ಪೆನೆಲೋಪ್ ಫಿಟ್ಜ್ಗೆರಾಲ್ಡ್
| ಪೆನೆಲೋಪ್ ಫಿಟ್ಜ್ಗೆರಾಲ್ಡ್ | |
|---|---|
 | |
| ಜನನ | ಪೆನೆಲೋಪ್ ಮೇರಿ ನಾಕ್ಸ್ ೧೭ ಡಿಸೆಂಬರ್ ೧೯೧೬ ಲಿಂಕನ್, ಇಂಗ್ಲೆಂಡ್ |
| ಮರಣ | ೨೮ ಎಪ್ರಿಲ್ ೨೦೦೦(ವಯಸ್ಸು ೮೩) ಲಂಡನ್, ಇಂಗ್ಲೆಂಡ್ |
| ವೃತ್ತಿ | ಬರಹಗಾರ್ತಿ |
| ಕಾಲ | ೨೦ ನೆಯ ಶತಮಾನ |
| ಪ್ರಮುಖ ಕೆಲಸ(ಗಳು) |
|
| ಪ್ರಮುಖ ಪ್ರಶಸ್ತಿ(ಗಳು) |
|
| ಬಾಳ ಸಂಗಾತಿ | ಡೆಸ್ಮಂಡ್ ಫಿಟ್ಜ್ಗೆರಾಲ್ಡ್ (ವಿವಾಹ 1941; ಮರಣ 1976) |
| ಸಂಬಂಧಿಗಳು |
|
ಪೆನೆಲೋಪ್ ಮೇರಿ ಫಿಟ್ಜ್ಗೆರಾಲ್ಡ್(೧೭ ಡಿಸೆಂಬರ್ ೧೯೧೬- ೨೮ ಏಪ್ರಿಲ್ ೨೦೦೦) ಇಂಗ್ಲೆಂಡ್‌ನ ಲಿಂಕನ್‌ನಿಂದ ಬೂಕರ್ ಪ್ರಶಸ್ತಿ ವಿಜೇತ ಕಾದಂಬರಿಗಾರ್ತಿ. ಹಾಗೆಯೇ ಇವರು ಕವಿ, ಪ್ರಬಂಧಕಿ ಮತ್ತು ಜೀವನಚರಿತ್ರೆಕಾರರು.[೧] ೨೦೦೮ ರಲ್ಲಿ "ದಿ ಟೈಮ್ಸ್", ಪೆನೆಲೋಪ್‍ರನ್ನು "೧೯೪೫ ರ ೫೦ ಶ್ರೇಷ್ಠ ಬ್ರಿಟಿಷ್ ಬರಹಗಾರತಿ" ಪಟ್ಟಿಯಲ್ಲಿ ಸೇರಿಸಿತು.[೨] ೨೦೧೨ ರಲ್ಲಿ "ದಿ ಅಬ್ಸರ್ವರ್" ಪೆನೆಲೋಪ್‍ರ ಕೊನೆಯ ಕಾದಂಬರಿಯನ್ನು ಪ್ರಕಟಿಸಿತು. "ದಿ ಬ್ಲೂ ಫ್ಲವರ್" ಅನ್ನು, "ಹತ್ತು ಅತ್ಯುತ್ತಮ ಐತಿಹಾಸಿಕ ಕಾದಂಬರಿ"ಯ ಪಟ್ಟಿಗಳಲ್ಲಿ ಸೇರಿಸಲಾಯಿತು.[೩] ಎ.ಎಸ್. ಬಯಾಟ್ ಪೆನೆಲೋಪ್‍ರನ್ನು "ಜೇನ್ ಆಸ್ಟೆನ್ ಅವರ ನಿಖರತೆ ಮತ್ತು ಆವಿಷ್ಕಾರದ ಉತ್ತರಾಧಿಕಾರಿ" ಎಂದು ಕರೆದರು.[೪]
