ವೆಲ್ಲೂರು ಜಿಲ್ಲೆ

ವೆಲ್ಲೂರು ಜಿಲ್ಲೆ
ವೆಲ್ಲೂರು ಜಿಲ್ಲೆ
ಜಿಲ್ಲೆ
	ವೆಲ್ಲೂರು ಕೋಟೆ
	Nickname(s): Temple city
	Location in Tamil Nadu India
ದೇಶ	ಭಾರತ
State	ತಮಿಳುನಾಡು
ಪ್ರದೇಶ	ವೆಲ್ಲೂರು
Established	1996
ಪ್ರಧಾನ ಕಛೇರಿ	ವೆಲ್ಲೂರು
ತಾಲೂಕುಗಳು	ವೆಲ್ಲೂರು, ಪಲ್ಲಿಕೊಂಡ, ಕಟ್ಪಾಡಿ, ಗುಡಿಯಾಥಮ್, ಪೇರ್ನಾಮ್ಬೆಟ್ ಮತ್ತು ಕೆ.ವಿ ಕುಪ್ಪಂ
ಸರ್ಕಾರ
• Collector & District Magistrate	Mr Shanmugasundharam IAS
Area
• Total	೫,೯೨೦.೧೮ km೨ (೨,೨೮೫.೭೯ sq mi)
Population (2011)
• Total	೩೯,೩೬,೩೩೧
• ಸಾಂದ್ರತೆ	೬೬೦/km೨ (೧,೭೦೦/sq mi)
ಸಮಯ ವಲಯ	ಯುಟಿಸಿ+5:30 (IST)
Telephone code	0416
ವಾಹನ ನೋಂದಣಿ	TN-23, TN-73, TN-83
Coastline	0 kilometres (0 mi)
Precipitation	917 millimetres (36.1 in)
ಜಾಲತಾಣ	District

ವೆಲ್ಲೂರು ಜಿಲ್ಲೆ ಭಾರತದ ತಮಿಳುನಾಡು ರಾಜ್ಯದ 37 ಜಿಲ್ಲೆಗಳಲ್ಲಿ ಒಂದು. ತಮಿಳುನಾಡಿನ ಉತ್ತರ ಭಾಗವನ್ನು ರೂಪಿಸುವ ಎಂಟು ಜಿಲ್ಲೆಗಳಲ್ಲಿ ಇದು ಒಂದು. ಇದು ತಮಿಳುನಾಡಿನ ಅತಿದೊಡ್ಡ ಜಿಲ್ಲೆಗಳಲ್ಲಿ ಒಂದಾಗಿದೆ. ವೆಲ್ಲೂರು ನಗರವು ಈ ಜಿಲ್ಲೆಯ ಪ್ರಧಾನ ಕೇಂದ್ರವಾಗಿದೆ . 2011ರ ಪ್ರಕಾರ, ಜಿಲ್ಲೆಯು 3,936,331 ಜನಸಂಖ್ಯೆಯನ್ನು ಹೊಂದಿದ್ದು, ಪ್ರತಿ 1,000 ಪುರುಷರಿಗೆ 1,007 ಮಹಿಳೆಯರ ಲಿಂಗಾನುಪಾತವಿದೆ.

ಭಾರತ ಸರ್ಕಾರವು ಇತ್ತೀಚಿಗೆ ವೆಲ್ಲೂರು ನಗರವನ್ನು ತನ್ನ ಪ್ರತಿಷ್ಠಿತ ಸ್ಮಾರ್ಟ್ ಸಿಟಿ ಯೋಜನೆಯಲ್ಲಿ, 26 ಇತರೆ ನಗರಗಳೊಂದಿಗೆ ಸೇರಿಸಿಕೊಂಡಿತು. ^[೩]

ಇತಿಹಾಸ

ವೆಲ್ಲೂರು ಜಿಲ್ಲೆಯ ಪುರುಷರು ಬ್ರಿಟಿಷ್ ಇಂಡಿಯಾ ಸೈನ್ಯದಲ್ಲಿ ಹೋರಾಡಿ ವಿಶ್ವ ಯುದ್ಧಗಳಲ್ಲಿ ತಮ್ಮ ಪ್ರಾಣ ತ್ಯಾಗ ಮಾಡಿದರು. ಇದನ್ನು 1920 ರಲ್ಲಿ ಸ್ಥಾಪಿಸಿದ ವೆಲ್ಲೂರಿನ ಲಾಂಗ್ ಬಜಾರ್‌ನಲ್ಲಿರುವ ಕ್ಲಾಕ್ ಟವರ್ ನಲ್ಲಿ ದಾಖಲಿಸಲಾಗಿದೆ. ಅಲ್ಲಿ ಒಂದು ಶಾಸನವು "ವೆಲ್ಲೂರು - ಈ ಗ್ರಾಮದಿಂದ 277 ಪುರುಷರು 1914-18ರ ಮಹಾಯುದ್ಧಕ್ಕೆ ಹೋದರು. ಅವರಲ್ಲಿ 14 ಜನರು ತಮ್ಮ ಪ್ರಾಣವನ್ನು ತ್ಯಜಿಸಿದರು" ಎಂದು ಬರೆಯಲಾಗಿದೆ. ^[೪]

