ಟ್ರಾನ್ಸ್‌‌ ಸಂಗೀತ

Trance
Stylistic origins	Techno House Ambient Industrial Electronic art music
Cultural origins	Early ೧೯೯೦s, Berlin, Germany
Typical instruments	Synthesizer, Keyboard, Drum machine, Sequencer, Sampler, Personal computer
Subgenres
Acid, Classic, Euro, Psychedelic, Goa, Hard, Dark, Progressive, Tech, Uplifting, (Full list)
Fusion genres
Trancestep
Other topics
Raves - Glowsticking

ಒಂದು ಕ್ಯಾಸೆಟ್ ಹಾಡು ಪಟ್ಟಿಯಲ್ಲಿ ಟ್ರಾನ್ಸ್ ಸಂಗೀತ

ಟ್ರಾನ್ಸ್‌‌ ಎಂಬುದು ೧೯೯೦ರ ದಶಕದಲ್ಲಿ ಬೆಳಕಿಗೆ ಬಂದ ವಿದ್ಯುನ್ಮಾನ ನೃತ್ಯ ಸಂಗೀತದ ಒಂದು ಪ್ರಕಾರವಾಗಿದೆ. ಟ್ರಾನ್ಸ್‌‌ ಸಂಗೀತವು ೧೩೦ರಿಂದ ೧೫೫ವರೆಗಿನ BPMಗಳ ನಡುವಿನ ಒಂದು ಲಯಗತಿ, ಇಂಪಾದ ಸ್ವರವನ್ನುಂಟುಮಾಡುವ ಸಂಗೀತ ಸಂಯೋಜಕ ವಾದ್ಯದ ಕಿರು ಗೀತಾಂಗ ಭಾಗಗಳು, ಮತ್ತು ಒಂದು ಧ್ವನಿಪಥದಾದ್ಯಂತ ಆರೋಹಣ ಮತ್ತು ಅವರೋಹಣವನ್ನು ನಿರ್ಮಿಸುವ ಒಂದು ಸಂಗೀತಮಯ ಸ್ವರೂಪ ಇವುಗಳಿಂದ ಸ್ಥೂಲವಾಗಿ ನಿರೂಪಿಸಲ್ಪಟ್ಟಿದೆ. ಇದು ಔದ್ಯಮಿಕ, ಟೆಕ್ನೊ, ಹಾಗೂ ಹೌಸ್‌ ಸಂಗೀತದಂಥ, ಸಂಗೀತದ ಅನೇಕ ಸ್ವರೂಪಗಳ ಒಂದು ಸಂಯೋಜನೆಯಾಗಿದೆ. 'ಟ್ರಾನ್ಸ್‌' ಸಂಗೀತ ಎಂಬ ಪದದ ಮೂಲವು ಸರಿಯಾಗಿ ತಿಳಿದುಬಂದಿಲ್ಲ. ಇದು ಕ್ಲೌಸ್‌ ಷುಲ್ಜ್‌ ಗೀತಸಂಪುಟವಾದ ಟ್ರಾನ್ಸ್‌ಫರ್‌‌‌‌ನಿಂದ (೧೯೮೧) ಅಥವಾ ಡಾನ್ಸ್‌ 2 ಟ್ರಾನ್ಸ್‌ ಎಂಬ ಮುಂಚಿನ ಟ್ರಾನ್ಸ್‌‌ ಪ್ರದರ್ಶನದಿಂದ ಜನ್ಯವಾಗಿದೆ ಎಂಬುದಾಗಿ ಕೆಲವರು ಸೂಚಿಸುತ್ತಾರೆ. ಅದೇನೇ ಇದ್ದರೂ, ಒಂದು ಸಮಾಧಿ ಸ್ಥಿತಿ ಎಂದು ಹೇಳಲಾಗುವ ಜಾಗ್ರತಾವಸ್ಥೆಯ ಮಾರ್ಪಡಿಸಲ್ಪಟ್ಟ ಸ್ಥಿತಿಯೊಂದನ್ನು ಉಂಟುಮಾಡುವಲ್ಲಿನ ಸಂಗೀತದ ಸಾಮರ್ಥ್ಯಕ್ಕೆ ಸದರಿ ಹೆಸರು ನಿಸ್ಸಂದೇಹವಾಗಿ ಜೋಡಣೆಗೊಂಡಿದೆ. ಡ್ರಮ್‌ವಾದ್ಯ ಬಾರಿಸುವಿಕೆಯ ಸುದೀರ್ಘ ಅವಧಿಗಳ ಸಮಯದಲ್ಲಿ ಪ್ರಾಚೀನ ಉಪಾಸಕ ಪಂಥದವರಿಂದ ಸೃಷ್ಟಿಯಾಗುತ್ತಿದ್ದ ಸಮಾಧಿಸ್ಥಿತಿಯನ್ನು‌-ಉಂಟುಮಾಡುವ ಸಂಗೀತಕ್ಕೆ ಕೆಲವೊಂದು ಟ್ರಾನ್ಸ್‌‌ ಸಂಗೀತದ ಪರಿಣಾಮವನ್ನು ಹೋಲಿಸಿಕೊಂಡು ಬರಲಾಗಿದೆ.

ಇತಿಹಾಸ

ಮೂಲ

೧೯೮೦ರ ದಶಕದ ಆರಂಭದಲ್ಲಿ ಕ್ಲೌಸ್‌ ಷುಲ್ಜ್‌ ಎಂಬ ಜರ್ಮನ್‌ ಸಂಯೋಜಕ ಪ್ರಯೋಗಾತ್ಮಕ "ಕಾಲಾವಧಿ ಸಂಗೀತ"ದ ಹಲವಾರು ಗೀತಸಂಪುಟಗಳನ್ನು ಸಂಯೋಜಿಸಿದ. ಇದು ಅತೀವವಾಗಿ ಭಾವಾತ್ಮಕ ಪರಿಸರ ಕಲ್ಪಿಸುವ ಹಾಗೂ ಅನುಕ್ರಮ ಸಾಧಕ-ಪ್ರಚೋದಿತ ಸಂಗೀತ-ಸ್ವರೂಪವನ್ನು ಹೊಂದಿತ್ತು. ಇವುಗಳ ಪೈಕಿ ಕೆಲವೊಂದು ಹಾಡುಗಳು ಮುಂಚಿನ ಟ್ರಾನ್ಸ್‌‌ ಸಂಗೀತದೊಂದಿಗೆ ಅನೇಕ ಹೋಲಿಕೆಗಳನ್ನು ಹಂಚಿಕೊಳ್ಳುತ್ತವೆ ಮತ್ತು ಟ್ರಾನ್ಸ್ ಎಂಬುದಾಗಿ ಕೆಲವೊಮ್ಮೆ ವರ್ಗೀಕರಿಸಲ್ಪಡುತ್ತವೆ. ೧೯೮೦ರ ದಶಕದಲ್ಲಿ ಬಂದ ಅವನ ಗೀತಸಂಪುಟಗಳ ಪೈಕಿ ಎರಡು ತಮ್ಮ ಶೀರ್ಷಿಕೆಗಳಲ್ಲಿ "ಟ್ರಾನ್ಸ್‌‌" ಎಂಬ ಪದವನ್ನು ಒಳಗೊಂಡಿವೆ. ಅವೆಂದರೆ ೧೯೮೧ರಲ್ಲಿ ಬಂದ ಟ್ರಾನ್ಸ್‌ಫರ್‌ ಹಾಗೂ ೧೯೮೭ರಲ್ಲಿ ಬಂದ ಎನ್‌‌=ಟ್ರಾನ್ಸ್‌ ಗೀತಸಂಪುಟಗಳು. ಆದಾಗ್ಯೂ, ಜೀನ್‌ ಮೈಕೇಲ್‌ ಜರ್ರೆ ಎಂಬಾತನ ೧೯೭೬ರಲ್ಲಿ ಬಂದ ಆಕ್ಸಿಜನ್‌ ಹಾಗೂ ೧೯೭೮ರಲ್ಲಿ ಬಂದ ಈಕ್ವಿನಾಕ್ಸ್‌ ಗೀತಸಂಪುಟಗಳು ಷುಲ್ಜ್‌ನ ೧೯೮೦ರ ದಶಕದಲ್ಲಿನ ಬಿಡುಗಡೆಗಳಿಗೆ ಸಾಕಷ್ಟು ಮುಂಚಿತವಾಗಿ ತಮ್ಮ ಅಸ್ತಿತ್ವವನ್ನು ದಾಖಲಿಸಿದ್ದವು. ಷುಲ್ಜ್‌ನ ೧೯೮೦ರ ದಶಕದ ಪ್ರಯತ್ನಗಳು ಹಾಗೂ ಅದನ್ನು ಅನುಸರಿಸಿ ಬಂದ ಇತರ ಅನೇಕ ಪ್ರಯತ್ನಗಳಿಗೆ ಕಾರಣವಾದ, ಭಾವಾತ್ಮಕ ಪರಿಸರ ಕಲ್ಪಿಸುವ ಪ್ರಯೋಗಾತ್ಮಕ ಸಂಗೀತದ ರೀತಿಯ ಶೈಲಿಗಳೊಂದಿಗೆ ಪ್ರಯೋಗವನ್ನು ನಡೆಸಿದ ಜರ್ರೆಯನ್ನು ಸದರಿ ಸಂಗೀತ ಪ್ರಕಾರದ ಹಿತಪೋಷಕ ಎಂದು ವ್ಯಾಪಕವಾಗಿ ಪರಿಗಣಿಸಲಾಗಿದೆ.

ಸಿಂಹಾವಲೋಕನ ಮಾಡಿದಾಗ, ದಿ KLFನಿಂದ ಪಥನಿರ್ಮಾಣ ಮಾಡಲ್ಪಟ್ಟ ಆಸಿಡ್‌ ಹೌಸ್‌ ಕಾರ್ಯಚಟುವಟಿಕೆಯಿಂದ ಬಹಳ ಹಿಂದಿನ ಒಂದಷ್ಟು ಗುರುತಿಸಬಹುದಾದ ಟ್ರಾನ್ಸ್‌‌ ಧ್ವನಿಮುದ್ರಣಗಳು ಬಂದವು. ಇವುಗಳ ಪೈಕಿ ಅತ್ಯಂತ ಗಮನಾರ್ಹವಾದವುಗಳೆಂದರೆ "ವಾಟ್‌ ಟೈಮ್‌ ಈಸ್‌ ಲವ್‌?" ಹಾಗೂ "3 a.m. ಎಟರ್ನಲ್‌" ಎಂಬುದರ ೧೯೮೮ / ೧೯೮೯ರ ಮೂಲ ಆವೃತ್ತಿಗಳು. ಇವುಗಳ ಜೊತೆಗೆ ಸೂಕ್ತವಾದ ಶೀರ್ಷಿಕೆಯನ್ನು ಹೊಂದಿದ್ದ "ಕೈಲಿ ಸೆಡ್‌ ಟ್ರಾನ್ಸ್‌‌" (೧೯೮೯) ಹಾಗೂ "ಲಾಸ್ಟ್‌‌ ಟ್ರೇನ್‌ ಟು ಟ್ರಾನ್ಸೆಂಟ್ರಲ್‌" (೧೯೯೦) ಕೂಡಾ ಸೇರಿದ್ದವು. ಈ ಮುಂಚಿನ ಧ್ವನಿಮುದ್ರಣಗಳಿಗೆ "ಪ್ಯೂರ್‌‌ ಟ್ರಾನ್ಸ್‌‌" ಎಂಬ ಹಣೆಪಟ್ಟಿಯನ್ನು ದಿ KLF ಅಂಟಿಸಿತು. ಅವು ದಿ ವೈಟ್‌ ರೂಮ್‌ ಗೀತಸಂಪುಟದೊಂದಿಗೆ (೧೯೯೧) ಅನೇಕ ಹೋಲಿಕೆಗಳನ್ನು ಹೊಂದಿವೆಯಾದರೂ, ಅವು ಗಮನಾರ್ಹವಾಗಿ ಅತ್ಯಂತ ಕನಿಷ್ಠೀಯತಾವಾದಿಯಾಗಿವೆ, ರಾತ್ರಿಕ್ಲಬ್ಬುಗಳನ್ನು ಗುರಿಯಾಗಿರಿಸಿಕೊಂಡಿವೆ ಮತ್ತು ಧ್ವನಿಯಲ್ಲಿ 'ಪ್ರಾಯೋಗಿಕ'ವಾಗಿವೆ. ದಿ KLFನ ಕೃತಿಗಳು ಪ್ರೊಟೊ-ಟ್ರಾನ್ಸ್‌‌ನ ನಿಚ್ಚಳ ಉದಾಹರಣೆಗಳಾಗಿದ್ದರೆ, ೧೯೯೦ರಿಂದ ಬಂದ ಎರಡು ಹಾಡುಗಳು ಮೊದಲ "ನಿಜವಾದ" ಟ್ರಾನ್ಸ್‌ ಧ್ವನಿಮುದ್ರಿಕೆಗಳಾಗಿವೆಯೆಂದು ವ್ಯಾಪಕವಾಗಿ ಪರಿಗಣಿಸಲ್ಪಟ್ಟಿವೆ. ಮೊದಲನೆಯದು ಏಜ್‌ ಆಫ್‌ ಲವ್‌ನ ಸ್ವಯಂ-ಶೀರ್ಷಿಕೆಯುಳ್ಳ ಪ್ರಥಮ ಪ್ರವೇಶದ ಏಕಗೀತೆಯ ಧ್ವನಿಮುದ್ರಿಕೆಯಾಗಿದ್ದು, ೧೯೯೦ರ ಆರಂಭದಲ್ಲಿ ಅದು ಬಿಡುಗಡೆಯಾಯಿತು ಹಾಗೂ ಮೂಲ ಟ್ರಾನ್ಸ್‌‌ ಧ್ವನಿಯು ಜರ್ಮನಿಯಿಂದ ಆಚೆಗೆ ಬರುವುದಕ್ಕೆ ಸಂಬಂಧಿಸಿದ ಒಂದು ಆಧಾರವಾಗಿ ಅದನ್ನು ನೋಡಲಾಗುತ್ತದೆ. ಕೆಲವೊಬ್ಬರು "ದಿ ಏಜ್‌ ಆಫ್‌ ಲವ್‌‌"ನ್ನು ಮೊದಲ ನಿಜವಾದ ಟ್ರಾನ್ಸ್‌‌ ಏಕಗೀತೆ ಎಂದು ಪರಿಗಣಿಸುತ್ತಾರೆ. ಡಾನ್ಸ್‌ 2 ಟ್ರಾನ್ಸ್‌‌ನ "ವಿ ಕೇಮ್‌ ಇನ್‌ ಪೀಸ್‌" ಎಂಬುದು ಎರಡನೇ ಧ್ವನಿಪಥವಾಗಿದ್ದು, ಇದು ಅವರದೇ ಸ್ವಂತದ ಸ್ವಯಂ-ಶೀರ್ಷಿಕೆಯ ಪ್ರಥಮ ಪರಿಚಯದ ಏಕಗೀತೆಯ ಧ್ವನಿಮುದ್ರಿಕೆಯ ಬಿ-ಪಾರ್ಶ್ವವಾಗಿತ್ತು. ಫ್ಯೂಚರ್‌ ಸೌಂಡ್‌ ಆಫ್‌ ಲಂಡನ್ನ್‌‌ನ "ಪಪುವಾ ನ್ಯೂಗಿನಿಯಾ" (೧೯೯೧) ಎಂಬುದು ಮತ್ತೊಂದು ಪ್ರಭಾವಪೂರ್ಣ ಗೀತೆಯಾಗಿತ್ತು.

