ಶ್ರೀಗೌರಿ (ಕನ್ನಡ ಧಾರಾವಾಹಿ)

ಶ್ರೀಗೌರಿ ಪ್ರಸ್ತುತ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಭಾರತೀಯ ಕನ್ನಡ ಭಾಷೆಯ ದೈನಂದಿನ ಧಾರಾವಾಹಿ ಆಗಿದೆ. ಈ ಕಾರ್ಯಕ್ರಮವು 29 ಜನವರಿ 2024ರಿಂದ ಆರಂಭವಾದ ಈ ಧಾರಾವಾಹಿಯು ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8:30ಕ್ಕೆ ಪ್ರಸಾರವಾಗುತ್ತಿದೆ .

ಶ್ರೀಗೌರಿ (ಕನ್ನಡ ಧಾರಾವಾಹಿ)
ದೇಶ	ಭಾರತ
ಭಾಷೆ(ಗಳು)	ಕನ್ನಡ
ನಿರ್ಮಾಣ
ಸ್ಥಳ(ಗಳು)	ಕರ್ನಾಟಕ
ಸಮಯ	20 - 22 ನಿಮಿಷಗಳು
ಪ್ರಸಾರಣೆ
ಮೂಲ ವಾಹಿನಿ	ಕಲರ್ಸ್ ಕನ್ನಡ
ಮೂಲ ಪ್ರಸಾರಣಾ ಸಮಯ	29 ಜನವರಿ 2024 – ಪ್ರಸ್ತುತ

ಕಥಾ ಹಂದರ

ಕರಾವಳಿ ತೀರದ ಊರೊಂದರಲ್ಲಿ ನಡೆಯುವ ಕಥೆ ಇದಾಗಿದೆ. ಎರಡು ವಿಭಿನ್ನ ಜಗತ್ತುಗಳಿಂದ ಬರುವ ಅಪ್ಪು ಮಧ್ಯಮ ವರ್ಗದ ಹುಡುಗನಾಗಿದ್ದಾನೆ. ಮತ್ತು ಶ್ರೀಗೌರಿ ಶ್ರೀಮಂತರ ಮನೆಗೆ ಸೇರಿದವಳಾಗಿರುತ್ತಾಳೆ. ಇಬ್ಬರ ಭೇಟಿಯ ನಂತರ ಇಲ್ಲಿನ ಘಟನಾವಳಿಗಳೆಲ್ಲ ಪ್ರೀತಿ ಮತ್ತು ತ್ಯಾಗಗಳಿಂದ ತುಂಬಿಹೋಗಿರುತ್ತದೆ. ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿರುವ ಶ್ರೀಗೌರಿಯ ತಂದೆಗೆ ಅದನ್ನು ಮುಚ್ಚಿಟ್ಟು ಮಗಳಿಗೊಂದು ಮದುವೆ ಮಾಡಿಸುವ ಆಸೆ ಇರುತ್ತದೆ. ಊರಿಗೆ ಉಪಕಾರಿ ಮನೆಗೆ ಮಾರಿಯಂತಿರುವ ಅದೇ ಊರಿನ ಹುಡುಗ ಅಪ್ಪುಗೆ ತಾಯಿಯೇ ಜೀವನವಾಗಿರುತ್ತದೆ.

ಪಾತ್ರವರ್ಗ

ಮುಖ್ಯ ಪಾತ್ರಗಳು

• ಅಮೂಲ್ಯಾ ಗೌಡ: ಕಥಾ ನಾಯಕಿ ಶ್ರೀಗೌರಿ ಪಾತ್ರದಲ್ಲಿ
• ಕಾರ್ತಿಕ್ ಅತ್ತಾವರ್: ಕಥಾ ನಾಯಕ ಅಪ್ಪು ಆಲಿಯಾಸ್ ಶಂಕರನ ಪಾತ್ರದಲ್ಲಿ

ಪೋಷಕ ಪಾತ್ರಗಳು

• ನಂದಿನಿ ಗೌಡ: ಮಂಗಳಮ್ಮನ ಪಾತ್ರದಲ್ಲಿ.
• ಸುನೀಲ್ ಪುರಾಣಿಕ್: ರಘುರಾಮ್ ಹೆಗಡೆ ಪಾತ್ರದಲ್ಲಿ.
• ರಾಜೇಶ್ ಧ್ರುವ: ಶರಣ ಪಾತ್ರದಲ್ಲಿ
• ಇಶಿತಾ ವರ್ಷ: ಸೋನಿಕಾ ಪಾತ್ರದಲ್ಲಿ.
• ಆರೋಹಿ ನೈನಾ:ಅರ್ಚನಾ ಪಾತ್ರದಲ್ಲಿ
• ಸಚಿನ್ ತಿಮ್ಮಯ್ಯ: ಮಾಣಿಕ್ಯ ಪಾತ್ರದಲ್ಲಿ
• ಗಾಯತ್ರಿ ಪ್ರಭಾಕರ್: ಭಾರತಿ ಪಾತ್ರದಲ್ಲಿ

ಬಾಹ್ಯಕೊಂಡಿಗಳು

• ಶ್ರೀಗೌರಿ ಯನ್ನು @ ಜಿಯೋ ಸಿನಿಮಾದಲ್ಲಿ ವೀಕ್ಷಣೆ ಮಾಡಿ