ಒಸಡು

ವಿಕಿಪೀಡಿಯದಿಂದ, ಇದು ಮುಕ್ತ ಹಾಗೂ ಸ್ವತಂತ್ರ ವಿಶ್ವಕೋಶ

ಒಸಡು ಬಾಯಿಯೊಳಗೆ ಹನ್ವಸ್ಥಿ ಮತ್ತು ದವಡೆ ಎಲುಬಿನ ಮೇಲೆ ಇರುವ ಲೋಳೆಪೊರೆ ಅಂಗಾಂಶವನ್ನು ಹೊಂದಿರುತ್ತದೆ. ಒಸಡಿನ ಆರೋಗ್ಯ ಮತ್ತು ರೋಗವು ಸಾಮಾನ್ಯ ಆರೋಗ್ಯದ ಮೇಲೆ ಪ್ರಭಾವ ಬೀರಬಹುದು.[೧] ಒಸಡು ಬಾಯಿಯ ಮೃದು ಅಂಗಾಂಶದ ಒಳಪದರದ ಭಾಗವಾಗಿದೆ. ಒಸಡು ಹಲ್ಲುಗಳನ್ನು ಸುತ್ತುವರಿದು ಅವುಗಳ ಸುತ್ತ ಮುಚ್ಚಿಗೆಯನ್ನು ಒದಗಿಸುತ್ತದೆ. ತುಟಿಗಳು ಮತ್ತು ಕೆನ್ನೆಗಳ ಮೃದು ಅಂಗಾಂಶದ ಒಳಪದರಗಳಿಗೆ ಭಿನ್ನವಾಗಿ, ಒಸಡಿನ ಬಹುತೇಕ ಭಾಗವು ಕೆಳಗಿರುವ ಮೂಳೆಗೆ ಬಿಗಿಯಾಗಿ ಬಂಧಿತವಾಗಿರುತ್ತದೆ. ಇದು ಅದರ ಮೇಲೆ ಸಾಗುವ ಆಹಾರದ ತಿಕ್ಕಾಟವನ್ನು ಪ್ರತಿರೋಧಿಸುವಲ್ಲಿ ನೆರವಾಗುತ್ತದೆ. ಹಾಗಾಗಿ ಆರೋಗ್ಯವಂತವಾಗಿರುವಾಗ, ಇದು ಹೆಚ್ಚು ಆಳದ ಅಂಗಾಂಶಗಳಿಗೆ ದಂತ ಸಂಬಂಧಿ ತಿರಸ್ಕಾರಗಳ ದಾಳಿಗಳಿಗೆ ಪರಿಣಾಮಕಾರಿ ತಡೆಗೋಡೆಯನ್ನು ಪ್ರಸ್ತುತಪಡಿಸುತ್ತದೆ. ತಿಳಿ ಬಣ್ಣದ ಜನರಲ್ಲಿ ಆರೋಗ್ಯವಂತ ಒಸಡು ಸಾಮಾನ್ಯವಾಗಿ ಹವಳ ಗುಲಾಬಿ ಬಣ್ಣದ್ದಾಗಿರುತ್ತದೆ, ಆದರೆ ಮೆಲನಿನ್ ವರ್ಣದ್ರವ್ಯದಿಂದ ನೈಸರ್ಗಿಕವಾಗಿ ಹೆಚ್ಚು ಗಾಢ ಬಣ್ಣದ್ದಾಗಿರಬಹುದು.

