ಪ್ರಜ್ಞಾಹೀನ ಸ್ಥಿತಿಯಲ್ಲಿರುತ್ತಾಳೆ. ಆಕೆಯ ಆತ್ಮವು ತನ್ನ ಹಳೆಯ ನಿವಾಸಕ್ಕೆ ವಾಪಸಾಗಿ, ಅಲ್ಲಿ ನಂತರ ಅವಳು ನೈಜ ಪ್ರೇಮವನ್ನು ಕಾಣುತ್ತಾಳೆ.[೫೭]
ಆ ವರ್ಷದ ಪೂರ್ವಾರ್ಧದಲ್ಲಿ, ವಾಕ್ ದಿ ಲೈನ್ ಚಲನಚಿತ್ರದಲ್ಲಿ ಗ್ರಾಮ್ಯ ಸಂಗೀತಗಾರ, ಹಾಡುಗಾರ ಮತ್ತು ಗೀತರಚನಾಕಾರ ಜಾನಿ ಕ್ಯಾಷ್‌ರ ಎರಡನೆಯ ಪತ್ನಿ ಜೂನ್ ಕಾರ್ಟರ್‌ ಕ್ಯಾಷ್‌ ಪಾತ್ರ ನಿರ್ವಹಿಸಲು ರೀಸ್ ವಿದರ್ಸ್ಪೂನ್ ಆಯ್ಕೆಯಾದರು. ಕಾರ್ಟರ್‌ ಕ್ಯಾಷ್‌ ಸತ್ತಾಗ ರೀಸ್ ವ್ಯಾನಿಟಿ ಫೇಯರ್‌ ಚಲನಚಿತ್ರಕ್ಕಾಗಿ ಚಿತ್ರೀಕರಣದಲ್ಲಿ ಮಗ್ನರಾಗಿದ್ದ ಕಾರಣ ಕಾರ್ಟರ್‌ ಕ್ಯಾಷ್‌ರನ್ನು ಮುಖತಃ ಭೇಟಿ ಮಾಡುವ ಅವಕಾಶ ಅವರಿಗೆ ಸಿಗಲೇ ಇಲ್ಲ.[೪] ಈ ಚಲನಚಿತ್ರದಲ್ಲಿ ರೀಸ್ ತಮ್ಮದೇ ಧ್ವನಿ ನೀಡಿದರು. ನೇರ ಪ್ರೇಕ್ಷಕರ ಸಮ್ಮುಖದಲ್ಲಿ ಅವರು ಹಾಡುಗಳನ್ನು ನಿರ್ವಹಿಸಬೇಕಿತ್ತು. ತಾವು ನೇರ ಪ್ರದರ್ಶನ ನೀಡಬೇಕಾಗಿರುವುದು ರೀಸ್‌ಗೆ ಅರಿವಾದಾಗ, ಬಹಳ ತಳಮಳಗೊಂಡ ಅವರು ಈ ಚಲನಚಿತ್ರದ ಕರಾರನ್ನು ಅಂತ್ಯಗೊಳಿಸಲು ತಮ್ಮ ವಕೀಲರಿಗೆ ಸಲಹೆ ನೀಡಿದ್ದರು.[೫೮] ಆನಂತರ, ಸಂದರ್ಶನವೊಂದರಲ್ಲಿ, 'ಪಾತ್ರದ ಅತ್ಯಂತ ಸವಾಲಿನ ಭಾಗವಾಗಿತ್ತದು. ನಾನು ವೃತಿಪರವಾಗಿ ಎಂದೂ ಹಾಡಿರಲಿಲ್ಲ' ಎಂದು ರೀಸ್ ಹೇಳಿದರು.[೫೯] ನಂತರ, ಅವರು ಆರು ತಿಂಗಳ ಕಾಲ ಈ ಪಾತ್ರಕ್ಕಾಗಿ ಹಾಡುವುದರ ತಾಲೀಮು ನಡೆಸಬೇಕಾಯಿತು.[೫೮][೬೦] ಕಾರ್ಟರ್‌ ಕ್ಯಾಷ್‌ರ ಪಾತ್ರ ನಿರ್ವಹಿಸಿದ ರೀಸ್ ವಿದರ್‌ಸ್ಪೂನ್‌ರಿಗೆ ವಿಮರ್ಶಕರಿಂದ ಒಳ್ಳೆಯ ಅಭಿಪ್ರಾಯ ಲಭಿಸಿತು. ರೀಸ್‌ರ ನಟನೆಯು ಚಲನಚಿತ್ರಕ್ಕೆ 'ಅನಂತ ಚೈತನ್ಯ' ನೀಡಿತು ಎಂದು ರೊಜರ್‌ ಎಬರ್ಟ್‌ ಬರೆದಿದ್ದಾರೆ.[೬೧] ಈ ನಟನೆಗಾಗಿ ರೀಸ್ ಹಲವು ಪ್ರಶಸ್ತಿ ಗಳಿಸಿದರು. ಇದರಲ್ಲಿ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿ, ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್, BAFTA ಪ್ರಮುಖ ಪಾತ್ರದಲ್ಲಿ ಅತ್ಯುತ್ತಮ ನಟನೆಗಾಗಿ ಅಕ್ಯಾಡಮಿ ಪ್ರಶಸ್ತಿ‌ಗಳಿಸಿದರು. ಚಲನಚಿತ್ರೋದ್ಯಮದಲ್ಲಿ ವಿಮರ್ಶಾತ್ಮಕ ಯಶಸ್ಸಿನ ಜೊತೆಗೆ, ರೀಸ್ ವಿದರ್ಸ್ಪೂನ್ ಮತ್ತು ಅವರ ವಾಕ್ ದಿ ಲೈನ್ ಚಲನಚಿತ್ರದ ಸಹ-ನಟ ಜೋಕ್ವಿನ್‌ ಫೀನಿಕ್ಸ್‌ CMT ಮ್ಯೂಸಿಕ್‌ ಪ್ರಶಸ್ತಿಗಳಿಂದ 'ವರ್ಷದ ಸಹಯೋಗದ ವೀಡಿಯೊ' ನಾಮನಿರ್ದೇಶನವನ್ನೂ ಗಳಿಸಿದರು.[೬೨][೬೩] ಈ ಚಲನಚಿತ್ರದ ಕುರಿತು ರೀಸ್ ಬಹಳ ಉತ್ಸಾಹ ವ್ಯಕ್ತಪಡಿಸಿ: 'ಇದು ವಾಸ್ತವಿಕ ದೃಷ್ಟಿಯಿಂದ ಕೂಡಿರುವುದರಿಂದ ಹಾಗೂ ನಿಷಿದ್ಧ ಆಲೋಚನೆಗಳು ಮತ್ತು ತಪ್ಪುಮಾಡುವ ಸಂಭವವಿರುವ ಒಂದು ರೀತಿಯ ನೈಜ ವಿವಾಹ, ನೈಜ ಸಂಬಂಧವನ್ನು ಬಿಂಬಿಸುತ್ತಾದ್ದರಿಂದ ನಾನು ಈ ಚಿತ್ರವನ್ನು ನಿಜವಾಗಲೂ ಇಷ್ಟಪಡುತ್ತೇನೆ. ಸಮಸ್ಯೆಗಳಿಗೆ ಲಘುವಾದ, ಸುಲಭದ ಪರಿಹಾರಗಳನ್ನಷ್ಟೇ ಅಲ್ಲ, ದೀರ್ಘಾವಧಿಯಲ್ಲಿ ಇದು ಸಹಾನುಭೂತಿಯ ಬಗ್ಗೆಯೂ ಸಾರುತ್ತದೆ.' [೬೪] ರೀಸ್ ಜೂನ್ ಕಾರ್ಟರ್‌ ಕ್ಯಾಷ್‌ ಬಗ್ಗೆಯೂ ಮಾತನಾಡಿದರು. ಜೂನ್ ಕ್ಯಾಷ್‌ ತಮ್ಮ ಕಾಲವನ್ನು ಮೀರಿದ ಮಹಿಳೆಯಾಗಿದ್ದರೆಂದು ಭಾವಿಸುವುದಾಗಿ ಹೇಳಿದರು. 'ಅವರ ಪಾತ್ರದ ಬಗ್ಗೆ ನಿಜವಾಗಲೂ ಗಮನಾರ್ಹ ವಿಷಯವೇನೆಂದರೆ ನಾವು 1950ರ ದಶಕಗಳಲ್ಲಿ ಸಾಮಾನ್ಯ ಸಂಗತಿಗಳ ರೀತಿ ಕಾಣುವಂತೆ ಎಲ್ಲ ಕೆಲಸಗಳನ್ನು ಅವರು ಮಾಡಿರುವುದು. ಆ ಕಾಲದಲ್ಲಿ ಮಹಿಳೆಯೊಬ್ಬಳು ಎರಡು ಬಾರಿ ಮದುವೆ-ವಿಚ್ಛೇದನಗಳಾಗಿ, ಇಬ್ಬರು ವಿಭಿನ್ನ ಪತಿಗಳಿಂದ ಇಬ್ಬರು ವಿಭಿನ್ನ ಮಕ್ಕಳನ್ನು ಪಡೆದು, ಸ್ವತಃ ಅತ್ಯಂತ ಖ್ಯಾತ ಸಂಗೀತಗಾರರಿಂದ ತುಂಬಿದ ಕಾರಿನಲ್ಲಿ ಸುತ್ತಾಡುವುದು ನಿಜವಾಗಲೂ ಸಹಿಸಿಕೊಳ್ಳಲು ಸಾಧ್ಯವಿರಲಿಲ್ಲ. ಅವರು ಯಾವುದೇ ಸಾಮಾಜಿಕ ಸಂಪ್ರದಾಯಕ್ಕೆ ಒಗ್ಗಿಕೊಳ್ಳಲು ಯತ್ನಿಸಲಿಲ್ಲ. ಹಾಗಾಗಿ ಬಹಳ ಆಧುನಿಕ ಕಾಲದ ಮಹಿಳೆಯನ್ನಾಗಿ ಅವರನ್ನು ಮಾಡಿದೆಯೆಂದು ನಾನು ಭಾವಿಸಿರುವೆ.' [೬೪]
ಆಸ್ಕರ್ ಪ್ರಶಸ್ತಿ ಗಳಿಸಿದ ನಂತರ, ತಮ್ಮ ಮೊದಲನೆಯ ಆಧುನಿಕ ದಿನದ ಯಕ್ಷಿಣಿ ಕಥೆ ಪೆನೆಲೋಪ್‌ ನಲ್ಲಿ ಕ್ರಿಸ್ಟೀನಾ ರಿಕ್ಸಿ ಜತೆ ನಟಿಸಿದ್ದರು.