ಈ ಆಸಿಡ್‌-ಯುಗದ ಉಗಮದ ಆಚೆಗಿನ ಟ್ರಾನ್ಸ್‌‌ ಧ್ವನಿಯು, ೧೯೯೦ರ ದಶಕದ ಅತ್ಯಂತ ಮುಂಚಿನ ಅವಧಿಯಲ್ಲಿ ಜರ್ಮನ್‌ ಕ್ಲಬ್‌ಗಳಲ್ಲಿನ ಟೆಕ್ನೊ ಸಂಗೀತದ ಒಂದು ನಿಷ್ಪನ್ನವಾಗಿದೆ ಎಂಬ ರೀತಿಯಲ್ಲಿ ಹೇಳಲಾಗಿದೆ. ಜರ್ಮನಿಯನ್ನು ಟ್ರಾನ್ಸ್‌‌ ಸಂಸ್ಕೃತಿಯ ಜನ್ಮಸ್ಥಳವಾಗಿ ಅನೇಕ ಬಾರಿ ಉಲ್ಲೇಖಿಸಲಾಗಿದೆ. ಈ ಪ್ರಕಾರದ ಬಹಳ ಹಿಂದಿನ ಪಥನಿರ್ಮಾಪಕರಲ್ಲಿ ಜ್ಯಾಮ್‌ ಎಲ್‌ಮಾರ್‌, ಆಲಿವರ್‌ ಲೀಬ್‌, ಹಾಗೂ ಸ್ವೆನ್‌ ವಾಥ್‌ ಸೇರಿದ್ದು, ಅನೇಕ ಉಪನಾಮಗಳ ಅಡಿಯಲ್ಲಿ ಹಲವಾರು ಧ್ವನಿಪಥಗಳನ್ನು ಇವರೆಲ್ಲ ನಿರ್ಮಿಸಿದ್ದಾರೆ. ಐ Q, ಹಾರ್ತ್‌ಹೌಸ್‌, ರೈಸಿಂಗ್‌ ಹೈ ರೆಕಾರ್ಡ್ಸ್‌, FAX +49-69/450464 ಮತ್ತು MFS ರೆಕಾರ್ಡ್ಸ್‌ನಂಥ ಟ್ರಾನ್ಸ್‌ ಹಣೆಪಟ್ಟಿ ಹೊತ್ತ ಧ್ವನಿಮುದ್ರಿಕೆಗಳು ಫ್ರಾಂಕ್‌ಫರ್ಟ್‌ ಮೂಲದವಾಗಿದ್ದವು. ಚರ್ಚಾಯೋಗ್ಯವಾದ ರೀತಿಯಲ್ಲಿ ಟೆಕ್ನೊ ಸಂಗೀತ ಮತ್ತು ಹೌಸ್‌ ಸಂಗೀತದ ಒಂದು ಬೆರಕೆ ಸಂಗೀತವಾಗಿದ್ದ ಹಿಂದಿನ ಟ್ರಾನ್ಸ್‌‌ ಸಂಗೀತವು, ಲಯಗತಿ ಹಾಗೂ ಲಯದ ಸ್ವರೂಪಗಳ ಪರಿಭಾಷೆಯಲ್ಲಿ ಟೆಕ್ನೊ ಸಂಗೀತದೊಂದಿಗೆ ಬಹುಪಾಲನ್ನು ಹಂಚಿಕೊಂಡಿತಾದರೂ, ಇಂಪಾದ ಸ್ವರವನ್ನುಂಟುಮಾಡುವ ಹೆಚ್ಚಿನ ಅಧಿಸ್ವರಗಳನ್ನೂ ಅದು ಸೇರಿಸಿತು. ಅಷ್ಟೇ ಅಲ್ಲ, ಹೌಸ್‌ ಸಂಗೀತವು ಮಾಡಿದ ರೀತಿಯಲ್ಲಿ ಈ ಹಾಡುಗಳು "ನೆಗೆದಾಡಿಕೊಂಡು ಸುತ್ತಲಿಲ್ಲ" ಮತ್ತು ಬಡಿತದ ಸ್ವರೂಪದಲ್ಲಿ ಊಹಿಸಿ ಹೇಳಲಾಗದ ಬದಲಾಯಿಸುವಿಕೆಗಳನ್ನು ಅವು ಅನೇಕಬಾರಿ ಹೊಂದಿದ್ದವು. ಟ್ರಾನ್ಸ್‌ನ ಈ ಮುಂಚಿನ ಸ್ವರೂಪಗಳನ್ನು ಈಗ ಸಾಂಪ್ರದಾಯಿಕ ಟ್ರಾನ್ಸ್‌‌ ಎಂಬುದಾಗಿ ಉಲ್ಲೇಖಿಸಲಾಗುತ್ತದೆ ಮತ್ತು ನಂತರ ಅನುಸರಿಸಿಕೊಂಡು ಬರಲಿದ್ದ ಹೆಚ್ಚು ನರ್ತಿಸುವಂತೆ ಮಾಡಬಲ್ಲ ಟ್ರಾನ್ಸ್‌ಗಿಂತ ಇವು ಹೆಚ್ಚು ಸುದೀರ್ಘವಾಗಿದ್ದವು ಹಾಗೂ ಹೆಚ್ಚು ಅಮೂರ್ತವಾಗಿದ್ದವು.

ಜನಪ್ರಿಯ ಟ್ರಾನ್ಸ್‌‌

೧೯೯೦ರ ದಶಕದ ಮಧ್ಯದ ವೇಳೆಗೆ ಟ್ರಾನ್ಸ್‌, ಅದರಲ್ಲೂ ನಿರ್ದಿಷ್ಟವಾಗಿ ಪ್ರಗತಿಶೀಲ ಟ್ರಾನ್ಸ್‌‌ ಪ್ರಕಾರವು ನೃತ್ಯ ಸಂಗೀತದ ಪ್ರಭಾವೀ ಪ್ರಕಾರಗಳಲ್ಲಿ ಒಂದಾಗಿ ವ್ಯಾಪಾರೀ ಸ್ವರೂಪದಲ್ಲಿ ಹೊರಹೊಮ್ಮಿತ್ತು. ಒಂದು ರೀತಿಯಲ್ಲಿ ಹೇಳಬೇಕೆಂದರೆ, ಆಸಿಡ್‌ ಹೌಸ್‌‌ನಿಂದ ಪ್ರೋಗ್ರೆಸಿವ್‌ ಹೌಸ್‌ ಹೊರಹೊಮ್ಮಿದ್ದ ರೀತಿಯಲ್ಲಿಯೇ ಆಸಿಡ್‌ ಟ್ರಾನ್ಸ್‌‌ನಿಂದ ಪ್ರಗತಿಶೀಲ ಟ್ರಾನ್ಸ್‌‌ ಹೊರಹೊಮ್ಮಿದಂತಾಗಿತ್ತು. ಸ್ತುತಿಗೀತೆಯ ಮಂದ್ರಸ್ಥಾಯಿಗಳ ಹಾಗೂ ಪ್ರಮುಖ ಮಧುರ ಶೈಲಿಗಳ ಮೇಲೆ ಹೆಚ್ಚು ಗಮನಹರಿಸುವ ಮೂಲಕ, ಸಮ್ಮೋಹಕ, ಪುನರಾವರ್ತಿಸುವ, ಸ್ವರಗುಂಫನ ಮಾಡಿದ ಅನಲಾಗ್‌ ಸಿಂಥ್‌ ಶೈಲಿಗಳು ಹಾಗೂ ಅಂತರದ ಮೆಲುನಡಗೆಯ ಶಬ್ದಗಳಿಂದ ದೂರಸರಿಯುವ ಮೂಲಕ, ಆಧುನಿಕ ಟ್ರಾನ್ಸ್‌ ಸಂಗೀತದ ಬದಲಾಯಿಸಲಾಗದ ಮೂಲಭೂತ ಸೂತ್ರವನ್ನು ಪ್ರಗತಿಶೀಲ ಟ್ರಾನ್ಸ್‌‌ ಸಂಗೀತವು ನೆಲೆಗೊಳಿಸಿದೆ. ಜನಪ್ರಿಯ ಅಂಶಗಳು ಮತ್ತು ಸ್ತುತಿಗೀತೆಯ ಮೆಲುನಡಗೆಯ ಶಬ್ದಗಳು ಹೆಚ್ಚು ವ್ಯಾಪಕವಾಗಿ ವಿಸ್ತರಿಸಿದವು.

ಸಂಗೀತ ಸಂಯೋಜನೆಗಳಲ್ಲಿ ಹೆಚ್ಚಿನ ಬದಲಾವಣೆಗಳ ಸೇರ್ಪಡೆಯಾಗುವುದು ಮುಂದುವರಿಯಿತು (ಇದಕ್ಕೆ ಪ್ರಗತಿಶೀಲ ರಚನೆಗಳು ಎಂದೂ ಹೆಸರು), ಕೆಲವೊಮ್ಮೆ (BTಯು ಆಗಿಂದಾಗ್ಗೆ ಮಾಡುವಂತೆ) ತ್ರಿಸ್ವರ-ಸ್ವರಖಂಡದಲ್ಲಿ ಸಂಯೋಜನೆಗಳು ನಡೆದವು. ಈ ನಡುವೆ, ಉನ್ನತಿಗೇರಿಸುವ ಟ್ರಾನ್ಸ್‌‌ ಎಂದು ಸಾಮಾನ್ಯವಾಗಿ ಕರೆಯಲ್ಪಡುತ್ತಿದ್ದ ಒಂದು ವಿಭಿನ್ನ ಬಗೆಯು ಜನಪ್ರಿಯವಾಗುತ್ತಿತ್ತು. ದೀರ್ಘವಾಗಿದ್ದ ಮತ್ತು ಹೆಚ್ಚು ಉತ್ಪ್ರೇಕ್ಷಿಸಲ್ಪಟ್ಟಿದ್ದ ಬೆಳವಣಿಗೆಗಳು ಮತ್ತು ವಿರಾಮಗಳನ್ನು ಉನ್ನತಿಗೇರಿಸುವ ಟ್ರಾನ್ಸ್‌‌ ಹೊಂದಿತ್ತು. ಹೆಚ್ಚು ಸುಲಭವಾಗಿ ಗುರುತಿಸಬಹುದಾದ ರಾಗಗಳು ಹಾಗೂ ಸ್ತುತಿಗೀತೆಗಳೊಂದಿಗೆ, ಇದು ಪ್ರಗತಿಶೀಲ ಟ್ರಾನ್ಸ್‌ಗಿಂತ ಹೆಚ್ಚು ನೇರವಾಗಿತ್ತು ಹಾಗೂ ಕಡಿಮೆ ಸೂಕ್ಷ್ಮವಾಗಿತ್ತು. ಒಂದು ಪೀಠಿಕೆ, ಸ್ಥಿರವಾದ ರಚನಾ ವಿನ್ಯಾಸ, ಒಂದು ವಿರಾಮ, ಮತ್ತು ಆಮೇಲೆ "ನಿರ್ಮಿಸುವ-ವಿರಾಮದ-ಸ್ತುತಿಗೀತೆಯ" ಸ್ವರೂಪ ಎಂದು ಸೂಕ್ತವಾಗಿ ಕರೆಯಲ್ಪಟ್ಟ ಒಂದು ಸ್ತುತಿಗೀತೆಯನ್ನು ಒಳಗೊಳ್ಳುವ ಮೂಲಕ, ಇಂಥ ಅನೇಕ ಟ್ರಾನ್ಸ್‌‌ ಧ್ವನಿಪಥಗಳು ಒಂದು ಸಿದ್ಧ ಸ್ವರೂಪವನ್ನು ಅನುಸರಿಸಿದವು. ಸಾಮಾನ್ಯವಾಗಿ ಹೆಣ್ಣುದನಿಯಲ್ಲಿರುತ್ತಿದ್ದ ಉನ್ನತಿಗೇರಿಸುವ ಗಾಯನ ಭಾಗಗಳು ಕೂಡಾ, ಹೆಚ್ಚುಹೆಚ್ಚು ವ್ಯಾಪಕವಾಗಿ ಹರಡುತ್ತಿದ್ದಂತೆ ಟ್ರಾನ್ಸ್‌‌ನ ಜನಪ್ರಿಯ ಆಕರ್ಷಣೆಗೆ ತಮ್ಮ ಕೊಡುಗೆಯನ್ನು ಸೇರಿಸುತ್ತಲೇ ಹೋದವು.

ಅಗಾಧವಾಗಿ ಜನಪ್ರಿಯಗೊಂಡ ಟ್ರಾನ್ಸ್‌‌ ಸಂಗೀತವು, ಹೌಸ್‌ ಸಂಗೀತಕ್ಕಿಂತ ಸ್ಫುಟವಾದ, ಡ್ರಮ್‌ ಮತ್ತು ಬೇಸ್‌ ಸಂಗೀತಕ್ಕಿಂತ ಹೆಚ್ಚು ಹಿತವಾದ, ಮತ್ತು ಟೆಕ್ನೊ ಸಂಗೀತಕ್ಕಿಂತ ಹೆಚ್ಚು ಇಂಪಾದ ಸ್ವರವನ್ನುಂಟುಮಾಡುವ ಒಂದು ಜಾಗವನ್ನು ಭರ್ತಿಮಾಡುವಲ್ಲಿ ತನ್ನನ್ನು ಕಂಡುಕೊಂಡಿತು. ಇದರಿಂದಾಗಿ ಒಂದು ವಿಶಾಲವ್ಯಾಪ್ತಿಯ ಪ್ರೇಕ್ಷಕರನ್ನು ತಲುಪಲು ಅದಕ್ಕೆ ಸಾಧ್ಯವಾಯಿತು. ಪಾಲ್‌ ವ್ಯಾನ್‌ ಡಿಕ್‌, ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌, ಟಿಯೆಸ್ಟೊ, ರಾಬರ್ಟ್‌ ಮೈಲ್ಸ್‌‌, ಎಬೌ & ಬಿಯಾಂಡ್‌, ಡ್ಯಾರೆನ್‌ ಟೇಟ್‌, ಫೆರ್ರಿ ಕಾರ್ಸ್ಟನ್‌, ಜೋಹಾನ್‌ ಗೀಲೆನ್‌, ATB, ಪಾಲ್‌ ಓಕೆನ್‌ಫೋಲ್ಡ್‌, ಪಲ್ಸರ್‌‌, ಮತ್ತು ಥರ್ಡ್‌ ಎಲಿಮೆಂಟ್‌‌ನಂಥ ಕಲಾವಿದರು ತಮ್ಮೊಂದಿಗೆ ಭಾವಾತ್ಮಕ, "ಮಹಾಕಾವ್ಯದ" ಶೈಲಿಯ ಅನುಭೂತಿಯನ್ನು ತರುವುದರೊಂದಿಗೆ ಪ್ರಧಾನ ಅಥವಾ ಆದ್ಯಸೃಷ್ಟಿಯ ನಿರ್ಮಾಪಕರಾಗಿ ಮತ್ತು ಮರುಮಿಶ್ರಿತ ಧ್ವನಿಮುದ್ರಣಕಾರರಾಗಿ ಮುಂಚೂಣಿಗೆ ಬಂದರು. ಈ ನಿರ್ಮಾಪಕರ ಪೈಕಿ ಅನೇಕರು ತಮ್ಮದೇ ಸ್ವಂತದ ಸಂಗೀತ ನಿರ್ಮಾಣಗಳನ್ನಷ್ಟೇ ಅಲ್ಲದೇ ಇತರ ಟ್ರಾನ್ಸ್‌ DJಗಳಿಂದ ನಿರ್ಮಿಸಲ್ಪಟ್ಟ ಸಂಗೀತಗಳನ್ನು ಕ್ಲಬ್ಬುಗಳಲ್ಲಿ ನುಡಿಸುವ ಮೂಲಕ DJಗಳಾಗಿಯೂ ಕೆಲಸ ಮಾಡಿದರು. ೧೯೯೦ರ ದಶಕದ ಅಂತ್ಯದ ವೇಳೆಗೆ, ಟ್ರಾನ್ಸ್‌‌ ಸಂಗೀತವು ವ್ಯಾಪಾರೀ ದೃಷ್ಟಿಯಲ್ಲಿ ದೊಡ್ಡದಾದ ರೀತಿಯಲ್ಲಿ ಉಳಿದುಕೊಂಡಿತಾದರೂ, ಒಂದು ಅತ್ಯಂತ ಭಿನ್ನವಾದ ಪ್ರಕಾರದೊಳಗೆ ಪ್ರಭಾವಬೀರತೊಡಗಿತ್ತು. ೧೯೯೦ರ ದಶಕದ ಆರಂಭದಲ್ಲಿ ಹಾಗೂ ಮಧ್ಯಭಾಗದಲ್ಲಿ ಟ್ರಾನ್ಸ್‌‌ ಧ್ವನಿಯನ್ನು ಸೃಷ್ಟಿಸುವಲ್ಲಿ ನೆರವಾದ ಕಲಾವಿದರ ಪೈಕಿ ಕೆಲವೊಬ್ಬರು ದಶಕದ ಅಂತ್ಯದ ವೇಳೆಗೆ, ಹೆಚ್ಚು ಪ್ರಾಯೋಗಿಕವಾದ ಧ್ವನಿಗಳ ಪರವಾಗಿ ಒಲವು ಮೂಡಿಸಿಕೊಂಡು ಟ್ರಾನ್ಸ್‌‌ ಪ್ರಕಾರವನ್ನು ಸಂಪೂರ್ಣವಾಗಿ ತ್ಯಜಿಸಿದರು. ನಿರ್ದಿಷ್ಟವಾಗಿ ಇಲ್ಲಿನ ಇಂಥ ಪ್ರಸಿದ್ಧ ಕಲಾವಿದರಲ್ಲಿ ಪ್ಯಾಸ್ಕಲ್‌ F.E.O.S. ಹಾಗೂ ಆಲಿವರ್‌ ಲೀಬ್‌ ಸೇರಿದ್ದಾರೆ.

