ಅನ್ನಿ ಕ್ಯಾಸಲ್ಸ್

ಅನ್ನಿ ಕ್ಯಾಸಲ್
ಜನನ	ಕ್ಯಾನ್‌ಬೆರಾ, ಆಸ್ಟ್ರೇಲಿಯಾ
ಕಾರ್ಯಕ್ಷೇತ್ರ	ಜ್ಞಾನಗ್ರಹಣ ವಿಜ್ಞಾನ
ಸಂಸ್ಥೆಗಳು	ಮ್ಯಾಕ್ವಾರಿ ವಿಶ್ವವಿದ್ಯಾಲಯ
ಅಭ್ಯಸಿಸಿದ ವಿದ್ಯಾಪೀಠ	ಆಸ್ಟ್ರೇಲಿಯನ್ ರಾಷ್ಟ್ರೀಯ ವಿಶ್ವವಿದ್ಯಾಲಯ ಮ್ಯಾಕ್ವಾರಿ ವಿಶ್ವವಿದ್ಯಾಲಯ
ಶೈಕ್ಷಣಿಕ ಸಲಹೆಗಾರರು	ಮ್ಯಾಕ್ಸ್ ಕೋಲ್‌ಥರ್ಟ್

ಅನ್ನಿ ಕ್ಯಾಸಲ್ಸ್ ಎಫ್‌ಎ‌ಎಸ್‌ಎಸ್‌ಎ ಎಫ್‌ಆರ್‌ಎಸ್‌ಎನ್ ಓದುವಿಕೆ ಮತ್ತು ಭಾಷೆಯ ಅರಿವಿನ ವಿಜ್ಞಾನಿಯಾಗಿದ್ದು, ಇವರು ಓದುವ ಅಭಿವೃದ್ಧಿ ಮತ್ತು ಬೆಳವಣಿಗೆಯ ಡಿಸ್ಲೆಕ್ಸಿಯಾದ ಅಧ್ಯಯನದ ಮೇಲೆ ನಿರ್ದಿಷ್ಟ ಗಮನವನ್ನು ಹೊಂದಿದ್ದಾರೆ.

ಆರಂಭಿಕ ಜೀವನ

ಕ್ಯಾಸಲ್ಸ್ ಆಸ್ಟ್ರೇಲಿಯಾದ ಕ್ಯಾನ್‌ಬೆರಾದಲ್ಲಿ ಜನಿಸಿದರು ಮತ್ತು ೧೯೮೨ ರಲ್ಲಿ ಕ್ಯಾನ್‌ಬೆರಾದ ಸೇಂಟ್ ಕ್ಲೇರ್ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದರು. ನಂತರ ಇವರು ಸಿಡ್ನಿಗೆ ತೆರಳಿದರು.

ಶಿಕ್ಷಣ

ಕ್ಯಾಸಲ್ಸ್ ೧೯೮೭ ರಲ್ಲಿ ಆಸ್ಟ್ರೇಲಿಯನ್ ನ್ಯಾಷನಲ್ ಯೂನಿವರ್ಸಿಟಿಯಲ್ಲಿ ಮನೋವಿಜ್ಞಾನದಲ್ಲಿ ತಮ್ಮ ಗೌರವ ಪದವಿಯನ್ನು ಮತ್ತು ೧೯೯೩ ರಲ್ಲಿ ಮ್ಯಾಕ್ವಾರಿ ವಿಶ್ವವಿದ್ಯಾಲಯದಲ್ಲಿ ತನ್ನ ಪಿಎಚ್‌ಡಿ ಪ್ರಬಂಧವನ್ನು ಪೂರ್ಣಗೊಳಿಸಿದರು. ಮ್ಯಾಕ್ಸ್ ಕೋಲ್ಥೆರ್ಟ್ ಅವರು ಓದಲು ಕಲಿಯಲು ಮತ್ತು ಡಿಸ್ಲೆಕ್ಸಿಯಾವನ್ನು ಅಭಿವೃದ್ಧಿಪಡಿಸುವಲ್ಲಿ ಅವರ ಸ್ವಂತ ಅಧ್ಯಯನಗಳಿಗೆ ಕ್ಯಾಸಲ್ಸ್‌ ನೀಡಿದ ಕೊಡುಗೆಯನ್ನು ಒಪ್ಪಿಕೊಂಡರು.