ಜೀವನಚರಿತ್ರೆ[ಬದಲಾಯಿಸಿ]
ಪೆನೆಲೋಪ್ ಫಿಟ್ಜ್ಗೆರಾಲ್ಡ್ ಇಂಗ್ಲೆಂಡಿನ ಲಿಂಕನ್ನಲ್ಲಿ ೧೭ ಡಿಸೆಂಬರ್ ೧೯೧೬ ರಂದು ಜನಿಸಿದರು. ಅವರ ತಂದೆ ಎಡ್ಮಂಡ್ ನಾಕ್ಸ್, ೧೯೩೦ ರ ದಶಕದಲ್ಲಿ ಪಂಚ್ ಪತ್ರಿಕೆಯ ಸಂಪದಕರಾಗಿದ್ದರು, ಮತ್ತು ಅವರ ಚಿಕ್ಕಪ್ಪ ರೋನಾಲ್ಡ್ ಬೈಬಲ್ ಅನುವಾದಿಸಿ ಪತ್ತೆದಾರಿ ಕಥೆಗಳನ್ನು ಬರೆಯುತ್ತಿದ್ದರು. ಅವರು ದೇವತಾಶಾಸ್ತ್ರಜ್ಞ ಮತ್ತು ಅಪರಾಧ ಬರಹಗಾರ ರೊನಾಲ್ಡ್ ನಾಕ್ಸ್, ಕ್ರಿಪ್ಟೋಗ್ರಾಫರ್ ಡಿಲ್ವಿನ್ ನಾಕ್ಸ್ ಅವರ ಸೋದರ ಸೊಸೆಯಾಗಿದ್ದರು.[೫] ಅವರು ಸ್ವತಂತ್ರ ಬಾಲಕಿಯರ ಬೋರ್ಡಿಂಗ್ ಶಾಲೆಯಾದ ವೈಕೊಂಬ್ ಅಬ್ಬೆ ಮತ್ತು ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಸೋಮರ್‌ವಿಲ್ಲೆ ಕಾಲೇಜಿನಲ್ಲಿ ಶಿಕ್ಷಣ ಪಡೆದರು. ಅವರು ೧೯೧೮ ರಲ್ಲಿ ಪದವಿ ಪಡೆದರು, ವಿದ್ಯಾರ್ಥಿ ಪತ್ರಿಕೆ "ಐಸಿಸ್" ನಲ್ಲಿ "ವರ್ಷದ ಮಹಿಳೆ" ಎಂದು ಇವರನ್ನು ಹೆಸರಿಸಲಾಯಿತು.[೧]
೧೯೪೧ ರಲ್ಲಿ ಅವರು ಡೆಸ್ಮಂಡ್ ಫಿಟ್ಜ್ಗೆರಾಲ್ಡ್ ಅವರನ್ನು ಮದುವೆಯಾದರು. ಅವರೊಂದಿಗೆ ೧೯೫೦ ರ ದಶಕದ ಆರಂಭದಲ್ಲಿ ಅಲ್ಪಕಾಲಿನ ಸಾಹಿತ್ಯ ರಾಜಕೀಯ ಜರ್ನಲ್ ವರ್ಲ್ಡ್ ರಿವ್ಯೂ ಅನ್ನು ಸಂಪದಿಸಿದರು. ಇವರಿಗೆ ಮೂರು ಮಕ್ಕಳು, ಮಗ ವಾಲ್ಪಿ ಮತ್ತು ಇಬ್ಬರ ಪುತ್ರಿಯರ ಟೀನಾ ಮತ್ತು ಮರಿಯ. [೧] ಪೆನೆಲೋಪ್ ಫಿಟ್ಜ್ಗೆರಾಲ್ಡ್ ೨೮ ಏಪ್ರಿಲ್ ೨೦೦೦ ರಂದು ನಿಧನರಾದರು.