ಸೆಪ್ಟೆಂಬರ್ 30, 1989 ರಂದು ಜಿಲ್ಲೆಯನ್ನು ಮತ್ತೆ ತಿರುವಣ್ಣಾಮಲೈ-ಸಾಂಬುವರಾಯರ್ (ಇಂದಿನ ತಿರುವಣ್ಣಾಮಲೈ ) ಮತ್ತು ಉತ್ತರ ಆರ್ಕೋಟ್ ಅಂಬೇಡ್ಕರ್ ಜಿಲ್ಲೆಗಳಾಗಿ ವಿಭಜಿಸಲಾಯಿತು. ಉತ್ತರ ಆರ್ಕೋಟ್ ಅಂಬೇಡ್ಕರ್ ಜಿಲ್ಲೆಯನ್ನು 1996 ರಲ್ಲಿ ವೆಲ್ಲೂರು ಜಿಲ್ಲೆ ಎಂದು ಮರುನಾಮಕರಣ ಮಾಡಲಾಯಿತು.

ಆಗಸ್ಟ್ 15, 2019 ರಂದು ಜಿಲ್ಲೆಯನ್ನು ವೆಲ್ಲೂರು, ತಿರುಪತ್ತೂರು ಮತ್ತು ರಾಣಿಪೇಟೆ ಜಿಲ್ಲೆಗಳಾಗಿ ವಿಭಜಿಸಲಾಯಿತು .

ಜನಸಂಖ್ಯಾಶಾಸ್ತ್ರ

2011 ರ ಜನಗಣತಿಯ ಪ್ರಕಾರ, ವೆಲ್ಲೂರು ಜಿಲ್ಲೆಯು 3,936,331 ಜನಸಂಖ್ಯೆಯನ್ನು ಹೊಂದಿತ್ತು, ಪ್ರತಿ 1,000 ಪುರುಷರಿಗೆ 1,007 ಮಹಿಳೆಯರ ಲಿಂಗ ಅನುಪಾತವಿತ್ತು, ಇದು ರಾಷ್ಟ್ರೀಯ ಸರಾಸರಿ 999 ಗಿಂತ ಹೆಚ್ಚಾಗಿತ್ತು. ^[೫] ಒಟ್ಟು 432,550 ಮಂದಿ ಆರು ವರ್ಷದೊಳಗಿನವರಾಗಿದ್ದು, 222,460 ಪುರುಷರು ಮತ್ತು 210,090 ಮಹಿಳೆಯರು ಇದ್ದಾರೆ. ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರು ಕ್ರಮವಾಗಿ 21.85% ಮತ್ತು 1.85% ಜನಸಂಖ್ಯೆಯನ್ನು ಹೊಂದಿದ್ದಾರೆ. ರಾಷ್ಟ್ರೀಯ ಸರಾಸರಿ 72.99% ಕ್ಕೆ ಹೋಲಿಸಿದರೆ ಜಿಲ್ಲೆಯ ಸರಾಸರಿ ಸಾಕ್ಷರತೆ 70.47% ಆಗಿದೆ.

ಜಿಲ್ಲೆಯಲ್ಲಿ 929,281 ಕುಟುಂಬಗಳಿವೆ. 153,211 ಕೃಷಿಕರು, 254,999 ಮುಖ್ಯ ಕೃಷಿ ಕಾರ್ಮಿಕರು, ಗೃಹ ಕೈಗಾರಿಕೆಗಳಲ್ಲಿ 106,906, 845,069 ಇತರ ಕಾರ್ಮಿಕರು, 329,145 ಅಲ್ಪ ಕಾರ್ಮಿಕರು, 21,897 ಅಲ್ಪ ಕೃಷಿಕರು, 136,956 ಅಲ್ಪ ಕೃಷಿ ಕಾರ್ಮಿಕರು, ಗೃಹ ಕೈಗಾರಿಕೆಗಳಲ್ಲಿ 29,509 ಅಲ್ಪ ಕಾರ್ಮಿಕರು ಸೇರಿ ಒಟ್ಟು 1,689,330 ಕಾರ್ಮಿಕರು ಇದ್ದರು. ^[೬]

