ಬರ್ಕ್‌ಷೈರ್‌ ಹಾಥ್‌ವೇ

ವಿಕಿಪೀಡಿಯ ಇಂದ
ಇಲ್ಲಿಗೆ ಹೋಗು: ಸಂಚರಣೆ, ಹುಡುಕು
Berkshire Hathaway Inc.
ಪ್ರಕಾರ Public
(NYSEBRKA)
(NYSEBRKB)
ಸ್ಥಾಪನೆ 1839 (as Valley Falls Company)
ಸಂಸ್ಥಾಪಕ(ರು) Oliver Chace
ಮುಖ್ಯ ಕಾರ್ಯಾಲಯ Omaha, Nebraska, U.S.
ವ್ಯಾಪ್ತಿ ಪ್ರದೇಶ Worldwide
ಪ್ರಮುಖ ವ್ಯಕ್ತಿ(ಗಳು) Warren E. Buffett
(Chairman & CEO)
Charles T. Munger
(Vice Chairman)
ಉದ್ಯಮ Property and casualty insurance, Diversified investments
ಉತ್ಪನ Conglomerate
ಆದಾಯ Decrease US$ 143.688 billion (2011)
ಕಾರ್ಯಕಾರಿ ಆದಾಯ Decrease US$ 15.314 billion (2011)
ನಿವ್ವಳ ಆದಾಯ Decrease US$ 10.254 billion (2011)
ಒಟ್ಟು ಆಸ್ತಿ Decrease US$ 392.647 billion (2011)
ಒಟ್ಟು ಶೇರುಗಳು Decrease US$ 168.961 billion (2011)
ಉದ್ಯೋಗಿಗಳು 270,858 - Dec 2011
ಉಪಾಂಗ ಸಂಸ್ಥೆಗಳು List of subsidiaries
ಅಂತರಜಾಲ ತಾಣ BerkshireHathaway.com

ಬರ್ಕ್‌ಷೈರ್‌ ಹಾಥ್‌ವೇ (NYSEBRKA ಹಾಗೂ NYSEBRKB) ಎಂಬುದು ಯುನೈಟೆಡ್‌ ಸ್ಟೇಟ್ಸ್‌ನ ನೆಬ್ರಾಸ್ಕಾದ, ಒಮಾಹಾದಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಅನೇಕ ಅಂಗಸಂಸ್ಥೆ ಕಂಪೆನಿಗಳ ಮೇಲ್ವಿಚಾರಣೆ ನೋಡಿಕೊಳ್ಳುವ ಹಾಗೂ ನಿರ್ವಹಿಸುವ ವಾಣಿಜ್ಯ ಕೂಟ/ಸಂಘಟಿತ ವ್ಯಾಪಾರಿ ಸಂಸ್ಥೆ ಹಿಡುವಳಿ ಕಂಪೆನಿಯಾಗಿದೆ. ಕಂಪೆನಿಯು ಕಳೆದ 44 ವರ್ಷಗಳಿಂದ, ಬೃಹತ್‌ ಮೊತ್ತದ ಬಂಡವಾಳ/ಮೂಲಧನ ಹೂಡಿಕೆಯೊಂದಿಗೆ ಹಾಗೂ ಕನಿಷ್ಠ ಹೊಣೆ/ಸಾಲದೊಂದಿಗೆ ತನ್ನ ಷೇರುದಾರರಿಗೆ 20.3%ರಷ್ಟು ಕಡತ ಬೆಲೆಯಷ್ಟು ಮೊತ್ತದ ವಾರ್ಷಿಕ ಬೆಳವಣಿಗೆ ಕಂಡಿದೆ.[೧] ಬರ್ಕ್‌ಷೈರ್‌ ಹಾಥ್‌ವೇ ಸ್ಟಾಕ್‌/ದಾಸ್ತಾನು 2000-2010ರ ಅವಧಿಯಲ್ಲಿ S&P 500ರ ಪರವಾಗಿ[೩] ಋಣ ಹುಟ್ಟುವಳಿ 11.3%ರ ವಿರುದ್ಧ ಒಟ್ಟಾರೆ ಹುಟ್ಟುವಳಿ 76%ಯನ್ನು ಉತ್ಪಾದಿಸಿದೆ.

ವಾರೆನ್‌ ಬಫೆಟ್‌ರವರು ಕಂಪೆನಿ'ಯ ಅಧ್ಯಕ್ಷರು ಹಾಗೂ CEO ಆಗಿದ್ದಾರೆ. ಬಫೆಟ್‌ ಬರ್ಕ್‌ಷೈರ್‌ ಹಾಥ್‌ವೇ'ನ ವಿಮೆ ಕಾರ್ಯಾಚರಣೆಗಳಿಂದ (ಪಾವತಿಗಳನ್ನು ಮಾಡುವವರೆಗೆ ತಾತ್ಕಾಲಿಕವಾಗಿ ಪಾಲಿಸಿದಾರರ ಹಣವನ್ನು ಇಟ್ಟುಕೊಂಡಿರುವುದು) ಪಡೆದ "ಚಲಾಸ್ತಿ‌"ಯನ್ನು ತನ್ನ ಹೂಡಿಕೆಗಳಿಗೆ ಹಣ ಒದಗಿಸಲು ಉಪಯೋಗಿಸಿದರು. ಬರ್ಕ್‌ಷೈರ್‌ನಲ್ಲಿನ ತನ್ನ ವೃತ್ತಿಜೀವನದ ಹಿಂದಿನ ಅವಧಿಯಲ್ಲಿ, ಸಾರ್ವಜನಿಕವಾಗಿ ಉಲ್ಲೇಖಿತ ಸ್ಟಾಕ್‌/ದಾಸ್ತಾನುಗಳಲ್ಲಿನ ದೀರ್ಘಕಾಲೀನ ಹೂಡಿಕೆಗಳಲ್ಲಿ ಗಮನ ಕೇಂದ್ರೀಕರಿಸಿದ್ದರೂ, ತೀರ ಇತ್ತೀಚೆಗೆ ಇಡೀ ಕಂಪೆನಿಗಳನ್ನೇ ಕೊಳ್ಳುವುದರೆಡೆಗೆ ಹೊರಳಿದ್ದಾರೆ. ಬರ್ಕ್‌ಷೈರ್‌ ಈಗ ರೈಲುಹಾದಿಗಳು, ಕ್ಯಾಂಡಿ ಉತ್ಪಾದನೆ, ಚಿಲ್ಲರೆಮಾರಾಟ, ಗೃಹದ ಪೀಠೋಪಕರಣಗಳು, ವಿಶ್ವಕೋಶಗಳು, ವ್ಯಾಕ್ಯೂಂಕ್ಲೀನರ್‌ಗಳು, ಆಭರಣ ವ್ಯಾಪಾರ; ಸುದ್ದಿಪತ್ರಿಕೆ ಪ್ರಕಟಣೆ; ಸಮವಸ್ತ್ರಗಳ ತಯಾರಿಕೆ ಹಾಗೂ ವಿತರಣೆ; ಪಾದರಕ್ಷೆಗಳ ತಯಾರಿಕೆ, ಆಮದು ಹಾಗೂ ವಿತರಣೆ; ಅಷ್ಟೇ ಅಲ್ಲದೇ ಅನೇಕ ಪ್ರಾಂತೀಯ ವಿದ್ಯುದುಪಕರಣ ಹಾಗೂ ಅನಿಲ ಉಪಕರಣಗಳ ವ್ಯಾಪಾರವೂ ಸೇರಿದಂತೆ ವ್ಯಾಪಕ ವಿಧಗಳ ವ್ಯವಹಾರಗಳ ಸ್ವಾಮ್ಯವನ್ನು ಹೊಂದಿದೆ.

ಇತಿಹಾಸ[ಬದಲಾಯಿಸಿ]

ಹಾಥ್‌ವೇ ಮಿಲ್ಸ್‌, ನ್ಯೂ ಬೆಡ್‌ಫೋರ್ಡ್‌, ಮಾಸ್‌.

ಬರ್ಕ್‌ಷೈರ್‌ ಹಾಥ್‌ವೇನ ಮೂಲವನ್ನು ಹುಡುಕುತ್ತಾ ಹೋದರೆ ಕೊನೆಗೆ ಸಿಗುವುದು ಆಲಿವರ್‌ ಚೇಸ್‌ ಎಂಬುವವರು 1839ರಲ್ಲಿ ರ್ರ್ಹೋಡ್‌ ದ್ವೀಪದ ವ್ಯಾಲಿ ಫಾಲ್ಸ್ ಎಂಬಲ್ಲಿ ವ್ಯಾಲಿ ಫಾಲ್ಸ್‌‌ ಕಂಪೆನಿ ಎಂಬ ವಸ್ತ್ರೋದ್ಯಮ/ಜವಳಿ ಉದ್ಯಮ ತಯಾರಿಕೆ ಕಂಪೆನಿಯನ್ನು ಸ್ಥಾಪಿಸಿದ್ದ ವಿಚಾರ. ಚೇಸ್‌ ಹಿಂದೆ ಅಮೇರಿಕಾದ ಪ್ರಥಮ ಯಶಸ್ವೀ ಜವಳಿ ಗಿರಣಿಯ ಸ್ಥಾಪಕರಾದ ಸ್ಯಾಮ್ಯುಯೆಲ್‌ ಸ್ಲೇಟರ್‌ರ ಬಳಿ ಉದ್ಯೋಗಿಯಾಗಿದ್ದರು. ಚೇಸ್‌ ತಮ್ಮ ಮೊದಲ ಜವಳಿ ಗಿರಣಿಯನ್ನು 1806ರಲ್ಲಿ ಸ್ಥಾಪಿಸಿದ್ದರು. 1929ರಲ್ಲಿ ವ್ಯಾಲಿ ಫಾಲ್ಸ್‌‌ ಕಂಪೆನಿಯು 1889ರಲ್ಲಿ ಸ್ಥಾಪಿಸಲಾದ ಮೆಸಾಚುಸೆಟ್ಸ್‌ನ ಆಡಮ್ಸ್‌ನಲ್ಲಿನ ಬರ್ಕ್‌ಷೈರ್‌ ಕಾಟನ್‌ ಮ್ಯಾನ್ಯುಫ್ಯಾಕ್ಚರಿಂಗ್‌ ಕಂಪೆನಿಯೊಂದಿಗೆ ವಿಲೀನಗೊಂಡಿತು. ಏಕೀಕೃತಗೊಂಡ ಕಂಪೆನಿಯನ್ನು ಬರ್ಕ್‌ಷೈರ್‌ ಫೈನ್‌ ಸ್ಪಿನ್ನಿಂಗ್‌ ಅಸೋಸಿಯೇಟ್ಸ್‌‌ ಎಂದು ಕರೆಯಲಾಗುತ್ತಿತ್ತು.[೨]

1955ರಲ್ಲಿ ಬರ್ಕ್‌ಷೈರ್‌ ಫೈನ್‌ ಸ್ಪಿನ್ನಿಂಗ್‌ ಅಸೋಸಿಯೇಟ್ಸ್‌‌ ಕಂಪೆನಿಯು ಹೊರಾಷಿಯೋ ಹಾಥ್‌ವೇಯವರು ಮೆಸಾಚುಸೆಟ್ಸ್‌ನ ನ್ಯೂ ಬೆಡ್‌ಫೋರ್ಡ್‌ ಎಂಬಲ್ಲಿ 1888ರಲ್ಲಿ ಸ್ಥಾಪಿಸಿದ್ದ ಹಾಥ್‌ವೇ ಮ್ಯಾನುಫ್ಯಾಕ್ಚರಿಂಗ್‌ ಕಂಪೆನಿಯೊಂದಿಗೆ ವಿಲೀನಗೊಂಡಿತು. ತನ್ನ ಆರಂಭಿಕ ದಶಕಗಳಲ್ಲಿ ಯಶಸ್ವಿಯಾಗಿದ್ದ ಹಾಥ್‌ವೇ, ವಿಶ್ವ ಸಮರ Iರ ನಂತರ ವಸ್ತ್ರೋದ್ಯಮ/ಜವಳಿ ಉದ್ಯಮದಲ್ಲಿ ಕಂಡುಬಂದ ಸಾರ್ವತ್ರಿಕ ಕುಸಿತದಿಂದ ನಷ್ಟ ಹೊಂದಿತು. ಆ ಸಂದರ್ಭದಲ್ಲಿ, ಹಾಥ್‌ವೇಯನ್ನು ಆರ್ಥಿಕ ಕುಸಿತದ ನಂತರ ನವೀಕರಿಸಿದ ಲಾಭಾಂಶಗಳಿಕೆಯ ಹೂಡಿಕೆಯ ಪ್ರಯತ್ನಗಳನ್ನು ಮಾಡಿ ಸಾಫಲ್ಯ ಕಂಡಿದ್ದ ಸೀಬರಿ ಸ್ಟಾಂಟನ್‌‌ ಅದನ್ನು ನಡೆಸುತ್ತಿದ್ದರು. ವಿಲೀನದ ನಂತರ ಬರ್ಕ್‌ಷೈರ್‌ ಹಾಥ್‌ವೇ ಮೆಸಾಚುಸೆಟ್ಸ್‌ನ ನ್ಯೂ ಬೆಡ್‌ಫೋರ್ಡ್‌ನಲ್ಲಿ ‌ಪ್ರಧಾನ ಕಚೇರಿಯನ್ನು ಹೊಂದಿದ್ದು $120 ದಶಲಕ್ಷಕ್ಕೂ ಹೆಚ್ಚಿನ ಆದಾಯವನ್ನು ಗಳಿಸುತ್ತಾ, 12,000ಕ್ಕೂ ಹೆಚ್ಚಿನ ಕಾರ್ಮಿಕವೃಂದದೊಂದಿಗೆ 15 ಸ್ಥಾವರಗಳನ್ನು ಹೊಂದಿತ್ತು. ಆದಾಗ್ಯೂ, ದಶಕದ ಅಂತ್ಯದ ಹೊತ್ತಿಗೆ ಬೃಹತ್‌ ಲೇಆಫ್‌ಗಳೊಂದಿಗೆ ಅವುಗಳಲ್ಲಿ ಏಳನ್ನು ಮುಚ್ಚಲಾಯಿತು.

