ಸದಸ್ಯ:Prathimashetty/ನನ್ನ ಪ್ರಯೋಗಪುಟ3

"ಎಲ್.ಎ.ರಾಮದಾಸ್"

ಲಕ್ಷೀನಾರಯಣಪುರಂ ಅನಂತಕ್ರಷ್ಣನ್ ರಾಮದಾಸ್ ಇವರು ಜೂನ್ ೩,೧೯೦೦ರಲ್ಲಿ ಜನಿಸಿದರು. ಒಬ್ಬ ಭಾರತೀಯ ಭೌತಶಾಸ್ತ್ರಜ್ಞ ಮತ್ತು ಹವಾಮಾನಶಾಸ್ತ್ರಜ್ಞರಾಗಿದ್ದರು. ರಾಮದಾಸ್ ಪದರದ ವಾತಾವರಣದ ವಿದ್ಯಮಾನವನ್ನು ಕಂಡುಹಿಡಿಯಲು ಹೆಸರುವಾಸಿಯಾಗಿದ್ದರು. ವಾತಾವರಣದಲ್ಲಿ ಅತ್ಯಂತ ಕಡಿಮೆ ತಾಪಮಾನವು ನೆಲದ ಮೇಲೆ ಇರದೆ, ಅದರ ಪರಿಣಾಮವಾಗಿ ನೆಲದಿಂದ ಕೆಲವು ಹತ್ತಾರು ಸೆಂಟಿಮೀಟರ್ ಎತ್ತರದಲ್ಲಿದೆ. ನೆಲದಿಂದ ಸ್ವಲ್ಪ ಎತ್ತರದಲ್ಲಿರುವ ತೆಳುವಾದ ಪದರದ ಮಂಜಿನಲ್ಲಿ ಇದನ್ನು ಕಾಣಬಹುದು. ಅವರನ್ನು ಭಾರತದಲ್ಲಿ ಕೃಷಿ ಪವನಶಾಸ್ತ್ರದ ಪಿತಾಮಹ ಎಂದು ಕರೆಯುತ್ತಾರೆ.

ಜೀವನ

ರಾಮದಾಸರು ಕೇರಳದ ಪಾಲ್ಘಾಟ್ ನಲ್ಲಿ ಜನಿಸಿದರು. ಅವರ ಪದವಿಯ ನಂತರ ಅವರು ಭೌತಶಾಸ್ತ್ರದಲ್ಲಿ ತರಬೇತಿ ಪಡೆದರು. ೧೯೨೩-೧೯೨೬ ರವರೆಗೆ ಪಾಲಿಟ್ ರಿಸರ್ಚ್ ಸ್ಕಾಲರ್ ಆಗಿದ್ದರು ಹಾಗೂ ಇವರು ಸಿ. ವಿ. ರಾಮನ್ ಅವರ ಶಿಷ್ಯರಾಗಿದ್ದರು. ಕಲ್ಕತ್ತಾ ವಿಶ್ವವಿದ್ಯಾಲಯದಿಂದ ಪಿ.ಎಚ್.ಡಿ.ಯನ್ನು ಪಡೆದ ಅವರು ೧೯೨೬ರ ಸೆಪ್ಟೆಂಬರ್ ೧೫ರಂದು ಸಿಮ್ಲಾದಲ್ಲಿ ಭಾರತೀಯ ಹವಾಮಾನ ಇಲಾಖೆಗೆ ಸೇರಿದರು. ಅವರು ತೆಳು-ಫಿಲ್ಮ್ ಗಳನ್ನು ಸಹ ಸಂಕ್ಷಿಪ್ತವಾಗಿ ಅಧ್ಯಯನ ಮಾಡಿದರು.೧೯೨೭ ರಲ್ಲಿ ಅವರು ಅರ್ಧ ಶತಮಾನದಲ್ಲಿ ಮಳೆಯಲ್ಲಿ ಕಂಡುಬಂದ ಕುಸಿತವು ಮಾನವಜನ್ಯ ಚಟುವಟಿಕೆಯಿಂದಾಗಿ ಸಮುದ್ರಗಳ ಮೇಲೆ ತೈಲದ ತೆಳುವಾದ ಪದರದಿಂದ ಉಂಟಾಗುವ ಕಡಿಮೆ ಆವಿಯಾಗುವಿಕೆಯಿಂದಾಗಿ ಉಂಟಾಗಿರಬಹುದು ಎಂದು ಧೈರ್ಯವಾಗಿ ಸೂಚಿಸಿದರು.  ಪುಣೆಯಲ್ಲಿ ಕೃಷಿ ಪವನಶಾಸ್ತ್ರದ ಪ್ರತ್ಯೇಕ ವಿಭಾಗವನ್ನು ಪ್ರಾರಂಭಿಸಿದಾಗ ಆಗಸ್ಟ್ ೨೨, ೧೯೩೨ ರಂದು ಅದರ ಉಸ್ತುವಾರಿಯನ್ನು ಅವರಿಗೆ ವಹಿಸಲಾಯಿತು. ಇದು ೧೯೪೬ ರಲ್ಲಿ ನಿರ್ದೇಶನಾಲಯವಾಯಿತು ಹಾಗೂ ಅದರ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದರು. ೧೯೫೩ ರಲ್ಲಿ ಅವರು ವೀಕ್ಷಣಾಲಯಗಳ ಉಪ ಮಹಾನಿರ್ದೇಶಕರಾದರು ಮತ್ತು ೧೯೫೬ ರಲ್ಲಿ ನಿವೃತ್ತರಾದರು. ನಂತರ ಅವರು ನವದೆಹಲಿಯ ರಾಷ್ಟ್ರೀಯ ಭೌತಿಕ ಪ್ರಯೋಗಾಲಯಕ್ಕೆ ಸೇರಿದರು. ೧೯೬೫ ರಲ್ಲಿ ಎಮೆರಿಟಸ್ ಪ್ರೊಫೆಸರ್ ಆಗಿದ್ದರು.