ಬಣ್ಣದಲ್ಲಿನ ಬದಲಾವಣೆಗಳು, ವಿಶೇಷವಾಗಿ ಹೆಚ್ಚಿನ ಕೆಂಪುತನವು, ಊತ ಮತ್ತು ರಕ್ತಸ್ರಾವವಾಗುವ ಹೆಚ್ಚಿನ ಪ್ರವೃತ್ತಿಯ ಜೊತೆಗೆ ಉರಿಯೂತವನ್ನು ಸೂಚಿಸುತ್ತದೆ. ಈ ಉರಿಯೂತವು ಸಂಭಾವ್ಯವಾಗಿ ಬ್ಯಾಕ್ಟೀರಿಯಾಜನ್ಯ ಪಿಟ್ಟಿನ ಶೇಖರಣೆಯಿಂದ ಇರಬಹುದು. ಒಟ್ಟಾರೆಯಾಗಿ, ಅಂಗಾಂಶದ ವೈದ್ಯಕೀಯ ನೋಟವು ಕೆಳಗಿನ ಊತಕಶಾಸ್ತ್ರವನ್ನು (ಆರೋಗ್ಯ ಮತ್ತು ರೋಗ ಎರಡರಲ್ಲೂ) ಪ್ರತಿಬಿಂಬಿಸುತ್ತದೆ. ಒಸಡಿನ ಅಂಗಾಂಶವು ಆರೋಗ್ಯವಂತವಾಗಿಲ್ಲದಿದ್ದಾಗ, ಅದು ಒಸಡಿನ ರೋಗವು ಪೆರಿಡಾಂಚಿಯಮ್‍ನ ಹೆಚ್ಚು ಆಳದ ಅಂಗಾಂಶಕ್ಕೆ ಮುಂದುವರಿಯಲು ದ್ವಾರವನ್ನು ಒದಗಿಸಬಲ್ಲದು. ಇದರಿಂದ ಹಲ್ಲುಗಳ ದೀರ್ಘಕಾಲೀನ ಧಾರಣಕ್ಕೆ ಹೆಚ್ಚು ಕಳಪೆ ಮುನ್ನರಿವನ್ನು ನೀಡಬಹುದು. ದಂತ ತಜ್ಞರು ರೋಗಿಗಳಿಗೆ ನೀಡುವ ಎರಡೂ ಪ್ರಕಾರಗಳಾದ ಪರಿದಂತ ಚಿಕಿತ್ಸೆ ಮತ್ತು ಗೃಹ ಆರೈಕೆ ಸೂಚನೆಗಳು ಮತ್ತು ಪುನಶ್ಚೈತನ್ಯಕಾರಿ ಆರೈಕೆಯು ಅಂಗಾಂಶದ ವೈದ್ಯಕೀಯ ಸ್ಥಿತಿಗಳನ್ನು ಆಧರಿಸಿರುತ್ತವೆ.

ಆರೋಗ್ಯವಂತ ಒಸಡು ಸಾಮಾನ್ಯವಾಗಿ "ಹವಳ ಗುಲಾಬಿ" ಎಂದು ವರ್ಣಿಸಲಾಗಿರುವ ಬಣ್ಣವನ್ನು ಹೊಂದಿರುತ್ತದೆ. ಕೆಂಪು, ಬಿಳಿ ಮತ್ತು ನೀಲಿಯಂತಹ ಇತರ ಬಣ್ಣಗಳು ಉರಿಯೂತ (ಜಿಂಜಿವೈಟಿಸ್) ಅಥವಾ ರೋಗಲಕ್ಷಣವನ್ನು ಸೂಚಿಸಬಹುದು. ಹವಳ ಗುಲಾಬಿ ಬಣ್ಣ ಎಂದು ವರ್ಣಿಸಲಾದರೂ, ಬಣ್ಣದಲ್ಲಿ ಬದಲಾವಣೆ ಸಾಧ್ಯವಿದೆ. ಇದು ಹೊರಪದರ ದಪ್ಪ ಮತ್ತು ಕೆರಟಿನೀಕರಣದ ಪ್ರಮಾಣ, ಒಸಡಿಗೆ ರಕ್ತದ ಹರಿವು, ಸಹಜ ವರ್ಣದ್ರವ್ಯ, ರೋಗ ಮತ್ತು ಔಷದಿಗಳಂತಹ ಅಂಶಗಳ ಪರಿಣಾಮವಾಗಿರಬಹುದು.

ಉಲ್ಲೇಖಗಳು[ಬದಲಾಯಿಸಿ]

"https://kn.wikipedia.org/w/index.php?title=ಒಸಡು&oldid=864076" ಇಂದ ಪಡೆಯಲ್ಪಟ್ಟಿದೆ