ಶುಭಾ ಸತೀಶ್

ಶುಭಾ ಸತೀಶ್

ವಯಕ್ತಿಕ ಮಾಹಿತಿ
ಪೂರ್ಣ ಹೆಸರು	ಶುಭಾ ಸತೀಶ್
ಹುಟ್ಟು	(1999-07-13) ೧೩ ಜುಲೈ ೧೯೯೯ ಬೆಂಗಳೂರು, ಕರ್ನಾಟಕ ಭಾರತ
ಬ್ಯಾಟಿಂಗ್	ಎಡಗೈ
ಬೌಲಿಂಗ್	ಬಲಗೈ
ಪಾತ್ರ	ಆಲ್-ರೌಂಡರ್
ಅಂತಾರಾಷ್ಟ್ರೀಯ ಮಾಹಿತಿ
ರಾಷ್ಟೀಯ ತಂಡ	ಭಾರತ
ಒಂದೇ ಟೆಸ್ಟ್ (ಕ್ಯಾಪ್ ೯೨)	೧೪,ಡಿಸೆಂಬರ್ ೨೦೨೩ v ಇಂಗ್ಲೆಂಡ್
ದೇಶೀಯ ತಂಡದ ಮಾಹಿತಿ
ವರ್ಷಗಳು	ತಂಡ
2012/13–2022/23	ಕರ್ನಾಟಕ
೨೦೨೩/೨೪–ಪ್ರಸ್ತುತ	ರೈಲ್ವೆ
ವೃತ್ತಿ ಅಂಕಿಅಂಶಗಳು
ಸ್ಪರ್ಧೆ ಟೆಸ್ಟ್ WFC WLA WT20 ಪಂದ್ಯಗಳು ೧ ೩ ೫೨ ೪೧ ಗಳಿಸಿದ ರನ್ಗಳು ೬೯ ೯೦ ೧,೨೭೫ ೬೬೫ ಬ್ಯಾಟಿಂಗ್ ಸರಾಸರಿ ೬೯.೦೦ ೧೮.೦೦ ೨೮.೯೭ ೨೦.೭೮ ೧೦೦/೫೦ ೦/೧ ೦/೧ ೦/೧೦ ೦/೩ ಉನ್ನತ ಸ್ಕೋರ್ ೬೯ ೬೯ ೮೫ ೬೧* ಎಸೆತಗಳು – – ೨೯೬ ೭೨ ವಿಕೆಟ್‌ಗಳು – – ೭ ೩ ಬೌಲಿಂಗ್ ಸರಾಸರಿ – – ೨೭.೭೧ ೨೧.೦೦ ಐದು ವಿಕೆಟ್ ಗಳಿಕೆ – – ೦ ೦ ಹತ್ತು ವಿಕೆಟ್ ಗಳಿಕೆ – – ೦ ೦ ಉನ್ನತ ಬೌಲಿಂಗ್ – – ೨/೧೧ ೨/೨೪ ಹಿಡಿತಗಳು/ ಸ್ಟಂಪಿಂಗ್‌ ೦/– ೨/– ೨೨/– ೨೨/–
ಮೂಲ: CricketArchive, ೧೮ ಡಿಸೆಂಬರ್ ೨೦೨೩

ಶುಭಾ ಸತೀಶ್ ಭಾರತೀಯ ಮಹಿಳಾ ಕ್ರಿಕೆಟ್ ಆಟಗಾರ್ತಿ. ಇವರು ಪ್ರಸ್ತುತ ರೈಲ್ವೇಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡುತ್ತಿದ್ದಾರೆ. ಅವರು ಬಲಗೈ ಬ್ಯಾಟರ್ ಮತ್ತು ಬಲಗೈ ಮಧ್ಯಮ ಬೌಲರ್ ಆಗಿ ಆಡುತ್ತಾರೆ. ಈ ಹಿಂದೆ ಕರ್ನಾಟಕದ ಪರ ಕೂಡ ಆಡಿದ್ದರು.

ಅವರು ಡಿಸೆಂಬರ್ ೨೦೨೩ ರಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತದ ಪರ ಟೆಸ್ಟ್ ಪಂದ್ಯದಲ್ಲಿ ಆಡಿದದ್ದರು, ಈ ಮೂಲಕ ತಮ್ಮ ಅಂತರರಾಷ್ಟ್ರೀಯ ಚೊಚ್ಚಲ ಪ್ರವೇಶ ಮಾಡಿದರು.

ವಯಕ್ತಿಕ ಜೀವನ

ಶುಭಾ ಸತೀಶ್ ರವರು ೧೩ನೇ ಜುಲೈ ೧೯೯೯ರಂದು ಬೆಂಗಳೂರಿನಲ್ಲಿ ಜನಿಸಿದರು. ಇವರು ಬೆಮಲ್ ಉದ್ಯೋಗಿಯಾಗಿರುವ ಎನ್.ಸತೀಶ್ ಹಾಗೂ ತಾರಾ ದಂಪತಿಗಳ ಪುತ್ರಿ. ಇವರು ೧೨ನೇ ವಯಸ್ಸಿನಲ್ಲಿ ಕ್ರಿಕೆಟ್ ಆಟವಾಡಲು ಆರಂಭಿಸಿದ್ದರು.

