ಶುದ್ಧಗತಿವಿಜ್ಞಾನ

ಶುದ್ಧಗತಿವಿಜ್ಞಾನವು ಚಲನೆಗೆ ಕಾರಣವಾಗುವ ಬಲಗಳನ್ನು ಪರಿಗಣಿಸದೆ ವಸ್ತುಗಳ ಚಲನೆಗಳನ್ನು ಪರಿಶೀಲಿಸುವ ಬಲವಿಜ್ಞಾನದ (dynamics) ಅಂಗ (ಕೈನ್‌ಮೆಟಿಕ್ಸ್). ಗತಿವಿಜ್ಞಾನ (ಡೈನಮಿಕ್ಸ್) ಹೀಗಲ್ಲ: ಚಲನಕಾರಕ ಬಲಗಳನ್ನೂ ಇದು ಪರಿಶೀಲಿಸುತ್ತದೆ. ಏಕರೀತಿ ವೇಗೋತ್ಕರ್ಷಸಹಿತ (ಆ್ಯಕ್ಸೆಲರೇಶನ್) ರೇಖೀಯವಾಗಿ (ಲೀನಿಯರ್ಲಿ) ಚಲಿಸುವ ವಸ್ತುಗಳಿಗೆ ಅನ್ವಯವಾಗುವ ಈ ಮುಂದಿನ ನಾಲ್ಕು ಸಮೀಕರಣವೊಂದೊಂದಕ್ಕೂ ಶುದ್ಧಗತಿವೈಜ್ಞಾನಿಕ ಸಮೀಕರಣವೆಂದು ಹೆಸರು.

೧. v = u + at

೨. $\Delta x=\left({\frac {v+u}{2}}\right)t$

೩. $\Delta x=ut+{\frac {1}{2}}at^{2}$

೪. $v^{2}=u^{2}+2a\Delta x$

ಇಲ್ಲಿ u = ವಸ್ತುವಿನ ಪ್ರಾರಂಭಿಕ ವೇಗ, v = ಅಂತಿಮ ವೇಗ, a = ವೇಗೋತ್ಕರ್ಷ, t = ಚಲನಾವಧಿ, △x = ಪಲ್ಲಟನ ಪ್ರಮಾಣ