ಆಡಳಿತ ಮತ್ತು ರಾಜಕೀಯ

ಜಿಲ್ಲೆಯ ವಿಭಾಗವು ಹಿಂದೆ ತಾಲೂಕಾಗಿತ್ತು

ಜಿಲ್ಲೆಯ ವಿಭಾಗವು ಹಿಂದೆ ತಾಲೂಕಾಗಿತ್ತು

ವೆಲ್ಲೂರು ತಮಿಳುನಾಡಿನ 37 ಜಿಲ್ಲೆಗಳಲ್ಲಿ ಒಂದಾಗಿದೆ ಮತ್ತು ಇದನ್ನು ವೆಲ್ಲೂರು ಜಿಲ್ಲಾಧಿಕಾರಿ ನಿರ್ವಹಿಸುತ್ತಾರೆ. ವೆಲ್ಲೂರು ಜಿಲ್ಲೆಯ ಪ್ರಸ್ತುತ ಜಿಲ್ಲಾಧಿಕಾರಿ ಷಣ್ಮುಗಸುಂದರಂ. ^[೭]

ಸಾರಿಗೆ

ಎರಡು ರಾಷ್ಟ್ರೀಯ ಹೆದ್ದಾರಿಗಳು - ಎನ್ಎಚ್ 4 (ಮುಂಬೈ - ಚೆನ್ನೈ) ಮತ್ತು ಎನ್ಎಚ್ 46 (ಕೃಷ್ಣಗಿರಿ - ರಾಣಿಪೇಟೆ) - ಜಿಲ್ಲೆಯನ್ನು ದೇಶದ ಇತರೆ ಭಾಗಗಳಿಗೆ ಸಂಪರ್ಕ ಕಲ್ಪಿಸುತಿತ್ತು. ಈ ಹೆದ್ದಾರಿಗಳನ್ನು ಈಗ NH 48 ಎಂದು ಮರುನಾಮಕರಣ ಮಾಡಲಾಗಿದೆ.

ಈ ಹೆದ್ದಾರಿಗಳು ಮುಖ್ಯವಾಗಿ ಬೆಂಗಳೂರು ಮತ್ತು ಕೊಯಂಬತ್ತೂರಿನಿಂದ ಚೆನ್ನೈಗೆ ಪ್ರಯಾಣಿಸುವ ವಾಹನಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳು. ಈ ಹೆದ್ದಾರಿಗಳು ಜಿಲ್ಲೆಯಲ್ಲಿ 226 km (140 mi) ಚಲಿಸುತ್ತವೆ. ಜಿಲ್ಲೆಯ ಇತರೆ ಮುಖ್ಯ ರಸ್ತೆಗಳೆಂದರೆ - 629 km (391 mi) ಇರುವ ರಾಜ್ಯ ಹೆದ್ದಾರಿಗಳು ಮತ್ತು 1,947 km (1,210 mi) ಇರುವ ಜಿಲ್ಲಾ ರಸ್ತೆಗಳು .

ವೆಲ್ಲೂರು ಜಿಲ್ಲೆಯ ರೈಲ್ವೆ ಜಾಲವು ದಕ್ಷಿಣ ರೈಲ್ವೆಯ ಅಡಿಯಲ್ಲಿ ಬರುತ್ತದೆ. ವೆಲ್ಲೂರು ಕಟ್ಪಾಡಿ ಜಂಕ್ಷನ್, ವೆಲ್ಲೂರು ಕಂಟೋನ್ಮೆಂಟ್ ಜಂಕ್ಷನ್ ಮತ್ತು ಗುಡಿಯಾಥಮ್ ಜಿಲ್ಲೆಯಲ್ಲಿರುವ ಪ್ರಮುಖ ರೈಲ್ವೆ ಜಂಕ್ಷನ್‌ಗಳು. ಪ್ರಯಾಣಿಕರಿಗೆ ಮತ್ತು ಸ್ಥಳೀಯ ರೈಲು ನಿಲುಗಡೆಗೆ ಅನೇಕ ಸಣ್ಣ ರೈಲು ನಿಲ್ದಾಣಗಳಿವೆ. ದೇಶೀಯ ವಿಮಾನ ನಿಲ್ದಾಣವಿದೆ; ಅದು ಬಳಕೆಯಲ್ಲಿಲ್ಲ. ಹತ್ತಿರದ ಅಂತರರಾಷ್ಟ್ರೀಯ / ದೇಶೀಯ ವಿಮಾನ ನಿಲ್ದಾಣವು ಚೆನ್ನೈನಲ್ಲಿದೆ.