ವೃತ್ತಿ ಜೀವನ

ಇವರು ಎಡಗೈನಲ್ಲಿ ಬ್ಯಾಟಿಂಗ್ ಮಾಡುತ್ತಾರೆ ಹಾಗೂ ಬಲಗೈ ಮಧ್ಯಮ ವೇಗದ ಬೌಲರ್ ಕೂಡ ಹೌದು. ಇವರು ಆಲ್-ರೌಂಡರ್ ಆಗಿದ್ದಾರೆ.

ದೇಶೀಯ

ಶುಭಾರವರು ನವೆಂಬರ್ ೨೦೧೨ರಲ್ಲಿ ಆಂಧ್ರ ವಿರುದ್ಧ ಕರ್ನಾಟಕ ತಂಡವನ್ನು ಪ್ರತಿನಿಧಿಸಿದ್ದರು. ಅವರು ಜನವರಿ ೨೦೧೭ರಲ್ಲಿ ತಮ್ಮ ಚೊಚ್ಚಲ ಟ್ವೆಂಟಿ ೨೦ ಅರ್ಧಶತಕವನ್ನು ಸೌರಾಷ್ಟ್ರ ವಿರುದ್ಧ ೬೧* ಮತ್ತು ಡಿಸೆಂಬರ್ ೨೦೧೮ರಲ್ಲಿ ತಮಿಳುನಾಡು ವಿರುದ್ಧ ೭೨ ರನ್ ರೊಂದಿಗೆ ಅವರ ಮೊದಲ ಲಿಸ್ಟ್ ಎ ಅರ್ಧ ಶತಕವನ್ನು ಗಳಿಸಿದರು. ಅವರು ೨೦೨೦-೨೧ರ ಮಹಿಳಾ ಸೀನಿಯರ್ ಏಕದಿನ ಟ್ರೋಫಿಯಲ್ಲಿ ನಾಲ್ಕು ಅರ್ಧಶತಕಗಳು ಸೇರಿದಂತೆ ೩೪೬ ರನ್‌ಗಳೊಂದಿಗೆ ನಾಲ್ಕನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ್ತಿಯಾಗಿದ್ದಾರೆ. ಅವರು ೨೦೨೩-೨೪ ಆವೃತ್ತಿಯ ಮುಂಚಿತವಾಗಿ ರೈಲ್ವೇಸ್ಗೆ ತೆರಳಿದರು.

ಅವರು ೨೦೧೭-೧೮ರ ಹಿರಿಯ ಮಹಿಳಾ ಕ್ರಿಕೆಟ್ ಅಂತರ ವಲಯ ಮೂರು ದಿನದ ಪಂದ್ಯಾವಳಿಯಲ್ಲಿ ದಕ್ಷಿಣ ವಲಯಕ್ಕಾಗಿ ಎರಡು ಪಂದ್ಯಗಳನ್ನು ಆಡಿದರು.

ಡಿಸೆಂಬರ್ ೨೦೨೩ ರಲ್ಲಿ, ಮಹಿಳಾ ಪ್ರೀಮಿಯರ್ ಲೀಗ್‌ನ ಎರಡನೇ ಸೀಸನ್‌ಗಾಗಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಸೇರ್ಪಡೆಯಾದರು. ಡಿಸೆಂಬರ್ ೯ ರಂದು, ಡಬ್ಲ್ಯೂಪಿಎಲ್ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ೯ಲಕ್ಷಕ್ಕೆ ಇವರನ್ನು ಖರೀದಿಸಿದೆ.

ಅಂತರರಾಷ್ಟ್ರೀಯ

ಡಿಸೆಂಬರ್ ೨೦೨೩ರಲ್ಲಿ, ಶುಭಾ ಅವರು ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯಗಳಿಗಾಗಿ ಭಾರತ ತಂಡಕ್ಕೆ ಮೊದಲ ಬಾರಿಗೆ ಆಯ್ಕೆಯಾದರು. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್‌ನಲ್ಲಿ ೬೯ ರನ್ ಗಳಿಸುವ ಮೂಲಕ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದರು. ಇದು ವಿಶ್ವ ಮಹಿಳಾ ಟೆಸ್ಟನಲ್ಲಿ ಮೂರನೇ ಅತೀ ವೇಗದ ಅರ್ಧಶತಕವಾಗಿದೆ. ಈ ಹಿಂದೆ ಗಾಯದ ಕಾರಣ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯದಿಂದ ಹೊರಗುಳಿದಿದ್ದರು.