1962ರಲ್ಲಿ, ವಾರೆನ್‌ ಬಫೆಟ್‌ರು ಬರ್ಕ್‌ಷೈರ್‌ ಹಾಥ್‌ವೇಯ ಸ್ಟಾಕ್‌/ದಾಸ್ತಾನುಗಳನ್ನು ಖರೀದಿಸಲು ಆರಂಭಿಸಿದರು. ಸ್ಟಾಂಟನ್‌ ಕುಟುಂಬದೊಂದಿಗೆ ಅನೇಕ ಘರ್ಷಣೆಗಳ ನಂತರ, ಆಡಳಿತ ಮಂಡಳಿಯನ್ನು ಬದಲಿಸಲು ಬೇಕಾಗುವಷ್ಟು ಷೇರುಗಳನ್ನು ಕೊಂಡುಕೊಂಡು ತ್ವರಿತವಾಗಿ ಕಂಪೆನಿಯನ್ನು ನಿಯಂತ್ರಿಸತೊಡಗಿದರು.

ಬಫೆಟ್‌ ಮೊದಲಿಗೆ ಬರ್ಕ್‌ಷೈರ್‌'ನ ಮೂಲ/ಜೀವಾಳ ವ್ಯವಹಾರವಾದ ವಸ್ತ್ರೋದ್ಯಮ/ಜವಳಿ ಉದ್ಯಮಗಳನ್ನು ನಡೆಸಿಕೊಂಡು ಹೋಗುತ್ತಿದ್ದರು, ಆದರೆ 1967ರ ಹೊತ್ತಿಗೆ, ಅವರು ತಮ್ಮ ಕಾರ್ಯಭಾರವನ್ನು ವಿಮಾ ಉದ್ಯಮ ಹಾಗೂ ಇತರೆ ಹೂಡಿಕೆಗಳಿಗೆ ವಿಸ್ತರಿಸಿದರು. ಬರ್ಕ್‌ಷೈರ್‌ ಮೊದಲಿಗೆ ನ್ಯಾಷನಲ್‌ ಇಂಡೆಮ್ನಿಟಿ ಕಂಪೆನಿಯನ್ನು ಖರೀದಿಸುವುದರ ಮೂಲಕ ವಿಮಾ ಉದ್ಯಮಕ್ಕೆ ಕಾಲಿಟ್ಟಿತು. 1970ರ ದಶಕದಲ್ಲಿ, ಬರ್ಕ್‌ಷೈರ್‌ ಅದರ ಈಗಿನ ವಿಮಾ ಕಾರ್ಯಾಚರಣೆಗಳ ಕೇಂದ್ರಬಿಂದುವಾಗಿರುವ ಗೌರ್ನಮೆಂಟ್‌ ಎಂಪ್ಲಾಯೀಸ್‌ ಇನ್‌ಷ್ಯೂರೆನ್ಸ್‌ ಕಂಪೆನಿ (GEICO)ನ ಸಾಮಾನ್ಯ ಹೂಡಿಕೆ/ಈಕ್ವಿಟಿ ಸ್ಟೇಕ್‌ಯನ್ನು ಪಡೆದುಕೊಂಡಿತು (ಇದೇ ಬರ್ಕ್‌ಷೈರ್‌ ಹಾಥ್‌ವೇ'ಯ ಇತರೆ ಹೂಡಿಕೆಗಳಿಗೆ ಬೇಕಾದ ಬಂಡವಾಳ/ಮೂಲಧನದ ಪ್ರಮುಖ ಮೂಲವಾಗಿದೆ). 1985ರಲ್ಲಿ, ಅಂತಿಮ ವಸ್ತ್ರೋದ್ಯಮ/ಜವಳಿ ಉದ್ಯಮ ಕಾರ್ಯಾಚರಣೆಗಳನ್ನೂ (ಹಾಥ್‌ವೇ'ಯ ಐತಿಹಾಸಿಕ ಕೇಂದ್ರವ್ಯವಹಾರ) ಮುಚ್ಚಲಾಯಿತು.

ಕಾರ್ಪೊರೇಟ್ ವ್ಯವಹಾರಗಳು[ಬದಲಾಯಿಸಿ]

ಬರ್ಕ್‌ಷೈರ್‌'ನ A ವರ್ಗದ ಷೇರುಗಳನ್ನು $99,200as of ಡಿಸೆಂಬರ್ 31, 2009ಗಳಿಗೆ ಮಾರಲಾಯಿತು, ಇವು ನ್ಯೂಯಾರ್ಕ್‌ ಸ್ಟಾಕ್‌ ಎಕ್ಸ್‌ಚೇಂಜ್‌ನಲ್ಲಿಯೇ ಅತ್ಯಂತ ಹೆಚ್ಚಿನ ಬೆಲೆಯ ಷೇರುಗಳಾಗಿದ್ದುದಕ್ಕೆ ಕಾರಣ ಅವರು ಎಂದಿಗೂ ಬಿಡಿ ಸ್ಟಾಕ್‌/ದಾಸ್ತಾನು ಇಡುತ್ತಿರಲಿಲ್ಲ ಹಾಗೂ ಎಂದಿಗೂ ಡಿವಿಡೆಂಡ್‌/ಲಾಭಾಂಶವನ್ನು ಪಾವತಿಸಿರಲಿಲ್ಲ, ಸಾಂಸ್ಥಿಕ ಆದಾಯಗಳನ್ನು ತನ್ನ ಆಯವ್ಯಯ ತಃಖ್ತೆಯಲ್ಲಿ ಖಾಸಗಿ ಹೂಡಿಕೆದಾರರು ಹಾಗೂ ಮ್ಯೂಚ್ಯುಯಲ್‌ ನಿಧಿಸಂಗ್ರಹಗಳಿಗೆ ನಿಷಿದ್ಧವಾದ ರೀತಿಯಲ್ಲಿ ಉಳಿಸಿಕೊಂಡಿದ್ದುದು. $100,000ಕ್ಕೂ ಹೆಚ್ಚಿನ ಮೌಲ್ಯದ ಷೇರುಗಳು/ಷೇರುಗಳನ್ನು ಪ್ರಥಮ ಬಾರಿ ಅಕ್ಟೋಬರ್‌‌ 23, 2006ರಂದು, ಹಾಗೂ $150,000ರ ಸಾರ್ವಕಾಲಿಕ ಅತ್ಯಧಿಕ ಮೌಲ್ಯದೊಂದಿಗೆ ಡಿಸೆಂಬರ್‌ 13, 2007ರಂದು ಮುಚ್ಚಲಾಯಿತು. ಅದರ ಬೃಹತ್‌ ಗಾತ್ರದ ಹೊರತಾಗಿಯೂ, ಬರ್ಕ್‌ಷೈರ್‌ ಷೇರುಗಳಲ್ಲಿನ ಅಗತ್ಯ ನಗದೀಕರಣದ ಕೊರತೆಯಿಂದಾಗಿ S&P 500ಯಂತಹಾ ವಿಶಾಲ ಸ್ಟಾಕ್‌/ದಾಸ್ತಾನು ಮಾರುಕಟ್ಟೆ ಸೂಚಿಗಳಲ್ಲಿ ಸೂಚಿತವಾಗಿರಲಿಲ್ಲ; ಆದಾಗ್ಯೂ, ಜನವರಿ 2010ರಲ್ಲಿ ಬರ್ಕ್‌ಷೈರ್‌'ನ B ವರ್ಗದ ಷೇರುಗಳ 50-ರಿಂದ-1ರ ವಿಭಜನೆಯ ನಂತರ, ಸ್ಟ್ಯಾಂಡರ್ಡ್‌ ಅಂಡ್‌ ಪೂರ್ಸ್‌ ಸಂಸ್ಥೆಯು ಇನ್ನೂ ಘೋಷಿತವಾಗಬೇಕಿರುವ ದಿನಾಂಕದಂದು S&P 500ನಲ್ಲಿ ಬರ್ಲಿಂಗ್‌ಟನ್‌ ನಾರ್ಥರ್ನ್‌ನ ಸ್ಥಾನವನ್ನು ಬರ್ಕ್‌ಷೈರ್‌ ಪಡೆಯುತ್ತದೆ ಎಂದು ಘೋಷಿಸಿತು.[೩]

ತಮ್ಮ ಹೂಡಿಕೆಯ ಪರಿಣತಿ ಹಾಗೂ ಅವರ ವ್ಯಾಪಕ ವ್ಯವಹಾರಗಳ ಬಗ್ಗೆ ಹೊಂದಿರುವ ಆಳವಾದ ತಜ್ಞಮಾಹಿತಿಯಿಂದಾಗಿ ಬರ್ಕ್‌ಷೈರ್‌'ನ CEO, ವಾರೆನ್‌ ಬಫೆಟ್‌ರನ್ನು ಅಪಾರ ಗೌರವಿಸಲಾಗುತ್ತದೆ. ಅವರ ವಾರ್ಷಿಕ ಅಧ್ಯಕ್ಷೀಯ ಪತ್ರಗಳಿಗೆ ವ್ಯಾಪಕವಾದ ಓದುಗರಿದ್ದಾರಲ್ಲದೇ ಅವುಗಳನ್ನು ವ್ಯಾಪಕವಾಗಿ ಉಲ್ಲೇಖಿಸಲಾಗುತ್ತದೆ. ಬಾರ್ರನ್‌'ಸ್‌ ಮ್ಯಾಗಜೀನ್‌ ನಿಯತಕಾಲಿಕೆಯು 2007ರಲ್ಲಿ ನಡೆಸಿದ ಅಮೇರಿಕನ್‌ ಧನ ನಿರ್ವಾಹಕ ಸಂಸ್ಥೆಗಳ ಸಮೀಕ್ಷೆಯಲ್ಲಿ ಬರ್ಕ್‌ಷೈರ್‌ಅನ್ನು ವಿಶ್ವದಲ್ಲೇ ಅತ್ಯಂತ ಗೌರವಯುಕ್ತವಾದ ಕಂಪೆನಿ ಎಂದು ಹೆಸರಿಸಿತು.[೪]

As of 2005, ಬಫೆಟ್‌ರು ಬರ್ಕ್‌ಷೈರ್‌ ಹಾಥ್‌ವೇಯ 38%ರಷ್ಟು ಸ್ವಾಮ್ಯವನ್ನು ಹೊಂದಿದ್ದಾರೆ. ಬರ್ಕ್‌ಷೈರ್‌'ನ ಉಪಾಧ್ಯಕ್ಷ, ಚಾರ್ಲೀ ಮುಂಗರ್‌ರವರು, ಕೂಡಾ ತಮ್ಮನ್ನು ಶತಕೋಟ್ಯಾಧೀಶರನ್ನು ಮಾಡುವಷ್ಟು ದೊಡ್ಡ ಹೂಡಿಕೆ ಪಾಲನ್ನು ಹೊಂದಿದ್ದಾರಲ್ಲದೇ, ಡೇವಿಡ್‌ ಗಾಟ್ಟೆಸ್‌ಮನ್‌ ಹಾಗೂ ಫ್ರಾಂಕ್ಲಿನ್‌ ಓಟಿಸ್‌ ಬೂತ್‌ರವರುಗಳು ಮಾಡಿದ ಹಿಂದಿನ ಬರ್ಕ್‌ಷೈರ್‌ನಲ್ಲಿನ ಹೂಡಿಕೆಗಳು ಅವರನ್ನೂ ಕೂಡಾ ಶತಕೋಟ್ಯಾಧೀಶರನ್ನಾಗಿ ಮಾಡಿವೆ. ಬಿಲ್‌ ಗೇಟ್ಸ್‌‌'ರ ಕ್ಯಾಸ್ಕೇಡ್‌ ಇನ್‌ವೆಸ್ಟ್‌‌ಮೆಂಟ್ಸ್‌ LLCಯು ಬರ್ಕ್‌ಷೈರ್‌ನ ಎರಡನೇ ಅತಿದೊಡ್ಡ ಷೇರುದಾರ ಸಂಸ್ಥೆಯಾಗಿದ್ದು 5%ಕ್ಕೂ ಹೆಚ್ಚಿನ B ವರ್ಗದ ಷೇರುಗಳ ಸ್ವಾಮ್ಯ ಹೊಂದಿದೆ.