ತನ್ನ ಕುಟುಂಬದಲ್ಲಿ ಶಾಪಗ್ರಸ್ಥಳಾದ ಪೆನೆಲೋಪ್‌ ಎಂಬ ಹುಡುಗಿಯ ಆಪ್ತಸ್ನೇಹಿತೆ ಆನೀಗೆ ಪೋಷಕಪಾತ್ರವನ್ನು ವಿದರ್ಸ್ಪೂನ್ ನಿರ್ವಹಿಸಿದ್ದರು. ರೀಸ್ ವಿದರ್ಸ್ಪೂನ್ ಸ್ವಾಮ್ಯದಲ್ಲಿರುವ ಟೈಪ್‌ ಎ ಫಿಲ್ಮ್ಸ್‌ ಈ ಚಲನಚಿತ್ರವನ್ನು ನಿರ್ಮಿಸಿತ್ತು. 2006 ಟೊರೊಂಟೊ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಈ ಚಲನಚಿತ್ರದ ಪ್ರಥಮಪ್ರದರ್ಶನವಾಯಿತು.[೫೮][೬೫] ಪೆನೆಲೋಪ್‌ ಚಲನಚಿತ್ರದ ಬಿಡುಗಡೆಯ ದಿನಾಂಕವನ್ನು ಎರಡು ಬಾರಿ ಮುಂದೂಡಲಾಗಿತ್ತು. ಆನಂತರ ಫೆಬ್ರುವರಿ 2008ರಲ್ಲಿ ಬಿಡುಗಡೆಗೊಳ್ಳಲು ಸಜ್ಜಾಗಿತ್ತು.[೬೬][೬೭]
ನವೆಂಬರ್‌ 2006ರಲ್ಲಿ ವಿದರ್ಸ್ಪೂನ್ ಪುನಃ ಕ್ಯಾಮೆರಾದ ಮುಂದೆ ವಾಪಸಾದರು. ರಾಜಕೀಯ ರೋಮಾಂಚಕ ಕಥಾವಸ್ತುವನ್ನು ಹೊಂದಿದ ಚಲನಚಿತ್ರ ರೆಂಡಿಷನ್‌ ಗಾಗಿ ಚಿತ್ರೀಕರಣ ಆರಂಭವಾಯಿತು. ಮೆರಿಲ್‌ ಸ್ಟ್ರೀಪ್‌, ಅಲ್ಯಾನ್‌ ಆರ್ಕಿನ್‌, ಪೀಟರ್‌ ಸಾರ್ಸ್‌ಗಾರ್ಡ್‌, ಮತ್ತು ಜೇಕ್‌ ಗಿಲೆನ್ಹಾಲ್‌ರೊಂದಿಗೆ ನಟಿಸಿದ ವಿದರ್ಸ್ಪೂನ್ ಬಾಂಬ್‌ ಸ್ಫೋಟದ ಆರೋಪಿಯ ಗರ್ಭಿಣಿ ಪತ್ನಿ ಇಸಬೆಲ್ಲಾ ಅಲ್‌-ಇಬ್ರಾಹಿಮ್ ಪಾತ್ರ ನಿರ್ವಹಿಸಿದರು. ರೆಂಡಿಷನ್‌ ಚಲನಚಿತ್ರವು ಅಕ್ಟೋಬರ್‌ 2007ರಲ್ಲಿ ಬಿಡುಗಡೆಗೊಂಡಿತು. 2005ರಲ್ಲಿ ವಾಕ್ ದಿ ಲೈನ್ ಬಿಡುಗಡೆಗೊಂಡ ಬಳಿಕ ಎರಡು ವರ್ಷಗಳಲ್ಲಿ ಇದೇ ಅವರ ಮೊದಲ ಚಲನಚಿತ್ರವಾಗಿತ್ತು.[೬೮] ಈ ಚಲನಚಿತ್ರವು ಬಹುತೇಕ ನಕಾರಾತ್ಮಕ ವಿಮರ್ಶೆಗಳನ್ನು ಗಳಿಸಿತ್ತು. ಟೊರೊಂಟೊ ಚಲನಚಿತ್ರೋತ್ಸವದಲ್ಲಿ ಈ ಚಲನಚಿತ್ರ ನಿರಾಶಾದಾಯಕ ಎಂದು ಪರಿಗಣಿಸಲಾಯಿತು.[೬೯] ರೀಸ್ ವಿದರ್‌ಸ್ಪೂನ್‌ರ ನಟನೆಯೂ ಟೀಕೆಗೊಳಗಾಯಿತು: 'ವಿದರ್ಸ್ಪೂನ್ ನಿಸ್ತೇಜವಾಗಿ ನಟಿಸಿರುವುದು ಅಚ್ಚರಿಯ ಸಂಗತಿ. ಸಾಮಾನ್ಯವಾಗಿ ತಮ್ಮ ಪಾತ್ರಗಳಿಗೆ ಶಕ್ತಿ ಮತ್ತು ಜೀವ ತುಂಬುವ ಅವರ ಪಾತ್ರ ಇಲ್ಲಿ ಕಳೆಗುಂದಿದಂತೆ ಕಂಡಿದೆ' ಎಂದು USA ಟುಡೆ ಬರೆಯಿತು.[೭೦] ಡಿಸೆಂಬರ್‌ 2007ರಲ್ಲಿ, ನಟ ವಿನ್ಸ್‌ ವಾನ್‌ರೊಂದಿಗೆ ರೀಸ್ ಫೋರ್‌ ಕ್ರಿಸ್ಮಸಸ್‌ ಎಂಬ ರಜಾ ಹಾಸ್ಯ ಚಿತ್ರಕ್ಕಾಗಿ ಚಿತ್ರೀಕರಣ ಆರಂಭಿಸಿದರು. ಕ್ರಿಸ್ಮಸ್‌ ದಿನವನ್ನು ಕಳೆಯಲು ತಮ್ಮ ಎಲ್ಲಾ ನಾಲ್ವರೂ ವಿಚ್ಛೇದಿತ ಹೆತ್ತವರನ್ನು ಭೇಟಿಯಾಗಲು ಯತ್ನಿಸುವ ದಂಪತಿಯ ಕಥೆಯನ್ನು ಹೊಂದಿರುವ ಈ ಚಿತ್ರದಲ್ಲಿ ಅವರು ವಿನ್ಸ್‌ ವಾಗನ್ ಜತೆ ನಟಿಸಿದರು.[೭೧] ಈ ಚಲನಚಿತ್ರವು ನವೆಂಬರ್‌ 2008ರಲ್ಲಿ ಬಿಡುಗಡೆಯಾಯಿತು. ವಿಮರ್ಶಕರಿಂದ ಸಾಮಾನ್ಯ ಪರಾಮರ್ಶೆಗಳಿಗೆ ಒಳಗಾದರೂ ಈ ಚಲನಚಿತ್ರವು ಗಲ್ಲಾಪೆಟ್ಟಿಗೆ ಯಶಸ್ಸು ಗಳಿಸಿತು. ದೇಶೀಯವಾಗಿ ಇದು 120 ದಶಲಕ್ಷ US ಡಾಲರ್‌ ಹಣ ಗಳಿಸಿತು. ವಿಶ್ವಾದ್ಯಂತ US$157 ದಶಲಕ್ಷ ಹಣ ಗಳಿಸಿತು.[೭೨]
2009ರಲ್ಲಿ ವಿದರ್ಸ್ಪೂನ್ ಮೊದಲ ಬಾರಿಗೆ ಭೀತಿಹುಟ್ಟಿಸುವ ಪ್ರಕಾರದ ಚಲನಚಿತ್ರವನ್ನು ಆವರ್‌ ಫ್ಯಾಮಿಲಿ ಟ್ರಬಲ್ಸ್‌ ಪಾತ್ರದ ಮೂಲಕ ನಿರ್ವಹಿಸುವರೆಂದು ಘೋಷಿಸಲಾಯಿತು. ಲೀಗಲ್ಲಿ ಬ್ಲೋಂಡ್‌ 2 ನ ಸಹನಿರ್ಮಾಪಕಿ ಜೆನಿಫರ್‌ ಸಿಂಪ್ಸನ್‌ರ ಸಹಯೋಗದೊಂದಿಗೆ, 'ಟೈಪ್‌ ಎ' ಬ್ಯಾನರ್‌ನಲ್ಲಿ, ಈ ಚಲನಚಿತ್ರವನ್ನು ನಿರ್ಮಿಸಲಿದ್ದಾರೆ.[೭೩] ಕಂಪ್ಯೂಟರ್‌-ಆನಿಮೇಟೆಡ್‌ 3-D ಚಲನಚಿತ್ರ ಮಾನ್ಸ್ಟರ್ಸ್‌ ವರ್ಸಸ್‌ ಏಲಿಯೆನ್ಸ್‌ ನ ಪ್ರಮುಖ ಪಾತ್ರ ಸೂಸಾನ್‌ ಮರ್ಫಿಗಾಗಿ ರೀಸ್ ವಿದರ್ಸ್ಪೂನ್ ಧ್ವನಿದಾನ ಮಾಡಿದರು. ಡ್ರೀಮ್ವರ್ಕ್ಸ್‌ ಆನಿಮೇಷನ್ ನಿರ್ಮಾಣದ ಈ ಚಲನಚಿತ್ರವು 29 ಮಾರ್ಚ್ 2009ರಂದು ಬಿಡುಗಡೆಗೊಂಡಿತು.[೭೪]
ಪಿಕ್ಸಾರ್‌ ಆನಿಮೇಷನ್ ಸ್ಟೂಡಿಯೊಸ್‌ ನಿರ್ಮಾಣದ ದಿ ಬೇರ್‌ ಅಂಡ್‌ ದಿ ಬೋ ಎಂಬ ಕಂಪ್ಯೂಟರ್‌ ಆನಿಮೇಟಡ್ 3-D ಚಲನಚಿತ್ರದಲ್ಲಿ ಧ್ವನಿದಾನ ಮಾಡುವುದು ಅವರ ಮುಂದಿನ ಯೋಜನೆಗಳಲ್ಲಿ ಸೇರಿದೆ. ವಾಲ್ಟ್‌ ಡಿಸ್ನಿ ಪಿಕ್ಚರ್ಸ್‌ ವಿತರಣೆಯ ಈ ಚಲನಚಿತ್ರವು 2011ರ ಕ್ರಿಸ್ಮಸ್‌ ಹಬ್ಬದಂದು ಬಿಡುಗಡೆಗೊಳ್ಳಲು ನಿಗದಿಯಾಗಿದೆ.[೭೫] ವಿದರ್ಸ್ಪೂನ್ ಮುಂಬರುವ ಇನ್ನೊಂದು ಚಲನಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಅದು 1939ರಲ್ಲಿ ಬಿಡುಗಡೆಯಾದ ಮಿಡ್ನೈಟ್‌ ಎಂಬ ಹಾಸ್ಯ ಚಲನಚಿತ್ರದ ಮರುನಿರ್ಮಾಣ ಆಗಲಿದೆ. ಯೂನಿವರ್ಸಲ್‌ ಪಿಕ್ಚರ್ಸ್‌ ನಿರ್ಮಿಸಲಿರುವ ಈ ಚಲನಚಿತ್ರಕ್ಕೆ ಮೈಕಲ್‌ ಆರ್ನ್‌ಡ್ಟ್‌ ಚಿತ್ರಕಥೆ ನೀಡಲಿದ್ದಾರೆ.[೭೬]
