ಅರ್ಚಕ ವೆಂಕಟೇಶ

ಅರ್ಚಕ ವೆಂಕಟೇಶ' - ಇವರು ಪತ್ರಿಕಾವ್ಯವಸಾಯನಿರತರು ಮತ್ತು ಕನ್ನಡ ಸಾಹಿತಿಗಳು.

ಬದುಕು

೧೯೧೬ರಲ್ಲಿ ಧಾರವಾಡದಲ್ಲಿ ಜನಿಸಿದರು. ಇವರ ತಾಯಿ ರಾಧಾಬಾಯಿ ; ತಂದೆ ಗೋಪಾಲಕೃಷ್ಣಾಚಾರ್ಯ.  ಕೆಲಕಾಲ ಎಚ್.ಎ.ಎಲ್.ದಲ್ಲಿ ಉದ್ಯೋಗ ಕೈಕೊಂಡ ವೆಂಕಟೇಶರವರು, ಆ ಬಳಿಕ  ಸಿದ್ಧವ್ವನಹಳ್ಳಿ ಕೃಷ್ಣಶರ್ಮರ ‘ವಿಶ್ವ ಕರ್ನಾಟಕ’ ಪತ್ರಿಕೆಯ ಸಂಪಾದಕ ಮಂಡಲಿಯಲ್ಲಿ ಸೇರಿದರು. ಕೊನೆಯ ಎರಡು ವರ್ಷ ಆ ಪತ್ರಿಕೆಯ ಸಂಪಾದಕರೂ ಆಗಿದ್ದರು. ‘ವಿಶ್ವ ಕರ್ನಾಟಕ’ ಮುಚ್ಚಿದ ಬಳಿಕ ಸಂಯುಕ್ತ ಕರ್ನಾಟಕ ಪತ್ರಿಕೆಯ ಬೆಂಗಳೂರು ಆವೃತ್ತಿಯಲ್ಲಿ ಸೇವೆಗೈದು ನಿವೃತ್ತಿ ಹೊಂದಿದರು.

ಸಾಹಿತ್ಯ

ಅರ್ಚಕ ವೆಂಕಟೇಶ ಇವರು ಬಹುಮುಖ ಪ್ರತಿಭೆಯ ಸಾಹಿತಿಗಳೂ ಆಗಿದ್ದರು. ಇವರ ಕೆಲವು ಕೃತಿಗಳು ಇಂತಿವೆ:

ಕವನ ಸಂಕಲನ

• ಪೂರ್ಣಚಂದ್ರ
• ಶಬ್ದ ಶಿಲ್ಪ
• ಶಿಲಾಪಕ್ಷ

ಕಥಾಸಂಕಲನ

• ಧ್ರುವ ನಕ್ಷತ್ರ
• ಜೀವನ ಸಂಗ್ರಾಮ

ನಾಟಕ

• ಪಂಗನಾಮ
• ಬ್ಲ್ಯಾಕ್ ಮಾರ್ಕೆಟ್
• ವೀರ ಸಾದಿಕ್

ಕಾದಂಬರಿ

• ಅಸ್ಥಿಪಂಜರ
• ಚಲೋ ದಿಲ್ಲಿ
• ರವಿಶಂಕರ

ಬಾಲ ಸಾಹಿತ್ಯ

ನಾಟಕ

• ಜಯವಿಜಯ
• ಪಾನಕ ಕೋಸಂಬರಿ
• ಪ್ರಹ್ಲಾದನ ಪಾಣಿಪತ್ತು
• ಭ್ರಾತೃ ಪ್ರೇಮ
• ಸಾವನದುರ್ಗ
• ಹರಿದ ಚಂದ್ರ

ಜೀವನ ಚರಿತ್ರೆ

• ಸ್ವಾಮಿ ವಿವೇಕಾನಂದ
• ಸುಭಾಷಚಂದ್ರ ಬೋಸ್
• ಮದನಮೋಹನ ಮಾಳವೀಯ
• ರಮಣ ಮಹರ್ಷಿ
• ರಾಮನ ಕತೆ

ಆಂಗ್ಲ ಕೃತಿಗಳು

• Bhakti Geetamruta
• Random Thoughts

ಅರ್ಚಕ ವೆಂಕಟೇಶರವರು ೧೯೭೭ರಲ್ಲಿ ನಿಧನರಾದರು.

ಇವುಗಳನ್ನೂ ನೋಡಿ

• ಹೆಚ್.ಆರ್.ನಾಗೇಶರಾವ್
• ಸಂಯುಕ್ತ ಕರ್ನಾಟಕ
• ರಂಗನಾಥ ದಿವಾಕರ