ದುರಾಚಾರ

ಕಾನೂನಿನಲ್ಲಿ, ದುರಾಚಾರ (ದುರ್ನಡತೆ) ಎಂದರೆ ಪೂರ್ವಯೋಜಿತ ಅಥವಾ ಉದ್ದೇಶಪೂರ್ವಕ ಸಂಕಲ್ಪದಿಂದ ಅಥವಾ ತಮ್ಮ ಕ್ರಿಯೆಗಳ ಪರಿಣಾಮಗಳಿಗೆ ಹಠಮಾರಿ ಉದಾಸೀನತೆಯಿಂದ ಉತ್ತೇಜಿತವಾದ ತಪ್ಪಾದ, ಸರಿಯಲ್ಲದ, ಅಥವಾ ಕಾನೂನುಬಾಹಿರ ಆಚಾರ/ನಡತೆ. ದುರಾಚಾರವು ಸ್ವೀಕಾರಾರ್ಹವಲ್ಲದ ಅಥವಾ ಸರಿಯಲ್ಲದ ವರ್ತನೆಯೆಂದು ಪರಿಗಣಿಸಲ್ಪಡಬಹುದು, ವಿಶೇಷವಾಗಿ ಒಬ್ಬ ವೃತ್ತಿಪರ ವ್ಯಕ್ತಿಗೆ. ದುರಾಚಾರದ ಎರಡು ವರ್ಗಗಳೆಂದರೆ ಲೈಂಗಿಕ ದುರಾಚಾರ ಮತ್ತು ಅಧಿಕೃತ ದುರಾಚಾರ. ಶಾಲಾ ಶಿಸ್ತಿನ ಸಂಬಂಧದಲ್ಲಿ, "ದುರಾಚಾರ/ದುರ್ನಡತೆ" ಎಂದರೆ ಸಾಮಾನ್ಯವಾಗಿ ಶಾಲಾ ಅಧಿಕಾರಿಗಳು ಸ್ವೀಕಾರಾರ್ಹವಲ್ಲದ ಆದರೆ ಅಪರಾಧಿಕ ಉಲ್ಲಂಘಿಸದಿರದ್ದು ಎಂದು ಅರ್ಥಮಾಡಿಕೊಳ್ಳಲಾದ ವಿದ್ಯಾರ್ಥಿಯ ವರ್ತನೆ. ಇದರಲ್ಲಿ ಗೈರುಹಾಜರಿ, ತಡವಾಗಿ ಬರುವ ಗುಣ, ಬೆದರಿಸುವಿಕೆ/ಪುಂಡತನ ಮತ್ತು ಸೂಕ್ತವಲ್ಲದ ಭಾಷೆ ಸೇರಿವೆ. ಕಾರ್ಯಸ್ಥಳದಲ್ಲಿನ ದುರಾಚಾರವು ಸಾಮಾನ್ಯವಾಗಿ ಎರಡು ವರ್ಗಗಳಲ್ಲಿ ಬರುತ್ತದೆ. ಗೌಣ ದುರಾಚಾರವು ಸ್ವೀಕಾರಾರ್ಹವಲ್ಲವೆಂದು ಕಾಣಲ್ಪಡುತ್ತದೆ ಆದರೆ ಕ್ರಿಮಿನಲ್ ಅಪರಾಧವಲ್ಲ (ಉದಾ. ತಡವಾಗಿ ಬರುವುದು, ವಿದ್ಯಾರ್ಹತೆಗಳನ್ನು ನಕಲಿ ಮಾಡುವುದು).