ನೆಹರು ತಾರಾಲಯಗಳು

ನೆಹರು ತಾರಾಲಯಗಳು ಭಾರತದ ಐದು ತಾರಾಲಯಗಳುಗಿದ್ದು, ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ಹೆಸರನ್ನು ಇಡಲಾಗಿದೆ. ಇವುಗಳು ಮುಂಬೈ, ನವದೆಹಲಿ, ಪುಣೆ ಮತ್ತು ಬೆಂಗಳೂರಿನಲ್ಲಿವೆ, ಜೊತೆಗೆ ನೆಹರೂ ಜನಿಸಿದ ಪ್ರಯಾಗರಾಜದಲ್ಲಿ ಜವಾಹರ್ ತಾರಾಲಯವಿದೆ.

ನವದೆಹಲಿಯಲ್ಲಿರುವ ನೆಹರು ತಾರಾಲಯವು ತೀನ್ ಮೂರ್ತಿ ಭವನದ ಮೈದಾನದಲ್ಲಿದೆ, ಇದನ್ನು ಅಧಿಕೃತವಾಗಿ ' ನೆಹರು ಮೆಮೋರಿಯಲ್ ಮ್ಯೂಸಿಯಂ ಮತ್ತು ಲೈಬ್ರರಿ ' ಎಂದು ಕರೆಯುತ್ತಾರೆ, ಇದು ಮೊದಲು ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು ಅವರ ಅಧಿಕೃತ ನಿವಾಸ ಆಗಿತ್ತು. ಮತ್ತು ಈಗ ಅವರ ಸ್ಮರಣಾರ್ಥ ವಸ್ತುಸಂಗ್ರಹಾಲಯ ಆಗಿದೆ. 1964 ರಲ್ಲಿ, ಜವಾಹರಲಾಲ್ ನೆಹರು ಸ್ಮಾರಕ ನಿಧಿಯನ್ನು ಅವರ ಯೋಜನೆಗಳಿಗೆ ಉತ್ತೇಜನ ನೀಡಲು ಸ್ಥಾಪಿಸಲಾಯಿತು . ಈ ನಿಧಿಯು ಖಗೋಳ ಶಿಕ್ಷಣದ ಉತ್ತೇಜನದ ಗುರಿಯೊಂದಿಗೆ ನೆಹರು ತಾರಾಲಯದ ನಿರ್ಮಾಣವನ್ನು ಕೈಗೆತ್ತಿಕೊಂಡಿತು. ಈ ತಾರಾಲಯವು ಮುಂಬೈನಲ್ಲಿ ತಾರಾಲಯದಂತೆಯೇ ಶ್ರೀಮತಿ ಇಂದಿರಾ ಗಾಂಧಿ ಅವರಿಂದ 6 ಫೆಬ್ರವರಿ 1984 ರಂದು ಉದ್ಘಾಟಿಸಲ್ಪಟ್ಟಿತು.. ^[೧] ಈ ಸ್ಥಳದ ಪ್ರಮುಖ ಆಕರ್ಷಣೆಗಳೆಂದರೆ ಭಾರತದ ಮೊದಲ ಗಗನಯಾತ್ರಿ ರಾಕೇಶ್ ಶರ್ಮಾ ಅವರನ್ನು ಜೊತೆಗೆ ಬಾಹ್ಯಾಕಾಶಕ್ಕೆ ಕರೆದೊಯ್ದ ಸೊಯುಜ್ ಟಿ -10 ಮತ್ತು ಅವರ ಬಾಹ್ಯಾಕಾಶ ಸೂಟ್ ಮತ್ತು ಮಿಷನ್ ಜರ್ನಲ್ .

ಜವಾಹರಲಾಲ್ ನೆಹರು ತಾರಾಲಯದಲ್ಲಿ ತೋರಿಸಲಾಗುವ ಸ್ಕೈ ಥಿಯೇಟರ್ ಬಹಳ ಜನಪ್ರಿಯವಾಗಿದೆ ಮತ್ತು ವರ್ಷಕ್ಕೆ 200,000 ಕ್ಕಿಂತ ಹೆಚ್ಚು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಸ್ಕೈ ಥಿಯೇಟರ್ ಒಂದು ಗುಮ್ಮಟದ ಆಕಾರದ ಥಿಯೇಟರ್ ಆಗಿದ್ದು ನಕ್ಷತ್ರಪುಂಜಗಳು ಮತ್ತು ಗ್ರಹಗಳ ಮಾಹಿತಿಗಳನ್ನು ತೋರಿಸುತ್ತದೆ. ವ್ಯಂಗ್ಯಚಿತ್ರಗಳು, ಚಿತ್ರಕಲೆಗಳು, ಕಂಪ್ಯೂಟರ್ ಅನಿಮೇಷನ್‌ಗಳು, ವೀಡಿಯೋ ಕ್ಲಿಪ್ಪಿಂಗ್‌ಗಳು ಮತ್ತು ವಿಶೇಷ ಪರಿಣಾಮಗಳಂತಹ ದೃಶ್ಯಗಳನ್ನು ಸ್ಕೈ ಥಿಯೇಟರ್‌ನಲ್ಲಿ ಕಾರ್ಯಕ್ರಮಗಳಲ್ಲಿ ಬಹಳವಾಗಿ ಬಳಸಲಾಗುತ್ತದೆ.

11 ಕೋಟಿ ರೂ. ಮೌಲ್ಯದ ನವೀಕರಣದ ನಂತರ ಸೆಪ್ಟೆಂಬರ್ 2010 ರಲ್ಲಿ ತಾರಾಲಯವನ್ನು ಪುನಃ ತೆರೆಯಲಾಯಿತು. ,ಇದು 2010 ಕಾಮನ್‌ವೆಲ್ತ್ ಕ್ರೀಡಾಕೂಟಕ್ಕಿಂತ ಮುಂಚಿತವಾಗಿದ್ದು ಕ್ವೀನ್ಸ್ ಬ್ಯಾಟನ್ ಪಡೆಯಿತು. ಇದು ಈಗ 'ಡೆಫಿನಿಟಿ ಆಪ್ಟಿಕಲ್ ಸ್ಟಾರ್ ಪ್ರೊಜೆಕ್ಟರ್ "ಮೆಗಾಸ್ಟಾರ್" ಅನ್ನು ಹೊಂದಿದ್ದು ಅದು 2 ಮಿಲಿಯನ್ ನಕ್ಷತ್ರಗಳನ್ನು ತೋರಿಸಬಲ್ಲದು. ^[೨] ಇದು ಹಳೆಯ ಟೆಲಿಸ್ಕೋಪ್‌ಗಳು, ಪ್ರೊಜೆಕ್ಷನ್ ಬಾಕ್ಸ್‌ಗಳು ಮತ್ತು ಸೌರ ಫಿಲ್ಟರ್‌ಗಳನ್ನು ಅದರ ಆವರಣದಲ್ಲಿ ಪ್ರಮುಖ ಸೂರ್ಯ ಗ್ರಹಣಗಳ ಸಂದರ್ಭಗಳಲ್ಲಿ ಸ್ಥಾಪಿಸುತ್ತದೆ. ^[೩] ^[೪]