ಸಂಶೋಧನೆ

ಅವರು ಮನಃಶಾಸ್ತ್ರ ವಿಭಾಗದಲ್ಲಿ ಮೆಲ್ಬೋರ್ನ್ ವಿಶ್ವವಿದ್ಯಾಲಯದಲ್ಲಿ ಬೋಧನೆ ಮತ್ತು ಸಂಶೋಧನೆಯನ್ನು ಪ್ರಾರಂಭಿಸಿದರು. ೨೦೦೭ ರಲ್ಲಿ ಮ್ಯಾಕ್ವಾರಿ ವಿಶ್ವವಿದ್ಯಾನಿಲಯಕ್ಕೆ ಹಿಂತಿರುಗಿ, ಅವರು ಎಂ‌ಎ‌ಸಿ‌ಸಿ‌ಎಸ್ ನಲ್ಲಿ ಕೋರ್ ಸಂಶೋಧನಾ ನೇಮಕಾತಿಯನ್ನು ತೆಗೆದುಕೊಂಡರು ಮತ್ತು ೨೦೧೦ರಲ್ಲಿ ಅವರು ಮ್ಯಾಕ್ವಾರಿ ಸೆಂಟರ್ ಫಾರ್ ಕಾಗ್ನಿಟಿವ್ ಸೈನ್ಸ್‌ನ ವೈಜ್ಞಾನಿಕ ನಿರ್ದೇಶಕರಾಗಿ ನೇಮಕಗೊಂಡರು. ನಂತರ ಕಾಗ್ನಿಟಿವ್ ಸೈನ್ಸ್ (ಅರಿವಿನ ಕೌಶಲ್ಯ ವಿಜ್ಞಾನ) ವಿಭಾಗದ ಮುಖ್ಯಸ್ಥರಾದರು. ,

ಕ್ಯಾಸಲ್ಸ್ ಕೌನ್ಸಿಲ್ ಆಫ್ ಲರ್ನಿಂಗ್ ಡಿಫಿಕಲ್ಟೀಸ್ ಆಸ್ಟ್ರೇಲಿಯಾದ ಸದಸ್ಯರಾಗಿದ್ದಾರೆ, ಆಸ್ಟ್ರೇಲಿಯಾದ ಅಕಾಡೆಮಿ ಆಫ್ ಸೋಶಿಯಲ್ ಸೈನ್ಸ್ (ಎಫ್‌ಎ‌ಎಸ್‌ಎಸ್‌ಎ) ನ ಫೆಲೋ, ಮತ್ತು ಸೆಂಟರ್ ಫಾರ್ ಎಫೆಕ್ಟಿವ್ ರೀಡಿಂಗ್‌ನ ಸ್ಟೀರಿಂಗ್ ಕಮಿಟಿಯ ಅಧ್ಯಕ್ಷರಾಗಿದ್ದಾರೆ. ೨೦ ವರ್ಷಗಳಿಗಿಂತಲೂ ಹೆಚ್ಚು ಕಾಲದ ಕ್ಯಾಸಲ್ಸ್ ಸಂಶೋಧನೆಯು ವಿವಿಧ ರೀತಿಯ ಓದುವ ತೊಂದರೆಗಳ ಸ್ವರೂಪ, ಕಾರಣಗಳು ಮತ್ತು ಚಿಕಿತ್ಸೆಯನ್ನು ನೋಡಿದೆ, ಹಾಗೆಯೇ ಸಾಮಾನ್ಯ ಓದುವ ಬೆಳವಣಿಗೆಯ ಪ್ರಕ್ರಿಯೆಯನ್ನು ಒಳಗೊಂಡಿದೆ. ಅವರು ೧೦೦ ಕ್ಕೂ ಹೆಚ್ಚು ಲೇಖನಗಳನ್ನು ಮತ್ತು ಹಲವಾರು ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. ಅವರು ರಾಯಲ್ ಸೊಸೈಟಿ ಆಫ್ ನ್ಯೂ ಸೌತ್ ವೇಲ್ಸ್ (ಎಫ್‌ಆರ್‌ಎಸ್‌ಎನ್) ನ ಫೆಲೋ ಕೂಡ ಆಗಿದ್ದಾರೆ.