ಜನಪ್ರಿಯತೆಯ-ನಂತರದ ಟ್ರಾನ್ಸ್‌‌

ಒಂದು ಪರ್ಯಾಯ ವಿಕಸನವಾಗಿ, ಡ್ರಮ್‌'ಎನ್‌'ಬೇಸ್‌ನಂಥ ಇತರ ಪ್ರಕಾರಗಳೊಂದಿಗೆ ಟ್ರಾನ್ಸ್‌ ಸಂಗೀತವನ್ನು ಬೆಸೆಯಲು ಕೆಲವೊಂದು ಕಲಾವಿದರು ಪ್ರಯತ್ನಗಳನ್ನು ನಡೆಸಿದ್ದಾರೆ. ಇತರರು ಹೆಚ್ಚು ಕನಿಷ್ಠೀಯತಾವಾದಿ ಧ್ವನಿಗಳೊಂದಿಗೆ ಪ್ರಯೋಗಗಳನ್ನು ನಡೆಸಿದ್ದಾರೆ. ಇದರಿಂದ ನಿರಾಶೆಗೊಂಡ ಟ್ರಾನ್ಸ್‌ ಸಂಗೀತದ ಪರಮೋಚ್ಚ ಆವೃತ್ತಿಗಳು ಮಣಿಯದ ಮತ್ತು ಭಯಾನಕವಾದ ಪ್ರಕಾರಗಳೊಂದಿಗೆ ಅತಿಕ್ರಮಿಸುವ "ಕಠಿಣ ಟ್ರಾನ್ಸ್‌‌" ಅಥವಾ "ಕಠಿಣಶೈಲಿ"ಯ ಗೌಣಪ್ರಕಾರಗಳಿಗೆ ಹರಟೆಶೈಲಿಯ ಮೂಲಕ ವಿಕೃತಿಹೊಂದಿವೆ.

ಜುನೋ ಡೌನ್‌ಲೋಡ್‌, ಮತ್ತು ಬೀಟ್‌ಪೋರ್ಟ್‌‌‌ನಂಥವುಗಳೂ ಸೇರಿದಂತೆ ಕಾನೂನುಬದ್ಧವಾಗಿರುವ ಸಂಗೀತದ ಡೌನ್‌ಲೋಡ್‌ ತಾಣಗಳ ಬಾಹುಳ್ಯವು ಕಂಡುಬಂದ ಹಿನ್ನೆಲೆಯಲ್ಲಿ, ತನ್ನ ಮೂಲಗಳಿಗೆ ಅತ್ಯಂತ ನಿಷ್ಠವಾಗಿರುವ ಟ್ರಾನ್ಸ್‌ ಸಂಗೀತವು ಅಂತರಜಾಲ ಮಾಧ್ಯಮದ ಮುಖಾಂತರ ತನ್ನ ತಲೆ ಮೇಲಕ್ಕೆತ್ತಲು ಶುರುಮಾಡಿದೆ. ಇದರಿಂದಾಗಿ ಉತ್ಸಾಹಿಗಳು ವಾರಕ್ಕೊಮ್ಮೆ ಪರಿಷ್ಕರಿಸಲ್ಪಡುವ mp೩ಗಳು ಹಾಗೂ ಸಂಕ್ಷೇಪಿಸದ wav ಸ್ವರೂಪದ ಶ್ರವಣ ಕಡತಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳಲು ಸಾಧ್ಯವಾಗಿದ್ದು, ಅವರು ಇದಕ್ಕಾಗಿ ಕಷ್ಟಪಟ್ಟು ವಿನೈಲ್‌ ಜಾಹೀರಾತುಗಳನ್ನು ಹುಡುಕಿಕೊಂಡು ಹೋಗುವುದು ತಪ್ಪಿದಂತಾಗಿದೆ. ಇದರ ಪರಿಣಾಮವಾಗಿ, ವಾಣಿಜ್ಯೋದ್ದೇಶದ ಹಾಗೂ ಪ್ರಗತಿಶೀಲ ಟ್ರಾನ್ಸ್‌ಗಳೆರಡೂ ಈಗ, ಮಾರಾಟ-ಕೋಷ್ಟಕದ ಮಿತಿಗೊಳಪಡದಿದ್ದರೂ, ಹೆಚ್ಚಿನದಾಗಿರುವ ಒಂದು ಜಾಗತಿಕ ಹಾಜರಿಯನ್ನು ಹೊಂದಿವೆ. ಇದಕ್ಕೆ ಹಲವಾರು ದೊಡ್ಡ-ಆಕರ್ಷಣೆಯ ಕಲಾವಿದರು ಬೆಂಬಲ ನೀಡಿದ್ದಾರೆ. ಅವರೆಂದರೆ: ಸಶಾ, ಟಿಯೆಸ್ಟೊ, ATB, ಮಾರ್ಕಸ್‌ ಷುಲ್ಜ್‌, ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌, BT, ಪಾಲ್‌ ವ್ಯಾನ್‌ ಡಿಕ್‌, ಫೆರ್ರಿ ಕಾರ್ಸ್ಟನ್‌, ಎಬೌ & ಬಿಯಾಂಡ್‌, ಬ್ಲ್ಯೂ ಸ್ಟೋನ್‌, ಪಾಲ್‌ ಓಕೆನ್‌ಫೋಲ್ಡ್‌, ಷಿಲ್ಲರ್‌, ಸೋಲಾರ್‌ಸ್ಟೋನ್‌ ಮತ್ತು USನ ಕ್ರಿಸ್ಟೋಫರ್‌ ಲಾರೆನ್ಸ್‌‌ ಹಾಗೂ ಜಾರ್ಜ್‌ ಅಕೋಸ್ಟಾ. ಈ ಎಲ್ಲಾ ಕಲಾವಿದರೂ ತಮ್ಮ ಗೌರವಪೂರ್ವಕ ಸ್ಥಾನಗಳನ್ನು ಕಾಯ್ದುಕೊಳ್ಳುವಲ್ಲಿ ಸಮರ್ಥರಾಗಿದ್ದರೆ, ಮುಂಬರಲಿರುವ ನಿರ್ಮಾಪಕರು ಹಾಗೂ DJಗಳು ಕೂಡಾ ಸಾರ್ವಜನಿಕ ಕಾರ್ಯಕ್ಷೇತ್ರದೊಳಗೆ ನುಗ್ಗಬಹುದಾಗಿದೆ.

ಟ್ರಾನ್ಸ್‌‌ ಸಂಗೀತದ ಸೃಷ್ಟಿ

ಒಂದು ೪/೪ರ ತಾಳ ಸಂಕೇತ, ೧೩೦ರಿಂದ ೧೫೫ರಷ್ಟು BPMವರೆಗಿನ ಒಂದು ಲಯಗತಿ, ೩೨ ತಾಳಶ್ರೇಣಿಯ ಗೀತಾಂಗ ಭಾಗಗಳನ್ನು ಟ್ರಾನ್ಸ್‌ ಸಂಗೀತವು ಸಾಮಾನ್ಯವಾಗಿ ಬಳಸಿಕೊಳ್ಳುತ್ತದೆ, ಮತ್ತು ಇದು ಹೌಸ್‌ ಸಂಗೀತಕ್ಕಿಂತ ಕೊಂಚಮಟ್ಟಿಗೆ ವೇಗವಾಗಿದ್ದರೂ, ಪ್ರಜ್ಞಾವಿಸ್ತಾರಕ ಟ್ರಾನ್ಸ್‌‌ ಸಂಗೀತದಷ್ಟು ವೇಗವಾಗಿಲ್ಲ. ಪ್ರಾಸಂಗಿಕವಾಗಿ, ಟ್ರಾನ್ಸ್‌‌ ಸಂಗೀತವು ಕೆಲವೊಮ್ಮೆ ವೇಗವಾಗಿರಬಹುದು ಮತ್ತು ಕೆಲವೊಮ್ಮೆ ನಿಧಾನಗತಿಯದ್ದಾಗಿರಬಹುದು. ಪ್ರತಿ ದ್ರುತತಾಳದ ಮೇಲೂ ಒಂದು ಕಿಕ್‌ ಡ್ರಮ್‌‌ನ್ನು ಇರಿಸಲಾಗುತ್ತದೆ ಮತ್ತು ಲಘುತಾಳದ ಮೇಲೆ ಒಂದು ಎಂದಿನ ತೆರೆದ ಹೈ-ಹ್ಯಾಟ್‌ನ್ನು ಅನೇಕ ವೇಳೆ ಇರಿಸಲಾಗುತ್ತದೆ. ತಾಳವಾದ್ಯ ಸಂಬಂಧಿಯಾಗಿರುವ ಕೆಲವೊಂದು ಸರಳವಾದ ಹೆಚ್ಚುವರಿ ಅಂಶಗಳನ್ನು ಸಾಮಾನ್ಯವಾಗಿ ಸೇರಿಸಲಾಗುತ್ತದೆ, ಮತ್ತು ಪ್ರಮುಖ ಸ್ಥಾಯಿ ವ್ಯತ್ಯಾಸಗಳು, ರಚನಾ ಶೈಲಿಗಳು ಅಥವಾ ಸಾರೋಕ್ತಿಗಳು ದೀರ್ಘವಾಗಿರುವ 'ನಿರಂತರ ಭೇರಿ ಬಾಜಣೆಗಳಿಂದ' ಅನೇಕ ವೇಳೆ ಪೂರ್ವಭಾವಿಯಾಗಿ ಸೂಚಿಸಲ್ಪಡುತ್ತವೆ- ಒಂದು ಕೃತಿಭಾಗ ಅಥವಾ ಗೀತಾಂಗ ಭಾಗದ ಅಂತ್ಯದ ವೇಳೆಗೆ ನಾದದ ಪ್ರಮಾಣದಲ್ಲಿ ನಿರ್ಮಾಣಗೊಳ್ಳುವ, ಸಮಾನ ಅಂತರದ ಇತ್ತಲೆ ತಮಟೆಯ ಬಡಿತಗಳ ಒಂದು ಕ್ಷಿಪ್ರವಾದ ಅನುಕ್ರಮ ಇದಾಗಿದೆ.

ರೋಲ್ಯಾಂಡ್‌ JP-8000 ಎಂಬ ಈ ಸಂಗೀತ ಸಂಯೋಜಕ ವಾದ್ಯವು ಅತ್ಯಂತ ಪ್ರಸಿದ್ಧವಾಗಿದೆ. ಏಕೆಂದರೆ ಇದು ಸೂಪರ್‌ಸಾ ಪರಿಣಾಮವನ್ನು ಅಳವಡಿಸಿಕೊಂಡಿದೆ.

ಸಂಗೀತ ಸಂಯೋಜಕ ವಾದ್ಯಗಳು ಬಹುಪಾಲು ಟ್ರಾನ್ಸ್‌‌ ಧ್ವನಿಪಥಗಳ ಪ್ರಮುಖ ಅಂಶಗಳಾಗಿ ಪಾತ್ರವಹಿಸುತ್ತವೆ. ಬೆರಳಿನಿಂದ ಮೀಟಿ ನುಡಿಸಿದ ಚಿಕ್ಕ ಭಾಗಗಳಿಗಾಗಿ ಮತ್ತು ದೀರ್ಘವಾದ, ವಿಸ್ತಾರವಾದ ತಂತಿಯ ಧ್ವನಿಗಳಿಗಾಗಿ ಎರಡಕ್ಕೂ ಬಳಸಲ್ಪಡುವ ಸರಳವಾದ, ಉಬ್ಬರವಿಳಿತದ ಸ್ವರೂಪವನ್ನು ಆಧರಿಸಿದ ಧ್ವನಿಗಳು ಇಲ್ಲಿ ಬಳಸಲ್ಪಡುತ್ತವೆ. ಇಲೆಕ್ಟ್ರಾನಿಕ್‌ ಸಂಗೀತದ ಇತರ ಪ್ರಕಾರಗಳೊಂದಿಗೆ ಇರುವಂತೆ, ಟ್ರಾನ್ಸ್‌ ಸಂಗೀತ ಪ್ರಕಾರದಲ್ಲಿ ರೋಲ್ಯಾಂಡ್‌ TR-808, TR-909, ಮತ್ತು TB-303 ಮೊದಲಾದವು ಮುಖ್ಯವಾದ ಸಂಗೀತ ಸಂಯೋಜಕ ವಾದ್ಯಗಳಾಗಿವೆ. ಇವುಗಳ ಪೈಕಿ TB-೩೦೩ ವಾದ್ಯವು "ಆಸಿಡ್‌" ಧ್ವನಿ ಎಂದು ಕರೆಯಲಾಗುವ "ತೀಕ್ಷ್ಣವಾದ" ಧ್ವನಿಯ ಮೂಲವಾಗಿದೆ. ಸಂಗೀತ ಸಂಯೋಜಕ ವಾದ್ಯದ ಹಲವಾರು ಧ್ವನಿಗಳೂ ಈ ವ್ಯವಸ್ಥೆಯೊಳಗಿದ್ದು, ಅವು ಹೆಚ್ಚೂಕಮ್ಮಿ ಸಂಪೂರ್ಣವಾಗಿ ತಮ್ಮ ಪ್ರಕಾರಕ್ಕೆ ವಿಶಿಷ್ಟವೆನಿಸಿವೆ. "ಸೂಪರ್‌ಸಾ" ಎಂಬುದು ಈ ಧ್ವನಿಗಳ ಪೈಕಿ ಒಂದಾಗಿದ್ದು, ಈ ಅಲೆಯಸ್ವರೂಪದ ಧ್ವನಿಗೆ ರೋಲ್ಯಾಂಡ್‌ JP-8000, ನೊವೇಷನ್‌ ಸೂಪರ್‌ನೋವಾ, ಮತ್ತು ಕೊರ್ಗ್‌ MS2000ನಂಥ ಸಾಂಪ್ರದಾಯಿಕ ಟ್ರಾನ್ಸ್‌‌ ಸಂಗೀತದ ಸಂಯೋಜಕ ವಾದ್ಯಗಳು ಪ್ರಸಿದ್ಧಿಯನ್ನು ತಂದಿತ್ತಿವೆ. ಪ್ರಮುಖ ಧ್ವನಿಗಳನ್ನು ಸೃಷ್ಟಿಸುವಲ್ಲಿ "ಗೇಟಿಂಗ್‌" ಎಂದು ಕರೆಯಲಾಗುವ ಕೌಶಲವೊಂದನ್ನು ಅನೇಕವೇಳೆ ಬಳಸಿಕೊಳ್ಳಲಾಗುತ್ತದೆ (ಒಂದು ತೊದಲಿಸಲ್ಪಟ್ಟ, ತಡೆದು ತಡೆದು ಆಡಿದ ಧ್ವನಿಯನ್ನು ಸೃಷ್ಟಿಸಲು ತುಣುಕಿನೊಂದಿಗಿನ ಲಯದಲ್ಲಿ ನಾದದ ಪ್ರಮಾಣವನ್ನು ಕ್ಷಿಪ್ರವಾಗಿ ಮೇಲಕ್ಕೆ ಮತ್ತು ಕೆಳಕ್ಕೆ ತಿರುಗಿಸುವುದು). ಕ್ಷಿಪ್ರವಾದ ಸ್ವರಗುಂಫನಗಳು ಮತ್ತು ಕಿರು ಸ್ವರಶ್ರೇಣಿಗಳು ಸಾಮಾನ್ಯ ಲಕ್ಷಣಗಳಾಗಿವೆ. ಟ್ರಾನ್ಸ್‌‌ ಧ್ವನಿಪಥಗಳು ಒಂದು ಪ್ರಮುಖವಾದ "ಕೊಕ್ಕೆಗೆರೆ"ಯ ಮಾಧುರ್ಯವನ್ನು ಅನೇಕ ವೇಳೆ ಬಳಸುತ್ತವೆ. ಸಂಪೂರ್ಣ ಹಾಡಿನಾದ್ಯಂತ ಓಡುವ ಇದು, ೨ ತಾಳಶ್ರೇಣಿಗಳು ಮತ್ತು ಹಲವಾರು ಲಯರೇಖೆಗಳ ನಡುವಿನ ಎಲ್ಲಾದರೂ ಮಧ್ಯೆ ಮಧ್ಯೆ ಪುನರಾವರ್ತನೆಯಾಗುತ್ತದೆ.

