ಅಂಡಾಶಯದ ತಿರುಚುವಿಕೆ

ಅಂಡಾಶಯದ ತಿರುಚುವಿಕೆ
ಸಮಾನಾರ್ಥಕ ಹೆಸರು/ಗಳು	Adnexal torsion
Arteries of the female reproductive tract: uterine artery, ovarian artery and vaginal arteries. (Ovary and ovarian artery visible in upper right.)
ವೈದ್ಯಕೀಯ ವಿಭಾಗಗಳು	Gynecology
ಲಕ್ಷಣಗಳು	Pelvic pain
ವೈದ್ಯಕೀಯ ತೊಂದರೆಗಳು	Infertility
ಕಾಯಿಲೆಯ ಗೋಚರ/ಪ್ರಾರಂಭ	Classically sudden
ಅಪಾಯಕಾರಿ ಅಂಶಗಳು	Ovarian cysts, ovarian enlargement, ovarian tumors, pregnancy, tubal ligation
ರೋಗನಿರ್ಣಯ	Based on symptoms, ultrasound, CT scan
ವಿಭಿನ್ನ ರೋಗನಿರ್ಣಯ	Appendicitis, kidney infection, kidney stones, ectopic pregnancy
ಚಿಕಿತ್ಸೆ	Surgery
ಆವರ್ತನ	6 per 100,000 women per year

ಅಂಡಾಶಯದ ತಿರುಚುವಿಕೆ ಎಂದರೆ ಅಂಡಾಶಯಕ್ಕೆ ಸಂಬಂಧಿಸಿದ ಇತರ ರಚನೆಗಳ ತಿರುಗುವಿಕೆಯಿಂದಾಗಿ, ರಕ್ತದ ಹರಿವು ಕಡಿಮೆಯಾಗುವುದು. ಒಂದು ಭಾಗದಲ್ಲಿ ಶ್ರೋಣಿ ಕುಹರದ ನೋವು ಇದರ ರೋಗ ಲಕ್ಷಣವಾಗಿದೆ. ಕೆಲವೊಮ್ಮೆ ನೋವು ಹಠಾತ್ತನೆ ಕಾಣಿಸಿಕೊಂಡರೂ, ಇದು ಯಾವಾಗಲೂ ಅಲ್ಲ. ಇತರೆ ಲಕ್ಷಣಗಳೆಂದರೆ, ವಾಕರಿಕೆ, ಸೋಂಕು, ರಕ್ತಸ್ರಾವ ಅಥವಾ ಬಂಜೆತನವನ್ನು ಒಳಗೊಂಡಿರಬಹುದು.

ಅಂಡಾಶಯದ ಚೀಲಗಳು, ಅಂಡಾಶಯದ ಹಿಗ್ಗುವಿಕೆ, ಅಂಡಾಶಯದ ಗೆಡ್ಡೆಗಳು, ಗರ್ಭಾವಸ್ಥೆ, ಫಲವತ್ತತೆಯ ಚಿಕಿತ್ಸೆ, ಮತ್ತು ಕೊಳವೆ ಬಂಧನ ಮೊದಲಾದವುಗಳು ಅಪಾಯಕಾರಿ ಅಂಶಗಳಲ್ಲಿ ಸೇರಿವೆ. ಅಲ್ಟ್ರಾಸೌಂಡ್ ನಿಂದ ಪರೀಕ್ಷಿಸಲ್ಪಟ್ಟ ಯೋನಿ ಅಥವಾ CT ಸ್ಕ್ಯಾನ್ ಮೂಲಕ ಮಾಡಿದ ಪರೀಕ್ಷೆಯಿಂದ ರೋಗನಿರ್ಣಯ ಮಾಡಬಹುದಾದರೂ, ಸಂಪೂರ್ಣವಾಗಿ ರೋಗನಿರ್ಣಯಿಸಲಾಗುವುದಿಲ್ಲ. ಶಸ್ತ್ರಚಿಕಿತ್ಸೆಯು ರೋಗನಿರ್ಣಯದ ಅತ್ಯಂತ ನಿಖರ ವಿಧಾನವಾಗಿದೆ.