ಬರ್ಕ್‌ಷೈರ್‌ ಹಾಥ್‌ವೇಯು ಅವುಗಳ ಪ್ರತಿ ಷೇರಿನ ಅತ್ಯಧಿಕ ಬೆಲೆಗೆ ಮಾತ್ರವಲ್ಲ ಸ್ಟಾಕ್‌/ದಾಸ್ತಾನುಗಳ ನಗದೀಕರಣವನ್ನು ಗಮನಾರ್ಹವಾದ ಮಟ್ಟಿಗೆ ಇಳಿಕೆಯಾಗಲು ಕಾರಣವಾದ ತನ್ನ ಎಂದಿಗೂ ವಿಭಜಿತವಾಗದ ಷೇರುಗಳಿಗಾಗಿ ಪ್ರಸಿದ್ಧಿ ಪಡೆದಿದೆ. ಸ್ಟಾಕ್‌/ದಾಸ್ತಾನುಅನ್ನು ವಿಭಜಿಸಲು ಅವರ ಈ ನಿರಾಕರಣೆಯು ಆಡಳಿತ ಮಂಡಳಿಯ ಅಲ್ಪಕಾಲೀನ ಸಟ್ಟಾ ವ್ಯಾಪಾರಿಗಳ ಬದಲಿಗೆ ದೀರ್ಘಕಾಲೀನ ಹೂಡಿಕೆದಾರರನ್ನು ಆಕರ್ಷಿಸುವ ಉದ್ದೇಶವನ್ನು ಬಿಂಬಿಸುತ್ತದೆ. ಆದಾಗ್ಯೂ, ಬರ್ಕ್‌ಷೈರ್‌ ಹಾಥ್‌ವೇ ಮೊದಲಿನ ಪ್ರತಿ ಷೇರಿನ ಬೆಲೆಯಾಗಿ (ನಿರ್ದಿಷ್ಟ ಆಡಳಿತ ಮಂಡಳಿಯ ನಿಯಮಗಳಿಗನುಸಾರವಾಗಿ) ಮೂಲ ಷೇರುಗಳ (ಈಗಿನ A ವರ್ಗ) ಬೆಲೆಯ 130ರಷ್ಟಕ್ಕೆ ಸಮೀಪ ಬೆಲೆಯೊಂದಿಗೆ ಹಾಗೂ ಪ್ರತಿ ಷೇರಿಗೆ 1200ರಷ್ಟು ಮತದಾನದ ಹಕ್ಕು, ಹಾಗೂ ಜನವರಿ 2010ರ ವಿಭಜನೆಯ ನಂತರ, 11,500ರ ಬೆಲೆಯಲ್ಲಿ ಹಾಗೂ 110,000ರಷ್ಟು ವರ್ಗ-A ಷೇರುಗಳ ಮತದಾನದ ಹಕ್ಕು ಇರುವಂತಹಾ B ವರ್ಗದ ಸ್ಟಾಕ್‌/ದಾಸ್ತಾನುಗಳನ್ನೂ ರಚಿಸಿದೆ. A ವರ್ಗದ ಸ್ಟಾಕ್‌/ದಾಸ್ತಾನುಗಳ ಹೂಡಿಕೆದಾರರಿಗೆ ತಮ್ಮ ಸ್ಟಾಕ್‌/ದಾಸ್ತಾನನ್ನು B ವರ್ಗಕ್ಕೆ ಬದಲಾಯಿಸಿಕೊಳ್ಳುವ ಅವಕಾಶ ಇದೆಯಾದರೂ, ಇದರ ಪರ್ಯಾಯಕ್ಕೆ ಅವಕಾಶವಿಲ್ಲ. ಬಫೆಟ್‌ರಿಗೆ B ವರ್ಗದ ಷೇರುಗಳನ್ನು ರಚಿಸಲು ಆಸಕ್ತಿ ಇಲ್ಲದಿದ್ದರೂ ತಮ್ಮನ್ನು ಬರ್ಕ್‌ಷೈರ್‌ ಸದೃಶವೆಂದು ಪ್ರಚಾರ ಮಾಡಿಕೊಳ್ಳಲು ಪ್ರಯತ್ನಿಸುವ ಯೂನಿಟ್‌ ಟ್ರಸ್ಟ್‌ಗಳ ರಚನೆಗೆ ಭಂಗಪಡಿಸಲು ಹಾಗೆ ಮಾಡಿದರು. ಬಫೆಟ್‌ರು ತಮ್ಮ 1995ರ ಷೇರುದಾರರ ಪತ್ರದಲ್ಲಿ : ಹೇಳಿದ ಹಾಗೆ "ಇತ್ತೀಚೆಗೆ ಗೋಚರವಾಗುತ್ತಿರುವ ಯೂನಿಟ್‌ ಟ್ರಸ್ಟ್‌ಗಳು ಈ ಗುರಿಗಳ ಮುಂದೆ ತೇಲಿಹೋಗುತ್ತವೆ. ಹೆಚ್ಚಿನ ಮೊತ್ತದ ರುಸುಮುಗಳಿಗೆ ಕೆಲಸ ಮಾಡುವ ದಲ್ಲಾಳಿಗಳು ಅವನ್ನು ಮಾರಬಹುದು, ತಮ್ಮ ಷೇರುದಾರರ ಮೇಲೆ ತ್ರಾಸದಾಯಕ ವೆಚ್ಚಗಳನ್ನು ಹೇರಿ, ನಮ್ಮ ಹಿಂದಿನ ದಾಖಲೆಗಳಿಗೆ ಮಾರು ಹೋಗುವ ಹಾಗೂ ಬರ್ಕ್‌ಷೈರ್‌ ಹಾಗೂ ನಾನು ಇತ್ತೀಚಿನ ವರ್ಷಗಳಲ್ಲಿ ಗಳಿಸಿರುವ ಜನಪ್ರಿಯತೆಯಿಂದ ವಂಚನೆಗೆ ಸುಲಭ ತುತ್ತಾಗಬಲ್ಲ ಅನನುಭವಿ ಖರೀದಿದಾರರಿಗೆ ಸಾಮೂಹಿಕವಾಗಿ ಮಾರಿಬಿಡುತ್ತಾರೆ. ಇದರ ಖಚಿತ ಪ್ರತಿಫಲ: ಬಹುಸಂಖ್ಯೆಯ ಹೂಡಿಕೆದಾರರು ಆಶಾಭಂಗಗೊಳ್ಳುವುದು."

ನೆಬ್ರಾಸ್ಕಾದ, ಒಮಾಹಾದಲ್ಲಿನ ಕ್ವೆಸ್ಟ್‌‌ ಸೆಂಟರ್‌ನಲ್ಲಿ ನಡೆಯುವ ಬರ್ಕ್‌ಷೈರ್‌'ನ ವಾರ್ಷಿಕ ಷೇರುದಾರರ' ಸಭೆಗಳಿಗೆ 20,000 ಜನರು ಹಾಜರಾಗುತ್ತಾರೆ.[೫] 2007ರ ಸಭೆಯು ಅಂದಾಜು 27,000 ಮಂದಿಯ ಹಾಜರಾತಿ ಹೊಂದಿತ್ತು. "ವುಡ್‌ಸ್ಟಾಕ್‌ ಫಾರ್‌ ಕ್ಯಾಪಿಟಲಿಸ್ಟ್‌‌ಸ್‌" ಎಂಬ ಉಪನಾಮದ ಈ ಸಭೆಗಳು, ಬೇಸ್‌ಬಾಲ್‌ ಕಾಲೇಜ್‌ ವರ್ಲ್ಡ್‌ ಸರಣಿಯಂತೆಯೇ ಒಮಾಹಾ'ದ ಅತಿದೊಡ್ಡ ವಾರ್ಷಿಕ ಸಂಗತಿಯೆಂದು ಪರಿಗಣಿಸಲಾಗಿದೆ.[೬] ತಮ್ಮ ತಮಾಷೆ ಹಾಗೂ ತಿಳಿಹಾಸ್ಯಗಳಿಗಾಗಿ ಹೆಸರಾಗಿರುವ ಈ ಸಭೆಗಳು ಸಾಧಾರಣವಾಗಿ ಬರ್ಕ್‌ಷೈರ್‌ ಷೇರುದಾರರಿಗೆಂದೇ ತಯಾರಿಸಿದ ಚಲನಚಿತ್ರದೊಂದಿಗೆ ಆರಂಭಗೊಳ್ಳುತ್ತವೆ. 2004ರ ಚಲನಚಿತ್ರವು Microsoft-ಸ್ಟಾರ್‌ಬಕ್ಸ್‌-ವಾಲ್‌-ಮಾರ್ಟ್‌ನಿಂದ ರಚಿಸಲಾಗುತ್ತಿದ್ದ "ಮಹಾ/ಮೆಗಾ" ಸಂಸ್ಥೆ/ಕಾರ್ಪೋರೇಷನ್‌ನಿಂದ ವಿಶ್ವವನ್ನು ಪಾರುಮಾಡಲು ಮಾಡುತ್ತಿದ್ದ ಬಫೆಟ್‌ ಹಾಗೂ ಮುಂಗರ್‌‌'ರ ಪ್ರಯತ್ನಗಳನ್ನು ತಡೆಯಲು ಸಮಯದ ವೇಗದಲ್ಲಿ ಹೋಗುವ "ದ ವಾರ್ರೆನೇಟರ್‌"ನ ಪಾತ್ರದಲ್ಲಿ ಅರ್ನಾಲ್ಡ್‌ ಷಾವರ್ಜೆನೆಗ್ಗರ್‌‌ರನ್ನು ಹೊಂದಿತ್ತು. ನಂತರ ಷಾವರ್ಜೆನೆಗ್ಗರ್‌ರನ್ನು 13ನೇ ಪ್ರಸ್ತಾಪದ ವಿಚಾರದಲ್ಲಿ ವ್ಯಾಯಾಮಶಾಲೆಯೊಂದರಲ್ಲಿ ಬಫೆಟ್‌ ರೊಂದಿಗೆ ವಾದ ಮಾಡುತ್ತಿರುವುದಾಗಿ ತೋರಿಸಲಾಗುತ್ತದೆ.[೭] 2006ರ ಚಲನಚಿತ್ರದಲ್ಲಿ ನಟಿಯರಾದ ಜೇಮೀ ಲೀ ಕರ್ಟಿಸ್‌ ಹಾಗೂ ನಿಕೋಲೆಟ್‌ ಷೆರಿಡನ್‌ರವರನ್ನು ಕಾಮಾಸಕ್ತಿಯಿಂದ ಮುಂಗರ್‌ರ ಬೆನ್ನು ಬಿದ್ದಿರುವಂತೆ ತೋರಿಸಲಾಗಿತ್ತು.[೮] ಆರು ಗಂಟೆಗಳ ಅವಧಿಯ ಸಭೆಯು ಹೂಡಿಕೆದಾರರಿಗೆ ಬಫೆಟ್‌ರಿಗೆ ಪ್ರಶ್ನೆಗಳನ್ನು ಕೇಳಲು ಅವಕಾಶವಾಗಿರುತ್ತದೆ.