ಅನೇಕ ಟ್ರಾನ್ಸ್‌‌ ಧ್ವನಿಪಥಗಳು ಗಾಯನ ಭಾಗಗಳನ್ನೇ ಹೊಂದಿಲ್ಲದಿರುವ ಸಂದರ್ಭದಲ್ಲಿ, ಇತರ ಧ್ವನಿಪಥಗಳು ಗಾಯನ ಭಾಗಗಳ ಮೇಲೆ ಅಧಿಕವಾಗಿ ನೆಚ್ಚಿಕೆಯನ್ನು ಇಟ್ಟುಕೊಳ್ಳುತ್ತವೆ, ಮತ್ತು ಹೀಗೆ ಒಂದು ಉಪ-ಪ್ರಕಾರವು ಬೆಳೆದುಬಂದಿದೆ. ಸಂಗೀತ ಸೃಷ್ಟಿಯ ಧ್ವನಿ ಮತ್ತು ಗುಣಮಟ್ಟಗಳು ಲಭ್ಯವಿರುವ ತಂತ್ರಜ್ಞಾನದ ಮೇಲೆ ಅತೀವವಾಗಿ ಅವಲಂಬಿತವಾಗಿರುತ್ತವೆ. ಅನೇಕ ನಿರ್ಮಾಪಕರು ಹಾಗೂ ಉತ್ಸಾಹಿಗಳ ಹೃದಯಗಳಲ್ಲಿ ವಿಂಟೇಜ್‌ ಅನಲಾಗ್‌ ಉಪಕರಣವು ಈಗಲೂ ಒಂದು ಸ್ಥಾನವನ್ನು ಪಡೆದುಕೊಂಡಿದೆ. ಮೂಗ್‌, ರೋಲ್ಯಾಂಡ್‌ ಮತ್ತು ಒಬೆರ್‌ಹೀಮ್‌‌‌ನಂಥ ಹೆಸರುಗಳೊಂದಿಗೆ ಅದು ಟ್ರಾನ್ಸ್‌‌ ಧ್ವನಿಯ ಫಲಕದಲ್ಲಿ ಒಂದುಗೂಡಿಸುತ್ತದೆ. ಆದಾಗ್ಯೂ, ಮುಖ್ಯವಾಹಿನಿಯಲ್ಲಿನ ಡಿಜಿಟಲ್‌ ತಂತ್ರಜ್ಞಾನದ ಲಭ್ಯತೆಯು ನಿರ್ಮಾಪಕರ ಒಂದು ಸಮಗ್ರ ಹೊಸ ಸಮೂಹವು ಹೊರಹೊಮ್ಮುವಲ್ಲಿ ಅವಕಾಶ ಕಲ್ಪಿಸಿದೆ. ಏಕೆಂದರೆ, ಉನ್ನತ ಸ್ತರದ ಡಿಜಿಟಲ್‌ (ಅಥವಾ ಅನಲಾಗ್‌ ಮಾದರಿಯ) ಸಂಗೀತ ಸಂಯೋಜಕ ವಾದ್ಯಗಳು ಸಾವಿರಾರು US ಡಾಲರುಗಳಷ್ಟು ಬೆಲೆಯನ್ನು ಹೊಂದಿರುವ ಸಮಯದಲ್ಲಿ, ಅಪ್ಪಟವಾದ ವಿಂಟೇಜ್‌ ಅನಲಾಗ್‌ ಸಂಗೀತ ಸಂಯೋಜಕ ವಾದ್ಯಗಳಿಗಿರುವ ಹೆಚ್ಚಿನ ಬೇಡಿಕೆ ಮತ್ತು ಒಂದು ಅವುಗಳ ಸಣ್ಣ ಪೂರೈಕೆಯು ಅವು ಅಧಿಕವಾಗಿ ವೆಚ್ಚದಾಯಕವಾಗಿರುವಂತೆ ಮಾಡುತ್ತವೆ.

ಸಂಗೀತ ಸಂಯೋಜಕ ವಾದ್ಯ ಧ್ವನಿಗಳು, ಗಾಯನ ಭಾಗಗಳು ಮತ್ತು ಹಲವು ವೇಳೆ ತಾಳವಾದ್ಯ ವಿಭಾಗದ ಭಾಗಗಳ ಮೇಲಿನ ನಾದ ಪ್ರತಿಫಲನ ಹಾಗೂ ವಿಳಂಬಿತ ಕಾಲದ ಪರಿಣಾಮಗಳಿಂದ ಟ್ರಾನ್ಸ್‌ ಸಂಗೀತದ ಧ್ವನಿಮುದ್ರಿಕೆಗಳು ಅನೇಕವೇಳೆ ಅಧಿಕವಾಗಿ ತುಂಬಿಕೊಂಡಿರುತ್ತವೆ. ಟ್ರಾನ್ಸ್‌ ಸಂಗೀತ ಪ್ರಕಾರದಲ್ಲಿ ಉತ್ತಮ ಗುಣಮಟ್ಟವನ್ನು ಸಾಧಿಸುವುದಕ್ಕಾಗಿ ಟ್ರಾನ್ಸ್‌ ಸಂಗೀತದ ನಿರ್ಮಾಪಕರು ಎದುರು ನೋಡುವಂತೆ ಮಾಡುವ ವಿಶಾಲ ಅವಕಾಶದ ಪ್ರಜ್ಞೆಯನ್ನು ಇದು ಧ್ವನಿಪಥಗಳಿಗೆ ಒದಗಿಸುತ್ತದೆ. ಫ್ಲ್ಯಾಂಜರ್‌‌‌‌ಗಳು, ಫೇಸರ್‌ಗಳು ಮತ್ತು ಇತರ ಪರಿಣಾಮಗಳೂ ಸಹ ಪರಮಾವಧಿಯ ಸನ್ನಿವೇಶಗಳಲ್ಲಿ ಅಥವಾ ರಾಗ ಸಂಯೋಜನೆಗಳಲ್ಲಿ ಬಳಸಲ್ಪಡುತ್ತವೆ - ಟ್ರಾನ್ಸ್‌ ಸಂಗೀತದಲ್ಲಿ ವಾಸ್ತವಿಕ-ಪ್ರಪಂಚದ ಯಾವುದೇ ಸಂಗೀತವಾದ್ಯವನ್ನು ಧ್ವನಿಗಳು ಹೋಲಬೇಕು ಎಂದೇನೂ ಇಲ್ಲವಾದ್ದರಿಂದ, ನಿರ್ಮಾಪಕರು ಕಲ್ಪನೆಯನ್ನು ಸ್ವೇಚ್ಛೆಯಾಗಿ ಹರಿಯಗೊಡುವ ಸ್ವಾತಂತ್ರ್ಯವನ್ನು ಹೊಂದಿದ್ದಾರೆ.

ಅನೇಕ ನೃತ್ಯ ಸಂಗೀತದ ಧ್ವನಿಪಥಗಳಲ್ಲಿರುವಂತೆ, ಟ್ರಾನ್ಸ್‌‌ ಸಂಗೀತದ ಧ್ವನಿಪಥಗಳು ಸಾಮಾನ್ಯವಾಗಿ ವಿರಳವಾದ ಪರಿಚಯಗಳು ಮತ್ತು ಬೆನ್ನುಡಿಗಳೊಂದಿಗೆ ರೂಪಿಸಲ್ಪಟ್ಟಿರುತ್ತವೆ. ಹೆಚ್ಚು ಸರಾಗವಾಗಿ ಅವುಗಳನ್ನು ಹದವಾಗಿ ಒಟ್ಟಾಗಿ ಮಿಶ್ರಗೊಳಿಸುವಲ್ಲಿ DJಯನ್ನು ಸಮರ್ಥನನ್ನಾಗಿಸಲು ಈ ವಿಧಾನವನ್ನು ಬಳಸಲಾಗುತ್ತದೆ. ಪರಿಚಯಗಳು ಮತ್ತು ಬೆನ್ನುಡಿಗಳ ಅವಧಿಯಲ್ಲಿ "ಬಿಲ್ಡ್‌ ಅಪ್‌, ಸ್ಟ್ರಿಪ್‌ ಡೌನ್‌" ಎಂಬ ಈ ವ್ಯವಸ್ಥೆಗೆ ಅಂಟಿಕೊಂಡಿರುವ ಧ್ವನಿಮುದ್ರಿಕೆಗಳು "DJ ಸ್ನೇಹಿ" ಎಂದು ಉಲ್ಲೇಖಿಸಲ್ಪಡುತ್ತವೆ. ಟ್ರಾನ್ಸ್‌ ಸಂಗೀತವು ಬಹುಪಾಲು ನೃತ್ಯ ಸಂಗೀತಕ್ಕಿಂತ ಇಂಪಾದ ಸ್ವರವನ್ನುಂಟುಮಾಡುವ ಮತ್ತು ಮಧುರ ಮೇಳನದ ವಿಶಿಷ್ಟತೆಯನ್ನು ಹೊಂದಿರುವುದರಿಂದ, ಮಧುರ ಮೇಳನದ ರೀತಿಯಲ್ಲಿ ಸಂಗೀತವನ್ನು ಬೆರೆಸದ DJಗಳಿಂದ ಅಪಶ್ರುತಿಯ ಅಥವಾ ಸ್ವರಮೇಳವಿಲ್ಲದ (ಅಥವಾ "ಪ್ರಧಾನ ಸ್ವರಪ್ರಸ್ತಾರದ ಘರ್ಷಣೆ" ಅಂದರೆ, ಶ್ರುತಿಯೊಂದಿಗೆ ಪರಸ್ಪರ ಹೊಂದಿಕೆಯಿಲ್ಲದಿರುವುದು) ಮಿಶ್ರಣಗಳಾಗುವುದನ್ನು ತಪ್ಪಿಸುವ ಸಲುವಾಗಿ, ಇಂಥದೊಂದು ಟ್ರಾನ್ಸ್‌ ವಿಶಿಷ್ಟತೆಯ ವಿಧಾನದಲ್ಲಿಯೇ ಟ್ರಾನ್ಸ್‌‌ ಧ್ವನಿಪಥಗಳನ್ನು ನಿರ್ಮಿಸುವುದು ಅತ್ಯಂತ ಮುಖ್ಯವಾಗಿದೆ.

ಟ್ರಾನ್ಸ್‌‌ ಪ್ರಕಾರಗಳು

Main articles: Trance genres and List of electronic music genres

ಟ್ರಾನ್ಸ್‌‌ ಸಂಗೀತವು ಒಂದು ಬೃಹತ್‌ ಸಂಖ್ಯೆಯ ಪ್ರಕಾರಗಳಾಗಿ ವಿಂಗಡಿಸಲ್ಪಟ್ಟಿದೆ. ಕಾಲಾನುಕ್ರಮದಂತೆ ಪ್ರಮುಖವಾಗಿರುವ ಪ್ರಕಾರಗಳೆಂದರೆ, ಸಾಂಪ್ರದಾಯಿಕ ಟ್ರಾನ್ಸ್‌‌, ಆಸಿಡ್‌ ಟ್ರಾನ್ಸ್‌‌, ಪ್ರಗತಿಶೀಲ ಟ್ರಾನ್ಸ್‌‌, ಮತ್ತು ಉನ್ನತಿಗೇರಿಸುವ ಟ್ರಾನ್ಸ್‌‌. ಉನ್ನತಿಗೇರಿಸುವ ಟ್ರಾನ್ಸ್‌‌ ಪ್ರಕಾರವು "ಸ್ತುತಿಗೀತೆಯ ಟ್ರಾನ್ಸ್‌‌", "ಮಹಾಕಾವ್ಯದ ಟ್ರಾನ್ಸ್‌‌", "ಕ್ರೀಡಾಂಗಣ ಟ್ರಾನ್ಸ್‌‌" ಅಥವಾ "ಭ್ರಾಂತಿಸುಖದಿಂದ ಕೂಡಿದ ಟ್ರಾನ್ಸ್‌‌" ಎಂಬ ಹೆಸರುಗಳಿಂದಲೂ ಚಿರಪರಿಚಿತವಾಗಿದೆ. ಯುರೋ-ಟ್ರಾನ್ಸ್‌‌ ಎಂಬ ಪ್ರಕಾರವು ಉನ್ನತಿಗೇರಿಸುವ ಟ್ರಾನ್ಸ್‌‌ ಪ್ರಕಾರದೊಂದಿಗೆ ನಿಕಟವಾದ ಸಂಬಂಧವನ್ನು ಹೊಂದಿದ್ದು, ಅತೀವವಾಗಿ ವಾಣಿಜ್ಯೀಕರಿಸಲ್ಪಟ್ಟಿರುವ ಐರೋಪ್ಯ ನೃತ್ಯ ಸಂಗೀತದ ಒಂದು ವ್ಯಾಪಕ ವೈವಿಧ್ಯತೆಗೆ ಸಂಬಂಧಿಸಿದಂತೆ ಇದೊಂದು ಸಾರ್ವತ್ರಿಕ ಪದವಾಗಿ ಮಾರ್ಪಟ್ಟಿದೆ. ಇಲೆಕ್ಟ್ರಾನಿಕ್‌ ಸಂಗೀತದ ಇತರ ಪ್ರಮುಖ ಪ್ರಕಾರಗಳೊಂದಿಗೆ ಹಲವಾರು ಉಪಪ್ರಕಾರಗಳು ಹಾಯುದಾಣಗಳಾಗಿವೆ. ಉದಾಹರಣೆಗೆ, ಟೆಕ್‌ ಟ್ರಾನ್ಸ್‌‌ ಎಂಬುದು ಟ್ರಾನ್ಸ್‌‌ ಮತ್ತು ಟೆಕ್ನೊ ಸಂಗೀತದ ಒಂದು ಮಿಶ್ರಣವಾಗಿದೆ, ಗಾಯನ ಸ್ವರೂಪದ ಟ್ರಾನ್ಸ್‌‌ ಪ್ರಕಾರವು ಹಾಡುಗಳಿಗೆ ಗಾಯನ ಭಾಗಗಳು ಹಾಗೂ ಒಂದು ಪಾಪ್‌-ಶೈಲಿಯ ರಚನೆಯನ್ನು ಸೇರಿಸುತ್ತದೆ ಮತ್ತು ಪರಿವೇಷ್ಟಕ ಟ್ರಾನ್ಸ್‌‌ ಪ್ರಕಾರವು ಪರಿವೇಷ ಮತ್ತು ಟ್ರಾನ್ಸ್‌‌ನ ಒಂದು ಮಿಶ್ರಣವಾಗಿದೆ. ಸ್ಪೇನ್‌‌ನ ಇಬಿಝಾದ ದೀರ್ಘಾವಧಿ ರಜೆಯಲ್ಲಿ ವಿಶ್ರಮಿಸಿಕೊಳ್ಳುತ್ತಿರುವ ಜೀವನಶೈಲಿಯೊಂದಿಗೆ ಸಂಬಂಧವನ್ನು ಹೊಂದಿರುವ ಬೇಲಿಯಾರಿಕ್‌ ಲಯವು ಹಲವು ಬಾರಿ "ಇಬಿಝಾ ಟ್ರಾನ್ಸ್‌‌" ಎಂದು ಕರೆಯಲ್ಪಡುತ್ತದೆ. ಇದೇ ರೀತಿಯಲ್ಲಿ, ಕನಸಿನ ಟ್ರಾನ್ಸ್‌‌ ಪ್ರಕಾರವು ಕೆಲವೊಮ್ಮೆ "ಕನಸಿನ ಮನೆ‌" ಎಂದು ಕರೆಯಲ್ಪಡುತ್ತದೆ, ಹಾಗೂ ಇದು ರಾಬರ್ಟ್‌ ಮೈಲ್ಸ್‌‌ ಎಂಬಾತ ೯೦ರ ದಶಕದ ಮಧ್ಯಭಾಗದಲ್ಲಿ ನಿರ್ಮಿಸಿದ ಪಥದಲ್ಲಿ ಸಾಗಿದ ವಿರಮಿಸುವಿಕೆಯ ಟ್ರಾನ್ಸ್‌ನ ಒಂದು ಉಪಪ್ರಕಾರವಾಗಿದೆ.

