ಸ್ತನ ಕ್ಯಾನ್ಸರ್

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ
ಮೊಲೆ ಕ್ಯಾನ್ಸರ್
Classification and external resources
ಮ್ಯಾಮೋಗ್ರಾಮ್ ತೋರಿಸುವ ಸಾಮಾನ್ಯ ಸ್ತನ (ಎಡ) ಮತ್ತು ಕ್ಯಾನ್ಸರ್ ಪೀಡಿತ ಸ್ತನ (ಬಲ, ಬಿಳಿ ಬಾಣಗಳನ್ನು).

ಸ್ತನ ಕ್ಯಾನ್ಸರ್ ಅಥವ ಮೊಲೆ ಕ್ಯಾನ್ಸರ್ ಎದೆಯ ಅಂಗಾಂಶದಿಂದ ಬೆಳೆಯುವ ಒಂದು ಕ್ಯಾನ್ಸರ್.[೧].ಮೊಲೆಗಳಲ್ಲಿ ಗಟ್ಟಿಯಾದ ಉಂಡೆ ಆಕಾರದ ಚಿಕ್ಕ ಮುದ್ದೆ, ಮೊಲೆಗಳ ಆಕಾರ ಬದಲಾವಣೆ, ಚರ್ಮದ ಮೇಲೆ ಕೆಂಪು ಚಿಪ್ಪುಗಳುಳ್ಳ ಪ್ಯಾಚ್, ತೊಟ್ಟುಗಳಲ್ಲಿ ದ್ರವ ವಿಸರ್ಜನೆ ಮತ್ತು ಸ್ತನಗಳ ಕುಗ್ಗುವಿಕೆ ಇವುಗಳು ಸ್ತನ ಕ್ಯಾನ್ಸರ್ ಚಿಹ್ನೆಗಳಾಗಿರಬಹುದು.[೨].ಈ ಕ್ಯಾನ್ಸರ್ ಇತರ ಭಾಗಗಳಿಗೆ ಹರಡಿದವರಿಗೆ ಮೂಳೆ ನೋವು, ಊದಿಕೊಂಡ ದುಗ್ಧರಸ ಗ್ರಂಥಿಗಳು, ಉಸಿರಾಟದ ತೊಂದರೆ, ಅಥವಾ ಹಳದಿ ಚರ್ಮ ಇವುಗಳು ಕಾಣಿಸಿಕೊಳ್ಳಬಹುದು.[೩]