ಪರಂಪರೆ[ಬದಲಾಯಿಸಿ]
ಫಿಟ್ಜ್‌ಗೆರಾಲ್ಡ್‌ನ ಆರ್ಕೈವ್ ಅನ್ನು ಬ್ರಿಟಿಷ್ ಲೈಬ್ರರ್ ಜೂನ್ ೨೦೧೭ ರಲ್ಲಿ ಸ್ವಾಧೀನಪಡಿಸಿಕೊಂಡಿತು. ಇದು ಅವಳ ಸಾಹಿತ್ಯ ಕೃತಿಗಳಿಗೆ ಸಂಬಂಧಿಸಿದ ಪತ್ರವ್ಯವಹಾರದ ೧೭೦ ಫೈಲ್‌ಗಳು ಮತ್ತು ಪತ್ರಗಳನ್ನು ಒಳಗೊಂಡಿದೆ. ಅವಳ ತಂದೆ, ಇ.ವಿ. ನಾಕ್ಸ್ ಮತ್ತು ಫಿಟ್ಜ್‌ಗೆರಾಲ್ಡ್‌ನ ಲಿಟರರಿ ಎಸ್ಟೇಟ್‌ನ ಪೇಪರ್‌ಗಳು ಸೇರಿದಂತೆ ಕುಟುಂಬ ಸದಸ್ಯರಿಗೆ ಸೇರಿದ ಪತ್ರವ್ಯವಹಾರ ಮತ್ತು ಇತರ ವಸ್ತುಗಳನ್ನು ಒಳಗೊಂಡಿದೆ.[೬] ಸಂಶೋಧನಾ ಟಿಪ್ಪಣಿಗಳು, ಹಸ್ತಪ್ರತಿ ಕರಡು ಪತ್ರಗಳು ಮತ್ತು ಛಾಯಾಚಿತ್ರಗಳು ಸೇರಿದಂತೆ ಅವರ ಅನೇಕ ಸಾಹಿತ್ಯಿಕ ಪ್ರಬಂಧಗಳನ್ನು ಹ್ಯಾರಿ ರಾನ್ಸಮ್ ಸೆಂಟೆಯಲ್ಲಿ ಇರಿಸಲಾಗಿದೆ.
ಸಾಹಿತ್ಯಿಕ ವೃತ್ತಿಜೀವನ[ಬದಲಾಯಿಸಿ]
೧೯೭೫ ರಲ್ಲಿ ಫಿಟ್ಜ್ಗೆರಾಲ್ಡ್ ತನ್ನ ಸಾಹಿತ್ಯಿಕ ವೃತ್ತಿಜೀವನವನ್ನು ತಮ್ಮ ೫೮ ನೇ ವಯಸ್ಸಿನಲ್ಲಿ ಪ್ರಾರಂಭಿಸಿದರು. ಎರಡು ವರ್ಷಗಳ ನಂತರ 'ದಿ ನೊಕ್ಸ್ ಬ್ರದರ್ಸ್' ಅವರ ತಂದೆ ಮತ್ತು ಚಿಕ್ಕಪ್ಪರ ಜಂಟಿ ಜೀವನಚರಿತ್ರೆಯನ್ನು ಅನುಸರಿಸಿದರು, ಅದರಲ್ಲಿ ಅವಳು ತನ್ನ ಹೆಸರನ್ನು ಎಂದಿಗೂ ಉಲ್ಲೇಖಿಸಲಿಲ್ಲ. ನಂತರ ೧೯೭೭ ರಲ್ಲಿ ಅವರು ತಮ್ಮ ಮೊದಲ ಕಾದಂಬರಿಯಾದ "ದಿ ಗೊಲ್ಡನ್ ಚೈಲ್ಡ್" ಕೊಲೆ ರಹಸ್ಯವನ್ನು ಹೊಂದಿದ್ದ ಕಾಮಿಕನ್ನು ಪ್ರಕಟಿಸಿದರು. ೧೯೭೬ ರಲ್ಲಿ ಅನಾರೋಗ್ಯದ ಕಾರಣದಿಂದ ನಿಧನರಾದ ತನ್ನ ಗಂಡನನ್ನು ವಿನೋದಪಡಿಸಲು ಈ ಕಾದಂಬರಿಯನ್ನು ಬರೆಯಲಾಗಿತ್ತು.[೭]