ಇತರೆ ಯೋಜನೆಗಳು
[ಬದಲಾಯಿಸಿ]ರೀಸ್ ವಿದರ್ಸ್ಪೂನ್ 'ಟೈಪ್‌ ಎ ಫಿಲ್ಮ್ಸ್‌' ಎಂಬ ಚಲನಚಿತ್ರ ನಿರ್ಮಾಣ ಸಂಸ್ಥೆಯ ಒಡತಿ. ಬಾಲ್ಯದಅವರ ಉಪನಾಮ 'ಲಿಟ್ಲ್‌ ಮಿಸ್‌ ಟೈಪ್‌ ಎ' ಹೆಸರನ್ನು ಕಂಪೆನಿಗೆ ಇಡಲಾಗಿತ್ತು ಎಂದು ಮಾಧ್ಯಮವು ನಂಬಿತ್ತು.[೧೮][೭೭] ಆದರೆ, ಇಂಟರ್ವ್ಯೂ ಪತ್ರಿಕೆಯು ಕಂಪೆನಿಯ ಕುರಿತು ರಿದರ್‌ಸ್ಪೂನ್ ಅವರಲ್ಲಿ ಮಾಹಿತಿ ಕೇಳಿದಾಗ, ಅವರು ಹೆಸರಿನ ಮೂಲದ ಬಗ್ಗೆ ಸ್ಪಷ್ಟೀಕರಣ ನೀಡಿದರು: 'ನನ್ನ ಹೆಸರನ್ನೇ ಇಟ್ಟಿರುವೆ ಎಂದು ಜನರು ಭಾವಿಸಿದ್ದಾರೆ... ನಿಜವೇನೆಂದರೆ, ಅದು ನಮ್ಮ ಕುಟುಂಬದವರೊಂದಿಗಿನ ಒಂದು ಒಳ-ನಗೆಹನಿ. ಟೈಪ್‌ ಎ ಮತ್ತು ಟೈಪ್‌ ಬಿ ವ್ಯಕ್ತಿತ್ವಗಳ ನಡುವಿನ ವ್ಯತ್ಯಾಸ ಸೇರಿದಂತೆ, ಕ್ಲಿಷ್ಟವಾದ ವೈದ್ಯಕೀಯ ಪದಗಳು ಏಳನೆಯ ವಯಸ್ಸಿನಲ್ಲೇ ನನಗೆ ಅರ್ಥವಾಗುತ್ತಿದ್ದವು. ಆದರೆ ನಾನು ಸಂಸ್ಥೆಗೆ ಡಾಗ್ಫುಡ್‌ ಫಿಲ್ಮ್ಸ್‌ ಅಥವಾ ಫೊರ್ಕ್‌ ಅಥವಾ ಮತ್ತ್ಯಾವುದೋ ಹೆಸರಿಡಲು ಇಚ್ಛಿಸಿದ್ದೆ. ಜೀವಮಾನವಿಡೀ ನೀವು ಈ ಭಾವನೆಗಳನ್ನು ಒಯ್ಯುತ್ತೀರಿ.'[೪]
ಶಿಕ್ಷಣ, ಆರೋಗ್ಯಕ್ಷೇತ್ರ ಮತ್ತು ತುರ್ತುಸಹಾಯಗಳ ಮೂಲಕ ವಿಶ್ವಾದ್ಯಂತ ಮಕ್ಕಳಿಗೆ ನೆರವು ನೀಡುವ ಸೇವ್‌ ದಿ ಚಿಲ್ಡ್ರನ್‌ ಸಂಸ್ಥೆಗೆ ರೀಸ್ ದೀರ್ಘಕಾಲದ ಬೆಂಬಲಿಗರಾಗಿದ್ದಾರೆ.[೭೮] ಶಿಶುಕಲ್ಯಾಣ ಮತ್ತು ಸಂಶೋಧನಾ ಸಂಘಟನೆ 'ಚಿಲ್ಡ್ರನ್ಸ್‌ ಡಿಫೆನ್ಸ್‌ ನಿಧಿ' ಆಡಳಿತ ಮಂಡಳಿಯಲ್ಲಿ ಕೂಡ ಅವರು ಸೇವೆ ಸಲ್ಲಿಸುತ್ತಿದ್ದಾರೆ.[೭೮] CDF ಯೋಜನೆಯಡಿ,2006ರಲ್ಲಿ, ಚಂಡಮಾರುತ ಕತ್ರಿನಾಸಂತ್ರಸ್ತರ ಅಗತ್ಯಗಳ ಬಗ್ಗೆ ಗಮನಸೆಳೆಯಲುಲೂವಿಸಿಯಾನಾದ ನ್ಯೂ ಆರ್ಲಿಯನ್ಸ್‌ಗೆ ತೆರಳಿದ ನಟಿಯರ ಸಮೂಹದಲ್ಲಿ ಇವರೂ ಒಬ್ಬರಾಗಿದ್ದರು.[೭೯]
ಈ ಪ್ರವಾಸದಲ್ಲಿ ಅವರು ಮಕ್ಕಳನ್ನು ಭೇಟಿಯಾಗಿ ಮಾತನಾಡಿಸಿ, ನಗರದ ಮೊದಲ ಫ್ರೀಡಮ್‌ ಸ್ಕೂಲ್‌ನ ಸ್ಥಾಪನೆಗೆ ಸಹಾಯ ಮಾಡಿದರು.[೮೦] ಇದು ಮರೆಯಲಾಗದ ಒಂದು ಅನುಭವ ಎಂದು ವಿದರ್ಸ್ಪೂನ್ ಹೇಳಿದರು.[೮೦]
2007ರಲ್ಲಿ ಅವರು ಜಾಹೀರಾತುಗಳ ಒಪ್ಪಂದಗಳಿಗೆ ಪದಾರ್ಪಣೆ ಮಾಡಿದರು. ಏವನ್‌ ಪ್ರಾಡಕ್ಟ್ಸ್‌ ಎಂಬ ಸೌಂದರ್ಯವರ್ಧಕ ತಯಾರಕರಿಗಾಗಿ ಮೊದಲ ಜಾಗತಿಕ ರಾಯಭಾರಿಯಾಗಿ ಸೇವೆ ಸಲ್ಲಿಸಲು ಬಹುವರ್ಷೀಯ ಕರಾರಿಗೆ ಸಹಿ ಹಾಕಿದರು.[೭೮][೮೧] ಏವನ್‌ ಉದ್ದಿಮೆಯ ಸೌಂದರ್ಯವರ್ಧಕ ಉತ್ಪನ್ನಗಳಿಗಾಗಿ ಅವರು ವಕ್ತಾರೆಯಾಗಿದ್ದಾರೆ. ಇಷ್ಟೇ ಅಲ್ಲದೆ, ಮಹಿಳೆಯರಿಗೆ ಬೆಂಬಲ ನೀಡುವ ದಾನಧರ್ಮ ಸಂಘಟನೆ, ಸ್ತನದ ಕ್ಯಾನ್ಸರ್‌ ಸಂಶೋಧನೆ ಹಾಗೂ ಕೌಟುಂಬಿಕ ಹಿಂಸೆಗಳನ್ನು ತಡೆಗಟ್ಟಲು ಗಮನವಹಿಸಿರುವಏವನ್‌ ಫೌಂಡೇಷನ್‌ ನ ಗೌರವಾನ್ವಿತ ಅಧ್ಯಕ್ಷೆಯಾಗಿ ರೀಸ್ ವಿದರ್ಸ್ಪೂನ್ ಕಾರ್ಯನಿರ್ವಹಿಸುತ್ತಿದ್ದಾರೆ.[೮೨][೮೩] ಸೌಂದರ್ಯವರ್ಧಕಗಳ ಉತ್ಪನ್ನ ಅಭಿವೃದ್ಧಿ ಹಾಗೂ ವಾಣಿಜ್ಯ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳಲು ರೀಸ್ ಬದ್ಧರಾಗಿದ್ದರು.[೮೨] ಈ ಸಂಸ್ಥೆಗೆ ಸೇರುವ ಪ್ರೇರೇಪಣೆಗಳನ್ನು ವಿವರಿಸಿದ ವಿದರ್ಸ್ಪೂನ್, "ಒಬ್ಬ ಮಹಿಳೆ ಹಾಗೂ ತಾಯಿಯಾದ ನನಗೆ, ವಿಶ್ವಾದ್ಯಂತ ಇತರೆ ಮಹಿಳೆಯರು ಹಾಗೂ ಮಕ್ಕಳ ಬಗ್ಗೆ ತೀವ್ರ ಕಾಳಜಿಯಿದೆ. ಇಷ್ಟು ವರ್ಷಗಳ ಕಾಲ ನಾನು ಮಹತ್ವದ್ದನ್ನು ಸಾಧಿಸುವುದಕ್ಕಾಗಿ ಸದಾ ಅವಕಾಶಗಳಿಗಾಗಿ ಕಾಯುತ್ತಿದ್ದೆ" ಎಂದು ವಿವರಿಸಿದರು.[೮೨]
ಮಾಧ್ಯಮಗಳಲ್ಲಿ
[ಬದಲಾಯಿಸಿ]ಲೀಗಲ್ಲಿ ಬ್ಲೋಂಡ್‌ ಚಲನಚಿತ್ರದ ಯಶಶ್ವಿ ಬಿಡುಗಡೆ ನಂತರ, 29 ಸೆಪ್ಟೆಂಬರ್‌ 2001ರಂದು ವಿದರ್ಸ್ಪೂನ್ ಸ್ಯಾಟರ್ಡೇ ನೈಟ್‌ ಲೈವ್‌ ಕಾರ್ಯಕ್ರಮದ ಆತಿಥ್ಯ ವಹಿಸಿಕೊಂಡರು.[೮೪]
2005ರಲ್ಲಿ, ಟೀನ್‌ ಪೀಪಲ್‌ ಪತ್ರಿಕೆಯ ಅತಿ ಪ್ರಭಾವೀ ಕಿರಿಯ ಹಾಲಿವುಡ್‌ ನಟ-ನಟಿಯರ ಪಟ್ಟಿಯಲ್ಲಿ ರೀಸ್ ಐದನೆಯ ಸ್ಥಾನ ಗಳಿಸಿಕೊಂಡರು.[೮೫] 2006ರಲ್ಲಿ, ಟೈಮ್‌ ಪತ್ರಿಕೆಯು ಪ್ರತಿ ವರ್ಷವೂ ಆಯ್ಕೆ ಮಾಡುವ ಟೈಮ್‌ 100 ವಿಶ್ವದ ಅತ್ಯಂತ ಪ್ರಭಾವೀ ವ್ಯಕ್ತಿಗಳ ಪಟ್ಟಿಯಲ್ಲಿ ರೀಸ್ ಸೇರ್ಪಡೆಯಾದರು.[೮೬] ಅವರ ಬಗೆಗಿನ ಲೇಖನವನ್ನು ಸ್ನೇಹಿತ ಮತ್ತು ಲೀಗಲ್ಲಿ ಬ್ಲೋಂಡ್‌ ಎರಡೂ ಚಲನಚಿತ್ರಗಳಲ್ಲಿನ ಸಹನಟ ಲೂಕ್‌ ವಿಲ್ಸನ್‌ ಬರೆದರು.[೮೭]