CEOರ ವೇತನವು ಯಾವುದೇ ಸ್ಟಾಕ್‌/ದಾಸ್ತಾನು ಅವಕಾಶಗಳಿಲ್ಲದೇ, ಪ್ರತಿ ವರ್ಷಕ್ಕೆ US$100,000ಗಳಾಗಿದ್ದು ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ದೊಡ್ಡ ಕಂಪೆನಿಗಳ CEOಗಳಿಗೆ ನೀಡುವ ಕನಿಷ್ಟತಮ ವೇತನ[೯]ಗಳಲ್ಲೊಂದಾಗಿದೆ.[೧೦]

ಆಡಳಿತ[ಬದಲಾಯಿಸಿ]

ಬರ್ಕ್‌ಷೈರ್‌ ಹಾಥ್‌ವೇಯ ಪ್ರಸ್ತುತ ನಿರ್ದೇಶಕರ ಮಂಡಲಿಯ ಸದಸ್ಯರೆಂದರೆ : ವಾರೆನ್‌ ಬಫೆಟ್‌, ಚಾರ್ಲೀ ಮುಂಗರ್‌, ವಾಲ್ಟರ್‌ ಸ್ಕಾಟ್‌, Jr., ಥಾಮಸ್‌ S. ಮುರ್ಫಿ, ಹೋವರ್ಡ್‌ ಗ್ರಹಾಂ ಬಫೆಟ್‌, ರೊನಾಲ್ಡ್‌ ಆಲ್ಸನ್‌, ಡೊನಾಲ್ಡ್‌ ಕೆಯೋಹ್‌, ಚಾರ್ಲೊಟ್‌ ಗೈಮನ್‌, ಡೇವಿಡ್‌ ಗಾಟ್ಟೆಸ್‌ಮನ್‌, ಬಿಲ್‌ ಗೇಟ್ಸ್‌‌, ಸ್ಟೀಫನ್‌ ಬರ್ಕೆ ಹಾಗೂ ಸೂಸನ್‌ ಡೆಕರ್.[೧೧]

ಉದ್ಯಮ ವಹಿವಾಟುಗಳು[ಬದಲಾಯಿಸಿ]

ವಿಮೆ ಗುಂಪು[ಬದಲಾಯಿಸಿ]

ವಿಮೆ ಹಾಗೂ ಮರುವಿಮೆ ಉದ್ಯಮದ ಚಟುವಟಿಕೆಗಳನ್ನು 50ಕ್ಕೂ ಹೆಚ್ಚು ದೇಶೀಯ ಹಾಗೂ ವಿದೇಶೀ-ಮೂಲದ ವಿಮೆ ಕಂಪೆನಿಗಳ ಮೂಲಕ ನಡೆಸಲಾಗುತ್ತದೆ. ಬರ್ಕ್‌ಷೈರ್‌’ನ ವಿಮಾ ಉದ್ಯಮಗಳು ಪ್ರಮುಖವಾಗಿ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿಯ ಚರಾಸ್ತಿ ಹಾಗೂ ಅಪಘಾತ/ಕ್ಯಾಷುಯಲ್ಟಿ ಅಪಾಯಗಳಿಗಾಗಿ ವಿಮೆ ಹಾಗೂ ಮರುವಿಮೆಗಳನ್ನು ನೀಡುತ್ತವೆ. ಇದರೊಂದಿಗೆ, ಡಿಸೆಂಬರ್‌ 1998ರಲ್ಲಿ ಜನರಲ್‌ ರೇ ಸಂಸ್ಥೆಯ ಸ್ವಾಧೀನಪಡಿಸಿಕೊಳ್ಳುವಿಕೆಯ ಪರಿಣಾಮವಾಗಿ, ಬರ್ಕ್‌ಷೈರ್‌’ರ ವಿಮಾ ಉದ್ಯಮಗಳು ಜೀವ, ಅಪಘಾತ ಹಾಗೂ ಆರೋಗ್ಯ ಮರುವಿಮಾದಾರರುಗಳು ಮಾತ್ರವಲ್ಲ, ಅಂತರರಾಷ್ಟ್ರೀಯ-ಮೂಲಗಳ ಚರಾಸ್ತಿ ಹಾಗೂ ಅಪಘಾತ/ಕ್ಯಾಷುಯಲ್ಟಿ ಮರುವಿಮಾದಾರರುಗಳನ್ನೂ ಒಳಗೊಂಡವು. ಬರ್ಕ್‌ಷೈರ್‌’ನ ವಿಮೆ ಕಂಪೆನಿಗಳು ಬಂಡವಾಳ/ಮೂಲಧನ ಸಾಮರ್ಥ್ಯವನ್ನು ಅಸಾಧಾರಣ ಮಟ್ಟದಲ್ಲಿ ಕಾಪಾಡಿಕೊಂಡು ಬರುತ್ತಿವೆ. ಈ ಸಾಮರ್ಥ್ಯವೇ ಬರ್ಕ್‌ಷೈರ್‌’ನ ವಿಮೆ ಕಂಪೆನಿಗಳನ್ನು ತಮ್ಮ ಪ್ರತಿಸ್ಪರ್ಧಿಗಳಿಂದ ಭಿನ್ನವಾಗಿಸಿವೆ. ಒಟ್ಟಾರೆಯಾಗಿ, ಬರ್ಕ್‌ಷೈರ್‌’ನ U.S. ಮೂಲದ ವಿಮಾದಾರರ ಒಟ್ಟು ಶಾಸನವಿಹಿತ ಅಧಿಕಾಯವು ಅಂದಾಜು ಡಿಸೆಂಬರ್‌ 31, 2004ರ ಹಾಗೆ $48 ಶತಕೋಟಿಯಷ್ಟಿತ್ತು. ಬರ್ಕ್‌ಷೈರ್‌’ರ ಪ್ರಮುಖ ವಿಮೆ ಅಂಗಸಂಸ್ಥೆಗಳಿಗೆಲ್ಲಾ ಸ್ಟ್ಯಾಂಡರ್ಡ್‌ ಅಂಡ್‌ ಪೂರ್ಸ್‌ ಕಾರ್ಪೋರೇಷನ್‌ ಸಂಸ್ಥೆಯು AAA ಶ್ರೇಯಾಂಕವನ್ನು ನೀಡಿದೆ, ಅತ್ಯಧಿಕ ಹಣಕಾಸು ಸಾಮರ್ಥ್ಯ ಶ್ರೇಯಾಂಕ/ಫೈನಾನ್ಸ್‌ ಸ್ಟೆಂತ್‌ ರೇಟಿಂಗ್ಅನ್ನು ಸ್ಟ್ಯಾಂಡರ್ಡ್‌ ಅಂಡ್‌ ಪೂರ್ಸ್‌ ಸಂಸ್ಥೆಯೇ ನೀಡುತ್ತದೆ, ಹಾಗೂ ಅವರ ಹಣಕಾಸಿನ ಸ್ಥಿತಿ ಹಾಗೂ ಕಾರ್ಯಾಚರಣಾ ಕ್ಷಮತೆಗೆ ಸಂಬಂಧಪಟ್ಟಂತೆ A.M. ಬೆಸ್ಟ್‌ರು A++ (ಶ್ರೇಷ್ಠ) ಶ್ರೇಯಾಂಕ ನೀಡಿದ್ದಾರೆ.

  • GEICO — ಬರ್ಕ್‌ಷೈರ್‌ GEICOವನ್ನು ಜನವರಿ 1996ರಲ್ಲಿ ಸ್ವಾಧೀನಪಡಿಸಿಕೊಂಡಿತು. GEICO ಮೇರಿಲ್ಯಾಂಡ್‌ನ ಚೆವಿ ಚೇಸ್‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದ್ದು ಅದರ ಪ್ರಮುಖ ವಿಮೆ ಅಂಗಸಂಸ್ಥೆಗಳೆಂದರೆ : ಗೌರ್ನಮೆಂಟ್‌ ಎಂಪ್ಲಾಯೀಸ್‌ ಇನ್‌ಷ್ಯೂರೆನ್ಸ್‌ ಕಂಪೆನಿ, GEICO ಜನರಲ್‌ ಇನ್‌ಷ್ಯೂರೆನ್ಸ್‌ ಕಂಪೆನಿ, GEICO ಇಂಡೆಮ್ನಿಟಿ ಕಂಪೆನಿ, ಹಾಗೂ GEICO ಅಪಘಾತ/ಕ್ಯಾಷುಯಲ್ಟಿ ಕಂಪೆನಿ. ಕಳೆದ ಐದು ವರ್ಷಗಳಲ್ಲಿ, ಈ ಕಂಪೆನಿಗಳು ಪ್ರಮುಖವಾಗಿ ಖಾಸಗಿ ಪ್ರಯಾಣಿಕ ವಾಹನಗಳ ವಿಮೆಯನ್ನು ಎಲ್ಲಾ 50 ರಾಜ್ಯಗಳ ಹಾಗೂ ಡಿಸ್ಟ್ರಿಕ್ಟ್‌ ಆಫ್‌ ಕೊಲಂಬಿಯಾದ ವ್ಯಕ್ತಿಗಳಿಗೆ ನೀಡುತ್ತಾ ಬಂದಿವೆ. ಅಂಗಸಂಸ್ಥೆಗಳು ಪ್ರಮುಖವಾಗಿ ನೇರ ಪ್ರತಿಕ್ರಿಯಾ ವಿಧಾನಗಳಾದ, ವಿಮೆಯ ಅರ್ಜಿಗಳನ್ನು ದೂರವಾಣಿ, ಅಂಚೆ ಅಥವಾ ಅಂತರ್ಜಾಲದ ಮೂಲಕ ಕಂಪೆನಿಗಳಿಗೆ ನೇರಸಲ್ಲಿಕೆಗಳ ಮೂಲಕ ಪಾಲಿಸಿ/ವಿಮಾಪತ್ರ/ಕರಾರುಪತ್ರಗಳನ್ನು ವ್ಯವಹರಿಸುತ್ತವೆ.
  • ಜನರಲ್‌ ರೇ — ಜನರಲ್‌ ರೇ ಸಂಸ್ಥೆಯನ್ನು ಡಿಸೆಂಬರ್‌ 1998ರಲ್ಲಿ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ಜನರಲ್‌ ರೇ ಕೊಲೋನ್‌ ರೇನಲ್ಲಿ ಡಿಸೆಂಬರ್‌ 31, 2004ರ ಹಾಗೆ 91%ರಷ್ಟು ಸ್ವಾಮ್ಯದ ಹಕ್ಕುಗಳನ್ನು ಹೊಂದಿದೆ. ಜನರಲ್‌ ರೇ ಅಂಗಸಂಸ್ಥೆಗಳು ಪ್ರಸ್ತುತ ಜಾಗತಿಕ ಮರುವಿಮೆ ಉದ್ಯಮವನ್ನು ಅಂದಾಜು 72 ಮಹಾನಗರಗಳಲ್ಲಿ ನಡೆಸುತ್ತಿದ್ದು ವಿಶ್ವದಾದ್ಯಂತ ವ್ಯಾಪ್ತಿಯ ಮರುವಿಮೆ ಸೌಲಭ್ಯವನ್ನು ನೀಡುತ್ತಿವೆ. ಜನರಲ್‌ ರೇ ಕೆಳಕಂಡ ಮರುವಿಮೆ ಉದ್ಯಮಗಳಲ್ಲಿ ಕಾರ್ಯಾಚರಣೆ ನಡೆಸುತ್ತಿದೆ: ನಾರ್ತ್‌ಅಮೇರಿಕನ್‌ ಪ್ರಾಪರ್ಟಿ/ಕ್ಯಾಷುಯಲ್ಟಿ, ಇಂಟರ್‌ನ್ಯಾಷನಲ್‌ ಕ್ಯಾಷುಯಲ್ಟಿ, ಪ್ರಮುಖವಾಗಿ/ಪ್ರಾತಿನಿಧಿಕವಾಗಿ ಕೊಲೋನ್‌ ರೇ ಹಾಗೂ ಫಾರಡೆ ಕಾರ್ಯಾಚರಣೆಗಳನ್ನು ಹಾಗೂ ಜೀವ/ಆರೋಗ್ಯ ಮರುವಿಮೆಗಳನ್ನು ಒಳಗೊಂಡಿವೆ. ಜನರಲ್‌ ರೇ’ನ ಮರುವಿಮೆ ಕಾರ್ಯಾಚರಣೆಗಳು ಪ್ರಮುಖವಾಗಿ ಸ್ಟಾಮ್‌ಫರ್ಡ್‌, ಕನೆಕ್ಟಿಕಟ್‌ ಹಾಗೂ ಜರ್ಮನಿಯ ಕೊಲೋನ್‌ನಲ್ಲಿ ಕಚೇರಿಗಳನ್ನು ಹೊಂದಿವೆ. ಜನರಲ್‌ ರೇ ದಾಖಲಿತ ನಿವ್ವಳ ವಿಮಾಕಂತುಗಳು ಹಾಗೂ ಬಂಡವಾಳ/ಮೂಲಧನದ ಆಧಾರದ ಮೇಲೆ ವಿಶ್ವದಲ್ಲೇ ಅತಿದೊಡ್ಡ ಮರುವಿಮಾಸಂಸ್ಥೆಯಾಗಿದೆ.
  • NRG (ನೆದರ್‌ಲ್ಯಾಂಡ್ಸ್‌ ರೀಅಷ್ಯೂರಾಂಟೀ ಗ್ರೊಯೆಪ್‌) — ಬರ್ಕ್‌ಷೈರ್‌, ING ಗ್ರೂಪ್‌ನಿಂದ ಡಿಸೆಂಬರ್‌ 2007ರಲ್ಲಿ ಡಚ್‌ ಜೀವಮರುವಿಮೆ ಕಂಪೆನಿಯಾದ, NRGಯನ್ನು ಸ್ವಾಧೀನಪಡಿಸಿಕೊಂಡಿತು.[೧೨]
  • ಬರ್ಕ್‌ಷೈರ್‌ ಹಾಥ್‌ವೇ ಅಷ್ಯೂರೆನ್ಸ್‌ — ಬರ್ಕ್‌ಷೈರ್‌ ಸರ್ಕಾರೀ ಬಾಂಡ್‌ಗಳ ವಿಮೆ ಕಂಪೆನಿಯನ್ನು ಪೌರಸಾಂಸ್ಥಿಕ ಹಾಗೂ ಸರ್ಕಾರೀ ಬಾಂಡ್‌ಗಳ ವಿಮೆ ಮಾಡಿಸಲಾಗುವಂತೆ ರಚಿಸಿತು. ಈ ರೀತಿಯ ಬಾಂಡ್‌ಗಳನ್ನು ಸ್ಥಳೀಯ ಸರ್ಕಾರಗಳು ಸಾರ್ವಜನಿಕ ಕಾಮಗಾರಿಗಳಾದ ಶಾಲೆಗಳು, ಆಸ್ಪತ್ರೆಗಳು, ರಸ್ತೆಗಳು ಹಾಗೂ ನೈರ್ಮಲ್ಯ ವ್ಯವಸ್ಥೆಗಳಂತಹಾ ಕಾರ್ಯಾಚರಣೆಗಳಿಗೆ ಹಣಕಾಸು ಒದಗಿಸಲು ನೀಡುತ್ತವೆ. ಕೆಲವೇ ಕಂಪೆನಿಗಳು ಈ ವಲಯದಲ್ಲಿ ಸ್ಪರ್ಧಿಸುವ ಸಾಮರ್ಥ್ಯ ಹೊಂದಿವೆ.[೧೨]