ನಂತರದ ಐದು ವರ್ಷಗಳಲ್ಲಿ ಅವರು ನಾಲ್ಕು ಕಾದಂಬರಿಗಳನ್ನು ಪ್ರಕಟಿಸಿದರು. ಪ್ರತಿಯೊಂದೂ ತಮ್ಮದೇ ಆದ ಅನುಭವಗಳೊಂದಿಗೆ ಕೆಲವು ರೀತಿಯಲ್ಲಿ ಸಂಪರ್ಕಗೊಂಡಿವೆ. ಬೂಕರ್ ಪ್ರಶಸ್ತಿಗಾಗಿ ಶಾರ್ಟ್‌ಲಿಸ್ಟ್ ಮಾಡಲಾದ "ದಿ ಬುಕ್ಶಾಪ್" (೧೯೭೮), ಇದು ಕಾಲ್ಪನಿಕ ಪೂರ್ವ ಆಂಗ್ಲಿಯನ್ ಪಟ್ಟಣದಲ್ಲಿನ ಹೋರಾಟದ ಅಂಗಡಿಗೆ ಸಂಬಂಧಿಸಿದೆ. [೮] ೧೯೯೯ ರಲ್ಲಿ ಫಿಟ್ಜ್ಗೆರಾಲ್ಡ್ ಅವರಿಗೆ "ಲೈಫ್ಟೈಮ್ ಡಿಸ್ಟಿಂಗ್ವಿಶ್ಡ್ ಸರ್ವಿಸ್ ಟು ಲಿಟರೇಚರ್" ಗಾಗಿ ಇಂಗ್ಲಿಷ್ ಪೆನ್ ರವರು "ಗೋಲ್ಡನ್ ಪೆನ್ ಪ್ರಶಸ್ತಿ"ಯನ್ನು ನೀಡಿದರು.[೯][೧೦]
ಐತಿಹಾಸಿಕ ಕಾದಂಬರಿಗಳು[ಬದಲಾಯಿಸಿ]
ಫಿಟ್ಜ್ಗೆರಾಲ್ಡ್ "ಅಟ್ ಫ್ರೆಡೀಸ್" ನಂತರ "ನನ್ನ ಸ್ವಂತ ಜೀವನದಲ್ಲಿ ನಾನು ಬರೆಯಲು ಬಯಸಿದ ವಿಷಯಗಳ ಬಗ್ಗೆ ಬರೆದು ಮುಗಿಸಿದೆ" ಎಂದು ಹೇಳಿದರು.[೧೧] ಬದಲಿಗೆ ಅವರು ಕವಿ ಚಾರ್ಲೊಟ್ ಮೆವ್ ಅವರ ಜೀವನ ಚರಿತ್ರೆಯನ್ನು ಬರೆದರು ಮತ್ತು ವಿವಿಧ ಐತಿಹಾಸಿಕ ಸೆಟ್ಟಿಂಗ್ಗಳೊಂದಿಗೆ ಕಾದಂಬರಿಗಳ ಸರಣಿಯನ್ನು ಪ್ರಾರಂಭಿಸಿದರು. ಮೊದಲನೆಯದು ಇನ್ನೋಸೆನ್ಸ್ (೧೯೮೬), ೧೯೫೦ ರ ದಶಕದಲ್ಲಿ ಇಟಲಿಯ ಫ್ಲಾರೆನ್ಸ್‌ನಲ್ಲಿ ನಡೆದ ದಕ್ಷಿಣ ಕಮ್ಯುನಿಸ್ಟ್ ಕುಟುಂಬದ ಒಬ್ಬ ಬಡ ಶ್ರೀಮಂತನ ಮಗಳು ಮತ್ತು ವೈದ್ಯರ ನಡುವಿನ ಪ್ರಣಯದ ಬಗ್ಗೆ ಬರೆದರು. ಇಟಾಲಿಯನ್ ಮಾರ್ಕ್ಸ್‌ವಾದಿ ಸಿದ್ಧಾಂತಿ ಆಂಟೋನಿಯೊ ಗ್ರಾಮ್ಸ್ಕಿ ಚಿಕ್ಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ದಿ ಬಿಗಿನಿಂಗ್ ಆಫ್ ಸ್ಪ್ರಿಂಗ್ (೧೯೮೮) ಮತ್ತು ದಿ ಗೇಟ್ ಆಫ್ ಏಂಜಲ್ಸ್ (೧೯೯೦) ಇಬ್ಬರೂ ಫಿಕ್ಷನ್ಗಾಗಿ ಬೂಕರ್ ಪ್ರಶಸ್ತಿಗೆ ಆಯ್ಕೆಯಾದರು. ಪ್ರತಿಷ್ಠಿತ ಬೂಕರ್ ಪ್ರಶಸ್ತಿಗೆ ಆಯ್ಕೆಯಾದ "ದಿ ಬುಕ್ ಶ್ಯಾಪ್" (೧೯೭೮), ಕಾಲ್ಪನಿಕ 'ಈಸ್ಟ್ ಆಂಗ್ಲಿಯನ್' ಪಟ್ಟಣದ ಹಾರ್ಡ್ಬೊರೊದಲ್ಲಿ ಹೆಣಗಾಡುತ್ತಿರುವ ಪುಸ್ತಕದಂಗಡಿಯನ್ನು ಚಿತ್ರಿಸುತ್ತದೆ. ೧೯೫೯ ರಲ್ಲಿ ಸ್ಥಾಪಿತವಾದ ಈ ಕಾದಂಬರಿಯು ಲೊಲಿಟಾವನ್ನು ಸ್ಟಾಕ್ ಮಾಡುವ ಅಂಗಡಿಯ ನಿರ್ಧಾರವನ್ನು ಒಂದು ಪ್ರಮುಖ ಘಟನೆಯಾಗಿ ಒಳಗೊಂಡಿದೆ. ಎಮಿಲಿ ಮಾರ್ಟಿಮರ್ ನ ಫ್ಲಾರೆನ್ಸ್ ಗ್ರೀನ್ ಆಗಿ ನಟಿಸಿರುವ ಮತ್ತು ಇಸಾಬೆಲ್ ಕೊಕ್ಸೆಟ್ ನಿರ್ದೇಶಿಸಿದ ದಿ ಬುಕ್ಶಾಪ್ ಎಂಬ ಶೀರ್ಷಿಕೆಯೊಂದಿಗಿನ ಚಲನಚಿತ್ರ ರೂಪಾಂತರವು ನಿರ್ಮಾಣದ ನಂತರದ ಹಂತದಲ್ಲಿದೆ.
ಫಿಟ್ಜ್‌ಗೆರಾಲ್ಡ್‌ನ ಕೊನೆಯ ಕಾದಂಬರಿ, "ದಿ ಬ್ಲೂ ಫ್ಲವರ್" (೧೯೯೫), ೧೮ ನೇ ಶತಮಾನದ ಜರ್ಮನ್ ಕವಿ ಮತ್ತು ತತ್ವಜ್ಞಾನಿ ನೊವಾಲಿಸ್‍ರನ್ನು ಸಾಮಾನ್ಯ ಮಗುವಿನಂತೆ ಚಿತ್ರಿಸಲಾದ ಅವನ ಪ್ರೀತಿಯನ್ನು ಕೇಂದ್ರೀಕರಿಸುತ್ತದೆ. ಇತರ ಐತಿಹಾಸಿಕ ವ್ಯಕ್ತಿಗಳಾದ ಕವಿ ಗೋಥೆ ಮತ್ತು ತತ್ವಜ್ಞಾನಿ ಕಾರ್ಲ್ ವಿಲ್ಹೆಲ್ಮ್ ಫ್ರೆಡ್ರಿಕ್ ವಾನ್ ಶ್ಲೆಗೆಲ್ ಕಥೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ೧೯೯೭ ರ ನ್ಯಾಷನಲ್ ಬುಕ್ ಕ್ರಿಟಿಕ್ಸ್ ಸರ್ಕಲ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು ಮತ್ತು ಇದನ್ನು ಅವರ ಮೇರುಕೃತಿ ಎಂದು ಕರೆಯಲಾಗುತ್ತದೆ.[೧೨][೧೩] ೧೯೯೯ ರಲ್ಲಿ ಇದನ್ನು ಪೀಟರ್ ವುಲ್ಫ್ ಬಿಬಿಸಿ ರೇಡಿಯೊಗೆ ಅಳವಡಿಸಿಕೊಂಡರು ಮತ್ತು ನಾಟಕೀಯಗೊಳಿಸಿದರು.[೧೪]
ಫಿಟ್ಜ್ಗೆರಾಲ್ಡ್ ಅವರ ಸಣ್ಣ ಕಥೆಗಳ ಸಂಗ್ರಹ, "ದಿ ಮೀನ್ಸ್ ಆಫ್ ಎಸ್ಕೇಪ್" ಮತ್ತು ಅವರ ಪ್ರಬಂಧಗಳು, ವಿಮರ್ಶೆಗಳು ಮತ್ತು ವ್ಯಾಖ್ಯಾನಗಳ ಸಂಪುಟ "ಎ ಹೌಸ್ ಆಫ್ ಏರ್" ಅನ್ನು ಮರಣೋತ್ತರವಾಗಿ ಪ್ರಕಟಿಸಲಾಯಿತು. ೨೦೧೩ ರಲ್ಲಿ ಫಿಟ್ಜ್ಗೆರಾಲ್ಡ್ ಅವರ ಮೊದಲ ಪೂರ್ಣ ಜೀವನಚರಿತ್ರೆ "ಪೆನೆಲೋಪ್ ಫಿಟ್ಜ್ಗೆರಾಲ್ಡ್: ಎ ಲೈಫ್"ಯನ್ನು ಹರ್ಮಿಯೋನ್ ಲೀಯವರು ಬರೆದರು. ಇದಕ್ಕೆ ಜೇಮ್ಸ್ ಟೈಟ್ ಬ್ಲ್ಯಾಕ್ ಸ್ಮಾರಕ ಪ್ರಶಸ್ತಿಯನ್ನು ನೀಡಲಾಯಿತು.