ಇದೇ ವರ್ಷ, ಫಾರ್‌ ಹಿಮ್‌ ಪತ್ರಿಕೆ ಯ ಓದುಗರು ಅವರನ್ನು "ವಿಶ್ವದ 100 ಅತಿ 'ಲೈಂಗಿಕಾರ್ಷಣೆಯ' ಮಹಿಳೆಯರ" ಪೈಕಿ ಒಬ್ಬರು ಎಂದು ಕೂಡ ಆಯ್ಕೆ ಮಾಡಿದರು.[೮೮] ಫೋರ್ಬ್ಸ್‌ ಪತ್ರಿಕೆಯ ವಾರ್ಷಿಕ ಸಂಚಿಕೆಗಳ ಸೆಲೆಬ್ರಿಟಿ 100 ಪಟ್ಟಿಯಲ್ಲಿ 2006 ಮತ್ತು 2007ರಲ್ಲಿ ಅವರು ಕ್ರಮವಾಗಿ 75 ಮತ್ತು 80ನೆಯ ಸ್ಥಾನ ಗಳಿಸಿದರು.[೮೯][೯೦] ಇಷ್ಟೇ ಅಲ್ಲದೆ, ಫೋರ್ಬ್ಸ್‌ ಪತ್ರಿಕೆಯು ಅವರು ತೆರೆಯ ಮೇಲೆ ನಿರ್ವಹಿಸಿದ ಪಾತ್ರಗಳಿಗೆ ಅನುಗುಣವಾಗಿ ನಂಬಿಕಸ್ಥ ಖ್ಯಾತನಾಮರ ಪಟ್ಟಿಯಲ್ಲಿ ಅವರನ್ನು ಆಗ್ರಸ್ಥಾನದಲ್ಲಿ ಇರಿಸಿತು.[೯೧]
ರೀಸ್ ವಿದರ್ಸ್ಪೂನ್ ತಮ್ಮ ಮೂರನೆಯ ಶಿಶುವಿನೊಂದಿಗೆ ಗರ್ಭಿಣಿಯಾಗಿದ್ದಾರೆ ಎಂದು ಸ್ಟಾರ್‌ ಪತ್ರಿಕೆ 2006ರಲ್ಲಿ ಕಥೆಯನ್ನು ಕಟ್ಟಿತ್ತು. ರೀಸ್ ಈ ಪತ್ರಿಕೆಯ ಮಾತೃ ಸಂಸ್ಥೆ ಅಮೆರಿಕನ್‌ ಮೀಡಿಯಾ ಇಂಕ್ ವಿರುದ್ಧ ಖಾಸಗಿ ಜೀವನದಲ್ಲಿ ಹಸ್ತಕ್ಷೇಪ ಕುರಿತು ಲಾಸ್ ಏಂಜೆಲೀಸ್‌ ಸುಪೀರಿಯರ್‌ ಕೋರ್ಟ್‌ನಲ್ಲಿ ಮೊಕದ್ದಮೆ ಹೂಡಿದರು.[೯೨]
ನಮೂದಿಸಿರದ ಸಾಮಾನ್ಯ ಮತ್ತು ದಂಡನೆಯ ಹಾನಿಗಳನ್ನು ತುಂಬಿಕೊಡಬೇಕೆಂದು ದಾವೆಯಲ್ಲಿ ಅವರು ಕೋರಿದರು. ಈ ವರದಿಯಿಂದ ತನ್ನ ವರ್ಚಸ್ಸಿಗೆ ಹಾನಿಯಾಗಿದೆ. ಏಕೆಂದರೆ ಮುಂಬರುವ ಚಿತ್ರಗಳ ನಿರ್ಮಾಪಕರಿಂದ ತಾನು ಸುದ್ದಿಯನ್ನು ಬಚ್ಚಿಡುತ್ತಿದ್ದೇನೆಂಬ ಭಾವನೆಯನ್ನು ಅದು ಮೂಡಿಸಿದೆ.[೯೩]
ಪೀಪಲ್‌ ಪತ್ರಿಕೆಯ ವಾರ್ಷಿಕ "100 ಅತಿ ಸುಂದರಿ" ಸಂಚಿಕೆಗಳಲ್ಲಿ ವಿದರ್ಸ್ಪೂನ್ ನಾಲ್ಕು ಬಾರಿ ಕಾಣಿಸಿಕೊಂಡಿದ್ದಾರೆ.[೯೪]
2007ರಲ್ಲಿ, ಪೀಪಲ್‌ ಹಾಗೂ ಮನರಂಜನಾ ವಾರ್ತಾ ಕಾರ್ಯಕ್ರಮ ಅಕ್ಸೆಸ್‌ ಹಾಲಿವುಡ್‌ ನಿಂದ ವರ್ಷದ ಅತ್ಯುತ್ತಮ ಉಡುಗೆ ಧರಿಸಿದ ನಟಿಯರಲ್ಲಿ ಒಬ್ಬಳಾಗಿ ರಿದರ್‌ಸ್ಪೂನ್ ಆಯ್ಕೆಯಾದರು.[೯೫][೯೬] ಇ-ಪೋಲ್‌ ಮಾರುಕಟ್ಟೆ ಸಂಶೋಧನೆ ನಡೆಸಿದ ಅಧ್ಯಯದ ಪ್ರಕಾರ, ರೀಸ್ ವಿದರ್ಸ್ಪೂನ್ 2007 ಇಸವಿಯ ಅತಿ ಇಷ್ಟವಾಗಬಲ್ಲ ಮಹಿಳಾ ಖ್ಯಾತನಾಮ ವ್ಯಕ್ತಿಯೆಂದು ತೋರಿಸಿತು.[೯೭] ಅದೇ ವರ್ಷ, ಅಮೆರಿಕದ ಚಲನಚಿತ್ರೋದ್ಯಮದಲ್ಲಿ ರೀಸ್ ವಿದರ್ಸ್ಪೂನ್ ಅತಿ ಹೆಚ್ಚು ಸಂಭಾವನೆ ಪಡೆದ ನಟಿಯೆನಿಸಿ, ಪ್ರತಿ ಚಲನಚಿತ್ರಕ್ಕೆ $15ರಿಂದ $20 ದಶಲಕ್ಷ ಹಣ ಗಳಿಸುತ್ತಿದ್ದರು.[೯೮][೯೯] ಏಪ್ರಿಲ್‌ 2008ರಲ್ಲಿ, 'ಐಡಲ್‌ ಗಿವ್ಸ್‌ ಬ್ಯಾಕ್‌' ಎಂಬ ಸಹಾಯಾರ್ಥ ಅಭಿಯಾನದಲ್ಲಿ ಅತಿಥಿ ನಟಿಯಾಗಿ ಕಾಣಿಸಿಕೊಂಡರು.[೧೦೦]
ವೈಯಕ್ತಿಕ ಜೀವನ
[ಬದಲಾಯಿಸಿ]ವಿವಾಹ
[ಬದಲಾಯಿಸಿ]ರೀಸ್ ವಿದರ್ಸ್ಪೂನ್ ಮಾರ್ಚ್ 1997ರಲ್ಲಿ ನಡೆದ ತಮ್ಮ 21ನೆಯ ಹುಟ್ಟುಹಬ್ಬದ ಸಂತೋಷಕೂಟದಲ್ಲಿ ಅಮೆರಿಕನ್‌ ನಟ ರಯಾನ್‌ ಫಿಲಿಪ್‌ರನ್ನು ಮೊದಲ ಬಾರಿಗೆ ಭೇಟಿಯಾದರು. 'ನೀನೇ ನನ್ನ ಹುಟ್ಟುಹಬ್ಬದ ಉಡುಗೊರೆ!' ಎಂದು ರೀಸ್ ರಯಾನ್‌ಗೆ ಹೇಳಿ, ತಮ್ಮನ್ನು ಪರಿಚಯಿಸಿಕೊಂಡರು.[೧೦೧][೧೦೨] ಡಿಸೆಂಬರ್‌ 1998ರಲ್ಲಿ ಜೋಡಿಯ ನಿಶ್ಚಿತಾರ್ಥವಾಯಿತು. ಗಲ್ಲಾಪೆಟ್ಟಿಗೆ ಯಶಸ್ವಿ ಕ್ರೂಯಲ್‌ ಇಂಟೆನ್ಷನ್ಸ್‌ ಚಲನಚಿತ್ರವು ಬಿಡುಗಡೆಯಾದ ನಂತರ [೧೦೩] 5 ಜೂನ್ 1999ರಂದು ಅವರು ದಕ್ಷಿಣ ಕ್ಯಾರೊಲಿನಾದ ಚಾರ್ಲ್ಸ್‌ಟನ್‌ನಲ್ಲಿರುವ ವೈಡ್‌ ಅವೇಕ್‌ ಪ್ಲ್ಯಾಂಟೇಷನ್‌ನಲ್ಲಿ ಮದುವೆಯಾದರು.[೧೦೪][೧೦೫][೧೦೬] ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. 5 ಸೆಪ್ಟೆಂಬರ್‌ 1999ರಂದು ಜನಿಸಿದ ಪುತ್ರಿ ಆವಾ ಎಲಿಜಬೆತ್‌,[೧೦೭] ಹಾಗೂ 23 ಅಕ್ಟೋಬರ್‌ 2003ರಂದು ಜನಿಸಿದ ಪುತ್ರ ಡೀಕಾನ್‌ ರೀಸ್.[೧೦೪] ಮಕ್ಕಳ ಪಾಲನೆಗೆ ಬಿಡುವು ಮಾಡಿಕೊಳ್ಳಲು, ರೀಸ್ ಮತ್ತು ರಯಾನ್‌ ತಮ್ಮ-ತಮ್ಮ ಚಲನಚಿತ್ರಗಳಿಗಾಗಿ ಚಿತ್ರೀಕರಣ ವೇಳಾಪಟ್ಟಿಗಳನ್ನು ಸರದಿಯಂತೆ ಬದಲಿಸುತ್ತಿದ್ದರು.[೧೦೨]
2005ರಲ್ಲಿ, ರೀಸ್ ವಿದರ್ಸ್ಪೂನ್ ಮತ್ತು ರಯಾನ್‌ ಫಿಲಿಪ್‌ ಜೋಡಿಯು ತಮ್ಮ ವೈವಾಹಿಕ ಜೀವನ ಕುರಿತು ಸಲಹಾಕಾರರ ನೆರವು ಪಡೆಯುತ್ತಿರುವ ಕುರಿತು ವರದಿಗಳಿಗೆ ಪ್ರತ್ಯುತ್ತರವಾಗಿ, "ನಾವು ಅದನ್ನು ಹಿಂದೆಯೂ ಮಾಡಿದ್ದೇವೆ. ಈ ಕಥೆಯನ್ನು ಹಿಡಿದುಕೊಂಡ ಜನರು ಇದನ್ನು ನಕಾರಾತ್ಮಕವಾಗಿ ತೋರುವಂತೆ ಮಾಡಿರುವುದು ನನಗೆ ವಿಲಕ್ಷಣವಾಗಿ ಕಾಣಿಸಿತು".' [೧೦೮] ಡಿಸೆಂಬರ್‌ 2005ರಲ್ಲಿ ನಡೆದ ಒಪ್ರಾ ವಿನ್ಫ್ರೇ ಷೋ ದಲ್ಲಿ ರೀಸ್ ಹೇಳಿದ್ದು, 'ಯಾವ ಮಾನದಂಡಗಳ ಆಧಾರದ ಮೇಲೆ ನಿಮ್ಮ ವೈಯಕ್ತಿಕ ವಿಷಯಗಳನ್ನು ಅಥವಾ ವೈವಾಹಿಕ ಜೀವನವನ್ನು ಸರಿಪಡಿಸಿಕೊಳ್ಳುವುದು ಸರಿಯಲ್ಲ ಅಂತೀರ? ಏನು,ಮದುವೆಯು ಒಂದು ಪ್ರಯಾಣವಲ್ಲವೇ? ... ಯಾರೂ ಪರಿಪೂರ್ಣರಲ್ಲ ... ನಮಗೆ ನಮ್ಮದೇ ಸಮಸ್ಯೆಗಳಿರುತ್ತದೆ.'[೧೦೮][೧೦೯] ಅದೇ ತಿಂಗಳು, ಇನ್ನೊಂದು ಸಂದರ್ಶನದಲ್ಲಿ, ರೀಸ್ ಹೇಳಿದ್ದು, 'ತಾವೇ ಪರಿಪೂರ್ಣ, ಅಥವಾ ತಮ್ಮ ಜೀವನ ಪರಿಪೂರ್ಣ, ಅಥವಾ ತಮ್ಮ ಸಂಬಂಧ ಪರಿಪೂರ್ಣ ಎಂಬ ಕಲ್ಪನೆಯನ್ನು ಯಾರಾದರೂ ಇರಿಸಿಕೊಂಡಿದ್ದರೆ, ತೋರಿಕೆಯ ಹೊರನೋಟವು ಹಾಳಾಗುತ್ತದೆಂದು ಚಿಂತಿತರಾಗಿ ನಿಜಾಂಶವನ್ನು ಬಹಿರಂಗ ಮಾಡಲು ವಿರೋಧವಾಗಿದ್ದರೆ, ಅದು ತೊಂದರೆ ಕೊಡುವ ವಿಷಯವಾಗಿದೆ.'