ಲೋಕೋಪಯೋಗಿ/ಯುಟಿಲಿಟೀಸ್‌ ಹಾಗೂ ಶಕ್ತಿ/ಎನರ್ಜಿ ಗುಂಪು[ಬದಲಾಯಿಸಿ]

ಬರ್ಕ್‌ಷೈರ್‌ ಪ್ರಸ್ತುತ ಮಿಡ್‌ಅಮೇರಿಕನ್‌ ಎನರ್ಜಿ ಹೋಲ್ಡಿಂಗ್ಸ್‌ ಕಂಪೆನಿಯ 83.7%ರಷ್ಟನ್ನು (ಪೂರ್ಣ-ನಗದೀಕರಣದ ಆಧಾರದಲ್ಲಿ 80.5%) ಹೊಂದಿದೆ. ಖರೀದಿಯ ಸಮಯದಲ್ಲಿ, ಬರ್ಕ್‌ಷೈರ್‌'ನ ಮತದಾನದ ಅವಕಾಶವು ಕಂಪೆನಿ'ಯ ಷೇರುಗಳ 10%ರಷ್ಟು ಮಾತ್ರವಿತ್ತು, ಆದರೆ ಈ ನಿರ್ಬಂಧವು 1935ರ ಪಬ್ಲಿಕ್‌ ಯುಟಿಲಿಟಿ ಹೋಲ್ಡಿಂಗ್ಸ್‌ ಕಂಪೆನಿಗಳ ಕಾಯಿದೆಯನ್ನು 2005ರಲ್ಲಿ ಹಿಂತೆಗೆದುಕೊಂಡಾಗ ಕೊನೆಗೊಂಡಿತು. ಮಿಡ್‌ಅಮೇರಿಕನ್‌ನ ಪ್ರಮುಖ ಅಂಗಸಂಸ್ಥೆಯೆಂದರೆ CE ಎಲೆಕ್ಟ್ರಿಕ್‌ UK.

ತಯಾರಿಕೆ, ಸೇವೆ, ಹಾಗೂ ಚಿಲ್ಲರೆ ಮಾರಾಟ[ಬದಲಾಯಿಸಿ]

ಉಡುಗೆತೊಡುಗೆ[ಬದಲಾಯಿಸಿ]

ಬರ್ಕ್‌ಷೈರ್‌’ನ ಉಡುಗೆತೊಡುಗೆ ಉದ್ದಿಮೆಗಳು ವೈವಿಧ್ಯಮಯ ವಸ್ತ್ರಗಳ ಹಾಗೂ ಪಾದರಕ್ಷೆಗಳ ತಯಾರಿಕೆ ಹಾಗೂ ವಿತರಣೆಯನ್ನೂ ಒಳಗೊಂಡಿವೆ. ವಸ್ತ್ರಗಳ ಹಾಗೂ ಪಾದರಕ್ಷೆಗಳ ತಯಾರಿಕೆ ಹಾಗೂ ವಿತರಣೆಯಲ್ಲಿ ನಿರತವಾಗಿರುವ ಉದ್ದಿಮೆಗಳೆಂದರೆ ಯೂನಿಯನ್‌ ಅಂಡರ್‌ವೇರ್‌ Corp. - ಫ್ರೂಟ್‌ ಆಫ್‌ ದ ಲೂಮ್‌, ಗರನ್‌, ಫೆಚ್ಛೇಮರ್‌ ಬ್ರದರ್ಸ್‌ ಹಾಗೂ ರಸೆಲ್‌ ಕಾರ್ಪೋರೇಷನ್‌. ಬರ್ಕ್‌ಷೈರ್‌’ನ ಪಾದರಕ್ಷೆಗಳ ಉದ್ದಿಮೆಗಳೆಂದರೆ H.H. ಬ್ರೌನ್‌ ಷೂ ಗ್ರೂಪ್‌, ಆಕ್ಮೆ ಬೂಟ್ಸ್‌ ಹಾಗೂ ಜಸ್ಟಿನ್‌ ಬ್ರಾಂಡ್ಸ್‌. ಬರ್ಕ್‌ಷೈರ್‌ ಏಪ್ರಿಲ್‌ 29, 2002ರಂದು $835 ದಶಲಕ್ಷ ಮೊತ್ತದ ನಗದನ್ನು ನೀಡಿ ಫ್ರೂಟ್‌ ಆಫ್‌ ದ ಲೂಮ್‌ಅನ್ನು ಸ್ವಾಧೀನಪಡಿಸಿಕೊಂಡಿತು. ಕೆಂಟುಕಿಯ ಬೌಲಿಂಗ್‌ ಗ್ರೀನ್‌ ಎಂಬಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ, ಫ್ರೂಟ್‌ ಆಫ್‌ ದ ಲೂಮ್‌ ಸಾಧಾರಣ ಉಡುಗೆತೊಡುಗೆಗಳ ಸಮಗ್ರ ತಯಾರಿಕಾ ಸಂಸ್ಥೆಯಾಗಿದೆ. ಬರ್ಕ್‌ಷೈರ್‌ ಆಗಸ್ಟ್‌ 2, 2006ರಂದು $600 ದಶಲಕ್ಷಕ್ಕೆ ಅಥವಾ ಪ್ರತಿ ಷೇರಿಗೆ $18.00ರಂತೆ ರಸೆಲ್‌ ಕಾರ್ಪೋರೇಷನ್‌ಅನ್ನು ಸ್ವಾಧೀನಪಡಿಸಿಕೊಂಡಿತು.

ಕಟ್ಟಡ ನಿರ್ಮಾಣ ಉತ್ಪನ್ನಗಳು[ಬದಲಾಯಿಸಿ]