ಶಸ್ತ್ರಚಿಕಿತ್ಸೆಯಿಂದ ಅಂಡಾಶಯದ ತಿರುಚುವಿಕೆಯನ್ನು ಸರಿಪಡಿಸುವುದು ಅಥವಾ ತೆಗೆದುಹಾಕುವುದರಿಂದ ಚಿಕಿತ್ಸೆ ಮಾಡಬಹುದು. ಸ್ವಲ್ಪ ಸಮಯದವರೆಗೆ ಪರಿಸ್ಥಿತಿ ಹಾಗೆಯೇ ಇದ್ದರೂ, ಅಂಡಾಶಯವು ಅನೇಕ ವೇಳೆ ಚೇತರಿಸಿಕೊಳ್ಳುತ್ತದೆ. ಮೊದಲೇ ಅಂಡಾಶಯದ ತಿರುಚುವಿಕೆಯನ್ನು ಹೊಂದಿದವರಲ್ಲಿ, ಇತರರ ಮೇಲೂ ೧೦% ಪರಿಣಾಮ ಬೀಳಬಹುದು. ಈ ತರಹ ರೋಗ ಪತ್ತೆಯಾಗಿರುವುದು ಬಹಳ ವಿರಳವಾಗಿದೆ, ವರ್ಷಕ್ಕೆ ೧ ಲಕ್ಷ ಮಹಿಳೆಯರಲ್ಲಿ ೬ ಜನರಿಗೆ ಇದು ಪರಿಣಾಮ ಬೀರುತ್ತದೆ. ಇದು ಸಾಮಾನ್ಯವಾಗಿ ಸಂತಾನೋತ್ಪತ್ತಿ ವಯಸ್ಸಿನವರಲ್ಲಿ ಅಥವಾ ಅದು ಯಾವುದೇ ವಯಸ್ಸಿನಲ್ಲಿ ಸಂಭವಿಸಬಹುದು.

ರೋಗ ಚಿಹ್ನೆಗಳು ಮತ್ತು ಲಕ್ಷಣಗಳು

ಅಂಡಾಶಯದ ತಿರುಚುವಿಕೆ ಹೊಂದಿರುವ ರೋಗಿಗಳಲ್ಲಿ ಸಾಮಾನ್ಯವಾಗಿ ತೀಕ್ಷ್ಣವಾದ ಮತ್ತು ಒಂದೇ ಸಮನೇ ಕೆಳ ಹೊಟ್ಟೆ ನೋವು ಕಾಣಿಸುತ್ತದೆ, ಅಲ್ಲದೆ ಇವುಗಳಲ್ಲಿ ೭೦% ದಷ್ಟು ಪ್ರಕರಣಗಳಲ್ಲಿ ವಾಕರಿಕೆ ಮತ್ತು ವಾಂತಿ ಕೂಡಾ ಒಂದು ಲಕ್ಷಣವಾಗಿರುತ್ತದೆ.