ಪ್ರವಾಸೋದ್ಯಮ

ವೆಲ್ಲೂರು ಕೋಟೆ ಜಿಲ್ಲಾ ಕೇಂದ್ರವಾದ ವೆಲ್ಲೂರಿನ ಪ್ರಮುಖ ಪ್ರವಾಸಿಗರ ಆಕರ್ಷಣೆಯಾಗಿದೆ. ಬ್ರಿಟಿಷ್ ಆಳ್ವಿಕೆಯ ಸಮಯದಲ್ಲಿ, ಟಿಪ್ಪು ಸುಲ್ತಾನ್ ಅವರ ಕುಟುಂಬ ಮತ್ತು ಶ್ರೀಲಂಕಾದ ಕೊನೆಯ ರಾಜ ವಿಕ್ರಮ ರಾಜಸಿಂಹ ಅವರನ್ನು ಕೋಟೆಯಲ್ಲಿ ರಾಜ ಕೈದಿಗಳಾಗಿ ಇರಿಸಲಾಗಿತ್ತು. ಈ ಕೋಟೆಯು ಚರ್ಚ್, ಮಸೀದಿ ಮತ್ತು ಹಿಂದೂ ದೇವಾಲಯವನ್ನು ಹೊಂದಿದೆ ಮತ್ತು ಅದರ ಕೆತ್ತನೆಗಳಿಗೆ ಹೆಸರುವಾಸಿಯಾಗಿದೆ. 1806 ರಲ್ಲಿ ಈ ಕೋಟೆಯಲ್ಲಿ ಬ್ರಿಟಿಷ್ ಆಡಳಿತದ ವಿರುದ್ಧದ ಮೊದಲ ದಂಗೆ ಭುಗಿಲೆದ್ದಿತು ಮತ್ತು ಶ್ರೀರಂಗ ರಾಯ ಚಕ್ರವರ್ತಿಯ ವಿಜಯನಗರ ರಾಜಮನೆತನದ ಹತ್ಯಾಕಾಂಡಕ್ಕೆ ಸಾಕ್ಷಿಯಾಯಿತು. ^[೮]

ಶ್ರೀಪುರದ ಚಿನ್ನದ ಗುಡಿ (ಸೂರ್ಯ ದೇವಾಲಯ) ಸಣ್ಣ ಶ್ರೇಣಿಯ ಹಸಿರು ಬೆಟ್ಟಗಳ ತಪ್ಪಲಿನಲ್ಲಿ "ಮಲೈಕೋಡಿ" ಎಂದು ಕರೆಯಲ್ಪಡುವ ಸ್ಥಳದಲ್ಲಿ ಇರುವ ಆಧ್ಯಾತ್ಮಿಕ ಉದ್ಯಾನವನ. ಈ ದೇವಾಲಯವು ವೆಲ್ಲೂರು - ಒಡುಗತ್ತೂರು ರಾಜ್ಯ ಹೆದ್ದಾರಿ ಮತ್ತು ವೆಲ್ಲೂರು ನಗರದ ದಕ್ಷಿಣ ತುದಿಯಲ್ಲಿ ತಿರುಮಲೈಕೋಡಿಯಲ್ಲಿ ಇದೆ. ಚಿನ್ನದ ಹೊದಿಕೆಯನ್ನು ಹೊಂದಿರುವ ದೇವಾಲಯವು ಚಿನ್ನವನ್ನು ಬಳಸಿಕೊಂಡು ದೇವಾಲಯದ ಕಲೆಯಲ್ಲಿ ಪರಿಣತಿ ಹೊಂದಿರುವ ಕುಶಲಕರ್ಮಿಗಳ ಸಂಕೀರ್ಣವಾದ ಕೆಲಸವನ್ನು ಹೊಂದಿದೆ. ^[೯]

ಯಲಗಿರಿ ಎಂಬುದು ಗಿರಿಧಾಮವಾಗಿದ್ದು, ಇದು ವಾನಿಯಂಬಾಡಿ - ತಿರುಪತ್ತೂರು ರಸ್ತೆಯ ತಿರುಪತ್ತೂರು ಜಿಲ್ಲೆಯಲ್ಲಿದೆ. ^[೧೦] ಸಮುದ್ರ ಮಟ್ಟಕ್ಕಿಂತ 1,410.6 ಮೀಟರ್ ಎತ್ತರದಲ್ಲಿ ಮತ್ತು 30 ಕಿಮೀ ² ಹರಡಿದೆ .

