ಕಿಸ್ ಆಫ಼್ ಲವ್

ವಿಕಿಪೀಡಿಯ ಇಂದ
Jump to navigation Jump to search
ಕೊಚ್ಚಿಯಲ್ಲಿನ ಪ್ರಾರಂಭಿಕ ಪ್ರತಿಭಟನೆಯ

ಕಿಸ್ ಆಫ಼್ ಲವ್ (ಅಂದರೆ ಪ್ರೀತಿಯ ಮುತ್ತು) -ಇದು ನೈತಿಕ ಪೋಲಿಸ್ ಗಿರಿ ಯನ್ನು ವಿರೋಧಿಸಿ ಕೇರಳದಲ್ಲಿ ಆರಂಭವಾಗಿ ನಂತರ ಭಾರತದ ಉಳಿದ ಭಾಗಗಳಿಗೆ ಹರಡಿದ ಅಹಿಂಸಾತ್ಮಕ ಪ್ರತಿಭಟನೆ.

ಇದು ನವೆಂಬರ್ ೨ , ೨೦೧೪ ರಂದು ಕೊಚಿನ್ ನ ಮೆರೀನ್ ಡ್ರೈವ್ ನಲ್ಲಿ ನೈತಿಕ ಪೋಲಿಸ್ ಗಿರಿಯನ್ನು ವಿರೋಧಿಸುವಂತೆ ಕೇರಳದ ಯುವಕರಿಗೆ ಅಂತರ್ಜಾಲಫೇಸ್ಬುಕ್ ಪುಟವೊಂದು ಕರೆನೀಡುವುದರಿಂದ ಆರಂಭವಾಯಿತು. ಈ ಚಳುವಳಿಗೆ ೧,೪೩,೦೦೦ ಲೈಕ್ ಗಳಷ್ಟು ಭಾರೀ ಬೆಂಬಲ ದೊರಕಿತು. ಕೊಚ್ಚಿಯಲ್ಲಿನ ಪ್ರಾರಂಭಿಕ ಪ್ರತಿಭಟನೆಯ ನಂತರ ಅಂತಹುದೇ ಪ್ರತಿಭಟನೆಗಳನ್ನು ದೇಶದ ಪ್ರಮುಖ ನಗರಗಳಲ್ಲಿ ಏರ್ಪಡಿಸಲಾಯಿತು. ಅದಕ್ಕೆ ಭಾರತೀಯ ಜನತಾ ಯುವ ಮೋರ್ಚಾ, ವಿಶ್ವ ಹಿಂದೂ ಪರಿಷತ್, ಶಿವಸೇನಾ , ಬಜರಂಗದಳ, ಹಿಂದೂ ಸೇನಾ , ಕೇರಳ ವಿದ್ಯಾರ್ಥಿ ಸಂಘದ ಒಂದು ಅಂಗ ಹೀಗೆ ಅನೇಕ ಧಾರ್ಮಿಕ ಮರತ್ತು ರಾಜಕೀಯ ಸಂಘಟನೆಗಳಿಂದ ವಿರೋಧ ಎದುರಾಯಿತು. ಬೇರೆ ಬೇರೆ ಸಂದರ್ಭಗಳಲ್ಲಿ ಭಾರತದ ಸರ್ವೋಚ್ಛ ನ್ಯಾಯಾಲಯ ಮತ್ತು ದೆಹಲಿಯ ಉಚ್ಚನ್ಯಾಯಾಲಯಗಳು ಸಾರ್ವಜನಿಕವಾಗಿ ಮುತ್ತಿಡುವುದು ಅಶ್ಲೀಲ ಕೃತ್ಯವಲ್ಲ ಹಾಗೂ ಆ ಬಗ್ಗೆ ಕ್ರಿಮಿನಲ್ ಮೊಕದ್ದಮೆ ಹೂಡಲಾಗದು ಎಂದು ಮೈಲಿಗಲ್ಲುಗಳೆನಿಸಿದ ನಿರ್ಣಯಗಳ ಮೂಲಕ ಸ್ಪಷ್ಟಪಡಿಸಿವೆ.