ಐರೋಪ್ಯ ಟ್ರಾನ್ಸ್‌‌ ಹಾಗೂ ಗೋವಾ ಟ್ರಾನ್ಸ್‌‌ ಪ್ರಕಾರಗಳ ನಡುವೆ ಮತ್ತೊಂದು ಪ್ರಮುಖ ವೈಲಕ್ಷಣ್ಯವು ಕಂಡುಬರುತ್ತದೆ. ಟ್ರಾನ್ಸ್‌‌ ಪ್ರಕಾರವು ಯುರೋಪ್‌ನಲ್ಲಿ ವಿಕಸನಗೊಳ್ಳುತ್ತಿದ್ದ ಸರಿಸುಮಾರು ಅದೇ ಸಮಯದಲ್ಲಿಯೇ ಭಾರತದ ಗೋವಾದಲ್ಲಿ ಗೋವಾ ಟ್ರಾನ್ಸ್‌‌ ಹುಟ್ಟಿಕೊಂಡಿತು. ಪ್ರಜ್ಞಾವಿಸ್ತಾರಕ ಟ್ರಾನ್ಸ್‌‌ ಪ್ರಕಾರದ ರೂಪುಗೊಳ್ಳುವಿಕೆಯಲ್ಲಿ ಗೋವಾ ಟ್ರಾನ್ಸ್‌‌ ಪ್ರಭಾವಶಾಲಿ ಪಾತ್ರವನ್ನು ವಹಿಸಿತ್ತು. ನಾಜೂಕಿಲ್ಲದ, ಅಸಂಕಲ್ಪಿತವಾದ ಮಾದರಿಗಳು ಹಾಗೂ ಇತರ ಪ್ರಜ್ಞಾವಿಸ್ತಾರಕ ಅಂಶಗಳನ್ನು ಪ್ರಜ್ಞಾವಿಸ್ತಾರಕ ಟ್ರಾನ್ಸ್ ಒಳಗೊಳ್ಳುತ್ತದೆ. ಇನ್‌ಫೆಕ್ಟೆಡ್‌ ಮಶ್ರೂಮ್‌ ಹಾಗೂ ಯಾಹೆಲ್‌ ಷೆರ್‌ಮನ್‌‌ರಂಥ ಪ್ರಜ್ಞಾವಿಸ್ತಾರಕ ಟ್ರಾನ್ಸ್‌‌ನ ನಿರ್ಮಾಪಕರು ವಿಶ್ವವ್ಯಾಪೀ ಕೀರ್ತಿಯನ್ನು ಸಾಧಿಸುವುದರೊಂದಿಗೆ, ಇಸ್ರೇಲ್ ದೇಶದಲ್ಲಿ ಟ್ರಾನ್ಸ್‌‌ ಕೂಡಾ ಅತ್ಯಂತ ಜನಪ್ರಿಯವಾಗಿದೆ. ನಿಝೊನಾಟ್‌ ಎಂದು ಕರೆಯಲ್ಪಡುವ ಇಸ್ರೇಲಿ ಉಪಪ್ರಕಾರವು, ಪ್ರಜ್ಞಾವಿಸ್ತಾರಕ ಮತ್ತು ಉನ್ನತಿಗೇರಿಸುವ ಟ್ರಾನ್ಸ್‌ನ ಒಂದು ಮಿಶ್ರಣವಾಗಿದೆ.

ಟ್ರಾನ್ಸ್‌‌ ಉತ್ಸವಗಳು

ಟ್ರಾನ್ಸ್‌‌ ಸಂಗೀತ ಉತ್ಸವಗಳು ಅಗಾಧವಾದ ಜನಸಂದಣಿಯನ್ನು ಆಕರ್ಷಿಸುತ್ತವೆ ಮತ್ತು ಅತ್ಯಾಧುನಿಕ ದೀಪದ ವ್ಯವಸ್ಥೆ, ಲೇಸರ್‌ ಪ್ರದರ್ಶನ ಹಾಗೂ ಬಾಣಬಿರುಸಿನ ಪ್ರದರ್ಶನಗಳನ್ನು ಇವು ಸಾಮಾನ್ಯವಾಗಿ ಒಳಗೊಂಡಿರುತ್ತವೆ. ಬೃಹತ್‌ ಟ್ರಾನ್ಸ್‌‌ ಉತ್ಸವಗಳ ಪೈಕಿ ಬಹುಪಾಲು ಉತ್ಸವಗಳು ಯುರೋಪ್‌ನಲ್ಲಿ ಆಯೋಜಿಸಲ್ಪಡುತ್ತವೆ‌.

ನೆದರ್ಲೆಂಡ್ಸ್‌

ಅತ್ಯುತ್ತಮವಾದ ಉತ್ಸವಗಳ ಪೈಕಿ ಕೆಲವು ನೆದರ್ಲೆಂಡ್ಸ್‌‌ನಲ್ಲಿ ಪ್ರದರ್ಶಿಸಲ್ಪಡುತ್ತವೆ‌. ನೆದರ್ಲೆಂಡ್ಸ್‌‌ನಲ್ಲಿ ನಡೆಯುವ ಟ್ರಾನ್ಸ್‌‌ ಉತ್ಸವಗಳು ಮುಖ್ಯವಾಗಿ ಮೂರು ಕಂಪನಿಗಳಿಂದ ಸಂಘಟಿಸಲ್ಪಡುತ್ತವೆ. ಅವುಗಳೆಂದರೆ: ID&T, UDC ಮತ್ತು Q-ಡಾನ್ಸ್‌‌.

• ಟಿಯೆಸ್ಟೊ ಇನ್‌ ಕನ್ಸರ್ಟ್‌ ಅರ್ನ್‌ಹೆಮ್‌:(೨೫,೦೦೦ ಭೇಟಿಗಾರರು): ಇದು ಟಿಯೆಸ್ಟೊನಿಂದ ನೀಡಲ್ಪಡುವ ಕೇವಲ ಗಿಗ್‌ ಮಾತ್ರವೇ ಇರುವ ಪ್ರದರ್ಶನವಾಗಿದೆ. ID&Tನಿಂದ ಇದು ಸಂಘಟಿಸಲ್ಪಡುತ್ತದೆ. ಅರ್ನ್‌ಹೆಮ್‌‌ನ ಗೆಲ್ರೆಡೋಮ್‌‌ನಲ್ಲಿ ಇದನ್ನು ಆಯೋಜಿಸಲಾಗುತ್ತದೆ.
• ಆರ್ಮಿನ್‌ ಓನ್ಲಿ, ಅಹೊಯ್‌, ರಾಟರ್‌ಡ್ಯಾಮ್‌: ಅತ್ಯಂತ ಜನಪ್ರಿಯನಾದ ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌ ಈ ಕಾರ್ಯಕ್ರಮದಲ್ಲಿ ಸಂಗೀತವನ್ನು ಬೆರೆಸುವ ಏಕೈಕ DJಯಾಗಿದ್ದಾನೆ. UDCಯಿಂದ ಇದು ಸಂಘಟಿಸಲ್ಪಡುತ್ತದೆ. (ಉಟ್ರೆಕ್ಟ್‌ನ ಜಾರ್‌ಬ್ಯೂಯರ್ಸ್‌ ಉಟ್ರೆಕ್ಟ್‌ ಎಂಬಲ್ಲಿ ಆರ್ಮಿನ್‌ ಓನ್ಲಿ ೨೦೦೮ ಆಯೋಜಿಸಲ್ಪಟ್ಟಿತ್ತು)
• ಫುಲ್‌ ಆನ್‌ ಫೆರ್ರಿ, ಅಹೊಯ್‌ ರಾಟರ್‌ಡ್ಯಾಮ್‌: ಫೆರ್ರಿ ಕಾರ್ಸ್ಟನ್‌ ಎಂಬಾತ DJಗಳೊಂದಿಗೆ ಬ್ಯಾಕ್‌ ೨ ಬ್ಯಾಕ್‌ನ ಪ್ರದರ್ಶನವನ್ನು ನೀಡುತ್ತಾನೆ. DJಗಳು ಕೂಡಾ ಹೌಸ್‌, ಟೆಕ್ನೊ ಸಂಗೀತ ಮತ್ತು ಪ್ರಗತಿಶೀಲದಂಥ (ಟ್ರಾನ್ಸ್‌‌) ಅನೇಕ ಇತರ ಶೈಲಿಗಳನ್ನು ಪ್ರದರ್ಶಿಸುತ್ತಾರೆ. ಈ ಪ್ರಕ್ರಿಯೆಯಲ್ಲಿನ ಅನೇಕ ವಿಭಿನ್ನ ಶೈಲಿಗಳ ನಿರ್ಮಾಪಕನಾಗಿರುವ ತನ್ನ ಸುದೀರ್ಘ ವೃತ್ತಿಜೀವನಕ್ಕೆ ಒಂದು ಪ್ರಗಾಥವಾಗಿ, ಇಂಥ DJಗಳನ್ನು ಸ್ವತಃ ಫೆರ್ರಿ ಎಚ್ಚರಿಕೆಯಿಂದ ಆರಿಸುತ್ತಾನೆ.
• ಮಿಸ್ಟರಿ ಲ್ಯಾಂಡ್‌, ಫ್ಲೋರಿಯಾಡೆ ಪಾರ್ಕ್‌ ಹಾರ್ಲೆಮ್ಮೀರ್‌ಮೀರ್‌ (೬೦,೦೦೦ ಭೇಟಿಗಾರರು): ಇದೊಂದು (ಟ್ರಾನ್ಸ್‌‌ ಮಾತ್ರವೇ ಅಲ್ಲದ) ಹೊರಾಂಗಣ ಉತ್ಸವವಾಗಿದ್ದು, ID&Tಯಿಂದ ಇದು ಸಂಘಟಿಸಲ್ಪಡುತ್ತದೆ.
• ಡಾನ್ಸ್‌ ವ್ಯಾಲಿ, ಸ್ಪಾರ್ನ್‌ವೌಡೆ (೫೫,೦೦೦ - ೯೦,೦೦೦ ಭೇಟಿಗಾರರು): ಇದೊಂದು (ಟ್ರಾನ್ಸ್‌‌ ಮಾತ್ರವೇ ಅಲ್ಲದ) ಹೊರಾಂಗಣ ಉತ್ಸವವಾಗಿದ್ದು, UDCನಿಂದ ಇದು ಸಂಘಟಿಸಲ್ಪಡುತ್ತದೆ.
• ಕ್ಲಿಮ್ಯಾಕ್ಸ್‌, ಗೆಲ್ರೆಡೋಮ್‌, ಅರ್ನ್‌ಹೆಮ್‌ (೨೫,೦೦೦ ಭೇಟಿಗಾರರು): ಇದೊಂದು ಕಠಿಣಶೈಲಿಯ, ಕಠಿಣ ಟ್ರಾನ್ಸ್‌‌ ಕಾರ್ಯಕ್ರಮವಾಗಿದ್ದು, ಇತ್ತೀಚೆಗೆ ಜನಪ್ರಿತೆಯನ್ನು ಗಳಿಸಿಕೊಂಡು ಬರುತ್ತಿದೆ. ತಾನು ಒಳಗೊಂಡಿರುವ ಪ್ರಭಾವಶಾಲಿ ಲೇಸರ್‌ ಪ್ರದರ್ಶನಕ್ಕಾಗಿ ಇದು ಹೆಸರುವಾಸಿಯಾಗಿದೆ. Q-ಡಾನ್ಸ್‌‌‌ನಿಂದ ಇದು ಸಂಘಟಿಸಲ್ಪಡುತ್ತದೆ.
• ಸೆನ್ಸೇಷನ್‌, ಆಮ್ಸ್ಟರ್‌ಟ್ಯಾಮ್‌ ಅರೆನಾ (ಎರಡು ರಾತ್ರಿಗಳಲ್ಲಿ ೮೦,೦೦೦ ಭೇಟಿಗಾರರು). ಕೇವಲ ಟ್ರಾನ್ಸ್‌‌ ಒಂದನ್ನೇ ಒಳಗೊಂಡಿರುವ ಉತ್ಸವವಾಗಿರದೆ, ಹೌಸ್‌ ಮತ್ತು ಕಠಿಣಶೈಲಿಯಂಥ ಅನೇಕ ಪ್ರಕಾರಗಳನ್ನು ಜೊತೆಯಲ್ಲಿ ಸಾದರಪಡಿಸುವ ಉತ್ಸವವಿದು. ಉತ್ಸವ ನಡೆಯುವ ತಾಣ (ಒಂದು ಫುಟ್‌ಬಾಲ್‌ ಕ್ರೀಡಾಂಗಣ) ಹಾಗೂ ದೀಪಗಳ ಪ್ರದರ್ಶನಕ್ಕಾಗಿ ಇದು ಪ್ರಸಿದ್ಧವಾಗಿದೆ. ID&Tನಿಂದ ಇದು ಸಂಘಟಿಸಲ್ಪಡುತ್ತದೆ.
• ಟ್ರಾನ್ಸ್‌‌ ಎನರ್ಜಿ, ಜಾರ್‌ಬ್ಯೂಯರ್ಸ್‌, ಉಟ್ರೆಕ್ಟ್‌ (೩೦,೦೦೦ ಭೇಟಿಗಾರರು): ಇದು ಕೇವಲ ಟ್ರಾನ್ಸ್‌‌ ಸಂಗೀತವನ್ನಷ್ಟೇ ಒಳಗೊಳ್ಳುವ ಒಂದು ಉತ್ಸವ, ಮತ್ತು ಟ್ರಾನ್ಸ್‌ನ ಪಟ್ಟುಬಿಡದ ಅಥವಾ ಕಟ್ಟಾ ಅಭಿಮಾನಿಗಳಿಗೆ ಸಂಬಂಧಿಸಿದಂತೆ ಇದು ಅತ್ಯಂತ ಜನಪ್ರಿಯ‌. ಉತ್ತಮವಾಗಿ ಸ್ವೀಕರಿಸಲ್ಪಟ್ಟಿರುವ ಅನೇಕ DJಗಳು ಈ ಕಾರ್ಯಕ್ರಮದಲ್ಲಿ ಸೆಟ್ಟುಗಳನ್ನು ಆಡಿ, ಅದರದ್ದೇ ಆದ ಕೀರ್ತಿಯನ್ನು ಸೃಷ್ಟಿಸುವಲ್ಲಿ ನೆರವಾಗಿದ್ದಾರೆ. ID&Tಯಿಂದ ಇದು ಸಂಘಟಿಸಲ್ಪಡುತ್ತದೆ.
• ಇಂಪಲ್ಸ್‌ಟಾಂಜ್‌ ಉತ್ಸವ: ಬ್ರಬಾಂಥಾಲ್ಲೆನ್‌ನ ಹೆರ್ಟೋಜೆನ್‌ಬೋಷ್‌ನಲ್ಲಿ (೨೦,೦೦೦ ಭೇಟಿಗಾರರು) ಒಂದು ಪ್ರಯೋಗಾತ್ಮಕ-ಪರೀಕ್ಷೆಯಾಗಿ ಪ್ರಾರಂಭವಾದ ಇದು, ಬೆನಿಲಕ್ಸ್‌ ದೇಶಗಳು, ಫ್ರಾನ್ಸ್‌ ಮತ್ತು ಜರ್ಮನಿಯಲ್ಲಿ ಒಂದು ಚಿರಪರಿಚಿತ ಉತ್ಸವವಾಗಿ ಮಾರ್ಪಟ್ಟಿತು.