ಕೆನಡಾ, ಯುನೈಟೆಡ್ ಸ್ಟೇಟ್ಸ್, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ನ ಸಾರ್ವಜನಿಕ ಮತ್ತು ಖಾಸಗಿ ಶಾಲೆಗಳಲ್ಲಿ ಅಳವಡಿಸಲಾಗಿರುವ, ನ್ಯೂರೋಪ್ಲಾಸ್ಟಿಸಿಟಿ ಸಿದ್ಧಾಂತಗಳಲ್ಲಿ ಸಂಶೋಧನೆಯನ್ನು ಬಳಸಿಕೊಂಡು ಕಲಿಕೆಯಲ್ಲಿ ಅಸಮರ್ಥತೆ ಹೊಂದಿರುವ ವಿದ್ಯಾರ್ಥಿಗಳಿಗೆ ಸಹಾಯ ಮಾಡುತ್ತದೆ ಎಂದು ಹೇಳಲಾಗುವ, ಆರ್ರೋಸ್ಮಿತ್ ಕಾರ್ಯಕ್ರಮವನ್ನು ಕ್ಯಾಸಲ್ಸ್ ಟೀಕಿಸಿದ್ದಾರೆ. "ಈ ಕಾರ್ಯಕ್ರಮದ ಹಕ್ಕುಗಳನ್ನು ಬೆಂಬಲಿಸಲು ಸ್ವತಂತ್ರ ಸಂಶೋಧನೆಯ ಸ್ಪಷ್ಟ ಕೊರತೆಯಿದೆ" ಎಂದು ಕ್ಯಾಸಲ್ಸ್ ಹೇಳಿದ್ದಾರೆ ಮತ್ತು ಆರ್ರೋಸ್ಮಿತ್ ಪ್ರೋಗ್ರಾಂನಲ್ಲಿ ಪೀರ್-ರಿವ್ಯೂಡ್ ಜರ್ನಲ್‌ನಲ್ಲಿ ಯಾವುದೇ ಅಧ್ಯಯನ ಪ್ರಕಟಿಸಲಾಗಿಲ್ಲ ಎಂದು ಹೇಳಿದ್ದಾರೆ.

ಕ್ಯಾಸಲ್ಸ್ ಶೈಕ್ಷಣಿಕ ನಿಯತಕಾಲಿಕದ ಸಂಪಾದಕೀಯ ಮಂಡಳಿಯಲ್ಲಿದ್ದಾರೆ. ಇವರು ವೈಜ್ಞಾನಿಕ ಅಧ್ಯಯನಗಳ ಓದುವಿಕೆ ಮತ್ತು ಶಿಕ್ಷಕರಿಗೆ ಉಚಿತ ಓದುವಿಕೆ ಮೌಲ್ಯಮಾಪನ ಪರೀಕ್ಷೆಗಳನ್ನು ತಯಾರಿಸಿದ್ದಾರೆ. ಶಾಲಾ ಮಕ್ಕಳ ಕಲಿಕೆಯಲ್ಲಿನ ಡಿಸ್ಲೆಕ್ಸಿಯಾ ಸಮಸ್ಯೆಯ ಬಗ್ಗೆ ಅವರು ಮಾಧ್ಯಮಗಳಲ್ಲಿ ವ್ಯಾಪಕ ಚರ್ಚೆಯನ್ನು ಮಾಡಿದ್ದಾರೆ.