ಪ್ರತ್ಯೇಕತೆ ಮತ್ತು ವಿಚ್ಛೇದನ
[ಬದಲಾಯಿಸಿ]ತಾವು ಏಳು ವರ್ಷದ ವೈವಾಹಿಕ ಜೀವನದ ನಂತರ ಔಪಚಾರಿಕವಾಗಿ ಪ್ರತ್ಯೇಕವಾಗಿರಲು ನಿರ್ಧರಿಸಿರುವುದಾಗಿ ಅಕ್ಟೋಬರ್‌ 2006ರಲ್ಲಿ ರೀಸ್ ವಿದರ್ಸ್ಪೂನ್ ಮತ್ತು ರಯಾನ್‌ ಫಿಲಿಪ್‌ ಪ್ರಕಟಿಸಿದರು. ಇದರ ಮುಂದಿನ ತಿಂಗಳು, ಬಗೆಹರಿಸಲಾಗದ ಭಿನ್ನಾಭಿಪ್ರಾಯಗಳು ಎಂಬ ಕಾರಣ ಉದಾಹರಿಸಿ, ವಿದರ್ಸ್ಪೂನ್ ವಿಚ್ಛೇದನಕ್ಕಾಗಿ ಅರ್ಜಿ ಸಲ್ಲಿಸಿದರು.[೧೧೦] ತಮ್ಮ ಅರ್ಜಿಯಲ್ಲಿ, ಅವರ ಇಬ್ಬರೂ ಮಕ್ಕಳ ಜಂಟಿ ಕಾನೂನುಬದ್ಧ ಪಾಲನೆ ಹಾಗೂ ಏಕಮಾತ್ರ ದೈಹಿಕ ಪಾಲನೆ, ಮಕ್ಕಳನ್ನು ಭೇಟಿ ನೀಡಲು ಫಿಲಿಪ್‌ರಿಗೆ ಸಂಪೂರ್ಣ ಹಕ್ಕುಗಳಿಗೆ ಕೋರಿದರು.[೧೧೦][೧೧೧] ದಂಪತಿ ಯಾವುದೇ ವಿವಾಹಪೂರ್ವ ಒಪ್ಪಂದ ಮಾಡಿಕೊಂಡಿರಲಿಲ್ಲ. ಹಾಗಾಗಿ, ಕ್ಯಾಲಿಫೊರ್ನಿಯಾ ಕಾನೂನಿನಡಿ, ವೈವಾಹಿಕ ಜೀವನದಲ್ಲಿ ಗಳಿಸಿದ ಎಲ್ಲಾ ಅಸ್ತಿಪಾಸ್ತಿಯಲ್ಲಿ ಅರ್ಧದಷ್ಟು ಪಾಲಿಗೆ ದಂಪತಿ ಅರ್ಹತೆ ಪಡೆಯುತ್ತಾರೆ. ಅದರಲ್ಲಿ ವಿದರ್ಸ್ಪೂನ್ ಗಳಿಸಿದ್ದು ಮಹತ್ವದ್ದಾಗಿತ್ತು.[೧೧೨][೧೧೩] ನ್ಯಾಯಾಲಯವು ರಯಾನ್‌ ಫಿಲಿಪ್‌ರಿಗೆ ಯಾವುದೇ ಜೀವನಾಂಶದ ಬೆಂಬಲ ದಯಪಾಲಿಸಬಾರದೆಂದು ರೀಸ್ ಪ್ರಾರ್ಥನೆ ಸಲ್ಲಿಸಿದಾಗ ರಯಾನ್‌ ವಿರೋಧಿಸಲಿಲ್ಲ.[೧೧೦] ಮೇ 15, 2007ರಲ್ಲಿ,ದಂಪತಿಯ ಮಕ್ಕಳ ಜಂಟಿ ದೈಹಿಕ ಪಾಲನೆಗಾಗಿ ರಯಾನ್‌ ಫಿಲಿಪ್‌ ಕೋರಿಕೆ ಸಲ್ಲಿಸಿದರು. ಆದರೂ, ರೀಸ್ ತಮ್ಮಿಂದ ಬೆಂಬಲ ಪಡೆಯುವ ಕೋರಿಕೆಯನ್ನು ತಡೆಯುವ ಯಾವುದೇ ಕ್ರಮಕ್ಕೆ ಮುಂದಾಗಲಿಲ್ಲ.[೧೧೪] ಸೆಪ್ಟೆಂಬರ್‌ 2007ರಲ್ಲಿ, ಮೊದಲ ಬಾರಿಗೆ ಪ್ರತ್ಯೇಕಗೊಳ್ಳುವ ಕುರಿತು ಬಹಿರಂಗವಾಗಿ ಮಾತನಾಡಿದ ರಿದರ್‌ಸ್ಪೂನ್ 'ಬಹಳ ಕಷ್ಟಕರ ಹಾಗೂ ಭಯಾನಕ ಅನುಭವ ನೀಡಿತು' ಎಂದು ಎಲ್ಲೆ ಪತ್ರಿಕೆಗೆ ತಿಳಿಸಿದರು.[೧೧೫] ಅಕ್ಟೋಬರ್‌ 5, 2007ರಂದು ಲಾಸ್ ಏಂಜೆಲೀಸ್‌ ಸುಪೀರಿಯರ್‌ ಕೋರ್ಟ್‌ ರಿದರ್‌ಸ್ಪೂನ್ ಮತ್ತು ಫಿಲಿಪ್‌ರ ಅಂತಿಮ ವಿಚ್ಛೇದನಾ ದಾಖಲೆಗಳಿಗೆ ಸಮ್ಮತಿಸಿದ್ದರಿಂದ ಅವರ ವಿವಾಹ ಕೊನೆಗೊಂಡಿತು.[೧೧೬][೧೧೭]
ಇಸವಿ 2007ರದುದ್ದಕ್ಕೂ, ರೀಸ್ ವಿದರ್ಸ್ಪೂನ್ ಮತ್ತು ಅವರ ರೆಂಡಿಷನ್‌ ಸಹನಟ ಜೇಕ್‌ ಗಿಲೆನ್ಹಾಲ್ ನಡುವಿನ ಪ್ರೇಮಸಂಬಂಧ ಕುರಿತು ಸಮೂಹ ಮಾಧ್ಯಮಗಳಲ್ಲಿ ಸತತವಾಗಿ ಊಹಾಪೋಹಗಳು ಹುಟ್ಟಿಕೊಂಡಿದ್ದವು. ರೆಂಡಿಷನ್‌ ಚಲನಚಿತ್ರದ ಪ್ರಚಾರದ ಸಮಾರಂಭವೊಂದರಲ್ಲಿ 2007ರ ಕೊನೆಯಲ್ಲಿ ಈ ಜೋಡಿಯು ಈ ವದಂತಿಗಳನ್ನು ತಳ್ಳಿಹಾಕಿತ್ತು.[೧೧೮] ಅಕ್ಟೋಬರ್‌ 2007ರಲ್ಲಿ ರೀಸ್ ವಿದರ್ಸ್ಪೂನ್ ವಿಚ್ಛೇದನ ಸಂಪೂರ್ಣಗೊಂಡ ನಂತರ, ರೀಸ್ ಮತ್ತು ಜೇಕ್‌ ಗಿಲೆನ್ಹಾಲ್ ತಮ್ಮ ಸಂಬಂಧದ ಕುರಿತು ಮುಕ್ತತೆ ತೋರಿಸಿದರು. ಇವರಿಬ್ಬರ ಜೋಡಿ ರೋಮ್‌ನಲ್ಲಿ ವಿಹರಿಸುತ್ತಿರುವ ಪಪರಾಜಿ ತೆಗೆದ ಚಿತ್ರಗಳನ್ನು ಬಿಡುಗಡೆ ಮಾಡಿದ್ದೇ ಇದಕ್ಕೆ ವಿಶೇಷ ಕಾರಣ ಎನ್ನಲಾಗಿದೆ.[೧೧೯] ಅಂದಿನಿಂದಲೂ, ಆಗ್ಗಿಂದಾಗ್ಗೆ ಪಪರಾಜಿಗಳು ಈ ಜೋಡಿಯ ಛಾಯಾಚಿತ್ರಗಳ್ಳನ್ನು ತೆಗೆಯುತ್ತಿದ್ದರು.[೧೨೦][೧೨೧][೧೨೨][೧೨೩] ಮಾರ್ಚ್ 2008ರಲ್ಲಿ ತಮ್ಮ ಇತ್ತೀಚೆಗಿನ ಚಲನಚಿತ್ರವನ್ನು ಪ್ರವರ್ತಿಸುವ ಸಮಾರಂಭದಲ್ಲಿ ರಯಾನ್‌ ಈ ಸಂಬಂಧವನ್ನು ಮೊದಲು ಖಚಿತಪಡಿಸಿದರು.[೧೨೪][೧೨೫] ಅವರು ಖುದ್ದಾಗಿ ಜೇಕ್‌ ಗಿಲೆನ್ಹಾಲ್‌ರೊಂದಿಗಿನ ಈ ಸಂಬಂಧವನ್ನು ಖಚಿತಪಡಿಸಿದರು. ನವೆಂಬರ್‌ 2008ರ ವೋಗ್‌ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ತಮ್ಮ ಗೆಳೆಯನನ್ನು "ಅತ್ಯಂತ ಪ್ರೋತ್ಸಾಹಕ" ಎಂದು ಕರೆದಿದ್ದಾರೆ.[೧೨೬] ನವೆಂಬರ್‌ 2009ರಲ್ಲಿ ಜೋಡಿಯು ಬೇರ್ಪಟ್ಟರೆಂದು ವರದಿಯಾಗಿತ್ತು.[೧೨೭] ಆದರೆ ವಿದರ್ಸ್ಪೂನ್ ಮತ್ತು ಗಿಲೆನ್ಹಾಲ್ ಪ್ರಸಾರಕರು ಈ ಸುದ್ದಿಯನ್ನು ಜಂಟಿಯಾಗಿ ನಿರಾಕರಿಸಿ 'ಅವರಿಬ್ಬರು ಈಗಲೂ ಒಟ್ಟಿಗೇ ಇರುವುದಾಗಿ' ಘೋಷಿಸಿದರು.[೧೨೮]