ಗ್ರಂಥಸೂಚಿ[ಬದಲಾಯಿಸಿ]
ಜೀವನಚರಿತ್ರೆಗಳು[ಬದಲಾಯಿಸಿ]
- ಎಡ್ವರ್ಡ್ ಬರ್ನ್-ಜೋನ್ಸ್ (೧೯೭೫)
- 'ದಿ ನಾಕ್ಸ್ ಬ್ರದರ್ಸ್' (೧೯೭೭)
- ಷಾರ್ಲೆಟ್ ಮಿವ್ ಮತ್ತು ಅವರ ಸ್ನೇಹಿತರು: ವಿತ್ ಅ ಸೆಲೆಕ್ಷನ್ ಅಫ್ ಹರ್ ಚಾಯ್ಸ್ (೧೯೮೪)
ಕಾದಂಬರಿಗಳು[ಬದಲಾಯಿಸಿ]
- "ದಿ ಗೋಲ್ಡನ್ ಚೈಲ್ಡ್" (೧೯೭೭)
- ದಿ ಬುಕ್ ಶಾಪ್ (೧೯೭೮)
- ಆಫ್ಶೋರ್ (೧೯೭೯)
- ಹ್ಯೂಮನ್ ವಾಯ್ಸ್ (೧೯೮೦)
- ಫ್ರೆಡ್ಡಿಯಲ್ಲಿ (೧೯೮೨)
- ಮುಗ್ಧತೆ (೧೯೮೬)
- ದ ಬಿಗಿನಿಂಗ್ ಆಫ್ ಸ್ಪ್ರಿಂಗ್ (೧೯೮೮)
- "ದ ಗೇಟ್ ಆಫ್ ಏಂಜಲ್ಸ್" (೧೯೯೦)
- ದಿ ಬ್ಲೂ ಫ್ಲವರ್ (ಯುಕೆ ೧೯೯೫, ಯು.ಎಸ್. ೧೯೯೭)
ಸಣ್ಣ ಕಥಾ ಸಂಕಲನಗಳು[ಬದಲಾಯಿಸಿ]
- ದಿ ಮೀನ್ಸ್ ಆಫ್ ಎಸ್ಕೇಪ್ (೨೦೦೦).
- ಪೇಪರ್‌ಬ್ಯಾಕ್ ಎಡಿಷನ್(೨೦೦೧) ೨ ಹೆಚ್ಚುವರಿ ಕಥೆಗಳನ್ನು ಹೊಂದಿದೆ.
ಪ್ರಬಂಧಗಳು ಮತ್ತು ವಿಮರ್ಶೆಗಳು[ಬದಲಾಯಿಸಿ]
- ಎ ಹೌಸ್ ಆಫ್ ಏರ್: ಸೆಲೆಕ್ಟೆಡ್ ರೈಟಿಂಗ್ಸ್ (ಯುಎಸ್ ಶೀರ್ಷಿಕೆ ದಿ ಆಫ್ಟರ್ ಲೈಫ್) ಟೆರೆನ್ಸ್ ಡೂಲಿ ಅವರು ಮ್ಯಾಂಡಿ ಕಿರ್ಕ್‌ಬಿ ಮತ್ತು ಕ್ರಿಸ್ ಕಾರ್ಡಫ್ ಅವರೊಂದಿಗೆ ಹರ್ಮಿಯೋನ್ ಲೀಯವರ ಪರಿಚಯದೊಂದಿಗೆ ಸಂಪಾದಿಸಿದ್ದಾರೆ (೨೦೦೩).