ಆಗಸ್ಟ್‌ 2000ರಲ್ಲಿ, ಆಕ್ಮೆ ಬಿಲ್ಡಿಂಗ್‌ ಬ್ರಾಂಡ್ಸ್‌‌ನ ಸ್ವಾಧೀನಪಡಿಸಿಕೊಳ್ಳುವಿಕೆಯೊಂದಿಗೆ ಬರ್ಕ್‌ಷೈರ್‌ ಕಟ್ಟಡ ನಿರ್ಮಾಣ ಉತ್ಪನ್ನಗಳ ಉದ್ದಿಮೆಗೆ ಕಾಲಿಟ್ಟಿತು. ಟೆಕ್ಸಾಸ್‌ನ ಫೋರ್ಟ್‌ ವರ್ತ್‌‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಆಕ್ಮೆ, ಆವೆಮಣ್ಣಿನ ಇಟ್ಟಿಗೆಗಳು (ಆಕ್ಮೆ ಬ್ರಿಕ್‌), ಜಲ್ಲಿಗಾರೆ/ಕಾಂಕ್ರೀಟ್‌ ಬ್ಲಾಕ್‌/ಚಪ್ಪಡಿ (ಫೆದರ್‌ಲೈಟ್‌)ಗಳ ಹಾಗೂ ಸುಣ್ಣಕಲ್ಲನ್ನು ಕತ್ತರಿಸಿದ (ಟೆಕ್ಸಾಸ್‌ ಕ್ವಾರೀಸ್‌)ತಯಾರಿಕೆ ಹಾಗೂ ವಿತರಣೆಯ ವ್ಯವಹಾರವನ್ನು ಹೊಂದಿದೆ. ಬೆಂಜಮಿನ್‌ ಮೂರ್‌ & Co.ವನ್ನು ಡಿಸೆಂಬರ್‌ 2000ರಲ್ಲಿ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ನ್ಯೂಜೆರ್ಸಿಯ ಮೊಂಟ್‌ವೇಲ್‌/ವಲೆಯಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಬೆಂಜಮಿನ್‌ ಮೂರ್‌ ಪ್ರಮುಖವಾಗಿ/ಪ್ರಾತಿನಿಧಿಕವಾಗಿ ಯುನೈಟೆಡ್‌ ಸ್ಟೇಟ್ಸ್‌‌ ಹಾಗೂ ಕೆನಡಾಗಳಲ್ಲಿ ಲಭ್ಯವಿರುವ ಪ್ರಮುಖವಾಗಿ ವಾಸ್ತುಶಿಲ್ಪೀಯ ಲೇಪನಗಳ ವಿನ್ಯಾಸಕ, ತಯಾರಕ ಹಾಗೂ ಚಿಲ್ಲರೆವ್ಯಾಪಾರಿಸಂಸ್ಥೆಯಾಗಿದೆ. ಬರ್ಕ್‌ಷೈರ್‌ ಫೆಬ್ರವರಿ 2001ರಲ್ಲಿ ಜಾನ್ಸ್‌ ಮ್ಯಾನ್‌ವಿಲ್ಲೆಯನ್ನು ಸ್ವಾಧೀನಪಡಿಸಿಕೊಂಡಿತು. JM 1885ರಿಂದಲೇ ಕಟ್ಟಡ ನಿರ್ಮಾಣ ಉತ್ಪನ್ನಗಳ ಸೇವೆ ನೀಡುತ್ತಿದೆಯಲ್ಲದೇ ಗೃಹ ಹಾಗೂ ವಾಣಿಜ್ಯ ಕಟ್ಟಡಗಳ ಉಪ್ಪರಿಗೆಗಳ ಹಾಗೂ ಅಂತಸ್ತುಗಳ ಗೋಡೆಗಳಿಗೆ ಬಳಸುವ ಫೈಬರ್‌ ಗ್ಲಾಸ್‌ ವೂಲ್‌ ನಿರೋಧಕ ಉತ್ಪನ್ನಗಳ ತಯಾರಿಕೆ, ಇಷ್ಟೇ ಅಲ್ಲದೇ ಕೊಳವೆ/ಪೈಪು, ನಾಲೆ/ನಾಳ, ಹಾಗೂ ನಿರೋಧಕ ಉತ್ಪನ್ನಗಳನ್ನೂ ಉತ್ಪಾದಿಸುತ್ತದೆ. ಬರ್ಕ್‌ಷೈರ್‌ ಮೈಟೆಕ್‌/MiTek Inc.[೧೩]ನ 90% ಸಾಮಾನ್ಯ ಷೇರುಗಳ ಹಕ್ಕನ್ನು ಜುಲೈ 2001ರಲ್ಲಿ ಸ್ವಾಧೀನಪಡಿಸಿಕೊಂಡಿತು. ಮೈಟೆಕ್‌/MiTek ಮಿಸ್ಸೋರಿಯ ಚೆಸ್ಟರ್‌ಫೀಲ್ಡ್‌ ಎಂಬಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದ್ದು ಎಂಜಿನೀರ್ಡ್‌ ಕನೆಕ್ಟರ್‌ ಉತ್ಪನ್ನಗಳನ್ನು, ತಾಂತ್ರಿಕ ತಂತ್ರಾಂಶಗಳು ಹಾಗೂ ಸೇವೆಗಳನ್ನು ನೀಡುವುದಲ್ಲದೇ ಕಟ್ಟಡ ನಿರ್ಮಾಣ ಸಾಮಗ್ರಿ ಉದ್ಯಮದ ಊರೆ/ಆಸರೆ/ಕಟ್ಟೋಣಗಳ ರಚನಾ ವಿಭಾಗಕ್ಕೆ ಅಗತ್ಯವಾದ ತಯಾರಿಕಾ ಯಂತ್ರಗಳನ್ನು ನಿರ್ಮಿಸುತ್ತದೆ. ಷಾ ಇಂಡಸ್ಟ್ರೀಸ್‌, Inc.ಅನ್ನು 2001ರಲ್ಲಿ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ಜಾರ್ಜಿಯಾದ ಡಾಲ್ಟನ್‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಷಾ ಆದಾಯ ಹಾಗೂ ಉತ್ಪಾದನೆಗಳೆರಡರಲ್ಲಿಯೂ ವಿಶ್ವದ ಅತಿದೊಡ್ಡ ರತ್ನಗಂಬಳಿ/ಜಮಖಾನೆ ತಯಾರಕಸಂಸ್ಥೆಯಾಗಿದೆ. ಷಾ 3,000ಕ್ಕೂ ಹೆಚ್ಚಿನ ಶೈಲಿಗಳ ಕುಚ್ಚುಗಳನ್ನು ಹೊಂದಿರುವ ಹಾಗೂ ನೇಯ್ಗೆ ಮಾಡಿದ ರತ್ನಗಂಬಳಿ/ಜಮಖಾನೆಗಳ ಹಾಗೂ ಗೃಹ ಹಾಗೂ ವಾಣಿಜ್ಯ ಬಳಕೆಗಳಿಗೆ ನೆಲಹಾಸುಗಳಿಗೆ ಪದರ ಹೊದಿಕೆಗಳನ್ನು ಸುಮಾರು 30 ಬ್ರಾಂಡ್‌ನೇಮ್‌ಗಳಡಿ ಹಾಗೂ ಟ್ರೇಡ್‌ನೇಮ್‌ಗಳೊಂದಿಗೆ ಕೆಲ ನಿರ್ದಿಷ್ಟ ಖಾಸಗಿ ಹೆಸರುಗಳಡಿ ವಿನ್ಯಾಸರಚನೆ ಹಾಗೂ ತಯಾರಿಕೆಗಳನ್ನು ಮಾಡುತ್ತದೆ. ಆಗಸ್ಟ್‌ 7, 2003ರಂದು ಕ್ಲೇಟನ್‌ ಹೋಮ್ಸ್‌, Inc.ಅನ್ನು ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ಟೆನ್ನೆಸೇಯ ನಾಕ್ಸ್‌ವಿಲೆಯಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಕ್ಲೇಟನ್‌ ಸಮಗ್ರವಾದ ನಿರ್ಮಿತ ಗೃಹನಿರ್ಮಾಣ ಕಂಪೆನಿಯಾಗಿದೆ. 2004ನೇ ಸಾಲಿನ ಕೊನೆಯಲ್ಲಿ, ಕ್ಲೇಟನ್‌ 12 ರಾಜ್ಯಗಳಲ್ಲಿ 32 ತಯಾರಿಕಾ ಸ್ಥಾವರಗಳನ್ನು ಹೊಂದಿತ್ತು. ಕ್ಲೇಟನ್‌’ನ ಗೃಹಗಳನ್ನು 391 ಕಂಪೆನಿ-ಸ್ವಾಮ್ಯದ ಮಾರಾಟಕೇಂದ್ರಗಳನ್ನೊಳಗೊಂಡ 1,540 ಬಿಡಿವ್ಯಾಪಾರಿಗಳ ಮಾರಾಟಜಾಲದ ಮೂಲಕ 48 ರಾಜ್ಯಗಳಲ್ಲಿ ಮಾರಾಟ ಮಾಡಲಾಗುತ್ತದೆ.

ವಿಮಾನ ಸೇವೆಗಳು[ಬದಲಾಯಿಸಿ]

1996ರಲ್ಲಿ, ಫ್ಲೈಟ್‌ಸೇಫ್ಟಿ ಇಂಟರ್‌‌ನ್ಯಾಷನಲ್‌ Inc.ಅನ್ನು ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. FSI’ನ ಸಾಂಸ್ಥಿಕ ಪ್ರಧಾನ ಕಚೇರಿಯು ನ್ಯೂಯಾರ್ಕ್‌‌ನ ಫ್ಲಷಿಂಗ್‌ಲಗಾರ್ಡಿಯಾ ವಿಮಾನನಿಲ್ದಾಣದಲ್ಲಿದೆ. FSI ಪ್ರಮುಖವಾಗಿ ವಿಮಾನಗಳ ಹಾಗೂ ಹಡಗುಗಳ ಚಾಲಕರಿಗೆ ಉನ್ನತ ತಂತ್ರಜ್ಞಾನದ ತರಬೇತಿಗಳನ್ನು ನೀಡುವ ವ್ಯವಹಾರದಲ್ಲಿ ತೊಡಗಿಕೊಂಡಿದೆ. ಫ್ಲೈಟ್‌ಸೇಫ್ಟಿಯು ವೃತ್ತಿಪರ ವಾಯುಯಾನ ತರಬೇತಿ ಸೇವೆಗಳನ್ನು ನೀಡುವ ವಿಶ್ವದ ಪ್ರಮುಖ ಸೇವಾದಾರರಲ್ಲಿ ಒಂದಾಗಿದೆ. ನೆಟ್‌ಜೆಟ್ಸ್‌ Inc. ಅನ್ನು 1998ರಲ್ಲಿ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. NJ ಸಾಮಾನ್ಯ/ಪ್ರಧಾನ ವಿಮಾನಗಳ ಭಾಗಶಃ ಸ್ವಾಮ್ಯದ ಯೋಜನೆಗಳ ನೀಡಿಕೆದಾರರಲ್ಲಿ ವಿಶ್ವದಲ್ಲೇ ಅಗ್ರಗಣ್ಯವಾಗಿದೆ. 1986ರಲ್ಲಿ, NJ ವಿಮಾನಗಳ ಭಾಗಶಃ ಸ್ವಾಮ್ಯದ ಯೋಜನೆಯನ್ನು ರೂಪಿಸಿ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ತನ್ನ ನೆಟ್‌ಜೆಟ್ಸ್‌ ಯೋಜನೆಯನ್ನು ಒಂದು ವಿಧದ ವಿಮಾನದೊಂದಿಗೆ ಪರಿಚಯಿಸಿತು. 2004ರಲ್ಲಿ, ನೆಟ್‌ಜೆಟ್ಸ್‌ ಯೋಜನೆಯು 15 ವಿಧಗಳ ವಿಮಾನಗಳನ್ನು ಒಳಗೊಂಡಿತು. 1996ರ ಕೊನೆಯ ವೇಳೆಗೆ, NJ ತನ್ನ ಭಾಗಶಃ ಸ್ವಾಮ್ಯದ ಯೋಜನೆಯನ್ನು ಯೂರೋಪ್‌ಗೆ ಜಂಟಿವ್ಯವಹಾರದಂತೆ ಆರಂಭಿಸಿದ್ದು ಈಗ NJ ಅದರ 100% ಸ್ವಾಮ್ಯವನ್ನು ಹೊಂದಿದೆ. ವಿಮಾನಗಳ ಭಾಗಶಃ ಸ್ವಾಮ್ಯದ ಯೋಜನೆಯು ನಿರ್ದಿಷ್ಟ ವಿಧದ ವಿಮಾನದ ನಿರ್ದಿಷ್ಟ ಶೇಕಡಾವಾರು ಪ್ರಮಾಣದ ಸ್ವಾಮ್ಯವನ್ನು ಪಡೆದುಕೊಂಡು ವಾರ್ಷಿಕ ನಿಗದಿತ ಸಂಖ್ಯೆಯ ವಿಮಾನಗಂಟೆಗಳ ಕಾಲ ಉಪಯೋಗಿಸಲು ಅನುವು ಮಾಡುತ್ತದೆ.

ಚಿಲ್ಲರೆ/ಬಿಡಿ ಮಾರಾಟ ಉದ್ಯಮ[ಬದಲಾಯಿಸಿ]

ಇದರ ಗೃಹ ಪೀಠೋಪಕರಣಗಳ ಉದ್ದಿಮೆಗಳೆಂದರೆ ನೆಬ್ರಾಸ್ಕಾ ಫರ್ನಿಚರ್‌ಮಾರ್ಟ್‌, R.C. ವಿಲ್ಲೆ/ಲೆ ಹೋಮ್‌ ಫರ್ನಿಷಿಂಗ್ಸ್‌, ಸ್ಟಾರ್‌ ಫರ್ನಿಚರ್‌ ಕಂಪೆನಿ, ಹಾಗೂ ಜೋರ್ಡಾನ್ಸ್‌‌ ಫರ್ನಿಚರ್‌, Inc.ಗಳು. CORT ಬಿಜಿನೆಸ್‌ ಸರ್ವೀಸ್‌ ಕಾರ್ಪೋರೇಷನ್‌ ಎಂಬುದು ಬರ್ಕ್‌ಷೈರ್‌ನ ಅಂಗಸಂಸ್ಥೆಯೊಂದು 2000ರಲ್ಲಿ ಸ್ವಾಧೀನಪಡಿಸಿಕೊಂಡ 80.1% ಸ್ವಾಮ್ಯದ ಉದ್ಯಮವಾಗಿದ್ದು ಪೀಠೋಪಕರಣ ಬಾಡಿಗೆ ಉದ್ಯಮದ "ಬಾಡಿಗೆ-ಇಂದ-ಬಾಡಿಗೆಗೆ" ವಿಭಾಗದಲ್ಲಿ ಪೀಠೋಪಕರಣ, ಪರಿಕರಗಳು ಹಾಗೂ ಸಂಬಂಧಿತ ಸೇವೆಗಳ ರಾಷ್ಟ್ರೀಯ ಮಟ್ಟದ ಪೂರೈಕೆದಾರನಾಗಿದೆ.

2002ರಲ್ಲಿ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿನ ಅಡಿಗೆಮನೆ ಉಪಕರಣಗಳ ಅತಿ ದೊಡ್ಡ ನೇರ ಮಾರಾಟಸಂಸ್ಥೆಯಾದ ದ ಪ್ಯಾಂಪರ್‌ಡ್‌ ಷೆಫ್‌‌‌, LTD,ಅನ್ನು ಬರ್ಕ್‌ಷೈರ್ ಸ್ವಾಧೀನಪಡಿಸಿಕೊಂಡಿತು. ಇದರ ಉತ್ಪನ್ನಗಳ ಸಂಶೋಧನೆ, ವಿನ್ಯಾಸ ಹಾಗೂ ತಪಾಸಣೆಗಳನ್ನು TPC ಮಾಡಿ, ತಯಾರಿಕೆಯನ್ನು ಬಾಹ್ಯ ತಯಾರಕ ಸಂಸ್ಥೆಗಳು ಮಾಡುವ ವ್ಯವಸ್ಥೆ ಇದೆ. ಅದರ ಇಲ್ಲಿನಾಯ್ಸ್‌ನಲ್ಲಿನ ಅಡಿಸನ್‌ ಪ್ರಧಾನ ಕಚೇರಿಯಿಂದ, TPC 65,000ಕ್ಕೂ ಹೆಚ್ಚಿನ ಸ್ವತಂತ್ರ ಮಾರಾಟ ಪ್ರತಿನಿಧಿಗಳ ಜಾಲವನ್ನು ಪ್ರಮುಖವಾಗಿ/ಪ್ರಾತಿನಿಧಿಕವಾಗಿ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ, ಗೃಹ-ಭೇಟಿ ಆಧಾರಿತ ಪ್ರದರ್ಶನಗಳ ಮೂಲಕ ತನ್ನ ಉತ್ಪನ್ನಗಳನ್ನು ಮಾರಲು ಉಪಯೋಗಿಸುತ್ತದೆ.