ಯುನೈಟೆಡ್ ಕಿಂಗ್‌ಡಮ್‌

ಗೇಟ್‌ಕ್ರಾಶರ್‌ನಲ್ಲಿನ ಕ್ಲಬ್‌ ಸದಸ್ಯರು

• ಗ್ಲೋಬಲ್‌ ಗ್ಯಾದರಿಂಗ್‌ ಉತ್ಸವ. ಏಂಜಲ್‌ ಮ್ಯೂಸಿಕ್‌ ಗ್ರೂಪ್ ಇದರ ‌ಪ್ರವರ್ತಕನಾಗಿದೆ. ಇದು ವಾರಾಂತ್ಯದ ಸುದೀರ್ಘ ಜಾಗತಿಕ ಕೂಟವಾಗಿದ್ದು, ಪ್ರತಿ ಬೇಸಿಗೆಯಲ್ಲಿ ಆಯೋಜಿಸಲ್ಪಡುತ್ತದೆ. ತನ್ನ ಪ್ರಧಾನ ವಿಷಯವನ್ನಾಗಿ ಗಾಡ್ಸ್‌ಕಿಚನ್‌ ಎಂಬ ಅಖಾಡವನ್ನು ಒಳಗೊಳ್ಳುವ ಇದು, ವಿಶ್ವದಲ್ಲಿನ ಅತ್ಯುತ್ತಮ ಟ್ರಾನ್ಸ್‌‌ ಮತ್ತು ಟೆಕ್ನೊ ಸಂಗೀತದ ಪ್ರದರ್ಶನಗಳನ್ನು ಪ್ರದರ್ಶಿಸುತ್ತದೆ ಹಾಗೂ ಶುಕ್ರವಾರದ ಒಂದು ಮಧ್ಯಾಹ್ನದಿಂದ ಭಾನುವಾರದ ಒಂದು ಬೆಳಗಿನವರೆಗೆ ೪೫,೦೦೦ ಜನರನ್ನು ಆಕರ್ಷಿಸುತ್ತದೆ. ಗಾಡ್ಸ್‌ಕಿಚನ್‌ ಬ್ರಾಂಡ್‌ನ ಅಡಿಯಲ್ಲಿ ಕ್ರೀಡಾಂಗಣದ ಇತರ ಟ್ರಾನ್ಸ್‌‌ ಕಾರ್ಯಕ್ರಮಗಳನ್ನೂ ಸಂಘಟನೆಯು ಉತ್ತೇಜಿಸುತ್ತದೆ. ಇವುಗಳ ಪೈಕಿ ಅತ್ಯಂತ ದೊಡ್ಡದೆನಿಸಿಕೊಂಡಿರುವುದು ಗಾಡ್ಸ್‌ಕಿಚನ್‌: ಎ ಗಿಫ್ಟ್‌ ಫ್ರಂ ದಿ ಗಾಡ್ಸ್‌ ಎಂಬ ಕಾರ್ಯಕ್ರಮ. ಇದು ಹಿಂದೆ ೨೦೦೩ರ ಏಪ್ರಿಲ್‌ನಲ್ಲಿ, UKಯ ಬರ್ಮಿಂಗ್‌ಹ್ಯಾಮ್‌‌ನಲ್ಲಿರುವ ನ್ಯಾಷನಲ್‌ ಎಗ್ಸಿಬಿಷನ್‌ ಸೆಂಟರ್‌‌‌‌ಗೆ ೧೨,೦೦೦ದಷ್ಟು ಸಂಭ್ರಮ ವಿಲಾಸಿಗಳನ್ನು ಸೆಳೆದು ತಂದಿತ್ತು.
• ಕ್ರೀಮ್‌‌ನ ವಾರ್ಷಿಕ ಕ್ರೀಮ್‌ಫೀಲ್ಡ್ಸ್‌ ಉತ್ಸವವೂ ಸಹ ಕಳೆದ ೮ ವರ್ಷಗಳಿಂದ ಯುನೈಟೆಡ್‌ ಕಿಂಗ್‌ಡಂನಾದ್ಯಂತ ಇರುವ ಹಲವಾರು ತಾಣಗಳಲ್ಲಿ ೧೦,೦೦೦ದಷ್ಟು ಸಾಮರ್ಥ್ಯದ ಒಂದು ಟ್ರಾನ್ಸ್‌‌ ಅಖಾಡವನ್ನು ಪ್ರದರ್ಶಿಸಿದೆ.
• ಗೇಟ್‌ಕ್ರಾಶರ್‌ ಕೂಡಾ ವಿರಳವಾದ ಕಾರ್ಯಕ್ರಮಗಳನ್ನು ಪ್ರವರ್ತಿಸುತ್ತದೆ ಮತ್ತು ಹಿಂದೆ ಬರ್ಮಿಂಗ್‌ಹ್ಯಾಮ್‌ N.E.Cಯಂಥ ತಾಣಗಳನ್ನೂ ಅದು ಬಳಸಿದೆ. ಬೆಂಕಿಯ ಹಾನಿಯ ಕಾರಣದಿಂದಾಗಿ ಗೇಟ್‌ಕ್ರಾಶರ್‌ ಪ್ರಸ್ತುತ ಸರಣಿಭಂಗದ ಸ್ಥಿತಿಯಲ್ಲಿದ್ದು, ಮುಂದಿನ ಸೂಚನೆ ಬರುವವರೆಗೂ ಹಾಗೆಯೇ ಇರುತ್ತದೆ.
• ಸೌತ್‌ ವೆಸ್ಟ್‌ ಫೋರ್‌‌‌ ಪ್ರತಿವರ್ಷವೂ ಬೇಸಿಗೆಯಲ್ಲಿ ಆಯೋಜಿಸಲ್ಪಡುತ್ತದೆ. ಲಂಡನ್‌ನ ಕ್ಲಾಫಾಮ್‌ ಕಾಮನ್‌ನಲ್ಲಿ ಮನೆಯ ಹಿಂದಿನ ಅಂಗಳದ ಒಂದು ಕೂಟವಾಗಿ ತನ್ನ ನೆಲೆಯನ್ನು ಕಂಡುಕೊಂಡಾಗಿನ ಪ್ರಾರಂಭದಿಂದಲೂ ಇದು ಒಂದು ಸುದೀರ್ಘ ಹಾದಿಯನ್ನು ಸವೆಸಿದೆ.೨೦೦೬ರಲ್ಲಿ ಇದು ಕಾರ್ಡಿಫ್‌ಗೆ ವರ್ಗಾವಣೆಗೊಂಡಿತು.
• ಪ್ಲಾನೆಟ್‌ ಲವ್‌ ಎಂಬ ಉತ್ತರದ ಐರ್ಲೆಂಡ್‌ನ ಉತ್ಸವವೂ ಸಹ ೯೦ರ ದಶಕದ ಆರಂಭದಿಂದಲೂ ಪೋರ್ಟ್‌ರಷ್‌ನಲ್ಲಿನ ಐತಿಹ್ಯದ ಕೆಲ್ಲಿ'ಸ್‌ ಕಾಂಪ್ಲೆಕ್ಸ್‌‌ನಲ್ಲಿ, ವರ್ಧಿಸುತ್ತಾ ಬಂದ ಒಂದು ಟ್ರಾನ್ಸ್‌‌ ದೃಶ್ಯವನ್ನು ಹೊಂದಿತ್ತು ಹಾಗೂ ಈ ಮೂಲಕ DJಗಳಾದ X-ray & Siನಂಥ ಸ್ಥಳೀಯ ಟ್ರಾನ್ಸ್‌‌ ಪಥನಿರ್ಮಾಪಕರಿಗೆ ಉತ್ತರದ ಐರ್ಲೆಂಡ್‌ನ ನೃತ್ಯ ಸಂಗೀತದ ಕೀರ್ತಿಭವನದೊಳಗೆ ಸ್ಥಾನ ಕಲ್ಪಿಸಿತು.

ಐರ್ಲೆಂಡ್‌ನ ಉತ್ತರ ಮತ್ತು ದಕ್ಷಿಣ ಭಾಗಗಳೆರಡರಲ್ಲೂ ಒಂದು ವಾರ್ಷಿಕ ಉತ್ಸವವನ್ನು, ಹಾಗೂ ಸಣ್ಣ ಪ್ರಮಾಣದಲ್ಲಿ ಇತರ ಹಲವಾರು ಕಾರ್ಯಕ್ರಮಗಳನ್ನು ಪ್ಲಾನೆಟ್‌ ಲವ್‌ ನಡೆಸುತ್ತದೆ.

ಜಡ್ಜ್‌ ಜೂಲ್ಸ್‌, ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌, ಪಾಲ್‌ ವ್ಯಾನ್‌ ಡಿಕ್‌ ಮತ್ತು ಟಿಯೆಸ್ಟೊರಂಥ ಪ್ರಮುಖ DJಗಳು ಪ್ಲಾನೆಟ್‌ ಲವ್‌ ಕಾರ್ಯಕ್ರಮಗಳಲ್ಲಿ ಪ್ರದರ್ಶನವನ್ನು ನೀಡಿದ್ದಾರೆ.