ಚಲನಚಿತ್ರಗಳ ಪಟ್ಟಿ
[ಬದಲಾಯಿಸಿ]TV ಕಾರ್ಯಕ್ರಮಗಳು
[ಬದಲಾಯಿಸಿ]| ಇಸವಿ | ಶೀರ್ಷಿಕೆ | ಪಾತ್ರ | ಟಿಪ್ಪಣಿಗಳು |
|---|---|---|---|
| 2000 | ಕಿಂಗ್‌ ಆಫ್ ದಿ ಹಿಲ್‌ | ಡೆಬ್ಬೀ | (ಧ್ವನಿ) |
| ಫ್ರೆಂಡ್ಸ್‌ | ಜಿಲ್‌ ಗ್ರೀನ್‌ | 2 ಸಂಚಿಕೆಗಳು ನಾಮನಿರ್ದೇಶಿತ – TV ಸರಣಿಯಲ್ಲಿ ಅತ್ಯಂತ ಹಾಸ್ಯದ ಅತಿಥಿ ಪಾತ್ರಕ್ಕಾಗಿ ಅಮೆರಿಕನ್‌ ಹಾಸ್ಯ ಪ್ರಶಸ್ತಿ | |
| 2002 | ದಿ ಸಿಂಪ್ಸನ್ಸ್‌ | ಗ್ರಿಟಾ ವುಲ್ಫ್‌ಕ್ಯಾಸ್ಲ್‌ | (ಧ್ವನಿ) |
| 2003 | ಫ್ರೀಡಮ್‌: ಎ ಹಿಸ್ಟರಿ ಆಫ್ ಅಸ್‌
ವಿವಿಧ ಪಾತ್ರಗಳು |
3 ಕಂತುಗಳು | |
| 2009 | ಮಾನ್ಸ್ಟರ್ಸ್‌ ವರ್ಸಸ್‌ ಏಲಿಯೆನ್ಸ್‌: ಮ್ಯೂಟಂಟ್‌ ಪಂಪ್ಕಿನ್ಸ್‌ ಫ್ರಮ್‌ ಔಟರ್‌ ಸ್ಪೇಸ್‌ | ಸೂಸಾನ್‌ ಮರ್ಫಿ / ಗಿನೊರ್ಮಿಕಾ | (ಧ್ವನಿ) |
ಧ್ವನಿಮುದ್ರಿಕೆ ಪಟ್ಟಿ
[ಬದಲಾಯಿಸಿ]| ಇಸವಿ | ಧ್ವನಿಮುದ್ರಿಕೆ |
|---|---|
| 2005 | ವಾಕ್ ದಿ ಲೈನ್ |
ಆಕರಗಳು
[ಬದಲಾಯಿಸಿ]- ↑ Martin, Aaron (2006-03-01). "Green Threads on the Red Carpet". Tulane University magazine. Archived from the original on 2007-03-11. Retrieved 2007-04-30.
- ↑ ೨.೦ ೨.೧ "The dork who grew into a Hollywood princess". The Sunday Times. 2006-03-05. Retrieved 2007-11-26.
- ↑ ೩.೦ ೩.೧ ೩.೨ ೩.೩ ೩.೪ ೩.೫ "Reese Witherspoon biography". Yahoo! Movies. Archived from the original on 2007-06-05. Retrieved 2007-10-25.
- ↑ ೪.೦ ೪.೧ ೪.೨ ೪.೩ ೪.೪ ೪.೫ Slschy, Ingrid (2005-12-01). "That's Reese: stepping into the ring of fire". Interview. Archived at Findarticles.com. Archived from the original on 2008-04-17. Retrieved 2007-10-25.
- ↑ ೫.೦ ೫.೧ Wills, Dominic. "Reese Witherspoon biography (page 1)". Tiscali. Archived from the original on 2007-10-15. Retrieved 2007-11-26.
- ↑ ೬.೦ ೬.೧ ೬.೨ Stuges, Fiona (2004-08-07). "Reese Witherspoon: Legally Blonde. Physically flawed?". The Independent. Archived from the original on 2007-02-14. Retrieved 2007-09-22.
- ↑ "Reese Witherspoon: Legally Blonde...Again". Agirlsworld.com. Archived from the original on 2003-08-12. Retrieved 2007-10-25.
- ↑ {0/ಸಹಿಮಾಡಿದ ಜಾನ್‌ ವಿದರ್‌ಸ್ಪೂನ್‌ರ ವಂಶಸ್ಥರ ಸಂಪೂರ್ಣ ತಿಳಿದ ಪಟ್ಟಿಗಾಗಿ ಪೈನ್ಸ್‌ ರೆಜಿಸ್ಟ್ರಿ, ಸಂಪುಟ 3 ನೋಡಿ. ವಿದರ್ಸ್ಪೂನ್ ಎಂಬುದು, ಸಾಮಾನ್ಯವಾಗಿ ಇಸವಿ 1720-1776ರವರೆಗೆ ವಲಸೆ ಬಂದ ಸ್ಕಾಚ್ ಜನರ ಸಾಮಾನ್ಯ ಹೆಸರಾಗಿದೆ. ಹಲವರು ಅಲ್ಸ್ಟರ್‌ನಿಂದ ಬಂದವರಾಗಿದ್ದರು. ಜಾನ್‌ ದಿ ಸೈನರ್‌ ಪೈಸ್ಲೆ ಸ್ಕಾಟ್ಲೆಂಡ್‌ನಿಂದ ನೇರವಾಗಿ ನ್ಯೂ ಜರ್ಸೀ ಕಾಲೇಜ್‌ಗೆ ಬಂದರು.
- ↑ ಸ್ವಾತಂತ್ರ್ಯ ಘೋಷಣೆಗೆ ಸಹಿ ಹಾಕಿದ ವಂಶಜರು, ಸಂಪುಟ 3, ಆದಾಗ್ಯೂ, ನೇರ ವಂಶಜರ ರೀಸ್ ಹೇಳಿಕೆಯನ್ನು ಸಮರ್ಥಿಸುವುದಿಲ್ಲ. ಕೊನೆಯ ತಿಳಿದಿರುವ ವಿದರ್ಸ್ಪೂನ್ ಪುರುಷರೆಂದರೆ ಹೆನ್ರಿ ಕೊಲಾಕ್‌ ವಿದರ್ಸ್ಪೂನ್, ಜೂನಿಯರ್‌.
- ↑ Flockhart, Hary (2007-10-19). "Reese revels in her Scots (blonde) roots". The Scotsman. Retrieved 2007-11-05.
- ↑ ೧೧.೦ ೧೧.೧ Grant, Meg (2005-09-30). "Face to Face With Reese Witherspoon". Reader's Digest. Archived from the original on 2008-05-12. Retrieved 2009-10-19.
- ↑ ೧೨.೦ ೧೨.೧ ೧೨.೨ ೧೨.೩ Wills, Dominic. "Reese Witherspoon biography (page 2)". Tiscali. Archived from the original on 2007-10-15. Retrieved 2007-11-26.