ಅವರ ಪ್ರಮುಖ ಕೆಲಸವು ಕೃಷಿ ಪವನಶಾಸ್ತ್ರದ ಮೇಲೆ ಇತ್ತು. "ಬೆಳೆಗಳಿಗೆ ಸಂಬಂಧಿಸಿದಂತೆ ಹವಾಮಾನ" ದ ಬಗ್ಗೆ ಯೋಜನೆಯನ್ನು ಪ್ರಾರಂಭಿಸಿತು. ಇದು ಐಎಂಡಿಯ "ಅಗ್ರಿ ಮೆಟ್" ವಿಭಾಗವಾಗಿ ಮಾರ್ಪಟ್ಟಿತು. ಅಂತಹ ಪರಿಣತಿಯನ್ನು ಹೊಂದಿರುವ ವಿಶ್ವದ ಆರಂಭಿಕ ಗುಂಪುಗಳಲ್ಲಿ ಇದು ಒಂದಾಗಿದೆ. ಈ ಕೆಲಸದ ಭಾಗವಾಗಿ, ಅವರು ನೆಲದ ಹತ್ತಿರದ ಹವಾಮಾನ ವಿದ್ಯಮಾನಗಳನ್ನು ನೋಡಲು ಪ್ರಾರಂಭಿಸಿದರು. ರಾಮದಾಸರು ಪರಿಣಾಮಕಾರಿ ಮಳೆಯನ್ನು ಅಳೆಯುವ ವ್ಯವಸ್ಥೆಯನ್ನು ರೂಪಿಸಿದರು. ಅದರಲ್ಲಿ ಮಣ್ಣಿನ ಪದರದ ಕೆಳಗೆ ಹಿಡಿದಿರುವ ಮಳೆ ಮಾಪಕ ಮತ್ತು ಭೂಮಿಯನ್ನು ಅನುಕರಿಸುವ ಸಸ್ಯಗಳು ಸೇರಿವೆ. ಅವರನ್ನು ಭಾರತದಲ್ಲಿ ಕೃಷಿ ಪವನಶಾಸ್ತ್ರದ ಪಿತಾಮಹ ಎಂದು ಕರೆಯುತ್ತಾರೆ. ಅವರು ಮಣ್ಣಿನ-ನೀರಿನ ಸಂಬಂಧಗಳ ಹೊರತಾಗಿ ಕೀಟ ಮತ್ತು ಹವಾಮಾನದೊಂದಿಗಿನ ರೋಗ ಸಂಬಂಧಗಳಲ್ಲಿನ ಸೂಕ್ಷ್ಮ ಹವಾಮಾನವನ್ನು ಸಹ ಅಧ್ಯಾಯನ ಮಾಡಿದರು. ಅವರು ವಿಶ್ವ ಹವಾಮಾನ ಸಂಸ್ಥೆಯ ಕೃಷಿ ಪವನಶಾಸ್ತ್ರ ಆಯೋಗದಲ್ಲಿ ಸೇವೆ ಸಲ್ಲಿಸಿದರು.