ಪಾಥೊಫಿಸಿಯಾಲಜಿ

ಅಂಡಾಶಯದೊಳಗೆ ನೀರಿನ ಸಂಗ್ರಹವಾದಷ್ಟು ತಿರುಚುವಿಕೆ ಬೆಳೆಯುತ್ತಾ ಹೋಗುತ್ತದೆ. ಸಂತಾನೋತ್ಪತ್ತಿ ವರ್ಷದ ಸಮಯದಲ್ಲಿ, ದೊಡ್ಡ ಕಾರ್ಪಸ್ ಲೂಟಿಯಲ್ ಸಿಸ್ಟ್ ಗಳ ನಿಯಮಿತ ಬೆಳವಣಿಗೆಯು ತಿರುಗುವಿಕೆಯ ಅಪಾಯಕಾರಿ ಅಂಶವಾಗಿದೆ. ಅಂಡಾಶಯದ ಗೆಡ್ಡೆಗಳ ಒಟ್ಟು ಪರಿಣಾಮವು ತಿರುಚುವಿಕೆಯ ಸಾಮಾನ್ಯ ಕಾರಣವಾಗಿದೆ. ಅಂಡಾಶಯದ ತಿರುಚುವಿಕೆಯು ಸಾಮಾನ್ಯವಾಗಿ ಫಾಲೋಪಿಯನ್ ಟ್ಯೂಬ್ ನ ತಿರುಚುವಿಕೆ ಮತ್ತು ವಿಶಾಲವಾದ ಅಸ್ಥಿರಜ್ಜು ಸುತ್ತಲೂ ಹಂಚಿಕೊಂಡ ರಕ್ತನಾಳದ ಪಾದದ ತುದಿಯಲ್ಲಿ ಸಂಭವಿಸುತ್ತದೆ, ಆದಾಗ್ಯೂ ಅಪರೂಪದ ಸಂದರ್ಭಗಳಲ್ಲಿ ಅಂಡಾಶಯವು ಮೆಸೊವೇರಿಯಮ್ ಸುತ್ತ ಸುತ್ತುತ್ತದೆ ಅಥವಾ ಫಾಲೋಪಿಯನ್ ಟ್ಯೂಬ್ ಮೆಸೊಸಾಲ್ಪಿಕ್ಸ್ ಸುತ್ತ ಸುತ್ತುತ್ತದೆ. ೮೦% ನಲ್ಲಿ, ತಿರುಚುವಿಕೆಯು ಏಕಪಕ್ಷೀಯವಾಗಿ ನಡೆಯುತ್ತದೆ ಮತ್ತು ಬಲಭಾಗದಲ್ಲಿ ಸ್ವಲ್ಪ ಪ್ರಾಬಲ್ಯವನ್ನು ಹೊಂದಿರುತ್ತದೆ.

ರೋಗನಿರ್ಣಯ

ಅಂಡಾಶಯದ ತಿರುಚುವಿಕೆಯ ರೋಗನಿರ್ಣಯವನ್ನು ನಿಖರವಾಗಿ ಮಾಡುವುದು ಕಷ್ಟ, ಮತ್ತು ನಿರ್ದಿಷ್ಟ ರೋಗನಿರ್ಣಯವನ್ನು ಮಾಡುವ ಮೊದಲು ಸಾಮಾನ್ಯವಾಗಿ ಕಾರ್ಯಾಚರಣೆಯನ್ನು ನಡೆಸಲಾಗುತ್ತದೆ. ಪ್ರಸೂತಿ ಮತ್ತು ಸ್ತ್ರೀರೋಗ ಶಾಸ್ತ್ರ ಇಲಾಖೆಯ ಅಧ್ಯಯನವು ಅಂಡಾಶಯದ ತಿರುಚುವಿಕೆಯ ಪೂರ್ವಭಾವಿ ರೋಗನಿರ್ಣಯವನ್ನು ಕೇವಲ ೪೬% ಜನರಲ್ಲಿ ದೃಢಪಡಿಸಲಾಗಿದೆ ಎಂದು ಕಂಡುಹಿಡಿದಿದೆ.

ಅಲ್ಟ್ರಾಸೌಂಡ್

ಗೈನೆಕಾಲಜಿಕ್ ಅಲ್ಟ್ರಾಸೊನೋಗ್ರಫಿ ಎಂಬುದು ಚಿತ್ರಣ ವಿಧಾನದ ಒಂದು ಆಯ್ಕೆಯಾಗಿದೆ. ರೋಗನಿರ್ಣಯದಲ್ಲಿ ಡಾಪ್ಲರ್ ಅಲ್ಟ್ರಾಸೌಂಡ್ನ ಬಳಕೆ ಸೂಚಿಸಲಾಗಿದೆ. ಆದಾಗ್ಯೂ, ಡೋಪ್ಲರ್ ಹರಿವು ಯಾವಾಗಲೂ ತಿರುಚುವಿಕೆಯಲ್ಲಿ ಇರುವುದಿಲ್ಲ - ನಿರ್ಣಾಯಕ ರೋಗನಿರ್ಣಯವನ್ನು ಸಾಮಾನ್ಯವಾಗಿ ಚಿಕಿತ್ಸಾ ಕೊಠಡಿಯಲ್ಲಿ ಮಾಡಲಾಗುತ್ತದೆ.