ಕೆಲಸ

• ಕ್ಯಾಸಲ್ಸ್, ಎ., ಆಂಡ್ ನೇಷನ್, ಕೆ. (ಸಂಪಾದಕರು). (೨೦೦೮). ಆರ್ಥೋಗ್ರಾಫಿಕ್ ಪ್ರೊಸೆಸ್ ಇನ್ ರೀಡಿಂಗ್ ಜರ್ನಲ್ ಆಫ್ ರಿಸರ್ಚ್ ಇನ್ ರೀಡಿಂಗ್‌ನ ವಿಶೇಷ ಸಂಚಿಕೆ. ಆಕ್ಸ್‌ಫರ್ಡ್: ಬ್ಲ್ಯಾಕ್‌ವೆಲ್ ಪಬ್ಲಿಷಿಂಗ್
• ಫ್ರೀಡ್‌ಮನ್, ಎನ್., & ಕ್ಯಾಸಲ್ಸ್, ಎ. (೨೦೧೩). ರೀಡಿಂಗ್ ಇಂಪೇರ್‌ಮೆಂಟ್ಸ್: ಡಿಸ್ಲೆಕ್ಸಿಯಾಸ್ ಇನ್ ಹಿಬ್ರೂ. ಜಿ. ಖಾನ್ (ಸಂ.), ಎನ್‌ಸೈಕ್ಲೋಪೀಡಿಯಾ ಆಫ್ ಹೀಬ್ರೂ ಲಾಂಗ್ವೇಜ್ ಅಂಡ್ ಲಿಂಗ್ವಿಸ್ಟಿಕ್ಸ್ . ಬೋಸ್ಟನ್: ಬ್ರಿಲ್ ಅಕಾಡೆಮಿಕ್.
• ಕ್ಯಾಸಲ್ಸ್, ಎ. ಮತು ನೇಷನ್, ಕೆ. (೨೦೦೬). ಹೌ ಡಸ್ ಆರ್ಥೋಗ್ರಾಫಿಕ್ ಲರ್ನಿಂಗ್ ಹ್ಯಾಪನ್? ಆಂಡ್ರ್ಯೂಸ್‌ನಲ್ಲಿ, ಎಸ (ಎ.), ಇಂಕ್‌ಮಾರ್ಕ್‌ಗಳಿಂದ ಕಲ್ಪನೆಗಳಿಗೆ: ಪದ ಗುರುತಿಸುವಿಕೆ ಮತ್ತು ಓದುವಿಕೆಯ ಬಗ್ಗೆ ಸವಾಲುಗಳು ಮತ್ತು ವಿವಾದಗಳು (ಪುಟ. ೧೫೧-೧೭೯). ಲಂಡನ್, ಯುಕೆ: ಸೈಕಾಲಜಿ ಪ್ರೆಸ್.
• ಕ್ಯಾಸಲ್ಸ್, ಎ., ಡೇವಿಸ್, ಸಿ. ಮತು ಫಾರ್ಸ್ಟರ್, ಕೆಐ (೨೦೦೩). ವರ್ಡ್ ರೆಕಗ್‌ನಿಷನ್ ಆಂಡ್ ಡೆವೆಲಪ್‌ಮೆಂಟ್ ಇನ್ ಚಿಲ್ಡ್ರನ್: ಇನ್‌ಸೈಟ್ ಫ್ರೊಮ್ ಮಾರ್ಕ್ಡ್ ಪ್ರೈಮಿಂಗ್‌ನಿಂದ. ಕಿನೋಶಿತಾದಲ್ಲಿ. . ಆಂಡ್ ಲಪ್ಕರ್. (ಎ.), ಮಾಸ್ಕ್ಡ್ ಪ್ರೈಮಿಂಗ್: ಸ್ಟೇಟ್ ಆಫ್ ದಿ ಆರ್ಟ್ (ಪಿಪಿ. ೩೪೫-೩೬೦). ಲಂಡನ್, ಯುಕೆ: ಸೈಕಾಲಜಿ ಪ್ರೆಸ್.
• ಕೋಲ್ಥೆರ್ಟ್, ಎಮ. ಬೇಟ್ಸ್, ಎ ಮತ್ತು ಕ್ಯಾಸಲ್ಸ್, ಎ. (೧೯೯೪). ಅರಿವಿನ ನ್ಯೂರೋಸೈಕಾಲಜಿ ಮತ್ತು ಪುನರ್ವಸತಿ. ಹಂಫ್ರೀಸ್, ಜಿಡಬ್ಲ್ಯೂ ಮತ್ತು ರಿಡ್ಡೋಕ್, ಎಮ್ಜೆ (ಸಂಪಾದಕರು), ಕಾಗ್ನಿಟಿವ್ ನ್ಯೂರೋಸೈಕಾಲಜಿ ಆಂಡ್ ಕಾಗ್ನಿಟಿವ್ ರಿ‌ಹ್ಯಾಬಿಟೇಷನ್ . ಲಂಡನ್: ಲಾರೆನ್ಸ್ ಎರ್ಲ್ಬಾಮ್.

ಬಾಹ್ಯ ಕೊಂಡಿಗಳು

• Official website