ತಿನಿಸುಗಳು

ವೆಲ್ಲೂರು ಗೋಧಿ ಹಲ್ವಾ

ಇಡೀ ಗೋಧಿ ಹಿಟ್ಟಿನಿಂದ ತಯಾರಿಸಿದ ಹಲ್ವಾ ಉತ್ತರ ಭಾರತದಲ್ಲಿ ತಯಾರಿಸಿದ ಜನಪ್ರಿಯ ಸಿಹಿ. ವೆಲ್ಲೂರು ಪ್ರದೇಶದ ಹಲ್ವಾ ಉತ್ತರ ಭಾರತೀಯ ಹಲ್ವಾ ನಂತರ ಅತ್ಯಂತ ಜನಪ್ರಿಯವಾಗಿದೆ.

ಉಲ್ಲೇಖಗಳು

↑ "Vellore District | Fort City, a Leading Leather Exporter in India". www.vellore.nic.in. Archived from the original on 2021-07-09. Retrieved 2021-08-10.
↑ "2011 Census of India" (Excel). Indian government. 16 April 2011.
↑ Reporter, Staff (2016-09-20). "Varanasi, Madurai on latest list of Smart Cities". The Hindu (in Indian English). ISSN 0971-751X. Retrieved 2016-09-29.
↑ "Historical Importance of Vellore District". Vellore - The Fort City. Government of Tamil Nadu. Archived from the original on 20 ಆಗಸ್ಟ್ 2010. Retrieved 19 August 2015.
↑ "Census Info 2011 Final population totals". Office of The Registrar General and Census Commissioner, Ministry of Home Affairs, Government of India. 2013. Retrieved 26 January 2014.
↑ "Census Info 2011 Final population totals - Vellore district". Office of The Registrar General and Census Commissioner, Ministry of Home Affairs, Government of India. 2013. Retrieved 26 January 2014.
↑ Reporter, Staff (1 August 2016). "New Collector assumes charge".
↑ "Vellore sepoys rebelled". The Hindu. 6 August 2006. Archived from the original on 2006-12-02. Retrieved 2013-07-07.
↑ "Golden Temple at Vellore". ದಿ ಹಿಂದೂ. August 2007. Archived from the original on 2007-11-03. Retrieved 2020-01-12.
↑ "Miles to go for Yelagiri Hills as a tourist spot". The Hindu. 25 May 2008. Archived from the original on 27 ಮೇ 2008. Retrieved 07-04-2009. {{cite news}}: Check date values in: |access-date= (help)

ಬಾಹ್ಯ ಕೊಂಡಿಗಳು

[1] "Vellore District | Fort City, a Leading Leather Exporter in India". www.vellore.nic.in. Archived from the original on 2021-07-09. Retrieved 2021-08-10.

[2] "2011 Census of India" (Excel). Indian government. 16 April 2011.

[3] Reporter, Staff (2016-09-20). "Varanasi, Madurai on latest list of Smart Cities". The Hindu (in Indian English). ISSN 0971-751X. Retrieved 2016-09-29.

[VelloreNIC-4] "Historical Importance of Vellore District". Vellore - The Fort City. Government of Tamil Nadu. Archived from the original on 20 ಆಗಸ್ಟ್ 2010. Retrieved 19 August 2015.

[dashboard-5] "Census Info 2011 Final population totals". Office of The Registrar General and Census Commissioner, Ministry of Home Affairs, Government of India. 2013. Retrieved 26 January 2014.

[2011census-6] "Census Info 2011 Final population totals - Vellore district". Office of The Registrar General and Census Commissioner, Ministry of Home Affairs, Government of India. 2013. Retrieved 26 January 2014.

[7] Reporter, Staff (1 August 2016). "New Collector assumes charge".

[8] "Vellore sepoys rebelled". The Hindu. 6 August 2006. Archived from the original on 2006-12-02. Retrieved 2013-07-07.

[9] "Golden Temple at Vellore". ದಿ ಹಿಂದೂ. August 2007. Archived from the original on 2007-11-03. Retrieved 2020-01-12.

[10] "Miles to go for Yelagiri Hills as a tourist spot". The Hindu. 25 May 2008. Archived from the original on 27 ಮೇ 2008. Retrieved 07-04-2009. {{cite news}}: Check date values in: |access-date= (help)

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]