ಪತ್ರಗಳು[ಬದಲಾಯಿಸಿ]
- ಸೊ ಐ ಹಾವ್ ತೋಟ್ ಆಫ್ ಯು. ದಿ ಲೆಟರ್ಸ್ ಆಫ್ ಪೆನೆಲೋಪ್ ಫಿಟ್ಜ್ಗೆರಾಲ್ಡ್ ಅನ್ನು ಟೆರೆನ್ಸ್ ಡೂಲಿ ಸಂಪಾದಿಸಿದ್ದಾರೆ, ಎ. ಎಸ್. ಬ್ಯಾಟ್ ಅವರ ಮುನ್ನುಡಿಯೊಂದಿಗೆ (೨೦೦೮).
ಉಲ್ಲೇಖಗಳು[ಬದಲಾಯಿಸಿ]
- ↑ ೧.೦ ೧.೧ ೧.೨ Hollinghurst, Alan (4 December 2014). "The Victory of Penelope Fitzgerald". The New York Review of Books. 61 (19). Archived from the original on 4 February 2016. Retrieved 1 January 2024.
- ↑ "The 50 greatest British writers since 1945". The Times (London). 5 January 2008. Retrieved 1 February 2010.
- ↑ Skidelsky, William (13 May 2012). "The 10 best historical novels". The Observer. London. Retrieved 13 May 2012.
- ↑ ‘Penelope Fitzgerald’, Telegraph, 3 May 2000, p. 27
- ↑ Jenny Turner (19 December 2013). "In the Potato Patch: Review of Penelope Fitzgerald: A Life by Hermione Lee". London Review of Books. 35 (24). Retrieved 1 January 2024.
- ↑ Penelope Fitzgerald Archive[ಶಾಶ್ವತವಾಗಿ ಮಡಿದ ಕೊಂಡಿ], archives and manuscripts catalogue, the British Library. Retrieved 7 May 2020.
- ↑ Virginia Blain, Patricia Clements and Isobel Grundy (eds): The Feminist Companion to Literature in English (London: Batsford, 1990), pp. 377–378.
- ↑ Mark Bostridge (23 August 2008). "So I Have Thought of You: The letters of Penelope Fitzgerald, ed Terence Dooley". The Independent (London).
- ↑ "Golden Pen Award, official website". English PEN. Archived from the original on 21 ನವೆಂಬರ್ 2012. Retrieved 3 December 2012.
- ↑ Hartley, Cathy (2003). A Historical Dictionary of British Women. Psychology Press. p. 349. ISBN 9780203403907.
- ↑ Harvey-Wood, Harriet (3 May 2000)."Penelope Fitzgerald". The Guardian (London).
- ↑ Hofmann, Michael (13 April 1997). "Nonsense Is Only Another Language". The New York Times.
- ↑ Harriet Harvey-Wood (3 May 2000)"Penelope Fitzgerald (obituary)". The Guardian (London).
- ↑ "Blue Flower, The". www.radiolistings.co.uk. Archived from the original on 29 ಡಿಸೆಂಬರ್ 2016. Retrieved 12 April 2018.
ಬಾಹ್ಯ ಕೊಂಡಿಗಳು[ಬದಲಾಯಿಸಿ]
- Obituary, The New York Times, May 3, 2000
- Julian Barnes, "How did she do it?", The Guardian, 26 July 2008
- Edmund Gordon, "The Unknown Penelope Fitzgerald", TLS, 30 June 2010
- Courtney Cook, "Penelope Fitzgerald Was Here: An Appreciation", Los Angeles Review of Books, 23 January 2015
- Penelope Fitzgerald Collection Archived 2013-01-16 ವೇಬ್ಯಾಕ್ ಮೆಷಿನ್ ನಲ್ಲಿ.
- Additional Papers at the Harry Ransom Center at the University of Texas at Austin
- Penelope Fitzgerald archive at the British Library