ಸ್ತನ ಕ್ಯಾನ್ಸರ್ಗೆ ಕಾರಣವಾಗುವ ಕೆಲವು ಅಪಾಯಕಾರಿ ಅಂಶಗಳು ಯಾವುವೆಂದರೆ:ಸ್ತ್ರೀ ಲೈಂಗಿಕ ಸಂಬಂಧ, ಬೊಜ್ಜು, ದೈಹಿಕ ವ್ಯಾಯಾಮದ ಕೊರತೆ, ಮದ್ಯ ಕುಡಿತ, ಋತುಬಂಧದ ಸಮಯದಲ್ಲಿ ಹಾರ್ಮೋನು ಬದಲಿ ಚಿಕಿತ್ಸೆ, ಅಯಾನೀಕರಿಸುವ ವಿಕಿರಣದ , ಅತಿವೇಗದ ಮೊದಲ ಮುಟ್ಟಿನ ಆರಂಭ,ಆಲಸ್ಯವಾಗಿ ಮಕ್ಕಳಾಗುವುದು ಅಥವ ಮಕ್ಕಳು ಆಗದೇನೇ ಇರುವುದು,ಮುದಿ ವಯಸ್ಸು, ಕುಟುಂಬ ಇತಿಹಾಸ, ಮುಂತಾದವು.[೨][೪].ದೃಷ್ಟಾಂತಗಳ ಸುಮಾರು ೫-೧೦% ಪೋಷಕರಿಂದ ಆನುವಂಶಿಕವಾಗಿ ಜೀನ್ಗಳ ಮೂಲಕ( ಇತರರ ಪೈಕಿ BRCA1 ಮತ್ತು BRCA2 ) ಉಂಟಾಗುತ್ತದೆ. ..ಸ್ತನ ಕ್ಯಾನ್ಸರ್ ಹೆಚ್ಚು ಸಾಮಾನ್ಯವಾಗಿ ಹಾಲಿನ ನಾಳಗಳ ಒಳಪದರದ ಜೀವಕೋಶಗಳ್ಳಿ ಮತ್ತು ಹಾಲನ್ನು ನಾಳಗಳಿಗೆ ಪೂರೈಸುವ ಕಿರುಹಾಲೆಗಳಲ್ಲಿ ಉಂಟಾಗುತ್ತದೆ. .ನಾಳಗಳಿಂದ ಅಭಿವೃದ್ಧಿಯಾಗುವ ಕ್ಯಾನ್ಸರನ್ನು ನಾಳದ ಕಾರ್ಸಿನೋಮಗಳು ಎಂದು ಕರೆಯಲಾಗುತ್ತದೆ ಮತ್ತು ಕಿರುಹಾಲೆಗಳಿಂದ ಅಭಿವೃದ್ಧಿಯಾಗುವ ಕ್ಯಾನ್ಸರನ್ನು ಕಿರುಹಾಲೆಗಳ ಕಾರ್ಸಿನೋಮ ಗಳು ಎಂದು ಕರೆಯಲಾಗುತ್ತದೆ.[೨].ಇದರ ಜೊತೆಗೆ 18 ಇತರ ಉಪವಿಧಗಳ ಸ್ತನ ಕ್ಯಾನ್ಸರ್‍ಗಳು ಇವೆ.ಕೆಲವು ಕ್ಯಾನ್ಸರ್‍ಗಳು ಒಳನಾಳದ ಕಾರ್ಸಿನೋಮನಂತಹ ಪೂರ್ವ ಆಕ್ರಮಣಶೀಲ ಗಾಯಗಳಿಂದಲೂ ಅಭಿವೃದ್ಧಿ ಹೊಂದಬಹುದು.[೪].ಸ್ತನ ಕ್ಯಾನ್ಸರ್‍ನನ್ನು ಅದಕ್ಕೆ ಸಂಬಂಧಿಸಿದ ಗಂಟು ಒಂದರ ಬಯಾಪ್ಸಿ ತೆಗೆದುಕೊಳ್ಳುವುದರ ಮೂಲಕ ದೃಢೀಕರಿಸಲ್ಪಡುತ್ತದೆ.ಒಮ್ಮೆ ದೃಢೀಕರಿಸಿದ ನಂತರ ಕ್ಯಾನ್ಸರ್ ಇತರ ಭಾಗಗಳಿಗೆ ಹರಡಿರುವುದನ್ನು ಮತ್ತು ಯಾವ ರೀತಿಯ ಚಿಕಿತ್ಸೆಗಳಿಗೆ ಪ್ರತಿಕ್ರಿಯಿಸಬಹುದು ಎಂಬುದನ್ನು ನಿರ್ಧರಿಸಲು ಮತ್ತಷ್ಟು ಪರೀಕ್ಷೆಗಳನ್ನು ಮಾಡಲಾಗುತ್ತದೆ.[೨]

ಚಿಹ್ನೆಗಳು ಹಾಗೂ ರೋಗ ಲಕ್ಷಣಗಳು[ಬದಲಾಯಿಸಿ]

ಮೊಲೆ ಕ್ಯಾನ್ಸರ್
ತಲೆಕೆಳಗಾದ ತೊಟ್ಟುಗಳು, ಗಡ್ಡೆ ಮತ್ತು ಚರ್ಮದ ಕುಗ್ಗುವಿಕೆಯನ್ನು ತೋರಿಸುತ್ತಿರುವ ಮೊಲ ಕ್ಯಾನ್ಸರ್.

