ನೆಮ್ಮದಿ

ನೆಮ್ಮದಿಯಾಗಿರುವ ನಾಯಿ

ನೆಮ್ಮದಿ (ಅಥವಾ ನೆಮ್ಮದಿಯಿಂದ ಇರುವುದು) ಎಂದರೆ ದೈಹಿಕ ಅಥವಾ ಮಾನಸಿಕ ಆರಾಮದ ಅನಿಸಿಕೆ. ಯಾತನೆ ಇಲ್ಲದಿರುವುದು ಹಲವುವೇಳೆ ಇದರ ಲಕ್ಷಣವಾಗಿರುತ್ತದೆ. ನೆಮ್ಮದಿಯಿಲ್ಲದಿರುವ ವ್ಯಕ್ತಿಗಳು ಅಸೌಖ್ಯವಾಗಿರುತ್ತಾರೆ, ಅಥವಾ ಅಸೌಖ್ಯವನ್ನು ಅನುಭವಿಸುತ್ತಿರುತ್ತಾರೆ. ಪರಿಚಿತವಾದ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದು, ಪರಿಚಿತವಾದ ವಸ್ತುಗಳ ಇರುವಿಕೆಯನ್ನು ಕಾಪಾಡಿಕೊಳ್ಳುವುದು, ಮತ್ತು ಸಮಾಧಾನಕರ ಆಹಾರಗಳ ಸೇವನೆಯಂತಹ ಹಿತಕರ ನೆನಪುಗಳೊಂದಿಗೆ ಸಂಬಂಧಿಸಲಾದ ಅನುಭವಗಳನ್ನು ಪುನಸ್ಸೃಷ್ಟಿಸಿ ಸ್ವಲ್ಪ ಪ್ರಮಾಣದ ಮಾನಸಿಕ ನೆಮ್ಮದಿಯನ್ನು ಸಾಧಿಸಬಹುದು. ಆರೋಗ್ಯ ಆರೈಕೆಯಲ್ಲಿ ನೆಮ್ಮದಿ/ಸಮಾಧಾನವು ವಿಶೇಷ ಕಳವಳದ ವಿಷಯವಾಗಿರುತ್ತದೆ, ಏಕೆಂದರೆ ರೋಗಪೀಡಿತರು ಮತ್ತು ಗಾಯಗೊಂಡವರಿಗೆ ಸಮಾಧಾನ ನೀಡುವುದು ಆರೋಗ್ಯ ಆರೈಕೆಯ ಒಂದು ಗುರಿಯಾಗಿರುತ್ತದೆ, ಮತ್ತು ಚೇತರಿಕೆಯನ್ನು ಸುಗಮವಾಗಿಸಬಲ್ಲದು. ಮಾನಸಿಕ ನೆಮ್ಮದಿಯನ್ನು ನೀಡುವಂತಹ ವಸ್ತುಗಳಿಂದ ಸುತ್ತುವರಿಯಲ್ಪಟ್ಟ ವ್ಯಕ್ತಿಗಳು "ಸುಖದ ವಲಯದಲ್ಲಿ" ಇರುವರು ಎಂದು ವಿವರಿಸಬಹುದು.