ಸೀ'ಸ್‌ ಕ್ಯಾಂಡೀಸ್‌ ಡಬ್ಬಿಗಳಲ್ಲಿ ತುಂಬಿದ ಚಾಕೋಲೇಟ್‌ಗಳು ಹಾಗೂ ಇನ್ನಿತರ ಮಿಠಾಯಿ ವಸ್ತುಗಳನ್ನು ಕ್ಯಾಲಿಫೋರ್ನಿಯಾದಲ್ಲಿರುವ ಎರಡು ದೊಡ್ಡ ಮಿಠಾಯಿ ತಯಾರಿಕಾ ಅಡಿಗೆಮನೆಗಳಲ್ಲಿ ತಯಾರಿಸುತ್ತದೆ. ಸೀ'ಸ್‌ನ ಆದಾಯಗಳು ಬಹುಪಾಲು ನಿರ್ದಿಷ್ಟಾವಧಿಯವಾಗಿದ್ದು ಒಟ್ಟಾರೆ ವಾರ್ಷಿಕ ಆದಾಯದ ಅಂದಾಜು 50%ರಷ್ಟನ್ನು ನವೆಂಬರ್‌ ಹಾಗೂ ಡಿಸೆಂಬರ್‌ ತಿಂಗಳುಗಳಲ್ಲಿ ಗಳಿಸಲಾಗುತ್ತದೆ. ಡೈರಿ ಕ್ವೀನ್‌ ಸೇವೆಗಳು ಡೈರಿ ಕ್ವೀನ್‌ನ ಹೆಸರಿನಡಿಯಲ್ಲಿ ಕಾರ್ಯಾಚರಿಸುತ್ತಿರುವ ಅಂದಾಜು 6,000 ಅಂಗಡಿಗಳ ವ್ಯವಸ್ಥೆಯಾಗಿದೆ, ಆರೆಂಜ್‌ ಜ್ಯೂಲಿಯಸ್‌ ಹಾಗೂ ಕಾರ್ಮೆಲ್‌ಕಾರ್ನ್‌ ಅನೇಕ ಡೈರಿ ಡೆಸರ್ಟ್‌/ಭಕ್ಷ್ಯಗಳು, ಪಾನೀಯಗಳು, ಸಿದ್ಧ ಆಹಾರಗಳು, ಮಿಶ್ರಿತ ಹಣ್ಣುಗಳ ಪೇಯಗಳು, ಪಾಪ್‌ಕಾರ್ನ್/ಮೆಕ್ಕೆ ಜೋಳದ ಅರಳು ಹಾಗೂ ಇನ್ನಿತರ ಉಪಾಹಾರಗಳೊಂದಿಗೆ ಅಂತಹುದೇ ಸೇವೆಗಳನ್ನು ನೀಡುತ್ತವೆ.

ಇತರ ವಿಮೆಗೆ ಸಂಬಂಧಿಸಿಲ್ಲದ ಉದ್ಯಮಗಳು[ಬದಲಾಯಿಸಿ]

ಡಿಸೆಂಬರ್‌ 25, 2007ರಂದು ಮಾರ್ಮನ್‌ ಹೋಲ್ಡಿಂಗ್ಸ್‌ Inc.ಅನ್ನು ಸ್ವಾಧೀನಪಡಿಸಿಕೊಳ್ಳಲಾಯಿತು ಪ್ರಿಟ್ಜ್‌ಕರ್‌ ಕುಟುಂಬದವರ ಸ್ವಾಮ್ಯದ ಐವತ್ತಕ್ಕೂ ಹೆಚ್ಚಿನ ವರ್ಷಗಳಿಂದ ಖಾಸಗಿಯಾಗಿ ನಡೆಸಿಕೊಂಡು ಬಂದ ವಾಣಿಜ್ಯ ಕೂಟ/ಸಂಘಟಿತ ವ್ಯಾಪಾರಿ ಸಂಸ್ಥೆಯಾಗಿದೆ. ಇದು ರೈಲುರಸ್ತೆ ಟ್ಯಾಂಕ್‌ ಕಾರುಗಳು, ಖರೀದಿ ಬಂಡಿಗಳು, ಕೊಳಾಯಿ ವ್ಯವಸ್ತೆಯ ಕೊಳವೆಗಳು, ಲೋಹದ ಬಂಧನಿಗಳು, ಹಾಗೂ ಗೃಹ ನಿರ್ಮಾಣದಲ್ಲಿ ಬಳಸುವ ವಿದ್ಯುತ್‌ ಹಾಗೂ ನೀರಿನ ವ್ಯವಸ್ಥೆಯ ಉತ್ಪನ್ನಗಳನ್ನು ತಯಾರಿಸುವ ತಯಾರಿಕೆ ಕಂಪೆನಿಗಳ ಗುಂಪಿನ ಸ್ವಾಮ್ಯ ಹೊಂದಿದ್ದು ಅದನ್ನು ನಡೆಸಿಕೊಂಡು ಹೋಗುತ್ತಿದೆ.[೧೪]

ಪ್ರೊಫೆಷನಲ್‌ ಡಾಟಾಸೊಲ್ಯೂಷನ್ಸ್‌, Inc. ಹಾಗೂ ಸಲಾಡೋ ಸೇಲ್ಸ್‌ನಂತಹಾ ಇತರ ಅಂಗಸಂಸ್ಥೆಗಳನ್ನು ತನ್ನೊಡನೆ ಕರೆತಂದ ಮೆಕ್‌ಲೇನ್‌ ಕಂಪೆನಿ, Inc.ಅನ್ನು ಮೇ 2003ರಲ್ಲಿ ವಾಲ್‌-ಮಾರ್ಟ್‌ ಸ್ಟೋರ್ಸ್‌, Inc.ನಿಂದ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ಮೆಕ್‌ಲೇನ್‌ ಸಗಟು ವಿತರಣೆ ಹಾಗೂ ವ್ಯವಸ್ಥಾಪನ ಸೇವೆಗಳನ್ನು ಎಲ್ಲಾ 50 ರಾಜ್ಯಗಳಿಗೆ ಹಾಗೂ ಅಂತರರಾಷ್ಟ್ರೀಯವಾಗಿ ಬ್ರೆಜಿಲ್‌ನಲ್ಲಿ ರಿಯಾಯಿತಿ ಚಿಲ್ಲರೆ ಮಾರಾಟಗಾರರು, ಸಲಕರಣೆ/ಉಪಕರಣ ಅಂಗಡಿಗಳು, ತ್ವರಿತ ಸೇವಾ ರೆಸ್ಟೋರೆಂಟ್‌ಗಳು, ಔಷಧಿಅಂಗಡಿಗಳು ಹಾಗೂ ಚಿತ್ರಮಂದಿರ ಕಾಂಪ್ಲೆಕ್ಸ್‌ಗಳಂತಹಾ ಗ್ರಾಹಕರಿಗೆ ನೀಡುತ್ತದೆ. ಸ್ಕಾಟ್‌ ಫೆಟ್ಜರ್‌ ಕಂಪೆನಿಗಳು — ಸ್ಕಾಟ್‌ ಫೆಟ್ಜರ್‌ ಕಂಪೆನಿಗಳು ಗೃಹಬಳಕೆಯ, ವಾಣಿಜ್ಯ ಹಾಗೂ ಸಾಂಸ್ಥಿಕ ಬಳಕೆಯ ಉತ್ಪನ್ನಗಳನ್ನು ತಯಾರಿಸಿ ವಿತರಿಸುವ 21 ವೈವಿಧ್ಯಮಯ ಉದ್ಯಮಗಳ ಗುಂಪಾಗಿವೆ. ಇವುಗಳಲ್ಲಿ ಹೆಚ್ಚು ಗಮನಾರ್ಹವಾದ ಮೂರು ಉದ್ದಿಮೆಗಳೆಂದರೆ ಕಿರ್ಬಿ ಗೃಹಶುದ್ಧೀಕರಣ ವ್ಯವಸ್ಥೆಗಳು, ವೇನ್‌ ನೀರಾವರಿ ವ್ಯವಸ್ಥೆ ಹಾಗೂ ಕ್ಯಾಂಪ್‌ಬೆಲ್‌ ಹಾಸ್‌ಫೆಲ್ಡ್‌ ಉತ್ಪನ್ನಗಳು. ಸ್ಕಾಟ್‌ ಫೆಟ್ಜರ್‌ ಗಿನ್ಸು ಚಾಕುಗಳನ್ನು ಕೂಡಾ ತಯಾರಿಸುತ್ತದೆ. ದ ಬಫೆಲೋ ನ್ಯೂಸ್‌ ಪತ್ರಿಕೆಯು ನ್ಯೂಯಾರ್ಕ್‌ನಲ್ಲಿನ ‌ಬಫೆಲೋದ, ತನ್ನ ಪ್ರಧಾನ ಕಛೇರಿಯಿಂದ ದಿನಪತ್ರಿಕೆಯ ಒಂದು ಆವೃತ್ತಿಯನ್ನು ಪ್ರಕಟಿಸುತ್ತದೆ.

2002ರಲ್ಲಿ, ಬರ್ಕ್‌ಷೈರ್‌ ಅಲ್ಬೆಕ್ಕಾ Inc.ಅನ್ನು ಸ್ವಾಧೀನಪಡಿಸಿಕೊಂಡಿತು. ಜಾರ್ಜಿಯಾದ ನಾರ್ಕ್ರಾಸ್‌‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ ಅಲ್ಬೆಕ್ಕಾ ಪ್ರಮುಖವಾಗಿ ಲಾರ್ಸನ್‌-ಜುಹ್ಲ್‌ ಹೆಸರಿನಡಿ ವ್ಯವಹರಿಸುತ್ತದೆ. ಅಲ್ಬೆಕ್ಕಾ ಮರದ ಹಾಗೂ ಲೋಹದ ಮೋಲ್ಡಿಂಗ್‌ಗಳು, ಮ್ಯಾಟ್‌ಬೋರ್ಡ್‌ಗಳು, ಫೋಮ್‌ಬೋರ್ಡ್‌ಗಳು, ಗಾಜಿನ ಉಪಕರಣಗಳು ಹಾಗೂ ಇತರೆ ಫ್ರೇಮಿಂಗ್‌ ವಸ್ತುಗಳೂ ಸೇರಿದಂತೆ ಗ್ರಾಹಕೀಕರಿಸಿದ ಫ್ರೇಮಿಂಗ್‌ ಉತ್ಪನ್ನಗಳ ವಿನ್ಯಾಸ, ತಯಾರಿಕೆ ಹಾಗೂ ವಿತರಣೆಯನ್ನು ಮಾಡುತ್ತದೆ. CTB ಇಂಟರ್‌ನ್ಯಾಷನಲ್‌ Corp.ಅನ್ನು 2002ರಲ್ಲಿ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ಇಂಡಿಯಾನಾದ ಮಿಲ್‌ಫೋರ್ಡ್‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ CTB, ಕಾಳಿನ ಉದ್ಯಮ ಹಾಗೂ ಕೋಳಿ, ಹಂದಿಗಳು, ಹಾಗೂ ಮೊಟ್ಟೆಗಳ ಉತ್ಪಾದನೆಯ ವ್ಯವಸ್ಥೆಗಳ ವಿನ್ಯಾಸ, ತಯಾರಿಕೆ ಹಾಗೂ ವಿತರಣೆಯನ್ನು ಮಾಡುತ್ತದೆ. ಯುನೈಟೆಡ್‌ ಸ್ಟೇಟ್ಸ್‌ ಹಾಗೂ ಯೂರೋಪ್‌ನಲ್ಲಿ ಉತ್ಪಾದಿಸಿದ ಎರಡು ಹಾಗೂ ಮೂರನೇ ತ್ರೈಮಾಸಿಕಗಳಲ್ಲಿ ಮಾರಾಟವಾಗುವ ಉತ್ಪನ್ನಗಳನ್ನು ಪ್ರಮುಖವಾಗಿ ಸ್ವತಂತ್ರ ವಿತರಕರು ಹಾಗೂ ಹಂಚಿಕೆದಾರರುಗಳ ಜಾಗತಿಕ ಜಾಲದ ಸಹಾಯದಿಂದ ಮಾರಾಟ ಮಾಡಲಾಗುತ್ತದೆ.