ಮೊದಲಿಗೆ ಗುರುತಿಸಲಾಗುವ ಗಮನಾರ್ಹವಾದ ಸ್ತನ ಕ್ಯಾನ್ಸರ್‍ನ ಲಕ್ಷಣ ಸ್ತನಗಳ ಅಂಗಾಂಶಕ್ಕಿಂತ ಭಿನ್ನವಾಗಿರುವ ಒಂದು ಉಂಡೆ ಆಕಾರದ ಚಿಕ್ಕ ಮುದ್ದೆ.೮೦ ಶೇಕಡದಷ್ಟು ಸ್ತನ ಕ್ಯಾನ್ಸರ್‍ನ ಪ್ರಕರಣಗಳು ಈ ಉಂಡೆ ಆಕಾರದ ಚಿಕ್ಕ ಮುದ್ದೆ ಕಾಣಿಸಿಕೊಂಡಾಗ ಕಂಡುಹಿಡಿಯಲಾಗುತ್ತವೆ.[೫].ಆರಂಭಿಕ ಸ್ತನ ಕ್ಯಾನ್ಸರ್ ಮಮೊಗ್ರಮ್ಗಳ ಮೂಲಕ ಪತ್ತೆ ಹಚ್ಚಲಾಗುತ್ತದೆ.ದುಗ್ಧರಸ ಗ್ರಂಥಿಗಳು ಕಂಡುಬರುವ ಉಂಡೆಗಳೂ ಸಹ ಸ್ತನ ಕ್ಯಾನ್ಸರಿನ ಸೂಚನೆಯಾಗಿರಬಹುದು.

ಈ ಉಂಟೆಯ ಹೊರತಾಗಿ ಇತರ ಸ್ತನ ಕ್ಯಾನ್ಸರ್‍ನ ಲಕ್ಷಣಗಳು: ಚರ್ಮದ ಸುಕ್ಕು ಬೀಳುವಿಕೆ ಅಥವಾ ಕುಗ್ಗುವಿಕೆ, ಒಂದು ತೊಟ್ಟಿನ ಸುತ್ತ ಗುಳ್ಳೆಗಳು ,ದ್ರವ ವಿಸರ್ಜನೆ ,ಇತರ ಸ್ತನ ಅಂಗಾಂಶಗಳಿಗಿಂತ ದಪ್ಪವಾದ ಚರ್ಮ ,ಒಂದು ಸ್ತನ ಇನ್ನೊಂದಕ್ಕಿಂತ ದೊಡ್ಡಗಾಗುವುದು, ತೊಟ್ಟುಗಳು ಸ್ಥಾನವನ್ನು ಅಥವಾ ಆಕಾರವನ್ನು ಬದಲಾಯಿಸುವುದು ಅಥವಾ ತಲೆಕೆಳಗಾದ ತೊಟ್ಟುಗಳು ,ಸ್ತನ ಅಥವಾ ಆರ್ಮ್ಪಿಟ್ ಭಾಗದಲ್ಲಿ ನಿರಂತರ ನೋವು, ಮತ್ತು ಆರ್ಮ್ಪಿಟ್ ಕೆಳಗೆ ಅಥವಾ ಕೊರಳೆಲುಬಿನ ಹತ್ತಿರ ಊತ.ಮುಂತಾದವು.[೬]

ತಡೆಗಟ್ಟುವಿಕೆ[ಬದಲಾಯಿಸಿ]

ಜೀವನ ಕ್ರಮ[ಬದಲಾಯಿಸಿ]

ತೂಕವನ್ನು ಕಾಪಾಡಿಕೊಳ್ಳುವುದು, ಮದ್ಯದ ಬಳಕೆಯನ್ನು ಕಡಿಮೆ ಮಾಡುವುದು, ದೈಹಿಕ ಚಟುವಟಿಕೆಯನ್ನು ಹೆಚ್ಚಿಸುವುದು ಮತ್ತು ಸ್ತನ್ಯಪಾನ ಮಾಡುವ ಮೂಲಕ ಮಹಿಳೆಯರು ತಮ್ಮ ಸ್ತನ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಬಹುದು.[೭]


ಈ ಮಾರ್ಪಾಡುಗಳು ಅಮೇರಿಕಾದಲ್ಲಿ ೩೮%, ಯುಕೆಯಲ್ಲಿ ೪೨%, ಬ್ರೆಜಿಲ್‌ನಲ್ಲಿ ೨೮% ಮತ್ತು ಚೀನಾದಲ್ಲಿ ೨೦% ಸ್ತನ ಕ್ಯಾನ್ಸರ್‌ಗಳನ್ನು ತಡೆಯಬಹುದು. ಹೆಚ್ಚಿನ ದೈಹಿಕ ಚಟುವಟಿಕೆಯು ಸ್ತನ ಕ್ಯಾನ್ಸರ್ ಅಪಾಯವನ್ನು ಸುಮಾರು ೧೪% ರಷ್ಟು ಕಡಿಮೆ ಮಾಡುತ್ತದೆ.[೮]