ಉತ್ತರ ಅಮೆರಿಕ

• ಎಲೆಕ್ಟ್ರಿಕ್‌ ಡೈಸಿ ಕಾರ್ನಿವಲ್‌ ಲಾಸ್‌ ಏಂಜಲೀಸ್‌‌ನಲ್ಲಿ (ಆದರೆ ಡೆನ್‌ವರ್‌ನಲ್ಲೂ ನಡೆಸಲ್ಪಡ್ಡಿದೆ) ಇನ್‌ಸೋಮ್ನಿಯಾಕ್‌ ಇವೆಂಟ್ಸ್‌‌ನಿಂದ ನಡೆಸಲ್ಪಡುತ್ತದೆ. ಪ್ರತಿವರ್ಷವೂ ಜೂನ್‌ ತಿಂಗಳ ಕೊನೆಯ ವಾರಾಂತ್ಯದಂದು ಒಲಿಂಪಿಕ್‌-ಗಾತ್ರದ ಲಾಸ್‌ ಏಂಜಲೀಸ್‌ ಕ್ರೀಡಾಂಗಣದೊಂದಿಗೆ ಎಕ್ಸ್‌ಪೊಸಿಷನ್‌ ಪಾರ್ಕ್‌ನ್ನು ಇದು ಸಂಯೋಜಿಸುತ್ತದೆ. ೨೦೦೯ರಲ್ಲಿ ಈ ಉತ್ಸವವು ಎರಡು ದಿನಗಳ ಒಂದು ಕಾರ್ಯಕ್ರಮವಾಗಿ ವಿಭಜಿಸಲ್ಪಟ್ಟಿತು. ಎರಡನೆಯ ದಿನದ ಕಾರ್ಯಕ್ರಮವು ಸುಮಾರು ೯೦,೦೦೦ದಷ್ಟು ಸಂಖ್ಯೆಯ ಜನರನ್ನು ಸೆಳೆದುತಂದಿತು.
• ಮಾನ್‌ಸ್ಟರ್‌ ಮ್ಯಾಸಿವ್‌ ಎಂಬುದು ಲಾಸ್‌ ಏಂಜಲೀಸ್‌ ಕ್ರೀಡಾ ವಲಯದ ಒಂದು ಕಾರ್ಯಕ್ರಮವಾಗಿದ್ದು, ಹ್ಯಾಲೊವೀನ್‌ನ ರಾತ್ರಿಯ ಆಸುಪಾಸಿನಲ್ಲಿ ವರ್ಷಕ್ಕೊಮ್ಮೆ ಆಯೋಜಿಸಲ್ಪಡುತ್ತದೆ. ವಿಶಿಷ್ಟವೆನಿಸುವಂತೆ ೧೫,೦೦೦ಕ್ಕೂ ಮೀರಿದ ಸಂಖ್ಯೆಯಲ್ಲಿನ ಪ್ರೇಕ್ಷಕರು ಇಲ್ಲಿ ಹಾಜರಿರುತ್ತಾರೆ. ೨೦೦೮ರಲ್ಲಿ ಈ ಕಾರ್ಯಕ್ರಮಕ್ಕೆ ೬೫,೦೦೦ಕ್ಕೂ ಹೆಚ್ಚಿನ ಪ್ರೇಕ್ಷಕರ ಹಾಜರಿಯಿತ್ತು ಎಂದು ವರದಿಯಾಗಿತ್ತು.
• ಟುಗೆದರ್‌ ಆಸ್‌ ಒನ್‌ ಎಂಬುದು ಹೊಸವರ್ಷದ ಮುನ್ನಾದಿನದ ಒಂದು ವಾರ್ಷಿಕ ಉತ್ಸವವಾಗಿದ್ದು, ಇದು ಲಾಸ್‌ ಏಂಜಲೀಸ್‌ ಸ್ಪೋರ್ಟ್ಸ್‌ ಅರೆನಾದಲ್ಲಿ ಆಯೋಜಿಸಲ್ಪಡುತ್ತದೆ. ಉತ್ತರ ಅಮೆರಿಕಾದಲ್ಲಿನ ಹೊಸವರ್ಷದ ಅತ್ಯಂತ ದೊಡ್ಡ ನೃತ್ಯ ಸಂಗೀತ ಕಾರ್ಯಕ್ರಮ ಎಂಬ ಹೆಸರನ್ನು ಪಡೆದಿರುವ ಈ ಉತ್ಸವವು ಸಾಮಾನ್ಯವಾಗಿ ೪೦,೦೦೦ಕ್ಕೂ ಹೆಚ್ಚಿನ ಪ್ರೇಕ್ಷಕರನ್ನು ಸೆಳೆಯುತ್ತದೆ.
• ನಾಕ್ಟರ್ನಲ್‌ ಫೆಸ್ಟಿವಲ್‌ ಎಂಬುದು ದಕ್ಷಿಣದ ಕ್ಯಾಲಿಫೋರ್ನಿಯಾದ ಒಂದು ಬೃಹತ್ತಾದ ವಾರ್ಷಿಕ ಕಾರ್ಯಕ್ರಮವಾಗಿದ್ದು, ಆಗಸ್ಟ್‌ ಅಥವಾ ಸೆಪ್ಟೆಂಬರ್ ತಿಂಗಳಲ್ಲಿ ಸ್ಯಾನ್‌ ಬೆರ್ನಾರ್ಡಿನೊದಲ್ಲಿನ NOS ಇವೆಂಟ್ಸ್‌ ಸೆಂಟರ್‌ನಲ್ಲಿ ಆಯೋಜಿಸಲ್ಪಡುತ್ತದೆ. ವಿಶಿಷ್ಟವೆನಿಸುವಂತೆ ೨೦,೦೦೦ಕ್ಕೂ ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರನ್ನು ಇದು ಸೆಳೆದು ತರುತ್ತಿದೆಯಾದರೂ, ಈ ಸಂಖ್ಯೆಯು ಏಕಪ್ರಕಾರವಾಗಿ ಬೆಳೆಯುತ್ತಲೇ ಇದೆ.
• ಅಲ್ಟ್ರಾ ಮ್ಯೂಸಿಕ್‌ ಫೆಸ್ಟಿವಲ್‌, ಮಿಯಾಮಿ, ಫ್ಲೋರಿಡಾ, USA: (೮೦,೦೦೦ ಭೇಟಿಗಾರರು): ಇದೊಂದು ಎರಡು ದಿನದ ಸುದೀರ್ಘ ಕಾರ್ಯಕ್ರಮವಾಗಿದ್ದು, ಹನ್ನೊಂದು ವೇದಿಕೆಗಳಲ್ಲಿ ವಿಭಿನ್ನ ಪ್ರಕಾರಗಳ ಇಲೆಕ್ಟ್ರಾನಿಕ್‌ ಸಂಗೀತಸುಧೆ ಹರಿಯುತ್ತಿದ್ದರೆ, ಮುಖ್ಯ ವೇದಿಕೆಯಲ್ಲಿ ಟ್ರಾನ್ಸ್‌ ಸಂಗೀತದೆಡೆಗೆ ಗಮನಹರಿಸಲಾಗುತ್ತದೆ. ಪರಸ್ಪರ ಚಿರಪರಿಚಿತರಾಗಿರುವ ತಮ್ಮ ಅನೇಕ DJಗಳ ಶ್ರೇಣಿಗಾಗಿ ಈ ಕಾರ್ಯಕ್ರಮಗಳು ಪ್ರಸಿದ್ಧಿ ಪಡೆದಿದ್ದು, ಇದರ ಜೊತೆಯಲ್ಲಿ ಬಾಣಬಿರುಸು ಪ್ರದರ್ಶನಗಳು ಹಾಗೂ ಬೆಳಕು/ಲೇಸರ್‌ ಪ್ರದರ್ಶನಗಳನ್ನೂ ಅವು ಒಳಗೊಳ್ಳುತ್ತವೆ.
• ಎಲೆಕ್ಟ್ರಿಕ್‌ ಝೂ ಫೆಸ್ಟಿವಲ್‌ ಎಂಬುದು ನ್ಯೂಯಾರ್ಕ್‌‌ನಲ್ಲಿ ಮೇಡ್‌ ಇವೆಂಟ್‌ನಿಂದ ನಡೆಸಲ್ಪಡುವ ಉತ್ಸವವಾಗಿದೆ.
• ವಿಶ್ವ ಇಲೆಕ್ಟ್ರಾನಿಕ್‌ ಸಂಗೀತ ಉತ್ಸವ: ಇದು ಕೆನಡಾದಲ್ಲಿ ವಾರ್ಷಿಕವಾಗಿ ನಡೆಸಲಾಗುವ ಉತ್ಸವ. ಮೂರು-ದಿನಗಳ ಕಾಲ ನಡೆಯುವ ಈ ಹೊರಾಂಗಣ ಕಾರ್ಯಕ್ರಮವು ಮುಖ್ಯವಾಗಿ ಟ್ರಾನ್ಸ್ ಪ್ರಕಾರವನ್ನು ಒಳಗೊಂಡಿರುತ್ತದೆಯಾದರೂ, ಕಳೆದ ಹದಿಮೂರು ವರ್ಷಗಳಿಂದ ಕಠಿಣ ನೃತ್ಯ ಹಾಗೂ ಕಾಡಿನ ('ಹ್ಯಾಪಿ ಹಾರ್ಡ್‌ಕೋರ್‌' ಶೈಲಿಯನ್ನು ಕೂಡಾ ಒಳಗೊಂಡಂತೆ) ನೃತ್ಯಗಳನ್ನು ಕೂಡಾ ಆಯೋಜಿಸಲಾಗುತ್ತಿದೆ. ೨೦೦೮ರ ಉತ್ಸವವು ಇದರ ಪ್ರಸಕ್ತ ಸ್ವರೂಪದಲ್ಲಿನ ಅಂತಿಮ ಉತ್ಸವವಾಗಲಿದೆ. ಇದು WEMF ಎಂಬುದಾಗಿ ಕೂಡಾ ಚಿರಪರಿಚಿತವಾಗಿದೆ.
• ಚಳಿಗಾಲದ ಸಂಗೀತ ಸಮ್ಮೇಳನ: ಮಿಯಾಮಿಯಲ್ಲಿ ಉತ್ತರಾರ್ಧಗೋಳದ ಚಳಿಗಾಲದ ಅಂತ್ಯದ ವೇಳೆಗೆ ವಾರ್ಷಿಕವಾಗಿ ನಡೆಸಲ್ಪಡುವ ಉತ್ಸವವಾದ WMCಯು, ಒಂದು ವಾರದಷ್ಟು-ದೀರ್ಘವಾದ ಸಮ್ಮೇಳನ ಮತ್ತು ಉತ್ಸವವಾಗಿದ್ದು, ವಿಶ್ವದಲ್ಲಿನ ಪ್ರತಿವರ್ಷದ ಅತ್ಯಂತ ಜನಪ್ರಿಯ DJಗಳ ಪೈಕಿ ಅನೇಕರನ್ನು ಇದು ಒಳಗೊಳ್ಳುತ್ತದೆ.
• ಲವ್‌ ಫೆಸ್ಟ್‌: ಇದು CAನ ಸ್ಯಾನ್‌ ಫ್ರಾನ್ಸಿಸ್ಕೊನಲ್ಲಿ ಪ್ರತಿವರ್ಷವೂ ಆಯೋಜಿಸಲ್ಪಡುತ್ತದೆ. ಹಿಂದೆ ಇದು ಲವ್‌ ಪೆರೇಡ್‌ ಎಂಬ ಹೆಸರಿನಿಂದ ಖ್ಯಾತವಾಗಿತ್ತು. ವಿಶಿಷ್ಟವೆನಿಸುವಂತೆ ೬೦,೦೦೦ಕ್ಕೂ ಹೆಚ್ಚಿನ ಪ್ರೇಕ್ಷಕರು ಪ್ರಖ್ಯಾತ DJಗಳ ಸುದೀರ್ಘವಾದ ಮೆರವಣಿಗೆಯನ್ನು ವೀಕ್ಷಿಸುತ್ತಾರೆ. ಮಾರ್ಕೆಟ್‌ ಸ್ಟ್ರೀಟ್‌ನಿಂದ ಪ್ರಾರಂಭವಾಗುವ ಈ ಮೆರವಣಿಗೆಯು ಒಂದು ಆಶು ನೃತ್ಯಕೂಟಕ್ಕಾಗಿರುವ ಸ್ಯಾನ್‌ ಫ್ರಾನ್ಸಿಸ್ಕೊ ಸಿಟಿ ಹಾಲ್‌ನಲ್ಲಿ ಕೊನೆಗೊಳ್ಳುತ್ತದೆ. ಲವ್‌ ಫೆಸ್ಟ್‌ ನಂತರ, ಸ್ಯಾನ್‌ ಫ್ರಾನ್ಸಿಸ್ಕೊ ಸಿಟಿ ಹಾಲ್‌ನ ಮಗ್ಗುಲಲ್ಲಿರುವ ಬಿಲ್‌ ಗ್ರಹಾಮ್‌ ಸಿವಿಕ್‌ ಆಡಿಟೋರಿಯಂನಲ್ಲಿ ಆಯೋಜಿಸಲ್ಪಡುವ ಲವ್‌ ಫೆಸ್ಟ್‌ನ ಅಧಿಕೃತ ನಂತರದಕೂಟವು ನಡೆಯುತ್ತದೆ. ಈ ಕಾರ್ಯಕ್ರಮವು ಸಾಮಾನ್ಯವಾಗಿ ಮಧ್ಯಾಹ್ನ ೧೨:೦೦ ಗಂಟೆಯಿಂದ ಮರುದಿನ ಬೆಳಗ್ಗೆ ೪:೦೦ ಗಂಟೆಯವರೆಗೂ ನಡೆಯುತ್ತದೆ. ಪ್ರಮುಖ ಕಾರ್ಯಕ್ರಮವು ಪ್ರಾರಂಭವಾಗುವವರೆಗೂ ಇತರ ಅನೇಕ ಕಾರ್ಯಕ್ರಮಗಳು ವಾರಾದ್ಯಂತ ಜರುಗುತ್ತಿರುತ್ತವೆ ಮತ್ತು ಅತಿಥಿ DJಗಳು ಅನೇಕ ಕ್ಲಬ್ಬುಗಳಲ್ಲಿ ಕಾರ್ಯಕ್ರಮವನ್ನು ನೀಡುತ್ತಿರುತ್ತಾರೆ.
• USC: ಇದು WAನ ಸಿಯಾಟ್ಲ್‌ನಲ್ಲಿ ವಾರ್ಷಿಕವಾಗಿ ಆಯೋಜಿಸಲ್ಪಡುತ್ತದೆ (ವಿಶಿಷ್ಟವೆನಿಸುವಂತೆ ೭,೦೦೦ರಿಂದ ೧೦,೦೦೦ವರೆಗಿನ ಪ್ರೇಕ್ಷಕರು ಇದರಲ್ಲಿ ಪಾಲ್ಗೊಳ್ಳುತ್ತಾರೆ). USCಯು ಅಮೆರಿಕಾದ ವಾಯವ್ಯ ಭಾಗದ ಅತ್ಯಂತ ದೊಡ್ಡ ಟ್ರಾನ್ಸ್‌‌/ಇಲೆಕ್ಟ್ರಾನಿಕ್‌ ಸಂಗೀತ ಕಾರ್ಯಕ್ರಮವಾಗಿದೆ. ೨೦೦೭ರ ಕಾರ್ಯಕ್ರಮದಲ್ಲಿನ ಮೂರು ವೇದಿಕೆಗಳಲ್ಲಿ ಪಾಲ್‌ ವ್ಯಾನ್‌ ಡಿಕ್‌ ಓರ್ವ ಪ್ರಚಾರ-ನಿರೂಪಕನಾಗಿ ಕಾಣಿಸಿಕೊಂಡಿದ್ದ. ೨೦೦೮ರ ಕಾರ್ಯಕ್ರಮವು DJಗಳಾದ ಟಿಯೆಸ್ಟೊ, BT, DJ ಡ್ಯಾನ್‌, ಮತ್ತು ಡೊನಾಲ್ಡ್‌ ಗ್ಲೌಡ್ ಇವರೇ ಮೊದಲಾದವರನ್ನು ಒಳಗೊಂಡಿತ್ತು. ಈ ಕಾರ್ಯಕ್ರಮವು ವಿಶಿಷ್ಟವೆನಿಸುವಂತೆ ಒಂದು ಬೇಸಿಗೆಯ ಕಾರ್ಯಕ್ರಮವಾಗಿದ್ದು, ೯ PMನಿಂದ ೧೦ AMವರೆಗೆ ನಡೆಯುತ್ತದೆ ಮತ್ತು ಕೊನೆಯ ಆರು ಗಂಟೆಗಳನ್ನು ಒಂದು ನಂತರದ ಕೂಟಕ್ಕಾಗಿ ಮೀಸಲಿಡಲಾಗುತ್ತದೆ. ಈ ಕಾರ್ಯಕ್ರಮವು ಸ್ಥಳೀಯ ಅಗ್ರಗಣ್ಯ DJಗಳಿಗೆ ಒಂದು ಪ್ರದರ್ಶನ ವೇದಿಕೆಯೂ ಆಗಿದೆ.
• ಜಾಗತಿಕ ನೃತ್ಯ ಉತ್ಸವ: ಇದು COದ ಡೆನ್‌ವರ್‌ನ ಹೊರಭಾಗದಲ್ಲಿನ ರೆಡ್‌ ರಾಕ್ಸ್‌ ಆಂಫಿಥಿಯೇಟರ್‌‌‌ನಲ್ಲಿ ವಾರ್ಷಿಕವಾಗಿ ಆಯೋಜಿಸಲ್ಪಡುತ್ತದೆ. ವಿಶಿಷ್ಟವೆನಿಸುವಂತೆ ಅನೇಕ ಪ್ರಸಿದ್ಧ DJಗಳನ್ನು ಒಳಗೊಂಡ ಸುಮಾರು ೭ ಗಂಟೆ ಅವಧಿಯ ಕಾರ್ಯಕ್ರಮವನ್ನು ೧೦,೦೦೦ಕ್ಕೂ ಹೆಚ್ಚಿನ ಪ್ರೇಕ್ಷಕರು ವೀಕ್ಷಿಸುತ್ತಾರೆ. ಹಿಂದಿನ ವರ್ಷಗಳಲ್ಲಿ ಭಾಗವಹಿಸಿದ್ದ ಪ್ರಚಾರ-ನಿರೂಪಕರಲ್ಲಿ ಪಾಲ್‌ ವ್ಯಾನ್‌ ಡಿಕ್‌, ಟಿಯೆಸ್ಟೊ, ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌, ಮತ್ತು ಫೆರ್ರಿ ಕಾರ್ಸ್ಟನ್ ಇವರೇ ಮೊದಲಾದವರು ಸೇರಿದ್ದರು‌. ಸಶಾ ಮತ್ತು ಜಾನ್‌ ಡಿಗ್‌ವೀಡ್‌ ಎಂಬಿಬ್ಬರು ೨೦೦೯ರ ಪ್ರದರ್ಶನ ಕಾರ್ಯಕ್ರಮವನ್ನು ಪ್ರಚಾರ ಮಾಡಿದರು.
• ಬಾಲ್‌ ಎನ್‌ ಬ್ಲಾಂಕ್‌: ಇದೊಂದು ದೊಡ್ಡ ರೇವ್‌ ಕೂಟವಾಗಿದ್ದು, ಕೆನಡಾದ ಮಾಂಟ್ರಿಯಲ್‌ನಲ್ಲಿ ಈಸ್ಟರ್‌ ರಜೆಯ ವಾರಾಂತ್ಯದ ಸಮಯದಲ್ಲಿ ಏಪ್ರಿಲ್‌ ತಿಂಗಳಲ್ಲಿ ವಾರ್ಷಿಕವಾಗಿ ಆಯೋಜಿಸಲ್ಪಡುತ್ತದೆ. ವಿಶ್ವದೆಲ್ಲೆಡೆಯಿಂದ ಬಂದಿರುವ ಪ್ರಚಾರ-ನಿರೂಪಕ DJಗಳನ್ನು ಇದು ಒಳಗೊಳ್ಳುತ್ತದೆ ಮತ್ತು ೧೫,೦೦೦ಕ್ಕೂ ಹೆಚ್ಚಿನ ಪ್ರೇಕ್ಷಕರನ್ನು ಆಕರ್ಷಿಸುತ್ತದೆ. ಈ ಕಾರ್ಯಕ್ರಮವು ಸಾಮಾನ್ಯವಾಗಿ ಎರಡು ಪ್ರತ್ಯೇಕ ವಿಭಾಗಗಳನ್ನು ಹೊಂದಿರುತ್ತದೆ. ಒಂದು ಹೌಸ್‌ ಸಂಗೀತಕ್ಕೆ ಸಂಬಂಧಪಟ್ಟಿದ್ದರೆ, ಮತ್ತೊಂದು ಟ್ರಾನ್ಸ್‌‌ ಸಂಗೀತಕ್ಕೆ ಸಂಬಂಧಪಟ್ಟಿರುತ್ತದೆ. ಸಾಮಾನ್ಯವಾಗಿ ಇದು ೧೪ ಗಂಟೆಗಳಿಗಿಂತಲೂ ಹೆಚ್ಚಿನ ಅವಧಿಯವರೆಗೆ ನಡೆಯುತ್ತದೆ. ೨೦೦೯ರ ಏಪ್ರಿಲ್‌ನಲ್ಲಿ ನಡೆದ ೧೫ನೇ ವಾರ್ಷಿಕೋತ್ಸವದಲ್ಲಿ ಹಾಜರಿದ್ದವರೆಂದರೆ: ಇನ್‌ಸೋಮ್ನಿಯಾ, ಮಾರ್ಕಸ್‌ ಷುಲ್ಜ್‌, ಎಬೌ ಅಂಡ್‌ ಬಿಯಾಂಡ್‌, ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌, ರೋಜರ್‌ ಷಾ, ಕಿಂಗ್‌ ಲೂಯಿಸ್‌, ಅಪ್ಪರ್‌ಕಟ್‌, ಓಫರ್‌ ನಿಸ್ಸಿಮ್‌, ಅನಾ ಪೌಲಾ, ಆಕ್ಸ್‌ವೆಲ್‌, ಡೆಡ್‌ಮೌ5, ವಿಕ್ಟರ್‌ ಕ್ಯಾಲ್ಡೆರೋನ್‌.