ಹಣಕಾಸು ಹಾಗೂ ಹಣಕಾಸಿನ ಉತ್ಪನ್ನಗಳು[ಬದಲಾಯಿಸಿ]

XTRA ಲೀಸ್‌ಅನ್ನು ಸೆಪ್ಟೆಂಬರ್‌ 2001ರಲ್ಲಿ ಬರ್ಕ್‌ಷೈರ್‌ ಸ್ವಾಧೀನಪಡಿಸಿಕೊಂಡಿತು. ಮಿಸ್ಸೋರಿಯ St. ಲೂಯಿಸ್‌ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿರುವ XTRA, ಓರ್ವ ಪ್ರಧಾನ ಸಾಗಾಣಿಕಾ ಉಪಕರಣಗಳ ಗುತ್ತಿಗೆದಾರ ಸಂಸ್ಥೆಯಾಗಿದೆ. XTRA ಡಿಸೆಂಬರ್‌ 31, 2004ರ ಹಾಗೆ ಅಂದಾಜು $1 ಶತಕೋಟಿ ಮೊತ್ತದ ನಿವ್ವಳ ಹೂಡಿಕೆಯನ್ನು ಹೊಂದಿರುವ ಅಂದಾಜು 105,000 ಘಟಕಗಳ,ವೈವಿಧ್ಯಮಯ ಸಾಗಾಣಿಕಾ ಪಡೆಯನ್ನು ನಿರ್ವಹಿಸುತ್ತದೆ. ಈ ಸಾಗಾಣಿಕಾ ಪಡೆಯು ರಸ್ತೆ ಸಾಗಣೆಯ ಹಾಗೂ ಶೇಖರಣಾ ಟ್ರೇಲರ್‌ಗಳು, ಚಾಸಿ/ಅಡಿಗಟ್ಟು, ಅಂತರ್‌ಶೈಲೀಯ/ಇಂಟರ್‌ಮೋಡಲ್‌ ಪಿಗ್ಗಿಬ್ಯಾಕ್‌ ಟ್ರೇಲರ್‌ಗಳು ಹಾಗೂ ದೇಶೀಯ ಸಾಗಾಣಿಕಾ ವಾಹನಗಳನ್ನು ಹೊಂದಿದೆ.

ಕ್ಲೇಟನ್‌'ನ ಹಣಕಾಸು ಉದ್ದಿಮೆಯು, (ಸಿದ್ಧಪಡಿಸುವ ಗೃಹಗಳ ಮಾಲೀಕರಿಗೆ ಸಾಲ ಕೊಡುವಿಕೆ), 2007ರ ಆದಾಯವಾದ $526 ದಶಲಕ್ಷದಿಂದ ಇಳಿದು $206 ದಶಲಕ್ಷಕ್ಕೆ ಬಂದಿದೆ. ಸಾಲದ ನಷ್ಟಗಳು ಹಿಂದಿನ 2.9%ರಿಂದ ಏರಿಕೆ ಕಂಡು[೧೫] 3.6%ರಷ್ಟಾಗಿವೆ.

ಹೂಡಿಕೆಗಳು[ಬದಲಾಯಿಸಿ]

ಸಾಮಾನ್ಯ ಷೇರುಗಳು – ಲಾಭದಾಯಕ ಮಾಲೀಕತ್ವ[ಬದಲಾಯಿಸಿ]

SEC ಸಲ್ಲಿಕೆಯ ಹಿಂದಿನ ಪ್ರಾಕ್ಸಿ ದಾಖಲೆಯಲ್ಲಿ ಹಾಗೂ ಇತ್ತೀಚಿನ ವಾರ್ಷಿಕ ವರದಿಯಲ್ಲಿರುವ ಹಾಗೆ ಈ ಕಂಪೆನಿಗಳು ಲಭ್ಯವಿರುವ ಸ್ಟಾಕ್‌/ದಾಸ್ತಾನುಗಳ 5% ಅಥವಾ ಹೆಚ್ಚಿನ ಹೂಡಿಕೆ ಪಾಲನ್ನು ಬರ್ಕ್‌ಷೈರ್‌ ಹಾಥ್‌ವೇ ಹೊಂದಿರುವಂತಹ ಕೆಲ ಕಂಪನಿಗಳಾಗಿವೆ. ಹೂಡಿಕೆ ಪಾಲಿನ ಪ್ರಮಾಣಕ್ಕೆ ಅನುಗುಣವಾಗಿ ಹೀಗಿವೆ:

ಬಾಂಡ್‌/ಸಾಲಪತ್ರಗಳು[ಬದಲಾಯಿಸಿ]

ಬರ್ಕ್‌ಷೈರ್‌ ಸ್ಥಿರ ಆದಾಯ ಬಂಡವಾಳಗಳಲ್ಲಿ, ಪ್ರಮುಖವಾಗಿ ವಿದೇಶಿ ಸರ್ಕಾರೀ ಬಾಂಡ್‌ಗಳು ಹಾಗೂ ಸಾಂಸ್ಥಿಕ ಬಾಂಡ್‌ಗಳಲ್ಲಿ $27 ಶತಕೋಟಿ ಮೊತ್ತವನ್ನು ಹೂಡಿದೆ.[೧೭]

ಇತರೆ[ಬದಲಾಯಿಸಿ]

ಇತ್ತೀಚೆಗೆ, ಒಟ್ಟಾರೆಯಾಗಿ $14.5 ಶತಕೋಟಿಯಷ್ಟು[೧೮] ಮೊತ್ತದ ರಿಗ್ಲೆ, ಗೋಲ್ಡ್‌ಮನ್‌ ಸ್ಯಾಚ್ಸ್‌, ಹಾಗೂ GEಗಳ ಪ್ರಿಫೆರ್ರಡ್‌ ಸ್ಟಾಕ್‌/ದಾಸ್ತಾನುಗಳನ್ನು ಬರ್ಕ್‌ಷೈರ್‌ ಕೊಂಡಿದೆ.

ನವೆಂಬರ್‌ 3, 2009ರಂದು ಬರ್ಕ್‌ಷೈರ್‌ ಹಾಥ್‌ವೇ ಒಟ್ಟಾರೆ $26 ಶತಕೋಟಿ ಮೊತ್ತದ ಸ್ಟಾಕ್‌/ದಾಸ್ತಾನು ಹಾಗೂ ನಗದುಗಳ ಸಹಾಯದಿಂದ, BNSF ರೈಲ್ವೇಯ ತಾನು ಈಗಾಗಲೇ ಕೊಳ್ಳದೇ ಉಳಿದ ಭಾಗವನ್ನು ಕೊಂಡು ಸ್ವಾಧೀನಪಡಿಸಿಕೊಳ್ಳಲಿದೆ ಎಂದು ಘೋಷಿಸಿತು.[೧೯] ಇದು ಬರ್ಕ್‌ಷೈರ್‌'ನ ಇತಿಹಾಸದಲ್ಲಿಯೇ ಅತಿದೊಡ್ಡ ಸ್ವಾಧೀನಪಡಿಸಿಕೊಳ್ಳುವಿಕೆಯಾಗಲಿದೆ.

2003ರಲ್ಲಿ, ಪೆಪ್ಸಿ ಸಂಭಾವ್ಯ 1 ಶತಕೋಟಿ ಡಾಲರ್‌ ಬಹುಮಾನ ಕೊಡಬೇಕಾಗಬಹುದಾದ ಸ್ಪರ್ಧೆಯ ಪರವಾಗಿ ಬರ್ಕ್‌ಷೈರ್‌ಗೆ 10 ದಶಲಕ್ಷ ಡಾಲರ್‌ಗಳನ್ನು ಪಾವತಿಸಿತು[೨೦]. ಈ ಬಹುಮಾನವು ಕೊಡಬೇಕಾಗಬರುವ ಅಲ್ಪ ಸಾಧ್ಯತೆಯನ್ನಷ್ಟೇ ಹೊಂದಿತ್ತು ಆದರೂ ಅದನ್ನು ಯಾರೂ ಗೆಲ್ಲಲಿಲ್ಲ.

ಆಸ್ತಿಗಳು[ಬದಲಾಯಿಸಿ]

ಟಿಪ್ಪಣಿಗಳು[ಬದಲಾಯಿಸಿ]

  1. Warren Buffett. "Chairman's letter". Berkshire Hathaway 2008 Annual Report. p. 5. Retrieved February 28, 2009. 
  2. ಪ್ರಾವಿಡೆನ್ಸ್‌ ಜರ್ನಲ್‌ ಆರ್ಟಿಕಲ್‌ ಜುಲೈ 10, 2006
  3. "Berkshire Hathaway to join S&P 500, shares soar". Reuters. 2010-01-26. Retrieved 2010-01-26. 
  4. ಅಸೋಸಿಯೇಟೆಡ್‌ ಪ್ರೆಸ್‌. ವಾರೆನ್‌ ಬಫೆಟ್‌'ಸ್‌ ಬರ್ಕ್‌ಷೈರ್‌ ಹಾಥ್‌ವೇ ನೇಮ್‌ಡ್‌ ಮೋಸ್ಟ್‌ ರೆಸ್ಪೆಕ್ಟೆಡ್‌ ಕಂಪೆನಿ. ಸೆಪ್ಟೆಂಬರ್ 16, 2007
  5. ತೈಪೆ ಟೈಮ್ಸ್‌
  6. CNN
  7. [೧]
  8. [೨]
  9. "ವಾರೆನ್‌ ಬಫೆಟ್‌: ವ್ಯಾಲ್ಯೂ ಮ್ಯಾನ್‌ ಥ್ರೂ ಅಂಡ್‌ ಥ್ರೂ", Forbes.com
  10. ಬಫೆಟ್‌ ಆನ್‌ ಬರ್ಕ್‌ಷೈರ್‌, ಕಾಂಪೆನ್ಸೇಷನ್‌ ಅಂಡ್‌ ಸಕ್ಸೆಸರ್ಸ್‌ - ಮೇ. 5, 2007
  11. "Berkshire Hathaway Inc. (BRKA): Board of Directors". BusinessWeek. New York City: McGraw-Hill. Retrieved 2010-01-12. 
  12. ೧೨.೦ ೧೨.೧ ಬರ್ಕ್‌ಷೈರ್‌ ಹಾಥ್‌ವೇ ಟು ಬೈ ರೀಇನ್‌ಷ್ಯೂರರ್‌‌, ಸ್ಟಾರ್ಟ್ ಬಾಂಡ್‌ ಇನ್‌ಷ್ಯೂರರ್‌ - MarketWatch
  13. www.mii.com
  14. http://www.berkshirehathaway.com/news/dec2507.pdf
  15. "Chairman's letter". Berkshire Hathaway 2008 Annual Report, p.13. 
  16. ಬಫೆಟ್‌ ಡಿಫೆಂಡ್ಸ್‌ ಯೂಸಿಂಗ್‌ ಸ್ಟಾಕ್‌ ಇನ್‌ ಬರ್ಲಿಂಗ್‌ಟನ್‌ ಟೇಕ್‌ಓವರ್‌
  17. ಆಡಳಿತ ಮಂಡಳಿ ಚರ್ಚೆ , ಬರ್ಕ್‌ಷೈರ್‌ ಹಾಥ್‌ವೇ 2008ರ ವಾರ್ಷಿಕ ವರದಿ, p.71
  18. ಅಧ್ಯಕ್ಷೀಯ ಪತ್ರಗಳು , ಬರ್ಕ್‌ಷೈರ್‌ ಹಾಥ್‌ವೇ 2008ರ ವಾರ್ಷಿಕ ವರದಿ, p.18
  19. ಬಫೆಟ್‌ ಬೆಟ್ಸ್‌ ಬಿಗ್‌ ಆನ್‌ ರೇಲ್‌ರೋಡ್ಸ್‌’ ಫ್ಯೂಚರ್‌
  20. http://money.cnn.com/2003/04/09/news/companies/pepsi_billion_game/

ಬಾಹ್ಯ ಕೊಂಡಿಗಳು[ಬದಲಾಯಿಸಿ]

No portals specified: please specify at least one portal