ಡೋಪ್ಲರ್ ಸೊನೋಗ್ರಫಿಯಲ್ಲಿ ಅಂಡಾಶಯದ ರಕ್ತದ ಹರಿವಿನ ಕೊರತೆ ಅಂಡಾಶಯದ ತಿರುಚುವಿಕೆಯ ಉತ್ತಮ ಊಹೆಯಂತೆ ತೋರುತ್ತದೆ. ಕಡಿಮೆ ಹರಿವು ಇರುವ ಮಹಿಳೆಯರಿಗೆ ಅಂಡಾಶಯದ ತಿರುಚುವಿಕೆಯಿರುವ ಸಾಧ್ಯತೆಯಿದೆ. ಅಂಡಾಶಯದ ತಿರುಚುವಿಕೆಗೆ ಅಸಹಜ ಅಂಡಾಶಯದ ಹರಿವಿನ ಸೂಕ್ಷ್ಮತೆ ಮತ್ತು ನಿರ್ದಿಷ್ಟತೆ ೪೪% ಮತ್ತು ೯೨%, ಧನಾತ್ಮಕ ಮತ್ತು ಋಣಾತ್ಮಕ ಊಹೆಯಿಂದ ಕ್ರಮವಾಗಿ ೭೮% ಅಥವಾ ೭೧% ಆಗಿರಬಹುದು. ಡೋಪ್ಲರ್ ಸೋನೋಗ್ರಫಿಯ ಕೆಲವು ಲಕ್ಷಣಗಳೆಂದರೆ:

• ಸ್ವಲ್ಪ ಅಥವಾ ಒಳ ಅಂಡಾಶಯದ ಸಿರೆಯ ಹರಿವು. ಅಂಡಾಶಯದ ತಿರುಚುವಿಕೆಯಲ್ಲಿ ಇದು ಸಾಮಾನ್ಯವಾಗಿ ಕಂಡುಬರುತ್ತದೆ.
• ಅಪಧಮನಿಯ ಹರಿವಿನ ಅನುಪಸ್ತಿತಿ. ಅಂಡಾಶಯದ ತಿರುಚಿನಲ್ಲಿ ಇದು ಕಡಿಮೆ ಸಾಮಾನ್ಯವಾದ ಕಂಡುಬರುತ್ತದೆ.
• ವ್ಯತಿರಿಕ್ತವಾದ ಅಥವಾ ಅನುಪಸ್ತಿತಿಯ ಡಯಾಸ್ಟೋಲಿಕ್ ಹರಿವು.

ಮರುಕಳಿಸುವ ತಿರುಚನ್ನು ಸಾಧಾರಣ ನಾಳೀಯತೆಯು ಹೊರತುಪಡಿಸಿಲ್ಲ. ಅಂಡಾಶಯದ ಅಪಧಮನಿಗಳು ಮತ್ತು ಗರ್ಭಾಶಯದ ಅಪಧಮನಿಗಳಿಂದ ಅಂಡಾಶಯದ ದ್ವಿ ರಕ್ತ ಪೂರೈಕೆಯಿಂದ ಸಾಂದರ್ಭಿಕವಾಗಿ ಸಾಮಾನ್ಯ ಡಾಪ್ಲರ್ ಹರಿವು ಇರಬಹುದು. ಇತರೆ ಕೆಲವು ಗುಣಲಕ್ಷಣಗಳೆಂದರೆ:

• ವಿಸ್ತರಿಸಿದ ಹೈಪೋಕೊಜೆನಿಕ್ ಅಥವಾ ಹೈಪೆರೆಕೊಜೆನಿಕ್ ಅಂಡಾಶಯ
• ಬಾಹ್ಯವಾಗಿ ಸ್ಥಳಾಂತರಿಸಿದ ಅಂಡಾಶಯದ ಕಿರುಚೀಲಗಳು
• ಫ಼್ರೀ ಪೆಲ್ವಿಕ್ ಫ಼್ಲೂಯೆಡ್. ೮೦% ಕ್ಕಿಂತ ಹೆಚ್ಚಿನ ಪ್ರಕರಣಗಳಲ್ಲಿ ಇದನ್ನು ಕಾಣಬಹುದು
• ತಿರುಚಿದ ನಾಳೀಯ ಪೆಡಿಕಲ್ ನ ವಿರ್ಲ್ಪೂಲ್ ಚಿಹ್ನೆ
• ಅಂಡಾಶಯದ ಲೆಸಿಯಾನ್ ನ್ನು ಸಾಮಾನ್ಯವಾಗಿ ಕಾಣಬಹುದು
• ಗರ್ಭಕೋಶವು ಟಾರ್ಟೆಡ್ ಅಂಡಾಶಯದೆಡೆಗೆ ಸ್ವಲ್ಪ ವ್ಯತ್ಯಾಸ ಮಾಡಬಹುದು.

ಚಿಕಿತ್ಸೆ

ಅಂಡಾಶಯದ ತಿರುಚುವಿಕೆಯ ಶಸ್ತ್ರಚಿಕಿತ್ಸೆಯಲ್ಲಿ, ಲ್ಯಾಪರೊಸ್ಕೋಪಿ ಮತ್ತು ಒಫೊರೊಪೆಕ್ಸಿ ಚಿಕಿತ್ಸೆಗಳನ್ನು ಒಳಗೊಂಡಿದೆ. ತೀವ್ರತರವಾದ ಪ್ರಕರಣಗಳಲ್ಲಿ, ದೀರ್ಘಕಾಲದವರೆಗೆ ಅಂಡಾಶಯದಿಂದ ರಕ್ತದ ಹರಿವನ್ನು ನಿಲ್ಲಿಸಲಾಗುವುದರಿಂದ, ಅಂಡಾಶಯದ ನೆಕ್ರೋಸಿಸ್ ಸಂಭವಿಸಬಹುದು. ಈ ಪ್ರಕರಣಗಳಲ್ಲಿ ಅಂಡಾಶಯವನ್ನು ಶಸ್ತ್ರಚಿಕಿತ್ಸೆಯಿಂದ ತೆಗೆದುಹಾಕಬೇಕು.

ಸೋಂಕುಶಾಸ್ತ್ರ

ಸ್ತ್ರೀರೋಗ ತುರ್ತುಸ್ಥಿತಿಗಳಲ್ಲಿ ಸುಮಾರು ೩% ದಷ್ಟು ಅಂಡಾಶಯದ ತಿರುಚುವಿಕೆಯು ಸಂಭವಿಸುತ್ತದೆ. ಎಲ್ಲಾ ವಯಸ್ಸಿನ ಮಹಿಳೆಯರಲ್ಲಿ ಅಂಡಾಶಯದ ತಿರುಚುವಿಕೆಯು ೧,೦೦,೦೦೦ ಮಹಿಳೆಯರಿಗೆ ೫.೯ ಆಗಿದೆ, ಮತ್ತು ಸಂತಾನೋತ್ಪತ್ತಿ ವಯಸ್ಸಿನ (೧೫-೪೫ ವರ್ಷಗಳು) ಮಹಿಳೆಯರಲ್ಲಿ ಸಂಭವಿಸುವ ೧,೦೦,೦೦೦ ಮಹಿಳೆಯರಿಗೆ ೯.೯ ಸಂಭವವಿದೆ. ೭೦% ಪ್ರಕರಣಗಳಲ್ಲಿ, ೨೦ ರಿಂದ ೩೯ ವರ್ಷ ವಯಸ್ಸಿನ ಮಹಿಳೆಯರಲ್ಲಿ ಇದನ್ನು ಗುರುತಿಸಲಾಗುತ್ತದೆ. ಗರ್ಭಾವಸ್ಥೆಯಲ್ಲಿ ಮತ್ತು ಋತುಬಂಧದಲ್ಲಿ ಅಪಾಯವು ಹೆಚ್ಚಾಗಿರುತ್ತದೆ.