ತಂಬಾಕು ಸೇವನೆಯಿಂದಾಗಿ ಸ್ತನ ಕ್ಯಾನ್ಸರ್‌ ಆಗುವ ಸಾಧ್ಯತೆ ಹೆಚ್ಚು. ದೀರ್ಘಾವಧಿಯ ಧೂಮಪಾನಿಗಳಲ್ಲಿ, ಸ್ತನ ಕ್ಯಾನ್ಸರ್ ಅಪಾಯವು ೩೫% ರಿಂದ ೫೦% ರಷ್ಟು ಹೆಚ್ಚಾಗುತ್ತದೆ.[೯]

ಆಣ್ವಿಕ ಗುರುತುಗಳು[ಬದಲಾಯಿಸಿ]

ಸ್ತನ ಕ್ಯಾನ್ಸರ್‌ನಲ್ಲಿ ಅತ್ಯಂತ ಉಪಯುಕ್ತವಾದ ಚಯಾಪಚಯ ಗುರುತುಗಳು ಹಾರ್ಮೋನ್ ಚಿಕಿತ್ಸೆಗೆ ಪ್ರತಿಕ್ರಿಯೆಯನ್ನು ಊಹಿಸಲು ಬಳಸಲಾಗುವ ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟರಾನ್ ಗ್ರಾಹಕಗಳಾಗಿವೆ. ಸ್ತನ ಕ್ಯಾನ್ಸರ್‌ಗೆ ಸಂಬಂಧಿಸಿದ ಹೊಸ ಅಥವಾ ಸಂಭಾವ್ಯ ಹೊಸ ಮಾರ್ಕರ್‌ಗಳು BRCA1 ಮತ್ತು BRCA2[256] ಸ್ತನ ಕ್ಯಾನ್ಸರ್ ಅನ್ನು ಅಭಿವೃದ್ಧಿಪಡಿಸುವ ಹೆಚ್ಚಿನ ಅಪಾಯದಲ್ಲಿರುವ ಜನರನ್ನು ಗುರುತಿಸಲು, HER-2 ಮತ್ತು SCD1 ಗಳನ್ನು ಚಿಕಿತ್ಸಕ ಕಟ್ಟುಪಾಡುಗಳಿಗೆ ಪ್ರತಿಕ್ರಿಯೆಯನ್ನು ಊಹಿಸಲು ಮತ್ತು ಯುರೊಕಿನೇಸ್ ಪ್ಲಾಸ್ಮಿನೋಜೆನ್ ಆಕ್ಟಿವೇಟರ್, ಮುನ್ನರಿವು ನಿರ್ಣಯಿಸಲು PA1-1 ಮತ್ತು SCD1 ಬಳಸಲಾಗುತ್ತದೆ.

ಹೆಚ್ಚಿನ ಓದಿಗೆ[ಬದಲಾಯಿಸಿ]

ಉಲ್ಲೇಖಗಳು[ಬದಲಾಯಿಸಿ]

  1. Breast Cancer
  2. ೨.೦ ೨.೧ ೨.೨ ೨.೩ Breast Cancer Treatment (PDQ®)
  3. Saunders, Christobel; Jassal, Sunil (2009). Breast cancer (1. ed.). Oxford: Oxford University Press. p. Chapter 13. ISBN 978-0-19-955869-8.
  4. ೪.೦ ೪.೧ World Cancer Report 2014. World Health Organization. 2014. pp. Chapter 5.2. ISBN 92-832-0429-8.
  5. Breast Disorders: Breast Cancer
  6. Watson M (2008). "Assessment of suspected cancer". InnoAiT. 1 (2): 94–107. doi:10.1093/innovait/inn001.
  7. https://www.cancer.org/cancer/types/breast-cancer/risk-and-prevention/lifestyle-related-breast-cancer-risk-factors.html
  8. https://www.ncbi.nlm.nih.gov/pmc/articles/PMC4979358/
  9. https://pubmed.ncbi.nlm.nih.gov/21148114/
ಈ ಲೇಖನವನ್ನು ಮಹಿಳಾ ಸ್ವಾಸ್ಥ್ಯ ಲೇಖನಗಳು ಯೋಜನೆಯ ಅಂಗವಾಗಿ ಸೃಷ್ಟಿಸಲಾಗಿದೆ ಅಥವಾ ಸಂಪಾದಿಸಲಾಗಿದೆ.