- ↑ "Blond ambition". Guardian. 2003-07-26. Retrieved 2007-11-26.
- ↑ ೧೪.೦ ೧೪.೧ Booth, William (2005-11-13). "Playing It Straight (page 1)". Washington Post. Retrieved 2007-11-10.
- ↑ ೧೫.೦ ೧೫.೧ ೧೫.೨ ೧೫.೩ ೧೫.೪ ೧೫.೫ "Talent behind Witherspoon's win". BBC News. 2006-01-17. Retrieved 2007-10-25.
- ↑ ೧೬.೦ ೧೬.೧ ೧೬.೨ Gardner, Elysa (1998-09-13). "Reese Witherspoon; Commitment, Success and the Age of Ambivalence". New York Times. Retrieved 2007-10-25.
- ↑ ೧೭.೦ ೧೭.೧ ೧೭.೨ ೧೭.೩ Puig, Claudia (2002-09-18). "Witherspoon's 'Sweet Home'". USA Today. Retrieved 2007-11-04.
- ↑ ೧೮.೦ ೧೮.೧ "Reese Witherspoon: A novel challenge for blonde ambition". The Independent. Archived at Findarticles.com. 2005-01-07. Archived from the original on 2008-02-18. Retrieved 2007-11-05.
- ↑ Meyer, Norma (2005-11-13). "A type A is already on A-list". The San Diego Union-Tribune. Retrieved 2007-11-26.
- ↑ Levy, Emanuel (1996-05-08). "Fear (review)". Variety. Retrieved 2007-11-10.
- ↑ "Thirteenth Annual Youth in Film Awards". youngartistawards.org. Retrieved 2007-07-04.
- ↑ "Fifteenth Annual Youth in Film Awards". youngartistawards.org. Retrieved 2007-07-04.
- ↑ LaSalle, Mick. "`Freeway's' Wild, Funny Ride". San Francisco Chronicle. Retrieved 2007-12-12.
- ↑ "Reese Witherspoon". The Biography Channel. Retrieved 2007-07-04.
- ↑ ೨೫.೦ ೨೫.೧ Booth, Philip (2003-02-06). "Spoonfuls of video treats". St. Petersburg Times. Archived from the original on 2007-12-28. Retrieved 2007-11-10.
- ↑ "Reese Witherspoon Awards". uk.movies.yahoo.com. Retrieved 2007-07-04.
- ↑ Graham, Bob (1999-03-05). "``Dangerous Liaisons' Junior". San Francisco Chronicle. Retrieved 2007-12-06.
- ↑ "Reese Witherspoon Award". Yahoo! Movies. Archived from the original on 2007-06-30. Retrieved 2007-11-10.
- ↑ "Past Nominees –Best Actress". filmindependent.org. Retrieved 2007-10-04.[permanent dead link]
- ↑ "100 Greatest Movie Performances of All Time". Filmsite.org. Retrieved 2007-07-04.
- ↑ Booth, William (2005-11-13). "Playing It Straight (page 3)". The Washington Post. Retrieved 2007-11-10.
- ↑ Deggans, Eric (2004-05-04). "Guest stars: The good, the bad, the twin sister". St. Petersburg Times. Archived from the original on 2007-12-13. Retrieved 2007-11-10.
- ↑ ೩೩.೦ ೩೩.೧ "Reese Witherspoon". Box Office Mojo. Retrieved 2007-12-02.
- ↑ Harkness, John (2003-02-06). "Classic Crawford". NOW. Archived from the original on 2005-11-28. Retrieved 2007-11-04.
- ↑ Zacharek, Stephanie (2001-07-13). "Legally blone". Salon.com. Archived from the original on 2007-12-05. Retrieved 2007-12-12.
- ↑ Axmaker, Sean (2001-07-13). "Enough energy in this 'Blonde' to perk up limp comedy". Seattle Post-Intelligencer. Retrieved 2007-12-12.
- ↑ "Reese Witherspoon filmography". Variety. Archived from the original on 2007-11-24. Retrieved 2007-11-17.
- ↑ Clark, John (2002-05-12). "Young and talented, headstrong and 'Earnest' Reese Witherspoon gets what she wants". San Francisco Chronicle. Retrieved 2007-11-04.
- ↑ "Announces the 4th Annual 2002 Teen Choice Awards Nominees". PR Newswire. Retrieved 2007-11-04.
- ↑ "Interview with Reese Witherspoon". IGN. Archived from the original on 2011-07-13. Retrieved 2007-06-12.
- ↑ Wills, Dominic. "Reese Witherspoon biography (page 6)". Tiscali. Archived from the original on 2008-05-07. Retrieved 2007-12-12.
- ↑ Ogle, Connie (2002-09-27). "Linin' up good ol' cliches, in a fashion". Archived from the original on 2007-06-23. Retrieved 2007-12-01.
- ↑ Ebert, Roger (2002-09-27). "Sweet Home Alabama". Archived from the original on 2007-12-12. Retrieved 2007-12-01.
- ↑ "Sweet Home Alabama". Tiscali. Archived from the original on 2008-05-07. Retrieved 2007-12-01.
- ↑ Sterritt, David (2002-09-27). "A down-home dilemma". The Christian Science Monitor. Retrieved 2007-12-12.
- ↑ Taylor, Charles (2003-07-02). "Legally Blonde 2". Salon.com. Archived from the original on 2011-06-07. Retrieved 2007-12-12.
- ↑ "Witherspoon leads UK première". BBC News. July 23, 2003. Retrieved 2007-11-04.
- ↑ "Julia Roberts Tops Actress Power List". People magazine. Archived from the original on 2008-04-16. Retrieved 2008-06-13.
- ↑ "Roberts and Kidman head list of top-earning actresses". Daily Times (Pakistan). 2005-12-02. Archived from the original on 2012-12-21. Retrieved 2007-11-04.
- ↑ "Angelina Jolie Surpasses Reese Witherspoon as Highest-Paid Actress". US Magazine. 2008-12-05. Archived from the original on 2008-12-08. Retrieved 2007-12-08.
- ↑ Edelstein, David. "Witherspoon Walks The Line". CBS News. Archived from the original on 2007-12-24. Retrieved 2007-11-04.
- ↑ "Mira's early feminist". The Telegraph. 2004-09-06. Archived from the original on 2007-12-03. Retrieved 2007-11-04.
- ↑ "Director Nair's Vanity project". BBC News. 2004-12-01. Retrieved 2007-11-04.
- ↑ Honeycutt, Kirk (2004-08-27). "Vanity Fair". The Hollywood Reporter. Archived from the original on 2009-01-14. Retrieved 2007-12-02.
- ↑ Toppman Lawrence (2004-09-01). "A 'Vanity Fair' with flair". The Charlotte Observer. Retrieved 2007-12-02.[permanent dead link]
- ↑ Chocano, Carina (2004-09-01). "'Vanity Fair'Review". Los Angeles Times. Retrieved 2007-12-02.
- ↑ Moten, Katie (2005-12-29). "Just Like Heaven (PG)". Radio Telefís Éireann. Archived from the original on 2007-10-23. Retrieved 2007-11-04.
- ↑ ೫೮.೦ ೫೮.೧ ೫೮.೨ "Faces of the week". BBC News. 2006-11-03. Retrieved 2007-11-05.
- ↑ "Reese Witherspoon, live on Breakfast". BBC News. 2006-02-01. Retrieved 2007-11-07.
- ↑ Donaldson-Evans, Catherine (2006-02-08). "Stars Learn to Sing for Roles ... or Do They?". Fox News Channel. Retrieved 2007-11-05.
- ↑ Ebert, Roger (2002-09-27). "Walk the Line". Archived from the original on 2007-12-12. Retrieved 2007-12-01.
- ↑ "Movie stars up for country award". BBC. 2006-03-20. Retrieved 2008-07-17.
- ↑ "2006 Nominees". Country Music Television. Archived from the original on 2008-07-19. Retrieved 2008-07-17.
- ↑ ೬೪.೦ ೬೪.೧ Murray, Rebecca. "Reese Witherspoon Interview". About.com. Retrieved 2007-12-15.
- ↑ Macdonald, Moira (2006-09-06). "From Toronto: Let the film festival begin!". The Seattle Times. Retrieved 2007-12-12.
- ↑ Hernandez, Eugene. "At IFC Films, "Penelope" Shift Points To A Change in Focus; Company Emphasizing First Take Slate". indiewire.com. Archived from the original on 2007-09-29. Retrieved 2007-12-12.
- ↑ Goldstein, Gregg (2007-09-06). "Penelope' slides to Summit". Hollywood Reporter. Retrieved 2007-12-15.[permanent dead link]
- ↑ Germain, David (2007-10-16). "Witherspoon Gives a Dramatic `Rendition'". The Washington Post. Retrieved 2007-11-05.
- ↑ Mathews, Jack (2007-10-19). "'Rendition' is story of torture". New York Daily News. Archived from the original on 2007-12-22. Retrieved 2007-12-12.
- ↑ Puig, Claudia (2007-10-18). "'Rendition' fails to turn over interest". USA Today. Retrieved 2007-12-12.
- ↑ Mcnary, Dave (2007-07-26). "Vaughn, Witherspoon set for comedy". Variety. Retrieved 2007-08-22.
- ↑ "Four Christmases (2008):Reviews". Metacritic. Retrieved 2008-11-30.
- ↑ Fleming, Michael (2005-12-15). "Reese might find 'Family'". Variety. Retrieved 2007-08-22.
- ↑ "First look: 'Monsters vs. Aliens' is the ultimate; a 3-D 'first'". USA Today. Retrieved 2008-04-06.
- ↑ "The Walt Disney Studios Rolls Out Slate of 10 New Animated Motion Pictures Through 2012". Walt Disney Company, via PRNewswire. 2008-04-08. Retrieved 2008-04-09.
- ↑ Fleming, Michael (2007-05-30). "Witherspoon to star in 'Midnight'". Variety. Retrieved 2007-08-22.
- ↑ Hancock, Tiffany (2006-02-13). "Fashion victim: Reece Witherspoon". The Daily Telegraph. Archived from the original on 2007-12-03. Retrieved 2007-11-05.
- ↑ ೭೮.೦ ೭೮.೧ ೭೮.೨ Finn, Natalie (2007-08-02). "Reese Witherspoon, Avon Lady". Eonline.com. Retrieved 2007-11-11.
- ↑ Plaisance, Stacey (2006-05-08). "Witherspoon, Garner Tour New Orleans". The Washington Post. Retrieved 2007-12-01.