ಇತರೆ

• ಪೋರ್ಚುಗಲ್‌: ೧೯೯೭ರಿಂದ ನಡೆಯುತ್ತಿರುವ ಬೂಮ್‌ ಫೆಸ್ಟಿವಲ್‌ (ಇದರ ಕೊನೆಯ ಆವೃತ್ತಿಯು ಇದನ್ಹಾ-ಎ-ನೊವಾದಲ್ಲಿ ನಡೆಯಿತು). ಇದು ಪ್ರತಿ ಎರಡು ವರ್ಷಗಳಿಗೊಮ್ಮೆ ನಡೆಯುವ ಒಂದು ಹೊರಾಂಗಣ ಉತ್ಸವವಾಗಿದೆ. ಹಲವಾರು ದಿನಗಳವರೆಗೆ ನಡೆಯುವ ಈ ಉತ್ಸವವು ಪ್ರಜ್ಞಾವಿಸ್ತಾರಕ ಗೋವಾ ಟ್ರಾನ್ಸ್‌ಗೆ ಹೆಚ್ಚಿನ ಗಮನವನ್ನು ನೀಡುತ್ತದೆ‌‌. ಈ ಉತ್ಸವವು ಕಾರ್ಯಾಗಾರಗಳು, ಪ್ರಸ್ತುತಿಗಳು, ಮತ್ತು ಚಲನಚಿತ್ರ ಇವುಗಳನ್ನೂ ಸಹ ಒಳಗೊಳ್ಳುತ್ತದೆ.
• ಜರ್ಮನಿ: ಫುಲ್‌ ಮೂನ್‌ ಟ್ರಾನ್ಸ್‌‌ ಫೆಸ್ಟಿವಲ್‌ ಎಂಬ ಹೆಸರಿನ ಈ ಕಾರ್ಯಕ್ರಮವು ಜುಲೈ ತಿಂಗಳ ೭ರಿಂದ ೧೨ರ ಅವಧಿಯಲ್ಲಿ ಜರ್ಮನಿಯ ವಿಟ್‌ಸ್ಟಾಕ್‌ ಮತ್ತು ರೋಬೆಲ್‌ ನಗರಗಳಲ್ಲಿ ನಡೆಯುತ್ತದೆ. ಈ ಉತ್ಸವವು ಪ್ರಜ್ಞಾವಿಸ್ತಾರಕ ಟ್ರಾನ್ಸ್‌‌ನ್ನು ಆಚರಿಸುತ್ತದೆ‌‌. ೨೦೦೬ರ ವರ್ಷದ ಟ್ರಾನ್ಸ್‌ನಲ್ಲಿ ಇನ್‌ಫೆಕ್ಟೆಡ್‌ ಮಶ್ರೂಮ್‌, ಆಸ್ಟ್ರಲ್‌ ಪ್ರೊಜೆಕ್ಷನ್‌, ಆಸ್ಟ್ರಿಕ್ಸ್‌, ಸ್ಪೇಸ್‌ ಟ್ರೈಬ್‌, 1200 ಮೈಕ್ಸ್‌, GMS, ಎಥಿಕಾ, ಒಫೊರಿಯಾ, ಅಟಾಮಿಕ್‌ ಪಲ್ಸ್‌, ಎಲೆಕ್ಟ್ರಿಕ್‌ ಯೂನಿವರ್ಸ್‌ ಹಾಗೂ ಪ್ಯಾರಾಸೆನ್ಸ್‌‌‌ನಂಥ ಕಲಾವಿದರು ಮತ್ತು ಇನ್ನೂ ಅನೇಕರು ಪ್ರದರ್ಶನ ನೀಡಿದರು.[೧]. ವೂವ್‌ ಫೆಸ್ಟಿವಲ್ ಎಂಬುದು ವಿಶ್ವದೆಲ್ಲೆಡೆಯಿಂದ ಬರುವ ಟ್ರಾನ್ಸ್‌‌ ಸಂಗೀತದ ಪ್ರೇಮಿಗಳಿಗಾಗಿರುವ ಒಂದು ಅಂತರರಾಷ್ಟ್ರೀಯ ಕೂಟವಾಗಿದ್ದು, ಜರ್ಮನಿಯಲ್ಲಿ ಆಯೋಜಿಸಲ್ಪಡುತ್ತದೆ. ಗೋವಾ ಟ್ರಾನ್ಸ್‌‌ ಇದರ ಪ್ರಮುಖ ಕೇಂದ್ರವಸ್ತುವಾಗಿದ್ದು, ಇದನ್ನು ಎಲ್ಲಾ ಗೋವಾ ಉತ್ಸವಗಳ ಮೂಲವಾಗಿ ಅದು ರೂಪಿಸುತ್ತದೆ.
• ಸ್ವಿಜರ್‌ಲೆಂಡ್‌: ಸ್ಟ್ರೀಟ್‌ ಪೆರೇಡ್‌ ಉತ್ಸವವು ವಿಶ್ವದ ಅತಿದೊಡ್ಡ ಇಲೆಕ್ಟ್ರಾನಿಕ್‌ ಸಂಗೀತ ಉತ್ಸವವಾಗಿದೆ (ಒಂದು ದಶಲಕ್ಷಕ್ಕಿಂತ ಹೆಚ್ಚು ಭೇಟಿಗಾರರು ವರ್ಷ ವರ್ಷವೂ ಈ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಾರೆ).
• ಆಸ್ಟ್ರೇಲಿಯಾ: ವಿಕ್ಟೋರಿಯಾದ ಬ್ಯಾಲರಟ್‌ನ ಕ್ರೈಯಾಲ್‌ ಕ್ಯಾಸಲ್‌ನಲ್ಲಿ ನಡೆಯುವ ಅಲ್ಟ್ರಾವುಡ್‌ ಅಂಡ್‌ ಯೂನಿವರ್ಸ್‌ ಉತ್ಸವವು ೧೨ ಗಂಟೆಗಳ ಸುದೀರ್ಘ ಅವಧಿಯ ಒಂದು ಕಾರ್ಯಕ್ರಮವಾಗಿದೆ. ಮುಖ್ಯವಾಗಿ ಕಠಿಣಶೈಲಿ, ಕಠಿಣ ನೃತ್ಯ ಹಾಗೂ ಕಠಿಣ ಟ್ರಾನ್ಸ್‌‌ ('ಹ್ಯಾಪಿ ಹಾರ್ಡ್‌ಕೋರ್‌' ಶೈಲಿಯನ್ನೂ ಇದು ಒಳಗೊಳ್ಳುತ್ತದೆ) ಕಾರ್ಯಕ್ರಮವನ್ನು ಒಳಗೊಳ್ಳುವ ಇದು, ಮಧ್ಯಯುಗದ ಒಂದು ಪ್ರತಿಕೃತಿಗೊಳಿಸಿದ ಕೋಟೆಯಲ್ಲಿ ಆಯೋಜಿಸಲ್ಪಡುತ್ತದೆ.
• ಜೋರ್ಡಾನ್‌ - ಮಧ್ಯಪ್ರಾಚ್ಯದ ಪ್ರನಾ ಪೆಟ್ರಾ ಫೆಸ್ಟಿವಲ್‌: ಇದು ಪೆಟ್ರಾ ಎಂಬ ಪುರಾತನ ನಗರದಲ್ಲಿ ನಡೆಯುವ ಟ್ರಾನ್ಸ್‌‌ ಕಾರ್ಯಕ್ರಮವೊಂದಕ್ಕೆ ಮೀಸಲಾದ ಒಂದು ವೈಭವಯುಕ್ತ ವ್ಯವಸ್ಥೆಯಾಗಿದ್ದು, ೨ ವರ್ಷಗಳ ಹಿಂದೆ DJ TIESTO ಎಲಿಮೆಂಟ್ಸ್‌ ಆಫ್‌ ಲೈಫ್‌ ಜೊತೆಯಲ್ಲಿ ನಡೆಯಿತು. ಹಲವಾರು ಸಾವಿರಾರು ಸಂಖ್ಯೆಯ ಸ್ವೇಚ್ಛಾಚಾರಿಗಳು ಈ ಬೃಹತ್‌ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು, ಪೆಟ್ರಾವನ್ನು ಹೊಸ ವಿಶ್ವದ ಅದ್ಭುತಗಳ ಪೈಕಿ ಒಂದರಂತೆ ಆಚರಿಸಿದರು.
• ಜೋರ್ಡಾನ್‌ - ಮಧ್ಯಪ್ರಾಚ್ಯದ ಡಿಸ್ಟಂಟ್‌ ಹೀಟ್‌ ಫೆಸ್ಟಿವಲ್‌: ಇದು ಒಂದು ವಾರ್ಷಿಕ ವಿದ್ಯುನ್ಮಾನ ನೃತ್ಯ ಉತ್ಸವವಾಗಿದ್ದು, ಭವ್ಯವಾದ ವಾಡಿ ರುಮ್‌‌‌ ಹಾಗೂ ಸಮುದ್ರತೀರದ ವಿಹಾರ ನಗರವಾದ ಅಕಾಬಾದಲ್ಲಿ ಇದು ಆಯೋಜಿಸಲ್ಪಡುತ್ತದೆ. ಜುಲೈ ೩೧ನೇ ಮತ್ತು ಆಗಸ್ಟ್‌ ೧ನೇ ತಾರೀಖುಗಳಂದು ನಡೆಯುವ ಈ ಉತ್ಸವವು ಎರಡು ದಿನಗಳ ಸಂಪೂರ್ಣ ಸಂತೋಷಕೂಟಕ್ಕೆ ಹೆಸರುವಾಸಿಯಾಗಿದೆ. ಜೋರ್ಡಾನ್‌, ಮಧ್ಯಪ್ರಾಚ್ಯ ಹಾಗೂ ವಿಶ್ವದೆಲ್ಲೆಡೆಯಿಂದ ಬರುವ DJಗಳು ಈ ಅನನ್ಯವಾದ ನೃತ್ಯ ಉತ್ಸವದಲ್ಲಿ ಭಾಗವಹಿಸುತ್ತಾರೆ. ಈ ಉತ್ಸವದಲ್ಲಿ ಪಾಲ್ಗೊಳ್ಳುವ ಕೆಲವೊಂದು ಪ್ರಸಿದ್ಧ ಕಲಾವಿದರಲ್ಲಿ ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌ ಮತ್ತು ಫೆರ್ರಿ ಕಾರ್ಸ್ಟನ್‌ ಸೇರಿದ್ದಾರೆ.
• ಭಾರತ: ಸನ್‌ಬರ್ನಿಂಗ್‌ ಫೆಸ್ಟಿವಲ್‌ ಎಂಬ ಉತ್ಸವವು ದಕ್ಷಿಣ ಏಷ್ಯಾದ ಮೊದಲ ಇಲೆಕ್ಟ್ರಾನಿಕ್‌ ಸಂಗೀತ ಉತ್ಸವವಾಗಿ ೨೦೦೭ರ ಡಿಸೆಂಬರ್‌ನಲ್ಲಿ ಪ್ರಾರಂಭವಾಯಿತು. ಕಾರ್ಲ್‌ ಕಾಕ್ಸ್‌ ಮತ್ತು ಜಾನ್‌ '೦೦' ಫ್ಲೆಮಿಂಗ್‌ರಂಥ ಘಟಾನುಘಟಿಗಳನ್ನು ಇದು ಒಳಗೊಂಡಿತ್ತು. ಭಾರತದ ಪಶ್ಚಿಮ ಕರಾವಳಿಯಲ್ಲಿರುವ ಗೋವಾದಲ್ಲಿನ ಸಮುದ್ರತೀರದಲ್ಲಿ ನೆಲೆಗೊಂಡ ಈ ಉತ್ಸವವು ಗೋವಾ ಟ್ರಾನ್ಸ್‌‌ನಲ್ಲಿ ತನ್ನ ಮೂಲಗಳನ್ನು ಹೊಂದಿದೆ. ಬಿಸಿಲುಕಂದಿನಿಂದ ಉಪಚರಿಸಲ್ಪಟ್ಟ ೫,೦೦೦ಕ್ಕೂ ಹೆಚ್ಚಿನ ಸಂಖ್ಯೆಯ ಇಲೆಕ್ಟ್ರೊ ಸಂಭ್ರಮ ವಿಲಾಸಿಗಳು, ೨೦೦೮ರ ಡಿಸೆಂಬರ್‌ನಲ್ಲಿ ಸಮುದ್ರತೀರದಲ್ಲಿ ನಡೆಯುವ ಮೂರು ದಿನಗಳ ಸಂತೋಷಕೂಟದಲ್ಲಿ ಪಾಲ್ಗೊಳ್ಳುತ್ತಾರೆ. ಮೊದಲ ವರ್ಷದ ಅವಧಿಯಲ್ಲಿ ಈ ಉತ್ಸವಕ್ಕೆ ಮುಕ್ತ ಪ್ರವೇಶವಿತ್ತು. ಆದರೆ ನಂತರದ ವರ್ಷಗಳ ಅವಧಿಯಲ್ಲಿ ಪ್ರವೇಶದ ಪಾಸುಗಳನ್ನು ಖರೀದಿಸಿ ಪಾಲ್ಗೊಳ್ಳುವುದನ್ನು ಕಡ್ಡಾಯಗೊಳಿಸಲಾಯಿತು. ೨೦೦೯ರ ಉತ್ಸವದಲ್ಲಿ ಆರ್ಮಿನ್‌ ವ್ಯಾನ್‌ ಬ್ಯೂರೆನ್‌, ರೋಜರ್‌ ಸ್ಯಾಂಚೆಜ್‌, ಮತ್ತು ಸ್ಯಾಂಡರ್‌ ವಾನ್‌ ಡೂರ್ನ್‌‌‌ರಂಥ ಘಟಾನುಘಟಿಗಳು ಪಾಲ್ಗೊಂಡಿದ್ದರು ಮತ್ತು ೧೫,೦೦೦ದಿಂದ ೧೮,೦೦೦ದವರೆಗಿನ ಸಂಖ್ಯೆಯಲ್ಲಿದ್ದ ಪ್ರೇಕ್ಷಕರು ಈ ಉತ್ಸವವನ್ನು ವರ್ಷದ ಇನ್ನೂ ಅತಿದೊಡ್ಡ ಆವೃತ್ತಿಯನ್ನಾಗಿಸಿದರು.

ಕಾನೂನು ಕಟ್ಟುಪಾಡುಗಳ ಕಾರಣದಿಂದಾಗಿ ಅನೇಕ ದೇಶಗಳಲ್ಲಿ ಇಂಥ ಉತ್ಸವಗಳ ಕೊರತೆಯಿದೆ. ಅನೇಕ ದೇಶಗಳಲ್ಲಿ, ಅದರಲ್ಲೂ ಗಮನಾರ್ಹವಾಗಿ ಫ್ರಾನ್ಸ್‌ನಲ್ಲಿರುವ ಸಾರ್ವಜನಿಕ ಕಾನೂನು ಕಟ್ಟಳೆಯ ಇಲಾಖೆಗಳು, ಮಾದಕವಸ್ತು ಸಂಬಂಧಿತ ವಿವಾದಾಂಶಗಳ ಕುರಿತು ಅರಿತಿದ್ದ ಕಾರಣದಿಂದಾಗಿ ಟೆಕ್ನೊ ಸಂಗೀತ ಮತ್ತು ಟ್ರಾನ್ಸ್‌‌ ಕಾರ್ಯಕ್ರಮಗಳಿಗೆ ಪರವಾನಗಿಗಳನ್ನು ನೀಡುವುದಕ್ಕೆ ಮನಸ್ಸು ಮಾಡುತ್ತಿಲ್ಲ. ಹಿಂದೆ, ID&T ಸಂಘಟನೆಯು ತನ್ನ ಕಾರ್ಯಚಟುವಟಿಕೆಗಳನ್ನು ವಿಸ್ತರಿಸಿಕೊಂಡು ಬಂದಿತ್ತು ಮತ್ತು ಬೆಲ್ಜಿಯಂ ಹಾಗೂ ಜರ್ಮನಿಯಲ್ಲಿ ಉತ್ಸವಗಳನ್ನು ಸಂಘಟಿಸಲು ಶುರುಮಾಡಿತು. ಸದರಿ ಉತ್ಸವಗಳು ಈ ದೇಶಗಳಲ್ಲಿ ಅತ್ಯಂತ ಜನಪ್ರಿಯತೆಯನ್ನು ಪಡೆದಿದ್ದವು. ತೀರಾ ಇತ್ತೀಚೆಗೆ (೨೦೦೮) ID&T ಸಂಘಟನೆಯು ಚಿಲಿ, ಚೀನಾ, ಪೋಲೆಂಡ್‌, ಝೆಕ್‌ ಗಣರಾಜ್ಯ, ದುಬೈ ಹಾಗೂ ಇನ್ನೂ ಅನೇಕ ಕಡೆಗಳಲ್ಲಿ 'ಸೆನ್ಸೇಷನ್‌ ವರ್ಲ್ಡ್‌ ಟೂರ್‌'‌ನ್ನು ಕೈಗೊಳ್ಳಲು ಯೋಜಿಸುತ್ತಿದೆ. ಸೆನ್ಸೇಷನ್‌ ವೈಟ್‌ ಎಂಬುದು ಕಾರ್ಯಕ್ರಮವನ್ನು ಸುತ್ತುವರೆದಿರುವ ಪ್ರದರ್ಶನ ಹಾಗೂ ಪ್ರಸ್ತುತಿಗಳಿಗೆ ಸಂಬಂಧಿಸಿದ್ದರೆ, ID&Tಯ ಟ್ರಾನ್ಸ್‌‌ ಎನರ್ಜಿಯು DJಗಳನ್ನು ಕುರಿತದ್ದಾಗಿದೆ.ಸೆನ್ಸೇಷನ್‌ ವೈಟ್‌ & ಬ್ಲ್ಯಾಕ್‌ ಕುರಿತಾದ ವಿವರಗಳನ್ನು ಟ್ರಾನ್ಸ್‌‌ ಎಲಿಮೆಂಟ್ಸ್‌ ಮತ್ತು ಈ ಜಾಗತಿಕ ವಿದ್ಯಮಾನದ ಭವಿಷ್ಯದ ಯೋಜನೆಯ ಕುರಿತು ಚರ್ಚಿಸುತ್ತದೆ.

ಬಾಹ್ಯ ಕೊಂಡಿಗಳು

• ಟ್ರಾನ್ಸ್‌‌ Wiki Archived 2010-02-09 ವೇಬ್ಯಾಕ್ ಮೆಷಿನ್ ನಲ್ಲಿ.
• Argentum. ""Trance music. A definition of genre."". Moodbook.com.