ಡಿ. ಸುಬ್ಬಾರಾವ್

ಡುವ್ವುರಿ ಸುಬ್ಬಾರಾವ್
ಭಾರತೀಯ ರಿಜರ್ವ್ ಬ್ಯಾಂಕ್‍ನ ೨೨ನೆಯ ಗವರ್ನರ್
ಪ್ರಸಕ್ತ
ಅಧಿಕಾರ ಪ್ರಾರಂಭ  ಸೆಪ್ಟೆಂಬರ್ ೫, ೨೦೦೮
ಪೂರ್ವಾಧಿಕಾರಿ	ವೈ. ವೇಣುಗೋಪಾಲ್ ರೆಡ್ಡಿ
ಜನನ	(1949-08-11) ೧೧ ಆಗಸ್ಟ್ ೧೯೪೯
ಜೀವನಸಂಗಾತಿ	ಊರ್ಮಿಳ ಸುಬ್ಬಾರಾವ್
ಧರ್ಮ	ಹಿಂದೂ

ಡುವ್ವುರಿ ಸುಬ್ಬಾರಾವ್ ಇವರು ಭಾರತೀಯ ರಿಜರ್ವ್ ಬ್ಯಾಂಕ್ನ ೨೨ನೇಯ ಗವರ್ನರರು. ಇದಕ್ಕೂ ಮೊದಲು ಇವರು ಭಾರತ ಸರಕಾರದ ಹಣಕಾಸು ಕಾರ್ಯದರ್ಶಿಗಳಾಗಿ ಕಾರ್ಯನಿರ್ವಹಿಸಿದ್ದರು. ಯಾಗ ವೇಣುಗೋಪಾಲ ರೆಡ್ಡಿಯವರು ಸುಬ್ಬಾರಾವ್ ಇವರಿಗಿಂತ ಮೊದಲು ಭಾರತೀಯ ರಿಜರ್ವ್ ಬ್ಯಾಂಕ್ನ ಗವರ್ನರರಾಗಿದ್ದರು.

ಹುದ್ದೆಯಲ್ಲಿ ಸಾಗಿ ಬಂದ ಹಾದಿ

• ೧೯೭೨ --> ಐ.ಎ.ಎಸ್ ಅಧಿಕಾರಿಯಾಗಿ ಆಯ್ಕೆ
• ೧೯೮೮ ಜುಲೈ ೧೫ --> ಹಣಕಾಸು ಮತ್ತು ಕಂಪನಿ ನಿರ್ವಹಣೆ ಮಂತ್ರಿ ಶಾಖೆಯಲ್ಲಿ ನಿರ್ದೇಶಕರಾಗಿ ನೇಮಕ
• ೧೯೯೦ ಜುನ್ ೪ --> ಪ್ಲ್ಯಾನಿಂಗ್ ಕಮೀಷನ್ನಲ್ಲಿ ಜಂಟಿ ಕಾರ್ಯದರ್ಶಿ
• ೨೦೦೫ ಮಾರ್ಚ್ ೨ --> ಪ್ಲ್ಯಾನಿಂಗ್ ಕಮೀಷನ್ನಲ್ಲಿ ಕಾರ್ಯದರ್ಶಿ
• ೨೦೦೭ ಮೇ ೧ --> ಭಾರತ ಸರಕಾರದ ಹಣಕಾಸು ಕಾರ್ಯದರ್ಶಿ
• ೨೦೦೮ ಸೆಪ್ಟಂಬರ್ --> ಭಾರತೀಯ ರಿಜರ್ವ್ ಬ್ಯಾಂಕಿನ ಗವರ್ನರ್

೧೯೭೨ರ ಐ.ಎ.ಎಸ್ ಪರೀಕ್ಷೆಯಲ್ಲಿ ಇವರು ಅಗ್ರ ಶ್ರೇಯಂಕವನ್ನು ಪಡೆದಿದ್ದರು. ೨೦೦೭ರಲ್ಲಿ ಹಣಕಾಸು ಕಾರ್ಯದರ್ಶಿಯಾಗಿ ನೇಮಕವಾಗುವ ಮೊದಲು ಡಾ. ಸಿ. ರಂಗರಾಜನ್ ನೇತೃತ್ವದ ಪ್ರಧಾನ ಮಂತ್ರಿಗಳ ವಿತ್ತೀಯ ಕಾರ್ಯ ನಿರ್ವಹಣಾ ಮಂಡಳಿಯ ಸದಸ್ಯರಾಗಿ ಕಾಯನಿರ್ವಹಿಸಿದ್ದರು.

ವಿದ್ಯಾಭ್ಯಾಸ

ಇವರು ಐ.ಐ.ಟಿ. ಕಾನಪುರದಲ್ಲಿ ತಮ್ಮ ಪದವಿಯನ್ನು ಪಡೆದರು. ಅಲ್ಲಿ ಇವರು ಭೌತಶಾಸ್ತ್ರವನ್ನು ಅಭ್ಯಸಿಸಿದರು. ಐ.ಎ.ಎಸ್. ಅಧಿಕಾರಿಯಾದ ನಂತರ ಇವರು ೧೯೭೮ರಲ್ಲಿ ಒಹೀಯೋ ಸ್ಟೇಟ್ ಯುನಿವರ್ಸಿಟಿಯಿಂದ ಎಕನಾಮಿಕ್ಸನಲ್ಲಿ ಎಮ್.ಎಸ್. ಪದವಿಯನ್ನು ಪಡೆದರು. ೧೯೮೨-೮೩ರ ಸಮಯದಲ್ಲಿ ಪ್ರತಿಷ್ಟಿತ ಎಮ್.ಐ.ಟಿಯಲ್ಲಿ ಹಂಫ್ರಿ ಫೆಲ್ಲೋ ಆಗಿದ್ದರು ಮತ್ತು ತಮ್ಮ ಪಿಎಚ್ ಡಿ ಪದವಿಯನ್ನು ಪಡೆದರು. ೧೯೯೯-೨೦೦೪ರ ಅವಧಿಯಲ್ಲಿ ಇವರು ವಿಶ್ವ ಬ್ಯಾಂಕಿನಲ್ಲಿ ಎಕಾನಾಮಿಸ್ಟ್ ಆಗಿ ಕೆಲಸ ಮಾಡಿದ್ದಾರೆ.