- ↑ ೮೦.೦ ೮೦.೧ "Reese Witherspoon Speaks About Children of Katrina". ABC News. 2006-05-14. Retrieved 2007-12-01.
- ↑ Guest, Katy (2007-08-05). "Reese Witherspoon: From Hollywood star to Avon lady". The Independent. Archived at Findarticles.com. Archived from the original on 2009-04-01. Retrieved 2007-11-11.
- ↑ ೮೨.೦ ೮೨.೧ ೮೨.೨ "Reese Witherspoon heeds Avon call to be spokeswoman". Reuters. 2007-08-02. Retrieved 2007-11-11.
- ↑ "Witherspoon to become 'Avon lady'". BBC News. 2007-08-01. Retrieved 2007-12-01.
- ↑ "Saturday Night Live Preps 'Emotional' Premiere". ABC News. 2001-09-27. Retrieved 2007-12-12.
- ↑ "Kutcher tops list of young, powerful". Sign on San Diego. 2005-08-06. Retrieved 2007-12-12.
- ↑ "The people who shape our world". Time. Archived from the original on 2006-05-02. Retrieved 2007-11-05.
- ↑ Wilson, Luke (2006-04-30). "Reese Witherspoon". Time. Archived from the original on 2007-10-22. Retrieved 2007-11-05.
- ↑ "The 100 Sexiest Women In The World 2006". FHM. Archived from the original on 2007-10-22. Retrieved 2007-11-05.
- ↑ "2006:The Celebrity 100". Forbes. Archived from the original on 2007-12-11. Retrieved 2007-11-21.
- ↑ "2007:The Celebrity 100". Forbes. Retrieved 2007-11-21.
- ↑ Rose, Lacey (2006-09-25). "The Ten Most Trustworthy Celebrities". Forbes. Archived from the original on 2007-12-01. Retrieved 2007-11-21.
- ↑ "People: Reese Witherspoon, Sonny Rollins, Heidi Klum". International Herald Tribune. 2006-06-22. Archived from the original on 2012-06-29. Retrieved 2007-11-10.
- ↑ "Witherspoon Sues Over Pregnancy Story". The Washington Post. 2006-06-22. Retrieved 2007-11-10.
- ↑ "Facts about People's most beautiful list" (PDF). CBS News. Retrieved 2007-12-28.
- ↑ "People: Beyonce, Jennifer Lopez, Reese Witherspoon Among Best-Dressed". Fox News. 2007-09-12. Retrieved 2007-11-21.
- ↑ "Access Hollywood's Best Dressed Stars Of 2007". Access Hollywood. 2007-12-21. Retrieved 2007-12-28.[permanent dead link]
- ↑ "Reese Witherspoon tops list of most-liked celebs". Reuters. Retrieved 2008-01-05.
- ↑ Goodwin, Christopher (2007-10-07). "A testing time for Reese Witherspoon". The Times. Retrieved 2007-11-05.
- ↑ Grabicki, Michelle (2007-11-30). "Witherspoon is Hollywood's highest-paid actress". Reuters. Retrieved 2007-11-05.
- ↑ "'Idol Gives Back,' Almost Makes Up for Sanjaya]". Entertainment Weekly. Retrieved 2008-05-18.
- ↑ 2006-03-07. "Reese has an Oscar, but can she keep her husband?". Daily Mail. Retrieved 2007-11-10.
{{cite web}}:|author=has numeric name (help) - ↑ ೧೦೨.೦ ೧೦೨.೧ de Kretser, Leela (2006-10-31). "Split end for a'Legal blonde'". New York Post. Archived from the original on 2007-03-11. Retrieved 2007-11-10.
- ↑ Thomas, Karen (2006-11-08). "Reese Witherspoon, Ryan Phillippe separate". USA Today. Retrieved 2007-11-10.
- ↑ ೧೦೪.೦ ೧೦೪.೧ "Reese Witherspoon gives birth". CNN. 2003-10-29. Retrieved 2007-11-10.
- ↑ "Reese Witherspoon and Ryan Phillippe Marriage Profile". About.com. Retrieved 2008-07-02.
{{cite news}}: Unknown parameter|coauthors=ignored (|author=suggested) (help) - ↑ Frankel, Daniel (1999-06-08). "Witherspoon. Phillippe. Married". Eonline.com. Retrieved 2007-11-10.
- ↑ "Entertainment: News In Brief". BBC News. 1999-09-16. Retrieved 2007-11-10.
- ↑ ೧೦೮.೦ ೧೦೮.೧ "Reese Witherspoon, Ryan Phillippe separate". USA Today. Retrieved 2007-10-26.
- ↑ "Reese Witherspoon on the benefits of therapy". Talentdevelop.com. 2005-12-10. Retrieved 2006-10-30.
- ↑ ೧೧೦.೦ ೧೧೦.೧ ೧೧೦.೨ "It's Official: Reese Witherspoon Files For Divorce". Fox News Channel. 2007-10-10. Retrieved 2007-11-10.
- ↑ Arnold, Holly. "Actors' split formalised". NOW. Retrieved 2007-11-10.
- ↑ "Celebs' Prenups May Be as Important as 'I Do's". ABC News. 2006-11-11. Retrieved 2007-11-10.
- ↑ "Lady Stars Leaving Lesser Spouses Behind". The Washington Post. 2006-11-08. Retrieved 2007-11-10.
- ↑ Lee, Ken (2007-05-18). "Ryan Phillippe Seeks Joint Custody of Kids". People. Archived from the original on 2007-08-29. Retrieved 2007-11-10.
- ↑ Ivory, Jane (2007-10-11). "Reese Witherspoon and Ryan Phillippe Officially Divorced". Efluxmedia. Archived from the original on 2008-10-25. Retrieved 2007-11-10.
- ↑ "Reese and Ryan: It's Officially Over". Us Weekly. 2007-10-10. Retrieved 2007-10-26.
- ↑ "Witherspoon, Phillippe Divorce Finalized". WRC-TV. 2007-10-11. Archived from the original on 2007-12-12. Retrieved 2007-10-26.
- ↑ "Reese Witherspoon and Jake Gyllenhaal Set the Record Straight". Entertainment Tonight. 2007-09-07. Archived from the original on 2007-10-13. Retrieved 2007-11-17.
- ↑ "Reese Witherspoon and Jake Gyllenhaal come out as a couple during a romantic trip to Rome". Daily Mail. 2007-10-25. Retrieved 2007-11-17.
- ↑ "Reese and Jake's Sexy Getaway". US Weekly. 2007-11-14. Retrieved 2008-01-04.
- ↑ "Jake and Reese Go Hiking with Her Kids". The Huffington Post. 2008-01-02. Retrieved 2008-01-04.
- ↑ "Reese and Jake: SoHo in Love". Extratv.warnerbros.com. 2008-03-13. Retrieved 2008-03-14.
- ↑ Hines, Ree. "Tidbits: Reese and Jake reportedly ready to we d". msnbc. Archived from the original on 2009-01-25. Retrieved 2008-05-17.
- ↑ "Ryan Phillippe: Seeing Reese with Jake is 'Bizarre'". People. 2008-03-26. Archived from the original on 2008-10-30. Retrieved 2008-05-17.
- ↑ "Ryan Phillippe: Jake Gyllenhaal is a "Good Dude"". Us Magazine. 2008-03-21. Archived from the original on 2009-03-15. Retrieved 2008-05-17.
- ↑ "Reese Witherspoon On Kids, Jake, And Working With Vince Vaughn". Huffington Post. 2008-10-14. Retrieved 2008-11-19.
- ↑ Wihlborg, Ulrica (2009-11-29). "Reese Witherspoon and Jake Gyllenhaal Split". Retrieved 2009-11-29.
{{cite web}}: Unknown parameter|coauthor=ignored (|author=suggested) (help) - ↑ Wihlborg, Ulrica (2009-11-29). "Reps Claim Jake and Reese Are Still Together". Retrieved 2009-11-30.
{{cite web}}: Unknown parameter|coauthor=ignored (|author=suggested) (help)
ಬಾಹ್ಯ ಕೊಂಡಿಗಳು
[ಬದಲಾಯಿಸಿ]
- Pages using the JsonConfig extension
- Pages using duplicate arguments in template calls
- All articles with dead external links
- Articles with dead external links from ಆಗಸ್ಟ್ 2021
- Articles with invalid date parameter in template
- Articles with permanently dead external links
- CS1 errors: numeric name
- CS1 errors: unsupported parameter
- Commons link is on Wikidata
- ೧೯೭೬ ಜನನ
- ಈಗಿರುವ ವ್ಯಕ್ತಿಗಳು
- ಅಮೆರಿಕನ್‌ ಚಲನಚಿತ್ರ ನಟರು
- ಅಮೆರಿಕನ್‌ ಬಾಲ ನಟರು
- ಅಮೆರಿಕನ್‌ ದೂರದರ್ಶನ (ಕಿರುತೆರೆ) ನಟರು
- ಅಮೆರಿಕನ್‌ ಧ್ವನಿದಾನ ನಟರು
- ಅಮೆರಿಕನ್‌ ಬಿಷಪ್‌ ಗಣಪ್ರಭುತ್ವವಾದಿಗಳು
- ಅಕ್ಯಾಡಮಿ ಪ್ರಶಸ್ತಿ ಅತ್ಯುತ್ತಮ ನಟಿ ಪ್ರಶಸ್ತಿ ವಿಜೇತೆಯರು
- ಸ್ಕಾಟಿಷ್ ಅಮೇರಿಕನ್ನರು
- BAFTA ವಿಜೇತರು (ಜನರು)
- ಮಿಲಿಟರಿ ಬ್ರ್ಯಾಟ್ಸ್
- MTV ಮೂವೀ ಪ್ರಶಸ್ತಿ ವಿಜೇತರು
- ಟನ್ನೆಸೀಯ ನ್ಯಾಷ್ವಿಲ್ನ ಜನರು
- ಸ್ಟ್ಯಾನ್ಫರ್ಡ್‌ ವಿಶ್ವವಿದ್ಯಾನಿಲಯದ ಹಳೆಯ ವಿದ್ಯಾರ್ಥಿಗಳು
- ಟೆನಿಸ್ಸೀಯ ನಟರು
- ಲೂಯಿಸಿಯಾನಾದ ನ್ಯೂ ಆರ್ಲಿಯನ್ಸ್ನ ಜನರು
- ಲೂಸಿಯಾನದ ನಟರು
- ಅಮೆರಿಕನ್‌ ಚಲನಚಿತ್ರ ನಿರ್ಮಾಪಕರು
- ಹಾಲಿವುಡ್‌ ಚಲನಚಿತ್ರ ಕಲಾವಿದರು