ಕೆಂಪೇಗೌಡ 2 (ಚಲನಚಿತ್ರ)

ಕೆಂಪೇಗೌಡ 2- ಶಂಕರ್ ಗೌಡ ನಿರ್ದೇಶನದ 2019 ರ ಕನ್ನಡ ಸಾಹಸ ಚಿತ್ರವಾಗಿದೆ. ಚಿತ್ರದಲ್ಲಿ ಕೋಮಲ್ ಕುಮಾರ್, ರಕ್ಷಿತಾ ಶರ್ಮಾ ಪ್ರಮುಖ ಪಾತ್ರಗಳಲ್ಲಿ ಶ್ರೀಶಾಂತ್ ಮತ್ತು ಯೋಗೇಶ್ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ. ಪಂಚಮುಖಿ ಹನುಮಾನ್ ಸಿನಿ ಪ್ರೊಡಕ್ಷನ್ಸ್ ಅಡಿಯಲ್ಲಿ ಎ.ವಿನೋದ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಚಿತ್ರದ ಧ್ವನಿಪಥವನ್ನು ವರುಣ್ ಉನ್ನಿ ಸಂಯೋಜಿಸಿದ್ದಾರೆ. ಶೀರ್ಷಿಕೆಯ ಹೊರತಾಗಿಯೂ, ಚಲನಚಿತ್ರವು ಅದೇ ಹೆಸರಿನ 2011 ರ ಚಿತ್ರದ ಮುಂದುವರಿದ ಭಾಗವಲ್ಲ.

ಪಾತ್ರವರ್ಗ

• ಕೆಂಪೇಗೌಡನಾಗಿ ಕೋಮಲ್ ಕುಮಾರ್
• ರಕ್ಷಿಕಾ ಶರ್ಮಾ
• ದೇಶಮುಖನಾಗಿ ಶ್ರೀಶಾಂತ್
• ಯೋಗೇಶ್
• ನಾಗೇಂದ್ರ ಬಾಬು
• ಅಲಿ
• ಮಧುಸೂಧನ್ ರಾವ್
• ವಿಜಿ ಚಂದ್ರಶೇಖರ್

ನಿರ್ಮಾಣ

ಈ ಚಿತ್ರದಲ್ಲಿ ಕೋಮಲ್ ಕುಮಾರ್ ಅವರು ಗಂಭೀರವಾದ ಪೋಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು, ಅವರು ಮೊದಲ ಬಾರಿಗೆ ಹಾಸ್ಯ ಪಾತ್ರಗಳಿಂದ ಸಂಪೂರ್ಣವಾಗಿ ಭಿನ್ನರಾಗಿದ್ದರು. 'ಹಾಸ್ಯನಟನಾಗಿ ಟೈಪ್‌ಕಾಸ್ಟ್‌ ಆಗಿದ್ದರಿಂದ ಸುಸ್ತಾಗುತ್ತಿದ್ದರಿಂದ' ಅವರು ಈ ಪಾತ್ರವನ್ನು ಮಾಡಲು ಒಪ್ಪಿಕೊಂಡರು ಮತ್ತು ಭಾಗವಾಗಿ ನೋಡಲು ಸುಮಾರು 23 ಕಿಲೋಗಳಷ್ಟು ತೂಕವನ್ನು ಕಳೆದುಕೊಳ್ಳಬೇಕಾಯಿತು. ಈ ಚಿತ್ರವು ಕನ್ನಡ ಚಲನಚಿತ್ರೋದ್ಯಮ ಅಥವಾ ಸ್ಯಾಂಡಲ್‌ವುಡ್‌ನಲ್ಲಿ ಶ್ರೀಶಾಂತ್ ಅವರ ಮೊದಲ ನಟನೆಯನ್ನು ಗುರುತಿಸಿತು.

ಸಂಗೀತ

ಚಿತ್ರದ ಮೂಲ ಹಾಡುಗಳು ಮತ್ತು ಹಿನ್ನೆಲೆ ಸಂಗೀತವನ್ನು ವರುಣ್ ಉನ್ನಿ ಸಂಯೋಜಿಸಿದ್ದಾರೆ.

• "ಉಸಿರೆ" - ವರುಣ್ ಉನ್ನಿ, ಸುಪ್ರಿಯಾ ಲೋಹಿತ್
• "ಕೆಂಪೇಗೌಡ" - ಪಟ್ಲ ಸತೀಶ್ ಶೆಟ್ಟಿ, ಜಿಯಾ ಉಲ್ ಹಕ್

ವಿಮರ್ಶೆ

ಟೈಮ್ಸ್ ಆಫ್ ಇಂಡಿಯಾ ಬರೆಯಿತು "ಕಥೆಯು ಸ್ಪೂರ್ತಿದಾಯಕವಾಗಿದ್ದರೂ, ಸಂಪಾದನೆಯು ಕೊನೆಯ ಪಂಚ್ ಅನ್ನು ಹೆಚ್ಚು ಸಮರ್ಪಕವಾಗಿ ಕೊಡಲು ಸಹಾಯ ಮಾಡಬಹುದಿತ್ತು. ನೀವು ಪೋಲೀಸ್-ಆಧಾರಿತ ಸಾಹಸ ನಾಟಕಗಳ ಅಭಿಮಾನಿಯಾಗಿದ್ದರೆ, ಕೆಂಪೇಗೌಡ 2 ನಿಮಗೆ ಮೆಚ್ಚುಗೆ ಆಗಿರಬಹುದು" ಬೆಂಗಳೂರು ಮಿರರ್ ಬರೆಯಿತು- "ನಿಧಾನಗತಿಯ ನಿರೂಪಣೆ ಚೆನ್ನಾಗಿಲ್ಲ. ರೋಚಕತೆ ಮತ್ತು ತಿರುವುಗಳನ್ನು ಹೆಚ್ಚು ಎದ್ದು ಕಾಣುವಂತೆ ಮಾಡಬಹುದಾಗಿತ್ತು. ಚಿತ್ರವು ತನ್ನನ್ನು ತಾನು ಗಂಭೀರವಾಗಿ ಪರಿಗಣಿಸಲು ಪ್ರಯತ್ನಿಸುತ್ತದೆ, ಇದು ಯಾವುದೇ ಅಂತಹ ಚಲನಚಿತ್ರದಲ್ಲಿ ಅನಾವಶ್ಯಕವಾಗಿತ್ತು, ಮನರಂಜನೆಯು ಹೆಚ್ಚಿನ ಆದ್ಯತೆಯನ್ನು ಪಡೆಯಬೇಕಾಗಿತ್ತು. ಈ ನ್ಯೂನತೆಯ ಹೊರತಾಗಿಯೂ, ಕೆಂಪೇಗೌಡ 2 ನೋಡಲು ಉತ್ತಮ ಚಿತ್ರ ಆಗಿದೆ".