ಕರ್ಪುರಲಕ್ಕಿ

ಕರ್ಪುರಲಕ್ಕಿ

ಕರ್ಪುರಲಕ್ಕಿ ಕರಾವಳಿಯ ದೊಡ್ಡ ಪೊದೆಸಸ್ಯ ಅಥವಾ ಸಣ್ಣ ಮರವಾಗಿದೆ. ಇದು ಲ್ಯಾಮಿನೇಸಿಯ ಸಸ್ಯ ಕುಟುಂಬಕ್ಕೆ ಸೇರಿದೆ. ವಿಟೆಕ್ಸ್ ಟ್ರೈಫೋಲಿಯಾ ಇದರ ವೈಜ್ಞಾನಿಕ ಹೆಸರು.

ಸಸ್ಯದ ವಿವರಣೆ

ಕರ್ಪುರಲಕ್ಕಿ ಮೃದು ಕೂದಲಿನ (ಟೊಮೆಂಟೋಸ್) ಆವರಿಸಿರುವ ಕಾಂಡ ಹೋದಿದೆ. ಇದು ೫ಮೀ ಗಿಂತಲೂ ಕಡಿಮೆ ಎತ್ತರ ಬೆಳೆಯುತ್ತದೆ. ಈ ಮರದ ಕಾಂಡಗಳ ಉದ್ದಕ್ಕೂ ಎಲೆಗಳು ವಿರೋಧವಾಗಿ ಜೋಡಿಸಲ್ಪಟ್ಟಿರುತ್ತವೆ. ಇವು 3-ರೇಖಾತ್ಮಕ ಚಿಗುರೆಲೆಗಳಿಂದ ಕೂಡಿರುತ್ತವೆ. ಇದು ೧-೧೨ ಸೆಂ.ಮೀ ಉದ್ದವಿರುತ್ತದೆ. ಎಲೆಗಳ ಮೇಲಿನ ಮೇಲ್ಮೈ ಹಸಿರು ಮತ್ತು ಕೆಳ ಮೇಲ್ಮೈ ಬೂದು ಹಸಿರು ಬಣ್ಣವಿರುತ್ತದೆ. ಹೂವುಗಳು ೧೮ ಸೆಂ.ಮೀ ಉದ್ದದ ಗುಂಪಾಗಿ ಹುಟ್ಟುತ್ತವೆ. ಸಾಮಾನ್ಯವಾಗಿ ಹೂವುಗಳು ಸುಮಾರು ೫ಮಿಮೀ ಉದ್ದವಿರುವ ನೇರಳೆ ಅಥವಾ ಕೆನ್ನೇರಳೆ ಬಣ್ಣ ಹೊಂದಿರುತ್ತವೆ.

ಬೆಳೆಯುವ ಪ್ರದೇಶ

ಕರ್ಪುರಲಕ್ಕಿ ಸ್ವಾಭಾವಿಕವಾಗಿ ಉಷ್ಣವಲಯದ ಪೂರ್ವ ಆಫ್ರಿಕಾದ ತೀರ ಪೂರ್ವಕ್ಕೆ ಫ್ರೆಂಚ್ ಪಾಲಿನೇಷಿಯಾದ ಕರಾವಳಿಯಲ್ಲಿ ಕಂಡುಬರುತ್ತದೆ.

ಔಷಧೀಯ ಉಪಯೋಗ

ಈ ಎಲೆಗಳನ್ನು ಕುಕ್ ದ್ವೀಪಗಳಲ್ಲಿ ಸ್ತ್ರೀ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ಇದನ್ನು ಜ್ವರ ನಿಯಂತ್ರಿಸಲು ಬಳಸಲಾಗುತ್ತದೆ. ಒಣಗಿದ ಎಲೆಗಳನ್ನು ಸೊಳ್ಳೆಗಳನ್ನು ತಡೆಯಲು ಸುಡುತ್ತಾರೆ.