ಅವರು ಭಾರತೀಯ ವಿಜ್ಞಾನ ಕಾಂಗ್ರೆಸ್ಸಿನ ಭೌತಶಾಸ್ತ್ರ ವಿಭಾಗದ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದರು. ಅವರು ೧೯೫೮ ರಲ್ಲಿ ಪದ್ಮಶ್ರೀ ಪ್ರಶಸ್ತಿಯನ್ನು ಪಡೆದರು.  ಅವರು ೧೯೪೫ ರಲ್ಲಿ "ಆರ್ಡರ್ ಆಫ್ ದಿ ಬ್ರಿಟಿಷ್ ಎಂಪೈರ್"(MBE) ನ ಸದಸ್ಯ ಎಂಬ ಬಿರುದನ್ನು ಪಡೆದರು. ರಾತ್ರಿಯಲ್ಲಿ ತಾಪಮಾನವು ನೆಲದಲ್ಲಿ ಅತ್ಯಂತ ಕಡಿಮೆ ಇರುತ್ತದೆ ಮತ್ತು ಎತ್ತರದೊಂದಿಗೆ ಹೆಚ್ಚಾಗುತ್ತದೆ ಎಂದು ನಂಬಲಾಗಿತ್ತು. ಇವು ಹವಾಮಾನ ಅವಲೋಕನಗಳನ್ನು ಆಧರಿಸಿದ್ದು, ನೆಲದಿಂದ ೧.೨ ಮೀ ಎತ್ತರದಿಂದ (ಪರದೆಯ ಎತ್ತರ ಎಂದು ಕರೆಯಲ್ಪಡುವ) ಪ್ರಾರಂಭಿಸಿ ವಾತಾವರಣದ ತಾಪಮಾನ ಮಾಪನಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದವು. ರಾಮದಾಸರು ಅಂತಹ ಅಳತೆಗಳನ್ನು ನೆಲಕ್ಕೆ ಹತ್ತಿರವಿರುವ ಹಲವಾರು ಸ್ಥಳಗಳಲ್ಲಿ ನಡೆಸಿದರು. ಪುಣೆ, ಆಗ್ರಾ, ಮದ್ರಾಸ್ ಮತ್ತು ಭದ್ರಾಚಲಂಗಳಲ್ಲಿ ನಡೆಸಿದರು. ಈ ವಿದ್ಯಮಾನವನ್ನು ೧೯೩೨ರಲ್ಲಿ ರಾಮದಾಸ್ ಮತ್ತು ಎಸ್. ಆತ್ಮನಾಥನ್ ಅವರು 'ಬೀಟ್ರೆಜ್ ಜುರ್ ಜಿಯೋಫಿಸಿಕ್' ಎಂಬ ನಿಯತಕಾಲಿಕದಲ್ಲಿ ಬರೆದ ಪ್ರಬಂಧದಲ್ಲಿ ಮೊದಲ ಬಾರಿಗೆ ವರದಿ ಮಾಡಲಾಯಿತು.ಆರಂಭದಲ್ಲಿ, ಈ ಅವಲೋಕನಗಳನ್ನು ಅನುಮಾನಿಸಲಾಯಿತು ಆದರೆ ನಂತರದ ದಶಕಗಳಲ್ಲಿ ಅವುಗಳನ್ನು ಇತರರು ವ್ಯಾಪಕವಾಗಿ ಪುನರಾವರ್ತಿಸಿದ್ದಾರೆ.  ಈ ವಿದ್ಯಮಾನವನ್ನು ರಾಮದಾಸ್ ಪದರ ಎಂದು ಕರೆಯಲಾಗುತ್ತದೆ.ಎಲ್.ಎ. ರಾಮದಾಸ್ ಅವರು ಜನವರಿ ೧, ೧೯೭೯ ರಂದು ನಿಧನರಾದರು.