ಉಪೇಂದ್ರ ಭಟ್

ಉಪೇಂದ್ರ ಭಟ್ ಅವರು ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ(ಕಿರಾನಾ ಘರಾನಾ) ದ ಗಾಯಕರಾಗಿದ್ದಾರೆ. ಅವರ ಗಾಯನದಿಂದ ಪೌರಾಣಿಕ ಗುರು ಪಂಡಿತ್ ಭೀಮಸೇನ್ ಜೋಶಿಯವರನ್ನು ನೆನಪಿಸಿಕೊಂಡಂತಾಗುತ್ತದೆ.

ವೃತ್ತಿ

ಉಪೇಂದ್ರರವರು ಹುಟ್ಟಿ ಬೆಳೆದದ್ದು ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರಿನಲ್ಲಿ. ಮಂಗಳೂರಿನ ಸಂಗೀತ್ ವಿದ್ವಾನ್ ಶ್ರೀ ನಾರಾಯಣ ಪೈರವರಿಂದ ತಮ್ಮ ಸಂಗೀತ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ನಂತರ ಅವರು ಪಂಡಿತ್ ಭೀಮಸೇನ್ ಜೋಶಿಯವರ ಹಿರಿಯ ಶಿಷ್ಯರಾದ ಮಾಧವ ಗುಡಿಯವರಲ್ಲಿ ಹೆಚ್ಚಿನ ತರಬೇತಿ ಪಡೆದರು. 1980ರಲ್ಲಿ ಉಪೇಂದ್ರರವರು ಪುಣೆಗೆ ಸ್ಥಳಾಂತರಗೊಂಡರು. ಅಂದಿನಿಂದ, ಅವರು ತಮ್ಮ ಗುರುಗಳಾದ ಭೀಮಸೇನ್ಜಿಯವರಿಂದ ನಿಯಮಿತ ತರಬೇತಿಯನ್ನು ಪಡೆಯುತ್ತಿದ್ದರು.

1996 ರಲ್ಲಿ, ಜ್ಞಾನೇಶ್ವರರ 7 ನೇ ಜನ್ಮ ವಾರ್ಷಿಕೋತ್ಸವದ ಸಂದರ್ಭದಲ್ಲಿ, ಭಾರತದ ಗೌರವಾನ್ವಿತ ರಾಷ್ಟ್ರಪತಿ ಶ್ರೀ ಶಂಕರ್ ದಯಾಳ್ ಶರ್ಮಾ ಅವರ ಕೈಯಿಂದ ಉಪೇಂದ್ರ ಅವರ ಸಂಗೀತ ಪ್ರತಿಭೆಯನ್ನು ಗೌರವಿಸಲಾಯಿತು. ಅವರು 2000 ರಲ್ಲಿ ಆಂಧ್ರಪ್ರದೇಶ ಅಸೋಸಿಯೇಷನ್ ಆಫ್ ನಾರ್ತ್ ಅಮೇರಿಕಾದಿಂದ "ವರ್ಷದ ಸಂಗೀತಗಾರ ಪ್ರಶಸ್ತಿ" ಪಡೆದರು. 2000 ರಲ್ಲಿ ಚಿಕಾಗೋದಲ್ಲಿ ನಡೆದ 'ಮಿಲೇನಿಯಮ್ ಕೊಂಕಣಿ ಸಮ್ಮೇಳನ'ದ ಸಂದರ್ಭದಲ್ಲಿ ಶಾಸ್ತ್ರೀಯ ಗಾಯಕರಾಗಿ ನೀಡಿದ ಕೊಡುಗೆಗಾಗಿ ಅವರಿಗೆ ಪ್ರಶಸ್ತಿಯನ್ನು ನೀಡಲಾಯಿತು.

ಅವರು ತಮ್ಮ ಗುರುಗಳ ಮರಣದ ನಂತರ ಸಂಗೀತ ಕಚೇರಿಯಲ್ಲಿ ಭೀಮಸೇನ್ ಅವರ ಕೆಲವು ಹಾಡುಗಳ ನಿರೂಪಣೆಯನ್ನು ಮಾಡಿದರು.

ಇತ್ತೀಚಿನ ಸಾಧನೆಗಳು

ಇಂದು , ಉಪೇಂದ್ರ ಭಟ್ ಅವರು ಮೆಚ್ಚುಗೆ ಪಡೆದ ಶಾಸ್ತ್ರೀಯ ಗಾಯಕ. ಅವರು ಸಂಗೀತದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ. ಸಂಗೀತ ವಿಶಾರದ್ ಮತ್ತು ಸಂಗೀತ ಅಲಂಕಾರ್ ಪ್ರಶಸ್ತಿಯನ್ನು ಅಖಿಲ ಭಾರತೀಯ ಗಂಧರ್ವ ಮಹಾವಿದ್ಯಾಲಯ, ಬಾಂಬೆಯಿಂದ ನೀಡಲಾಯಿತು. ಅವರು ಆಕಾಶವಾಣಿಯ ಶ್ರೇಣೀಕೃತ ಕಲಾವಿದರಾಗಿದ್ದಾರೆ. ಅವರ ಸಂಗೀತ ಕಚೇರಿಗಳನ್ನು ನಿಯಮಿತವಾಗಿ ಪ್ರಸಾರ ಮಾಡಲಾಗುತ್ತದೆ ಅಥವಾ ರೇಡಿಯೋ ಮತ್ತು ವಿವಿಧ ಟಿವಿ ಚಾನೆಲ್‌ಗಳು ಪ್ರಸಾರ ಮಾಡುತ್ತವೆ. ಇವುಗಳಲ್ಲದೆ ಅವರು "ಹರಿವಲ್ಲಭ ಸಂಗೀತ ಸಮ್ಮೇಳನ' ಜಲಂಧರ್, 'ಸವಾಯಿ ಗಂಧರ್ವ ಸಂಗೀತ ಉತ್ಸವ', ಪುಣೆ ಮತ್ತು ಮುಂತಾದ ಹಲವಾರು ಪ್ರತಿಷ್ಠಿತ ಸಂಗೀತ ವೇದಿಕೆಗಳಲ್ಲಿ ಭಾರತ ಮತ್ತು ಯುಕೆ, ಯುಎಸ್, ದುಬೈ ಮತ್ತು ಬಹ್ರೇನ್ ಮುಂತಾದ ಇತರ ದೇಶಗಳಲ್ಲಿ ಪ್ರದರ್ಶನಗಳನ್ನು ನೀಡಿದ್ದಾರೆ.